|
|
|
|
26-10-2005, 03:58 AM
|
#581 |
|
][§¤حلا ذهبي ¤§][
 
|
مشاركة: عمق القلوب....قصة واقعية
انه في اعماقه انسان متفهم وعاقل لابعد درجـه...
اما في بيت ابو محمد في دا الوقت... لمى كانت قاعـده في البيت وبتفكر بحزن... بكره سفر امجد...واخر حوار بينهم بدل مايكون حلوو كان كله زعل ونكـد..حاولت لمى فيه تقنعه انه مايسافر ويقعد لكن امجد مصر إنه يسافر وقعد يحاول يقنعها لكنها عنـدت وزعلت وراحت من قدامه وقالت له انها مابتودعه ولاتبا تشوفه واذا بيسافر فخليه يسافر حتى بدون مايكلمها لانها على حسب ماقالت ماهي راضيه عن سفرته وماتبغاه يسافر... أمـــا في سنغافوره... منى:مزززززززوني حياااتي مازن:ياربي نعـم قلبي منى:بلييييز الله يخليك والله وحشوووني ما اقدررر على فراقهم اكتر من كدا مازن بعجز:منــى حرام عليج مالنا الا اسبوع وشويه بسس خلينا نقعد كمان اسبوعين ياشيخه نبغاا نتهناااا منى:مزووووني بليييييييز مازن:...................دار وجهه وقعد يقرأ في المجله اللي في يده.. منى حزنت عليه مسكين طفشته بزنها وقررت تختار حل وسط يناسبهم هما لاتنين.. منى:طيب مزوني مزوووني مازن:اففففف نعمممم منى:مزووني بلا بياخه طالع فيا مازن وهوا يطالع فيها:نعم منى:ايش رايك عندي حل وسط يرضينا احنا الاتنين مازن:شنو؟ منى:نقعد اسبوع كمان في اي مكان انتا تبغااه وبعدين نرجع السعوديه يصير وقتها اتمشينا اسبوعين وشويه هااا ايش رايك؟؟ مازن............ منى:مزوووني حبيبي بليييز مو شرط نتهناااا في شهر كاامل ممكن نرجع نسافر بعدين في اي وقت تحبه بس انا والله مو متعوده ابعد عن اهلي كل دي الفتره مازن قام وحضنها ومنى انصدمت من تصرفه... مازن:منى اسسسسسس ياقلبي خلاص لاتقعدي تقولي كل دا الكلام انتي ماتعرفي اني ما اقدر على زعلج يكفيج انتي بس انك تطلبي وحده مره وانا انفذ انا من اول قاعد اطفشج بسس ولا اناا اصلاً ما احتاج كل هالمبرارات والاقناعات عشان ارضا وصدقيني محل مابتنبسطي انتي انا بكون مبسوط منى ابتسمت:مشكور حبيبي مشكور مازن:لا انتي ماتشكريني انا اللي اشكرج واشكر رب العالمين على وجودج في حياتي وفي السعوديه... رجـع امجد لغرفـته وانسـدح على سريره وهوا مبسوط..يفتكر اخر حوار كان بينه وبين ابووه.. ابو خالد وملامحه ارتخت وابتسم:والله وطلعت رجال يا امجد وطلعت عرفت اربيك امجد ابتسم بفرح:يعني موافق؟؟ ابو خالد:واحد من بعد كلامك يقدر يرفض اقنعتني ياولدي وكلامك عين العقل الزم ماعلينا راحة البنت ومانبغا نزوجها اليوم عشان كلام الناس وترجع لنا بكره مطلقه ونلاقي كلام اكبر من اللي ممكن نلاقيه دحين ابشر ياولدي وبشر ولد عمك انا باتصرف بالموضوع ورندا لرامي وهادي كلمه محد حاينزلها مدام انا على وجه الارض اتنهد امجد من قلبـه وهادا موضوع رامي وقدر يتصرف فيــه..بقي عليه موضوع لمـــى اللي ماهي راضيه تليين راسها الا مصره انه مايسافرر..وماتبا تكلمه ولاتودعــه..ياربيييييييييي ايش اسوي في عمري انا مع هالبنت الدلوووووووووووووعه..كيف حاسافر بدون ما اسمع صوتها ولا اشوفها..؟؟!!!!!! وفي الفجـر على الساعـه سته صباحاً امجد كان نايم في سريره..كان يسمع اصوات رعـد وبرق...ومطررر والدنيا مقلوبه فتح عينـه ..وانصدم...هادا صوت مطرر فعلاً كنت احسب اني بحلـم...قام من سريره وراح للطاقه وفتح الستاره وشاف الدنيا مقلووبه بررره..مطررر غزيرررر مررره..وصوت رعـد عالي جداً وصواعق وحاااله... امجد:ياسبحااان الله من زمان مانزل في جده مطر غزير زي كدا..وسمع صوت احد يدق الباب.. فتح نور بسيط في الغرفه وراح وفتح البـاب ولقا رندا قدامـه.. امجد بإستغراب:رندا خير ايش بك؟ رندا:ولاشي بسس خايفـه امجد:من ايش؟؟ رندا:من الصواعق وهادي الاصوااات نسيت اني عندي عقده من هالاشيااء دخلني عندك..ودخلت غرفتـه.. امجد وهوا يقفل الباب:ههههههههههههه ايوه صح والله نسيت انك خوااافه بس حسبت انك خلاص كبرتي رندا وهيا ترتجف من الخوف ومن برودة الغرفه:ايش دا سك المكيف حرااام عليك بررررد قفل امجد المكيف وابتسم لها:انتي شكلك مانمتي ايش اللي مصحيكي لدا الوقت رندا:ابداً ماجاني نووم كنت سهرانه مع منال بس هيا راحت نامت وخصرتني ابتسم امجد..وماعلـق..وقعـد على كرسي مكتبه...ورندا قعدت على طرف سريره.. رندا وهيا تطالع في الطاقه:الدنيا مقلووبه بره مو كأنها الساعه سته صبح كانه الوقت ليـلل امجد وهوا يطالع في الطاقه:فعلاً من زمان مانزل مطر بدا الشكل وفجئـه طلـع صوت صاعقه قووويه...خافت رندا منه ودخلت نفسها تحت لحاف امجد..وامجد انفجر يضحك عليها.. امجد:ههههههههههههههههههههاااااااااي والله انك نونووووو رندا برعب:والله اخاااااف حرام عليك اول كانت عندي منووناا اروح عندها بس دحين ماعندي احد ومالقيت احد غيرك اجييه..وسكتت بحزن على حالها..اشتاقت لاختها ومو متعوده على الوحده اللي هيا عايشه فيها... قام امجد بحنيه وقعـد جمبها... امجد بحنيه:وحشتك؟؟ رندا بحزن:مرررره مدري كيف باتعود اعيش وهيا بعيده عني صحيح انها سنة الحياه بس ماعمري فكرت انها مابتكون معاياا وانها بتعيش في مكان غير اللي بعيش معاه يعني تدري هيا كانت اقرب انسانه ليا امجد وهوا يبتسم:بس انتي كمان مصيرك بتصيري زيها وتصيري في بيت زوجـك وتعيشي حياتك مابتعيشي في بيت اهلك على طول سكتت رندا وقلبها عورها....ليه جاب دي السيـره..هيا ماتبا تتزوج ماتبا تعيش مع احد غيـر رامي...وعارفه انه هالحلم شبه مستحيل..الا اذا اتحرك رامي واثبت لها انه قد كلامه..سكتت بحزن..نكد عليها اكثر من ماهيا منكـده.. ابتسم امجد بعد ماشاف تغير ملاامحها..واتأكد انها فعلاً ماتبا ناصر..وحمد ربه الف مرره انه قدر يقنع ابوه |
|
|
|
|
26-10-2005, 04:01 AM
|
#582 |
|
][§¤حلا ذهبي ¤§][
|
مشاركة: عمق القلوب....قصة واقعية
ومايعيش اخته في عذاب...
وفجئـه طلع صوت صااااااااااااعقه اقوى من اللي قبلها وصوتهاااا هز الغرفه هززززززز.لدرجة انه امجد بنفسه اترعب ودخل مع رندا تحت اللحاف... رندا بإستغراب:ههههههههههههههههههههههههههههههههههههههااا ااااااااااي امجد:ايش بك؟ رندا:هههههههههههههههههههههههههههههههههاااااااااااا ااي اشوفك دخلت معايا تحت اللحاف مو دوبك كنت بتتريق علياااا امجد وهوا ينتبه للي سواه:هههههههههههههههههههههههههههههههههههههههاااااا اااااي الله يرجك عديتيني ههههههههههههههههههههههههههه بس والله من جد تخوف هالصواعق رندا:اي والله من جد وشويه طلع صوت تااااني خلا امجد ورندا يتكورو على نفسهم وهما تحت اللحاف... رندا وامجد:هههههههههههههههههههههههههههههههههههههههههههه هههههههههههههههااااااااااااااااااااااااااااااي وبعد نص ساعه كانوا امجد وراند قاعدين على السرير ومتلحفين باللحاف وجالسين يشربوا نيسكافيه..اللي اتبرع امجد وسواها له ولرنداا.. رندا وهيا ترشف رشفه من النيسكافيه:امممم ختيرره النيسكافيه ماكنت اعرف انك تتقنها كدا امجد:هههههههههههههههههه انا ابو النيسكافيه ماتشوفيني حاطط كل الاشياء اللي احتاجها في التحضير عندي بالغرفه مطبخ صار مو غرفة نوم هههههههههههههههه رندا:ههههههههههههههه اي والله ماشاء الله عليك تنفع تساعد لمى بتكون زوج مثالي امجد انمسحت البسمه من على شفاته بعد ماقالت اسم لمى.... رندا بإستغراب:وي ايش بك؟؟ امجد:ولاشي بس فكرتيني باللي سوته لمى معايا امس رندا بإستغراب:ايش سوت؟؟ امجد:زعلت مني واضاربت معايا تقولي ما تسافر وانها مابتودعني ولاتكلمني قبل ما اسافر رندا:ليه انتا متى سفرك؟ امجد وهوا يشوف الساعه اللي في يده:خلاص تقريباً مابقي غير كم ساعـه اليوم الساعه اربعـه العصـر رندا بصدمه:والله ماقلت لي؟ امجد:الا كل البيت عارف بس انتي اللي مدري ايش اللي شاغلك عننا رندا بحزن:لا مجوود لاتسافر ايش دا لسه ما اتهيننا بيك امجد:بسس ياشيخه لاتسويلي زيها انتي كمان اللي فيني كافيني رندا..........سكتت افففففففف لا امجد ولامنى ايش بتسوي هياااا في دا البيت من دونهم... امجد:ايش بك؟؟ رندا:افففففف كنت بفكر دحين محد بيكون معايا لا انتا ولا منى ايش اسوي انا في عمري منال ورجعت الرياض وخالد وطول الوقت مسافر ولمى مو على طول تجي عندنا امجد وهوا يبتسم بخبث:لاتخافي بيكون في اللي يسليكي رندا بإستغراب:مين يعني مي مثلاً اللي ملهيه باولادها وحياتها امجد وهوا يغمز لها:بعدين بتعرفي رندا......سكتت مافيها حيل لمزح امجـد والغازه..وفجئه حست انها نعسااانه..حطت كوب النسيكافيه على الكومُدينا اللي جمبها..وانسدحت مظبوط على السرير وغمضت عينها وناااااااااااااااامت.. امجد......؟؟؟!!!!! امجد:رندا....رندا رنداا رندا................ امجد ابتسم..على شكل رندا الطفولي وهيا نايمه متكوره على نفسها كأنها طفله خايفه...ابتسم امجد..طول عمرها رندا خوافه وكانت هيا صغيره دايماً تحب تنام عند اي احد من اخوانها يا عنده ياعند مي ومنى اللي كانوا يناموا بغرفه وحده ودايماً يطردوها بحجة انهم كباار وهيا صغيره او عند خالد اللي دايماً مشغول وما يحب احد يزعجه...وكان أمجد دايماً هوا اللي يرضا ويخليها تنام عنـده..قام امجد من السرير بعد ماغطاها مظبوط...وراح يرتب لاخر مره عفشه ويسك شنطه ويظبط اموره... ولمن صارت الساعه اتنين ونص....كان امجد بيحاول يتصل على لمى بس هيا ماترد عليه..واخر محاوله حاول فيها يكلمها لقا الجوال مقفل..حز في نفسه هادا الموقف وانقهر منهاا..يعني من جدها ماتبااا تودعنـي حراام عليها والله حراااام.. رندا واللي كانت قاعده جمبه:روح لها ياشيخ واخصرك منها غصبً عنها بترضا تشوفك امجد:لا هيا حلفت انها محا تشوفني ولاتكلمني ياربي عليهاااا انا اعرفها هادي البنت عنييييده والمشكله مخها قد كدا صغييير رندا وهيا تطالع في الساعه:دحين بتصير تلاته قوم روح اللبس ملابسك وروح المطار يادوب تلحق الرحله وتظبط امورك امجد وهوا يوقف بحزن:خلاص اوكي وبعـد نص ساعه تقريباً...كان امجد لابس بدلتـه السودا..وواقف يسلم على اهله عند الباب قبل مايخرج... امجد:يالله اشوفكم على خير الكل:الله معااااك ام خالد:خلي بالك من نفسك وكلمنا اول ماتوصل امجد:ان شاء الله يا امي..ويلتفت لابوه ويغمز له...والله يخليك يابويا خلي بالك من الموضوع اللي قلت لك عليه ابوخالد وهوا يبتسم:ولايهمك ياولدي وخرج امجد من البيت بالقوووه من بعد السلاامات والاحضان والتوصيات اللي مو راضيه تنتهي من امه ومن رنداا..ولمن خرج الدنيا كان فيها شوية مطررر رجع انهمرر من قبل نص ساعه وماوقف الين دحيـن.. وهوا بيسوق السياره جرب لاخر مره واتصل على جوال لمى ولقاه مقفول... امجد وهوا يضرب على الدركسون بيده بقهر:اخخخخخخخخخخ يالقهرر كيف اقدر اسافر بدون ماتودعني كيييف هنت عليهاااا وفي بيت ابو خالد...دق التلفون وردت عليـه رندا.. رندا:الووو .......:الو رندا امجد موجود؟؟ رندا بإستغراب:لمى؟؟ لمى بسرعه:رندا امجد موجود ولا سافررر رندا:لا دوبه خرررج رايح المطاار لمى بإحباط:واللـه محا يمر يسلم عليااا رندا:لاء يقول انك قلتي محا تشوفيه وهوا من اول من الصبح يتصل عليكي على الجوال وعلى البيت ماتردي لمى وهيا شويه وتبكي:لااااااااا وربي الجوال كان في البدايه على الصامت وشحنته كانت ضعيفه بعدين قفل لوحده..و تلفون البيت انا كنت مع امي تحت في البدرووم بنرتب شوية أشياء وزي ماتعرفي تحت في البدروم مافي تلفوون..ودوبي لمن طلعت انصدمت بمكالماته في الجوال والكاشف...وهيا تبكي..ايش اسوي ابغاا اشوفه كيف يسافر بدون ما اشوفه رندا وهيا مو عارفه ايش تسوي:والله مدري ايش اقلك بس انتي الله يهديكي ليه قلتي له كدا امس هوا صدق .................................................. ........ (اتمنى اني عوضتكم عن امس) :D تحياتي لكم : البريئة :cool: |
|
|
|
|
26-10-2005, 05:22 AM
|
#583 |
|
(حلا متميز)
 
|
مشاركة: عمق القلوب....قصة واقعية
يلا أحنا ننتظر التكملة أنتهت الدراسة وبتفرغ لكم كلكم
مشكوووووورة أختي الحبوبة البريئة مشكووووورين جميع الأعضاء أخوكم الجني |
|
26-10-2005, 03:45 PM
|
#584 |
|
(حلا جديد )
|
مشاركة: عمق القلوب....قصة واقعية
ثانكس
ننتظر الجديد الريم |
|
26-10-2005, 08:54 PM
|
#585 |
|
(حلا متميز)
|
مشاركة: عمق القلوب....قصة واقعية
Thank you
very much Gad |
|
27-10-2005, 05:29 AM
|
#586 |
|
(حلا جديد )
|
مشاركة: عمق القلوب....قصة واقعية
بانتظار التكملة
|
|
28-10-2005, 04:04 AM
|
#587 |
|
][§¤حلا ذهبي ¤§][
|
مشاركة: عمق القلوب....قصة واقعية
اللي قلتيه وحسب انك تتكلمي من جد
لمى وهيا تبكي:والله ماكنت ادررري كنت احسبه بيسمع كلامي ماكنت اتوقع انه بيخصرني ويساافر رندا:خلاص انا بحاول اتصل على جواله الحقه قبل مايوصل المطار واقوله يجيكي لمى بفرح:ايوه ايوه الله يخليكي حاولي اتصلي عليه ورديلي خبر لاني دوووبي اتصلت عليه لقيت جواله مقفول اخاف يكون وصل المطار رندا:لامايمديه دوبه خرررج يلا باي بشوف اتصرف اتصلت رندا على جوال امجد واكتشفت بالفعل انه جواله مقفووول...يوووووووووووه ايش اسوي دحين ياربي... واتصلت رندا على لمى وقالت لها انها لقت جواله مقفل واحتمال انه سابه في البيت ولاشي..ولمى زعلت وقعدت تبكي بندم على تصرفها الغبـي... لمى وهيا تبكي:ياربييييييي ابغا اشوفه ايش سويت انا ياربييييييي..وكانت واقفه عند الطاقه وبتطالع في المطر اللي ينزل وتدعي في قلبها انه امجد يتصل ولاشي او يفتح جواله وتقدر تكلمـه..وفجئه وهيا بتطالع في حوش بيتهم لمحت شيييي..شي زي الظـل الاسـود واقف في وسط الحوش..استغربت لمى ودققت النظر اكثر وقلبها يـدق.. وانصــدمت انه امجــد... لمى:امجــد امجــد امجد كان قاعـد في الحوش والمطرر ينهمررر من فوقـه لكن ما اهتـم..قعـد يطالع في غرفـة لمـى على امل انه يلمحهـا ولايشوفهاا وتحـن عليـه وترضا تشـوفـه ...وانصـدم بالفعل بوجود لمى عند الطاقـه...وفررررح من كل قلبـه انه قدر يشوفها..وقعد يطالع فيها ولاكأنـه هامه في الدنيا شي المطررر زاااد وهوا واقف يطالع فيها وهيا تطالع فيه بعـدم تصـديق...وفجئـه اختفــت لمـى.. امجد بقهر:لاااااء لمىىىىىىىى فين راحت؟؟ ياربيييي الين دحين مصره ماتشوفني حرام عليها وربي حررراااام...وحزن وماعرف ايش يسوي طالع في الساعه ولقاها..الساعه 3.15 ويادوب يوصل المطار ولا الرحله بتروح عليـه..فقرر انه يروح يلا اهم شي على االاقل شافها..التفت لاخر مره للطاقه وقال في قلبـه..الله يحفظـك ياقلبي..وكمـل طريقه باتجاه سيارتـه..بسسسسسس سمــع.. امجـــــــــــــــــــــــد التفت امجد بفرح لمكان الصوت وشاف لمى واقفه هيا كمان تحت المطر بملابسها وتبتسم لــه.. ابتســــم امجـد من قلبـه..نزلــت تشوفه..ماهاان عليهـا جات تودعــه الحمدلله الحمدلله..وقعـد يطالع فيها وهيا حالتها حاله مبهدله بالمطررر اللي صارت قووويه مررره..وحزن على حالها وجا يقولها تدخل عشان لاتمررض..بس انصدم بشي يصتدم في صدره واكتشف بعد لحظه انه لمى في حضنه وبتبكي... امجد بإستغراب:لمـى ايش بك؟؟ليه بتبكـي؟؟ لمى وهيا بتبكي:امجد خففت تروح وما اشوفك والله اسفه ماكنت اقصد اللي قلته ووالجوال كان فاضي ووو امجد ابتسم وحط اصباعه على فمها:اسسسسسسسسس مايهم اي شي المهم انتي معايا دحيين..وحضنها بكل قوتـه..وقعد ساكت فتره..بعدين بعدها عنـه..لمن حس بالمطره تقوى اكثرر امجد:لمى روحي ادخلي جوه بتمرضي كدا شوفي كيف اتبلبتي بالمويـه خشي جووه يلااا لمى وهيا تحرك راسها باعتراض:لالالا بقعد معاك امجد وهوا يطالع في الساعه:انا اصلاً ما اقدر اقعـد مابقي على موعد الطياره الا نص ساعه لازم ارووووح معليــه حبيبتـي اهم شي شفتك وشفتيني يلا قلبووو تامريني بشي لمى وهيا تبتسم له:سلامتك حبيبي امجد وهوا يفسخ الجالكيت الاسود اللي عليه ويحطها عليها:اجري ادخلي البيت وانا بكلمك اول ما اوصل لمى:لالا خد جاكتك انتا كيف بتروح وانتا مبهـدل كدااا امجد:لا ولايهمك انا حاطط غيار احتياط في الشنطه وبغير لمن اوصل المطار انتي دحين روحي ادخلي وانا بدبر نفسي ابتسمت له لمى...وجات لعنـده واتجرأت وباستـه على خـده وراحت تجري وشرررردت.. امجد انصــدم من حركتهااا...وحط يده محل ماباسته وابتسم وراح لسيارته..يادووب يلحق يوصــل المطار... واليـوم اللي بعـده.. ايــــــــــــــش وليه وبأي حـــــق؟؟؟؟؟؟ .......:ياناصر ياولدي صللي على النبي ناصر بعصبيه:كيف كدا مييين اللي قال هالكلام الفاااضي؟؟؟ ابوناصر:ابوخالد هوا اللي اتصل عليا وقاللي هالكلام ناصر.................انقهررررررررررررررررر مرررررررررررره قدر رامي قدر ياخد مني رنـدا خلاص رنـدا ماصارت ليا رندا اختاااارته وما اختارااااتنـي رندااااا رندااااااااااااااا حلمي الوحيد اللي اتمنيته بكل مافيني رااااااااااااااااااااااااااح... ناصر فتح باب الغرفه وطلع بكل حـزن.. ابو ناصر:ناصر ناااااااصر استنى ياولدي نااصر ام ناصر بقهر:والله حرام يسوو فينا كدا ليييه وافقوا علينا من الاساس مدام ولد عمها يبغاها الله يجازيهم بللي سووه في ولدي ابو ناصر:لاتقولي كدا ياحرمه مايصير برضوا الرجال معذور واحنا مانرضا نزوج ولدنا لوحده هيا ماتباه وتباا غيـره احمدي ربك انه ولد عمها قال من دحين من قبل مانزوج الولد لبنتهم ولاكان بعدين صارت مشاااكل قد ايش كبرهاا ام ناصر بحزن على حال ولدها:والله ما اقول غير الله يعين ولدي ويصبر قلبه حبيبي مسكين قد ايش كان طاير فيها هادي البنت يلا هيااا الخسراانه فين بتلاقي زي ولـدي.. اما في الايــام اللي بعـــد كــدا... |
|
|
|
|
28-10-2005, 04:06 AM
|
#588 |
|
][§¤حلا ذهبي ¤§][
|
مشاركة: عمق القلوب....قصة واقعية
انتـــشر خبر فسخ خطوبة رندا من ناصر وخطوبتها من رامـي...
وصـل الخبـر لرنـدا ورامـي عن طريق ابو خالد اللي مسك كل واحد فيهم ووصاه على التـاني..وقال لهم انه سوى هالشي عشـانهم..واعتـذر لرامي انه رفضـه من اول مره...وخلاه يوعـده انه بيحط رندا في عيونه الاتنين... رامي...كاااان ميييييييييت من الفرررح..وحاسس نفسه طايررر من الفرحه..وكانت تزداد سعادته مع كل كلمه يقولها عمــه....لانه قدر يخلي رندا تكون له وقهـر ناصر (الدخيــل) اللي دخل بينه وبين رنـدا..وكان منصدم انه امجد قدر يتصرف وينفـذ وعـده بدي السـرعه وقال في نفسه لو كنت ادري كان رحت له من الاول... اما رندا...لمن كلمها ابوها..انصدمت من التطور السريــع وانصدمت من كثر فرحتها انه خلاص بتكون لرامي..وقعـدت مو مصـدقه الخبـر وسااااااكته..وخاف ابوخالد من سكوتها وسألها اذا هيـا راضيـه عن اللي سواه والالا؟؟...وهيا من فرحتها حضنته وقالت له انها ماعمرها فرحت بشـي قد اللي سواه ابوها عشانها هادي المـره...وبـعد كدا سكتت من الاحراج..لمن شافت ابوها ميـت من الضحـك على حركتـهااا وعلى اندفاعها في التعبير عن شعورهااا... اما ام رامي (غاده)..كانت من اسعـد االناس لدا الخبـر وفرحت لولـدها مرره بعد ماعرفت منه انه هوا اللي سعى انه بنت عمه تكون له وحارب الكل عشانها..وهيا كانت متأكده انه ولدها مابيلاقي احد احسن من رندا.. ابو رامي..فررح لفرحة ولده..وشكر اخوه على موقفه الكبيررر..وامتن له من كل قلبـه..لانه أسعـد ولـده... اما منى...انصــدمت بقـــــــوه من الخبــر لكن فرحــت لاختها في نفسها وحاولت ماتبين فرحها لمازن اللي اتضايق من الخبرر..بس مابين وقال انه كل شي في الدنيا نصيـب والله يوفقها.. ورهف....اتضاااايقت من الخبــر مررررره..لكن مو عشان شي عشان هيا حاطه ببالها انها السبب في دي الخطووبه...وهيا اللي قاللها ناصر كم مره تتأكد اذا رندا تحب احد او احد يحبها وهيا استهانت بالموضوع...فكانت حاسه بالذنب تجاه الاتنين وتـدعي من قلبـها انه ربنا يجبر بقلب ناصر..وانه رنـدا تسامحها على سوته فيهـا...لكـن اللي ماتعرفه انه رندا اللي محرجه منهـا ومن ناصر ومن اهلـه...وماتدري كيف راح تتعامل معاهم بعد كدا...لانه اختها صارت منهـم واكيد انها بتشوفهم وتتضطر تخالطهم في اكثر من مناسبه... اما بقية العائلـه..فكانت صدمتها اكبر واكبر لانه شي ابدااااااا محد متوووقعه... والكل كان يتصل ويسأل ويستفسر..لكن في الاخر يبارك بفررح شديـد..لانه بالفعل رندا ورامي ثناائي حلووو وينفعوا لبعض.. وفي هالايام رندا ورامي...ما حصل اي اتصال بينهم الى ان... دق تلفون الصالـه وماكان في احد غير رندا فقامت ترد عليه بكسـل.. رندا:الووو .....:الو السلام عليكم رندا وقف قلبها لانها عرفت صاحب الصوت:و...و..وعليكم الس..سلام رامي بفرح:رنداااااااااااااااا اخيراً سمعت صوتك رندا........في نفسها ياربيييييييييييييييييييي احرااااااااااج ايش بقول دحين لالالا ايش اللي خلاني ارد عليـه رامي:وحشتيني موووووووووت رندا..........ابتسمت وقالت في قلبها...وانتا وحشتني اكثرررر ياحبيب عمرري... رامي:مبرووووووووووك عليكي اناااااااا شفتي حققت وعدي انتا ليااااااااااااا وانا ليكي محد بيفرقناااااا ياقلبي رندا وهيا تبتسم قالت بصوت واطي ماسمعه رامي:ان شاء الله رامي:من اول وانا احاول اكلمك بس ماني لاقي فرصه الحمدلله انك رديتي عليا اليوم....وسكت واستغرب من صمتها... رامي:ايوه وكيفك وايش اخبارك؟؟ رندا وهيا تحاول تتكلم عادي:تمام والله انتا كيفك رامي بفرح:تمااااااااااام التمااااام مدام انك معايا رندا:دووم رامي:وياكي رندا........... رامي:اممممممممممممممم ازعجتك رندا:لا عادي رامي:.....امممم انا بس حبيت اطلب منك طلب واتمنى ماترديني رندا لاشعورياً:عيوني لك امر رامي وهوا يبتسم:تسلملي عيونك بس انا قلت ااذا ممكن تعطيني رقم جوالك رندا:رقم جوالي؟؟؟ليـه؟ رامي:ايش ليه عشان اكلمك؟؟ابغا اتهناا ياختي مو دحين انتي خطيبتي من حقي اكلمك براحتي رندا........ياربي احراج كيف اعطيه هوا..لالالا ما ابغا انا ما اقدر على كلامـه ولا على قربـه منـي احتــرق في مكـاني من الحب اذا شفتـه اجل كيف لو كان قريب مني ويكلمني في كـل وقت...ما اقدر على كداااا.. رندا وهيا تقول عكس اللي في بالها:طيب اممم انتا اعطيني رقمـك وانا بتصـل عليك رامي بفرح:خلاص اوكي خديه.................... رندا واللي كتبته على ورقه كانت قدامها:ماشاء الله حركاااات رقمك ختيررر تعطيني هوا رامي:فدااااكي وربي بس صدقيني مو قد مقامك وانا بطلع لك احسن منـه عن قريب ان شاء الله رندا:لا مايحتاج لاتتعب نفسـك رامي:ايش مايحتاج الا يحتاج ونص انتي دحين حبيبتي وخطيبتي رسمياً وقدام كل الناس من حقي اعطيكي اللي ابغااا رندا وهيا تقاطعه:بس اا رامي وهوا يقاطعها:لابس ولاغيره انتي مسئوله مني دحين وانا حرر ألبـي احتياجاتك حسب ما اشوف رندا.............انصدمت من اسلوبه..ايش به دا يكلمني كدا؟؟... رامي....عض على شفته من النـدم...اففففففف مني اهبل..اول مرره اكلمها من بعد خطوبتنا واتكلم معاها بدا الاسلوب.... رامي:اسففف رندا اذا ضايقك كلامي رندا بصوت واطي:....لا عادي رامي:رندا انا ماابغاكي تنـدمي على حبك ليـا صدقيني اني احبك واموت فيكي واني اسعـد انسان بالدنيا لانك صرتي من نصيبي رندا......ابتسمت وماعلقت.. رامي:انا بقولك كدا عشان ابغا أأكد لك اني خطيببببك وزوجك المستقبلي ما ابغاااكي تترددي في طلب اي شي تحتااجيه انتي دحين منـي فلا تحطي الحواجز بيننا الله يخليكي رندا وهيا تبتسم وتقول بكل نعومه:لا ولايهمك انا فاهمتك رامي:آآآآآآه ياقلبي امووت فيكي وربيييييييييييي رندا ابتسمت وحاولت تغير الموضوع:طيب انا بعد شويه حارسلك رساله ولا ادق عليك رنه عشان تعرف رقمي رامي وهوا يبتسم بخبث:عادي اللي يريحك بس اهم شي يوصلني الرقم رندا:اووكي يلا دحين انا ااستاذن ماما تزهمني رامي:اوكي حياااااااتي خدي راحتك بايووو رندا بخجل من جرأته الزايده عن اللزوم واللي كأنه ماصدق خطبها صار ياخد راحته في الكلام معاها مره مره:اوكي بايووو قعـدت رنـدا تفكـر..صح هيا فرحانه وقلبـها بيموت من الفرح..واخيراً اتحقق حلم عمرهاا انتا تكون لرامي ورامي يكون لها..بس صراااحه احرااااج وتحس بخجل فظيـع منـه لدرجة انها ماتعرف كيف تتصرف معاه وتقابل كلامه بكل حيره..لأنها ماتعرف تعبـر زيـه ولاتعرف تتكلـم زيـه..اللي بقلبها مجرد مشاعر ماتقدر تسطرها ولاتوصفها لابتصرف ولا كلام... وشويـه ودخلت مـي على رنـدا.. مي:السلام عليكم فهد واحمد:سلام عليكم رندا وهيا توقف وتسلم على مي:هلا والله وعليكم السلام ياهلا والله نور البيت احمد وهوا يجري لحضن عمته قبل مايسبقه فهد:عممممه رندا كيف هاالك؟؟ رندا:الحمدلله حبيبي انتا كيفك؟ احمد:انا تيب مي:هههههههههههههههه بعد يا احمد خلي اخوك يسلم على عمتـه فهد وهوا يدف احمد:وخرررر عني رندا:هههههههههههههههه هلا فهودي كيف حالك حبيبي فهد وهوا يمد يده لعمتـه:الحمدلله بخير كيفك انتي؟ رندا وهيا مستغربه تصرفه:ايش بك ياواد ليه ماتسلم عليا زي الناس مي:ههههههههههههههههههههااااي سيبيكي منه دا الدب يحسب نفسه رجال انا امه مايخليني ابوسه هههههههههههه مدري على ايش مكبر نفسه فهد بقهر:اولاً انا مو دب تانياً انا رجال لو سمحتي لاتقولي عني كدا مي وهيا تجي جمبه وتقرصه في خدودو:حتى لو صرت رجال وعمرك خمسين سنه تقعد في عيني دب وصغير ومنت رجال فهد بتذمر:اففففففففففف طفشتوووني...واخد اخوه احمد وخرجوا من الغرفه.. رندا:هههههههههههه الله يعينك عليهم مي وهيا تعطيها جوانا:خدي امسكي شيلي الامانه اللي كل مانجي عندك نرمي لك هيااا رندا:هاااتي هااتي احلى امااانه وربيي اموووووووووواححححححححح ياناس تزنن هالبنت مي وهيا تبتسم بخبث:يلا عقبال ما اشوف لك بنووته حلوووه من رامي ابتسمت رندا وغيرت الموضوع:الا كيفك انتي مع الحمل؟ مي وهيا تحط يدها على بطنها:والله الى الان ماشي الحال بس الوحااام والاستفراغ الله يكرمك هالكني |
|
|
|
|
28-10-2005, 04:07 AM
|
#589 |
|
][§¤حلا ذهبي ¤§][
|
مشاركة: عمق القلوب....قصة واقعية
رندا:يالله الله يعينـك..وشويه ودخلت عليهم ام خالد..
ام خالد:هلا والله ببنتـي حبيبتـي مي وهيا توقف وتسلم على راس امها:هلا ياامـي ام خالد بإستغراب:الا فيـن منـال يارندا ماشفتها من امـس؟؟ رندا:يووه نسيت اقولك اليوم الظهـر جا جابر واخدهـا يقول انهم معزومين في مكه ولازم تروح معاهم ام خالد:اهااااا طيب على البركه وقعدت ام خالد تنصح مي عشان تهتم لحمـلهاا...ومن هالامور اللي تكون بين البنت وامها... اما رندا فالتزمت الصمت..وهيا ماسكه جوالها تفكر اذا بترسل لرامي رساله ولاتدق عليـه رنـه..لكن تفكيرها مال اكثر للرأي الاول وقعـدت تدور اي رساله مناسبه ترسلها وماعرفت ايش ترسل لكن في الاخير استقرت على رساله وقررت ترسلها بعد تردد.. أمات الحب عشاقا وحبك أنت أحياني ولو خيرت في وطن لـقـلت هواك أوطاني رنـدا وقعدت تنتظر وتفكر ياترى بتعجبه ايش بتكون ردة فعلـه..وقطع تفكريها صوت وصول مسج فتحته ولقته من رامي وابتسمت.. إن قلت أحبك قليل .. مين يوصف المستحيل .. حبي لك شي خيالي .. حب ماله مثيل ..أحببببببببببببك يارندااااااا فرحت من كل قلبها..انه ربنااا اكرمها بحب رامي وانها اخيراً وبعد عناا سنين صارت له وصار لها... بعـد يوميــن... مامااااااااااااااااااااااااااا رندااااااااااااااااا بابااااااااااااااااااااااااااااااااااا يااهوووووووووووووووووووووووو يانااااااااااااااااااااس انا جيييييييييييييت رندا.........؟!!!!!!!!!!!!...هادا صووووت...وراحت تجري لمكان الصوت.. رندا بفرحه:منـــــى حبيبة قلبييييييييييييي والله منى وهيا تجري لرندا وتحضنها:وحشتينييييييييييييييييييييييي موووووووووووووووووووووووت يادبه رندا:وانتي الاكثرررررررررررررررررررررر حمدالله على السلامه نورتي السعوووديه منى:الله يسلمك والسعوديه منوره باهلهااا رندا:الا فين مازن معاكي؟ منى:لا وصلني وراح عند اهله وقال بيجي العصر يسلم عليكم رندا:اها ومين جابكم من المطار؟؟ منى:ناصر...وسكتت..لانها من يوم ماقالت اسم ناصر بهتت ملامح رندا..وسكتت... رخت رندا راسها وماعلقت.... منى بندم:سوووووري رندوي مو قصدي اضايقك رندا وهيا ترفع راسها:لا والله انا عادي عنـدي بس اخاف سببت لك احراج معاه ولا مع مازن منى وهيا تحضنها:لاياقلبــي مافي اي احراااج هادي حياتك وانا مالي دخل فيها رندا:بالله يعني منتي زعلانـه منى وهيا تبعد عنها:لا ياهبله بالعكس انا لمن سمعت الخبر فرحت لـك موووووووت والله طلع رامي مو هيـن وقدر ياخدك غصبً عن الكل رندا وهيا تبتسم:هههههههههههههه شفتي كيف عشان تعرفي اختك كيف مجننه الخلق فيها منى:ههههههههههههههههههههه الله يرجك رندا بتردد:طيببب وووو كيف ناصر؟؟ منى وهيا تبتسم:والله دا الولـد خطيـر ابد ماكان باين عليـه شي وطول الطريق وهوا يمزح ويضحك حتى انه قالي قولي لرندا اني مو زعلان ابداً والله يوفقها في حياتها رندا....ابتسمت بحزن..والله انه طيب وحنـون..الله يوفقه في حياته ويلاقي اللي تقدر تسعـده... منى وهيا تتحرك من مكانها:الا فين امي وحشتنييي ابغا اسلم عليها؟؟ رندا:تلاقيها في غرفتـها قبل شويه راحت تناام منى:تناااام ايش انا بموووت من شوقي لها تعالي نروح لهااا وان شاء الله ماتكون نامت رندا:ههههههههههههه اوكي يلااا كانت منـى تتحرك في البيت بكل فـرح وشوق..تتطالع في كل ركن في البيت كأنها غابت عنـه سنـه..وتبتسم كل ماتتحرك خطـوه@ ناحيـة غرفة امهـا.. ولمن وصلـت الغرفـه..دخلت بشويش..وقربـت..من امها اللي كانت مسدوحه على السرير..وشافتها نايمـه بهدوء..ابتسمـت..ودمعـت عينها..يالله اشتقت لك يا امي اشتقت لــك...وقربت راسها من امها وباستها على جبتها...وطلعـت من الغرفـه.. رندا اللي كانت واقفه عند الباب:ايش بك رجعتي ليه ماصحتيها؟؟ منى وهيا تقفل الباب:لالا خليها نايمه غيرت رأيي تعالي بررروح لخلوود ومحمد موجودين ولا ماهم فيه كالعـاده؟؟ رندا:ههههههههههههههه لا كالعاده خالد مسافر ومحمد عنـد مـي منى وهيا تتحرك من مكانها وتجر رندا وراها:اجل تعالي بروح غرفتـي وحشتني رندا:هههههههههههههههههههههه اصلاً غرفتك ماهي في خلاص كنسلناها منى وقفت بصدمه:والله؟ رندا:ايوووه سويتها غرفـة مكتـب ليـا منى وهيا تتوجه لغرفتها بحزن:لاااااااااااااااااااه حرام عليكم ماصدقتوا طلعت من البـيت قمتو اخذتوهااا رندا...... منى وصلت عند غرفتـها وفتحت الباب:من متى غيرتوها؟؟ رندا:ههههههههههههههههههههههههاااااااااااي منى:.................يؤيؤيؤ يادبببببه فجعتينيييييييييي والله حرااام عليكي قلبي طاح رندا:هههههههههههههههههههههههه حلوه الحركه موو منى وهيا تضربه:لاا ماهي حلووه فجعتيني قلت قد كدا مستغنين عنـي دبببببببه دبببببه رندا وهيا تبعـد عن منى:ههههههههههههههههه بعدي عني يامتوحشـه وقعـدوا يجرو ويضحكوا كأنهم اطفـال.... ولمن جا العصـر..صحيت ام خالد واتفاجأت بمنى..وسلمت عليها واخذتها بالاحضان وقعـدت تبـكي لانها اشتاقت لها..ولانه مو متعـوده على فراق بنتها كل دا الوقت..وفي المغرب..جا مااازن..وابو خالد وخالـد..اللي اتفاجئوا بوجود منى وزوجها..والكل قعـدوا مع بعـض مبسوطين وفرحانين.. رندا اللي كانت قاعده معاهم ولابسه طرحه ومتحجبه:الا قلنا يامازن مابهدلتك منى في السفر اعرفها دلووعه وتجيب المرض ام خالد وهيا تدق رندا:بنت عيـب مازن:ههههههههههه لا خليها خالتـي عادي..وهوا يلتفت لمنى....هااا منوي اقوولهم على حكاية لنـدن منى وهيا محرجه:لالالا بليززز مااازن لاتقووول شي مازن:لا حرام عليج خليهم يضحكوا شويه منى:مااااازن انتا اللي حراام علييك رندا واللي شكلها اتشوقت للموضوع:الا الا قووول مازن وهوا يطالع في منى اللي تحذره بعيونها: ههههههههههههه اسمعي يارندا تخيلي وحـده مره رحنـا منتـزه فيه بحيـره وكان في البحيره في بـط..وانا قعـدت اكل البط العيش اللي عندنا ومنى ماهي راضيه تتحرك من جمبي خايفه منهـم..وفي الاخر لمن هدأت وشافتهم طيبين حليلهم ومايسوو شي اخذت معايا وقعـدت تأكلهم...وكانت في بطـه سودا واقفـه عند رجل منى من اول تبغااها تعطيها شويـه ومنى مو منتبه لهااا..وبتعطي البطات التانين..ولمن انبتهت لها وجات تعطيها جات بطه تانيه واخذت اللي رمته منى لها..والبطه اتنرفزت الا تبااا تاكل ومنى خلص اللي عندهاا فصارت تجري ورى منى ومنى تجرري تخيلي تجري في البااارك فضحتناااا الله يرجهااا...هيا من هنا والبطـه وراها..وهياااا تصرررخ بأعلى صوتـهااااا مااااازن الحقني ههههههههههههههههههههههههههههههههههههههههههههههههها ااااااااي والله كان شكلها تحفففففففففه رندا واللي فطست من الضحك وهيا تتخيل المنظر:هههههههههههههههههههههههههه ياحرااااااااااام وانتا فين كنت ليه ماساعدتها؟؟؟ منى بقهر و احراج في نفس الوقت لانه الكل قاعد يضحك عليها:كاان قاعد يصور الاخ مووو فاضي رندا:ههههههههههههههههههااااي بالله حلووووو اجل لااازم نشوف الفيلم مازن:طبعااا ولايهمك بتشوفي شكلها وهيا تجري ولاكأنها سوبرمان والجاكيت وراها بمترين هههههههههههههه وبعـد كدا قامـوا الكل واتعشــوا..واخذ مازن حرمـته وراحوا بيتـهم...برغم من اصرار رندا انه منـى تبات عندهم لكـن منـى بنفسها مارضيت..وقالت انها بتجييهم يوم تاني لانها لازم تسلم على اهل مازن ورهف اللي وحشتهاا مررره... وعلى الساعه 11.00 كانت رهـف جالسـه في الصالـه وبتتفرج على التلفزيون ومو منتبهااا..لمنى ومازن اللي دخلوا الصالـه وقاعدين يطالعوا فيها بخبث... بوووووووووووووووووووووووو رهف بشهقه:هاااااااااااااااااااااااااااا بسم الله الرحمن الرحيم بسم الله الرحمن الرحيم مازن واللي اتفدع من الضحك على شكلها المصدوووم بقووه:ههههههههههههههههههههااااااااااي هههههههههههههههه رهف:ووجع ان شاء الله حرام عليك مزون فجعتنـي.....سكتت رهف بعد مالاحظت اللي واقفه جمب مازن وبتبسـم بكل حب... رهف بفرحه:منوووووووووووووووونناااا قلبـــي وقامت تجري لجهة منى وتحضنها... منى وهيا تبتسم:هلاااا حبيبتي وحشتينيييييييييييييييي يادبه رهف:وانتيييييي بعد وحشتيني مووووووووت ما اتوقعتج تجي اليوم قلي مازن انج بتباتي عند اهلج منى:لا افاااا وانا اقدر ما اجي اسلم عليــج يادبه والله لك وحشـه افتقدتك وافتقدت حشرتك رهف:هههههههههههههههااااااي يادبـه مازن:هييييييييي اقول انتي وهيا ترى انا اغاااار بعـدي عن حرمتي رهف:هههههههههههههههه عاشووو تغااار عليها مني والله ماعندك سالفه مازن:اغااار عليها حتى من الهوى مو بس منج رهف وهيا تطالع في منى اللي انصبغ وجهها من الاحراج:هههههههههههههههههه ياعيني ياعيني من دحين بدأنا لاياحبايبي لا تخربوووني لو سمحتواا انا لساتني صغيره وماني قد دا الكلااام منى ومازن:هههههههههههههههههههههههههههههه منى:ياربووو على الصغيـره مازن:الا فيـن امي وابوووي؟؟؟ رهف:نايميين للاسف قعدوا يستنوكم في الاخر تعبوا وراحوا يناموو..وانتو الله يهديكم اتأخرتوووا مرره انا قلت شكلك بتبات معاها عندهـم مازن:ههههههههههههههههههه لاهادي رندا الله يهديها مو راضيه تفك منى وانا اقول لمنى باتي عندهم عشان اختج بس هيا مارضيت ماتقدر على بعااادي مسكينه ههههههههههههه منى وهيا تدق مازن باحراج:ماااااازن مازن ورهف:ههههههههههههههههههههههههههههه رهف:هههههههههههههههههه مازن خف على بنت شويه حرام عليك مازن:هههههههههههههههه والله انا ماسويت شي هيا اللي مرره عامله فيها خجووله منى......سكتت وماعلقت لانها عاارفه انه يحب ينرفزها ويحرجها وبس... رهف:عموماً مو مشكله تسلم عليهـم بكـره ماصار شي مازن:اييه صح طيب يلا انا تعبااااااااااااان برووح ااناااام رهف:انتا روووح نااام وسيب لي منـى ابغا اتكلم معاها وحشتني مازن:هادي منى عنـدك اسأليها لو تبا تقعد معاكي على راحتها منى:اييييه بس ابغا اغير ملابسـي وارجع اقعـد معاكي رهف:اووكي خدي راحتك انا تلاقيني في غرفتـي منى:اوووكي |
|
|
|
|
28-10-2005, 04:08 AM
|
#590 |
|
][§¤حلا ذهبي ¤§][
|
مشاركة: عمق القلوب....قصة واقعية
وراحت منى مع مازن لقسمهم...واللي قعـد مازن يوريها ايش فيـه ويعرفها عليه بصوره مبسطه..ومنى اعجبت فيـه مررره لانه كان جداً راقي وكل اللي فيـه يدل على انه اللي اختـاره فنــان وذوقه رائـع جداً...
وبعد نص سـاعه غيرت ملابسها ولبست جلابيـه مطرزه عاديه حقت بيـت لونهـا بنفجسي..وفردت شعرهـا اللي قصـته لمن راحت باريس..قصـه حلوه مناسبـه لوجهها ومعطيته رونق جذاب وحلوو..حطـت شويـة عطـر..وظبطـت أمورها وراحت لرهف.. طق طق....<<<بتدق باب غرفـة رهف.. رهف:ادخلي الباب مفتوح منى وهيا تدخل وهيا مبتسمه:مرحبااااا رهف:الله الله الله منى بإستغراب:ايش بك؟؟ رهف وهيا تجي لجهتها وتلف حوالينها:ايش دا الجمااال ياهووو ايش دي الحركااات ايش عملتي في نفسج يابت منى بإحراااج:رهوووف اعقلي يلا عاد ولا بروح واسيبك رهف:ههههههههههههههههههه لالا الله يخليج بعقل بس ماشاء الله محلوووه وربي منى بخجل:عيونك الاحلى ياقلبي رهف:متى قصتيه؟؟ منى:لمن رحنا باريس تقريباً ثاني يوم رهف:اهااا والله ماشاء الله اعطااكي رونق حلوو منى:الله يحلي ايامـك رهف وهيا تبتسم:والله اني بمووت من الفررررح اخيراً انا وانتي صرنا في بيت وااحد بتعيشي معااياا واشوف وجهج الاهبل دا كل يوم منى وهيا تضربها بخفه على كتفها:رهوووف دبه احترمي نفسك اصلاً انتي اللي وجهك اهبل عشان كدا غيراانه من لااني احلى منك رهف وهيا تحضنها:هههههههههههههههههه دببببه وربي انه حلووو بس ماني مصدقه نفسي اخيراً اتحقق حلم الطفوله اننا نعيش في بيت واحد منى:ههههههههههههههههههه يالله كلها كم يوم وتطفشي مني وتقولي روحي بيت اهلك احسن لك ههههههههههههه رهف:لا والله ماعاش من يقول لج كذا منى:يسلمووو ياقلبي رهف وهيا تقعد على كنبـه محطوطه على الطرف:تعالي اقعـدي وحكيني شو سويتوا وفين رحتووا وفين جيتوا ابغا اعرف كل شي من الالف للياء وقعدوا رهف ومنى للفجر وهما يتحكوا ويتكلموااا...وبعد كدا منـى راحت جابت لرهف الهدايا اللي اشترت لها هيا وقعدت رهف تقيس الملابس والاشياء وانبسطت مررره من ذوق من الراقي في اختيار الهدايااا...وكان اخر حوارهم وكلامهم عن موضوع رنـدا... رهف:والله احس اني خجلانه من رندا انا اللي اقحمتها في دا االموضوع منى:لا ياشيخه لاتقولي كدا مو بيننا هالكلام وبعدين انتي ماضربتي رندا على يدها ولاقلتي لها وافقي على ناصر ولاشي هيا وافقت بنفسهاا رهف:صح بس برضووا اخاف تكون اخده موقف مننا منى:لااا والله هيا قالت لي انها هيا اللي محرجه منكم وقالت لي انها بتتصل عليكم واحد يوم وتعتذر وتستسمح منكم بنفسها رهف:لا ماله داعي لاتستسمح ولاشي خلاص اللي صار قسمه ونصيب منى:طيب وام ناصر ايش موقفها من الموضوع اخاف بكره لمن حاشوفها في العزيمه تكون زعلانه ولا حاجه صراحه ما اعرف ايش حاقولها؟؟ رهف:لالا اذا على ام ناصر صحيح انها زعلت بس بعدين عادي ناصر ماهو قاصر والف بنت تتمناه وبعدين ام ناصر طيبه وماتشيل في قلبها منى:طيب ايش اقولها ولا كيف اتعامل معاها والله انا مره شايله هم رهف:عااادي يابنت الناس لاتفكري بدي الطريقه انتي مالج دخل في اللي صاار واذا على التعامل عادي خليج معاها ايزي على عفويتج منى وهيا تتنهد:والله مدري ويلا انا بروح انام نعسااااانه رهف:اوكي برايج منى وهيا توقف:يلا تصبحي على خيرر رهف وهيا تطالع في الطاقه:ههههههههههههه خلاص قيده طلع الصباح قولي تمسي على خير منى:ههههههههههههه على قولتك تمسي على خير..وراحت منـى غرفتهـا تنام... وفي اليـوم التاني..سلمت منى على اهل زوجها..واللي كانت مرتبكه وخايفه كيف بتتعامل معاهم...لكن انبسطت لمن قعـدت معاهم وشافت ترحيبهم فيها واسلوب تعاملهم اللي حسسها انها ابـداً ماهي غريبـه واكثر شي كان مريحها وجود رهف معاها... وفي الليـل..جو كل اهـل مازن البيت يسلموا على منى ومازن وكان من بينهم طبعاً اهل عبدالرزاق اخو مازن..وابوو ناصر...ولمن شافت منى ام ناصر..اتسامحت منهاا على اللي صار...وقالت لها تتمنى انها ماتكون زعلت منهم..وام ناصر بقلبها الطيب قالت لها..خلاص احنا اهل ومافي داعي لهالكلام وكل اللي صار قسمه ونصيـب...وارتاحت منـى للحوار اللي صار بينها وبين ام ناصر..واتأكدت من كلام رهف انه ام ناصر انسانه طيبه وماتشيل في قلبها على احـد... وبعـد كم يــوم...كانوا مازن ومنى ورهف..جالسين في صالة قسم مازن ومنى..بيتفرجوا على فيلـم في قناة شنل تووو.. وكان مازن قاعـد على الارض..وبياكل فشار ويشرب بيبسي..ومنى قاعده على الكنبـه ورهف مسدوحه وحاطه راسها على رجل منـى.. منى ومازن كانوا مشدودين للفيلـم وبيتابعوه..اما رهف فكـان تفكيـرها بعيــد مررره ومو معاها.. بتفكـر في اللي اخد قلبـها وراااااح..تفتكر..كلامه وصوته وشكله..والمواقف اللي صارت بينهــم...آآآآآآآآآآآآآآآآآه ياالله اشتقت له..فينـه بعيد عن سما حياتي ولا يدري بهوى داري..ليه بعـد عنـي ليـه سوى كدا فيااا..معقووله يكون اتخلى عنـي ونسيني...آآآه اتوقع منه كل شي والله...مدام اتخلى عنـي مره يقدر يتخلى عنـي الف مرررره...آآآآآآآآه ياماجد خسااره فيك حبـي...وخساره فيك قلبي..اللي ملكتك هوا بدون اي ثمـن..وبدون ماتدري عن نفسها نزلت دمعـه من عينهاا على رجـل منى...ومنى انتبهت لها ...وعورها قلبـها عليـها.. منى في نفسها..يالله ياحبيبتي لساتك الين دحين بتعـاني..الله يسااامح اللي كان السبب..ومدت يدها لراس رهف وصارت تمسح عليه بحنيـه..وابتسمت لها رهـف وعرفت انها حست فيـها..وكملوا الفيلم مع بعض... وقتها كانت السـاعه سبعـه في الليل..وبعـد فتره دق جوال ماازن.. مازن ابتسم لمن شاف الاسم ورد عليـه.. مازن:الو...هلا وعليكم السلام...الحمدلله بخير يعلك بخير..انت شخبارك شمسوي؟؟...الله يسلمك..والله الحمدلله على كل حال...هاه؟؟دحيــن..والله مدري..خلاص طيب طيب..اوكي ماعندي مانع...فين تحب؟؟...اهااا طيب ليه ماتتفضل عندي مو احسن...اهاا طيب اوكي اجل دقايق وانا عند الباب...هههههههههه لاعادي يابو الشباب..طيب الله معاك باي منى بإستغراب وهيا تشوفه يوقف:خارج؟؟ مازن:ايووه اتصل عليا صاحبي يقول يبغاني في موضوع مهم ودحين هوا قريب من البيت وبيمرني ونروح مع بعض رهف:وي طيب ايش فيها ليه مايدخل عندك واقعدو في المجلس واتكلموا في الموضوع براحتكم مازن:مدري عنه والله يقول يبغا برى منى وهيا توقف:طيب انا بجهز لك ملابسك مازن:اوكي وراح مازن اتجهز ولبس ملابسـه..وطلع وراح مع صاحبـه المجهول هادا... منى:رهف ايش بك؟ ليه ساكته؟ رهف:مدري احس قلبي يعورني منى:وي بسم الله عليكي من ايش؟ رهف:مدري والله احس في شي بيصيـر منى:لالا ان شاء الله فاولي خير الله يهديكي رهف:........ في بيت ابو خالـد.. ايــش؟؟ تيتا:بابا رامي تهت يقول يبا سوف انتي رندا:ياسلااام ليـه فين ابويا؟؟ تيتا:بابا سوى ماما روه مافي اهد رندا بحيره:ياربيييييييييي ايش دا احراج مستحيل انزل اقابله لوحدي تيتا:يلا انزلي رزال تحت رندا:لا باللهِ تعالي اضربيني احسن تيتا وهيا تروح:انا مالي سغل رندا وهيا تطالع فيها:اخررر زمن وبعد ماراحت تيتا.. رندا:اووووفففف ايش جابه دا ياربـي ايش اسوي دحيـن؟؟اتصل على منى احسن وجابت جوالها واتصلت على منـى.. رندا:الوو منى:هلالالا والله هلا رندا:اهلين منى اسمعي رامي جا تحت وبابا وماما ماهم فيـه ايش اسوي؟ منى:ههههههههههههههههههههههههههههااااااااي رندا:ايش بك؟ منى:دحين بالله متصله عليا عشان دا الشي؟ رندا:ايوووووه والله استحي انزل اقابله لوحدي ماني عارفه ايش اسوي منى:رنداااا بلا هبـل ايش منتي عارفه ايش تسوي مايصير تسيبي الرجال تحت لوحده انزلي ضيفيه ورحبي فيه رندا:لا استحـــي منى:هههههههههههههههههه ياربو على اللي تستحي بس ياحبيبتي دا خطييبك وحبيبك المفروض ماتستحي منـه انزلي بس بلا دلع بنااات رندا بعجز:اهئ اهئ لا ماني نازله تعالي انتي منى بعدم تصديق:رندااااا بلا هببببل ايش بك خرفتي؟؟ هادا رامي ماهو وحش حياكلك ايش صار لك رندا:اعـرف بس والله صرت استحـي منه مدري ليـه؟؟حتى لمن يكلمني في التلفون بالقوه اطلع الكلمـه منى:والله مدري عنك انا اقولك انزلي للرجال وبلا قلـة حيـا ويلا انا مو فاضيتلك بايوو رندا بقهر:احسن باي وقامت رندا غصبً عنها وغيرت ملابسـها..ولبست طرحتـها ونزلت تشوفـه.. رندا بعد مادخلت غرفة الجلسـه قالت بخجل وهيا تشوفه يوقف:هلا والله رامي بفرح:اهليـن هلا وغلا رندا وهيا تدخل جوة الغرفـه:كيفك؟ رامي وهوا يتقدم لعندهـا:بخير الحمدلله انتي كيفك؟؟ رندا:تمااام والله غريبه ماقلت لي انك جي عندنااا رامي وهوا يبتسم:حبيت اسويلك هيا سبرااايز رندا وهيا تبتسم:ههههههههههههه وشكلك كنت عارف انه بابا ماهو في البيت رامي:هههههههههههههه لا والله ماكان عندي خبرر رندا:ههههههههه ايش بك واقف اتفضل اجلس؟؟ رامي وهوا يمد لها يـده باللي كان عنـده:اتفضـلي رندا وهيا مستغربه:ايش دا؟ رامي:هديـه بسيطـه |
|
|
|
 |
| مواقع النشر (المفضلة) |
| الذين يشاهدون محتوى الموضوع الآن : 2 ( الأعضاء 0 والزوار 2) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| قصة واقعية | حزينه^وحيده | مجلس حلا للقصص والروايات | 4 | 15-11-2005 10:42 PM |
| قصة واقعية | smaaelhaq | مجلس حلا للقصص والروايات | 3 | 24-08-2005 11:03 AM |
| قصة واقعية | SARAH539 | مجلس حلا للقصص والروايات | 7 | 09-07-2005 10:08 AM |
| قصه واقعية | الريـــــــــــــــــــم | مجلس حلا للقصص والروايات | 2 | 19-04-2005 11:18 AM |
| معاناه واقعية | هاجر العدواني | مجلس حلا للشعر وهمس القوافي | 3 | 30-03-2005 03:29 PM |
العرض العادي
