|
|
|
|
30-06-2007, 11:55 PM
|
#1 |
|
مراقب الضحك والفرفشة
 
|
☼°ميدو مشاكل يوميات حياة شاب فرعونى كووول ☼°
  .gif) يوم عادى فى حياة (ميدو مشاكل) الخادمه : اصحى يا (ميدو مشاكل) المزولة بقت 9 .....انت مش رايح المعبد يابنى (ميدو مشاكل) يتثاءب فى كسل هوه كل يوم معبد معبد .gif) امتى بقى يا رب تتوب علينا من الدراسة وقرفها الخادمه: معلش يابنى كلها لفتين للأرض حوالين الشمس وتبقى امنحتب قد الدنيا .......يسمع من بقك ربنا يستحم (ميدو مشاكل) من النيل ثم فجأة يصرخ :انتوا ياحماعة ياللى فى منف الميه شوية ال صا-بون دخل فى عينى (مشاكل فرعونية يومية) ثم يفطر ويتعطر من زجاجة اللوتس (اللى حبيبته ري هام جابتهاله آخر مرة الشمس تعامدت على بيتهم) يأخذ (ميدو مشاكل) شاكوش و أجنة و يذهب الى المعبد (ميدو مشاكل): صباح الخير يا شا-ويش(حارس المعبد) صباح النور الكاهن جه ولا لسه يعنى مانتاش شايف العجلة الحربية بتاعته راكنة قدامك اهى آه صحيح........استر يارع يدخل المعبد _اللى كان طبعآ على شكل هرم_بعد لما الكاهن طهقه (ميدو مشاكل): حد معاه صخرة زيادة يا جماعة الكاهن:يعنى جاى متأخر وكمان ممعاكش صخرة (ميدو مشاكل):معلش يا كاهن أصل الجبل اللى جبته فى أول الدراسة خلص الكاهن:ياسيدى انقش على ضهره...داحنا لما كنا طلبة كنا بننقش على زلط ونذاكر على ضوء الشهب ثم يلتفت الى باقى الفراعنة .... المهم:انا كنت الاستشارى بتاع الهرم الوسطانى بتاع الملك خفرع طال عمره الطلبة فى صوت واحد:آمووووووووون ينتهى الدرس ويكون أول الخارجين(ميدو مشاكل) بعد ما نقش اسمه على الحيطة بتاعت الغياب ويتعمد المرور من امام كهف (ري هام)فى طريق عودته ويحدفها بطوبة مكتوب عليها كلام حب وبتاع ......... يفاجأ (ميدو مشاكل)وهو ماشى بعشرة شباب فراعنة زى الفل شايلين صخرة مستطيلة كبيييرة (ميدو مشاكل):ايه النظام واخدين الهارد و رايحين على فين الشباب:رايحين عند (رأ-فت)عندو كام فيلم هكسوسى بس فى التمام -(ميدو ):طب استنوا انا جاى معاكوا واد فرعونى صغير بيجرى بيزعق :اى-من...اى-من خير من يحكم الفراعنااااااااااااااااه يلا ياجدعاااااااااااان ويوزع عليهم كل واحد حتة بردى مرسوم عليها صرصار احد الشباب-كان ابوه وزير قبل توحيد القطرين-:منك لله يا مينا .أشوف فيك يوووم (ميدو مشاكل)محدش له قريب فاتح محل جعرانات ياجماعة؟؟؟ أصل انا زهقت من الجعران بتاعى وعايز اجيب جعران بكاميرا  -ياعم شوف حد معرفة يكون عايش فى آشور ولا بابل يبعتلك جعران مانزلش طيبة قبل كده و برخص التراب انتظروني (( الجزء الثاني)) 
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
العرض الشجري