القتل الحلال والعوده لمسرح الجريمه ..

[كفاح]

قرأت في كتاب .. القتل الحلال : حتى تقتل فريقا:
أكثر الاشياء قتلا لمعنويات الآخرين وإزعاجهم هو أعطاهم
مهام دون توفر الأشياء اللازمه لتفيذ هذه المهام ..
شركة " ريتز كارلتون " للفندقه تمنح للموظف الصغير مسؤلية
اتخاذ القرار بأنفاق مبلغ يصل إلى 2000 $ دون أن يتعرض لأي مسأله
على أي إجراء يراه ضروريا لإرضاء أحد النزلاء ..


بعد ماقرأت لقيت أننا وللأسف قتلنا 12 سنه متتاليه بالنسبه لي في مدارسنا اولا .. المدراس مباني مستأجره الفصول مطابخ وغرف ..
طريقة ترتيب الفصول غلط من عهد الرسول صلى الله عليه وسلم نعرف أن العلم كان في حلقه عباره عن حلقات تلقى عليهم الدروس ونقاش وأسئله وهذا يسير في باقي الدول لأن عندهم من يدافع عن عقول أبنائهم مايبغونهم يطلعون تابعين بثقافتهم واحنا وللأسف إذا سألنا المعلم عن شئ مافهمناه البنت أكيد تتهزاء وتستغل المعلمه الفرصه هذه علشان تقول ماراح اكمل الدرس وكأنها زعلت وهي في نفسها تدعي للبنت أنها خلصتها من الدرس وللولد ينطرد برى الفصل وكالعاده قبل مايخرج لازم يمر بالعقال ..
طريقة القاء الدرس المعلمه تتكلم وتقول لاأسمع همس وتعطي الدرس وهي شوي وتبكي مادري طفش أو مادري وأكيد أكيد أن البنات بيكونون سرحانين اللي تفكر واللي ترسم واللي تقرا واللي تتزين واللي تحل واجب الحصه اللي بعدها وغيرها والمعلم يعطي الدرس وهو ينافخ ويتكلم على الاولاد والاولاد اللي يرسل بالجوال واللي يطالع صور واللي يتفصفص واللي يسولف واللي نايم ..
المناهج مناهج غالبا عمليه يعني يبغالها تجارب وللأسف أنه مايوجد مختبرات وأن وجدت فيها طفايه حريق ودافور وشمعه وصوديوم واميتر خربان ودورق مكسور ولمباتها خربانه والصبوره طايحه من جد هذا مختبر والله ويشرحون لنا الدرس فيه وكأننا أجرينا لكم التجارب مادري هو يضحكون على أنفسهم أو يستغبونا وأن كان فالمصيبه أعظم لأننا مانعتمد على تعليمهم عارفين بالفشل والا كنا مؤيدين فكرة أننا ندخل المختبر على أساس أننا أغبياء كيف بالله يعطونا درس هو اساسا عباره عن تجربه يعطوناه نظري نفسي أعرف ..
والعقاب جينا عند العقاب والله وربي ماعمري شفت عقاب عادل غير يمكن مره وحده بس انا اتكلم الحين عن تطبيقه"" العقاب الموضوع من الجهات العلياء هذا لازم له وقت ""تطبيق العقاب عندنا كالعاده يطبق على الضعيف ولايطبق على القوي واللي جنني لائحة السلوك كاتبين اشياء ماعمر البنات فكروا فيها وخاصه بمناطق معينه او بالقرى " مخدرات تدخين سحر إفساد فساد خلقي شذوذ " وأن نزلت هذه اللائحه ماشفت له داعي يوزعونها على البنات وخاصه المتوسط لأن البنات بيقولون وش معنى الاولاد مانزلت عندهم ويصلحون المخالفات الموجوده فيها بس علشان يثبتون أننا نقدر حتى لو نزل عليها لائحه وغيرها وهذه صارت حقيقه وغالبا يسوونها بنات متوسط مادري كيف يقنعون الأنسان بفرض شئ عليه بأسلوب أنك ملك لنا ومالك حقوق بمجرد دخول المدرسه ..
والاهم فترة الأختبارات مقيدين بأسبوعين لاثالث لهم نختبر فيها إن شاء الله كان الطلاب يمرون بظروف أكثر من صعبه يحضر أو يجيب عذر عاجز عنه وأعرف والله بنات قمة الأدب والأخلاق والذكاء مروا بظروف صعبه وأضطروا يجون ويختبرون وينجحون بنسب واطيه وهم طوال السنه مجتهدين مافي فرصه غير هذه الأختبار لأن حتى اختبار الشهر على درجة الخمسه مايوصل لدرجة النجاح ..
معاملة الطلاب والكلام السئ الفاظ دائما تردد على مسامعهم كل صباح أمش ياغبي يافاشل صف ياولد للوحك بالعقال أو صف لعلقك بالجدار وللبنت يلا بسرعه أعوذ بالله ماتفهمون وجع بنت طبعا ماعندهم ينادون باحب الاسماء لا واذا صفوا بعد تصفيق وتهزيئ جت اذاعة الصباح وكالعادة "يسرنا ان نقدم لكم الاذاعه وفي النهايه بعد قراءة نفس الموضوع ارجو ان تكون نالت على رضاكم واستحسانكم "ولو كانوا الطلاب غرب بيطلعون يعترضون وصارت والله اعترض طالب كويتي وثاني جاي من بلد غربي أما عن ابناءنا تعودوا على تجرع المر هذاكل صباح دون التفوه بحرف واحد لان المصير تعهد وعلقتين ولانصير ولا معين الا الله ..
الكتب المدرسيه سمعت محاضره لطارق السويدان العام أن مناهجنا الى الان تحتوي على اخطاء فادحه في الكيمياء والانجليزي وغيرها وطريقة التعليم فاشله والرياضيات طرقها بدائيه جدا هذه الاخطاء كتب البنات من عرفت نفسي وكتبنا محوفه بلون واحد وحاطين خطين عليها وكاتبين اسم الماده ومن الداخل لايسر الناظرين يسبب اكتاب نفسي وعقد ..
والى مرحلة ثالث ثانوي تصحيح دفاتر وتفتيش على الواجبات يالله وقانون " لاتمنحوا الثقه أو الحريه لأي منهم " يجون يفتشون وكأننا مسوين جريمه وتهزيئ من بداية الحصه وعدم تفهم للوضع يمكن لضروف ومافي سماح على الرغم من أنها المره الاولى ..
الفسحه أجوائها كالتالي : بنات : مخاصمات مضاربات ، تزيين وتتحول الفصول فجاءة وكأنها مشاغل وكالعادة لابد من تكميل الدفاتر وحل الواجبات حقت الحصه الرابعه بعد الفسحه وتجهيز مؤنه علشان اللي ماتبي تحضر الحصه وأكييييد لابد من الأستعراض على حساب الأخرين وهذا شئ ملاحظ منتشر في أغلب فئات المجتمع حتى عند الأطفال والمرء على ماعوده أبوه . الأولاد : أجواء الفسحه عندهم طلاب متعلقين بالجدار هاربين طلاب يكلمون بالجوال طلاب يدخنون طلاب يضاربون والمؤدب منهم جالس بلحاله يفكر ويعد كم بقي يوم ويطلع والهادئ جالس بلحاله يتأمل في خلق الله وعجائب قدرته وغير هذه من الملاحظ على مدارسهم ..
والأدارات مكيفه ومجهزه كامل التجهيزات ومطابخ وجو دافئ ويجون يكملون نوم فيها وأن لقيت أحد مصحصح أو له نفس يكلم الناس يأخذ الجوال أو ينادي مدرس فاضي ويجلسون يسولفون ..
المقاصف أفسر معناها لأن مادري الكل يعرفها " أماكن بيع وجبات الفطور " طبعا محتويه على حليب السعوديه وبسكوت ديمه وبسكوت القمح وعصير برتقال وحلاوه مصاص ومويه وأن جابو شئ جديد بطاطس حار وكتشب .. هذه تغذيه أو تدمير مادري؟؟ ..
والتدبير المنزلي للبنات لايوجد في غرفها سوى ثلاجه وفرن وصبوره وملاعق وسكاكسن وليمون وزبده وصحون وقدر من جد نسيت واسفنج وملمع .. للرياضه أراضي قاحله كلها حجاره وشوك ومخططه بجبس او بخاخات والاولاد يلعبون والعصا فوق روؤسهم ..
وعند الطلوع عند الاولاد وقت الطلوع تفحيط ومضاربات وتكسير سيارات وحوادث وعند البنات تزاحم وصياح وتتداففء ..
وبقية اليوم الأب والأم من يرجع الى فجر اليوم الثاني : ذاكروا ذاكرو ذاكروا حليتوا الواجبات ارقدوا بدري بكره مدرسه تعالوا للعشاء ذاكروا ذاكروا ذاكروا ذاكرواذاكرواذاكرواذاكرواذاكرواذاكرواذاكرواذاكرواذا كرواذاكروا والطالب والطالبه يحبسون الدموع من شدة التعقيد واللي ماعنده في شئ يرقد للمغرب ويكمل يومه برى البيت الى 2 ويرجع ينام هذا اذ كان الاب موجود في البيت مايكون برى شغل او زملاء او تمشيه ووظيفتهم يسألون عن النتائج فقط ..
هذا غيض من فيض عن الواقع المرير اللي يعانيه الطلاب هذا غير مايوفرونه لهم من مقاهي ومتنزهات وملاهي يقضون فيها اوقاتهم هروبا من واقعهم مالقوا غيرها يفسرون بها عن انفسهم وان وجد أساليب قديمه ..
وأي طالب يجيب فكره ،يعترض، يتكلم، ينبه، يعلق، يطالب، يقابل كل هذه الاشياء بالتسويف والاحتقار كالعاده ..
"" براءة الاختراع لايحق لنا ملكها "" هذا قانون طبق على كثير من أصحاب العقول التي دمرت والمفكرين مختفين وظهرت الأجيال التابعه ثقافيا وتوجت المناصب واستخدمت الواسطات ..
سؤال كيف يصبح ابنائنا علماء مفكرين أو على الأقل ناجحين بمهنهم مبتكرين فيها وهذا الاساس؟؟ ... إذا كان الاساس خربان فمن الاولى والأحكم عدم البناء أو تعديله قبل .. أليس قتلا حلال ؟؟


.. وللعودة موعداً..
..كفاح..