$$$ البرج فى الدرج $$$

[@@ميكى@@]

السلام عليكمم ورحمة اللة وبركاتة
بسم اللة الرحمن الرحيم


البرج فى الدرج

لو كل واحد فى الهوى يرضى بنصيبة 0000 دة كلام جورج افندى وسوف


اما كلامنا احنا لو كل واحد محترم يفضل محترم ويرضى بالى قسمة لةربنا ماكانش يبهدل نفسة ويعرضها الاهانة

والتلطيش فى الاقسام والسجون تلطيش بس اذا اسعدة الحظ ولم ير وجة فرج اخينا بتاع ((الكرنك))
هذة المساحة تساعدك على ان تمسك على احترامك او تروح فى داهية وتريحنا


رجل التور :_ ليك اهتمام عالى بالموسيقى سيظهر بقوة خلال هذا العام وهتلاقى نفسك مش على بعضك وطول الوقت بتغنى وترقص اشى قديم واشى جديد والسبب هو دخول فينوس فى مدارك ودة هيخلى معظم اهتمامك الموسيقة الرومانسية على كل حال انت موهوب فى المجال دى بل انك لو رجعت لتاريخ العيلى الكريمة هتلاقى انك اساسا من سلالة موسيقية حيث يرجع تاريخ اسرتك الى احد اهم عازفى الربابة الجائلين وكان بيلف فى البلاد يشحت العيش وفقا لاتفاقية العزف مقابل الغداء ويقال ان كان ليك جدة بتلف فى الموالد وبتشتغل رعاشة لكن احزر من جنون الفن لانك معرض فلكيا لعلقة سخنة من الجمهور ولو فكرت تغنى قدام الناس خصوصا جيرانكوا



امراة الجوزاء :_ انت شخصية مستقلة ولا تبالين باراء الاخرين واولهم المحروس جوزك ال حالة يصعب على الكافر بسبب شعار انا حرة الى سعدتك ماسكة وخصوصا لما رجع الاسبوع الا فات ولقى راجل غريب وقوتلية انة صديق من ايام الدراسة وكمان لما غيبتى برا البيت يومين ورجعغتى قوتيلة انا كنت فى حفلة تنكرية فى الصحرا
الفلك بيقولك لازم تخلى بالك شوية لان زحل داخل مدارك ودة معناة انة ممكن يبدا يزعل جوزك زعل وحش جدا يعنى ممكن لو رجع تانى ولقة حد غريب فى البيت
ينام من غير عشاااا سيعود شخص كان لة اثر كبير فى حياتك من السفر وهايرجع يكلمك وهتفتكرى ايام زمان وهيسالك اتصرفتى ازى بعد ما سافر


فتاة السرطان :_ شهر فبراير بالنسبة لك هو شهر ضايع وبلا عمل لكن المسائل هاتفك شوية مع الربيع قبل ما يرجع الصيف ويهل الشغل على ودنة هاتحسى بمشاعر غريبة ناحية المدهول علبى عينة عبدة سواق التاكسى وهاتفكرى فى انك ازى ماخدتش رغم انة كان معكى وقدمك فى شارع الجامعة وعلى فكرة الواد عبدة بيحبك ومعندوش مانع انة يكتب عليكى وتفضلى فى الكار وكمان عندة افكار لتطوير الشغلانة وتقديم خدمات جديدة

الفلك بيقول ان انتوا الاتنين ولاد حلال وممكن لو اتجوزتوا تخلفوا جيل يخربها


طفل الاسد :_ انت طفل مشاغب بطبعتك وحشرى ورخم وغاوى تحط منخيرك فى الا ليك والا ملكشى فية وطبعا دة هيعرضك لمشاكل انت مش قدها واحسنلك تحترم نفسك وتخليك فى حالك
خصوصا ان فتحى خطيب اختك ناويلك على نية سودة بسبب حشريتك والفلوس الا عمال تاخدها منة على كل زيارة يجيها واهلك مسافرين وسيبنك انت واختك وبعدين هو فضل ساكت ومستحمل لغاية سعدتك ما رفعت اجرك وقال اى الاسعار غليت والبنزين معرفشى مالة وخلى بالك انت مش زكى لانة خلاص المفروض انة هيتجوزها اختك الشهر الجاى وناوى ينفضلك وطبعا انتة الجوزة دى هتقف عليك بخسارة بعد ما كنت بتبجح فى كل خروجة وكل زيارة

[كـألتشينوٍوٍ]

ههههههههههههههههههههههههه

احلى مافى الموضوع اسمــه بصراحه يا ميكوووو الموضوع حلوووو اووووى ومايجيش غير من ايديكى يا عسل

تقبلى مـرورى
كالتشينو

[لحظات تفكير]

مشكوره ميكي علي الابرااج
وكان في زي كده برنامج لبناني بيقول البرج بس بهزاار كله
شكرا ميكو
تقبلي مروري

[@@ميكى@@]

ميرسى كالتشينو على المرور

[@@ميكى@@]

ميرسى لحظات على المرور الجميل دة