اعرف سيارتك من رقم الشاسيه

[شموع هادئه]

اخوتى واخواتى


كنت اتصفح احد المواقع الخاصه بالسبارت لقيت الموضوع ده عجبنى وشدنى


اتمنى يفيد البعض


من رقم شاسيه العربية ممكن تعرف معلومات كثيرة عن عربيتك ، بعضها مهم جدا و خاصة لما بتكون بتشترى عربية مستعملة و عاوز تعرف سنة الموديل أو اللون الأصلى للعربية و غيرها من المعلومات ، و ايضا لو كنت عاوز تشترى عربية جديدة زيرو و عاوز تتأكد من سنة الموديل أو بلد الصنع
هنا فايدة ما يعرف برقم التعريف للسيارة او هويتها VIN no" Vehicle identification number "
و رقم التعريف ده ابتدى يكون الزامى على مصنعى السيارات ابتداء من سنة 1981 و بيدق على شاسيه العربية و بيكون غالبا تحت الزجاج الأمامى على اليمين ، و بتكون من 17 رمز ( رقم و حرف )
و كل رقم او حرف بيترجم لمعلومة معينة ، و الرقم ده عامل زية بصمة الأصابع ، يعنى مش ممكن يتطابق نفس الرقم لأكثر من عربية
و دلوقتى حقولكم ازاى ممكن نقرأوا رقم التعريف و كل رمز معناه ايه ( طبعا المعلومات دى جمعتها من الأنترنت و ترجمتها و بسطها على قدر الأمكان )
اولا : الرقم بيقرأ من الشمال لليمين بالترتيب
ثانيا : فى بعض الحروف مش بتستخدم زى (I,O,Q)
ثالثا : الرقم التاسع بيكون رقم من صفر الى تسعة او حرف X
رابعا : آخر خمسة رموز بيكونوا ارقام فقط
سادسا : خلى بالكم من الحروف الى بتتشابه مع ارقام زى حرف B و رقم 8 بالأنجليزى
سادثا : الرمز العاشر فى الموديلات حتى 2000 لازم يكون حرف ( ماعدا U,Z )
و دلوقتى حنبين رقم كل رمز و بيدل على ايه على سبيل المثال
الرمز الأول = بلد الصنع
رقم 1،4،5 امريكا
رقم 2 كندا
رقم 3 المكسيك
رقم 6 استراليا
رقم 9 البرازيل
حرف J اليابان
حرف K كوريا
حرف L الصين او تايوان
حرق M تايلاند
حرف S انجلترا
حرف T المجر
حرف V فرنسا
حرف W المانيا
حرف X روسيا
حرف Y بلجيكا او السويد
حرف Z ايطاليا

الرمز الثانى = اسم المصنع

رقم 1 شيفورليه
رقم 2، 5 بونتياك
رقم 3 اولدزمبيل
رقم 4 بويك
رقم 6 كاديلاك
رقم 7 جى ام سى
رقم 8 ساترون
حرف A اودى - جاجوار
حرف B بى ام دبليو- دودج
حرف C كريزلار
حرف D مرسيدس
حرف F فورد
حرف G جنرال موتورز
حرف H هوندا
حرف L لنكولن
حرف M ميركيورى
حرف N نيسان
حرف P بلايموث
حرف T تويوتا
حرف V فولفو

الرمز الثالث = نوع المركبة
رقم 1 بيك اب
رقم 2 استخدامات متعددة
حرف W ركاب

الرمز الرابع = الفئة
يعنى سيدان ، سبور ن فان ، كوبيه ، اثنين باب او اربعة ، او اوتوبيس او شاحنة الخ

الرمز الخامس = نوع المحرك
بنزين - سولار - عدد السيلندرات ، السعة اللترية ، القدرة الخ

الرمز السادس = التجهيزات الأضافية

الرمز السابع و الثامن = الموديل
مثلا كورولا - ياريس - جولف - باسات الخ

الرمز التاسع = كود خاص بالمصنع
بيستخدم فى معادلة رياضية مع باقى الرموز لمعرفة سلامة رقم التعريف الخاص بالسيارة ام لا

الرمز العاشر = سنة الصنع
حرف A 1980 , B 1981 , C 1982 , D 1983 , E 1984 , F 1985 , G 1986 , H 1987 ,
J 1988 , K 1989 , L 1990 , M 1991 , N 1992 , P 1993 , R 1994 , S 1995 ,
T 1996 , V 1997 , W 1998 , X 1999 , Y 2000
رقم 1=2001 , 2=2002 , 3=2003 , 4=2004 , 5=2005 , 6=2006 , 7=2007 , 8=2008 , 9=2009 , A 2010 , B 2011 , C 2012 و هكذا

الرمز الحادى عشر = مكان مصنع التجميع ان وجد او يتم وضع حرف X
الرمز الثانى عشر الى السابع عشر = رقم الشاسيه ( الذى يكتب فى الرخصة )

و طبعا فى مواقع على الأنترنيت خاصة ببعض ماركات السيارات بتقدم خدمة معرفة بيانات السيارات بمجرد ادخال رقم التعريف الخاص بالسيارة بتحصل على كل المعلومات السابقة بالأضافة ممكن تعرف معلومات اكثر شيقة زى اسم رئيس الوردية الى اتصنعت فيها السيارة و رقم الأسبوع . . الخ


اتمنى الاستفاده للجميع

[شمس القوايل]

شموع هادئه


شكرا على الموضوع والطرح الرائع


معلومات هامه ومفيده يعطيك العافيه


نتمنى للجميع الاستفاده منها ان شاء الله


ننتظر جديدك القادم


دمت بخير

[ضحى النهار]

شموع هادئه
تسلمين على المعلومات المفيدة

[لحظات تفكير]

شموع
موضوع وطرح اكثر من رائع
مشكور اخي علي المعلومات
وعلي الافادة
وعلي المجهود المتميز
دمت متميزا ومتألقا دائما في سماء المنتدي
وتقبل مروري

[سامى عون]

شكرا على المعلومات المفيدة .... شكرااااااااا