{{{ رحـــــلة أوجـــاعــي }}}

[سلطان المحبه]

السلام عليكم ورحمة الله وبركـاته

(( حوار مـــــــع البحــــــــــر))
بــلا مقدمات القصيده تحكي مابداخلــها....اترككم معها....

	أنـا يابحر ماجيتك فضى ولمشاهدك شفقان.. أنـا جيتك أبنسى الياس وبعض هم ٍ يباريني على جالك انا جالس أسامر موجك الغضبان.. أسولفله عن اوجاعي عناي وغربة سنيني علامك يابحر ساكت علامك ؟ تصرخ بكتمان.. انا جيتك أبشكيلك وابي منك تواسينـــي أنا مثلك بحر لكن وسط نفسي انا غرقان... تعبت ابحر مع نفسي وأسألها انا وينـــــي؟؟ أنـا محتار في وضعي ومع نفسي انا حيران.. أنا لاقادر افهمـها وهي تجهل مضامينـي أنـا مليت من حزني تعبت ابحث عن السلوان.. ولاظنيت به شي ٍ عن احزاني يسليني أحس ان الحزن عالم وبحور وصحره ووديان.. وتخيل يابحر حجمـه اذا كله سكن فيني وتصور لو شقى الدنيا تجمع في كيان انسان.. وتصدق مابقى بالكون اســى مابات في عيني ترى كل الحزن لو غاب وراح لأخر الاوطان... يغيب ويرتحل لحظات ويرجع يستقر فيني أنـا اخر فصول الحزن وانا لدروبه العنوان.. وانا اخر عزوفاته واصواته تغنيــــــني أنا والليــــــل والغـــربه تـعانقنـا مثل اخوان.. لليلي كل اهــاتي وللغــربه عناوينــي تعبت أسقي ثرى احلامي وازرع بالوهم بستان.. تعبت ولانبت زرعي وتعب جفت بساتيني جحدني حظي الحاثر رماني بعالم الحرمان.. جحدني ولاقدر مره على الفرحه يرسينــي ألا يابحر جاوب ؟ وش اخر هذي الاحزان ؟.. وش أخر رحلــة اوجاعي وعناي وغربة سنيني

.......................... خـــالـد العنـــــــــــزي............................. وسلامتكم


ولــد اخووه : سلطان المحبــه ..