قصه محزنه

[الوسن]

:) السلام عليكم
انا اليوم جايبتلكم قصه قريتها في احدي المنتديات فاابكتني فاقلت خلني انقلها لكم وانشاء الله تنال اعجابكم

البلد : الكويت ..

زمان : المغرب ساعه 5.30
كانت خلود جالسه قدام دريشتها وفي ايدها صورة حبيبها خالد وقاعده تغني في اسم خالد .. وهي سرحانه تسمع صوت من دريشه لي شقه الي قدامها ..
محمد : الله صوتج وايد حلو .. ويفتح الدريشه ولا يطالعها .

خلود : ويعه وانت شكو .. تسمع على بنات خلق الله ..

محمد : انا اسف انا كنت يم الدريشه ابي افتحها وسمعت صوتج ..

خلود : مو انا كنت متوقعه انا شقه الي قدمنا مافيها احد فاضيه ..

محمد : أي لانه تونا ساكنين اليوم ..

خلود : زين خلاص لا تطولها .. يالله سكر دريشتك ..

محمد : وليش تسكرين علي حياتي ..

خلود : شكو دريشه في حياتك ؟؟

محمد : لانه منها القى ما بقى من حياتي ..

خلود : اوووووه شكلك مينون .. انا ابي اسكر دريشتي وارتاح منك .. ( وتسكر الدريشه )

ويبقى محمد عند دريشته يطالع لي سماء وهو سرحان .. وتم خلود تتابع محمد من وراه ستار دريشتها وهو ما يدري عنها وتستغرب سرحان محمد طويل لي سماء وهو جالس يكتب في دفتر كان ما يفارق ايده .. وبعد اربع ايام فتحت خلود الدريشه قصدت منه تهويت الغرفه وفي ايدها الثانيه تليفونها النقال تكلم فيه خالد ..

خلود : خالد شفيك صار لك مده ما تكلمني شنو الي مغيرك علي

خالد : ( بدون نفس ) مافي شي ..

خلود : شنو مافيه شي انا مزعلتك يا خالد ..

خالد : اوووه تراج اذيتيني وياج ما عندي غيرج يعني !!!

خلود : خالد انت شنو قاعد تقول ؟؟

خالد : اقول خلود انا مشغول مع السلامه ..

خلود : بس خالد .. ( ويسكر التليفون ) ( ويفتح محمد الدريشه وهو حاط على ظهره بطانيه صوف وبايده المرتعشه ماسك دفتره ويطالع لي سماء ويكتب في دفتر وملامح ويها تبين عليه التعب ) و خلود ( ماسكه في ايدها التليفون وفي ايد ثاني حطتها على راسها وتفكر )

محمد : ( يطالع لي خلود وبصوت ضعيف ) صباح الخير ..

خلود : ( تطالعه ) نعم ..

محمد : اسف على الازعاج بس حسيت من المفروض علي اصبح على جارتنا ..

خلود : هذا انتم يا الشباب ما تشوفون بنت الا .. ويقاطعها صوت مسج من خالد وتفتحه بسرعه ( خلود خلاص انسيني انا لقيت غيرج مع السلامه ) وتنصدم خلود من خالد وتحاول تدق عليه ويقاطعها صوت مسج ثاني .. ( خلود تراني عطيت خطي حق ولد خالتي لا تحاولين تدقين علي ) ومن هول ما شافت يطيح التليفون من ايدها الى ارض العماره ويت**ر .. وتنزل الدمعه من عين خلود وهي ساكته ما تعرف شنو تسوي ؟؟؟

محمد : عسى ما شر شنو السالفه ؟؟

خلود : ( بنظرات حقد ) انتم كلكم نفس بعض الله ياخذكم ويحرقكم مثل ما حرقتوا قلبي

محمد : بس انا .. ( وتسكر دريشة غرفتها بقوه لي درجة انه ت**ر زجاج الدريشه )

زاد تعب محمد شوفت خلود جي .. وحس انه يضايقها وعزم انه ما يفتح دريشته لما يشوفها .. علشان ما يضايقها .. وتم على هذا مده مو قصيره .. ومن ناحيه ثانيه كانت خلود حزينه على الي سواه خالد فيها وكانت تفكر وتراج كلامه خافت انه في كلمه قالتها له وضايقته فيها .. بس ما لقت شي ما عمره طلب منها شي غير انه عطته بدون حدود ولا كانت تنطر منه كلمة شكر وكان هو بعد بخيل فيه لها ..

وبعد فتره حست بعدم خروج محمد لي دريشته الي كان متعود عليها وكانت تنطره فتره على اقل تتاسف له على سوته علشانه .. بس ما شافته وصارت تنطره عن دريشه فترات طويله من النهار بس ما طلع ولا اقترب من دريشة ..

وفي يوم كانت مستعجله تبي تلحق على باص المدرسه فتحت دريشتها ولقته توه فاتح دريشته ولما شافها كان يبي يسكرها ..

خلود : لحظه لحظه ..

محمد : يفتح الدريشه .. هلا ؟

خلود : شوف في كلام ودي اقوله لك بس انا مستعيله الحين اكلمك العصر اوكي الساعه 5 .. يالله مع السلامه لانه باص المدرسه ينطرني تحت

محمد : ان شاء الله اذا قدرت مع السلامه ..

خلود لا تكفى حاول ..

محمد : ان شاء الله ..

وتروح خلود لي مدرسه وتعد الساعات علشان تطلع ولما طلعت تمت في غرفتها تطالع الساعه لين تي الساعه 5 ولما يت ركضت لي دريشتها وفتحتها بس ما شافت محمد عند الدريشه .. جلست قدام الدريشه تنطر وتمر الدقيقه وراى الدقيقه وتجري الساعه وراى الساعه وينزل ظلام الليل على سماء الكويت وتزيد ظلمة غرفة محمد ظلمه لين يت الساعه 10 بليل وقالت خلود حق نفسها اكيد هو زعلان ولا منحرج مني ولا راح يجي ابي اسكر الدريشه وانطره بكره وتسكر دريشتها وتحس بنور من غرفة محمد وترد وتوخر الستاره عن الدريشه وتشوف ام محمد تفتح الدريشه ويدخل محمد لي غرفته على كرسيه المتحرك ويقترب من الدريشه وتحط بطانيه صوف على كتف محمد وترسم على جبهته قبله من شفات امه وتطلع من الغرفه ويقترب محمد لي دريشه وعينه الى سماء ويتمتم في كلامات وتنزل من عينه دمعه .. وتفتح خلود الدريشه

خلود : ( بصوت خفيف ) قوه

محمد : ولا يحس فيها ..

خلود : ( تعلي في صوتها ) قوووه ..

محمد : يلتفت لها ويمسح ما نزل من خده من دموع .. هلا اسف ما انتبهت عليج .. واعذريني لما تاخرت عليج بس ما كان في ايدي توني جاي ..

خلود : لالا مو مهم اهم شي انك رديت .. بس انت شنو قاعد تقول حق روحك .. اشوف شفاتك تتحرك وتنزل دمعه من عينك ..

محمد : اقول ( ابتسم واضحك تره الدنيا حلوه )

خلود : الله وايد حلو كلامك ..

محمد : مشكوره هذا كلام اقص على روحي فيه ..

خلود : وليش تقص على روحك ..

محمد : مو مهم تعرفين .. ولا ودي اقوله لانه وايد يعذبني ..

خلود : على راحتك وعلى العموم انا كان ودي اتاسف لك على الي صار هذاك اليوم ..

محمد : يعني انا ما كنت مضايقج ..

خلود : هي مو سالفت مضايقني بس كنت ..

محمد : كنتي متزاعله مع خالد ..

خلود : لا حنا خلاص افترقنا .. وانا مو متحسفه عليه لانه هو الخسران خسر قلب كان يحبه ..

محمد : واليوم ..

خلود : اكره .. اكرها على كثر ما حبيته .. اكره .. والله اكره ..

محمد : لا تحلفين الي يحب ما عمره يكره ..

خلود : والله اكره يا ..

محمد : محمد ..

خلود : عاشت الاسامي يا محمد .. وانا اسمي خلود ..

محمد : عاشت ايامج .. وعاشت الاسامي يا خلود ..

خلود : تسلم .. خلاص يا محمد لو سمحت لا تذكرني فيه .. زين ابي اسئلك سؤالين ممكن ؟

محمد : أي حاضر ..

خلود : انا كل مره اشوفك اشوف وياك كتاب هذا ماسكه وياك وتقعد تكتب فيه شنو تكتب ؟؟؟

محمد : اكتب قصص .. هوايه من انا صغير نسيته فتره ورديت لها من سنتين ..

خلود : وشنو تكتب وليش رديت لي كتابه ؟؟

محمد : اكتب اشياء وايد كل شي يخطر على بالي ... ورديت له من سنتين بسبت مرضي ..

خلود : سؤال ثاني ودي اقوله لك بس مستحيه ..

محمد : لا قولي لا تخشين في قلبج ..

خلود : انت من متى على ..

محمد : على الكرسي .. انتي شفتيني ..

خلود : أي مو انا كنت انطر ولما سكيت دريشتي امك دشت غرفتك وانت دشيت وراها وشفتك ..

محمد : انا قبل ما كان فيني شي لين سنتين حاشني مرض قعدني على الكرسي هذا ما اقدر امشي منه الا بصعوبة ..

خلود : الله يشفيك ان شاء الله ..

محمد : ان شاء الله ..

خلود : ممكن اشوف الي انت تكتبه ..

محمد : أي حاظر بس لحظه ابي اسمي كتاب .. وكتب عليه اسم ( فاقد الشي لا يعطيه ) .. زين شلون اعطيك ايها ..

خلود : حنا قريبين يم بعض حذفه علي وانا امسكه ..

محمد : اخاف ما يوصل لج ..

خلود : ما عليك انت حذفه وانا امسكه ..

ويحذفه محمد كتاب على خلود وتمسكه في ايدينها الثنتين وتضمه على صدرها ..

محمد : اشوفه وصل لج ..

خلود : حمدالله والله كنت خايفه اني ما امسكه ..

محمد : ايل اخليج تقرينه لاني لزم اخذ دواي وانام الحين وبكره عندي مراجعه لي مستشفى ..

خلود : طمني عليك .. وانا ابي اسهر عليه ..

محمد اوكي خلاص ايل تصبحين على خير

خلود : تلقى كل خير في ويهك ..


خلود : تصك الدريشه وترد تفتحه بسرعه .. محمد محمد

محمد : يفتح الدريشه .. نعم

خلود : نسيت اسئلك شنو سويت في المستشفى ؟؟

محمد : ما سويت شي فحصوني مثل كل مره وصفوني مسكنات وقالوا راجعنا بعد شهر ..

خلود : بشفى ان شالله ..

محمد : ان شاء الله ..

خلود : نشوفك بليل مع السلامه

محمد مع السلامه ..

وتقوم خلود الساعه 9 ونص بليل وتركض لي دريشتها وتفتحها ولا تشوف محمد قدامها ينطرها ..

خلود : من متى انت هني ؟؟

محمد : انا هني من اول ما خليتني ..

خلود : شنووو

محمد : أي والله تميت عند الدريشه من اول ما خليتيني .. انطرج ..

خلود : بينها وبين نفسها ( يا بعد عمري ) ما ادري شنو اقولك ..

محمد : لا تقولين شي كلميني عن روحج انا لين الحين ما اعرف عنج شي

خلود : انا يا محمد انسانه مثل أي انسانه في الدنيا حبيت واحد لكن للاسف طلع خاين ..

محمد : بس هذا مو اخر العالم .. والحمدالله انج في اخير كشفتيه ..

خلود : حمدالله على كل خير وان شاء الله الله يعوضني في الي احسن منه ..

محمد : ( يسكت وينزل راسه ) لا يكون عبالج انا راح اكون ..

خلود : ( يحمر خدها خجل ) ومن قال .. ( وترتبك ) انا اصلا ما فكرت فيك ولا اهتميت لك وهي كله مجرد سوالف واذا تبي اسكر دريشتي ولا راح تسمع صوتي مره ثانيه ..

محمد : ( يلف راسه لي اتجه ثاني عن خلود ) يكون احسن ..

خلود : انصدمت ولا قدرت تقول شي

محمد : يلتفت لها والدموع على عينه .. انا اسف .. مع السلامه ..

خلود : محمد لا تروح ابيك ..

محمد : نعم ..

خلود : محمد ممكن نكون اصدقاء .. ولا يكون غير هذا بينا .. انا محتاجه لك يا محمد ..

محمد : بس

خلود : هذه المره لا بس ولا شي اقولها لك اسكت وخني اكمل لا اهفك ب** في ويهك ( وتمسح دمعه من خدها وتضحك )

محمد : يضحك .. ويقول لها الله يقطع ابليسج .. وهم انا بعد احتاج لج ..

خلود : خلاص كل واحد فينا محتاج لي الثاني .. انتهت المشكله ..

محمد : ايل خلاص .. اصدقاء ..

خلود : زين انت ما كلمتني على روحك ؟؟

محمد : انا يا خلود وحيد امي وابوي مات من زمان انا ما شفته مات وانا توني صغير ..

خلود : الله يرحمه ..

محمد : وكنت وايد م***ق في الدراسه لين تخرجت من ثانوي ولما دشيت جامعه ما خلصت غير كورس واحد وياني مرض .. وانا الحين على هذه حاله .. صار لي سنتين ..

خلود : الله يشفيك ..

محمد : زين انتي صج عندج اخوان ولا خوات ..

خلود : أي عندي اخت وحده وامي منفصله من ابوي صار لهم اربع اسنين ..

محمد : ايل وين اختج ما اشوفه ..

خلود : والله اختي من ربع الانترنت اربع وعشرين ساعه في غرفته مقابله ..

محمد : وانتي ما تدشين النت ؟؟

خلود : ولا اواطنه ..

محمد : ( يضحك ) ليش؟

خلود : بس جي ..

محمد : زين شلون ويه الدراسه ..

خلود : والله كل شي اوكي ما عاده ما ده وحده ملعوزتني مكرهتني الدراسه ..

محمد : شنو هي ؟

خلود : مادة الفلسفه ...

محمد : الله يعينج والله .. شنو رايج اساعدج ..

خلود : بس شلون؟

محمد : انتي باجر عليج هذه الماده ..

خلود : لا

محمد : ايل حذفي علي كتابج .. ولا عليج ..

خلود : لا يا محمد ما ودي اعقدك ويها ..

محمد : لا تعقيد ولا شي ..

خلود : شلون مو تعقيج وهي ام التعقيد كله ..

!!









تأخذنا الحياة في دربها الطويل نبكي كثيراً ونضحك كثيراً ونمضي في الطريق نبدأها بصرخه وننهيها بصرخه ومابين الصرخه والصرخه ضحكات وبكاءوملايين الاحلام وعلامات الاستفهام تُرى الي متى نظل هكذا حائرين ؟لانعرف اين طريق نحن به سالكين حتى وان اخطأنا.. من سنلوم هل نلوم انفسنا ام الزمن؟؟

:(

[الشقره]

يسلموووووووووووووووووووووووو
الوسن على هالموضوع الحزين
وبصرااحه حزينه القصه
يحفظج ربي.


اختج:
الشقره

[!! سوبر مان !!]

الله يعطيك العافيه وان شالله من احسن الى احسن

[الوسن]

[align=center]مشكوره اخواني واخواتي الله يعافيكم[/align]

[خالد عز]

ا جزاكي الله خير

[الوسن]

[align=center]مشكورة يا اخوي[/align]