الله يامجمل سواليف الاطفال @@

[نقاء@@]

هذه الكلمات اعجبتني ...وحبيت انقلها لكم ....
شووفوا معي بساطة الكلمات وقوة المعاني فيها
....بسم الله نبدأ
عهدي بها قدام تلبس عبايه
وانا بعد قبل البس شماغ وعقال
طفلين نتهجى حروف الكتابة
الله يامجمل سواليف الاطفال ..
كانت لنا في كل شارع حكاية ..
وكنا نقول علوم ماهيب تنقال ..
وكنت اتقاسمم مامعها معايه
من ((عسكريم))توت لل(علك)) ابو ريال
وكانت عكسي شاطرة بالقراية
تقراء جز عم وطه والانفال ..
وانا لك الله من مواري غبايه
مدري ابو نقطة هو الذال او الدال!!
وكانت لابويه تشتكي من شقايه
وتعلمه كيف اربط الباب بحبال
وياما على ظهري كسر عصاية ..
يقول لي خلك وانا ابوك رجال ..
وامي تقول ادع لولدك الهداية
خوفي يصيبه كثرة الضرب بهبال
..لاشفتها مع اول الدرب جاية
مادري انا اللي ملت ولا الوطا مال
احس قلبي يرتجف في حشايه
ماكنه الا الضيف لاهز فنجال ..
ياما عن العوى تخبت ورايا
لاخوفوها فيه ثم شافت ظلال
تقول خلك ياتركي معايه
واستانس العب عندها دور الابطال ..
واغار حتى من عيون اصدقايه ..
لاطالعوها قلت تكفووووووون ياعيال ..
وسلامتكم ....هذه هي اللي عجبتني وش رايكم فيها ؟؟؟

[ملاكي الوحيد]

ههههه
وكنت اتقاسمم مامعها معايه
من ((عسكريم))توت لل(علك)) ابو ريال
..
وربي ضحكت من هالبيتين ....
مشكورة نقاء قلبي وربي ذكرت ايام طفولتنا
ماقصرتي
اختك ملاكي

[حـ الذكريات ـلو]

واغار حتى من عيون اصدقايه
************* لاطالعوها قلت تكفون ياعيال

الله الله الله
قصيده رائعه رائعه رائعه
بكل ما تحملها هذه الكلمه
يسلم لنا ذوقك
وحسن اختيارك
ذوق رفيع مشاء الله
تقبلي تحياتي

[نقاء@@]

ملاكي
كنت متأكدة ان هذا البيت سيذكرك الكثير ..واقولك
:::
((كم من الاماني رسمنا بمهد الطفولة ))
مشكورة حبيبتي على مرورك وتواصلك اللي يسعدني

البجادي
اشكرك اخوي على مرورك واعطاءي رايك وهذا شي اعتز فيه ...
مانحرم من تواصلك يارب

[ايرانية ونعم]

رئعة كتييييير

مشكورة يا نقاء كثييير حلوة