عندي حكاية يابحر .....

[الدكتور البربرى]

قصيدة
عندي حكاية يابحر
من التراث الليبى




عندي حكاية يا بحر كاميها .. أمفيت انت ما عندي لمن نحكيها

حكاية غالي .. عدّا وخلالي سمور ليالي

هو غاب وانا زاد غاب دلالي .. وخلا العين ديما منفلت ماقيها

يمين حالفه ما عاد تالف والي .. رضيت الياس وياسها راضيها

لا لها عدو ولا عاد تريد غوالي .. رصيد م الكواين عزها يكفيها

ولا تريد ضحك ولا تريد تسالي .. تعشق الحان الياس وتسليها

يجتمعو مع نسمة الليل التالي .. عطاشنه اتجيه وكاسها يسقيها

ولمباكر تنوض مهوطه وتخالي .. مفعوله قوي بالحيل ومقسيها

ونا يا بحر تميت كاره حالي .. لا عرفت ننهاها ولا نرخيها



حكاية ياسي .. الطايل اللي منه اكبر وسواسي

على اثر موح مستاصل ابقي مجلاسي .. صعب مع اللي قعدته شاهيها

والوقت جرني جرة زعيم سياسي .. دخلني دروب ضلال ما نبيها

واعدمني الثقة في قرايب ناسي .. كامي عليها ما لحد نشكيها

علي صغر سني ذقت مرّة كاسي .. مفطوم ع الكواين فرحتي ناسيها

و لا ارضيت لا نرضى نواطي راسي.. الدنيا سواء عندي الله ناشيها

ولا نقترب م اللي كبار كراسي .. عصران نفس خالقها الله يغنيها

وحتى ان كان هو بيد حديده فاسي .. جبال دنيتي لازم انخش عليها

يا نموت فيها يا يصير خلاصي .. ونلقى اصحاب عقول ونغاليها

وما خانّي صادق معاي احساسي .. متوقع بشاير خير مستوحيها

ايجي يوم ونثور ضد افلاسي .. ونركن قوانينه ونستثنيها

وتسمع بعد سكتة اصوات اجراسي .. تعلن لحظة فرح متمنيها

وانت يا بحر للصوب فيك مراسي .. لازم ابواخر العاشقين اتجيها

وانت سبب عله وفيك مآسي .. يصيرن امغير الموج يمحا فيها

ونا علي شطك نفضت اكياسي .. حكيت لك بقصة للنجوم ارويها

عندي حكاية يابحر كاميها ......ولغيرك مانقدر لحد نحكيها

حكايتي مااطولها ...حكاية صعيبة شايكة من اولها

كان عندك حل يابحر ديره....والا اسمعها وعندك يابحر خليها

[حـ الذكريات ـلو]

كلام جميل
ونقل رائع
وما في احلى من التراث
دائماً له طعم خاص
مشكور اخوي
تحياتي

[الدكتور البربرى]

البجادي
¨¤¨مراقب همس القوافي¨¤¨

شكرا أخى على الرد اللطيف

[مــ الحزن ــلاك]

•.••◙» الدكتور البربرى «◙••.•


أشــكـــركـ

علــى عــذوبــة قلمــكـ

وعلـى اختيــــاركـ الموفـــق

الله يعطيـكـ العافيــه

أخـتــــــكـ ,,,

[الدكتور البربرى]

مــ الحزن ــلاك
¨¤¨إدارية¨¤¨

شكرا على إطراءك اللطيف