|
|
|
|
|
|||||||
 |
|
|
أدوات الموضوع | انواع عرض الموضوع |
|
|
19-03-2007, 09:10 PM
|
#1 |
|
(حلا فعّال)
 
|
مشاركة: غرور وكبرياء ( قصة سعودية ) لا تفوتكم روعه تهبل **صدقوني ما راح تندمون**
Ok
أنا راح أستسلم وأحط جزء وسامحيني يا احساس رسامة أني ما نزلت الجزء اللي وراه والله أنج تستاهلين اللي يحط لج قصص ويكمل لج الأجزاء أنتي وملاك الحزن وكل اللي رد علي وبيرد في الأجزاء الياية ............ تحياتي : الرتاج |
|
|
|
|
|
19-03-2007, 09:23 PM
|
#2 |
|
(حلا فعّال)
|
مشاركة: غرور وكبرياء ( قصة سعودية ) لا تفوتكم روعه تهبل **صدقوني ما راح تندمون**
لعيون أعضاء حلا كلهم أحلى قصة وهذا الجزء.....
الجزء الثاني عشر في بيت أبو عبير كانت أم عبير جالسه في الصالة تكلم أم راشد .....وكانوا ريم ورنا جالسين معها. أم عبير: إيه طيب وش سوا....هووو طلقها وبنته ...إيه ما صار إلا الخير...بس أهم شي انتم لاتزعلون منه....هذا مهما كان ولدك.. كملت أم عبير مكالمتها مع أم ر اشد .. وفي الوقت اللي هي تكلم أم راشد فيه كانوا ريم ورنا جالسين يسمعون أمهم .. رنا : أقول ريم منو هذا اللي طلق حرمته .. ريم : والله مدري .. بس هاذي خالتي ... رنا : بس خالتي ما عندها تزوج إلا راشد .. ريم تشهق : الله يستر بس ما يصير راشد طلق عبير ... رنا : تستهبلين أنتي ما تسمعين أمي تقول وبنته ...راشد وعبير ما عندهم بنت .. ريم : والله ما ادري ..بس شكل السالفة خطيرة .. شوفي تعابير وجه أمي .. الله يستر .. رنا : تدرين يا ريم قلبي يدق بسرعة .. والله خفت ما ادري ليش.. ريم: أقول فكينا من فلسفتك وأحاسيسك اللي مالها داعي .... رنا: ............... ريم : اقول رنا وري ما نروح السوق .. رنا : وش يودينا ... ريم : نروح نقضي للجامعة .. رنا: تستخفين دمك أنتي ... ريم : ليش .. رنا : الجامعة بقي عليها شهرين وأنتي بتقضين من الحين.. ريم : أحسن عشان نريح .. ما نضغط على أنفسنا في نهاية العطلة .. رنا أية بعدين .. أنا الحين بالي مشغول بالسالفة.. اللي توقلها أمي.. ريم : شوفي أمي سكرت السماعة .. رنا : ريموه يا لله اسأليها.. ريم : وليش ما تسألينها أنتي .. رنا : يله ريموه عن المصاله اسأليها أنتي.. ريم: طيب ( وتعلي صوتها ) يمه .. أم عبير : نعم .. ريم : منوا هذا اللي طلق زوجته .. أم عبير : هذا مشعل ولد خالتك .. رنا وقف قلبها .. ريم :ههههههههههههههههيمه تكفين هههههههههههه وشلون ومشعل ما تزوج هههههههههههه ام عبير: ايه اضحكي...بلاك ماتدرين وش صار.. رنا وهي خلاص ماتقدر تستحمل: ليش يمه وش صار... ام عبير :مشعل طلع متزوج بالسر وعنده بنت ريم : طيب..شلون يعني الحين طلق زوجته ام عبير :ايه طلقها وجاب بنته معه عند أهله......وبكره بنروح لبيت خالتكم.. رنا خلاص ما تقدر تشوف من الدموع في عينها فأقامت عشان ما يحسون فيها أمها وريم... أم عبير: وين يا رنا رنا: راسي مصدع..بروح أنوم... ورقت فوق ريم حست على رنا ..لأنها عارفه عن الحب الكبير اللي في قلب رنا لمشعل _------------------------------ فواز: يله شباب ترى بندخل فلم هندي.. خالد: ايه هذا الناقص.. فواز:والله حلو....كل شي فيه الحب والكومييدياء والاكشن.. مشاري : أنا خبري بك ما تحب إلا فلام الهندية .. فواز : الصراحة عندي فضول أبي أشوف البنات ليش إذا شافوه يصيحون ... وليد : صاحي أنت بدخلنا فلم هندي.. خالد: إلا قرف وخياس وصخ .. مشاري : إيه والله يا خالد أنا معك قرف وخياس وصخ.. سعد : والله عاد اللي أنا اعرفه إن حريمهم زيون.. خالد :أعوذ با لله ما عمري شفت هندية زينه .. تركي : لا والله إلا عليهم عيون وشعور تهبل .. فواز: ايه والله وأنت الصادق ... وليد : الحين مهوب انت تقول ما قد شفت فلم هندي ..وشلون تقول حريمهم زيون... فواز : مهوب معناه أني ماشوف يعني ما عرف يا خي الزيين واضح .. خالد: تكفي يا ابو الزين انت .... وظلو على ها الحال يدخلون او مايدخلون لحد ما اقنعهم فواز بعد طلعو الروح ..وهم في صاله العرض قبل ما يبدا الفلم ..وكانو جالسين سعد وجبه خالد بدين فواز وبد مشاري وبعد وليد وبعدة تركي .. وليد : والله على اخر عمري اشوف فلم هندي .. فواز : يا اخي مهيب ضارتك ساعتين من عمرك ... خالد : اقول اسكت بدا الفلم خلنا نشوف وش اخرتها معك ..... وبدا الفلم ومشت الاحداث واللي كانوا رافضين الفلم .. خالد و وليد.. هم اكثر اثنين تحمسوا .. وتركي وسعد و تحمسوا بس مو زي خالد و وليد اللي وصلوا اقصى درجات التحمس .. اما الثنائي المرح .. الفلم صاير عندهم كميدي بس يضحكون وطبعا جات مشاهد رومنسيه الكل متحمس في الصاله الكل عيونهم على الشاشه الا فواز و مشاري اللي ظلوا يضحكون بصوت عالي مره وطبعا الناس عيونهم صارت على فواز و مشاري بدل ما تكون على الشاشه ...بس اكيد خالد ما خلاهم و هزئهم انهم خربوا عليهم ... وحاولو مشاري و فواز يكتمون ضحكهم عشان ما تزود عصبيه خالد و كملوا الفلم ولما وصلوا لنهايه الفلم اللي يكون فيه البطل و البطله منحاشين مع بعض وبلقاهم ابو البطله وبيخلي عصابته يضربون البطل .. في المقطع اللي اول مابدوا يطقون البطل ... وقف فواز.. فواز وهو يصرخ يتمصخر يبي ينرفزهم : يــا حـمـار .. استح على وجهك بنتك تحبه ... وعلى طول مشاري وخالد اسحبوه وجلسوه .. خالد وهو معصب : اقعد فشلتنا الله يقطعك .. وليد: لا لا خلاص انا صراحه ما عاد اقدر اقعد وجهي طاح في الارض ... فواز : والله طاح لقطه لقطه .... خالد : اقول بس قوموا نطلع ... فواز : وش فيكم يا جماعه ما صار شي رلاكس الفلم حلووو.... وبعدين خلونا نعبر عن آداءنا و انفعالاتنا .... مشاري : عبر يا اخي بكيفك صح اضحك بستوقف تصارخ ... فواز وهو يخبط مشاريو بهمس له : اقول خلك معي ابي انرفزهم ... مشاري : بس ما طلبت ... وليد : اقول قوموا انا تراني طالع ... انتم كيفكم .. مشاري : اقول اقعد يا شيخ .. هو ما سوى شي عبر عن انفعالاته و احاسيسه ... وكملواالفلم اللي كان في النهايه ... ورفع فواز رجله و تربع على الكرسي ... فواز وهو مسوي نفسه متحمس وبيصيح : يا عمري عليهم تزوجوا ... وخلص الفلم ووقف فواز ورجع يصرخ مره ثانيه : حرام عليكم يوم نتحمس خلصوا الفلم ... وعلى طول امسكوه الشباب وطلعوه برى وهو ميت من الضحك.... تركي : وبعدين معك على ذا الحركات بجد فشلتنا فواز : ههههههههههههههههههه خالد : وتضحك انت وشكلك ... مشاري : حرام عليكم هو ما سوى شي هو تحمس مع الفلم ويبي ما بعد النهايه ... وليد : يعني تبي تفهمني انك متحمس مع الفلم .. فواز :حرام عليكم ..ز انا كنت في قمت حماسي ... الضحك وضحكت والصياح وصحت والصراخ وصارخت .. خالد : انا توبه ادخل معك سينما الا وش سينما توبه اسافر معك ... في كل مكان مفشلنا رنا كانت في غرفتها تتحسر على حبها اللي ضاع من اربع سنين وتوها تكتشف ((ليه يا مشعل؟ لييه؟؟ انا وش سويت ..وش ذنبي اني حبيتك ؟؟.. (حبيتك!!)الاحبيت كل شي فيك ..حبيت مشعل ولد خالتي اللي حبيته وانا بنت مراهقه ..بنت الـ 15 سنه ..حبيتك من كل قلبي وجيت اليوم ومعك بنت؟؟ ..ومن اربع سنين ؟لييييييييييه ؟؟لييه ؟؟يا مشعل؟؟؟؟؟ يا رب ليه انا حظي كذا نحس؟ ..ليه الشخص الوحيد اللي حبيته ..اللي فكرت فيه ليل ونها ر..نايمه وصاحيه..يروح مني اللي كنت احلم انه يكون زوجي والبنت اللي معك تمنيت انها تكون بنتي وبنتك...)) وراحت للملجأ الوحيد لصديقها اللي يتحمل كل شكواها ..اللي اخذ مني ولا يعطيني راحت لدفترها اللي راح يريحها شوي او يخفف عنها وكتبت.............. وتساقطت امالي سحابات من الحزن مرت لتدمر كياني.. ذبلت ازهار حب غرستها باشواقي ولم تخضر بساتيني.. انتظرت نورك في عتمت اللي لتشعل شموع الذكريات .. ظللت ابحث عنك في مسافات الحياه حتى رايتك في خيالاتي. اشتقت لحنانك ..وابتسامتك .. ولكن . ضاعت الاحلام في دروبي.. وغرقت كل الحروف في عبراتي. تساقطت امال كاوراق الخريف تحاصرني امواج الذكريات .. ويتوه الامل في ردهات الياس تبتل اوراقي بدموع الفراق وتبقى حبا نابضا بقلبي. في بيت ابو راشد بعد ما مر يوم على سالفه مشعل يبي يتجاوب مع اهله ويعدل الجو العصر ام راشد كانت جالسه قدام التلفزيون حاطه قناة العربيه تتابع الاسهم مشعل بسخريه : الا اقول يا ام راشد وش اخبار السوق ام راشد : وش سوقه .. مشعل : هووو يمه سوق الاسهم ... ام راشد : أيــــه مخضر السوق اليوم ماتشوفه ... مشعل : هاه عساك بتبيعينها .. ام راشد :لا بخليها لين ترتفع زياده .. مشعل :اعوذ بالله من طمع الحريم ام راشد : اشوف السوق فيه امل يرتفع وتبيني ابيع مشعل : تشوفينه مرتفع ولا تبيعين ..خلك بعد شوي بينزل وتندمين ام راشد: اذا شفته بادي ينزل قلت لك تبيعها مشعل : ومحفظتك وش صار عليها ؟ ام راشد :والله توني سائله عنها ومرتفعه الحمد لله مشعل : بسم الله توني من يومين سالتك تقولين نازله وش رعفها .؟ ام راشد: انا ام راشد داخله محفظه وتبيها تبتل نازله ؟ مشعل : احلى يالثقه ام راشد: اقول خلك من اسهمي ومحافظي وقل لي بنتك وينها فيه؟ مشعل: فوق تلعب مع عبود ام راشد: الحين نجلاء من بيجيبها ؟ مشعل : ليش نجلاء متى بتجي؟ ام راشد: بتجي بعد يومين مشعل: طيب وش المشكله مشاري بيجيبها ام راشد: هووو مشاري مسافر مشعل : لا مشاري بيجي بعد بكره ام راشد: هوو وش بيرجعه ما بعد كملوا اسبوع؟ مشعل : ربعهم خلصت اجازتهم ..وقالوا فواز ومشاري مناب جالسين لحالنا ام راشد: اقول مشعل ابيك توديني بعد شوي للسوق مشعل: ان شاء الله بس موب الحين بعد العشا ام راشد : لا بعد العشاء بتجي خالتك مشعل : وبناتها بيجون؟ ام راشد: والله مدري مشعل: طيب يا ريمووه خلك ما تجين ام راشد: وانت وش عليك منها ؟ مشعل : اخوها بعد .. وش وشعلي منها ام راشد : طيب وش تبي بها ؟ مشعل: ابيها تستحي على وجهها وتجي تسلم على بنت اخوها ام راشد: كيفك انت واياها انا مالي دخل فيكم مشعل :اكيدد بدق عليها واتفاهم انا واياها ام راشد : كيفك كلمها ...انا بروح اشوف بنتك في الشقه الساعه 1 الظهر طبعا الشباب ضحك وهبال ومقالب الله لا يوريكم .... مشاري كان في الحمام ياخذ شاور طبعا شقتهم اللي هم فيها ما فيها الا حمامين واحد فيه مشاري والثاني تركي وتركي بعد ياخذ شاور مشاري بطبيعته يخاف من ابوه او بالاحرى يحترمه كثر ولان الشباب اللي برا يبون يطلعونه فما درا الا احد يخبط عليه الحمام بقوه مشاري: خيييييييييييييييييير فواز : اطلع بسرعه مشاري : منيب توني داخل اصبر ياخي سعد : ابوك يدق على جوالك مشاري وهو ما يدري وش يسوي: هاه متاكد انه ابوي؟ فواز : ايه يعني ما اعرف رقم عمي ؟ .. بعدين انت كاتب الوالد على طوول اسرع مشاري ولف المنشفه على خصره حتى ما امداه يلبس روبه لان جسمه كله صابون ..وطلع وشعره كان كله شامبو ونازل على جسمه الشمبو .. وما امداه يطلع الا فواز دخل الحمام وقفل الباب .. وميت ضحك سعد اللي راح فواز وتركه في ذا الورطه انحاش(هرب) عرف مشاري انه واحد من مقالبهم السخيفه وراح يلحقه وهو ماسك منشفته طبعا خالد ووليد فاطسين من الضحك على اشكالهم وعلى المقلب مشاري: ها يا سعيدان كذا تسوي فيني؟انت وذا الخبل النصاب اللي معك فواز وهو داخل الحمام : لو سمحت يا اخ مشاري منيب خبل ولانيب نصاب هاهاهاهااااااااي مشاري يناظر سعد وعيونه كلها شر سعد: والله هذي فكره فواز هاهااي مهوب انا هاهاي مشاري : وانت غبي والا ثور تسمع كلامه ؟ سعد : لا والله هو طلب مني المساعده وانا رقبتي سداده في هذي الامور كريم الجميع : هههههههههههههههههههههههه مشاري : تشوف انت واياه اوريكم بعد ما جهزوا كلهم قرروا انهم يطلعون يتغدون فراحوا مطعم صدف الايراني وهم جالسين .... فواز : شباب وش رايكم نروح المدينه الترفيهيه عقب الغدا على الاقل نخفف تركي : والله فكره من زمان ما لعابنا خالد : خلنا نسترجع ايام الطفوله وليد : لاااه عز الله انهبلتوا الظاهر اني جاي مع بزران فواز : هي هي انت عشانك اكبرنا مسوي فيها كبير وثقيل سعد : عاد وليد طالبك لا تصير كذا خلنا نستانس وليد :انا قايل لكم لا ؟؟ استانسوا بس نا منيب رايح معكم ((خذا في خاطره من كلام فوزا)) فواز حس بهالشي : افا يا بو خالد نا نقدر نخطي خطوه بدونك ؟ الجميع: وليييييييييد وليد : خلا ص طيب اروح معكم بس ما نطول تركي وفواز : اكييد فواز : يمدحون المدينه الترفيهيه اللي في مركز السيتي سنتر مشاري اللي كان قاعد يتفرج على الوضع غمز لفواز مشاري: لا نبي مدينه مدهش للاطفال فواز فهم قصده وانهم يبون يلعبون باعصاب وليد فواز : ايه وانت الصادق وليد يناظرهم الثنين ويرفع عيونه لفوق وكانه يقول(الحمد لله والشكر): اشوا انكم قلتوها ""للاطفاال"" الشرهه مهيب عليكم الشرهه علي انا اللي قاعد معكم الكل : هههههههههههههههههههههه تركي يضحك : اقعد يا رجال ماعليك منهم يعني ماتعرف سوالفهم ؟ وبعد ما خلصوا من الغدى والضحك والهبال راحوا للمدينه الترفيهيه وهم جالسين يتمشون فيها راحوا يشترون تذاكر فواز: انا بحتريكم هنا سعد تجلس معي؟ سعد : اوكي خالد : براحتكم جلسوا على احد الكراسي ... وفيه بنتين وراهم لابسين عبايات ومتنقبات ... يوم شافوا فواز وسعد انتبهوا عليهم فواز وسعد كانوا قريبين منهم الاولى بهمس: شوفي ذا الزين(تقصد فواز) همست الثانيه وتوها بترد على خويتها فواز يلتفت عليهم : داري اني زييييييييين سعد : هههههههااااااااااااااااااااي في هاللحظه جو الباقين معهم التذاكر .. وراحوا عند لعبه (الصاروخ) وطبعا حاولوا في وليد ليين وافق يعلب ...اشتغلت اللعبه ومادروا الا وهم في السما .. وليد بصوت واحد خايف يصرخ في المصري اللي يشغل اللعبه : يا مصري قرييح وقفها اااااااه يا تسبدي تسبداااااه تركي وهو يضحك : وش فيك ؟ وليد باستهزاء: لا ابد سلامتك ..وقفهااااا وقفها يالحيوان (وهو حاقد عليهم) الله لا يوفقكم ابي ارجع ابي ارجع يا تسبدي تسبداه ابي الرياض الكل : ههههههههههههههههههههه(ميتين من الضحك) بعد ما وقفت وتاكد وليد انه على سطح الارض فواز: وش رايك في اللعبه حلوه صح ؟ اصلا داري انك بتقول حلوه وان ذوقي ... قاطعه وليد : حلوه وان .......بـــــــــــس حلوه فعينك يا الجنط الكل : هههههههههههههههههههههههههههههه سعد : ابي ايس كريم وليد وهو يلتفت لخالد : خذ هاه قايل لك اني جاي مع بزارين..اقول حبايبي ماودكم نصور مع بنك بانثر ؟ خالد يضحك : هاهاهاااااااااي الكل : ههههههههههههههه مشاري: تصدق فكره يالله شباب تعالوا نصور وراحوا كلهم يصورون ووراهم وليد وهم يمشون .. لقوا واحد مسوي نفسه اطول رجل في العالم واقف على خشبتين طوال ولابس بدله فوشيه وقبعه وجزمه وشال اصفر ...صوروا معه ووليد يتحمد عليهم مر جنبهم شاب سعودي قال: طيحووووه طيحووه فواز بدون شعور وعلى باله انه قد التحدي سحب الشال من الرجل العملاق واشوا انه ما خمع على خشته قام العملاق يلحقهم وليد ما كان يدري وش السالفه التفت لقا ربعه ينحاشون والعملاق يلحقهم ووصل عنده وفرك منحااااش وهو مايدري وش السالفه وجلسوا يركضون ووراهم وليد ووراه العملاق لين قدروا يختفون عنه والله لا يوريكم ..الناس جالسين يتفرجون عليهم وميتيييييين من الضحك خالد :ااه اه تعبت تركي: ايه ااااااااه تعب والله تعب وش ذا اللقافه يا فواز وليد : تعب؟ شقول انا اللي مادريت الا وهو وراي الكل : هههههههههههههههه فواز : والله هههههههههههه ما ادري شلون مسكت شاله مشاري :والله انك منسم على بالك قد التحدي.. يالله بس خلونا نكمل لعبنا وليد : روحوا انتم انا ما ابغى ودي اجلس فواز : براحتك بس بتفوتك اشياء ومواقف وليد : لا اخ فواز خليها لك شكرااااااا فواز : بكيفك يالله شباب جلس وليد على الكرسي وكان سرحان وجته وحده سعوديه كانت خايفه او تبغى شي البنت : لو سمحت اخوي ممكن خدمه؟ وليد : خير اختي امري البنت : اخوي الصغير دخل دورات مياه الرجال فما اقدر اروح اجيبه فياليت لو ....؟ وليد فهم قصدها : اوكي ... ايش لابس؟ البنت : شورت بيج وبلوزه حمرا دخل وليد دورات المياه يدور ومالقى احد فطلع وليد : اختي مافيه احد جوا يمكن راح يلعب هنا والا هناك البنت وهي مرعةبه : هاه وش تقول ؟ البنت بدت تنهاار وتبكي ...كسرت خاطر وليد وليد في نفسه "وش ذا البلشه من وين اجيب اخوها ذا بعد ؟ " : ابدوره مره ثانيه دخل دورات المياه وفتح بيبانها باب ...باب ...طبعا اللي كان بابها مو مسكر وفي احد هالبيبان لقاه جالس يلعب بالمناديل وليد : ماشاء الله عليك يا اخ ..0(اوف كان اختك تشبهك "الولد كان يهبل يهبل ) طلع لاخته وعلى طول خذته وضمته وانتبهت لنفسها واستحت لان وليد لازال واقف البنت : شكرا اخوي تعبناك وليد : لا عادي وش دعوه وليد يكلم الولد الصغير : وش اسمك يا شاطر؟ الولد :ولييد وليد : افــ سميي (يعني مثل اسمي) ريم:ياالله بلادلع رنا تصيح وتصرخ:قلت لك روحه منيب رايحه ريم: وش تبين خالتي تقول اذا رحت وانتي لا رنا ودموعها على خدها : وش تبيني اروح اشوف بنته؟..بنته اللي حرمتني منه ..تبيني اسمعها تناديه بابا واجلس ساكته.. وانتي يا ريم اكثر وحده عارفه حبي لمشعل ..سنين وانا احبه وابني احلامي معه ..وفي الاخر كذا خلا ص كل شي يروح في غمضة عين ..يطلع متزوج وعنده بنت ريم : طيب يا حبيبتي يا عمري انسيــــــه ..حاولي تتعودين يعني ماراح تعيشين طول عمرك كذا رنا : شلون انساااه وانا دايم اشوفه واشوف بنته لا وبعد جايين تقولون لي تعالي روحي معنا شوفي بنته ..وش تبون تسوون فيني..تبون تذبحوني؟؟ ريم : طيب يا رنا هذي مهي اخر الدنيا رنا : الا اخر الدنيا اذا حب يتحطم قدام عيني ريم : رنا حرام عليك يكفي كذا واللي يرحم والديك تكفيييين خلاص رنا وهي تصرخ : خلااص خلااص ايش يا ريم ريم: بس... قطع عليهم صوت الجوال ريم: هذا مشعل بحطه على السبيكر رنا :لا بس ما امداها تكمل كلامها الا ريم راده وحاطه على السبيكر مشعل : هلا والله بالقاطعه ريم : هلا فيك مشعل : وينك يا اختي ماتقولين عندي اخوان بروح اشوفهم ..واسلم عليهم ريم: ياخي وش نسوي مشاغل .. مشعل : الـــــله الحين ريم الخبلا صار عندها مشاغل ريم : حلوه والله شين وقوايه عين ..داق علي وتسبني مشعل ك اكيد بسب .. ريم : وليش عاد سارقه حلالك والا سارقه حلالك وفي هالوقت رنا كانت تاشر لريم علشان تطلع برا بس طبعا ريم لا حياة لمن تنادي مشعل : لا والله بس لاني سمعت ان خالتي بتجي اليوم وانتي ما راح تجين معها ريم : لا والله وليش اجي ؟ مشعل : استحي على وجهك ..ماتقولين بنت اخوي وبجي اشوفها هنا رنا خلااص ما تقدر تستحمل الوضع وقامت بتطلع لبرى بس ريم مسكتها ريم : لا انا بجي بس مهوب حب فيك مشعل : اجل ليش؟. ريم ك لا بس الفضول ذابحني اشوف بنتك من تشبه ..هاه بس عساها تشبهني..؟ مشعل : لا والله وانتي وش دخلك تشبهك ريم: لا بس معروفه انا عمتهم مشعل: لا حبيبتي ريحي ملائكتك هديل طالعه على ابوها ريم: الـــــلله اسمها هديل ..وتعرف تسمي يامشعل منتب سهل مشعل : هههههههههههه ريم : ايه اضحك مشعل:اقول اخلصي بتجين والا لا ريم: لا انا بجي بس رنا مهيب جايه مشعل : لا والله اخلص من وحده تجيني الثانيه ريم : شفت عاد مشعل : وينها عطيني اياها ريم: هذي هي جنبي انا حاطه على السبيكر مشعل : رنااااا رنا ودموعها تنزل بدون ماتحس وبصوت متقطع وبصعوبه يطلع:هلا مشعل : وش اخبارك؟ رنا في نفسها "اااااااه يامشعل لو اقدر اقول لك وش فيني ..ياليت اقدر رنا: الحمد لله بخير مشعل : هاه سمعت انك منتيب جايه؟ رنا : ايه والله ما اقدر اجي مشعل :لا حبيبتي مافيه شي اسمه ما اقدر اجي رنا : معليش المره الجايه مشعل مشعل :يله عاد رنا ان كان لي عندك خاطر تعالي رنا : بسـ.............. يقاطعها مشعل : ترى والله اذا ماجيتي بزعل ريم : خلاص الحين مالك عذر رنا : ........... مشعل : هاه وش قلتي بتجين؟ رنا: ايه خلاص بجي مشعل: يالله طيب مع السلامه وسكر مشعل الخط رنا : وكل هذا وتبيني انساه؟... كان باقي لهم يومين ويرجعون ونجلاء ما بعد شرت هدايا لخوانها فاضطر فيصل انه يوديها السوق ومن دخل السوق وهو متنرفز منها لانها تطلع من محل وتدخل محل ثاني وما عطته وجه وكانه (بودي قارد) ... وبعدما خلصت نجلاء اخيرا .. تعب فيصل من السوق والزحمه والمشي .. قرروا انهم يوقفون في احد المطاعم يتعشون بعدين يرجعون الفندق .. اختاروا مطعم كلاسيكي مكشوف والجو كان رااايق ويميل للبروده دخلوا المطعم وطلبوا لهم اكل وخلال ما كانوا ينتظرون الاكل كانت نجلاء ساكته وفيصل مل من هالوضع ما يحس انه متزوج طول اليوم طقاق وان ما كانوا يتطاقون فهم يكونون ساكتين .. مل وطفش وكان يموت ويحترق ليش نجلاء تعامله كذا ؟؟ ليش ما يحس انه متزوج ؟؟ وكل هالاسئله كانت تدور في بال فيصل وتمنى يلاقي لها جواب وهو مستحيل يتنازل لها ويسئلها .. وش الحل يعني ليه ربي كاتب لي الشقا طول عمري لكن ما اقول الا الله يصبرني عليك يا نجلاء مل من السكوت اللي كان بينهم .. فيصل : ما شاء الله وش انتي شاريه وش خليتي للناس .. وش خليتي للناس ما شاء الله عليك .. نجلاء بغرور : وانت وش يخصك .. فيصل بمزح : ايه وش بيضرك ما دفعتي شي بتفلسيني .. نجلاء كانت تاكل وفاجئه رفعت راسها : والله محد ظربك على ايدك وقالك ادفع انا قلت لك بدفع وانت رفضت .. على بالك زوج مثالي فيصل حس باحباط وطعن في كرامته فقرر انه يسكت احسن له .. وخلال سكوتهم وهم ياكلون حسوا بقطرات عليهم وكل شوي تزيد .. وصعب انهم يجلسون تحت المطر لان المطر زاد وما كان معاهم مظله .. فقرروا انهم يجلسون داخل المطعم حتى يخف المطر .. وبعد مرور ساعه وهم داخل المطعم حس فيصل انهم زودوها ولازم يرجعون للفندق فاضطر فيصل انه يترك نجلاء ويروح يشتري مظله .. فيصل : نجلاء انتي انتظري هنا انا بروح اشتري مظله وبجي لا تتحركين اوكيه .. نجلاء : اوكيه .. (وبخوف ) تكفى فيصل لا تتاخر .. فيصل عرف انها خايفه : لا ان شاء الله ما اتاخر .. بس انتي لا تتحركين .. ( وابتسم لها يطمنها ) .. راح فيصل لاقرب محل يبيع مظلات وما لقى عنده الا وحده .. حاول انه يدور وحده ثانيه لكن للاسف ما لقى .. رجع فيصل لنجلاء لقاها جالسه مكانها ولامه يديها في صدرها وشكلها يدل انها بردانه رحمها فيصل .. فيصل : اهلييين نجلاء عسى ما تاخرت عليك .. نجلاء : لا بس يله تراني ميته برد الله يخليك فيصل بسرعه .. فيصل فتح المظله : يله نجلاء تعالي .. نجلاء : نعم نعم تبيني انا وياك في مظله وحده .. فيصل : ايه وش فيها انا زوجك .. وبعدين هذي اخر وحده فالمحل احمدي ربك اني لقيت .. نجلاء : اسفه ما اقدر يا انا يا انت .. فيصل في نفسه يا ربيه وش اسةي بس تذكر شكلها كانت بردانه .. فقال انها اولى لانها حرمه وانا رجال ممكن اتحمل اكثر منها .. فيصل : اوكيه تعالي انتي .. نجلاء يا الله مسكين بيقعد تحت المطر بس احسن يستاهل .. وراحت وخذت الظله وكان شي لم يكن .. ومن الطبيعي انه في مطر فاكيد الجو كان بارد .. مشى فيصل جنبها وهي عادي عندها .. وفيصل حس بالبرد اول ما دخل الفندق واح غير ملابسه ونام على السرير وتلحف بالبطانيه .. ( مسكين بردان ) وكل هذا يصير قدام عيون نجلاء .. اللي كانت مستغربه منه .. نجلاء بدهشه : بتنوم ؟؟ فيصل بعصبيه : وانتي وش تشوفين .. نجلاء ببرود : اعصابك اعصابك .. ما تعرف تقول بنوم بهدوء فيصل بقلة صبر :اسف بس ممكن تطلعين وتطفين النور وتسكرين الباب .. نجلاء ما ردت عليه لكن طلعت وخبطت الباب وراها وراحت تناظر التلفزيون وظلت فتره تناظر ملت وتعبت وجاها النوم .. ودخلت للغرفه وتوخا بتغفي سمعت كحه قويه .. صادره من فيصل والتفتت لجهته وشافته يرتجف ..فقامت خافت عليه ومدت يدها بتلمس حرارته ولكن تراجعت حست بشي يمنعها ولكن فكرت الرجال قدامي يرتجف من البرد وانا لين الحين على غرري وهو محتاجني اكثر من قبل .. مدت يدها واول ما لمست جبهت فيصل بسرعه شالت يدها من الحراره اللي صعقتها .. وبدا الخوف يدب في قلبها ما تدري وش تسوي جابت بطانيه وغطته وجابت مويه وثلج ومنشفه صغيره وبدت تكمد فيه تحاول تسحب الحراره وهي تسمع انين فيصل وهو يتالم .. نجلاء في داخلها انا السبب انا اللي خليته يوقف في المطر يعني وش بيضرني كلها مظله . وظلت تصرخ في داخلها انا السبب وانا السبب .. وقعدت على هالحال ساعتين وفجئه فيصل وقف من الانين خافت نجلاء لا يكون صار له شي والله ما راح اسامح نفسي نجلاء وهي تصيح : فيصل تكفى قوم فيصل والله اسفه بسوي اللي تبيه .. تكفى فيصل لا تخليني لحالي .. انا في اشد الحاجه لك .. ((((((((((((((يتبع)))))))))))))))) |
|
|
|
|
|
|
31-03-2007, 01:57 PM
|
#3 |
|
(حلا متميز)
 
|
رد: غرور وكبرياء ( قصة سعودية ) لا تفوتكم روعه تهبل **صدقوني ما راح تندمون**
مشكورررررررررررررر
  
|
|
|
|
|
|
|
01-04-2007, 08:10 PM
|
#4 |
|
(حلا فعّال)
|
مشاركة: غرور وكبرياء ( قصة سعودية ) لا تفوتكم روعه تهبل **صدقوني ما راح تندمون**
thank you على الردود الحلوة وانشاء الله بنزل الجزء اللي وراه باقرب فرصة ......
مشكور اخوي خالد البرنس على الرد بصراحة انت تنور صفحتي بردودك الحلوة.......... مشكورة يا الغالية احساس رسامة وأنا والله اللي مهون علي ردودج لدخلت منتديات ثانية وشفت ملايين يردون على نفس القصة بس انتي عندي بمشاركتج تسوين مليون مشاركة.........  تحياتي : الرتاج
|
|
|
|
|
|
|
10-04-2007, 09:52 PM
|
#5 |
|
(حلا فعّال)
|
مشاركة: غرور وكبرياء ( قصة سعودية ) لا تفوتكم روعه تهبل **صدقوني ما راح تندمون**
الفصل الثاني
طلع فيصل وهو كاااشخ كشخه مابعدها كشخه كان شييييييك بمعنى الكلمه نجلاء نفسها كانت تتامله باعجاب وهو تفاعل معها فيصل يدور وكانه طفل شاري ملابس جديده: هاه وش رايك فيني؟ نجلاء: شهادتي فيك مجروحه كامل والكامل الله فيصل ابتسم : اقول بنطول وانتي تتامليني ترا بتطير الطياره نجلاء بحياا: يالله فيصل (في نفسه)؛: ياربيييه تجنن ي ناااس قمر قمر فيصل : يالله طلعوا من الفندق متجهين لمطار روما وطول الطريق ونجلاء تعدد الناس اللي اشتاقه لهم فيصل: ما شاء الله كل ذولي مشتاقه لهم ؟ نجلاء: اصبر باقي كثير فيصل : ماشاء الله كلهم لهم مكانه في قلبك نجلاء: اكيييييييد فيصل : واناااااااااا نجلاء: ...........(خدودها محترقه ) فيصل : خلاص ناجل هالسؤال بعدين بس بشرط نجلاء: وشو؟ فيصل: توعديني انك تجاوبين عليه بعدين نجلاء: اوعدك في بيت ابو راشد دخل مشاري لبيتهم الظهر الساعه وحده ....... مشاري :يا اهل البيت .... يا الله وين راحوا .. يمــــــــــــــــــــــــه.. وراح للمطبخ يدور امه لكن ما لقاها وراح عند قسم المجالس يدورها وبعد ما لقاها يئس ورجع للصاله .. مشاري :يا ربيه وين راحت ؟... فجاه حس بشي يسحب ثوبه من تحت ... ونزل راسه يشوف من اللي يسحب ثوبه تفاجأ ببنت زي القمر .... مشاري يصرخ : واااااااي مين هالزين ... هديل :انت مين ؟؟.. مشاري : انا مشاري .. هديل : مثاري .. مشاري : هههههههه يا حلو اسمي على لسانك ..طيب انتي مين ؟.. هديل : انا هدول ... مشاي : واااااااي على هدول انا ... طيب هدول حبيبتي انتي من اللي جابك هنا ؟؟... هديل : بابا دابني هنا .. مشاري : طيب وين امك ؟؟.. هديل تبتسم ببراءه : ماما ثافرت ... وقعد مشاري يلعب مع هديل وربع ساعه ودخل عليهم مشعل .... مشعل دخل تفاجأ بمشاري :الاخ مشاري هنا ؟؟.... مشاري : ليه ما تبيني ؟؟.... مشعل : لا شدعوه بس اني ارتعت ما توقعت ترجعون الحين .. كنت متوقع ترجعون الليل ... مشاري : ايه بعد .... مشعل : هاه متى وصلت ؟؟.... مشاري : يا اخي سلم اول بعدين حقق .... مشعل : ههههههههههههههه وراح مشعل وسلم على مشاري .. مشعل : من زمان وانت هنا ؟؟..... مشاري : لا ابد من ربع ساعه .... مشعل : هاه وش اخبار سفرتكم ؟؟ مشاري : الصراحه عجيبه فله بس حرام ما طولنا .. مشعل : طيب كان جلستوا ؟. مشاري : تخيل نقعد انا وفواز بلحالنا ؟ مشعل : ايه عادي .. مشاري : اقول خلك مني وقلي ذا القمر من بنته ؟؟.... مشعل يبتسم : جازتلك ؟ مشاري : الصراحه كيفت عليها .... يا ليت تقعد عندنا على طول .. مشعل : لا من جهة تقعد عندنا تطمن بتقعد عندنا لا وعلى طول بعد مشاري يبتسم : لا والله ... مشعل : ايه والله .. مشاري : طيب وشلون ؟؟... مشعل يبتسم بخبث : والله ابوها يبي كذا .... مشاري متحمس : طيب من ابوها ؟؟.... مشعل : ابوها قدامك ما ملا عينك يعني ؟؟؟... مشاري : طيب انا ما اشوف قدامي الا انت ... مشعل : طيب وانا ما مليت عينك ؟؟... مشاري : انــــــــــت؟ مشعل : ايه .. مشار ي: لا مستحيل هذي تكون بنتك .... مشعل : وليش بالله ما يصير ؟؟..... مشاري : لأنك اصلا ما تزو..... وسكت مشاري كان يصرخ في نفسه لااااااا معقوله مشعل متزوج وحنا ما ندري ؟ ...لالا اكيد يمزح ... مشعل : كمل ... مشاري : هههههههه يا شيخ روح الله يصلحك ..ترى بسبت مزحك الثقيل ذا قامت الافكار تاخذني وتجيبني .... مشعل بجد : أي مزح يا مشاري انا قاعد اكلمك جد هذي بنتي واذا ما انت مصدقني اسألها ... مشاري وقف مكانه و مو عارف يتحرك معقوله انت يا مشعل انت تسوي كذا تتزوج وحنا ما ندري لالا مستحيل مستحيل اللي قاعد يصير ........ورجعه للواقع صوت مشعل .. مشعل : اسألها ... مشاري التفت على هديل اللي قاعده تلعب بالتلفون وتدق ارقام وترجع تحط السماعه ... مشاري ياربيه على البراءه يا ناس معقوله هذي بنت اخوي .... مشاري : هدول .... ترفع هديل راسها وتناظر مشاري : نعم مثاري ... مشعل : عيب هدول قولي عمي .... هديل : لا بابا مثاري احثن .. (وتلتفت على مشاري ) ثح مثاري؟ مشاري : صح هدول .... وظل مشاري جامد مكانه الحين انا ليش مكبر السالفه ؟ خلني استانس مع اخوي وبنته ..وفجأه يلتفت مشاري على مشعل ويبتسم مشاري : تصدق عاد ان بنتك احلى منك ... مشعل ارتاح هذي النظره اللي يبي يشوفها من مشاري مشعل : يعني انا ووجهك تحزبني لين انت قلت كذا بزعل ؟ ..لا يا حبيبي هذي بنتي نعرف وش معنا بنتي يعني اكيد بفرح لو قلت انها احلى او احسن مني ... مشاري : ههههههههههههه حلوه ذي الصراحه (((((((((((((((((( مشعل : شفت وشلون ؟ ياليتك عاد تتعلم ... مشاري : لا يا حبيبي انا احسن منك ...ليش اتعلم منك ؟؟ وكملوا مشاري ومشعل وهديل سوالفهم وهم يسولفون دخلت عليهم ام راشد وريم قام مشاري وسلم على امه وريم مشاري : اوه الخبلا عندنا ... ريم : يا اخي استح على وجهك توني داخله بدال ماتقول هلا والله تجي تقولي يا خبلا ..... مشاري : تصدقين عاد يا ريم انا من اشوف خبالك اذكر فواز ... مشعل : حرام عليك فواز مافيه احد مثل هباله ...... مشاري : في هذي صدقت ... مشعل : الا مشاري قلي وش سويتوا هناك .... مشاري : اسكت بس يا ان فواز فشلنا ... ام راشد : ليش وش سوا ؟؟. (قالهم مشاري عن الفلم الهندي وعن سحب فواز الشال من اطول رجل ......... الخ ) وطول الوقت وريم ومشعل و ام راشد يضحكون ... ريم : هههههههههههههههه حرام عليك الحين انا مثله .... مشاري : لا بس تذكريني فيه ... ريم : ايه بعد ...... بس يا ان ولد عمك هذا جرئ.... مشعل : الحمد لله اني مارحت معكم ... مشاري : بس لو انه مهوب فيه صارت السفره مالها طعم .... ريم : هو صح انه يفشل بس فله ... ام راشد : عادي يوسع صدوركم ما سوا شي ... وجت هديل تركض وجلست على رجل ريم ... هديل : ليم وث ثريتيلي ( ريم وش شريتيلي ) ريم : شوفي حبيبتي شريت لك شوكلاته ولعبه .... هديل : الــــــــــــــلـــــــــــــــــه ... ريم : بس تا كلين الغدا اول .... هديل : طيب ... وتقوم وتروح لام راشد هديل : ماما ... ام راشد ": نعم يمه ... هديل : يله بثرعه ابي غدا ... ام راشد : ان شاء الله ... وراحت هي وهديل عشان تغديها ... وصلوا للمطار وكانت نجلاء في استراحه الانتظار وكانت شبه فاضيه لانها الوقت صباح ومتملله ورن جوالها بنغمه مشاري نجلاء ترد بلهفه : هلا والله مشووري مشاري: احم احم ترا استحي نجلاء ضحكت: ههههههه يا حليلك وش اخبارك ؟ مشاري: تمام انتي وش اخبارك ؟ وش اخبار فيصل ؟ نجلاء: الحمد لله كلنا بخييييير انتم وش اخباركم ؟ فردا فردا مشاري : احم اجل اسمعي نشرة اخبار( مشاري دوت كوم ) امي تبكي ليلا ونهارا على فراق ابنتها الوحيد وانا الذي سافرت وجيت ولم تعطي لي وجها ... ابي ليس لديه اخبار جديده لكن اخر كلمه سمعتها من فمه الكريم كان يقول (يقلد صوت ابوه ) وين بنيتي والله اني اشتقت لها ... انتهت النشرة شكرا لطيب المتابعه والسلام عليكم ورحمة الله وبركاته نجلاء: ههههههههههههههههههاااي مشيري وش ذا اللغه لاهي عربيه ولا عاميه من وين مطلعها من أي قاموس مشاري : من قاموس (مشاري دوت كوم ) نجلاء: وصار لكم لغه ؟؟ من متى؟؟ مشاري : اقول نسيتيني ليش كنت داق نجلاء: ليش بعد فيه شي غير انك تبي تسلم علي مشاري: من زينك علشان اسلم عليك ؟ نجلاء: افااااااا وانا اللي جالسه اقول مشووري حبيبي ماالت عليك مشاري: خلينا من حبيبي متى توصلون ؟ نجلاء: مدري بس اللي سمعته من فيصل انه بنكون عندكم تقريبا 8:30 او 9:00 لييييش؟ مشاري: لاني الله يسلمك بتنزل واجي استقبلك انتي وبعلك نجلاء: هههههههههههههههه بعلي؟ مشاري: والله لو الود ودي كان خليتكم تجون بتكسي بس امك المصون حلفت علي يمين اني اجي اخذكم وانا رحت وجيت محد استقبلني نجلاء: ياقلبي عليك يا مشاري تغاار ؟ مشاري: اول كنت اغاار لكن الحين افتكييت منك نجلاء: اييه علينا ؟ مشاري: اقول اقلبي وجهك خسرتيني مكالمه نجلاء: من متى تحاسب على فواتيرك ؟ مشاري: لا بس اني استخسر عليك مكالمه نجلاء: ماالت علييييييييييك مشاري: يالله بس ماتستاهلين من يتنزل ويكلمك سلمي على فيصل نجلاء: يوصل وانت سلم على اهلي كلهم مشاري: اوكي تامرين بشي ؟ نجلاء: سلامتك مشاري: بااي نجلاء: بااي اول ما خلصت المكالمه جاها فيصل وكان شوي معصب فيصل : وينك انتي اتصل عليك جوالك مشغول نجلاء: كنت اكلم مشاري فيصل : طيب يالله اعلنوا الرحله نجلاء: يالله ركبوا الطياره ونجلاء خايفه من الاقلاع وفيصل نسى انه نجلاء تخاف من الطياره نجلاء : فيصل يمه خاايفه فيصل : من ايش؟ نجلاء: مدري احس انه الطيار غبي وبيطيحنا فيصل : ههههههههه لا تخافين الا وش اخبار مشاري نجلاء يوم ذكرت مشاري ومكامته ضحكت: ههههههه مهبوول فيصل : لييش؟ قالت له فيصل اللي قاله لها مشاري كانت تقول وهي متحمسه ونست الطياره والاقلاع يوم خلصت السالفه فيصل :ههههههههه والله مشاري هذا يدكرني بفواز نجلاء: ههههههههه ياحليله التفت نجلاء للشباك وناظرت انهم في السما يعني اقلعوا من زماان (يااه يا فيصل ثاني مره تنسيني الطياره من دون ما احس ) جلست تتامل السحاب وتسرح في اهل السعوديه (ياني مشتاقه لك يا ماما وانت يا بابا يااه متى نوصل ) التفتت لقت فيصل نااايم وشكله يبين انه مرهق وتعباان نجلاء كانت تغفي شوي وتصحى نومها كان قلق لانها متحمسه على الرياض واهلها فكانت تبي الطياره توصل الحييييين وخلال تفكيرها وغفوتها صحى فيصل وهم يوزعون الاكل كلوا وجلسوا شوي يسولفون وفيصل كل يوم يكتشف شي في نجلاء احسن من اللي قبله ونجلاء نفس الشي ومبسووطه وشبه ناسيه سالفه المكالمه اعلنوا ربط الاحزه للاستعداد للهبوط في مطار الملك خالد بالرياض نزلوا فيصل ونجلاء من الطياره وكانت متحمسه لشوفه مشاري واول ما خذوا شناطهم طلعوا وكان مشاري يستهبل وحاط لوحه مكتوب فيها فيصل الـ..... نجلاء شافت مشاري وضحكت على الحركه ونفس الشي فيصل وطبعا هالتطيط من ورا راس مشاري وفواز اللي راح مع مشاري عشان يستقبلون نجلاء وفيصل نجلاء راحت تركض لمشاري وضمته وجلست تبكي فيصل تقطع قلبه وهو يشوفها وراح يسلم على فواز اللي ابعد شوي علشان نجلاء تاخذ راحتها مع مشاري مشاري بحنيه : نجلاء خلااص نجلاء: والله مشتاقه لكم مشاري : طيب يالله نروح امي مشتاقه لك مووت وابوي بعد يالله لا يشوفنا احد يحسبك خويتي(يمزح يبيها تضحك) نجلاء بعدت عنه : هههههه يالله (التفتت) وين فيصل ؟ مشاري يغمز لها : امداك تشتاقين ؟ نجلاء ضربته بحيا : مشيري اعقل ويالله ابي اشوف الرياض… وراحوا كملوا اجراءات شناطهم وهم ياخذون الشناط كانوا فيصل ونجلاء يمشون مع بعض وفواز ومشاري مع بعض فواز: هههههه مشاري دور شنطتك يمكن نلقاها مع ذولي .. مشاري:اقول انطم .. فواز: هههههه ! الا اقول مشاري وش رايك تسوي نفس الحركه في فيصل ونجلاء.. مشاري: بس اخاف فيصل يعصب .. فواز: وش شغلت اختك ؟ عروس على الفاضي ...اذا عصب تهديه. وضحكوا فواز ومشاري بصوت عالي لدرجه ان فيصل ونجلاء التفتوا عليهم.. فيصل: خير وش عندكم..ضحكونا معكم.. فواز: لا ابد ولا شي بس ذا الخبل يضحك على أي شي حتى لو كان تافه .. مشاري: انا اضحك على اشياء تافهه ؟ اجل انت التافه لانك انت اللي مضحكني فيصل: اقول خلوا عنكم الهذره الزايده وتعالوا... فواز وهو يهمس لمشاري: اقول انا ما اعرف شنطه فيصل ..انت تعرف شنطت اختك؟ مشاري : ايه اعرفها .. وراحوا خذوا الشناط وحاول فواز يلهي فيصل نجلاء لحد ما خذا مشاري شنطه نجلاء الاولى وابتسم وطلع مشاري الشنطه الثانيه فيصل على طول راح لمشاري: مشكووور ..خلاص يالله نروح نجلاء وهي تمسك فيصل مع كمه : فيصل لحظه فيصل : هلا ..وش فيك نجلاء: باقي شنطتي فيصل : ايه صح "ويلتفت على مشاري " لحظه مشاري باقي شنطه نجلاء.. مشاري يهمس لفواز: الحمد لله انتبهوا.. فواز: ياخي ملاحظ اخوي رايق مشاري: خلنا نأجل الحكي الحين ونشوف وش بيسوون فيصل "بمكر": نجلاء بروح اسال عنها تعالي معي نجلاء: لا ماله داعي اروح انا .. فواز: والله انكم شاقين بنفسكم كلها شنطه مشاري: ايه والله .. يله بس خلونا نروح فيصل يبي يشوف ردة فعل فواز ومشاري: وانتم وش حاركم ..شنطه حرمتي وبروح اسال عنها مشاري يلتفت على نجلاء: حرام عليك والله ملابسي الجديده كلها فيها .... مشاري: اقول امشي بلا ملابس جديده بلا خرابيط..نشتري لك غيرها نجلاء: منيــــــــــــب ...منيـب طالعه من هنا الا وشنطتي معي ..وبعدين ماطلبت منك تجيبها خلاص فيصل بيروح يسال عنها فيصل يمسك يد نجلاء ويسحبها : يله نجلاء تعالي نسال عنها فواز:ههههههههه مشاري يهمس لفواز: اقول فوازوه خلنا نقول لهم.. فواز: لالا خلهم يتفشلون... مشاري: الفشيله لنا مهيب لهم ... انا بقولهم ... " ويرفع صوته " لحظه فيصل .. بس فيصل من سمعه كذا زاد سرعه .. نجلا : لحظه فيصل مشاري يناديك .. فيصل : اقول تعالي وماعليك منه .. وظل يمشي هو و نجلا وراحو لمكان هم يشوفون فواز ومشاري بس فواز و مشاري ما يشوفونهم ... فيصل : نجلا شوفي الشنطه اللي ورى فواز و مشاري ... نجلا تشهق : هذي شنطتي .. فيصل : ايه شايفها يقالهم يبون يسون فينا مقلب بس انا شفتهم .. نجلا : طيب يله خلنا نروح ناخذها ونروح للبيت والله تعبانه وفيني النوم ... فيصل : والله انك بريئه .. انا ما راح اطلع من هنا الا وانا راد لهم المقلب ... نجلا : طيب وشلون ؟.. فيصل : نحاول نحسسه ان الشنطه مهيب لنا ... نجلا : خلاص يله .. فيصل : خلاص بس هاه بدون ضحك .. نجلا : ههههههه ما اظمن لك .. فيصل : لا يا حبيبتي ما ابي ما اظمن ابي اكيد ... نجلاء : خلاص طيب ... ورجعوا فيصل و نجلاء لفواز و مشاري .. فواز وهو ماسك ضحكته : هاه عساكم لقيتوها ؟... فيصل يبتسم وهوماسك يد نجلاء: ايه لقيناها.. مشاري ارتاع: هووو وين لقيتوها فيه..؟ فيصل:شباب شنطه نجلاء زي شنطتهم وخذوا شنطه نجلاء يحسبونها هي والشنطه اللي ضاعت هذي شنطتهم .. فواز:نعــــــــــــــــــــــــــــــــــــــ م؟؟ نجلاء خلاص ماتقدر تبي تضحك فعشان تمسك ضحكتها ضغطت على يد فيصل بقووه ... وفيصل يوم ضغطت نجلاء علة يده على طول ابتسم على شان ما يضحك مشاري بهمس لفواز: هاه خذ هذي تاليت مقالبك السخيفه شف وش صار... فواز: ماعليك ادبرك ادبرك... فيصل: هاه يالله نمشي.. مشاري: لحظه استنا تونا وراك طاير.. نجلاء: هماك تقول قبل شوي يالله يله يله مستعجل فواز: طيب وين شنطتكم ... ورى ما جبتوها فيصل وهو يناظر فواز ومشاري بخبث: ليش هو دخول الحمام زي خروجه لازم فيه اجراءات اول... بكره بجي اخذها نجلاء تهمس لفيصل:والله نعرف نكذب يا فيصل فيصل:هههه خبره واحد يعاشر فواز ولا يتعلم من مقالبه؟ وفي الطرف الثاني مشاري يهمس لفواز: اقول انا بطلع الشنطه.. فواز وهو للحين معاند:لحظه..لحظه..استنا.. مشاري: وش لحظه شنطة الناس ..وانت تقول لحظه.. فواز: طيب استنا شوي ..ياخي تعلم ان الواحد اذا سوى مقلب مايستسلم مشاري: وهو يبعد فواز عنه وبصوت عالي: اقول ابعد عني.."وطلع الشنطه من وراه ويناظر فيصل "فيصل هذي شنطه الشباب.. فيصل ونجلاء: هههههههههههه فواز: وش عندكم تضحكون ؟ فيصل : ههههههه لا ابد سلامتك بس من حفر حفرة لاخيه وقع فيها مشاري: وش قصدك فيصل: لا ابد سلامتك ..بس مافيه لاشباب ولا شنطه شباب ..كل اللي صار ان هذي الشنطه حقتنا نجلاء: والمقلب رجع لكم مشاري: نعم ..نعم..نعم هذي شنطتكم؟؟ فواز يطلع من الموضوع: ههههههه والله انك مخفه يامشاري تمشي عليك مقالب مثل هاذي مشاري: ياي يعني انت اللي ما مشت عليك... فواز: وليش تمشي علي ...وانا اصلا مالي دخل انت اللي خذت الشنطه ووزيتاها مشاري:لا والله ومن اللي قال لي اسوي كذا .. فواز: مدري عنك مشاري: لا والله الحين تطلع منها فيصل: هههههههههههههه ماشافوهم وهم يسرقون شافوهم وهم يتحاسبون مشاري: ايه اضحك .. فيصل : اقول يله بس خلونا نمشي وطلعوا وراحوا للسياره مشاري يسوق وجنبه فواز وورى فيصل ونجلاء في الطريق رايحين للبيت نجلاء كانت مستحيه من دخولها لبيت عمها لانها اول مره تسويها وتدخل هي وفيصل وبس.. وطول الطريق تبغى تصف كلام تقوله لخالتها (ام فهد) او للبنات (لمى ...رغد..العنود...الهنوف(زوجه فهد)..) وهي في ضل هالافكار فيصل بهمس : اللي ماخذ عقلك يتهنى به نجلاء بهمس ودلع: لاتخاف ما كنت افكر فيك فيصل: مو مهم انك تفكرين فيني المهم انا وصلنا نجلاء التفتت : هئئئئئئ من متى ما حسيت؟(مالقت لا مشاري ولا فواز) فيصل: ما قلت لك اللي ماخذ عقلك؟؟؟؟؟؟؟؟ نجلاء:يووه فيصل والله كنت افكر شلون بدخل استحي ادخل بدون امي هذي اول مره اسويها فيصل: ههههههههه وانا داخل مع باي صفه مو زوجك يالله عاد بلا دلع نجلاء: هاه طيب يالله نزلوا فيصل ونجلاء مشاري وفواز دخلوا قبلهم فواز بصراخ: يا اهل البيييييييييييييييييت؟ فيذا احد مشاري: احححح ياولد فواز: اقول لا تسوي لي مثالي وادخل وانت ساكت الا وين عصافير الحب مشاري: ههههه في السياره فواز: هءئئئئئئئئئ مانزلوا ام فهد : ياهلا والله حيا الله من جانا مشاري: هلا والله خالتي وش لونك ؟ ام فهد : الحمد لله بخير انت وش لونك وش لون اهلك ؟ مشاري: كلهم بخير الله يسلمك يالله اجل انا اترخص ام فهد : هو ؟؟ وين تو الناس؟ مشاري: معليش خالتي عندي شغل يالله فمان الله فواز وام فهد : مع السلامه مشاري طلع من الصاله ودخلوا العنود ورغد والهنوف العنود: يمه ؟؟ وين نجلاء وفيصل فواز: عصافيركم في السياره يوصوصون مدري وش عندهم فيصل : السلاااااااااااااام عليكم نجلاء بصوت واطي: السلام عليكم ام فهد بفرح: ياهلااا والله الحمد لله على السلامه اسفرت وانورت هلا والله ببنيتي وراحت لها وضمتها ونجلاء مستحيه مووت وراحت ام فهد تسلم على فيصل : هلا والله بوليدي فواز: احم احم ترانا فيذا فيصل : ههههههههه هلا بك يمه شلونك وش اخباركم كللـــــــــكم ؟ ام فهد: كلنا بخير وراحوا البنات يسلمون على نجلاء وفواز طلع من الصاله عشان نجلاء تاخذ راحتها لمى: هلا والله بمرت اخوي الحمد لله على السلامه ( وسلمت عليها) نجلاء بحيا: الله يسلمك العنود: نجولـــــــــي شلونك الحمد لله على السلامه(وباستها) نجلاء: هلا والله الله يسلمك وقفت نجلاء تنتظر رغد تجي تسلم عليها لكنها كانت واقفه بمكانها قالت انا بروح اسلم عليها نجلاء: اهليين رغد رغد ببرود: هلا نجلاء استغربت ردة فعلها لكنها ما علقت راحت تسلم على الهنوف : اهلييين الهنوف الهنوف تناظرها من فوق لتحت : هلا الحمد لله على السلامه استغربت نجلاء هالاستقبال منهم لكنها طنشت وجلست تسولف مع خالتها والعنود ولمى فيصل كان جالس معهم ويسولف ويضحك فيصل : اقول لمى وين نجود ؟ لمى : بسم الله على بالي نسيتها فيصل : تستهبليين انساها ؟؟؟ يالله روحي جيبيها مشتاقه لها مووووت لمى راحت تنادي الشغاله لان نجود كانت نايمه فقالت للشغاله تقومها وتلبسها وتروشها وبعد نص ساعه دخلت عليهم نجود اللي ماكانت تدري ان فيصل موجود نجود : هئئئئئئئئئئ خالو فيصل ؟؟؟؟؟؟؟ فيصل : هلاااااااااااااااااااااا والله نجوووووووووود تعالي نجود نطت لا شعوريا لفيصل: خالوووووووووووووووووو فيصل : ههههههههههههههههه عيون فيصل نجلاء تناظرهم يااه شقد فيصل يحب الاطفال وطوول الوقت ونجود على رجل فيصل وتتدلع عليه نجود : خالووو وين رحت ؟؟ فيصل: هههه رحت ايطاليا نجود : ليش ترووح ؟ فيصل: عشاني تزوجت نجود تاشر على نجلاء: هذي زوجتك؟ فيصل : انتي ماسلمتي عليها ؟ نجود حطت راسها على صدر فيصل : استحي فيصل: لاااا ترا ازعل منك يالله روحي سلمي عليها راحت نجود ونجلاء كانت منشغله في سوالفها مع لمى والعنود ما حست الا ببوسه انطبعت على خدها نجلاء: ياااااا قلبيييي تعالي (وباستها ) رجعت نجود لفيصل ام فهد : اقول يمه فيصل روحوا ريحوا توكم جايين من مطار وطياره وتعب فيصل: ان شاء الله (ياشر لنجلاء) يالله نجلاء نجلاء: يالله تصبحون على خير فيصل : يالله تصبحون على خير واذا جا ابوي سلموني عليه يمكن ما اقدر اشوفه اليوم ام فهد : لاحق ان شاء الله يالله تصبحون على خير راحوا فيصل ونجلا لغرفتهم اول ما دخلت نجلاء الغرفه انبهرت نجلاء مطيره عيونها : الــــــــله هذا ذوقك؟ فيصل بنظره فخر : احم اعجبك انا ذويق نجلاء: ماشاء الله عليك رووووووعه فيصل : مهيب احلى منك نجلاء استحت فيصل : ياربيييييييييييييي لا تعذبيني انتي نجلاء تبي تتهرب : انا بروح اخذ شاور ممكن؟ فيصل : خذي راحتك راحت نجلاء وخذت شاور وفيصل كان يحمد ربه على هالعيشه ويتحسف على الايام اللي راحت بطقاق ومناقر بعد ثلث ساعه طلعت نجلاء من الحمام وراح فيصل بعدها عشان ياخذ شاور بعد فتره طلع فيصل من الحمام دور نجلاء مالقاها دخل الغرفه الرئيسيه لقاها على وش انها تنوم وهو يبيها تسهر معه باي طريقه فيصل : نجلاء تو الناس بتنومين الحين؟ نجلاء بكسل : ايه والله فيني النووووووووووووووووم فيصل : طيب انا مافيني النوم وش اسوي؟ نجلاء : فيصل الله يخليك ابي انوووم فيصل راح لها وشال اللحاف منها : اقول لك قومي فيه زوجه تخلي زوجها وتنوم وهي توها عروس.؟؟ نجلاء : فيصل اااسفه والله فيني النوم وابي انوم فيصل : وانا وش اسوي اكلم الجدران؟ نجلاء قامت بعصبييه : طيب وراحت للحمام تغسل وجهها وفيصل حس بالنتصار نجلاء جت ونطلت جسمها على الكنب: هاه وش يالله قمت سو لي شي يستاهل اني اخرب نومتي عليه راح فيصل وجلس جنبها : وانا ما استهال تخربين نومتك عليه؟ انحرجت نجلاء وابتسمت فيصل : يااااااااااااارب ارحمني ما اقدر انا نجلاء بدلع : فيصـــــــــــــل استحي فيصل خلاص انجن عليها : ياربييييييه على تللي يستحون يا ناااااااااس بعد فترة صمت تقريبا 10 دقائق نجلاء : يالله وش بنسوي يعني بنتقابل كذا ؟ فيصل : ايه يكفي اني قدام قمر وش ابي اكثر من كذا ؟ نجلاء توردة خدودها : ترا بروح انوم فيصل : خلاااااص (وحط يده على فمه ) هه بعد كم ثانيه فيصل : اقول وش رايك نشزف لنا فلم؟ نجلاء : يالله والله فكره من زماان عن الافلام فيصل : ايه ايام ماكنتي انسه لاكن الحين انتي مدام وقريبا ام عيالي نجلاء خلاااااااااااااص راحت فيها وقامت بنحاش(تهرب) من الموقف بس فيصل مسكها وهو يضحك : خلاااص والله خلااص بتوووووب نجلاء : لااه وش يضمن لي انك ماتعيدها فيصل : ما اضمن بحاول يختي وش اسوي تهبليييييين وانتي مستحيه ودي اقطع خدودك نجلاء: لاااااااااه وش شايفني معمل تجارب؟ فيصل : طيب خلاص اسفيييييييييييين بس خلينا نشوف لنا فلم حلو كذا نجلاء: أي فلم ؟ فيصل : مدري انتي وش ودك ؟ نجلاء: انت وش عندك ؟ فيصل : كل شي تبينه عندي نجلاء: امممممممم عندك فلم هندي؟ فيصل ما قدر يمسك ضحكته :ههههههههههههههههههههههههاااااي نجلاء تناظره باستغراب : ماقلت شي يضحك؟ فيصل : ههههه فلم هندي هاه ههههههههه نجلاء عصبت عليه وقامت بتنوم لحقها فيصل للغرفه ولقاها تصيح تفاجئ فيصل تصييح؟ ليش؟ وش فيها ؟ نجلاء كانت تصيح لانه قهرها استفزها وتريق عليها يكفي اللي يسويه من وراها كانت تحاول تخفي كبوس ساره عن عينها فكانت تبكي بصوت مكتوم ماكانت تبي فيصل يسمعها تخاف يقول وش ذا البزر اللي تصيح على كل شي دخل فيصل بهدوء ما حست فيه نجلاء اللي كانت تبكي فيصل بصوت هاادئ :نجلاء انتي تبكين؟ نجلاء عرفت انه كشفها : هاه لا فيصل جلس على طرف السرير: اجل هذي وش هي ؟ (ياشر على عيونها ) نجلاء: لا بس دخلت شعره في عيني فيصل : نجلاء انا مو غبي ولا مغفل ابي افهم وش سبب هالدموع ممكن؟ يتبع تحياتي : الرتاج  أنتظر ردودكم بفارغ الصبر |
|
|
|
|
|
|
15-04-2007, 05:06 PM
|
#6 |
|
(حلا متميز)
|
رد: غرور وكبرياء ( قصة سعودية ) لا تفوتكم روعه تهبل **صدقوني ما راح تندمون**
مشكوررررررررر
على الموضوع 
|
|
|
|
|
|
|
01-03-2007, 04:34 AM
|
#7 |
|
(حلا جديد )
|
مشاركة: غرور وكبرياء ( قصة سعودية ) لا تفوتكم روعه تهبل **صدقوني ما راح تندمون**
يسلمك ربي ....
ننتظر تكمله.. |
|
|
|
|
|
|
01-03-2007, 02:35 PM
|
#8 |
|
(حلا جديد )
|
مشاركة: غرور وكبرياء ( قصة سعودية ) لا تفوتكم روعه تهبل **صدقوني ما راح تندمون**
ويـــــــــــــــــنك خيتــــــــــــــووو
منزله بس جزء تبين تحمسينــــــــا ... ننتظرك . |
|
|
|
|
|
|
01-03-2007, 04:45 PM
|
#9 |
|
(حلا فعّال)
|
مشاركة: غرور وكبرياء ( قصة سعودية ) لا تفوتكم روعه تهبل **صدقوني ما راح تندمون**
مشكور اخوي rko على مشاركتك وإنشاء الله بنزل ثلاثة أجزاء ..........
|
|
|
|
|
|
|
01-03-2007, 04:54 PM
|
#10 |
|
(حلا فعّال)
|
مشاركة: غرور وكبرياء ( قصة سعودية ) لا تفوتكم روعه تهبل **صدقوني ما راح تندمون**
الجزء الثامن
مشاري: ايوه يانجلاء من قدك ... نجلاء في نفسها وانا ناقصتك بعد انت ... مشاري:يالله وش هاالادب والا الزواج قص لسانك؟ اه يامشاري والله لو تدري وش في اختك ماقلت كذا... فيصل ذبحني ذبحني نزلت دموعها علىخدها ...دموع ماتدري هل هي لوم لمشاري اللي ماحس فيها اوهذي دموع ترثي بها نفسهاوعلى فرحتها اللي انقتلت في اول يوم .... كانت تتمنى نها تصرخ تتكلم تعلن للناس كلهم موقفها من فيصل .. لكن حست انها عاجزه حست انها ضعيفه..لرجعت للواقع .. رجعها صوت فيصل . فيصل وهويبتسم:هيــــــــــــه انت وش فيك على حرمتي.. مشاري:الله ومحامي بعد ...من قدك يابنت عبدالله.. فواز وهو يطالع فيصل: واذا تبين اي خدمه .. انا جاهز بعد فيصل: شكرا يااخ فواز خل خدماتك لي... مشاري: اقول فواز ... لقط لقط وظلو الشباب طول الطريق سوالف ومزح .. اما نجلاء فكانت في عالم ثاني... وبعد نص ساعه .. وصلو المطار وراح فيصل وفواز يكملون بعض الاجرات وجلس مشاري ونجلاء... نجلاء كانت تبي تقول لمشاري كل شى كانت تعتقد ان هو اللي بيساعدها .. حاولت حاولت ... بس ماقدرت كان كبرياءها يمنعها .. ماكنت تبي تحس ان اي احد مهما كان يشفق عليها .. كانت في دوامه ماتدري تتكلم اولا و اخيرا قررت انها تقوله واللي يصير يصير . نجلاء بتردد: مـ ـ ـشـ اري مشاري: هلا ..واخيرا عبرتيني توها بترد عليه بتقوله شى بس لمحت فيصل وفواز يقتريون منهم .. فواز:يالله مع السلامه .. وان شاء الله تنبسطون .. بس اشك انا ماني معك وشلون تنبسط.. فيصل : لا ياشيخ الا احلى سفره هي السفره اللي ماتكون انت فيها ... فواز: يعني نتاكد انك بتقدر تستغني عني.. فيصل: اكيد 100% مشاري:ها نجلاء وش كنت تبين تقولين.. نجلاء: لا ســـــــلامتك بس مشاري بقلق: نجلاء .. فيك شى نجلاء:ايه فيصل وهو يقرب منهم : بالله كل ذا اسرار.. مشاري:يااخي اخو واخته انت ليش تدخل نفسك بينهم.. فيصل وهو يبتسم: ياالحبيب احب اذكرك ان كنت ناسي ان اختك المصون صارت حرمنا .. مشاري :لا عاد معلومه جديده.. فواز:اقول فيصل مو هذا ندى رحلتكم .. فيصل : ايه هذا هو.. مشاري:يالله فمان الله ولا اوصيك يافيصل على نجلاء.. فيصل:لاتوصي حريص .. مشاري يقرب من نجلاء:نجلاء ما اوصيك على نفسك .. وحاولي تتاقلمين مع الوضع الجديد..... وراح يكون بينا حديث.. نجلاء والعبره خانقتها : مع السلامه .. وسلم على بابا وماما... ------------------------------------------- وفي بيت ابو راشد كان ابو راشد وام راشد يتقهون الصبح كاالعاده...وفجاة قامت ام راشد ابوراشد: علئ وين ام راشد وهي طالعه:بروح اقوم نجلاء.. ابو راشد يبتسم: والله وتعرف تنكت ذا العجيز.. اما بنسبه لام راشد رقت فوق وفتحت غرفة نجلاء وشافت الانوار مطفيه والمكيف مطفئ والسرير مرتب وتذكرت ان نجلاء اليوم ولاول مره ماراح تتقهوئ معنا ...ولاول مرة ماراح تتضايق لاني ماقومتها تتقهوى معنا.....يا الله يانجلاء الله ياوفقك يا بنيتي ...والله كبرتي يانجلاء وصرتي عروس...وجلست تتذكر لما كانت نجلاء تجي تشتكيلها من مشاري انه سبح عروستها ..ولا تتدلع على ابوها .. وفجاة طلع مشعل من غرفته وشاف امه وقفة عند باب غرفة نجلاء مشعل :صباح الخير والسرور.. ام راشد تلتفت عليه وهي تمسح ادموعها: صباح النور ياوليدي.. مشعل يروح ويوقف جنب امه : افا والله وانا ولد ابوي وش ذا الدموع ام راشد وهي تبتسم: ابد يا وليدي شفت غرفة نجلاء وحنيت لها.. مشعل:بس هذا اللي مزعجك..ولايهمك اول طياره على ايطاليا انت فيها.. ام راشد: هووووو..مابعد انهبلت ..وش بيقول فيصل.. مشعل:ههههههههههه اماك تقولين حنيتي.. ام راشد : ايه والله حنيت بس عاد مهوب اسافر معها -------------------------------- اما في الطياره نجلاء كانت جالسه عند الشباك وفيصل جنبها .. فيصل: نجلاء اربطي الحزام.. نجلاء من شدة ماهي منقره منه سفهته... فيصل: نجلاء يالله .... نجلاء:.................. فيصل وهو يبتسم :الظاهرانك ماتعرفين تربطينه.. ومد فيصل يدعشان يربطالحزام ورفعت نجلاء راسها تناظر فيصل وتناظر يده وتناظره وتناظر يده... نجلاء بنبره حاده: احد قالك اني ماعرف اربطه فيصل: لاني صارلي ساعة اقولك اربطيه ماربطيه (وهو يبتسم بسخريه) طيب يالله وريني ومسكت نجلاء الحزام عشان تربطه بس الحزام صك على طرف جلدة اصبعها نجلاء ماسكه اصبعها وتتالم: اي فيصل:نجلاء تعورتي نجلاء:ايه يعور فيصل وهويبتسم :احسن لولاخليتيني اسكره ماكان عورك نجلاء من القهر : اصلا من قالك انه يعور.... فيصل ما سك ضحكته :لا والله صدق ما يعور نجلاء :ايه مايعور... فيصل :طيب حطي عينك في عيني ... نجلاء :طيب احط عيني في عينك وش يصير ... فيصل يضحك على براءة نجلاء وعفويتها :هههههههههههههههههه نجلاء :اكوشى يضحك.. فيصل يطالعها ويبتسم : نجلاء... نجلاء نجلاء: نعم فيصل بخبث : اطالعني .. نجلاء: ايش فيصل: هذيك .. نجلاء وهي مقهوره منه: وش اسوي لها يعني.. فيصل وهو يبتسم: مايبي لها شى قولي لها ..لاتطالعين زوجي ..عيب نجلاء: قلها انت فيصل يبي يقهرها مثل ماقهرته بلا مبالاتها: بس انا مرتاح ماضايقتني.. نجلاء وهي شوي وتنفجر : حتى انا .. فيصل:الا على فكره .. ترانا استقرينا في الجو كانك تبين تفكين الحزام.. واستوعبت نجلاء ان فعلا كلام فيصل صح وارتاحت انها ماحست بطياره وهي تقلع ولابان عليها الخوف بالعكس كانت طبيعيه وظلت تناظر فيصل وتتامله وتقول في نفسها يالله وشلون يافيصل وشلون قدرت تنسيني اقلاع الطياره اللي ولا واحد من اخواني كان يقدر ينسيني ياها حتى بابا واكثر شخص ارتاح معه ماقدر .... انت يافيصل اكثر شخص اكره تنسيني اكثر شى اخاف منه.. ----------------------------------------- وفي بيت ابو فهد نجود: مابي ...مابي....مابي.. لمى:يعني وش تبيني اسوي نجود وهي تصيح :ناديه.....ناديه.....ناديه.....خليه يجي الحين... لمى معصبه من نجود: سافر انا كم مره اقولك..... نجود: طيب ابي اشوفه... ام فهد:خلاص حبيبتي هو بعد شوي بيكلم علينا...... نجود وهي تمسح ادموعها : صدق ماما هو بيكلم الحين .. ام فهد :ايه بعد شوي نجود:ياي خالو فيصل بيكلم بعد شوي... فوازوهو يدخل: خير وش ذا الصراخ .....عندكم حفله.. نجود:خالي فيصل بيكلم بعد شوي ...... فواز:والله احزب عندك سالفه مالت عليك وعلى خالك... ام فهد:خلك منها وعلمني عساك وصالتاهم.. فواز:ايه وصلتهم ورتاحي ماجيت الا لما اكبوا الطياره لمى:اقول تعال اقعد جنبي.. فواز:خير وش تبين... لمى:وش حسيت عساهم مبسوطين.. مرتاحين.. فواز:يا حبك للقافه... لمى وهي بدت تتنرفز:اقول اخلص وعلمني... فواز وعو يبتسم بخبث: والله لو تشوفين فيصل... لمى بخوف : خير وش فيه فواز:ههههههههه والله طول الوقت يبتسم .. لمى: يعني مبسوط... فواز يهز راسه .. ام فهد:وش عندك انت وياها... فواز:ابد سلامتك ... ام فهد:والله مدري عنكم ... فواز يروح ويحب راس امه:بروح انوم.. ام فهد: هووووو ما شبعت نوم فواز: ليش ولدك يخلي الواحد ينوم ....انا لين الحين ما بعد نمت.. ------------------------------------------ وفي الطياره وبعد مرور اربع ساعات حس فيصل بلملل من نجلاء .... وكان منقهر من برود نجلاء واجوبتها المقتضبه على اسئلته .. وجلس يفكر وشلون يقدر يخلي نجلاء تتجاوب معه .. فيصل: نجـــ وتقطع عليه المضيفه اللي جايبه المويه اللي طلبها لنجلاء.... اخذ فيصل الكاس والتفت لنجلاء اللي كانت في عالم ثاني ولمس يدها واول مالمست يد فيصل يد نجلاء .. من الروعه ولاشعوريا .. حركت يدها بحركه سريعه .. وخبطت الكاس اللي فيه مويه بااااااااارده وزياده على كذا ثلج ينكب على فيصل اللي وقف من بروده المويه .. والتفت على نجلاء وهو معصب ... نجلاء وهي خايفه: والله انا مالي دخل انت .... انت اللي روعتني وخليتني اكبه عليك.. فيصل ظل واقف مكانه ماتحرك ... وتم يطالع نجلاء: طيب وش اسوي .. خلاص انكب لاتطالعني كذا.. وانتبهت لثلج اللي في الارض ...وارفعت راسها لفيصل .... بارده صح فيصل وهو يناظر نجلاء وتبريراتها السخيفه ويسمع صوتها اللي مبين انها خلاص بتصيح :هههههههههههههههههههههههههههههههه نجلاء وهي مستغربه ومطيره عيونها فيه :يابردك ياشيخ... مويه بارده وثلج وتضحك... فيصل: انا مااضحك على المويه انا اضحك على اللي بسوي الحين ... ونزل فيصل يده للارض واخذ ثلجه .. نجلاء:ماراح سوي فيني شى صح ؟! فيصل وهو يبتسم : من قال.. نجلاء : تمزح صح ؟ فيصل وهو يقرب من نجلاء:لا ماامزح ... نجلا وهي خايفه :وش بتسوي فيصل وهويقرب اكثر من نجلاء: دقايق الاثواني .. وتشوفين نجلاء وهي خلاص ماتقدر : ترى بصرخ فيصل: اصرخي نجلاء: الناس نايمين .. فيصل: اصرخي .. وشوفي وش بسوي .. والله لسوي فيك شي اعظم قرب منها فيصل ووقف قدام كرسيها وحط ارجولها بين ارجوله نجلاء: فيصل لا لا الله يخليك وفيصل ولاكانه يسمع شى..وقرب منها وحضنها بيده لحد ماصار راسها على صدره وبليد الثانيه ..دخل الثلجه ورى ظهرها ... وبعد يده عنها بس ارجوله ظلت زي ماهي.. نجلاء بصوت اقرب للهمس من خجلها من لمسته ومن برودة الثلجه :لااااااااااا فــــــــــيصل فيصل: بـــــــــــــارده هههههههههههههههههههههههه نجلاء : بعد عني .. بارده بوقف اطلعها.. فيصل:لااااا ..لاااا..لاااااا نجلاء: فــــــــيـــــــــصـل فيصل وهو ياشر باصبعه لا ... نجلاء وهي خلاص تنرفزت: يوه طيب وشلون اطلعها .. فيصل بخبث يبتسم: انا اطلعها لك.. نجلاء:انت لا..لا فيصل:كيفك اجل انتظري ليت تذوب .. وشافت نجلاءمن ورى فيصل علامة ربط الاحزمة واشرت نجلاء لفيصل.. والتفت فيصل وشاف الاشارة وابتسم ... فيصل:رحمك ربي ....يالله قومي طلعيها........ ------------------------------------ في بيت فهد.. فهد:ايه اعرفه ...بس انتم اسالوا عنه... ابو فهد: بس انت متاكد الرجال ما عليه كلام .. فهد:والله يا بوي الرجال انا اعرفه زين بس انت اسال رغد ... سكر فهد السماعه وهو مستغرب من نظرات الهنوف لكن الهنوف ما عطته فرصه يسئلها الهنوف :وش السالفة ..وش عندكم..ومن هو اللي تعرفه زين ..وبعدين وش دخل رغد في الموضوع .. تنرفز فهد منها بس حب يسايرها ويشوف وش تبي توصل له.. فهد:كل ذا .. الهنوف:والله اذا ماتبي تتكلم ترى موب غصب والا هوسر بينك وبين اهلك فهد:لا سر ولا شي ..كل مافي الموضوع واحد متقدم لرغد بس ارتاحتي.. الهنوف:لا واللههذا اللي ناقص وانا اخر من يعلم وبعدين من هو هذا اللي خاطب رغد وتعرفه زين؟ فهد:هذا ممدوح بن محمد ال....... الهنوف:وع..عقب اخوي بتناسبون ذولي.... فهد وهو معصب :الهنوف.... الهنوف من غير نفس : نعم فهد:الهنوف ترى راسي مصدع.. الهنوف:وانت كل ماتجي البيت راسك مصدع.. فهد:.................. فهد كان يناظرها ويتمنى يحط حد لمشاكلهم اللي ما تنتهي واللي زادت في الفترة الاخيرة ..طلع وهوماهو وين يروح وهل الشي اللي قاعد يسويه حل لمشاكله او هروب منها ...... ---------------------------------------------- وصلو الفندق الساعه7 بتوقيت روما وصلو وهم مرهقين...نجلاء متوتره وتتجنب فيصل..كانت خايفه ماتدري وشلون تحددموقفها مع فيصل ولا شلون تتعامل معه افكار كثيرة تدور في راسها واسئله ماهي عرفه لها جواب ...تحاول تبحث عن اي جواب تقدر تقنع نفسها فيه بس فيصل ماعطاها وقت اكثر وقطع عليها .. فيصل: نجلاء ....نجلاء.... نجلاء: هلا .. فيصل :وين وصلتي ساعه انديك ماتردين... نجلاء بارتباك واضح:هاه .....معك تبي شي ... فيصل:سلامتك بس..بروح انوم ماقد افتح اعيوني تبين شي ... نجلاء بارتياح : لا فيصل سمع كلمتها من هنا ودخل غرفه النوم من هنا اخذ شور سريع ودخل ينوم ولا حس بشي كان حاس ان الوضع طبيعي.. اما نجلاءارتاحت لما حست ان فيصل بعيد عنها وتقدر تفكر على راحتها وتحدد موقفها معه ..لكن نجلاء اجلت التفكير شوي وراحت ترتب ملابسها تحاول توهم نفسها انها ماراح تفكر فيه في هذا الوقت لكن ما انتبهت الا يوم انتهت من ترتيب ملابسهااستغربت من قصر الوقت وشلون قدرت ترتب ملابسها بسرعه لكن اكتشفت ان الوقت مامر بسرعه بس هي اللي ماحست فيه لانها طول الوقت كانت تفكر في فيصل حست باحساس غريب اول مره تحسه حست انها وحيده عاجزه غريبة في بلد ماتحس فيه بالامان تحس انها ضيعه في هالمكان الظلم وبدون تفكير خذت الجوال ودقت على جوال ابوها بس استوعبت حركتها وش راح تقوله ..وبعدين هي مكلمه عليه اول ما وصلوا وش تفسر اتصالها في هالوقت رمت الجوال وراحت للغرفة الثانية كانت تبي تنوم بس ما قدرت خافت ان فيصل يدخل عليها في اي لحظة خافت انه يدخل عليها وهي ماستعدت نفسيا لاي مواجهه بينها وبينه وجلست على هالحال متوتره طول الوقت ... ---------------------------------------- لمى:رغد وش فيه شي ينعاب علشان تر فضيه ... رغد:قولي وش في علشان اوافق.... لمى :تحسبين نفسك صغيره عمرك 22سنه وموكل يوم بيجيك واحد بهالمواصفات ..غيرك يتمنى يخطبها رغد فكري زين .. رغد:اولا انا ما اقارن نفسي باحد انا رغد بنت سليمان ..ثانيا انا قلت لا لا والزواج بكيفي انا .. لمى:بكيفك بس عطيني سبب مقنع ..والله يا رغد فهد يمدحه ويقول يا حظ اللي بتاخذه.. رغد:على ايش ياحظها اذا راتب زي الناس ماعنده ..وبعدين اقول لصديقاتي انا خطيبي وع حتى ماقدر اقول اسمه.. لمى:كيفك بس انا اصحتك وانت حره .. وتدخل عليهم الهنوف... الهنوف:وش عندكم .. لمى:ياختي من الصبح وانا احاول اقنعها ...والله ما فيه شي ينعاب ..... الهنوف:ههههههههههههه من قال مافيه شي ينعاب ..نوف اختي خاطبها واحد خدم وحشم وولد عايله ورفضته تقول توني صغيره ... لمى وهي قايمه بتطلع:وين صغار معه هذي نجلاء اصغر منهم وتزوجت ولا ضرها .. الهنوف بعد ما طلعت لمى :اه ياذا النجلاء كل ما حكينا في موضوع نطت لنا .... رغد:اوف نجود من عند الباب: خالتوا رغد ماما تقول تعالوا تحت بسرعه ... ---------------------------------------- وقف فيصل مكانه منصدم..كان شكلها يكسر الخاطر من شده التعب ماهي حاسه بلي يدور حولها جالسه على الكنب ونايمه ...ظل فيصل محتار ماهو عارف يتركها تكمل حرام شكلها تعبانه او يصحيها تنام جوا ...اقترب فيصل منها بتردد... وبهدوءفيصل:نجلاء .......نجلاء ...............نجلاء نجلاء ارتاعت:هاه وجلست تتامل المكان واستوعبت انها ماهي في غرفتها واللي ماهو ابوها او واحد من اخوانها هذا فيصل ....فيصل اللي ذابحها .... فيصل:نجلاء ادخلي نامي جوا احسن ..... نجلاء: لا خلاص شبعت نوم ... فيصل:معليش مو لازم ريحي شوي حبيبتي (قالها بعفويه) نجلاء في نفسها : حبيبتك يا فيصل ...حبيبتك اذا انا حبيبتك اللي اتصلت على من تكون من تكون !!؟؟ فيصل: نجلاء ........ نجلاء: قلت مابي انوم ........مافيني نوم فيصل: طيب ...طيب..... فيصل في نفسه :شكلك عنيده ولازم تمشين كلمتك...الله يعيني عليك شكل التعامل معك صعب.. وبعدها مره فتره صمت بين الاثنين كل واحد يفكر في الثاني وفي علاقته فيه... فيصل: نجلاء وش رايك نطلع نغير جو ... نجلاء كانت حاسه انها مخنوقه فوافقت على طول طلعوا ودها فيصل لمطعم يحبه كانوا الناس اللي فيه قليل والمطعم هادي يريح النفس... كانت نجلاء ندمانه على موافقتها انها تطلع معه .. حاسه انها لازم تجلس مع نفسها فتره اطول لازم تحط النقاط على الحروف .... فيصل: هاه يانجلاء ماقلتي وش رايك في الاكل ؟ نجلاء:عادي مومره حلو فيصل: حلو بس يمكن لانك مرهقه ماقدرتي تتلذذين فيه.. نجلاء: لهدرجه.. والله عادي جدا بس انت شكلك تحب تبالغ طالعه فيصل مستغرب من ردها .. نرفزه بس حب يعدي الليله على خير .. -------------------------------- مشعل : الو هلا حياتي وشلونك ---: انا طيبه مشعل: هدوله وش في صوتك؟! هديل: انا زعلانه.. مشعل: ليش هديل: انت ليه ماتجي عندنا في البيت؟! مشعل وهو يبتسم: طيب حبيبتي.. انا بكره بجي وانام عندكم.. هديل وهي فرحانه : يعني بتجي تنام عندنا انا وماما.. مشعل: ايه حبيبتي .. نادي ماما .. هديل: طيب " مــامـا.. مـامــا التليفون بابا يبيك" غدير :الو مشعل:هلا والله غدير:اهلين مشعل:غدير حبيبتي عندي لك مفاجاءه.. غدير:وش هي ؟؟ مشعل:انا... غدير:ايوه.. مشعل: انا... غدير: يالله ماصارت.... مشعل:هههههههههه.....خلاص طيب ....انا بكره بجي انوم عندك غدير: لا والله ..احلف.. مشعل:هههههههه والله العظيم اني بكره بجي انوم عندك... غدير:اخيرا يا مشعل... مشعل: لهدرجه فرحانه.. غدير:ماتتصورقد ايش انا فرحانه ..بس يا مشعل واهلك وش راح تقول لهم مشعل:ماراح اقول شي وبعدين هم ماراح يحسون اني مو موجود.. -------------------------------------------- وفي روما وفي وقت متا خر من الليل .... فيصل:يالله يا نجلاء فيني النوم بشكل غير طبيعي ما احس اني شبعت نوم ابداهذاوانا نايم وشلون انت.. نجلاء وهي مطيره عيونها:فيصل بتنوم معي.... فيصل مستغرب:نعم..... نجلاء:فيصل لو سمحت ...انا ما احب احد ينوم معي .. فيصل:ايوه يعني.... نجلاء:ما دري ...بس لا تنوم معي ... فيصل:انا بنوم هنا في هذي الغرفه انت ماتبين كيفك... نجلاء بترجي:فيصل الله يخليك.. فيصل:نجلاء والله ما راح اسوي لك شي انا موبعبع ... نجلاء:مابيك تنوم معي ......يعني مابيك يتـــــــــــــــــــــــــبــــــــــــــــــع لــــــــــجــــــــــــزء الـــــــتــــــــا ســـــــــــع} فيصل وهو رافع حواجبه: نعم نجلاء:لو سمحت ...انا ماحب احد ينوم معي فيصل:ايوه يعني... نجلاء:مدري...بس لاتنوم معي.. فيصل:انا بنوم هنا وياشر على السرير انت ماتبين كيفك نجلاء بترجي: فيصل الله يخليك فيصل: ماراح اسوي لك شي ماني بعبع نجلاء:مابيك تنوم معي ...يعني مابيك فيصل سرح وجلس يكلم نفسه انا الحين وشلون افهمها ..هذي اقولها يمين تجي يسار ...الى متى يعني يا نجلاء....احسن شي اقوم انام في الغرفه الثانيه وشوف وش نهايتهامعك حرام مانامت من وصلنا ...فيصل قام بدون مايقول لنجلاء ولا كلمه.... نجلاء:فيصل لو سمحت سكر الباب ولا تدخل على اذا نمت.. فيصل خلاص ماقدر يضغط على نفسه اكثر من كذا:اوامر ثانيه يا ست نجلاء اشتغل عندك انا...انا زوجك حبيت اذكرك اذا انت ناسيه... نجلاء:.......................... فيصل وهويصارخ:ردي ليه ساكته...انا زوجك تسمعين زوجك نجلاء:زوجي بس لاتصارخ...ماحب احد يصارخ علي فيصل:ماحب ماحب مره ثانيه عطيني قائمه بالاشياء اللي تحبينها واللي ما تحبينها اوكيه... وطلع وهو معصب وسكرالباب بقوه ... نجلاء خلاص ماقدرت .....تقاوم النوم اكثر من كذا اول ماطلع فيصل على طول بدلت ملابسها واستسلمت للنوم بدون ماتعطي نفسها فرصه تفكر في كلام فيصل او الموقف ككل...... ****************************** وفي بيت ابو راشد مشاري:ياهلا والله اسفرت وانورت مابغيت تجينا.... فواز:هلا فيك.... مشاري:هلا والله ....هلا بولد عمي ....هلا بالغالي ولد الغالي.... فواز وهويضحك:الله يسلمك اخجلتم تواضعنا.... مشاري:هههههههههههه...الا والله انت وش جابك... فواز:ههههههههه....ايه هذا مشاري اللي اعرفه ويدخل عليهم مشعل... مشعل: اوه .....فواز عندنا فواز:ليه ماتبيني ودك اطلع مشعل وهويبتسم:اعوذ بالله انت ومشاري كل شي تفسرونه على كيفكم.. مشاري:لحظه...لحظه ..لحظه...وين رايح على ذا الكشخه.. مشعل:والله عاد لين جيت وسئلتك وين تروح وين تجي تعال اسالني.. فوازبخبث:لا جد...جد اعترف...وين بتروح... مشاري:يله..بسرعه اعترف.. مشعل:يالله تحقيق هو.....اقول دام ذا حالكم فمان الله.. مشاري: تعال .. لاتتهرب مشعل ولا كانه سمع شى .. طلع وخلاهم فواز: الاعلى فكره مشعل كم عمره.. مشاري:والله بالضبط ..مادري ..بس تقريبا 27 او 28... فوازبخبث:وش عنده ماتزوج... مشاري:والله مادري بس اكثر موضوع اسمعه في هالبيت هو زواج مشعل... فواز:تتوقع يحب... مشاري:اممممممممم....منهي..منهي..من تكونين....من تكونين...تصدق مادري منهي تعيسه الحظ.... فواز:تتوقع تحبه.. مشاري:................. فواز:اجل ذا الكشخه رايح يشوفها... مشاري:اكيد رايح يشوفها.. فواز:اقول ماتلاحظ اننا كذبنا الكذبه وصدقناها ههههههههه مشاري:ههههههههههه فواز:تصدق عاد نعرف نطلع اشاعات.... مشاري:ايه صدق مادريت.. فواز:وشو... مشاري:نادي الاتحاد معاد صار عنده جمهور... فواز ببرود:ليه .. مشاري:مسكوهم الجوازت مامعهم اقامه.. فواز:هههههههههههههه والله وتعرف تنكت.... **************** وفي ايطاليا وبتحديد روما .. وفي ثاني يوم لفيصل ونجلاء في الصباح ... وبعد اللي صار امس .. نجلاء ماعطت الموضوع اي اهميه بنسبه لها .. عكس فيصل اللي كان متضايق من تصرفها معه.. فحاول يبين لنجلاء انه زعلان منها.. بس نجلاء تعمدت تبين لفيصل انها ماهي منتبهه .. لانه تعتقد انها ماسوت شى يستحق زعله.. وهذا الشى نرفز فيصل .. لاحساسه انه شى هامشي في حياتها وجوده وعدمه واحد.. ورضاه وزعله مانقلاق معها ... نجلاء: ليه ساكت؟؟ فيصل:ليش بعد ماتحبين احد يجلس معك ساكت.. فيصل: كيفك شى راجع لك .. تكلمت او سكت ماتفرق.. بس حبيت ابين لك اني جايعه.. تنرفز فيصل من ردها وجلس يطالعها من فوق لتحت نظرات تتفحص كل جزء في جسمها... نجلاء خلاص ماتقدر اكثر من كدا نظراته لها تحس انها تحرقها .. تمنت انها تكون اقوى من كذا وتصرخ في وجهه.. وتعاتبه على نظراته لها .. بس كل اللي قدرت تسويه انها نزلت راسها هروب من نظراته لها اللي مالقت لها تفسير.. فيصل: وش تبين بسرعه.. نجلاء:شكرا.. فيصل:يعني نجلاء:مابي فيصل:المسئله عناد..يعني نجلاء: ........... فيصل وهو منفعل: ترى مليت يانجلاء .. مليت نجلاء ماتقدر تستحمل اكثر من كذا تحس انها اذا جلست اكثر معه راح تنهار قدامه وتجلس تصيح وهذا الشى اللي ماتبيه يصير..ولكذا قامت بسرعه.. بس فيصل ماعطاها مجال تبتعد كثير..ومسكها بقوه مع يدها وخلها مواجهته وظلت واقفه مكانها فيصل وهو يصارخ: انا لما اكلمك لاتتركيني وتروحين انا ما اكلم نفسي.. نجلاء ماانتبهت لولا كلمه قالها فيصل .. كانت مصدومه منه ووشلون يسوي كذا معها كانت مصدومه وماهي ماتوقعه الشى اللي كان يصير.. فيصل: ردي ليه ساكته ذبحتيتحني يانجلا.. ذبحتيني نجلا: اتـ ركـ ني... فيصل ولا كانه سمع شى .. نجلاء بانكسار:انا وش سويت لك علشان تعاملني كذا.. جلس فيصل يتاملها ورحمها تنرفز حس انه مخنوق وانه كاره نفسه وكاره الانسانه اللي حطته في هالموقف... فيصل ترك نجلاءمكانها وجاء بيطلع وقبل مايطلع التفت على نجلاء وقال وهو يحاول يكون هادى ويتمالك نفسه:نجلاء انا الحين بطلع شوي وارجع...طلع وتركها مصدومه اول يوم في زواجها تجيها مكالمه تقولها زوجك مغصوب عليك ويحب غيرك ..والحين مابعد كملت معه يومين وجالس يعاملها بطريقه مافكرت مجرد تفكير ان فيه احد ممكن يعملها بالاسلوب ويكلمها كذا...... امافيصل طلع وماهو عارف وين يروح حس ان الدنيا صغيره ..جلس يمشي يمشي ولفت نظره حديقه صغيره كانت تقريبا شبه فاضيه دخل فيصل فيها وجلس في احد الكراسي جلس يتامل كل شي في الحديقه اعجبه الهدوء والسكينه اللي فيها حس انه مكان مناسب يجلس فيه لوحده ويجمع افكاره جلس يفكر في نجلاء وتصرفتها كان مهو عارف يلقى تفسير لبرودها ومحاوله تجنبها له انتبه لساعه يالله لي هنا ساعتين وشلون مرء الوقت بسرعه حس براحه كبيره قرر يرجع يراضي نجلاء وبرر تصرفتها ان الوضع جديد عليها وماهي قادره تتاقلم.. وهي متعلقه باهلها .. وانه تسرع بالحكم عليها وقرر يحاول قد مايقدر .. يقرب نجلاء منه ويفهمها وتفهمه .. فيصل ابتسم اول ماشاف الرقم وبدون تفكير رد فيصل:هلا والله... هلا بهاصوت.. ابوفهد:هلا فيك.. هلا باللي لقاء احبابه.. ونسانا فيصل يبتسم:مافيه احد يقدر يخليني انساك.. ابوفهد:الاوش اخبارك وش اخبار نجلاء.. فيصل:بخير انت بشرني عنك وعن امي.. ابوفهد: بخير كلنا بخير.. فيصل:الايبه حبيت اذكرك لاتنسا موعدك بكره العصر.. بكلم فواز اوفهد ان يرحون معك.. ابوفهد:معليك ..مني لاتشيل همي.. فيصل:اذا مااشيل همك من اشيل همه اجل ابوفهد:الا يافيصل نجلاء عندك ابي اكلمها فيصل تفاجاء من سؤال ابوه وماعرف وش يقول وكيف يبرر عدم وجود نجلاء معه ابوفهد:فيصل وينك يابوي.. فيصل: معك ..معك .. بس نجلاء في الحمام ابوفهد:اجل مااطول عليك ..سلملي عليها ..فمان الله فيصل:فمان الكريم سكر فيصل من ابوه وهو حاس انه مرتاح شوي .. وتفاجاء لما شاف ساعته يالله وشلون مر الوقت بها السرعه.. جلس يفكر يرجع الحين اوينتظر شوي.. واخير بعد طول تفكير قرر يرجع ويحط النقط على الحروف وطول الطريق وهو يفكر في نجلاء وفي ورده فعلها .. افكار كثيره كانت تدور في راسه.. ووقف عند الباب اخد نفس كان يحاول يستجمع قواه دخل....وهويحاول يكون طبيعي دخل وشافته نجلاء بكل برود الدنيا جالسه تطالع التلفزيون ..... فيصل:السلام عليكم نجلاءببرود مصطنع:وعليكم السلام جلسوافتره صمت نجلاء كانت تقلب القنوات من غير هدف ... فيصل: نجلاء نجلاء: نعم فيصل: لازم نحط حد لشى اللي قاعد يصير.. نجلاء :ليه .. احد قالك ان فيه شى غلط علشان تحط حد له عرف فيصل انه ماراح يوصل معها لاي نتيجه فقرر يسكر الموضوع ويفتحه في وقت ثاني .. وعاد الصمت بينهم .. فيصل حب انه ينرفزها يمكن تحس شوي فيه... فيصل:اوف ليه غيرتي.. شفتي القمر تو نجلاء من غير نفس:معجبتك... فيصل:اقولك قمر تقولين اعجبتك... نجلاء:............... فيصل:يالله حطيها بسرعه... نجلاء خلاص ماتقدر اكثر من كذا رمت الرموت عليه وهي معصبه امسك حط اللي تبي.....شوفها زين قمر يافيصل قمر... دخلت غرفتها وخبطت الباب رمت نفسها على السرير وجلست تصيح ....ماحترم وجودي معه من زينها وع ماعندك نظر يافيصل بس انا اوريك يافيصل من القمر والله وخذت شور سريع وبدلت ملابسها وحطت مكياج خفيف ...... امافيصل حس بغباءه الجو كان متوتر بينه وبينها بدل مايهدي الوضع زاده ههههههههه والله شي اكتشاف جديد تغارين يانجلاء.... ********************* فواز:احم احم اقول يام فهد راعي وجودي ..... ام فهد: وانا وش قلت ؟؟ فواز:ابد يا ميمتي بس من جلستي وانت فيصل وفيصل كن ماعندك الاذا الفيصل... ام فهد:عندي ثلاث عيال الله لايحرمني منهم بس انتم عندي وهو مسافر.... العنود:ماشاءالله بس عندك ثلاث عيال... فواز:هي تعد اعيالها اللي تحبهم وشي مؤكد انت برا القائمه.... العنود:انا برا القائمه انا اصلا اخر العنقود يعني الدلع والحب كله لي.. رغد:واخير اعترفتي انك دلوعه العنود:انا ماقلت اني دلوعه.. فواز: الاقلتي لاتتهربين.. ام فهد:يالله ياحبكم للمناقر ما احب احد ارتحتوا.. فواز:والله انك صدقه سمعتي يانسه العنود انتي ورغد.. رغد:ماشاءالله عليك ماتسوي شي ابد فواز:انا وش سويت اصلا ........العنود ...العنود العنود:وش تبي فواز:تفكرين فيني صح ...يحقلك احد يحصل اخو مثلي.. العنود:اكبر همي انت جالسه افكرفي نسبتي...فهد قال اليوم بيجيبها له صديقه...بس تاخر ماجابها اخاف تكون نسبتي موحلوه خايف يقولها رغد:لاتكبرين الموضوع جاي من عمله تعبان بيريح وبعدين يقولك.. فواز:لااكيد نسبتك شينه وهوخاف يحطم مشاعرك وتنهارين عشان كذا ماقالك... العنود بكل جديه: تتوقع كذا ام فهد:العنود ماتعرفين فواز وسولفه ..خلاص لاتضيقين صدرك باتصل الحين بفهد واسئله... العنود:ايه يمه تكفين ...بس اذا شينه لاتقولي... ورفعت ام فهد السماعه بس قبل ماتدق رقم فهد دخل عليهم ابوفهد.. ابوفهد وهويبتسم:السلام عليكم.. الكل:وعليكم السلام... وراح ابوفهد ووقف قدام العنود:هاه...يالعنود..امري اطلبي اللي تبين.... العنود وهي فاقه فمها:هاه...ليه. فواز:انا ابي...سياره جديده.... ابوفهد وهويناظر فواز: صار اسمك العنود.. رغد:ههههههههههههههه ....لقط...لقط.. فواز:هاه وش معنى العنود .. ابوفهد:بلاهاجايبه نسبه ترفع الراس... رغد:هااااي اكيد 75.. العنود:حرام عليك فال الله ولا فالك (وطمرت وراحت لبوها)..يبه تكفى ولي يرحم وا لديك كم كم.... ابو فهد:هاو انتي ما تدرين احسب فهد قالك... العنود:لامقالي ...بس تكفى كم... ابوفهد:ابشري جبتي 97,67% العنود اسمعت كلمت ابوها من هنا و قامت تصارخ وتحب راس ابوها كانت في حاله هيستريه ام فهد:بسم الله عليكم سمي العنود:يمه 97% 97 % يمه رغد:مبروك ابو فهد:هههههههههه العنود خلاص كم حبيتي راسي من مره فواز:مابعرفش ازاغرط والاكان زغرطت لك... ام فهد:وين بتروحين بسم الله عليك.. شوي شوي لعنود وهي تلهث:بروح اتصل على لمى ابشرها رغد:الحمد الله رب العالمين اهل العقول في راحه... ************* والله مااطلع له جالس يتغزل في غيري وقدامي بعد.. وبعدين اروح انا وبكل غباء .. اكشخ له .. علشان يتوقع اني اتودد له .. او اني اغر منها.. بس ابي اعرف هو وش لاقي فيها.. بروح اغير ملابس ... وارجع البس لبسي الاول .. واطلع له ولا اخليه ينبسط بشوفتها.. وقبل لا تتحرك من مكانها يدخل عليها فيصل... ابتسم لما شافها اخر شى كان يتوقعه انه يشوفها كذا.. فيصل وهو يحاول يكتم ظحكته:قمر والله قمر.. نجلاء: المفروض قبل ماتدخل على اي احد تستئذن.. فيصل:بس انت مو اي احد انت زوجتي يانجلاء نجلاء: زوجتك .. وليه ماجلست تستمتع بالقمر.. فيصل وهو يبتسم:هي قمر صح .. بس انــــــ ... نجلاء وهي معصبه :اطلع برا اطلع رح للقمر برا.. فيصل:ههههههههههههههههه نجلاء في هاالحظه كانت تتمنى انها تذبحه .. خلاص ذبحها ماتقدر خلاص نجلاء: انا قلت شى يظحك.. فيصل: نجلا خلاص ولاتكبرين الموضوع.. نجلاء :........... فيصل: خلاص نجلاء نجلاْء: بكل سهوله خلاص فيصل: خلاص كان قصدي انرفزك ..والعب بااعصابك.. زي ماتسوين فيني.. نجلاء: بس انت مالعبت بااعصابي.. فيصل يطالعها بطرف عين: اكيد مالعبت بااعصابك؟؟؟ نجلاء: ايه.. اكيد وطلع فيصل وخلاها .. وراح يقلب الجرايد وهو حاس بملل .. وبعد فتره رجعت له نجلاء انتبه لها فيصل وقبل لاتجلس .... فيصل:قمر .. نجلاءوهي تجلس على كنبه بعيده شوي عن فيصل: عارفه ماله داعي تذكرني.. فيصل: انت كذا تردين على اللي يمدحك ؟؟ نجلاء: ارد كذا اذا كان المدح مو طالع من قلبه.. فيصل:وش تبيني اسوي علشان تتاكدين انه من قلبي.. نجلاء:لاتسوي شى خلاص.. فيصل: يعني رضيتي!! نجلاء:لا .. لا مارضيت فيصل:الارضيتي ..خلاص انا في شهر عسل لانقلبه بصل.. نجلاء:علم نفسك.. فيصل: طيب ..ياست نجلاء وين تبين نتغداء فيه.. هنا اوبرا نجلاْء: شكرا ماابي ..غدا فيصل: من اللي يعلم نفسه الحين انا او انت.. نجلاء حست ان فيصل احرجها وما علافت وش تقول .... فيصل: ها وش قلتي .. نجلاء: خلاص نطلع ناكل برا.. وامري لله.. فيصل وهو يبتسم لها: ايوه كذا.. ************ وليد:يالله انا مشتاق لفيصل بشكل غير طبيعي... فواز:يالله انامرتاح بشكل غير طبيعي.. مشاري:لاتكابر انت اكثر واحد مشتاق له .. فواز:انا اخرا واحد ممكن يفكر مجرد تفكير انه يشتاق لفيصل... مشاري:الاعلىفكره وش صارعلىسفره دبي.. فواز:ايه والله وش صار.. وليد:الاسبوع الجاي باخذ اجازه ويالله بس ادعوان مديري يوافق.. مشاري:قولوا امين.. الكل:امين.. مشاري:جعل ماديرك ياوليد مايوافق.. فواز:امين وليد:ياالنذل انت وياه انا الغلطان اللي معطيكم وجه...وين فيصل بس... مشاري:اذا مشتاقله رح له.... وليد:اما اروح له كان يشوتني على اقرب طياره للرياض.. فواز:احسن علشان تعرف قيمتنا ... وليد:اقول عن الكلام الفاضي ويالله مشاينا للشباب في الاستراحه.. مشاري: استعدوا ... فواز:هيابنا... وليد:الحمد لله والشكر....انطلقوا الكل:ههههههههههه **************** طلعوا فيصل ونجلاء اخذوا سياره الفندق وطول الطريق ساكتين..نجلاء مقهوره من فيصل وشلون يعاملها كذا وشلون يجبرها على شي ماتبيه وفي الطرف الثاني فيصل كان يتامل نجلاء اللي واضح انها في عالم ثاني وقطع عليه حبل افكاره صوت السواق... السواق:انتوا متزوجين جديد.. فيصل:ايه السواق:ماهو باين بتتكسفوا اوي... فيصل يطالع نجلاء ويبتسم ونجلاء ولاكانها سمعت شي... فيصل:بتطولين ساكته.. نجلاء:.............. فيصل:نجلاء اكلمك نجلاء:وش تبي فيصل:وش رايك اذا طلعنا مانرجع الفندق..ونروح اي مكان.. نجلاء:............... فيصل حس شوي ويذبحها يطالعها يبيها تحس بس هي سوت نفسها ماهما ولاكانها تسمع شي.. فيصل:اه.........هاه وش قلتي... نجلا:طبعا لا فيصل:ليه نجلا وش تبيني اقولك تبيني اقولك مابي اكون انا وانت في مكان واحد.....مابيك زي ما انت ماتبيني انا مابيك..اه يافيصل ياليت اقدر اقولها لك وارفع صوتي وخلي الناس كلهم يدرون.... نجلاء:متى بنرجع السعوديه.. فيصل طير عيونه وتفاجاء من سولها بس حب يقهرها:بكره اذا بغيتي.. نجلا يعني له الدرجه مال مني وما تبيني بس مو انت اللي مال وحدك حتى انا... فيصل:وش فيك تطالعيني كذا انت اللي سالتي بعدين انا قلت اذا حبيتي يعني ماقلت بنرجع... نجلا:ماكنت اطالعك فيصل:من تطالعين... نجلاء:اللي في السياره اللي وراك... فيصل حس اخير ان في موضوع يقدر يفتحه بدون انفعال وترتر فيصل:تحبين البزارين... نجلاء: ايه فيصل:البنات اوالاولاد نجلاء:كلهم.........بس البنات غصب يخلونك تحبهم اكثر من الاولاد فيصل:ليه كل هذا التحيز علشانك بنت نجلاء:لامو تحيز بس اسال اي احد بيقولك نفس الكلام ... فيصل: نجلاء طيب ممكن اسال سؤال نجلاء: ايه عادي فيصل:انت مقتنعه بزواجنا.. يتبع :::::::::::::::: الجزء العاشر فيصل: نجلاء طيب ممكن اسال سؤال نجلاء: ايه عادي فيصل:انت مقتنعه بزواجنا.. نجلاء كانت مصدومة ما كانت متوقعه إن فيصل يطرح عليها هذا السؤال في الوقت هذا .. كانت تعيش صراع داخلي صوت داخلها يطلب منها أنها تقول له كل شي ء عن مشاعرها واحسيسها .. وصوت كان يحذرها من العواقب .. إما فيصل فكان مركز على كل شي في نجلاء .. كان يحاول يبحث عن اجابيتها قبل ما تقولها .. كان حريص على إن يسمع الاجابه كان يبني على إجابتها أشياء كثيرة .. تحدد علاقتهم في المستقبل مع بعض .. ومرت فتره ماهي بسيطة على فيصل .. ونجلاء ساكتة بس كان حاب يعطيها فرصه تجاوب على راحتها .. وقطع عليه صوتها .. نجلاء: فيصل .. ليه تقول كذا ؟؟؟ فيصل: صار لنا فتره مرتبطين .. وأتوقع انك قدرتي تكونين . انطباع عام عن علاقتنا .. نجلاء: ......... فيصل : صح إنا في البداية بس أكيد انك كونتي انطباع أولي .. نجلاء:.............. طــــــــــــال سكوت نجلاء .... وبدء فيصل يفقد أعصابه .. فيصل بنفاذ صبر : هـــــاه نجلاء لين متى وأنا انتظر؟؟؟ السواق: وصلنا يا سعادة البيه .. فيصل وهو يتمتم : وقتك أنت بعد.. هي كانت ناقصتك السواق: أولت حاقة يا سعادة البيه.. فيصل: لا ما قلت شي وينزل ويخبط الباب بقوه ... نجلاء ما كانت مستغربه من عصبيت فيصل لأنها كانت عارفه حرصه على سماع جوابها ... علشان كذا حست براحه ... وشكرت في داخلها السواق اللي أنقذها .. وسوى لها خدمه عظيمة .. وقررت تحاول قد ما تقدر أنها ما تستفز فيصل علشان ما يفتح معها الموضوع مره ثانيه .... دخلوا فيصل ونجلاء حدائق تيفولي ... دخلوا بصمت وكل واحد منهم في عالم ثاني .. فيصل كان منقهر من نجلاء وكان مقرر انه يفتح معها الموضوع مره ثانيه ... بس من دون ما تحس نجلاء انه حريص أو متحمس يسمع جوابها .. إما نجلاء فكانت مبهورة ومعجبه في الحديقة ..لفت نظرها أشياء كثيرة .. أعجبتها النوافير والمدرجات الخضراء والإشكال الهندسية للأشجار ووقفت تتأمل القصور .. نجلاء : يا لله أبداع والله أبداع فيصل: .......... نجلاء: ياااااااااااااااااااي رهيبة فيصل: عرفتي الحين ليه أحب ايطاليا .. نجلاء: فيصل شف كيف الدقه... تتوقع كم عمر القصور فيصل: مادري بس مواقل من 100سنه نجلاء : يا لله يا فيصل شف النافورة هذي!! فيصل: ما شفتي شي.. اجل لو شفتي نافورة اوفاتو أو تيفولي كيف تكون في الليل والأنوار مسلطه عليها.. راح يشدك شكلها ولو تجلسين سنه تتأملين ممليتي يانجلاء .. نجلاء: لي ها الدرجه!! فيصل: وأكثر بعد بيت أبو عبير في غرفة ريم كانت متحمسة مع فلم هندي توه بادي في قناة الأمارات ودخلت عليها رنا رنا : ريم ريم وهي مندمجة مع الفلم ولا ردت عليها.. رنا بصوت اعلي شوي : ريـــــــم .. ريم وعيونها على التلفزيون : نعم وش تبين أنا متحمسة ..اخلصي رنا :ريم تقول أمي بترو حين معنا بكرة الاستراحة .. ريم بأ على صوتها : لاااااااااااااااااااااااااااااااا.. رنا: ليش ما راح تروحين ... ريم بـأ على صوتها مرة ثانية : لااااااااااااا ياربية هذا هو البطل..وأنا ما سجلت الفلم من البداية رنا : الحين ذا الصرخة كلها على فلم ... ريم وهي تقوم من السرير وتسحب رنا معها جنبها عند التلفزيون وهي مبحلقة عيونها في التلفزيون : بلاك ما شفتي البطل ( وتأشر على البطل)شوفية هذا هو البطل ..ياربية علية يهبل رنا وهي تقوم : والله انك انسانة فاهيه أنا ويين وأنتي ويين.. ريم :شوفي إذا ماتبين تشوفين اطلعي برى ولا اقعدي ساكتة ... رنا وهي معصبة : اوكي بطلع ..بس ما قلتي لي بتر وحين ولا لا .. ريم وهي مستغربة: أروح... ويين ؟... رنا : اللهم طولك يا روح ... بترو حين بكرة الاستراحة ولالا.. ريم : طيب مين اللي بيروح رنا : خالتي أم راشد وعبير وخالتي أم فهد وبناتها.. ريم : اهاااااا رنا : أنا ليش جايه .. جاية عشان أسالك بترو حين ولالا بسرعة .. ريم : بالله وش رأيك هذي فيها سؤال اكييد بروح .. وطلعت رنا وخلت لريم تكمل الفلم لحد ما خلص الفلم الهندي ونزلت تحت عند أمها ورنا .. ريم :ســـــــــــــــــــــــــــلام .. رنا وأم عبير : وعليكم السلام رنا وهي تطالع ريم :ها توك تتذكرينا يوم خلص الفلم .. ريم : فاتك يا رنا فلم يجنن ما قدر أقول إلا فاتك نص عمرك .. أم عبير : أقول عن السخافات والمصالة ... رنا :أية والله سخافات ......إلا أقول يمة متي بنروح بكرة الاستراحة أم عبير : بنروح بدري .. ريم : أية دارية بدري .. بس عاد كم الساعة .. أم عبير : الساعة 11 .. ريم: يؤيؤيؤ11 احد يروح الساعة 11 أم عبير : أية لانا بنطبخ ألغدا هناك .. رنا : اجل أنا بطلع فوق عشان أنوم .. يلة تصبحون على خير .. ريم : وأم عبير :وأنتي من أهلة ... يوم الخميس في بيت ابو راشد ام راشد: ياربيه يابنيتي ليتها معنا اليوم .. ابو راشد : الله يرجعها لنا ان شاء الله .. ام راشد: بدق عليها اقولها واشوف وش اخبارها .. ابوراشد: توها مكلمتك امس .. خليخا على راحتها مع رجلها ..ماعليها الاالعافيه ان شاء الله .. راشد: مافيها شى واذا على فيصل فيصل مو غريب وزي ولدها .. مشعل : الله عليك يانجلاء الله لنا .. ابوراشد : والله لو اني مطاوع نفسي كان مخليتها تطلع من هالبيت ابد.. ام راشد: والله ان البيت بدونها مايسوى شى .. راشد: ههههه والله لو ان مشاري فيه ان يموت .. ام راشد: الله يموتنا ويخلينا نكره الساعه اللي قلنا فيها ذا الكلام .. مشعل: ماله داعي يكون فيه انا اتكفل بالموضوع ووصل له الموضوع كامل .. ام راشد:هههههههههه أنا مقلت شي اثبتوا إني قايله شي .. راشد: يعني سحبتي كلامك .. ام راشد: ههههههههههههههههههه ابوراشد: والله اذا على الاثبات انا شاهد .. مشعل: وانا ام راشد: اجل لاتلوموني اذا قلت ذا الكلام وهذي فعايلكم الكل :هههههههههههههههههههههههههههه في الاستراحة الشباب في المسبح .. الجو كان وناسه طبعا فواز ومشاري ومعهم مشعل وراشد وفهد ومحمد فواز بصوت عالي :يا لله شباب نتسابق واتحدي احد يفوز على .. مشعل بخبث: طيب ...بس اللي يفوز عليك وش راح تعطيه .. فواز :منيب معطيكم ....وليش أصلا أعطيكم ... راشد : إذا مافية مقابل.. أنا منيب متسابق ... فهد: حتى أنا ماني متسابق .... محمد :أنا عن نفسي أتحداك بدون مقابل ... فواز : لألا عشان ما يقولون عن نفسي بخيل يا لله 5ريال.. مشاري من برى المسبح :لا لا وش 5ريال كثير عليهم خلهم ريالين ونص .. مشعل بسخرية :أية والله مرة مرة كثيرة... فواز :خلاص دامكم تقولون كثير اجل أخليها ريالين ونص.. فهد :والله إن ما عندك سالفة.. راشد : إذا ما فيه شي يستأهل لا والله منيب متسابق.. فواز وهو يضحك بصوت عالي :اهاا قولوا من أول انتم مهوب قصدكم مقابل ..انم خايفين بالجبناء..لأنكم عجزتم .. محمد: أقول دام ذا تفكيرك يا الله نتحدى ونشوف من يفوز.. طلبا كلهم تسابقوا ماعدا مشا ري اللي كان رافض إن يتسبح معهم بحجة إن الماء باردة.. وبدو السباق في البداية كان فواز الأول بعدين صار راشد بس في الأخير فاز مشعل .. مشا ري وهو يضحك :مشعل ايوه فزت على فواز ... ههههههههه والله يا فواز انك زلابة ..ههههههه فواز وهو يطلع : طيب أوريك تتطنز على .. مشا ري : ههههههه وش بتسوي .. فواز يلاحق مشاري : أية اضحك والله ما تطلع من هناء قبل مادزك... مشاري وهو يدور على المسبح وفواز ورآه : هااااي تحداك وطلع مشعل وراح يقفل الباب وقف عندة علشان ما يطلع مشاري .. فواز وهو يركض وري مشاري : مشيري أنت قد التحدي مشاري حس أنة في ورطة بس كابر : أية قدة وقدود .. ظل مشاري يركض ورآه فواز لحد ما عكس فواز طريقة بدون ما يحس مشاري وطلع في وجه ونطلة في المسبح فواز :ههههههههههههههههههههه مرة ثانية لا تتحدي ... مشعل وراشد وفهد ومحمد :ههههههههههه مشاري : خير أنت وياه صرت مضحكة لكم .. فهد هو ماسك ضحكتة :لا أنت من يقول ابد محشوم ....بس تبي الصراحة شكلك يضحك هههههههههههههه راشد وهو يقلد صوت مشاري :أتحداك هههههههههههههه وفي قسم الحريم الساعة 4 العصر وطبعا هذا هو وقت الشاهي والمعجنات والحب والمكسرات والبنات جالسين سالفة وري سالفة وطبعا السوالف عند البنات ما تخلص ... العنود :لألا تلعبين على ريم: والله العظيم أني صادقة .. العنود :لألا مو معقول يعني أنت أخت نجلاء من الرضاعة.. لألا يعني انك ما تتغطين عن مشعل وراشد و مشاري .. ريم : هههههه أية ما تغطي رغد :طيب وشلون وانتم توأم وشلون أرضعتك ورنا لا.. ريم بهمس عشان ما تسمعها رنا : يا حبيبتي يا رغد خالتي حبتني فدخلت قلبها ..فأرضعتني .. رنا:هاااي تراني سمعتك لا يا رغد لا تصدقينها ..بس لان أمي كانت تعبانة وما تقدر ترضعنا إحنا الثنتيين فأخذت وحدة وخالتي وحدة .. العنود :اهاااا.. بس أنتي لين الحين ماد خلتي مزاجي انك ما تتغطين عنهم .. ريم : هههههههههه العنود وهي تسحب ريم : تعالي اقعدي جنبي .. قامت ريم وقعدت جنب العنود :نعم وش تبين ..... العنود: تعالي اوصفيلي أشكالهم ..تري أنا عمري ما شفتهم .. رغد تطالع العنود تبيها تحس أو تستحي .. بس العنود مكانها تشوفها .. ريم : عيب عن اللقافه وش تبين بخواني ..قلة أدب العنود وهي تطق ريم مع كتفها : أقول عن المصالة وقولي .. ريم وهي تبتسم : طيب يا أخت العنود عموما هم ثلاثة في شي تميزينهم عن غيرهم .. قولي وشو .. العنود بلهفة : وشو .. ريم بابتسامة : الطول ..شي مشترك فيهم ثلاثتهم .. طيب الحين نبداء في كل واحد على حدا ..من تبين نبداء بمين .. العنود : الكبير راشد .. ريم :يله راشد هو اقلهم جمال بس أقواهم جاذبية .. يعني فيه جاذبية غير طبيعية ..خاصة إذا ابتسم .. العنود : الثاني ريم : مشعل هذا أجمل أخوانة يعني ما شا الله جمال رهيب .. العنود : الحين عاد مشار ي ريم : عاد هذا وش أقولك عنة الملح كلة وفيه غميزة صح أنها وحده بس كبيرة بس جايه بالطول بس يعني ملح ملح ..وطبعا نسخة من نجلا على شكل رجالي وأكثر شي متشابهة فيهم الغميزة وقربت رنا منهم : طيب يا العنود الحين دور إخوانك .. العنود : طيب بس بوصف أشكالهم وبقول شخصياتهم .. ريم ورنا تحمسوا : يا لله يا لله .. العنود : نبداء بفهد ..مع اكبر أخواني بس جماله طفولي يعني وجه فيه براءة رهيبة .. حنون طيب لدرجة كبير .. ريم : لحظة لحظة العنود ..( وتعلى صوتها ) عبـــيــر انطلي على كيسه الحب (وترجع العنود ) .. العنود : الحين فيصل هو أطول أخواني وفيه اشوي عضلات لان من سنتين كان يلعب كمال أجسام ..لو رشح لمسابقة ملك جمال كان فاز وهو من ناحية الشكل والجسم .. ريم ورنا : هههههههههههههههههههههههههههههههه العنود : لا تضحكون والله صادقه .. ما شآ الله علية عيون وفم وخشم ..اّاّاّهـ بس على اخوي والشخصية يجمع بين العصبية والهدوء .. والجد والمزاح .. والطيبة والحنان ما يحب احد يزعل منة ونقطت ضعفه الدموع .. ريم: واو يا بختك يا نجلاء .... العنود: الحين فواز عاد هذا سكر وشكله يعني مليان شوي بس طويل عشان كذا جسمة صار حلو وشكله مادري وش أقولك بشوش لدرجه رهيبة وعلية ضحكة تذوب الصخر وهو يشبة فيصل بس احلي ومن ناحية الشخصية خفت دم غير طبيعية يعني كل شي عندة مزح مستحيل يأخذ أي موضوع بجدية أبدا أبدا .. وتقطع عليهم أم راشد :أقول يا بنات صليتوا العصر العنود تصرخ:لا استغفر الله كل منك (وتأشر على ريم) ريم: أنا وشي على منك .. أنا صليت وجيت اسولف العنود : يا الله بروح اصلي وبرجع أنكمل سوا ليفنا.. وفي احد حدائق روما كانو فيصل ونجلاء جالسين على أحدا الحدائق .. فيصل : نجلاء أنا بروح أجيب لي شي أشربة تبين شي .. نجلاء : أية .. بس لا تتأخر.. فيصل : طيب .. راح فيصل وظلت نجلاء تتأمل واللي رايح والجاي ..ولفت نظرها حرمة عمرها 24 أو 25 كانت تلعب مع ولدها .. الولد ما شا الله علية براءة رهبية ويهبل .. وعلى جهة ثانية كان فية بنات خليجيات ومعهم أولادهم وصغار يتسلقون ويضحكون وفي ها لحظة حست نجلا بشي يشد عبايتها ونجلا بكل برود تلتفت تناظر وش هالشي اللي يشد عبايتها نجلاء وبا على صوتها : فـــــــــــــــــــــيــــــــــــــــــصــــــــ ـــــــل وقامت تركض بأسرع ما عندها والناس يضحكون عليها وظلت تصرخ تركض وتركض لحد ما وصلت لفيصل .. وتمسكت فيه بكل قوتها .. فيصل وهو خايف على نجلاء : نجلاء وش فيك .. نجلاء وهي تشد على يد فيصل : فيصل الله يخليك لا تتركني لحالي .. تكفى فيصل : طيب ما راح أتركك لحالك .. بس وش صار .. نجلاء بصوت متقطع : قــ ــ ـطــ ــ ـوه .. ت تــ ـــلحقني .. فيصل : قطوه .. نجلاء : أيــ ـ ـ ــه .. فيصل : هههههههههههههههههههههههههههههههههههههه .. نجلاء : أحر اعندي ابرد ما عندك .. فيصل : ههههههههه قطوه أحد يخاف من قطوه .. نجلاء : والله انك سخيف يعني القطوه ما تخوف .. فيصل وهو يبتسم : أصلا القطوه تخاف لو تقربين منها انحاشت .. نجلاء : لا كانت تشد عبايتي .. فيصل : تصدقين على ها لخوف كنت متوقع احد تحرش فيك .. أو حرامي حاول يسرق شنطتك .. نجلاء تصرخ : لااااااااااااااااااا .. فيصل : وشو بعد .. نجلاء : نسيت شنطتي هناك .. فيصل : ههههههههه طيب يله نروح نجيبها .. نجلاء وهي تشد مسكتها على يد فيصل : طيب بس لا تبعد عني .. فيصل : ههههههههههه أن شاء الله.. نجلاء وهي تشد على يد فيصل كانت تحس بإحساس غير الحقد اللي تكنه لفيصل .. تحس بالأمان أول مره تحس هالا حساس من تزوجته .. وظلت متمسكة فيه لحد ماوصلو للكرسي اللي كانو جالسين فيه.. فيصل : الحمد لله أنها ما انسرقت .. نجلاء : والله كنت متوقعه أني ما راح ألقاها .. فيصل : ههههههه احمدي ربك ولا فيه احد يترك شنطته .. نجلاء : يعني كنت تبيني آخذ الشنطه فيما آخذها تكون القطوه كلتني .. فيصل وهو فرحان لأول مره تكون طبيعية معه : هههههههههههههههههههههههههه .. أنا كم مره أقولك هي وشلون تأكلك .. نجلاء : هههههههه خلاص فيصل .. مقتلي وش جبت لي .. هذي نبذه عن حياة ساره سارة: آهلين هلا قلبي -----:هلا والله ...... وش أخبارك سارة: بخير....أنت وش أخبارك -----:دامك بخير أنا بخير سارة: دوم أن شاء الله ----:وينك أمس اكلم عليك ما تردين سارة: والله يا قلبي كنت مشغولة ----:وأنا أهون عليك يمر يوم ما تكلميني سارة:يا عيوني ما تهون علي بس أنا كنت مشغولة ----: والله إني حيل مشتاق لك سارة:وأنا أكثر يا طارق...الاياطارق أنافي وحده في الجامعة قاهر تني حاطه دوبها من دوبي أبي انتقم منها وأبيك أتساعدني طارق: أنتي تأمرين أمر ....... بس قولي وش أساعدك فيه سارة:ابعطيك رقمها وأبيك اطيحها طارق:ولبش أنتي ماتغارين علي أتخليني اكلمها سارة:يا قلبي أنا واثقة فيك طارق:طيب وش اسمها سارة: اسمها ندى الــــ........... طارق:طيب هي في أي مستوى سارة:نفس المستوى إلى أنا فيه طارق:طيب إن شاء من أعيوني الثبتين سارة:وفيه شيء ثاني بعد .. طارق : آمري .. سارة : أبرسل لك صورتها بلوتوث وأبيك تساعدني على نشرها .. طارق : طيب هي صوره ولا فيديو .. سارة : فيديو وصوره .. طارق : طيب هي وش كانت تسوي بالفيديو .. سارة : وهي تفطر في الجامعة .. طارق : خلاص أرسلي الفيديو والصورة سارة : لا لا برسل لك الفيديو أول لين تشتهر طارق : طيب نفس الشي .. سارة : لا أول الفيديو لين تشتهر وتعدين إذا خفت الفضيحة شوي .. رجعنا وقومناها بالصور .. طارق : ههههههههههههههههه .. والله أنتي أذكى مخلوقة شفتها .. سارة : اجل يا حبيبي ( وبالسوري ) أنا سارة مو حيا الله .. ورجعوا فيصل ونجلاء للفندق وهم مرهقين وجلسوا مع بعض يسولفون ... فيصل: وش رايك ؟؟ ها اعجبتك الطلعه؟! نجلاء في نفسها الحين اذا قلتله ايه انبسط وكيف ... واذا قلتله لا بيرجع يسألني السؤال انت مقتنهع بزواجنا اولا وانا مالي خلقه ... نجلاء: ايه مره فيصل : وترك ما بعد شفتي شي نجلاء: نشوف .. فيصل ما سمع كلمتها .. مبسوط حاس ان نجلاء بدت تتاقلم على وجوده معها .. وتتقبل الوضع الجديد .. حس ان هالرحله قربته من نجلاء .. وقام يغير ملابسه .. وقامت نجلا ء وطفت التلفزيون ودخلت الغرفه بعد ماحست ان فيصل طول عليها .. وانصدمت لما شافت فيصل راقد على السرير .. نجلاء: فيصل.. فيصل: هلا.. نجلاء: ابي انوم.. فيصل وهو يبتسم بخبث وياشر لها: طيب تعالي نومي .. من ماسكك .. نجلاء: انت .. فيصل مسوي نفسه برئ: انـــــــــــــــا ... نجلاء بنفاذ صبر: طيب خلاص انا بروح انام في الغرفه الثانيه فيصل: لاتروحين ا نا اللي بطلع خلاص ... نجلاء انحرجت من فيصل: لاخلاص انا بنوم هنا .. فيصل مستغرب: وشلون يعني تنومين معي عادي ؟!! نجلاء حبت تقهره: ايه عادي انت شايف فيها شى غلط !! فيصل حب يقهرها باسلوبه عطاها ظهره ونام .. يــــــــــتــــــــــبـــــــــــــــــع ... س: تتوقعون كيف بتكون علاقة نجلاء وفيصل في الاسابيع الجايه ؟؟ س: ومن الجزء الجاي راح اسلط الضوء على معاناة جديده لبطل من ابطال القصه تتوقعون مين ؟؟ س: تتوقعون وش راح يصير على مشعل وغدير ؟؟ وراح يبدا حدث جديد في حياتهم ابتداء من الجزء الجاي .. س : قصة حب جديده بين شخصين ابتداء من الاجزاء القادمه تتوقعون مين ؟؟؟؟؟؟؟؟؟ |
|
|
|
|
|
|
| مواقع النشر (المفضلة) |
| الذين يشاهدون محتوى الموضوع الآن : 14 ( الأعضاء 0 والزوار 14) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| اد خلوا وصدقوني صدقوني مارح تندمون،، | براءه | ۞ مجلس حــلا الاسلامي ۞ | 13 | 18-04-2007 09:26 AM |
| قام: غرور الورد بالإنضمام إلينا... | إدارة شبكة حلا | مجلس حلا للترحيب والإهداءات | 5 | 29-05-2006 06:20 PM |
| مجموعة تصاميم .....تهبل..تهبل ....وحلوين | ملك الأحلام | مجلس حلا للتصاميم والجرافيكس | 8 | 24-10-2005 02:26 AM |
| شنط تهبل تجنن بعمري لا تفوتكم | NOOR ELHOODA | مجلس حلا للأسرة والطفل | 5 | 10-10-2005 02:22 PM |
| والله ماراح تندمون | بنوته | مجلس حلا للأسرة والطفل | 4 | 21-07-2004 10:53 PM |
العرض المتطور
