|
|
|
|
13-09-2005, 09:57 PM
|
#1 |
|
(حلا متميز)
 
|
((مشااااااااااااااااااعر لا تنتهي))
¨°o.O (الجزء الأول) O.o°¨
قسم الطوارئ الساعه 9ونص الليل هيفا: يالله يا الدنيا معقوله هذا يصير فينا كذاياربي وش ذا الي صابنا..... ياحياتي ياابوي شكله يقطع القلب الله لايلومه بنته ويصير فيها كذا اه ياقلبي الله يجيب العواقب سليمه يالله يارب لاتفجعنا فيهم.... وانت بعد اركد وشفيك ترفس بطني مو وقته الدكتور: يطلع من غرفة العمليات ووجه مكشر ابو محمد وفهد وام محمد: بشر يادكتور قولي مشاعل بنتي وناصر وشصار عليهم الدكتور: اهدو ياخوان انا اسف مشاعل كانت حامل واطرينا ننزل الجنين لان حالتها صعبه والقلب مايتحمل ادعولها اما زوجها فحالته صعبه جدا وهو بغيبوبه تامه ام محمد طاحت من طولها لما سمعت الخبر مشاعل بنت اابو وام محمد وهيفا اختها الكبيره وهي حامل وفهد اخو ناصر زوج مشاعل وبنفس الوقت ولد عمها طبعا هي وافقت تتزوج ولد عمها بعد مانجرحت من حب عاصف دخل قلبها وكان اول حب و نبض بقلبها ولكان ايش الي صار تعالو نرجع لوراا كم سنه ام محمد : ياهيفاا ياهيفاا يلا الغدا ونادي اختك وعبدالله اخوك يلا محمد وابوك على السفره هيفا انشالله يمه مشاعل مشاعل يلا الغدا وقولي لعبد الله مشاعل: زين زين مشاعل على الماسنجر تكلم بدر حبيبها : معليش قلبي الحين بنزل التغدى امي شابه وباقي بروح اقوم اخوي بدر: لااااااااااااااااااااااااا لااااااااااا مشاعل ماشبعت منك تكفين اقعدي مشاعل : ماقددر اعوضك انشالله بدر: يوووه انا ماصدقت لقيتك وانتي تعرفين انا مو دايم اقدر ادخل وانتي بعد اااااه لو بس تسمعين كلامي وتكلميني مشاعل: بدددددددددددددددددددددددددددر وبعدين وربي لازعل بدر : لالا الله يعافيك بعدين وش يراضيك انتي لالا خلاص توبه لو تكلمت طيب متى بتقدرين تدخليين مشاعل: شطوووووور حبيبي بدخل اليوم بعد العشا وشرايك بدر: اممممممم احاول انشالله اقدر مشاعل: اوكي حبيبي تامرني شي بدر: سلامت قلبك ياغلى من سكن دنيتي مشااااعل احبك والله احبك احساس ماقدر اوصفه لك احبببببك مشاعل: ......................مستحيه بدر: الله معاك حبيبتي وانتبهي لنفسك وكلي زين مشاعل: انشالله باي بدر : باي على الغدا يحكون عن زواج هيفا وطلباتها الي ماتخلص واخوانها فرحانين ويساعدونها ابو محمد: مشااااعل يابنيتي ابيك بعد الغدا مشاعل: تامر من عيوني هيفا : يبا وشتبي فيها قولي ام محمد: يالقفك مير ذكرتيني ترا الخياطه اتصلت روحي شوفي فستانك هيفا: واللللللللله يمه واللله (طارت من الفرحه) محمد: اوف اوف هيفوه كنك تبين العرس اليوم قبل بكره عشان تفتكين ممننا هيفا : وشدعوه اخوي لالا بس عاد لاتدقق حمووووود راحت مشاعل لابوها بالمكتب: يبا امرني وشبغيت ابو محمد: يابنتي انتي كبرتي وخلاص بقيلك سنه وتخلصين دراسه وتدخلين الجامعه وماشالله عليك جمال وادب واخلاق وكلن يتمناك عشان كذا انا ماراح اوافق على اي احد ياخذك الا اذذا هو يستاهلك ويعرف قدرك مشاعل: تحب فوق راس ابوها الله يسلمك ولا يخليني منك ( مسكينه تحسبه خلص) ابومحمد: عشان كذا يابنتي ناصر ولد عمك خطبك وهو ماشالله عليه متخرج ومكون نفسه بنفسه وماشالله اخلاق وادب وعقله مو مثل هالشباب الطايشين ومتفتح واهم شي هو شارييك ومنقيك بنفسه ولابغا غيرك مشاعل نزلت راسها ودموع متحجره بعيونها: يبه مابي اتزوج الله يخليك بيه الله يخليك وبدت تصييييح ابو محمد: يابنتي ليش انتي خلاص كبرتي مشاعل: يبه ولي يسلمك انا مابي اتزوج ودي اخلص دراستي وبعدين ناصر كبيييييير انا توني 17 وهو 28 حرام يبه مابي مابي وتصيييييييح ابو محمد: يابنتي هدي نفسك انا مو غاصبك على شي ماتبينه اصلا حتى لو وافقتي مافي زواج الا بعد ماتتخرجين من التوجيهي وكلها سنه يابنيتي وبعدين انا مابي ردك الحين انتي فكري ورديلي بعد اسبوع ومحد بيغصبك على شي ولاا راح احد يزعل هذا زواج ووحياة تخصك انتي وانتي وحدك تقررين يلا يابنيتي مسحي دموعك ماحب اشوف دموعك يالله يابنتي مشاعل وهي مرتاحه شوي من كلام ابوها:انشالله يبه وطلعت لغرفتها دخلت ام محمدك ها بشر يابو محمد ابو محمد:والله مدري بس الظاهر مافي نصيب ام محمد: هذا لونك يابو محمد رقيق دمعتلك دمعتين وانت خلاص ماصدقت والله ناصر ولد مافي مثله وحرام ماتاخذه بنتك ابو محمد: وش اسوي اغصبها هذي حياتها وهي تخصها سكتوا على دخلت عبد الله .. نرجع لمشاعل وهي تصييح ومنهاره تقول ياربي وش اسوي اخاف اسبب مشاكل للعايله ولا ابي اتزوجه وهو ووجه خلا كل بنات عمه ومالقى غيري قال ايشش قال متحرر تلقاه قال خلني اخذ ذا البزره وامشيها على كيفي مسيكين مايدري لو خذاني لاطلع عيونه واوريه من مشاعل يووه بدر لالا مستتحيل اوفق واخلي بدر حبيبي عمري وقلبي ودنيتي وينقطع حبل افكار مشاعل على طق اختها هيفا هيفا يلا قومي بعد ساعه بنروح للخياطه وامي ماتبي تروح تراك بتروحيين معي مشاعل: ياربي مابي خليني بلحالي هيفا يؤ يؤ وشفيك ميشو حبيبتي وشفيك وتجي تحضن اختها مشاعل : حكت لاختها كل شي هيفا تدفها مالت عليك الحين احسب في شي عظيم واثره بس هذاقومي البسي كنك ماتعرفين ابوي استحاله يغصبك على شي ماتبينه يلا ساعه والاقيك جاهزه دخلت مشاعل النت ولا بدر في بدر : هلا بنور الدنيا هلاهلا نور ماسنجررري مشاعل : هلا وغلا بدر : تغديتي زين مشاعل: الحمد الله سكووووووووووووووووت بدر : شعولتي وشفيك حبيبتي شكلك متضايقه مشاعل: من قال حبيبي الا مبسوطه بشوفتك بس ماقدر اطول عشان بطلع مع هيفا ( جت مشاعل بتقول لبدر بس خافت انه يتاثر ويضيق صدره وهي عارفه ان ابوها ليمكن يغصبها على شي) بدر: وووين وووين وليش ماتستاذنين ولا مو عاجبك انشالله مشاعل : بنروح الخياطه وسام بدره : لالا لاتقولين انا بودي اهلي هناك تكفين مشاعل تكفين خليني اشوفك حرام لي سنه ونص وانا اعرفك تكفين حبيبتي تكفين والي يخليك طلبتك ارجوووووووك مشاعل ماتدري وشتسوي رحمته يوم طلبها وبنفس الوقت ماتبي توافق ياربي وشازين وش ازين بدر: شعولتي حبيبتي الله يخليك انتي مو بتروحين خلاص انا بروح واشوفك عادي زي اي احد والي يسلمك ارجووووووووووك ارجوووووك تكفين والي يخليك مشاعل: ها مدري لا طيب وشلون للا لا لا ماقدر بدر: تكفيييييييين مشاعل انتي ماراح تركبين معي بسيارتي ولا بتقعدين بحضني من بعيدمشاعل والي يسلمك هيفاا تطق الباب يلا مشااااااعل مابعد لبستي يلا انا تحت مشاعل : يلا حبيبي انا بطلع ماقدر اقعد باي ( وطلعت تهرب من الموقف) بدر: يمه يمه يمه يلا يلا الحين بوديكم ولا ترا ماراح اوديكم يلا بسرعه ام بدر: يوه ياوليدي وشبك منرج كذا بسم الله عليك بدر : يمه يلا تراني اذا ماوديتكم الحين بمشي ام بدر: انا جاهزه ناد خواتك بدر: ريييييييييييييييم ريمووووووووووه يلا انتي ومنيره 5دقياق اذا مالقيتكم بالسياره بمشي يلا ريم تناظر بمنيره اختها: وشفيه ذا منخبل مسيكين وبعدين ساعه اترجاه وهو مقابل النت الحين وافق من جد مطيور منيره: اقول امشي بس تراه يسويها ويروح يخليلنا نزلت منيره وريم تحت ولابسين عباياتهم وججاهزين كلهم بالحوش ينتظرون بدر ططال عمره الي راح يتزين نرجع لمشااااااعل : ياربي الحين ذا لو انه صادق وجا ياربي فشيله ييؤيؤ عيوني منفخه من الصياح لالا ياربي وشازين لالا ماتوقع انه بيجي كذا مره سوا فيني كذا بس يخوفني طيب واذا جا انا مالي شغل بطلع زي مانا اطلع دايم وبكيفه جت بتطلع وتلتفت على المرايه وتناظر نفسها يؤ وين الكحل راحله وين بيروح يعني مع الدموع ياربي بنجن وتمسح السواد الي تحت عيونها وحطت كحل بعيونها وجلوووس وطلعت هيفا: مشاعل وشفيك كنك منصفقه مشاعل: مافيني شيي هيفا : كل هذا عشان ناصر ابوي ماراح يغصبك تذكرين يوم اقول لابوي خلاص بفك الملكه ومدري ايش ناقشني وقالي فكري ولك الي تبين وبعدين انا الي غيرت رايي لاتشيلين هم ابوي مو واحد متحجر ابوي متعلم وواعي ومتفتح يعني بلا دلع بنات مشاعل مقتنعه بكلام هيفا: اوكي بسم كلامك لو غصبني انتي الي بتتصرفين زيييييييييين هيفا: ولا يهمك دام راسي يشم الهوا مانتي ماخذه الا الي فبالك نرجع لبدددددددر ام بدر: يمه ياوليدي وشبك طاير ترا معاد فيني اعصاب بشويش ياحبيبي ريم: ايه يابدر وش ذا العجله بشويش بدر: عندي مشوار بتطولون انتم والا منيره : بنقيس فساتينا وبس بدر : زين يلا انزلوا هذانا وصلنا نزلوابدر وقف قدام المحل ووقلبه يدقدق يالله اخيرا بشوووف حبيبة قلبي ياربي اخيرا بشوووووووفها بس هي شكلها عاديه ماتوقع مره حلوه لانها مره طيبه ولا فيها غرور ذا البنات اه ياقلبي بس لو تكلمني وتصير معي بكل دقيقه وثانيه وهو يفكر بحبيبته وراسه يتلفت يدور سياره ولا احد والا ذي بي ام فضي واقفت وتنزل منها وحده متمكيجه ومتصلحه بدر طار عقله معقوله هذي حبيبتي وعمري وقلبي ودنيتي بس ذي كانها قصيره والطول الي قالته لي مفروض تكون اطول معقوله هي تكذب ولا تنزل وحده من الجهه الثانيه ويطير قلبه وعقله اكيد هذي ياحلوووها ياربي وش ذا الجمال وتطيح عينه بعينها مشاعل تجمدت وقفت بمحلها بعدين استوعبت ومشت وبدر انهبل ماصدق لالا ياربي اكيد مو هي اكيد اني احلم معقوله ربي يعطيني كل ذا لالالا مستحيل اكيد اني احلم انا وجهي الا هي ليش تجمدت وارتبكت يوم شافتني لالا مادري هيفا : وشفيك يامشاعل وقفتي بنص الطريق منتي صاحيه مشاعل : معليش حسيت بدوخه بس مشاعل انا غبيه وش الي سويته ياربي سامحني ياربي الحين وش بيقول علي بيقول هذي ماتستحي لالا ماتوقع بدر يقول كذا وشو الي مايقوله هو رجال زيه زي غيره ياربي وشالي وسيته هيفا : مشاعل مشاعل يلا امشي وشفيك تعبانه اجيبلك شي تاكلين باقي حاسه انك دايخه مشاعل : لالا الحمد الله مرتاحه ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,, محمد: يانوره ياحبيبتي مايصير كذا انتي اكيد ماكله شي تعالي اوديك الدكتور مو معقول كذا كل مااكلتي شي ماقعد في بطنك ودايخه شوفي وجهك كيف اصفر نوره: مافيني شي خلاص انا الحمد الله احسن لاتشيل همي ياقلبي بشرني على شغلك انشالله زين محمد: نوره ياحبيبتي عن الدلع قومي يلا انا بالسياره استناك 5 دقايق وانتي نازله يلا نوره تقاطع محمد: لالا يامحمد مابي لو سمحت محمد : قلت عن الدلع قومي يلا فاهمه ولا والله لاجيب الدكتور لهنا فاهمه يلا وشتبين اختاري نروه : خلاص خلاص لاتعصب الحين نازله راح محمد لسيارته وياقبله عبد الله : هلا محمد على وين ووش ذا التكشيره محمد: نوره تعبانه وماتبي تروح لدكتور الحريم ودلعهم عبدالله: قايلك لاتتزوج الزواج غثا وهم محمد يقاطع عبد الله: اقول انثبر انت ووجهك الزواج استقرار وسعاده عاد الي يشوفك الحين منت منغث من حياتك وانت مراكض بالاسواق والقهاوي والوقت الضايع عبدالله: ساكت كلام اخوه صح نزلت نوره يلا محمد عبد الله: سلامتك يامرة اخوي ماتشوفين شر انشالله نوره : الله يسلمك الشر مايجيك راحت نوره ومحمد للمستشفى وطبعا بالبدايه راحت لدكتورة باطنيه ودكتوره الباطنيه حولتها على نسا وولاده ومحمد يامسكين قلبه طاير خايف على حرمته نادوا على نوره وقالت لمحمد انا بدخل انت خلك محمد: مافيه رجلي على رجلك بأطمن عليك دخلوا عند الدكتوره ونوره قالت لدكتوره كل الاعراض الي تحسها وكشفت عليها بالالتراساون وطلعت حاامل بالشهر الثاني طلعت الدكتوره من غرفة الثانيه وبشرت محمد ان زوجته حامل ومحمد من الفرحه سجد يشكر ربه وطلعوا من المستشفى ومحمد مسك جواله و كلمه امه اوبه وبشرهم وبعدين كلم اهل نوره وبشرهمم وهم الاثنين سعدين سعاده لاتصوف .................................................. .................................................. ....................... |
|
|
|
|
13-09-2005, 09:58 PM
|
#2 |
|
(حلا متميز)
|
مشاركة: ((مشااااااااااااااااااعر لا تنتهي))
نسينا الي بالمشغل طبعا بدر ماتحرك ومنصدم من الملاك الي شافه قدامه وقام يناظر نفسه بالمرايا ويكلم نفسه الحين مالت علي وانا الي شايف حالي وموريها صورتي واقولها انا من احلى شباب الرياض وعلى بالي احلى منها مالت علي طلعت قرد عندها ولاينفتح الباب وتطلع فلبينيه شايله فستاان كبييير وتطلع وراها بنتين لالا مومصدق شعولتي حبيبتي يالله يازينها ياحلوه ودي اعظها واخمها احبها يا ناس احبها
مشاعل: انتبهت لسياره وخافت قعدت تكلم هيفا عشان ماترتبك وعشان لاينتبه انها منتبهه :: تصدقين هيووف فستانك مره يجنن مرههه حلووو انا افكر تحطين مكياج غير المعتاد للعروسه حطي تركواز ووبرتقالي يجنن هيفا تناظر اختها : بسم الله عليك يامشاعل الحين انت وش فيه وجهك متقلب الووان يع طالعه تروعيين مشاعل يوم قالت هيفا الكلام خلاص دموعها بتنزل اول مره يشوفني وهيفا تقول اروع لالا خلاص بتنزل دموعي لالا امسكي نفسك يامشاعل لاكن سالت دموع مشاااعل ومين انتبهلها بدر طبعا مشت سيراة مشاعل وهي تبكي بالسياره وهيفا ماتدري وش سالفة اختها وهيفا تحاول تهدي فيها وكذا هيفا : مشاعل وشفيك مشاعل وهي تكلم نفسها اه لو تدرين وشفيني سويت شي غلط غلط ولا وليتني استفدت طلعت اروع ( حساسه البنت):لالا ولاشي بس تذكرت انك بتروحين وتخليني (تعرف ترقع) بدر المسكين الي انشغل باله وبدت الافكار يمين ويسار وتودي وتجيب لين ماخلاص وصلت معه معد قدر يفكر يبي يرجع البيت ويكلم مشاعل ويشوف وشفيها وصلوا البيت مشاعل راحت لغرفتها وغيرت ملابسها وخلاص بتنام ماتبي تتدخل النت ولا تكلم احد ولاتفكر بشي قعدت تبكي على الشي الي سوته لين ماراحت بسابع نومه وهيفا اخوانها وامها طايرين بفستانها وهي من الفرحه راحت تكلم زوجها وتبشره ان فستانها طلع وهو يبي الزواج اليوم قبل بكره هيفا : هلا حبيبي كيفك فهد: هلا عيوني كيفك انتي هيفا : بخير عندي لك بشااره فهد: بشريني ياحلوه يلا قولي هيفا : خلص فستاني فهد: قولي والله هيفا بدلع: فههد وشفيك يعني بكذب عليك فهد: ياعيوني انتي لالا خلاص بكره العرس دام الفستان خلص اجل وش معطلنا هيفا خافت: فهد وشتقول لا لالالالا ماعلي فيك فهد: هيفا خلاص الفستان وخلص انا طفشت وانا انتظر ابيك عندي هيفا: فهد كلها شهر وخلاص ماتقدر تصبر فهد: نصبر وش نسوي :::::::::::::::::::::::::::::::::::::::::::::::::: :::::::::::::::::::::::::::::::::::: مر اسبووع ومشاعل ماتدخل النت ماتدري وشولون تقابل بدر وهيفا تكمل جهازها وممحمد ونوه مبسووووطين بالحمل وبدو يرسمون المشاريع والافكاار ناااصر: يبه تسمح اكلمك ابو ناصر : تفضل ياوليدي ناصر: وشصار يبا على مشاعل بنت عمي وافقت والا ابو ناصر: والله ياوليدي الظاهر مافي نصيب هي ودها تكمل دراستها وتعرف البنت صغيره بس انت الي مصمم تبيها انا اقول ياابوك وشرايك نقول لامك تدورلك من المعارف وتفرح قلبي فيك ناصر : خير انشالله بس مو الحين يبيه وطلع ناصر من عند ابوه والدنيا ضايقه فيه ليه يامشاعل رفضتيني ليه انا احبك وناوي افرشلك الدنيا كلها حرير واحطك بعيوني ليه تحرميني من احلامي وسعادتي معك ليش سرقتي قلبي وبعدين ترفضيني وهي وشدراها بعد اني احبها وهي شايفتني كببيير عليها اكلمها واقولها مشاعري لالا وين احنا فيه لو عندي اخت مارضيت ولد عمي يسوي كذا وغير كذا يمكن اطيح من عينها يالله استنى لين تخلص من الدراسه وتصير بالجامعه وارجع اتقدم وانشالله توافق ام ناصر: وينه ناصر يابو ناصر ابو ناصر : طلع بعد ماقلتله ان مشاعل ماتبي تعرس ام ناصر: ياعيني عليك ياوليدي باين عليه يبيها ماعليه بكره اخطبله احسن بنات الرياض ابو ناصر: وشتققولين انتي لو لف الدنيا كلها مو لاقي زي بنت عمه وبعدين هو مايبي يعرس الحين وانتي عارفه انه كان يبي يخطب بنت عمه بس خطبه ولا يتزوجون الي بعديين خلاص انتي عاد لاتجيبينله طاري ولا شي الا اذا هو تكلم زين ام ناصر: بس يابو ناصر هذا وليدي وابي افرح فيه وبنت قاطعها ابو ناصر : لاتكملين الي صار صار ولو له نصيب فيها بياخذها ولا تفتحين معاه الموضوع ولا موضوع الزواج فاهمه ام ناصر : انشالله الله يكتب الي فيه الخير .................................................. .................................................. ............................. سيف: عبد الله وشفيك معصب الله يهيدك بكيفه الي صار صار عبد الله: وشتقول انت قهر والله قهر وشدخلني انا ذا الدكتور يحط حرته فيني انا ماقلت شي الا الحق ولا الحق ماحد يبيه هالايام سيف: الله يهيدك عبد الله انت تعرف ذا الدكتور حمقي ولا يطيق احد يرد عليه ولا يقوله شي المهم بكيفه انت وشعليك منه المهم افتكينا منه وبعدين شد حيلك بالاختبار وانشالله ماراح يقدر عليك وبعدين وشفيك مسرع هدي ياخي لايجينا شي ونروح بسبت ذا الدكتووور عبد الله : زين زين رجعت مشاعل من المدرسه وقررت بعد تفكير طويل تدخل النت وتعتذر عن انقطاعها ان الجهاز كان خربان دخلت مشاعل ومالقت احد شابك ولقت 20 ايميل فتحتها لقتها كلها من بدر وكلها قلقان عليها ويمتدح بجمالها ويعتذر منها عشان طلبه ويبيه تردلهوتسامحه وانه مايبي من الدنيا شي غيرها الا وشوي الي يدخل ( دنيتي اظلمت بعدك يامشاعل) مشاعل : مين هذا وتشوف بدووور حبيبي يابعد عمري لوتدري وشكثر مشتاقتلك لكن مستحيه من الي سويته من موافقتي طبعا هي تكلم نفسها بدر: مشاااااااااااعل حرام عليك وينك ليش تسوين فيني كذا وينك انشغلت عليك الحين الحين تعطيني ايميل اي احد من صديقاتك ولا ععطيني اي شي اقدر وصلك فيه اذا اختفيتي ليش سويت كذا حبيبتيي لييييش مشاعل : هلا بدر انا اسفه بس جهازي كان خربان سسامحني حبيبي ماكان قصدي بدر : سااكت مشاعل : بدووووووور اسفه بدر : مشاعل خليك صريحه انتي عارفه اني فاهمك الجهاز ماكان خربان انتي كنتي خايفه اقول وش هذي الي خلتني اشوفها ومن كلام الشباب الماصخ مشاعل انتي متى تفهمين اني احبك واني صادق معك ولافكرت ولاراح افكر بشي يسيءلك ولا شي انتي اروع واجمل ملاك بالدنيا انتي الي رجعت احلامي لي ورجعتي الحياة لي خليتيني احس ان الدنيا حلوه مشااعل انا والله احبك وابيك لي طول عمري فاهمه لي ولحالي ولاراح اخلي احد ياخذك مني ابدا مشاعل تذكرت ناصر وقاعده تفكر تقوله ولالا وقررت انها ماراح تقولها وتصبر تشوف بدر: حبيبتي لمتى بتجفيني معقوله انتي قدرتي تصبرين عني مشاعل بحيا: لا بدر: طيب فكيها مشاعل : طيب خلاص كيفك وكيف دراستك بدر: بخيير يابعد دنيتي توني بس احس اني بخير وعافيه وان الحياة رجعتلي مشاعل مستحيه وتحط ابتسامه بدر: بس تصدقين ماتوقعتك بهالجمال اسمعيني يا انسه لاعاد اشوفك طال عمرك كاشفه فاهمه ابيك تغطيين مشاعل وش يبي ذا :: وش اتغطى لا لا ماتعودت بدر: انتي تنززلين السوق كذا مشاعل: لا ااحط الغطا بس لما اكون بالسياره لا واذا كنت مثلا بمتزينه لا اتغطى بدر: طبعا غطى خفيف مشاعل: مو مره بدر: لالالا مايعجبني كذا ابيك ياتتلثميين او تتغطين ثنتين انا مابي حرمتي احد يشوفها مشاعل : وش حرمتي بدر: ايه اجل تحسبيني احبك اتسلى لالا ماعندي ذا السوالف مشاعل مستحيه وتغير الموضوع: تصدق بدر بقولك شي بس خايفه بدر: شوشو وشفيه قولي حبيبتي لاتخافين مني مشاعل : تصدق اني معد صرت مثل اول صايره اتعب اذا سويت اي مجهووود واذا مثلا سويت رياضه احس بضيق مو طبيعي والم بصدري واقعد احاول اهدي نفسي ليين مايخف الامل بدر: وش تقووووووولين من متى وانتي كذا وليش توك تقولين مشاعل : ماذكر من فتره تقريبا بدرك حبيبتي لالازم تروحين للدكتووور فاهمه مشاعل: مابي احس اني خايفه بدر: حبيبتي هذي صحتك ولازم تنتبهييين ياعيوني لازم تشوفين وش السالفه وبعدين انشالله مافي الا الخير ويصير دلع بناات ياقلبي انتي بس ابيك ماتتعبين حالك ليين ماتروحيين الدكتور زين مشاعل: انشالله تامر امر معليش حبيبي لازم اطلع لان عندي اختبار و ومابقى وقت بدر: اوكي حبيبتي ابيكك تنتبهين لحالك وذاكري زين ابيك تاخذين كامل مشاعل: انشالله من عيوني باااي بدر: باي .................................................. .................................................. .. نرجع لحقين المستشفى ونشوف وشصار فيهم هيفا: يمه هدي نفسك الجنين بداله جنين واهم شي صحة ناصر ومشاعل ام ناصر وابو ناصر وصلوا المستشفى وراحوا للمكان الي فيه ام وابو محمد والعيال ام ناصر : ولدي وينه وينه ياام محمد وشصار قوليلي وشصاار طلع الدكتور وعلامة الأسى مرسومه بوجهه: انا اسف بس ناصر يعطيكم عمرررررررره الكل : اييييييييييييييييييييييييييش ام ناصر طاحت مغشي عليها .............................................. انشالله يعجبكم الجزء واتمنى اشوف ردرودكم الحلوه تقبلوا ارق واعذب تحيه.. على فكره القصه منقوووووووووله |
|
|
|
|
14-09-2005, 04:09 PM
|
#3 |
|
(حلا متميز)
 
|
مشاركة: ((مشااااااااااااااااااعر لا تنتهي))
مشكووووووووورة أختي بنوتة
لكن ليش تنزلين جزء صغير أخوك الجني |
|
14-09-2005, 06:06 PM
|
#4 |
|
(حلا متميز)
|
مشاركة: ((مشااااااااااااااااااعر لا تنتهي))
عشان اشوف ردودتكم وبعدين عشان تنتظرون التكمله
اختك بنوتة ابوها |
|
|
|
|
15-09-2005, 05:01 AM
|
#5 |
|
(حلا متميز)
|
مشاركة: ((مشااااااااااااااااااعر لا تنتهي))
¨°o.O (الجزء الثاني) O.o°¨
ابو ناصر: لاحول ولا قوة الا بالله لاحول ولا قوة الا بالله نقلوا ام ناصر لغرفة لان الضغط ارتفع عليها مسكينه بعد مانفجعت بولدها بكرها الا مامداها تفرح بعياله وام محمد: اه يابنتي وش الي صابك ياربي احفظلي بنتي يارب لاتفجعني فيها يكفي فجعتنا بواحد ياربي صبرنا ابو محمد حالته تكسر الخاطر اول مره يدمع على ولد اخول وعلى حال بنته الي مامداها تفرح يروح زوجها يالله يارب لاتفجعني فيها فهداخو بدر كان هو الوحيد الي متامسك والكل كان منهار من الي صار وفجأه هيفا بدى يجيها الطلق بوقت غلير مناسب وزوجها مو موجود (فهد زوج هيفا غير فهد ولد عمها) وبدت هيفا مشوار الطلق والولاده ونقلوها قسم الولاده وراحت امها معها الى مسكينه ماتدري وش تسوي بين بنيتينها نرجع للماضي ونكمل الي صار اليوم زواج هيفا ومشاعل وعبد الله خلصوا اختبارات ونجحوو ونوره بالشعر الخامس ام محمد: يابنيتي الحين بتدخلين حياة جديه غير الحياة الي كنتي عايشتها ووبتكونين مسؤوله عن بيت وزوج مو مثل اول يابنيتي كل شي تبينه يجيك لازم تعرفين ان حياتك الزوجيه غير عن حياتك الحيين لازم تهتمين ببيتك وزوجك وتحشمينه وتحشمين اهله ومهما صار بينكم اسرار لبيتك لاتطلع لا لقيرب ولاغريب حتى انا امك اقرب الناس لك لا تقلين كل اخبار بيتك ترى المره الي تحافظ على اسارا بيتها تكبر بعيون زوجها وبعدين لازم تتحملين ولاتضغطين على زوجك بطلبات هو مايقدر عليها والرجال ترا يبي الكلام اللين والطعام الهين خلي لسانك دايم عذب وحلو ولا تتاففين وتتشكين من اي شي ترى اذا اهلك تحملو الزوج مايتحمل هيفا دمعت عيونها : بشتاقلكم يمه بشتاقلكم ام محمد: هو يابنيتي واين بتروحين انتي المريخ كلها بيت زوجك دخل ابو محمد: مبرووووك يابنيتي الله يوفقك ويحفظك انتبهي لزوجك وحصنيه يابنيتي صير مثل امك عشان تصيرين دره بعيوون زوجك هيفا : احلى احلى يمه شوفوا ابوي يدلعك ام محمد: الله يخليه ليه ياجعلني فدوة له هيفا : لالالالالا انا بجيب فهد يتعلم منكم محمد يدخل عليهم: وشلون عروستنا اليومم هيفا: تعال تعال فاتك ابوي قاعد يدلع امي وامي بعد تدلعه محمد: خليهم يدلعون مو كافي اننا جيناهم وخربنا ايامهم الحلوه وغثيناهم ام محمد: لاتقول كذا ياوليدي الله يخليكم لي ويفرحني فيكم واشوف عيالكم انشالله هيفا ومحمد: وعيالهم انشالله محمد : انا انشالله بتفرحين فيهم الدور على هيفا الحيين هيفا : وش تبي انت توني بسم الله مابعد اعرست وتهنيت تبيني اجيب عيال محمد ايه ابي ولدي يصير عنهدم عيال خاله ام محمد: يمه محمد وين اخوك روح دوره تراه امس مانام بالبيت ابومحمد: وشتقووووووووووولين مانام بالبيت هالولد مدري متى بيعقل مادري متى محمد: خلاص يبه هدي نفسك انا بروح اشوف وينه محمديدق على عبدالله وبعد 20 مستكوول فكر يرد طال عمره عبدالله: اللو محمد بعصبيه: عبد الله وييييييييييييييينك وينك امي وابوي قلقانين عليك وابوي معصب عبد الله: وشو وش السالفه وشفيكم محمد طبعا يعرف بلاوي اوخوه: اسمعني والله ياعبدالله ان جيت وريحتك شراااب ترا اقسم بالله تتحمل نتيجة فعلتك ويقفل السماعه بوجه اخوه مشاعل هيامه بالعسل معد بدر بالنت الحين الزفه وتطلع هيفا زي البدر بجمالها ونعومتها ورقتها وجمال فستانها والكل كان منبهر منها ومن اختها الي كانوا اجمل الموجوديين تقريبا وكان الزواج بغاية الروعه والجماال والكل كان مبسووط ومرتاح الا مشاعل كانت تحس بالتعب كل ماتحركت شي بسيط بس الحمد الله عدت الليله على خخيير الدكتور : مشاعل يابنتي انتي معي مشاعل وقفت وطاحت من طولها |
|
|
|
|
15-09-2005, 05:04 AM
|
#6 |
|
(حلا متميز)
|
مشاركة: ((مشااااااااااااااااااعر لا تنتهي))
بعد اسبووع من الزواااج يدق التلفون الساعه 6 الصبح مشاعل كانت سهرانه ردت على التلفونن ولا صوت رجال كان باين من صوته انه حاازم
الرجال : السلام عليكم مشاعل/ وعليكم السلام الرجال : اسفين على الازعاج بهالوقت بس هذا بيت ابو محمد مشاعل/ ايه وصلت خير الرجال : الوالد موجود مشاعل : الوالد نايم الرجال ياليت تصحينه اختي ضروري مشاعل : لحظه اخوي راحت تنادي ابوها ابو محمد : الو الرجال : ابو محمد معك الالضابط حمد ابو محمد: هلا خير انشاالله الضابط : بس حبيت اقولك انتم عايله معروفهه وانا كلمتك عشان ولد عبدالله محجووز عندنا لانه قاطع اشاره وسارع سرعه خياليه ومعاه شرااب ابو محمد: اييييش تقول ولدي مستححيل الولد عندنا وبامكانتك تجي تدفع كفالته وتاخذه ابو محمد: حسبي الله علي بليسه من ولد انا اخر عمري اروح لاقسام واطلع ولدي الله يخزيه وسكران ماسكينه الله يخزيه من ولد مشاعل : خير يبه وشفيك بسم الله عليك ابو محمد: اخوك عبد الله فضحنا الله يهديه انا السبب انا الي دلعته ومانتبهتله ليته طلع مثل محمد ولا مثلكم كلكم مرضيين الا هو مشاعل : يبه مافهمت شي ابو محمد: روحي قومي محمد وقوليله اني ابيه مشاعل تدق الباب على محمد وتحاول تصحيه محمد: وشفيك كم الساعه فيك شي مشاعل : لا انا بخير ابوي يبيك محمد: ابوي فيه شي مشاعل : لا تخاف مافي شي يبيك محمد زين زين ثوواني اغير ملابسي ونازل محمد: يبه وشفيك عسى ماشر ابو محمد: منوين يجي الخير وعبد الله اخوك فيه محمد: وشفيه يبه ابو محمد: مسكوه لاقسم مسرع وقاطع اشاره وسكران ومعاه شراااب محمد : يبه هدي نفسك لا تعصب ولاتتتعب روحك انت روح ارتاح وانا اشوف الموضوع ابو محمد: ماراح ارتاح لين ماادب عبد الله محمد: يبه روح انت ارتاح ولما يجي عبد الله كل شي يتصلح باذن الله بس لاتتتتعب نفسك وترهقها مشاعل: يبه محمد صادق انت روح ارتاح شوي على الاقل لين مايجي عبد الله ابو محمد: روح ياوليدي ادفع كفالة اخوك وانا بستناه لين يجي مشاعل : طيب يبه على الاقل انسدح هنا بالصاله وانا بروح اجيبلك مويه محمد: يبه مشاعل صادقه انسدح هنا لين مايجي محمد راح يدفع كفالة اخوه وابو محمد قاعد يستنى ولده ومشاعل قاعده عند ابوها محمد: يالله اشوف قدامي ادخل واعتذر من ابوك ابو محمد وقف وبعيونه نضرات غضب ووعيد لولده: شرفت انت ووجهك انا ربيتك احسن تربيه وووديتك لاحسن المدارس ولا رفضتلك طلب ولا خليت شي بنفسك ربيتك وعطيتك زي اخوانك ويمكن اكثر وكذا تجازيني كذا تجازيني انت مو كفووا من يدلعك ولا يعطيك شي من اليوم من الجامعه للبيت ومن البيت للجامعه ومماتقعد برا البيت اكثر من 11 وجوالك انت تسدده ومصرفوك بيقل ولسانك مايجي على لساني لين ماشوفك رجال تتخاف ربك رجال بمعنى كلمة رجال موب جسم وطول وشارب ومافي علوم رجال محمد: يبه هدي حالك عبد الله وعد انه يتغير ويغير نفسه ويتعدل ابو محمد: الرجال مو باقولاهم الرجال بافعالهم عبد الله يحب فوق راس ويد ابوه : يبه انا اسففه واوعدك اني اتغير وتشوف افعالي ابو محمد : روح عني لما اشوفها تعال استسمح مني وقولي يبيه الحين انا مو ابوك كلن راح لغرفته يكمل نومه ويرتاح الا عبد الله الي راح وتروش وتوضى وقعد يصلي ويدعي ربي انه يهديه بعد الي شافه بالحبس مع المجرميين عرف انه بخير وبنعمه وبدال مايشكر ربه قاعد يبطر بالنعمه وقعد يدعي ويدعي ويدعي وراح ينام مشاعل ماقدرت تنام حست بنغزه بقلبها وبدى الالم يمشي على رقبتها ويدها اليسار وبدت تبكي من الالم وماتدري وشتسوي ولا تقول لمينن هيفا بشهر عسلها وابوها تعبان بعد سالفة عبد الله حاولت تهدي نفسها وتقرى قراان واخذت بندووول وبدى يخف الالم الحمد الله ونامت عبد الله : السلام عليكم مشاعل ومحمد ونوره: عليكم السلام ابومحمد وام محمد الي متقطع قلبها على ولدها وودها تروح تضمه بس ابو محمد منبهها انها ماتكلمه المهم ماردو اعليه وراح عبد الله حب فوق راس ابوه وامه وقعد شوي معهم قرب ياذن العصر قام عبد الله وتوضى وراح للمسجد المهم يوم اذن العصر راح ابو محمد ومحمد للمسجد والي ستغربوا لقو عبد الله قاعد يقرى قراان ابو محمد مو سايعته الدنيا من الفرحه يمكن هالكم ساعه الي قعدهم بالحبس رجعته لربه ودينه الله يهديك ياوليدي يدق التلفوون وترد مشاعل مشاعل : الو هيفا : هلا فيك يالشينه مشتااقتلك مشاعل: هيوووووووف والله لك وحشه خلاص يكفي ارجعي هيفا: وش ارجع ماصدقت افتك منك تبيني ارجع لالا خليني بالعسل الي انا فيه مشاعل : مالت عليك انتي وعسلك خلك معه ازينلك هيفا : مالت عليك انتي وشلونك وشخبارك بشريني عنك وعن اهلي انشالله كلهم بخير مشاعل: كلهم بخير يسلموون عليك متى بتجين خلاص ماخلص شهر البصل مدري العسل حقكم هيفا: مشيعلوه اعقلي لا الحين تنكفخيين وين امي ولا ابوي مشاعل: يمه يمه يمه تعالي كلمي هيفا ام محمد : وينها وينها مشاعل : بالعسل هي خذي كلميها ام محمد: هلا يمه شلوونك وشخباارك عساك بخير يابنيتي وشلون زوجك هيفا : الحمد الله كلنا بخير طمنيني عنكم يممه وعن اخواني وابوي وينه ام محمد: كلهم بخير والحين هم بالمسجد هيفا : خلاص يمه انا اكلمك بعد شوي ام محمد: زين يمه انتبهي لنفسك ولزوجك هيفا : انشالله يمه مع السلامه ام محمد : مع السلامه مشاعل : يمه ترا بروح اليوم لمنال البنات بيجونها اليوم بس بروح بدري اساعدها ام محمد : زين روحي بس متى بترجعيين مشاعل : مدري يمه بس مراح اطول راحت مشاعل تلبس ووتتجهز وكانت مواعده بدر بالنت مشاعل: هلا وغلا حبيبي بدر: هلا عيوني شلونك اليوم مشاعل : الحمد الله بخيير بدر: ها قلبي بتروحين للموعد اليوم مشاعل: ايه بس تصدق مره خايفه بدر: طيب ليه ماتقولين لمحمد ولا عبد الله مايصير كذا تروحين بدون مايدرون مشاعل: لالا ماراح اقول لاي احد بروح وباتكل على ربي بدر : سلامتك حبيبتي وماتشوفين شر مشاعل: الله يسلمك الشر مايجيك يالله حبيبي لازم اطلع الحين عشان الموعد بدر: اوكي بس امانه طمنيني عنك لاتنسيين مشاعل : من عيوني باي بدر : باي تجهزت مشاعل وطبعا هي اخذت موعد مع الدكتور بدون ماتقول لاهلا لانها ماتبي تقلق ابوها خصوصا انها دلوعته وحبيبته وماتبي تقلق امها واخوانها مشاعل تحب فوق راس ابوها وامها : يلا يبيه ويمه عن اذنكم انا بطلع الحين ابو محمد: وين بتروحيين بذا الوقت يابنتي مشاعل ماتبي تاناظر بعيون ابوها لانها ماتعرف تكذب: بروح لصديقتي منال البنات بيتجمعون عندها وتبيني اجي اساعدها عشان كذا بروح بدري ابومحمد: زين انتبهي لنفسك يابنتي مشاعل : انشالله يبه راحت مشاعل لدكتوور وسوت الفحوصات الالزمه وقالها تعالي بكره وطلعت من المستشفى لبيت صديقتها وقعدت الليل ورجعت البيت مشاعل: السلام عليكم عبد الله: وعليكم السلام وين كنتي حبيبتي مشاعل: عند منال صديقتي عبد الله : انشالله انبسطتي مشاعل: الحمد الله عن اذنك عبد الله دايخه نووم ودي اطلع انام عبد الله : اذنك معك حبيبتي نوم العوافي مشاعل: الله يعافيك تصبح على خير وراحت لغرفتها وعلى طوول على النت وتلقى بدر يستناها بدر: ويييييييييييييييييينك من العصر لين الحين وانا مرتز احتريك مشاعل: سوري حبيبي بس منال جهازها خربان ولا قدرت بدر: المهم طمنيني مشاعل : بكره بروح ثاني واشووف بدر: حمد الله على سلامتك مشاعل: الله يسلمك بدر معلليش تعبانه وودي اروح انام بدر: سماح هاامره بس مشاعل : تسلم حبيبي تصبح على خير بدر : وانتي من اهله وراحت مشاعل بسابع نومه يدق التلفون رقم غريب على بدر بدر : الو المتصله: هلا بدر كيفك بدر: بخير بس مين معي المتصله : الله يا الدنيا نسيتني بدووور كله من وحده بالنت تنسيك العشره الي بينا بدر: ريما وشتبين متصله الظاهر انتي تزوجتي وتركتيني وجايه الحين تحاسبيني اذا نسيتك ولالا ايه نسيتك ونسيت كل لحظه وكل شي بيني وبينك وماعاد بينا شي وبعدين انتي وحده متزوجه كيف تكلميني ريما: بدر حرام عليك انا تركت زوجي عشانك بدر : ماعلي منك يوم طلبتك تقولين لاهلك لا وحضرتك رفضتي جايه الحين تقولين تركته ماتمشي علي مو انتي الي تركتيه بالاصح هو الي ترك من فعايلك ريما: انت وشقاعد تقول بدر: ريما خلاص الي بينا انتهى وانا انسان خاطب وبتزوج لااشوفك داقه على رقمي تفهميين ريما : الو الو وين رحت قفل بوجهي لكن هين يابدر نوره: محمد تعال تعال شوف ولدك يتحرك تعال تحسس محمد: اشوف اي والله وناسه ياحليله نوره: اي وناسه الي مع كل رفسه يعورني الله يصلحه باين بيصير مشااكس محمد: اقوول انت لاتتعب امك ولا لاطلع هالتعب من عيونك الا نوره حبيبتي تدخل مشاعل عليهم بالصاله مشاعل : سلااام محمد ونوره: وعليكم السلام محمد: ماصار نوم توك تصحيين مشاعل: تعويض تعوييض بعد ذا السنه الي طلعت روحي فيها محمد: بس ماشالله بيضتي الوجه مشاعل:ايه اجل وشتحسب انا مشاعل نوره: وش القسم الي بتدخلينه مشاعل : ديكور انشالله محمد : اخس اخس بتصيرن مهندسه ديكور ماشالله مشاعل وين اهلي محمد: طالعيين مشاعل: يووووه ابي اروح المكتبه اجيب كتب ودي اقرى بهالاجازه نوره: مو سهله بتتثقف الاخت محمد: ايه ملاحظ الشي هذا مشاعل: عاد طحت بذا الاثنين وش بيفكني المهم حمود حبيبي يااحلى اخو بالدنيا تراني بطلع زين اروح المكتبه محمد: كلمي امك وابوك مالي شغل مشاعل : زييييييييييييين دقت مشاعل على ابوها وستااذنت وطلعت وراحت لدكتتور طبعا هي ماتبي تروح للمكتبه ولاشي دخلت على الدكتور وكان بنظراته شي يخوف مشاعل : دكتور بشر كيف الفحوصات الدكتور: ابوك وينه مشاعل: ابوي وشتبي فيه يادكتور قولي وش فيني قولي الدكتور اسف يابنتي لازم احد من اهلهك يجي مشاعل قعدت تفكر ياربي مين اكلم ابوي لالا مافي الا محمد مشاعل: الو محمد محمد: هلا مشاعل وش فيك مشاعل : محمد بقولك شي بس لاتعصب محمد: مشاعل وشفيك قولي مشاعل: صراحه انا كان عندي موعد بالمستشفى وابيك تجيني الحين محمد: مشاعل وشفي فيك شي تكلمي مشاعل : لالالا بس ماعرف اسوي ملف وطالبين بيانات مدري ماعرفها محمد: زين شوي وانا جايك بعد نص ساعه جا محمد وقعدت معاه مشاعل وشرحته السالفه من اول للاخيير ودخلوا على الدكتور مشاعل: هاذا اخوي الكبير يادكتور يالله قولي النتيجه محمد: انا محمد اخوها الكبير طمنا يادكتور الدكتور : بالحقيقه يااخ محمد انا مو عارف ايش اقول بس اختك كانت تشكي منشي الفتره الاخيره محمد : لا يادكتور الدكتوره: مالحظتوا عليها شي محمد: لا بس يمكن ان اذا سوت اي مجهود نلقاها تعبت وتلهث ويمكن ماعندها لياقه او شي مشابه الدكتور: الصراحه يامشاعل وانت ياخ محمد الموضوع كبيير اختك يامحمد عضلة القلب عندها ضعييفه وللاسف مع الاهمال زاد الضعف فيها ولازم لها علاج وعنايه محمد: وشتقوووول يادكتور اختي سليمه مافيها شي الدكتور وعيونه على مشاعل الي جامده ولاحركه او اي تعبيير: اهدى ياخ محمد جبناك عون لنا اختك لازم تبدى بعلاج وانت عارف ان عضلة القلب مالها علاج او شفاء الا بزراعة قلب وهذا شي نناادر نجاحه فهي بتدى تاخذ ادويه تخفف من المشكله الي عندها ولازم هي تساعد نفسها بنفسها محمددمعت عيونه لاشعوريا على اخته الي توها باول عمرها يصير فيها كذا |
|
|
|
|
15-09-2005, 06:17 PM
|
#7 |
|
(حلا متميز)
|
مشاركة: ((مشااااااااااااااااااعر لا تنتهي))
وأنا تدمع عيوني بسبت قطع القصة
يلا ناس نبي نقرى زهقت يلا أنا بنتظر بنوتة لين تجي أخوك الجني |
|
16-09-2005, 05:28 AM
|
#8 |
|
][§¤حلا ذهبي ¤§][
 
|
مشاركة: ((مشااااااااااااااااااعر لا تنتهي))
الله عليك بنوتة قسه في غاااااااااااااية الرووعه
من ورانا يادبه :D يله تراني كثييييييير متاثره ابي اشوف التكمله تحياتي لك : البريئة :cool: |
|
|
|
|
16-09-2005, 05:38 AM
|
#9 |
|
(حلا متميز)
|
مشاركة: ((مشااااااااااااااااااعر لا تنتهي))
سوري الجني على التأخير والحين بنزل التكمله ولا يهم
وانتي البريئه مشكووووووووره على مشاركتج |
|
|
|
|
16-09-2005, 05:40 AM
|
#10 |
|
(حلا متميز)
|
مشاركة: ((مشااااااااااااااااااعر لا تنتهي))
الدكتور : مشاعل يابنتي انتي معي
مشاعل وقفت وطاحت من طولها الدكتور: مشاعل مشاعل وينادي على الممرضات طبعا قام الدكتور بالعلاج الازم لمشاعل ومحمد كلم زوجته وعلمها بلي صار عشان تقول لابومحمد طبعا وضع مشاعل مو سهل خصوصا انها انصدمت بوضعها الصحي وعضلة القلب عندها ضعيفه نوره: عمي وشلونك بشريني عنك ابو محمد : بخيير يابنيتي نوره محتاره وشلون تقول لعمها عن بنته: عمي مشاعل طلعت مع محمد ابو محمد: ايه قالتلي بس قالت بتروح مع السواق للمكتبه نوره: عمي مشاعل ماراحت للمكتبه مشاعل تعبت شوي وحست بدوخه وودها محمد للمستشفى ابو محمد: وشتقوليييييييين بنتي وشفيها وينهم باي مستشفى قوليلي كلميلي على رجلك يلا بسرعه نوره تنحت ماتدري وشتسوي وجت تبي تدق على محمد ومع الروعه نست رقمه ام محمد: وشفيييكم وشصاير ابو محمد : مشاعل بالمستشفى مادري وشبها يلا نوره اخلصييي كلمي على محمد بسرعه نوره دقت على محمد بعد عناء في تذكر الرقم محمد: الووو ابو محمد: وشفيها مشاعل قولي يامحمد محمد : يبه هدي نفسك مافيها الا العافيه بس قل اكل تعرف بنات هالوقت وهالرجيمات ابو محمد : زييين زييين انا جايك الحين محمد : زين يبه ام محمد: بروح معك ابو محمد: وش يوديك البنت وبترجع معي لاتشيلين هم الا اقعدي وجهزيلها اكل عشان تتغذى زييين ام محمد: بس قلبي ماراح يطمن لين اشوف بنيتي ابو محمد: الله يهديك ياموضي لاتخافين على البنت اوعدك او ماشوفها اكلمك واطمنك ام محمد: زين الي تشوفه يابو محمد ابو محمد راح للمستشفى استقبله محمد عند الباب ووداه غرفة الدكتتووور وقالوله كل شي ابو محمد: وين بنتي ويييينهي الدكتور : هدي نفسك ياعمي البنت عطيناها مهدئ ونايمه الحين لان مانبيها تتعب خصوصا بعد ماعرفت الي فيها ابو محمد: طيب ليش قلتولها الدكتور: يااعمي لازم البنت تعرف عشان تقدر تتعايش مع نفسها وتقدر تنتبه لنفسها لانها لازم ماتحمل نفسها وتضغط على نفسها وطبيعي لازم تعرف ولا تتوقع بنتك بترضى تاخذ ادويه فتره طويله ويمكن طول عمرها بدون ماتسال وشفيها ابو محمد وبصوت كله حزن والم : وين البنت الحين ابي اشوفها بعد 4ساعات صحت مشاعل وشافت ابوها وقعدت تبكي وتتحسر على الي فيها ابو محمد: يابنتي عادي مانتهت الحيااة وبعديين مو اول ولا اخر وحده يصير فيها كذا بعدين يابنتي هدي نفسك ومابي اشوفك متضايقه اذا تبين رضاي ولاتفكرين بهالشي ابدا مشاعل : بس يبه كيف تبيني ماافكر ماقدر يبه ماقدر ابو محمد وهو يقاطع بنته بصوت كله حنان : يابنتي حبيبتي احمدي ربك شي بسيط ومع العلاج واذا انتبهتي لنفسك بيروح باذن الله والدكتوور طمني ياحبيبتي بس اذا بتقعدين كذا ماراح تساعدين الدكتور ولا تساعدين نفسك وبتزيدين التعب الي فيك وانا مابيك كذا ابي بنتي قويه وتتحمل الي يجيها مابيك توقفين عند اول عتبه تطيحين عليها تنهين حياتك ابيك ترجعين زي اول شعولتي الي تبي رضى الكل والفرفوشه والي دايم مبتسمه وتضحك مابي بسممتك تروح انا اذا ماشفتها يتكدر يومي كله محمد: احم احم يبه ترا بنغااار ابو محمد: روح لحرمتك تدلعك انتم كلكم بكفه ومشاعل بكفه والكل عارف من يوم ماجبتها وهي العزييزه عندي اوووووووه نسيت اكلم واطمن امك وانا قافل تلفونيي يوووه تلقاها تحاتي دق يابوك على عبد الله قوله يجيب امك لاني اعرفه ماراح تصبر وبتجي كلمه محمدكلم عبد الله وقاله الساللفه وراح عبد الله قال لامه وجابها ام محمد تركض لبنتها وتحضنها: يابنتي سلامتك ياحبية امك وقلبها ليته فيني ولا فييك ااااه يابنتي ابو محمد: الله يهيدك يامره وشفيك البنت مافيها شي بس هي تدلع تبي تختبرنا عشان تشوف غلاتها عبد الله يحب على راس اخته :حمد الله على سلامتك اختيي وماتشوفين شر الدكتوور: السلام عليكم الكل : وعليكم السلام الدكتور: معليش بس نبي ناخذ البنت نسويلها شوي فحوصات من بعد اذنكم اخذ الدكتور مشاعل وراح محمد معهم عبد الله: يبه انا ااااااسف يبه ارجووووووك سامحني يبه عشان خاطر مشاعل سامحني على الاقل يبه والله اني اتعدل وبتشوفني واحد ثااني يبه ارجوووووك ام محمد: خلاص ياابو محمد عشان خاطري سامحه ابو محمد: انا بسامحك بس ماراح ارضى رضى تام عليك لين ماشوفك متعدل انشالله عبدالله وعيونه كل فرح: شكرا يبه الله يخليك لي شكرا يايبه وهو يحب فوق راسه ابو محمد: المهم الي بمشاعل مانبي احد يدري عنه ومابي تحسسونها بشي عشان لاتتاثر هي بشي رجعت مشااعل وشرحلها وشرح لاهلها كيف لازم تاخذ علاجاتها وكيف لازم ماتتحمل ضغوط نفسيه كثيير وكل الي يساعد على صحتها وحمايتها من اي شي ابو محمد: ونقدر ناخذها الحيين الدكتور : انا افضل انها ترتاح عندنا ونبدى نعطيها العلاجات وهي عندنا افضل حتى لو كان اي مضااعفات من العلاج والا تكون هي موجوده عندنا ابو محمد: اها خلاص اجل تقعد عندكم صحة بنتي الزم شي ام محمد: اجل قوم ياعبد الله ودني للبيت اجيب اغراض لها مشاعل: تسلمين يمه بتعبكم معي محمد: يؤ عليك كم مشاعل عندنا لو ماتعبنا عشانك نتعب عشان مين ام محمد: ايه يامشاعل اخوك صادق مشاعل : تسلمونلي...بس حتى انت يامحمد من متى وانت هنا روح لنوره انا عادي الحين كويسه محمد: لالا بقعد عندك عبد الله: روح يامحمد انا بقعد عندها مشاعل : ولا احد بيقعد انا حمد الله مافيني شي وبنام خلاص لاتتحسسوني اني مثقله عليكم ابو محمد: لا منتي مثقله يابنتي بس كلنا نبي نكون جنبك عشان لاتطفشين ولا تقعدين بلحالك ام محمد: خلوها الحين تنام وترتاح وانا بروح اجيب اغراض لها وارجعلها وبلليل وانام عندها ابو محمد: خلاص كلام امكم هو الصح خلاص يابنيتي حنا بنروح تبين نجيب لك شي مشاعل: سلامتكم لا شكرا مابي شي وطلعووا من عندها ومشااعل قعدت تفكر بنفسها وكيف بتصير حياتها ياربي كيف بعييش معقول بصير كني عجوز زي جدتي امشي بشنطة ادويه لا مومعقول كل شي بيقولنلي ااهلي طيب وخلوها على كيفيها عشان لا اتعب مابي حياتي تصير كذا ابي اعيش طبيعيه ياربي ليش يصير كذا ياربي بدر حبيبي معقوله بيتركني لو درى لالا ماتوقع هو يحبني ياربي مسكين الحين يكون قاعد ينتظرني ويدورني ياحبيبي اكلمه واقوله وش الي صابني اكلمه اقوله وشصار بحبيبته ياااااااربي وش اسويي وتاخذ التلفون وتدق على بدر بدر: الوو مشاعل وهي تصيح: بدر بدر: ايه نعم مين مشاعل: بددددر انا تعبانه عشان كذا كلمتك بدر محتاجتلك يابدر بدر مو عارف الصوت لانه كله صياح جا فباله انها ريما وتبي تسوي فلم جديد بدر: اسمعي ياريما الي بيني وبينك انتهى من سنننين ولاراح يرجع انا الحين مرتبط في بنت واحبها وتحبني ومابي ترجعين تدقين علي انا مابيك افهميي حنا انتهينا من زماااان مشاعل تقاطع بدر: بدر انا مو ريما انا مشاعل بدر انصدم مايدري وش يسوي |
|
|
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| المرأة والرجل قصة لا تنتهي | انا انا انا | مجلس حلا العام | 6 | 17-03-2006 03:49 AM |
| هل تنتهي الحياة عندما نخطئ ...!!! | أبو المجد | مجلس حلا العام | 8 | 12-03-2006 08:58 PM |
| الحرمان المميت(دمهوعا لا تنتهى) | الحرمان المميت | مجلس حلا لعذب الكلام | 3 | 04-01-2006 10:20 PM |
| الاختبارات تنتهي قبل المونديال | *عابر سبيل* | مجلس حــلا الــريــاضـي | 4 | 18-11-2005 12:49 PM |
| هل تنتهي الحياة عندما نخطئ.. | لو على قلبى | مجلس حلا العام | 6 | 01-09-2005 01:00 AM |
العرض العادي
