حكايات البنات

[عاشقه المطر]

الف شكر الحان الالام
يا رافع معنوياتي
القصه طويله شويه
بس لزوم الدراسه هانزل كل يوم جزء

[الحان الالم]

الله يوفقك عاشقة المطر
بس ماتطولي علينا بليز

[البريئة]

عاشقة المطر

مشكـورة وتسلـمـين على القسه الرائعه

الله يعطيك الف عافيه

وماننحرم من تواجدك ابد بانتظار القادم


دمـتـ بود

[snoop_y]

مشكور يالغالية

[rock]

السلام عليكم ورحمة الله وبركاته
عاشقه
مشكورة اختى الغاليه على المشاركه ننتظر جديدك دمتى بود وحب

الروك

[عاشقه المطر]

ريم:السلام عليكم
دكتور مصطفي:عليكم السلام.تعالي يا ريم
ريم:نعم يا دكتر
دكتور مصطفي :انا يا ريم عندي تقليد من يوم ما استلمت رئاسه القسم اني ابلغ الطلبه الاوائل بنتايجهم بنفسي
الف مبروك يا ريم زي ما توقعت امتياز الاولي علي القسم
لم تصدق ريم اذنيها وظلت صامته.ثم ابتسمت وقالت بصوت منخفض :اله يبارك فيك
دكتور مصطفي :شدي حيلك انا عيز بلغك كل ترم بالنتيجه بنفسي
ريم :ان شاء الله يا دكت عن اذنك.واستدارت ريم الي الباب.واوقفتها كلمه الدكتور مصطفي:انت تعرفي حد في اداب اسكندريه
اندهشت ريم:لا الا انها لم تكن في حال يسمح لها بالسؤال عن السبب واستدارت واسرعت الي صديقتها شيماء التي كانت تنتظرها علي الباب
شيماء خير يا ريم
ريم:والدموع في عينيها وصوتها يشبه الهمس:انا طلعت الاولي علي القسم
احتضنت شيماء ريم وكانت سعادتهما غامره
اسرعت ريم فاخبرت امها وصديقتيها.واتفقت الصديقات الثلاثه علي الاحتفال بنجاحهم يوم الخميس
وفي يوم الخميس ذهبت ريم واشترت الجاتو والحلوي لزوم الاحتفال .ووقفت هي وشيماء في انتظار القطار
وليد :السلام عليكم
شيماء وريم:وعليكم السلام
وليد:مبروك ما كنتش فاكر انك شاطره كده
ريم:وعرفت منين
وليد : اسمها الله يبارك فيك.مش عرفت منين
احست ريم بالحراج من تعليق وليدوحاولت ان تخفي ذلك:المهم عرفت منين
وليد بثقه زاده:انت ناسيه انا مين.سلام عليكم
شيماء :وعليكم السلام.لريم:قمر والله قمر
ريم:قمر ؟؟؟ده مغرور وحاسس بنفسه فوق البشر
شيماء بس ايه الحكايه كل اسبوع يجي ويطلع المحطه وبعدين يمشي مع ان معاه عربيه
ريم وانا ايه عرفني.المهم انه بيجي يدايقني بكلامه البايخ ويمشي
شيماء بخبث :بيدايقك بجد؟سكتت ريم واخذت تقول لنفسها هو مغرور اه وبيحرق دمي بكلامه .بس مش بيدايقني ابدا
وفي المساء احتفلت الصديقات بنجاحهم في بيت ريم وحضرت بعض صديقاتهم وكان جو رائع
في كليه التربيه
امير:السلام عليكم
امنيه وايمان وعليكم السلام
امير:ممكن اتكلم معاكي شويه يا ايمان
ايمان :نعم
امير:لا اقصد كنت عايزك في موضوع
ايمان تقدر تتكلم امنيه اختي .وانا مش هاقعد معاك لوحدي
امير:انت ليه دايما سيئه الظن بيه .انا اما طلبت اتكلم معاكي كنت اقصد اننا هنقعد في وسط الكليه مش في مكان معزول ولا حاجه
ايمان وهي تلوم نفسها فهي تراقب سلوك امير من بدايه الترم الثاني ولاحضت ادبه واحترامه والتزامه:مقصدش .خلاص ماشي
استاذنت امنيه وجلست ايمان مع امير
امير :انا ملاحظ سلوكك من اول يوم دخلنا الكليه انت انسانه محترمه وعلي خلق وفيكي كل الموصفات اللي يتمناها اي شاب في البنت اللي يحب انها تكون شريكه عمره
صدمت ايمان بالكلمه:ورددت شريكه عمره
امير:ايوه يا ايمان انا معج بيكي واتمني اننا نرتبط
ايمان:نرتبط ؟احنا لسه في سنه اولي .وبعدين انت ما تعرفش حاجه عن حياتي
امير:انا مقلتش نتجوز انا باقول حتي نتخطب واول ما نخلص دراسه نتجوز.وبعدين انا عرفت عنك الحاجات اللي تهمني
ايمان:امير انا مش عارفه اقول لك ايه
امير:طبعا انت ممكن تفكري اني باضحك عليكي او علي الاقل تقولي باحلم اني لسه طالب وحتي اما اتخرج علي ما الاقي شغل واجهز نفسي
ايمان:يعني
امير:من اول يوم شفتك فكرت في كل الحاجات دي.انا اسرتي متوسطه يعني مش هتقدر تساعدني كتير.بس الحمد لله والدي عنده ورشه موبيليا ومن انا صغير باروح اشتغل معاه فيها والحمد لله اتقنت الصنعه كويس يعني ممكن في خلال سنوات الكليه اجهز شقه صغيره .ايمان انا عايز واحده تكافح معايا نطلع سوا
ايمان :امير مش هانكر اني كمان معجبه بادبك واخلاقك والتزامك .لكن موضوع الارتباط والجواز بيدخل فيه اطراف تانيه كتير زي اهلي واهلك
امير:المهم احنا.انا مش عايز اضغط عليكي فكري براحتك. ايمان العمر قصير .سلام عليكم
قام امير وترك ايمان بين سعادهوخوف وقلق وتوتر
ما ان رات امنيه امير يبتعد حتي اسرعت الي ايمان
امنيه خير كان عايز ايه
ايمان:...........ز
امنيه:ايمان .ايمان مالك
ايمان وهي كمن يتكلم في الحلم:لا مفيش اتصلي علي ريم وقولي لها لازم نتقابل النهارده ضروري
في المساء تقابلت الصديقات وحكت لهم اايمان عن ما حدث
امنيه:الله ايه الرومانسيه والحب .ده انتو ممكن تكونو قصه من قصص الحب الخالد
واخذت تدنن باغنيه نجاه قصص الحب الجميله اكيد ناقصه قصه وبين كل الاغاني فيه غنوه حب ناقصه
عارفه وما تقولش انت اني انا وانت احنا الغنوه اللي ناقصه
قاطعتها ريم:استني يا امنيه الموضوع لازمه تفكير ودراسه .لازم نتاكد الاول انه مش بيكدب عليكي .ثانيا لازم نعرف موقف اهلك
ايمان:دراسه ايه؟الموضوع مش هينفع
امنيه؟ليه بس؟امير واضح انه محترم ومش من النوع اللي يالف كدبه زي دي علشان يوصل لبنت
ايمان :حتي لو كان بيتكلم جد.انتو مش عارفين اهلي............امي مبداها في الحياه عريس جاهز وغني يعني مش بتعترف بالكفاح اللي بيقول عليه امير
ريم:الاول انت.ايه رايك.تحبي تكافحي معاه وتبتدو من اول السلم مع بعض
ايمان:انت عارفه اني طول عمري اتمني ان اتجوز وابني حياتي مع اللي اتجوزه واحد نحلم سو ونحقق احلمناونتعب
امنيه:مش قلت لكو رومانسي
ايمان:بس صعب ان اهلي ياوافقو اني اتخطب ثلاث سنين.وبعد كده شقه صغيره وامكانيات بسيطه
ريم:انت مقتنعه
ايمان بخجل :ايوه
ريم خلاص انت لازم تقنعيهم لان دي حياتك
امنيه:وهترد علي امير تقله ايه
ايمان هاقول له الحقيقه .اننا لازم نستني لحد ما اسافر لاهلي في الصيف

[الحان الالم]

بالاول يسلمو عالجزء الي نزلتيه
تاني شي ليه بتنزلي جزء قصير ؟؟؟؟؟؟

[lahlouba22]

السلام عليكم قصة تجنن شوقتينا قوي يا ريت النهاية بسرعة وتسلمين

[aseel_]

--------------------------------------------------------------------------------

جزاكي الله ألف خير

وحفظكي من كل شر

ودمتي سالمه

[عاشقه المطر]

اليوم هو يوم عوده اسامه من السفر
ايمان اهدي جننتيني
امنيه مش قادره هاموت خلاص عاوزه اشوفه
ايمان :اهههههه الحب وسنينه
في هذه الحظه دق موبايل امنيه برقم من القاهره
ردت امنيه بدهشه :الو
اسامه:وحشتيني
امنيه:.............
ايمان:مين يا امنيه
امنيه:...............
اسامه:امنيتي انتي معايا
امنيه :بكل الشوق والحب والخجل:حمد الله علي السلامه
ايمان:هو وصل طيب سلمي لي عليه.عن اذنك
اسامه:الله يسلمك .وحشتيني موت
امنيه:..........
اسامه:ايه و انا مش وحشتك
امنيه:طبعا.(وهي تحاول تغيير الموضوع) انت بتتكلم منين
اسامه:انا لسه في المطار.ساعتين باكتير واكون في البيت
امنيه:بالسلامه ان شاء الله
اسامه :الله يسلمك يا حياتي.انا لازم اشوفك بسرعه
امنيه :مش عارفه مش هينفع
اسامه :يبقي انت مش عايزه تشوفيني
امنيه بغضب :انت عارف انا عايزه ايه .وبعدين مش وقته الكلام دلوقتي.اما توصل البيت وترتاح نتكلم
اسامه:خلاص يا حبيبتي اسيبك دلوقتي واكلمك من البيت
امنيه :مع السلامه
اسامه:مع السلامه.................امنيه
امنيه:نعم
اسامه:بحبك
ابتسمت امنيه وهي تغلق الموبايل واقبلت عليها ايمان
وكانت امنيه في مننتهي السعاده وهي تحكي لايمان المكالمه
في المساء ريم وامنيه علي التليفون
امنيه:ياه انا مش مصدقه انه واخيرا رجع وبقا قريب مني .كان روحي كانت بعيد عني ورجعت
ريم:يا سلام علي الحب.مع اني ماحبش افسد عليكي الجو اللي انت عايشه فيه بس لازم يا ايمان يكون فيه حل مش مغقول هتفضلي تكلميه من غير ما يكون بينكم حاجه رسمي
امنيه:اه ياريم انت فتحت الموضوع اللي انا من يوم ما سافر وانا مش عايزه افكر فيه وفعلا معاك حق صعب اني استمر كده.بس ايه الحل
ريم:اسامه لازم يتقدم لك رسمي
امنيه:وموضوع سمير
ريم دي حياتك وانت اللي لازم تقرري .واذا فعلا كنت بتحبي اسامه لازم تقنعي اهلك بيه وتدافعي عن حبك
امنيه:صح.ان شاء الله
في مكان بعيد في الاسكندريه
حازم:مالك يا وليد.ساكت ليه
وليد:ابدا بس بقالي فتره ما زرتش اهلي ووحشوني
حازم بخبث:اهلك برضه
وليد:ايوه طبعا اهلي قصدك مين
حازم مادمت بتحبها ليه مش تكلمها وتتقدم لها مفيش بنت ممكن ترفضك
وليد:ريم مش اي بنت .وبعدين مين قال لك اني باحبها
حازم :انت كده بتضحك علي نفسك.لو شمش بتحبها كنت بتروح تستنها علي محطه القطار مع ان معاك عربيتك
واتصلت بكليتها علشان تعرف النتيجه
وليد:انت مكبر الموضوع يمكن بس اكون معجب بيها
حازم :بنت زي دي اكيد مش هتستني .لو انت (بس معجب بيها )(بيقلد وليد)الحقها قبل ما تروح من ايدك وترجع تندم
اخذ وليد يفكر في كلمات حازمويتحدث الي نفسه :فعلا بنت بالجمال والادب والعايله ده صعب انها تستني من غير خطوبه واكيد فيه الف واحد بيفكر فيه.بس انا صعب اروح اتقدم لها كده مش انا مش يمكن تكون مرتبطه؟؟؟؟؟؟؟؟؟افزعت الكلمه وليد.وجعلته ينتفض من مكانه
حازم:رايح فين
وليد نازل البلد
حازم: ايه الللي جرالك ماكنت بعقلك.
وليد باستعجال:ابدا مفيش حاجه سلام
حازم وهو في قمه الدهشه:سلام