|
|
|
|
01-11-2007, 09:27 PM
|
#1 |
|
(حلا متميز)
 
|
سلسلة عائلتك فى خطر
توقفت عن الكتابه لزمن حيث تشابهت الكلمات والحروف وطريقة التقديم
ولكن هذا الموضوع اجبرنى على التكلم لانه خص احب شئ الى قلبى وهو الطفل لذلك اجبرنى هذا الحب على التكلم وقطع عهدى بعدم الكتابه لن اطيل عليكم هناك اشياء كثيرة داخل بيوتنا نراها ونفعلها وغيرنا يقلدنا فيها ولا نعلم مدى اسرها على اطفالنا انتى يا ام وانت يا اب اتقوا الله فى ذريتكم قبل ان تأتى الى الحياة اقسموا بان تكون هذة الذريه صالحه بأذن من الرحمن تابعوا هذة السلسه لتعلموا الذى تتمنوه كيف سيحقق كيف ستخرجون ذريه لا تعانى من اى مشاكل نفسيه واى اسئله خاصة بالطفل اعرضها فى هذا الموضوع وسأرد وخاصة الاسئله الخاصه بطفل الروضه او سن4-6 سنوات احد اسباب الاضطراب النفسى لدى الاطفال شجار الوالدين:- الصوت العالى للوالدين والشجار امام الطفل يفقد الابن احترامه للابوين ويتعلم ان حقه ياخذ بالصوت العالى وليس بالتفكير السليم . مش بس كده تأكد ان اول مرة هيعلا فيها صوت ابنك او بنتك هيكون على الابوين هيحصل نوع من انواع التجرأ وده بصراحه مش بسميه جرأة بسميه بجاحه. طفل صاحب صوت عالى = طفل ضعيف الشخصيه ( وحجته صوته العالى) مقوله شهيرة صاحب الصوت العالى صاحب الباطل تعالوا بقى نشوف الكلام الاكاديمي بيقول ايه؟ لا تتكلم بأسلوب غير مهذب مع أولادك عن الطرف الثاني حيث أن الوالدين هما قضبي العائلة وإذا كانوا في اتجاهين متضادين يؤدى بالطبع إلى وقوع الأطفال في حيرة وتشتت. إذا حاولت إظهار عيوب الطرف الآخر أمام طفلك فلن يستمر تقديره واحترامه لك إلا لفترة وجيزة لأنه لن يحترم كلا كما اضطراب المحيط العائلي وتفش المنازعات بين الوالدين يحرمان الطفل من الإستقرار او الشعور بالأمن والطمأنينة فيفقد الثقة بنفسه. بعض الملاحظات الهامه ابنك عدوانى بيضرب وصوته عالى ده ممكن لانه بيشوف بابا وماما صوتهم عالى بمعنى تانى شجار الوالدين ينتج عنه طفل عدوانى ابنك دايما خايف ومش حاسس بالامان خايف بابا و ماما او واحد منهم يسيبوه وده بسبب برضه الصوت العالى ملحوظه اهم:- وايه اللى هيجرى لو اتكلمنا بهدوء و بحب؟ ليه مش نحاول اقنع او اقتنع؟ و ليه مش فى صبر؟ ومش الاجابه ضغوط الحياة ومش عيب الزمن. العيب مش فى زمنا العيب فينا فمن واجبنا قبل فوات الاوان نصلح من عيوبنا قبل ما ابنك او بنتك تنظرلك نظرة عتاب نظرة فيها ألم وتعذيب بلا رحمة وكلمة اسوء جبتونا علشان تعذبونا ما بينكم الطفل فى مرحلة الروضه عامل زى الكاميرا لا ومش كاميرا بس كاميرا بذاكرة كاميرا حيه بتقلد كل سلوك ينبع من اى حد قدامه علشان كده نحاول نبقى قدوة حسنه لاولادنا حاول من دلوقتى ياللى لسه هتبقى اب وياللى لسه هتبقى ام صوتكم مش يبقى عاصفه تهد بيتكم واولادكم وانت كأب وانتى كأم مشكله كبيرة ومش ليها حل يبقى خلافنا مش قدام اولادنا واللى خلاص ربى وغلط الغلطه دية يبقى الله يسامحه لى اللى عمله فى اولاده من افزع واشنع جريمه وهى غرس شجرة شوك ليس لها ثمار سوى الايذاء والجرح( اولادك صوتهم عالى حتى وقت الصمت) ده عرض لاحد اساليب التنشئه الخاطئه انتظروا باقى السلسله حيث ان جميعنا لا يخلوا من هذة الاساليب ولا احد ينكر |
|
التعديل الأخير تم بواسطة سلمى محمد ; 01-11-2007 الساعة 09:44 PM. |
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
العرض الشجري