بنات الثانويــــــــــــــــه

[نهر ^ الشوق]

اعضاء منتديات حلا
السلام عليكم ورحمة الله وبركاته

هذه المشاركه فكاهيه في الشعر

أحتارو صديقات من البنات في الدراسه للمرحلة الثانويــــــــــــــه
وين يدخلون علمي ولا ادبي وكل وحده دخلت القسم اللي تبيه
يا أنها مع صديقاتها ولا تبي تفتك من الرياضيات والفيزيا واللــــي
تبي تفتك من التاريخ والي تبي والي تبي... وفي هالوقت قامت
وحده من البنات العلمي كتبت هالقصيده :

حسبي الله على من تسلط على المسلمين
ضعنـــــــا ونبــــــــــــي رايكــــــــم يالسامعــين

سهرنا الليل ورحنا نقول دارسين
قلوبنا من الاسئلة حافظــــــــــين

حفظنا الذهب والفضة وجانا الخاضين
والفراغــــــات ملينــــــاها كلها تخمين

ورحنا للسؤال الثاني على بالنا فاهمين
معـــــــــادلات مع الاوزان عز الله ضايعـين

ماعرفنا من الرموز الا الماء والاكسجين
والا الســــــــــؤال الثالــــــث يامن يعين

مسالة مانعرف لها راس من رجلين
اكتبي الصيغة الوزنية ماحناعارفين

والقوانين والله يســــــــــتر علـــــىالقوانين
تكسرت الالة من الطقطقة مابقى الا زرين

والمصيبة مشرفتنا تصرخ يانايمين
من زود الوناسة شايفتنا قاعدين

سلمنا الاوراق مافيهــــــا صـــــــــح الا اثنين
الاسم ورقم الفصل وعلىالباقي مشطبين

ياناس انصفــــــــــونا من الظالمين
والا ترانا اخر السنه من الراسبين

واخرتها سلامتكم يالربع والسالمين
واذا مااشتكينا لكـــــم نشتكي لمين

شافوها بنات الادبــــــــي فتبرعت وحده منهم وقالت :

من قال لكم تدخلون علمي يالمجانين
هذي هي ســــــوات ايديكم يالفالحين

اسهروا ليلكم مع نهاركم ياالشاطرين
وحنـــــــا وحنــــا بنشخر مع النايمين

وحفظ الادب والمكتبة ومواد الدين
على طول بنجاوب دامنا حافظين

قلنا لكـــــم نيوتن وفيثاغورس ميتين
وجعلكم ماتصيرون بانفسكم فالحين

واخرتها الله يسلمكـــــم يالسامعين
وان شاء الله نشوفكم مع الراسبين

تنزفروا بنات العلمي وزعلوا وقالت وحده منهم :

تحطون راسكم براس العلمي يالمساكين
ترى لكم الكرف والبيت وغسل المواعين

اتركو عنكم الحقد مركزنا منتوب واصلين
حنا لنا العلم والمستقبل يالمساكين

واخرها الله يسلمكم من البلاء يالمساكين
واخر السنه ان شاء الله نكون من الناجحين

نهــــــــــر ^ الشــــــــــــــوق