(والله انك صدعتي راسي)

[عويضه القلا]

(والله انك صدعتي راسي)
نقاش سياسي اجتماعي هادف
قبل الشروع في سرد هذا النقاش أود ان اقول ليس الغرض من كتابة هذا الموضوع الاجتماعي بالروايات والقصص الدبية من اشباع رغبة القارء بما هو ليس بحاجة إليه إنما الغرض هو توصيل الفكرة المقصودة من خلال هذا النقاش العائلي المقصود والذي وضع في قالب ادبي اجتماعي سياسي لعل وعسى ان يكون لها دورها المؤثر قولوا آمين *)
في يوم السبت رجع اخونا مرزوق من عمله كما هي عادة الموظفين وكان متعباً ومرهق من العمل ومشاكل المراجعين ونفسه براس خشمه اخذ يدور في ارجاء بيته وينادي وينك يا ام يوسف هنا وهناك ولم يرد عليه احد دخل مكتبة الخاص في البيت فوجد ام يوسف جالسة على الكمبيوتر وبصوت مرتفع ,,, الله الله انا من اليوم ادور وأنادي ما حد عندي جوعان و انتي حرتك داخلة عالم آخر ول متى وحنا على ذا الحال ,,أم يوسف رفعت راسها ونظرت لأبو يوسف اتصل على المطعم يجيب لك غداء لو سمحت سكر الباب ,,أبو يوسف دخل وسحب الجهاز وقطع اسلاك التوصيل وبدأ الكلام الي ما يصلح ,,,أبوا يوسف جايبينكم مناظر نشوفكم بس ديكورات ,,,أم يوسف أخذت جوالها البلاك بيري وراحت للصالة وبدت تهذر مع نوعها ,,أبو يوسف يركب سيارته ويروح للمطعم على قولت أم يوسف ويتغدى وعاد دخل غرفته ونثبر ونام والمدام منهمكة بالسوالف وشوية قامت ولحته وكأن ما صار شيء ودقات خفيفة على الباب صحى أخونا ومن هنا وهناك وطاحت المسامير والبراغي ,,أبو يوسف كل يوم وحنا على ها لحال ,,أم يوسف خلاص ابشر والله ما تجي غير كل شيء جاهز بس جب مصلح يصلح الجهاز قام اخونا الربيطة وراح يركض وجاب مصلح وصلح الجهاز وبعد العشاء جلسة عائلية ونقاش حول كافة القضايا الخاصة والعامة ,,,والكلام لا ينتهي
كان هناك فلم يعرض على أم بي سي وعيون الأسرة شاخصة إليه لكن أبو يوسف ليس معهم معنوياً ,,أم يوسف سؤال ويش فيك ما أنت فيه خلك معنا شوي أترك الجوال أبو يوسف يرد والله الأخبار ماهي طيبة ها ليومين كل يوم تزود سوء الله يستر ,,,أم يوسف يعني حنا ويش نسوي نصلحها تعبنا من ها لكلام ما سوينا شيء دام حنا آمنين وبخير والحمد لله والله يحفظ لنا البلاد و ملكها يعني ويش يهمنا من الخارج هذ ولى كانوا مقهورين وستعبدين وحانت لهم فرصة التحرر والانتقام أعتقد انه شيء طبيعي أن يحصل عندهم كل شيء ,,أبو يوسف إيه و إنتي الصادقة لكن هذا الكلام على مؤقت ويمكن يجي يوم نكون حنا مثل هذ ولى وكثر غصب ما هو كيف ,,,أم يوسف ذيك الساعة شف لك جحر ضب ودخل فيه لين ينتهي كل شيء تصير مثل اهل الكهف معك عملة ميه سنة فاتت ,,,أبو يوسف عارضه مقطع من الفلم واحد ضرب زوجته ضحكت أم يوسف قالت هذا متخلف ما هو متحضر ,,أبو يوسف لا والله ما ينفع معكم غير العنف ,,,ام يوسف حنا صار الدور لنا ها الحين جرب وانت الخسران ,,أبو يوسف ما دري وش ها لدور اكل ومرعى وقلة صنعا ,,,ام يوسف تقاطعها البنت الصغيرة نزلت من فوق وهي تشتكي من أختها الكبيرة قالت كلام بنات ما ينقال لكن أم يوسف ما عبرتها تابعت الكلام مع أبو يوسف أنا أبغى اعرف ويش انتم مسوين ويش فالحين فيه غير الجلسات و القلطات وهذا ألي عندكم و البعض ما عندهم ما غير نازل السوق ومرتفع وكل غلط على حالة من عام السبلة الي تقولون ما صار عليه شيء ,,,أبو يوسف رفع راسة تكفين خلينا نسمع جت الأخبار ,,,أم يوسف يعني ويش فيها مثل كل يوم نفس الأسطوانة حفظناها من قبل تقولون حرية اعلامية وشفافية ولا شيء من هذا كله ضجيج اعلامي تطبيق على أرض الواقع ما في يعني ضحك ,,,أبو يوسف والله صدعتي راسي انا لازم أشوف مكان ثاني ,,أم يوسف أيواه للاستراحة بلوت وناسة شلة وبعدين نجي وننام هذا آخر فصول الليل ,,أبو يوسف يقاطعه مكالمة جوال من احد خوياه يقول ترانا منتظرين علينا رابع ,,أبو يوسف جاي فجأة ,,ام يوسف ايه نسيت أقولك مجموعة فواتير كهرباء وتلفون البيت الأرضي والماء وعليه غرامه والله ما دري ويش كثر وأنا جتني رسالة جوال بالفاتورة 450 ريال ,,ابو يوسف والله من كثر الهذرة وانا بعد جتني فاتورة 500 ريال حسبي الله عليك ما صبرتي لين اعود حستي مزاجي الحقيقة أنا لوا أفهم مزوج وحدة موظفه تساعني ,,,ام يوسف فزت من مكانها ويش ويش قل ,,أبو يوسف سمعتي ,,,أم يوسف خلاص شف وحدة موظفه وشف وش يصير معك ,,,أبو يوسف انا ماشي تبغون شيء ,, هلا هلا كل ها الحكي عندكم وانا ما دري ,,أم يوسف يا شيخ بس أنت مسوي فاهم أقول قبل ما تمشي جب لنا خبز وروب وببسي وشف البقالة جانا يطلب حقة 1200 ريال ,,, أبو يوسف لا والله ربحنا خلاص عندكم سواق هذا ولدكم كبر الحمار ,,,وهكذا ينتهي هذا النقاش الساخن بين ابو يوسف وام يوسف )(بقلم العقلا تحياتنا للقراء في كل مكان من مملكتنا الحبيبة

[شمس القوايل]

لاحول ولاقوة الا بالله

يعطيك العافيه الاستاذ العقلا ع الطرح الرائع

مشاكل اجتماعيه يوميه في اغلب البيوت

الله المستعان

مجهود مميز عساك ع القوه

ننتظر جديدك القادم

وكل عام وانت بخير