بالله عليكوا احكموا انتوا عليا !!!

[كريم اللبودى]

انا مش عارف ابتدى منين بالظبط

الموضوع عن الدردشه وخصوصا شات حلا

الشات دا علمنى كتير اوى

انا عن نفسى بقول ان اى واحد بيدخل الشات بيكون عنده نقص فى شيى داخل يعوضه امثله:

1- تلاقى واحد داخل بيدور على واحده يحبها .
2- تلاقى واحد داخل بيدور على واحده يمارس معاها الجنس .
3- تلاقى واحد داخل عايز يتعرف على بنات كتير ويعمل روميو وخلاص دا هدفه .
4- تلاقى واحد بيدور على مطلقه .
5 تلاقى واحد بيدور انسانه عاقله وكبيره .
6- تلاقى واحد بيدور على اى بنت وخلاص المهم يقابلها فى الحقيقه .
7- تلاقى واحد داخل عايز يجمع اكبر كم من ارقام الموبايلات بتاعت البنات .
8- تلاقى واحد عايز يجمع اكبر كم من ايميلات البنات بيحب كده هو انت شريكى .
9-وواحد هدفه انه يكلم اى بنت ويجرب عليها الاسطوانات المشروخه بتاعته بيعمل بروفا .
10-وواحد هدفه يشرب مخدرات ويقعد نت يكلم بنات غريب دا شويه صح .
11- وواحد غريب جدا بئا الحاله معاه تحت الصفر ومش شغال بيدخل النت يدور على بنت يعشمها بالجواز وانها دنيته وحياته وبعدين ابعتيلى فلوس علشان اجيلك تبعت كل سنه وانتى طيبه .

بمعنى اصح كل دول عالم ناقصه داخلين يعوضو الحرمان اللى عندهم عن طريق النت اللى شايف ان كلامى غلط يصحح الغلط .

ندخل على البنات بئا

البنات مافيش حاجتين اتنين اللى يدخلو الشات علشانهم
1- البنات طبعا معظمهم مش شغالين قاعدين فى البيوت بيحاولو يشغلو وقت فراغهم بالنت .
2- بنت فى الحقيقه محدش بيبص ليها ومش حاسه بانوثتها بتحاول تعوض دا عن طريق النت وخصوصا الشات لان فى الشات مافيش كميرا علشان اشوفك يعنى كتابه وبس .

ناس كتير هتقولى وانت ايه من دا كله صح !!!
انا عرفت النت من اربع سنين مش حكدب عليكوا كان هدفى انى اكلم بنات دا اول شيى بيخلى الشاب يدخل نت بعد كده بئا فى تطور شويه بقيت عايز ارقام موبايلات بمعنى اصح جربت الـــ 11 باند اللى ذكرتهم فى اول الموضوع محدش يستعجب .

انا 19 سنه جربت دا كله وعملت دا كله لقيت انه كان لعب اطفال هربان من الحقيقه وجاى على النت وقولت على نفسى كنت فى سن مراهقه لكن الشباب اللى اعرفهم انا اللى 20 سنه واللى 24 سنه واللى الخ دول فين من دا كله وتلاقى الواحد فيهم كبير كده ومش باصص لمستقبله داخل الشات بيحب وبيحور على بنات وبيشتم فى الناس وعايش حياته !!!!

المهم انا بصراحه كده خدت تعهد مع نفسى انى ابطل النت واسيبه للاطفال المراهقين والشباب الرجاله اللى عرفتهم من النت مش عايز اعرفهم تانى لانهم علشان البنت بيخسرو بعض وبصراحه انا اكبر من انى اعرف شباب بدل ما بيبصو لمستقبلهم بيبصوا هيعمل ايه قدام فى النت ايميلى مسحت كل الناس اللى عليه 500 ايميل ارقام الموبايلات بتاعت البنات والشباب اللى خدتهم مسحتهم برده .

هل انا غلطان فى كلامى دا ام صح ؟؟؟؟

[بنت الوليد]

يعطيك العافيه ( كريم )

اولا: تحدثت عن الشات وخصوصا مثل ماذكرت( شات حلا )

وذكرت 11 سببا لدخول الشباب لن اناقشك فيماذكرته من اسباب لانها من وجهة نظرك

ولكن انت اخذت الموضوع بشكل عام وهذا لايحق لك ان تعطي تحليلات ليست منطقيه بل بنيت هذه التحليلات

على تجربه انت عشتها وخضعت لها فتجاربك لاتعمم على الاخرين


: بمعنى اصح كل دول عالم ناقصه داخلين يعوضو الحرمان اللى عندهم عن طريق النت>>>>>

ثانيا : المشكلة في موضوعك الذي طرحته بانك اعطيت لنفسك الحق فإطلاق الاحكام على الاخرين

فكيف نصحح الغلط في كلامك اذا لم تصححه انت في عقلك وتفكيرك ومنطقك


ندخل على البنات بئا >>>>>
انظر لواقعك قبل ان تتحدث عما رايته في مخيلتك اوتصورته

اخيرا :

رؤيتك كانت جدا خاطئه في طرح هذا الموضوع كان من الممكن ان تتعامل مع الموضوع بافضل من ذالك

فلو اكتفيت بذكر تجربتك واردت من الاخرين ان ياخذو حذرهم مع من يتعاملوا معهم وان لا يقعوا فيما وقعت

انت فيه وان يضعوا هدفا ساميا لهم في دخولهم لعالم الانترنت لاخذت بيدك واشدت بفكرك الراقي


(
)
(
)
(

[سلمى محمد]

اتفق معك بنت الوليد
اسلوب طرحك للموضوع خاطئ
وبالاحدى عشر سببا للشباب
والسببين للبنات
فأنت غير ملم بأسباب دخول النت للجميع من شباب وفتيات
مع فائق احترامى وتقديرى لشخصك الكريم
على انى اختلف معك فى وجهة نظرك ورأيك
واتفق مع بنت الوليد

[كريم اللبودى]

ولا يهمك سلمى بس ياريت حضرتك تفهمينى الصح !!!

يمكن حضرتك شايفه 11 سبب للدخول غير دول !!!

[بسكوتة]

طيب ماشى يا كريم بس على فكره فى ناس والله محترمة جدا جدا وبتدخل الشات ومش بتدخل لاى سبب من اسبابك دى ناس بتدخل ونيتها كويسه وممكن بنت محترمه تدخل عشان تكلم بنات بس مش اكتر فى ناسنيتها بتبقى كويسه وهى داخله فا متحكمش على اى حد مش عشان شوفت كام واحد داخل شوفته داخل لاى سبب من الاسباب لكن فى ناس مش بيبقى نيتها كده فا متحكمش عل ى اى حد

[كريم اللبودى]

بسكوته كلامك صح بس انا كل اللى شوفتهم فى شات حلا تحديدا كده مافيش غير 3 بنات هما اللى فى الشات وفى النت كله بصراحه كويسين الباقى ربنا يهديهم

وبعدين تعالى هنا يا بسكوته هو انتى اللى كنتى بتدخلى الشات معانا زمان ؟؟؟؟

[*شريف*الحب*]

	ههههههههههههههههههههههههههههههههههههههههههههههههه فعلا والله يا لبودى مفيش حاجه اسمها حب على الشات كل الشباب سريح اوى على الشات ومعظمهم كدابين على الشات خاصه فى حكايه الحب دى واللى يقول لواحدك بحبك على الشات يبقا بيتسلى بيها وده اسمو هبل مش حب ..وبعد كام يوم او شهر او سنه يفرقعها ويقوللها سلاماتى واشواقى وتحياتى والبنت اللى زى دى اصلا بتكون مش متربيه ومش محترمه .. نربيتها فيها حاجه غلط معلش انا متعمد اللهجه دى فى الحوار لهدف معين (( هو ان كل بنت تفووء لنفسها مش اكتر)) مع احترامى الخااص جدا لكل بنات منتدى حلا (( المحترمات)) ................................ تحياتى

[كريم اللبودى]

شكرا على صراحتك وحريه رائيك يا شريف

والله يا شريف الدنيا دى غريبه انا عاوز اكلم حد مايك او فى الموبايل هفهمه حاجات عمره ما يتوقعها عن الناس وعن الحياه مع انى لسه صغير بس شوفت كتير

[صفوت دياب]

اولا اشكرك علي طرحك لموضوع جرئ وجميل حتي لو كانت وجهه نظرك غلط او صح
بس انا حسيت بتناقض في موضوعك وفي ردودك واول التناقض هو
1_ايميلى مسحت كل الناس اللى عليه 500 ايميل ارقام الموبايلات بتاعت البنات والشباب اللى خدتهم مسحتهم برده .

2_انا عاوز اكلم حد مايك او فى الموبايل هفهمه حاجات عمره ما يتوقعها عن الناس وعن الحياه مع انى لسه صغير بس شوفت كتير
هنا تناقض في كلامك انك خد عهد علي نفسك ومسحت عدد خيالي من الاميلات وهو 500 اميل
وانك عايز تكلم حد مايك او تليفون تفهمه حاجات عن الناس وعن الحياه !!!!
النقطه الاخيره اللي حابب اتكلم فيها هي
الاسباب اللي ذكرتها ممكن تكون موجوده او انت شوفتها اوكي لان شخصيتك كانت بتبحث عن الاسباب في دخلوك للشات وعلشان كده كنت بتلاقي النوعيات اللي ذكرتها بموضوعك
في حاجه كنت حابب اسألها ليك انت دليت 500 اميل من علي اميلك وده من خلال شات حلا اللي عمري ما دخلته بس انت تعتقد ان شات حلا ممكن معرفتك توصل انك تاخد 500 اميل !!
حاجه اخيره احب اقولها ليك عكس كل الاسباب اللي ذكرتها انت للدخول الشباب والبنات للشات وهي _ان في ناس بتهرب من الوحده وناس بتهرب من الملل وناس بتهرب من حزنها وناس بتهرب من وقت فارغ او ملء وقت ميت بالنسبه ليها وناس داخله تبحث عن ابتسامه تنسيهم همومهم واوجعهم بس صدقني اللي بيدور علي الوحش بيلاقي الوحش باسرع مما يمكن واللي بيدور علي الشئ الكويس بتلاقي صعوبه للحصول عليه وانت تكاد ان تكون بحثت عن الوحش لذلك وصلت للنتيجه اللي ذكرتها بموضوعك
واسف بجد للاطاله في ردي علي موضوعك وبشكرك لطرحك لموضوعك ولو ليك وجهه نظر علي كلامي انا هشارك تاني بموضوعك بعد ردك
تقبل مروري بصفحتك لاول مره
صفوت دياب

[كريم اللبودى]

اولا الــ 500 ايميل دول من شات حلا بس فقط لا غير لان انا من يوم ما عرفت يعنى ايه نت وانا بدخل شات حلا حضرتك لو بصيت دلوقتى فى شات حلا هتلاقى فيه اقل شيى 600 واحد انا بدخله من وهو لسه مافيهوش غير 6 بس .

ثانيا انا معاك فى ان الناس بتدخل وقت فراغ او عاوزه ابتسامه تنسيهم حزنهم ودا كله
دخولك فى الاول بيكون للاغراض اللى حضرتك ذكرتها لكن بعد كده بيبئا تفكيرك مش كده وياريت تجاوب بصراحه احنا اخوات وبندى ارائنا مش عدوين .

يعنى حضرتك لو فضلت كل يوم تدخل تبحث عن ابتسامه ولقيت بنت مثلا كل يوم بقيت تدخل تضحك معاها شويه فى وسط الضحك دا مش هيكون فى شويه تعارف وكلام جاد ؟

وبعد التعارف والكلام الجاد اكيد مع مرور فتره هتعجب بيها يا على الاقل هتحس انك كل يوم عاوز تكلمها ؟؟؟؟