|
|
|
|
25-10-2005, 12:18 AM
|
#571 |
|
(حلا متميز)
 
|
مشاركة: عمق القلوب....قصة واقعية
THank you
يا احلى و ارق وحده في المنتدى معني زعلان بس ايش اسوي لازم نسامح عشان رمضان Gad |
|
26-10-2005, 03:44 AM
|
#572 |
|
][§¤حلا ذهبي ¤§][
|
مشاركة: عمق القلوب....قصة واقعية
تسلمووووووووووووون
على المتابعه يااحلىىىىى متابعين بحلا والنت كللللللللللله وجااااااااااد خير انشاله ليه زعلان مني وسح لسانك الكلام الي قلته كله فيني مع انه ناقس اني قمر وعسل يؤيؤيؤيؤ اقسد ربي يخليك تحياتي للجميع والى الزعول : البريئة :d |
|
|
|
|
26-10-2005, 03:48 AM
|
#573 |
|
][§¤حلا ذهبي ¤§][
|
مشاركة: عمق القلوب....قصة واقعية
الجــــــــــزء الاخيـــــــــــر*&*
اليـوم الاربعـاء... كانت جالسـه في غرفتها ترتب نفسها وتتزين عشان تطلع بأحلى شكل قدام اهلها..برغم انها كانت مندمجه وهيا تخط الكحل على عينها بكل تفنن الا انه بالها وتفكيرها مو معاها..كان كل تفكريها..فيـه وفي اللي بتسويـه عشـانه..لاازم تلاقي حل لوضعها خلاص هيا عارفه من زمان تبغا ميـن ومتأكده من مشاعرها..ودحين اتأكدت من مشاعره..ومابقي لها شي غير انها توصل له وتوضح له كل شي...ودااا اللي لاازم يصيـر اليـوم.... ......:بنــــت كفشتك ايش بتسـوي؟؟ رندا:بسم الله الرحمن الرحيم فجعتيني يادبـه مي:هههههههههههههه ايش اسوي انعديت من زوجي هههههههههه رندا وهيا تقوم وتسلم عليها:والله وحشتيني ياوحشه فينك ماتسألي عني ولاتعبريني اللي يشوفك ويشوف افعالك مايقول اني اختك وولاكأنك تعرفيني مي وهيا تحضنهاا:ياقلبووووووو حرام عليكي لاتظلميني بس والله تدري جوانا والبزوره هالكينني ما بالاقي وقت اسأل عن احد حتى امي زعلانه مني رندا وهيا تبعد عنها:الله يعينك خلاص حزنتيني بسامحك مي وهيا تضربها على كتفها بشويش:دبببببه مين قلك اني ابغاكي تسامحيني رندا:ههههههههههههههههههههه غصبً عنك مو برضاكي اصلاً مي:وي وي اشوف الناس صاروا يشوفوا نفسهم علينا رندا:ههههههههههههههه والله انك دبببه المهم بلا خرابيط فين جوجو وحشتني ؟؟ مي:تحت عند ستهااا رندا:اهاا طيب بنزلهااا...ومشيت ووصلت عند الباب بعدين وقفت... رندا:الا اقول مي:ايش بك؟ رندا:اممم جا احد ولالسه؟؟ مي:الا كلهم جوو ياختي انا عشان كدا طلعت اشوف ايش تسوي ست الحسن والجمال متربعه على عرشها وماتنزل تسلم على احد رندا:هههههههههههههه والله محد قلي ايش اسوي؟ مي وهيا تجي لجهتها:طيب يلا امشي خلينا ننزل نسلم على الناس وفي مجلس الرجال... امجد:والله يارامي الموضوع يبغاله تفكير انا انصحك انه لاتتسرع واستفسر اكثر عن الموضوع رامي:انا استفسرت ولقيت انه المشروع ناجح ميه بالميه ومكسبه ماهو قليل رائد:عن ايش تتكلموا انتو الاتنين شاركونا معاكم؟؟ امجد وهوا يلتفت لرائد ويوجه له الكلام:هادا ياسيدي ولد عمك المصون رامي يبغا يسوي مشروع تجاري بحت خالد وهوا يدخل في وسط الحوار:ايش طبيعة هالمشروع؟؟ رامي بحماس:مركز تجاري رائد بصدمه:مركز تجاااااااري مرررره وحده!!؟ بسس ياشيخ انا اتوقعت تقول محل شركه بالكتير تقوم تقولي مركز تجاااري رامي:لااا انتووا فاهمين خطأ بنت الاميـر........آل سعود هيا اللي حاتسوي هالمركز بس تبغا واحد يصمم لها المبنـى وتبغاه يكون بمستوى راقي وصاحبي عبدالله ال.....كلفوه بي هالمهمه يشتغل مع ابوها |
|
|
|
|
26-10-2005, 03:49 AM
|
#574 |
|
][§¤حلا ذهبي ¤§][
|
مشاركة: عمق القلوب....قصة واقعية
الامير.....فرشحنـي بما اني تخصصي هندسه معماريـه..وهوا يقول انه واثق من كفاءتي
خالد:والله شي كوووويس مررره رائد:اهاااااا رامي:ايش رايكم؟؟؟اوافق؟؟ خالد ياشيخ وافق وخلي عندك ثقه بنفسك ايش بك متردد انا واثق انك قدها وقدود رامي:الموضوع مو مسألة ثقه بس اممم كيف اقولك؟؟ رائد:شوف اذا انتا شايف نفسك ماتقدر تمشي في الموضوع فلا توافق رامي:لا بالعكس انا في امريكا شفت كثيـر من المراكز التجاريـه وشفت تصاميم رووعه غير كدا دراستي في امريكاا اعطتني شوية ثقـه بنفسي بس المشكله انهم يبغووو التصميم يكون جاهز في مده مرره قصيـره خالد:كم يعنـي؟؟ رامي:شهـرين بسس رائد:طيب كويس ليه مايمديك؟؟ رامي:ايش بك ياشيخ هادا مركز تجاري يحتاج له وقــت وهما يبغووه شي مررره كبير وفخممم وشي ماتقل مساحته عن 10 الآف متر مربع امجد واللي كان يرسل رسايل للمى ويتفق معاها انه يشوفها عند المسبح ومو منتبه لهم سمع اخر الحوار:والله انا اقتررح عليك ترفض الموضوع وياشيخ بلا هم بلا قرف انتا دوبك في بداية المشاور لاتنط كدا بسررعه وتشتغل في الجد على طوول رائد:اممممم والله حتى انا رأيي من رأي امجد فرضاً تعبت وسويت التصميم وكل شي وماعجبهم وقتها محد بيكون خسران الا انتا خالد:لالالا انا مو معاااكم مرررره انا اقولك وافـق صدقني فررصه مررره حلوه ومو دايماً تتكرر وصدقني حتفتح لك ابواب كتيررر رامي:افففففففففف والله حيرتوني خلاص بفكر في الموضوع بعدين ابوخالد كان يتابع الحوار بصمت..ويطالع في رامي اللي يحس انه متلوم منه..ويحس بندم لانه رفضه وقال له اللي قاله...هوا اكيد مابيلقى احد احسن من رامي لبنته بس رامي حطه بموقف محرررج وماجا يتكلم الا بعد ما ارتبط مع الناس واعطاهم الموافقه... ابو خالد:رامي ياولدي سيبك منهم انتا صلي ركعتين استخاره واسأل ناس عندهم خبره ولو تحب تعال لي الشركه بكره بعرفك على واحد عنـده خبره في هالاشياء وبيساعدك رامي طالع في عمه واللي كان شايل في قلبه عليه وقاله بصوت باين فيه الزعل:بشوف بعـدين امجد وهوا يوقف:خليكم انتوا في مواضيعكم هادي انا بروووح اشوف لمى وارجع لكم رامي وهوا يوقف معاه:بالله طيب خدني معاك امجد:على فين؟؟؟؟ رامي وهوا يجره:انتا رايح فين؟ امجد:عند المسبح رامي وهوا يمشي:خلاص تعااال انا بوريك شي وراحوا امجد ورامي لجهة المسبح...وشافوا لمى قاعده على المرجيحه الكبيره اللي تطل على المسبح وبتتمرجح بكل هدوء وشكلها يجنن كأنها طفله مخمليه من زمن الخيال...شعرها الاسود منثور على اكتافها بطريقه حلوه من بعـد ماقصتـه قصـه حلوه مخليـته متدرج من قداام وهبوب..وعيوونها راسمـه عليها نظررره خطيـره..وكانت سرحانه وبتفكر وبتلعب في خصلات من شعرها..كان شكلها كأنها لوحه فنيـه رسمها احسن وابدع فناااان...ومن غير الله عز وجل يملك كل هالابـداع..اللي صور لمى في احسن صوره... وقف قلب امجد لمن شافها وابتسم بكل حـب..على شكلها الطفوولي اللي خلاا كل ذره في جسمه تنتفض.. رامي بخبث:امشي ايش بك وقفت؟؟؟ امجد وهوا يطالع في رامي بإستغراب ويستوعب الوضع:انتا ماتقولي ايش تبغاا؟؟ رامي:ولا شي بس جي اسلم على لمى معااك امجد:لاا والله رامي:ههههههههه اي والله ليه في شي لمن اسلم على اختي وبنت عمي المصونه امجد بعصبيه:رامي بلا هبل ابغا اقعد مع لمى لوحدي شويه في موضوع ابغا اكلمها فيه رامي:عااادي طيب ايش فيها لمن اجلس معاكم لمى انتبهت لهم وقعدت تطالع فيهم بإستغراب ايش بهم جالسين يتكلموا وواقفين بعيد عنها؟؟..!! لمى:امجـد رااامي ايش بتسووا؟؟؟ امجد وهوا يأشر للمى تستنى شويه:رامي رووح انقلع بسرررررعه ابغا اقعد مع حرمتي لوحدي رامي وهوا يمشي لجهة لمى:لموووو حبيبتي ابغا منك طلب؟؟ لمى بإستغراب من حالهم:خيرر امرر؟؟ رامي وهوا يجلس جمبها ويتكلم بصوت واطي عشان لايسمعه امجد اللي واقف يطالع فيه بقهرر:فشلي امجد وقوليله انك تبغي تقعدي معايا لوحدي شويه بليييييز لموي اوووكي لمى وهيا تبتسم:ههههههه لا ماحزرت مو انا اللي افشل امجد حبيب قلبي رامي بقهر:مااااالت عليكي هادا وانا متوسم فيكي الخير تطلعي كدا امجد جا لجهتهم ومسك رامي من ثوبه من جهة كتفه:رمووووي فاااااااااارق بالطيب رامي طالع في امجد بإحتقار من فوق لتحت واخر شي ثبت نظره على يد امجد اللي على كتفه:لو سمحت يدك امجد وهوا يشيل يده:يالطييييييف على النظرااات اكلتنــي هههههههههههههه رامي وهوا ينفض بيده مكان مامسكه امجد:والله انا ماني وحش زيك عشان اكل الناس ومره تانيه احترم اعمامك حبيبي لاتتصرف زي البزوره امجد بصدمه:اعمامي في عينك قوم بس قوووم وبعدين ليه تنفض ايش شايفني احمد ربك الف مره انه يدي لامست كتفك ومسكت ثوبك هههههههههههههههههههههههههههههههههههههههههههههههههه ههههههههههه التفتوا امجد ورامي للمى..ولقوها فاااطسه من كثر الضحك.. امجد ورامي...؟!!!!!!! رامي:بنــت ايش بك تضحكي اتجننتي؟؟؟ لمى:هههههههههههههههههاااااااااااي بطنيييييييييي ماني قادره اشكاااااااالكم ههههههههههههههههههههههههااااااااايي امجد وهوا يطالع في نفسه وفي رامي:ايش بها اشكالنا؟؟؟ لمى:تضحكككككك هههههههههههههههههههههههههههههههههههههه رامي وامجد...؟!؟!! رامي:لمى وبعدين معاكي ايش بها اشكالنا مافيها شي؟؟ لمى:آآه بطني ما اقدر ما اقدررر ههههههههههههههههههههااااااااايييييييييي امجد بعصبيه:لمــــى وبعدين يعني؟؟ |
|
|
|
|
26-10-2005, 03:50 AM
|
#575 |
|
][§¤حلا ذهبي ¤§][
|
مشاركة: عمق القلوب....قصة واقعية
لمى وهيا تحاول انها ماتضحك:ههههههههههه ايش في ايش سويت انا دحين؟؟
رامي بقهر:سلامتك ماسويتي شي بس قاعده تتمصخري علينااا وتضحكي على ما ادري ايش!! لمى:هههههههههههههههههههههههههه انا اللي قاعده اتمصخر ولا انتوا اللي زي الاطفااال تتضاربوا وتتناقروا واللي يشوفكم مايقول اعماركم عشرين ومافوق رامي بتريقه:لالا احترمي نفسك انا رجال مايصير تساويني بي هالنونو انا عمري 24 وهوا لساته قبل كم شهر كمل العشرين امجد بقهر:لا ياحبيبي الرجال مو بعمره باخلاقه وصفاته والعمر مجرد ارقااام تنحط على البطاقه الشخصيه ويتداولها الناس رامي بإستهزاء:هيا اتفلسف على راسنا دحين لمى:باااااااااااس طفشتوني ترى والله لو قعدتوا زي كدا بروح واسيبكم امجد وهوا يقعد جمبها ويكلمها بحنيـه:افااا حبيبتي واهووون عليكي تروحي وتسيبيني لمى بنعومه:لااا حبيبي والله ماتهوون اسيب روحي ولا اسيبك امجد وهوا يمد يـده ويرجع خصله من شعرها ورى اذنهااا:ياعمري انتي امووت فيكي لمى.....اكتفت بإبتسامه والتفت لرامي اللي كان مو منتبـه لهم لانه شاف رنـدا بتطالع عليهم من غرفتها..سرح وبهت..كانت حلووووه بشكل وماهي لابسه طرحه ولاشي..كان شكلها ملااائكي ويجنن..بس مالحق يتمتع بيها لانها من يوم مالمحته شافها راحت...وقعد هوا يفكر وحزيـن..ويقول في نفسه..آآه يارندا..ليييه تكرهيني لييـه ماتطيقي تشوفيني حرام عليكي انا ايش سويت لك اييييششش؟؟؟!!.. لمى بصوت واطي:ايش به رامي؟؟ امجد واللي نسي وجود رامي من يوم ماقعد جمب لمى:ايش به؟؟ لمى:مدري عنه سرحان وبيفكر وشكله حزين وهوا راخي راسه كدا امجد طالع فيه وشاف الانكسار اللي في وجه وعوره قلبه على ولد عمـه ايش به دوبه كان يضحك ويمزح..؟؟!! امجد:رامـي ايش بك ياواد؟؟ رامي وهوا ينتبه لهم:هااا مافيا شي..ووقف ببطئ.. رامي:عن اذنكم...وراااح يمشي لجهة مجلس الرجال.. وهوا في الطريق بيمشي مرر بالحديقه الخلفيـه وفكـر انه يقعـد فيها شويـه..وراح قعد على كرسي وقعد يدخـن..ويفكر بحزن في حاله وحال رندا... .....:ماكنت اعرف انك تدخن التفت رامي بصدمه لمكان الصوت:رنداا؟؟ رندا وهيا تبتسم:ايوه اناا ايش بك مفجوع؟؟ رامي بإرتباك:هاا لا عااادي مشيت رندا من قدامه وهوا يتابعها بعينـه..وراحت اخذت كرسي وجابته وقعدت جمب رامي.. رامي عقد حاجبينه بإستغراب...وقال في نفسه..غريبـه ايش بتسوي هادي البنت.؟؟؟!!.. رندا:هههههههههه ايش بك؟؟ رامي وهوا يخرج دخان السيجاره من فمه:مافيني شي رندا وهيا تطالع في دخان السيجاره:من متى وانتا تدخن؟؟ رامي:من زماااان من قبل ما اسافر امريكا رندا:اهااا...بس مضره عشان صحتك؟ رامي بلا مباله:ومين يهتم؟؟ رندا بصدمه:كيف مين يهتم معقول انتا ماتهمك صحتك رامي وهوا يتنهد:كنت اهتم زماااان بس دحين فقدت الاهتمام بكل شي حتى نفسي رندا....سكتت وقالت في نفسها..هادا ليه يتكلم معايا كدا والله انه مايستحي مايقدر اني جيه عشانه وقاعده احاول بكل الطرق اراضيه.. رامي وهوا يلتفت لها باهتمام:خيـر ايش عنـدك احس عندك كلام تبي تقوليه؟؟ رندا ابتسمت لانه كشفها:وليـه يعني؟؟ رامي:لانه بصراحه غريبه انك تجي وتعبريني وتقعدي معايا وانتي ماتطيقي تشوفي وجهي رندا بصدمه:انااا حرام علييييك؟؟ رامي بضيقه:لا انااا..وقام وقف يبغااا يروح....خلااص مايستحمل برودها وعدم احساسها بحبه....واكثر اللي مايقدر يستحمله هيا عيونهاااا اللي تحاول تلعب بيها دور البريئـه... رندا:دقيقه رامي فين رايح؟؟ رامي وهوا يطفي السيجاره:رايح للرجال فين بروح يعني؟؟ رندا وهيا توقف:طيب وانااا؟؟ رامي طالع فيها بإستغراب:وانتي ايش؟؟ رندا وهيا ترخي راسها وتتكلم بخجل:تسيبني لوحدي!؟ رامي طالع فيها بإستحقار:دحين جيه تتكلمي عن الوحده..ميين اللي ساب التاني أول؟؟؟ رندا وهيا متضايقه وفرحانه في نفس الوقت لاانه فتح الموضوع:انتـا طبعاً رامي بإستغراب:انااا؟؟؟ رندا:ايوه طبعاً انتا رامي......قعد يفكر في نفسه..هادي جيه تتريق على راسي ولا ايش...انا احسن لي اروح قبل لا اخرج حرتي فيها...ومشـي باتجاه المجلس.. رندا وهيا تجري وراه وتوقف قدامه:فييين رااايح؟؟ رامي طالع فيها من فوق لتحت ومشي وخصرهاا.. رندا بقهر:رامي ايش داا والله ماتستحي يعني تباني اجري وراك عشان تكلمني؟؟ رامي بصوت عالي:يقولولك كلن يرى الناس بعين طبعه رندا...وقفت من القهر:ايش دااا والله انه زففففففففت حمااااااار كلب اكرهه..يبغاني اتوسل له عشان يقعد يكلمني..قلعته اصلاً انا الغلطانه اللي فكرت فيه...وجــــــــع في شكل الشيطااان...وراااحت جوة البيت وهيا تتحرطم من القهر.. رامي وقف من بعيـد وشافها وهيا تدخل البيت وتتمتم بقهررر..وقال في نفسه..ايش اللي سويته رندا جات لحدي وخليتها ترروووح...يمكن كانت تبا تقولي شي مهم..ياربيييييييييييييييي مني ايش اللي سويته معقول ضيعت هالفرصه عليااا...والله انييييييي اهبببببببببببببببل...افففففففففففففففففففففف.....و دخل مجلس الرجال هوا التاني وقاعد يسب نفسه بكل قهررر..وفي هالاثنـاء وصـل زائـر محـد يتوقع مجيئــه.. لمى واللي كانت لساتها مع امجد في الحديقه لمحت سياره تدخل الحوش:امجد في سياره دخلت شوف مين؟؟ امجد:اووكي...وبعد ماوصل امجد قدام السياره شاف رجالين ينزلوا منها وحرمتين.. .......:سلاااااام عليكممممم امجد بفرح:هلااااااااا والله نوووووور البيت اسفرت وانورت يامرحبا والله ابو جابر وهوا يسلم على امجد:كيفك ياولدي؟؟ امجد:بخييييير الله يسلمك ياخالي انتوا كيفكم وايش اخباركم؟؟ ابو جابر:احنا بخير ولله الحمد جابر وهوا يسلم على امجد:ايش اخبااارك يالدب اللي ماتسأل ولاتتصل؟؟ امجد:هههههههههههههههه والله بخير الحمدلله انتا كيفك جابر:تماام ميه الميـه امجد وهوا يرحب بهم:اتفضلوووا اقلطووا..وهوا يلتفت لأم جابر...هلا خالتي ام جاابر ام جابر:كيفك ياامجد؟؟ امجد:بخير عساكي بخير نورتو جده والله ام جابر:الله يسلمك ياولدي النور نوركم امجد:اتفضلوا من هنااا ودخلوا الحريم للبيت والرجال في المجلس... وبعد ماسلموا الحريم على بعض..جاتهم لمى اللي طفشت وهيا قاعـده بره... لمى:هلااااااااااااااا والله لالالالالا مو معقوول منوووله عندنا يامرررررررحبا يامرحبااا منال وهيا تحضن لمى:وحشتينيييييي يا وحشـه وش اخبااارك؟؟ لمى:وانتي الاكثرررر ياقلبي والله انا تمام بشوفتك فينك ياقاطعه ماعاد صرنا نشوفك؟؟ منال:ههههههههه انتي ناسيه اني خلاص رجعت الرياض لمى:هههههههههههه اي والله نسيييت خسااره يعني ماعاد حنشوفك كتير زي اول منال:لا ان شاء الله محا اقطعكم ياقلبي بس من جد احس انه لكم وحشه برغم اني بس اسبوع ماشفتكم هههههههههههه رندا:لا خطأ اكثر من اسبوع اسبوع واربعه اياام منال:هههههههههههه حاسبتهااا ماشاء الله ليه قد كدا تموتين فيني ولا ادري رندا:ايييه تصدقي حتى الدقايق في بعدك اعدهااا لمى ومنال:هههههههههههههههههه رندا:اقووول عاد لاتصدقي نفسك انا عاده الايام من يوم ماسافرت منى لانه صار لها بالظبط متزوجه من اسبوع وخمسه ايااام وانتي رحتي الرياض بعد الزواج بيوم لمى:ياااا اللله بس والله انا احس انه شهرر مو بس اسبوع وكم يوم رندا:منننن جد والله صراحه وحشتني موووت ماني قادره استحمل البيت من دونهااا منال:يلا ياختي كلهااا شهر وشويه وانتي لاحقتهاا رندا............ لمى وهيا تبتسم ابتسامتها الحلوه:الا فيـن خالتي بسمه ماسلمت عليها منال:في مجلس الحريم عندهم ضيوف لمى:ضيووف؟؟ رندا:ايوووه بيت جيراننا اهل فاطمه ال....تفتكريهاا؟؟ لمى:ايووووه افتكرتها خلاص اجل بروح اسلم يلا عن اذنكم..وراحت... رندا:الا كيف الرياض معاكي؟؟ منال:تمام والله منال وهيا تطالع في جوانا:ماشاء الله كم صار عمرها؟؟ رندا واللي كانت شايله جوانا في يدها:سبعه شهور تقريباً منال:الله يحفظها لكم ماشاء الله تزنن...وجا في بالها محمد فينـه مختفـي وحشهااا مررره...وجات تبا تسأل عنه.. منال:الا فين .. وماكملت سؤال الا جاها هالصوت.. ماماااااااااااا مناااااااااااااال التفت منال بفرحه لجهة الصوت وشافت محمد يجري لجهتها... منال وهيا تحضنها بكل قوتهاااا:حمووووووووووووووودي حبيبي وحشتنيييييييييييي موووووووووووووت محمد وهوا زعلان:ماماااا مناااااال فيييييينك ليه ماصرتي تزي عندنااا انا ما اهبببك منال وعينها تدمع:حرام عليك حمووودي بس انا احبببك والله محمد وهوا يبعد عنها:لااااء كدااابه انا ما اسدقك لو تحبيني تتثلي عليا زي أول منال:معليه حبيبي اسفه رندا وكأنها انتهبت لحاجه:اييوه صح ليه ماصرتي تتصلي علينا اول كنتي تتصلي كل يومين تكلمينا وتسألي عن محمد منال ارتبكت ايش تقولها:هااا لا عادي تعرفين انشغلت بترتيب وضعي في الرياض رندا واللي حست انه في شي غلط بالموضوع مشتها:اهاااا منال وهيا تبتسم لمحمد:لاتزعل حبيبي شوف وش جبت لك..وطلعت حلاوه من شنطتها..اتفضل محمد وهوا ياخد الحلاوه:ثكرن منال:العفوووو حبيبي احمد:محماااد انتا هنااا تعال حنبدأ اللعبه محمد بحيره:ماما منال اللوح؟؟ منال:ايووه حبيبي روح اللعب عادي محمد:يعني ما تزعلي عثان ثبتك منال وهيا تضحك على براءته:ههههههههههههه لا عادي حبيبي روح محمد:تييييييب محا تنامي عنـدنا اليوم منال بتفكير:والله مدري بعدين نشوف يلا روح بعدين يزعل احمد محمد:تيب باي..وراح رندا وهيا تطالع في منال بتشكك:منال ليه محاتباتي عندنا ايش بك انتي احس فيكي شي منتي راضيه تقوليلي عنه؟؟ منال بتصنع:ههههههههه وش فيني مافيني شي رندا:عليااااااا منال وهيا تضحك:هههههههههههه والله انك من جد ساااحره رندا:ههههههههه شفتي كيف يعني في شي يلا بسرعه قوليلي؟؟ منال وهيا تنزل راسها:ملكتـي الاسبوع الجي رندا بصدمه:ايشششششششششش؟؟؟؟؟؟؟؟؟؟؟ منال:اللي سمعتيه رندا:من جدك تتكلمي؟؟ منال بحزن:ايوه رندا:على مين؟؟ منال:عبدالله ولد خالتي رندا وهيا تقوم وتحضنها بفرح:والله اخيرررررررررررررررراً مبروووك ياقلبي مبرووووووووووووووووك منال وهيا تحاول تخبي حزنها وتبتسم:الله يبارك فيكي رندا وهيا تضربها على كتفها بخفه:ياادبببببببببببه ليه ماقولتيلي من اول قاعده ساكته منال:ههههههههههههههههه ماجات فرصه رندا بفرح:والله ماني مصدقه مرررررررره فرحتيني منال وهيا تبتسم:الله يدوم الفرح علينا وعليكي رندا وفجئه تتبدل ملامحها:لحظه منال بإستغراب:وش فيك؟؟ رندا:قولتيلي على مين؟؟ منال:عبدالله ولد خالتي رندا وهيا تعقد حواجبها بإستنكار:مو هادا اللي دايماً يتقدم لك ودايماً ترفضيـه بحجة انك ماتطيقيه منال باحراج:ايييه رندا بإستنكار اكبر واكبر:وكيف وافقتي عليـه طيب؟؟ منال بإرتباك:...غيرت رأيي ولد خالتي واولى بيا من الغريب...يعني النصييب رندا؟؟؟؟؟:النصيبببب؟؟بس دا ماكان كلامك منال وهيا توقف:هههههههههههههههههه كنت هبله خلاص الحين عقلت يلا قومي خلينا نطلع فوق رندا وهيا توقف:فين فوق؟؟ منال:غرفتك ابغا ادخل الانترنت شويه مواعده صحبتي اشوفهااا في دا الوقت رندا ماعلقت بس طالعت فيها بنظرة عدم رضاا وتبين لها انه مو رندا اللي ينضحك عليها.. منال وهيا تحاول تتصنع المرح:ههههههههههه وش فيكي تطالعين فيني كذا؟؟ رندا وهيا تمشي وتتكلم بإستهزاء:ولاااشي امشي ياختي بعدين بنتفااهم |
|
|
|
|
26-10-2005, 03:51 AM
|
#576 |
|
][§¤حلا ذهبي ¤§][
|
مشاركة: عمق القلوب....قصة واقعية
طلعوا رندا ومنال فوق...
في الجهه التانيـه من جـده... .......:ايش دا الكلام اللي بتقوليه؟؟ .......:هوا دا اللي لازم يصير ياماجد ماجد:بس ياروان روان:لابس ولاشي واذا انتا ما اتقدمت وسويت شي انا بتصرف ماجد:...........والله مدري ايش اقلك بسس امي وامك؟؟؟! روان:انتا تحبهاا ولالا؟؟ ماجد:...........ايوه روان:خلاص اجل اخصرك من كل الناس انا بتصـرف مع امي وامك انتا بس روح لاهل البنت واتقدم لهم وانا برتب كل شي ماجد:وانتـي؟؟ روان وهيا تبتسم بحسره على حالها بس مابان هالشي في صوتها:انااا ايش بي؟؟ ماجد:مين يبقى لك؟؟ روان:اللـه وبعدين في اهلـي ترى انا عندي اولاد عمان وكلهم يبغوني بس امي ردتهم عشانكم وبعدين اذا انتا ماكنت لي زوج بتكون لي اخ ولا عندك رأي تاني؟؟ ماجد ابتسم بكل سعاده:لا طبعاً الله يسعـدك ياشيخه ويوفقك في حياتك صدقيني اللي بيتزوجك مستحيل يكون خسران ابتسمت روان وماعلقت.. ماجد:اوكي انا لازم اقفل دحين عندي شغل اكلمك بعدين واقولك اخر التطورات روان:خلاص اوكي باي ماجد:باي قفل ماجد التلفون وهوا مبسوط..اخيراً بيقدر يحقق حلمه..وبفضل مين بفضل الله ثم الانسانه اللي كان معتقد انها العائق الكبيررر اللي مستحيل يوصله لحبه الاول والاخيرر رهف... وفي نفس الوقت كان متحسرر على رواان بنت زي هادي حرام يصير فيها كدا هوا متأكد انه مهما كانت تحبه وتبغا له الخير اكيد في قلبها شوية حزن مستحيل ماتكون زعلانه..بس يالله الله يعوضها باللي احسن مني وتلاقي اللي يقدرها ويملكها قلبه وحياته... نرجـع لبيت ابو خالد..بعد ماطلعوا رندا ومنال رجعت لمى ومالقتهم...وقعدت لوحدها تتفرج على التلفزيون..وشويه سمعت صوت.. ......:احم احممم طرريق في احد؟؟ لمى وهيا تبتسم:لا اتفضل رامي وهوا يدخل:السلام عليكم لمى:وعليكم السلام هلا والله رامي وهوا يجلس جمبها:هااا اشوفك خلصتي غراميات مع ولد عمك لمى:ههههههههههههههههههه اي غراميات الله يهديك هادا زوجي ومن حقي انغرم فيه رامي:ههههههههههه الله يسعدكم يارب الا ليه جالسه لوحدك؟؟ فين الناس عنك؟؟ لمى:والله مدري كل واحد ولاهي بنفسه رامي:ياحرااام تحزني لمى:ههههههههههههه سيبك مني قولي ايش تبغا ليه جي هنا؟؟ رامي:ابداً بس طفشت من جلسة الرجال قلت اجي اسلم على الحريم واتونس معاهم شويه ههههههههههههه لمى:ههههههههه لا الحريم مو فاضيين لك عندهم ضيوف رامي:افااا يستقبلوا الضيوف في يوم جمعة العيله مايصيرررر لمى:عاد بربك جونا الناس ايش نسوي رامي:اهااا.....وسكت يبغا يسألها عن رندا السبب الرئيسي اللي جا عشانه...بس مو عارف ايش يقول... لمى:رامي رامي بارتباك:هااا نعم؟؟ لمى:ايش بك؟؟ رامي:مافيني شي لمى:بلا كذب انا عارفه انك جي تبا شي معين باين عليك اصلاً رامي:لااا والله اانا جيت بس عشـ..وقطع كلمته لمن سمع... لمــىىىى يادبببببببببببببه تعاللللي فييييييييينك التفتوا رامي ولمى للصوت وشافوا رندا نازله من على الدرج وبتصرخ..رامي فرح من قلب انه شافها..بس سكت وقعد يضحك..على شكلها المرتبك لانها مو لابسه طرحه... رندا بعد ماشافت رامي:اووه سوري...وطلعت تجررري... لمى:هههههههههههههههههههااااااي مسكييينه اتفشلت رامي:ههههههههههههههه الله يهديها وهيا كمان ليه تمشي بدون طرحه لمى:والله عاد ايش يدريها انه في ناس ملاقيف بيدخلوا البيت ويقعدوا مع الحريم رامي وهوا يشدها من شعرهااا:ملاقييف في عينك وانتي ياختي كمان لييه ماتلبسي طرررحه اشوفك فاسخه الحيااا مره وحده لمى:ااااي شعري سيبني رامي:ماني سايبك ليه ماتلبسي طرحه ماتعرفي انه في خالهم وولده في البيت فرضاً دخلوا وشافوكي كدااا وقتهاا بيقتلك امجد لمى بألم:ااااي خلاص سيبني بالبس طرحه بس سيب شعري رامي وهوا يسيبه:والله انك وحده مدلعـه الله يعين امجد عليكي لمى وهيا تقوم وتشرد من جمبه:وحده ولا اتنين هاهاهاههاا رامي:هيههي سخيييفه رندا وهيا نازله من الدرج بعد مالبست طرحتها قالت بإحراج:لمى تعالي الكمبيوتر انخرب وماني عارفه اصلحه تعالي شوفي ايش المشكله لمى:طيب اووووكي بس بالله جيبي لنا عصيررر ولاشي من اول عطشانه رندا:طيب ايش تبغي؟؟ لمى:فرواله اذا فيه رندا:اوكي وطلعت لمى..وراحت رندا للمطبخ تجيب العصير اللي تبغاه لمى..وتجيب لنفسها ولمنال مره وحده.. ........:ايش بتسوي؟؟ التفت رندا للصوت وشافت رامي واقف وساند نفسه على الباب.. رندا بإستغراب:اللي تشوفه بسوي عصير رامي وهوا يمشي باتجاه الطاوله اللي في وسط المطبخ:بالله خلاص سويلي معاكي رندا وهيا مستغربه تصرفه:تبا ايش؟؟فراوله زي لمى؟ رامي:امممممممم انتي ايش حاتشربي؟؟ رندا:اناا جوااافه رامي وهوا يبتسم:خلاص سويلي زيك رندا بإستغراب اكبر:اوووكي...والتفت للي في يدها وقعدت تشتغل..وهيا مستغربه من حال رامي...ايش به ليه بيتصرف معاها كدا..والله انه انسان غررريب...؟؟! رامي....كان قاعد يتأملها وهيا تشتغل وقاعد مبسووط..ياا الله ياريت هاللحظه توقف..واقعد بس اتفرج عليها يكفيني اني بس اشوفها قدام عيني ما ابغا شي من دنيا والله..بس ابغا اشوفها حتى لو ماتبادلني اي شعور... رندا وهيا تحط العصير قدامه:اتفضل رامي باحباط لانها حتروح:طيب شكراً رندا:العفووو...بس ما اتحركت من محلها...قعدت تتأمل ملامحه..تحسه طفـل كبيـر..مره يكون معصب..ومره مبسوط..ومره شكله محبط..ماتقدر تتوقع ايش اللي حيسويه ولا ايش اللي ممكن يقوله..وللاسف برغم من غرااابته الا انها تموووت فييييه... رامي...سكت وقعد يطالع في عينها...وهيا بدون ماتحس على نفسها قعدت تطالع في عينه وتفكر... ابتســم رامي...وانتبهت رندا لنفسها وارتبكت.. رندا:ااا يلااا باااي رامي وهوا يمسكها من يدها:تعاااالي فين رايحه؟؟ رندا سحبت يدها منه:خيرر في شي؟؟ رامي بصوت خطير:احبـك واسهر ايااام ولياااالي..اناجي الليل في غياابك لحالي واقول اليوم يرجع لي حبيبي....ويروح اليوم وماترجع ياغالي... تعال ونور الدنيا بنورك...وعطر كل هالكون بزهورك... اثر غيبتك ماهي قليله...اصبر نفسي واتحرى حضوورك... امووووت فيكي يامجنـونه.... قعدت رندا واقفه في محلها ومصـدومه من اللي بيصير..ايش به رامي اتجنن؟؟؟!!... رامي وقف قدامها بطوله الفارع وقال:رندا صارحيني ارجوكي كفاايه جفااا وكفاييه تغلي رندا...سكتت وماعرفت ايش تقول..رخت راسها..الموقف اكبر منهااا..واتحركت من قدامه تبا تهرب وتبعد عنـه قبل ماتنهاار... رامي:.....انصدم من تصرفها وراح وراها ووقف قدامها ماخلاها تخرج... رامي باصرار:رندا مايصير تروحي وتسيبيني كدا قولي ايش ردك؟ رندا:ليه موا نتا قبل شويه رحت وسبتني! رامي وهوا يتنهد:انا غلطان فلا تغلطي زيي بلييييييز قوليلي رندا...رخت راسها وعينها دمعت تبا تررروح ماتبااا تكلمه خلاااص تحس قلبها يعورها. وبعد اقل من ثواني...رفعت راسها وطالعت في عينه بترجي انه يخليها ترووح..نفسها تريحه نفسها تقول شي بسسس ماتقدر صعببببب مررره صعببب..وبدون ماتحس على نفسها نزلت دمعه من عينهااا قدامه... رامي بإستغراب:لييه الدموع ليييه؟؟ رندا وهيا تمسح دمعتهاا:مافيني شيي...ومن يوم ماقالت كدا انهمرت الف دمعه غير اللي مستحها.. رامي رفع راسها بيده:رندااااا دمووعك تفضحك ليه تسوي فيني كداا رندا وهيا تحرك راسها بالنفي:رامي سيبني في حالي لو سمحت ما احبببك اناا ماا احببببك...ودخلت في نوبة بكاا فظيييعه...وقعدت على الكرسي اللي وراها بكل عجز.. رامي ابتسم من كل قلبه وقال بصوت كله حب:بس انا احبـك..ونزل نفسه لمستواها وقعد على رجل وحده على الارض... رامي بصوت وصل لاعماق قلب رندا:رندااا رفعت رندا عينهاا وطالعت فيه وما اتكلمت... ورامي قعد يطالع في عينها وسكت يستناها تقول وتريح قلبه اللي بيموووت ويسمع الكلمه اللي ممكن تفتح كل ابواب السعاده في وجهه... رندا قعـدت تطالع في عينـه وحست نفسها بتموت عينه فيها حنااااااان وحب فظيييييييييع شي يوصل لداخلها ويخلي قلبها يرجف رجففف..تحس نفسها بتتهور وترمي نفسها في حضنه وتقوله والله احبك يارامي والله احبـك..وماقدرت تسوي شي غير انه شفاتها خانتها وكسرت كل الحواجز وقالت بصوت اقرب للهمس.. رندا:احبك رامي ابتســــــــــــــــــم..ووقف.. رندا طالعت فيه وهيا مو مصدقه نفسها...قالتهاااا قالت لرامي احببببك قدرت اقولها قدررررت اقووولهااااااا.. رامي مد يده لها عشان توقف...وهيا ما اترددت ومدت يدها ووقفت معاه.. وصارت تطالع في عينـه بكل صمت..خلاص ماعاد للكلااام اي معنـى.. رامي بعد فتره بسيطه قال بكل احساس:تأكدي اني محا افرط بحبك ولو اضطريت احارب كل هالكون عشان اكسبك واكون ليكي وتكوني ليا...وهادا عهـد مني اوعـدك اني بحققه... وقف قلب رندا من وعـد رامي الكبير هادا وحست نفسها بتموووت من الفرح... ابتسم لها رامي ابتسامه اخيره واتحرك من مكانه يبغا يخرررج... رندا وقف قلبها ماتبغااه يروح عنها:راميي فين رايح؟؟ رامي التفت لها بنظره كلها حب:لازم اروح..ورجع يبغا يكمل طريقه برغم انه كل خليه في جسمه تناديه انه يقعد معاهااكثر لكن احساس بداخله يمنعه انه يجلس ويحس انه جلستهم هادي غلط وممكن تسوي لهم مشاكل هما في غنا عنها... رندا بسرعه:رامي دقيقه التفت لها رامي وهوا مو مصدق نفسه من الاحداث اللي بتصير وفرحان انه بيسمع اسمه على لسانها:نعـم؟ |
|
|
|
|
26-10-2005, 03:53 AM
|
#577 |
|
][§¤حلا ذهبي ¤§][
|
مشاركة: عمق القلوب....قصة واقعية
رندا بصوت واطي وبجرأه ماتدري كيف جاتها ابتسمت وقالت:احبك
رامي وهوا يبتسم بفرررررررررح كبير:وانا اموت فيكيييييي وخرررج بسررعه من الباب الخلفي للمطبخ قبل مايتهور ويرجع يقعد معاها .. رندا.............................................. ........ساكته وماهي مصدقه اللي صار واللي سوته...اعترفت لرامي انها تحبـه اخيراًاًاًاً... كل دا صار لرندا ورامي وهما مايعرفوا..انه هالكلام مو هما بس اللي سمعووه لانه كان في شخص ثالث سمع كل حرف انقال..وماهووو مصـدق اللي سمعه واللي صااااااااار... في هاللحظه وبعـد كل هالاحداث اللي تجارت ورى بعضها بسرعة الريـح اللي كشفت كل الاوراق... اتقرر من بعـد هالموقف ترتيــب كل الامـور وتنظيـم كل الاورااق وتقرير مصير هالعلاقات..وبات امـر قصة عمـ القلوب ـق أمـر يتسابق مع الزمن ليثبت نفسـه في كل حدث من الاحداث الجيـه... السـاعه 11.30.... رندا واللي كانت البسمه ماتفارق شفاتها من بعد الموقف اللي صار:ليـه الله يهديـه خالو هادي مارضي يبات عندنا؟؟ ام خالد:والله مدري عنه يقول لازم يبات في مكه لانه عنده شغل ضروري في الصبح رندا:اهااا الله يعينه يارب خالد:امجد غير القناه الله يخليك امجد:ليه اغيرها؟ خالد:بس طفشنا من الاخبار حط شي يسلي حط فلم ولا اغاني امجد:طيب رندا:الا على سيرة الاخبار سمعتو اخر خبر؟؟ خالد بتريقه:هيههيهي دحين بتقولي حتى انتي ماسمعتيه قدييييمه الحركه رندا:لا والله العظيم من جد ام خالد:خيررر شو هالخبر؟؟ رندا:منال خالد......انتفض من يوم ماسمع اسمها وافتكر اخر موقف كان بينهم..وحــزن..حزن؟؟!...ليه مدري عنه... امجد:ايش بها؟ رندا:انخطبت خالد.............................................. ....التفت لها وسكت.. ام خالد:يوووووه هادا خبرك قدييييم ماعندك سالفه رندا بصدمه:افاااا يعني انتي تعرفي ولا قولتيلي ام خالد:ايوه طبعاً انا اصلاً عارفه من زماااان مرره امجد:مين اللي خطبها؟؟ ام خالد:عبدالله محمد ال ... ولد خالتها امجد:اهاااااا والله رجااال والنعم فيه خالد........................................... ام خالد:ايي والله والنعم فيه ولا فوق كدا يموت فيها ومسكين له كم سنه يتقدم لها وهيا ترفضه بس الحمدلله الله هداها وقبلت فيه خالد وقف... رندا بإستغراب:فين رايح؟؟ خالد:خارج اشم هوى شويه رندا:اهااا خالد........طلع من الصاله من الباب الزجاجي المطل على الحديقه... طلع ومرسوم على وجه...معنى لا معنـى...مشي ومشي ومشي ووصل للمسبح..وقف في مكـانه يستعيد ذكرى داك اليـوم لمن كانت منال مرميه على الارض وحالتها حاله ومحمد في حضنها وتبكي وتصرخ من الخوف عليه...فحس قلبــه يعووره...مشي الين وصل للكرسي..قعـد عليـه بهدوء...ورجع راسه على ورى وغمض عينه...وبدء يتحاور مع ((الكذا))خالد في نفسـه.. خالد....ايش بي ايش اللي صاير لـي...معقوول انا زعلان لانه البنت انخطبت....(وهوا يفتح عينه)...لالا انا ما احبها انا اللي بعدتها عني وانا اللي قلت لها تبعـد عني .... اوه يعني معقول هيا سوت كدا عشان اللي قلت لها هوا.....(وهوا يمسك راسه بيده)..لالالالا حرااااام مايصيرررر...امي قالت انها كانت دايماً ترفضه...اشمعنى دحييين وافقت......(وهوا يحرك راسه بعدم رضا عشان ينفض هالافكار من راسه)..اففففففففف ياربي وانا ايش دخلني تنفلق وتسوي اللي تسوي هيا اللي دخلت في حياتي..الله يكافي الشيطاااان..انا ماااالي دخل فيها لييييه افكر فيهااا....خالد انتا تكذب على نفسك ولا ايش انتا تحبهااا تحبهاااا....(وهوا يوقف في مكانه من الغضب على اللي بيفكر فيه)..لالالالالالالالالالالا انا ما احب احد غير نهال مستحيييييييييييييييييييل.....طيب ليه حسيت بنغزه في قلبك لمن عرفت انها انخطبت وليه كنت ترتبك لمن تشوفها وليه تشتاق لشوفتها لمن تغيب... خالد تعـــــب في هاللحظــه...وسكت سكت وبسسسس.... طالع في المسبح اللي قـدامـه..وفكر انه يرمي نفسه فيه ويندر حرته في السباحه...بس وقف عن التفكير في هالفكره لمن شاف انعكاس شي على مويـة المسبـح..رفع عيــنه...ظل ميــن دا؟؟؟ منـــــــــــــــــــــــــــــــال جوة البيـت.. رندا:الا ياماما ماشفتي منال؟؟؟ ام خالد:الا طلعت قبل شويـه تلعب محمد في الحوش ................امجد بإستغراب:وي مو دوبكم قلتوا انه خالي هادي طلع مكه هوا واهله ام خالد:ايييه بس خلوا منال عندنا امجد:اهااا الله يحيها رندا:بس الله يهديها الدبه بالقوه رضيت تبات مدري ايش صار لها البنت احسها مضايقه من شي ام خالد:انتي زعلتيها في حاجه؟؟ رندا:لا والله ابداا وأصلاً مستحيل ازعلها هادي منوله الغاليـه ام خالد:خلاص طيب سيبيها على راحتها رندا وهيا تقوم بتكاسل:طيب انا بطلع غرفتي اريح شويه لو شفتيها قوليلها تجيني ام خالد:طيب رندا:يلا عن اذنـكم كانت منـال قاعـده تلعب محمد في الحوش...ولمن هوا تعب وقلها يبغا ينـام قالت له يطلع وهيا بتلحقه... ولمن كانت بتمشي تجاه البيت مرت من عند المسبح واتذكرت داك اليـوم اللي غرق فيـه محمد..وكيف كان شعورها..حست انه لو مات هياا الللي بتفتقده وبتموت من بعـده..وحست وقتها انه هيا تحتاجه اكثر مما هوا يحتاجها..قعـدت في محلها..وهيا تفتكر كلام خالد الجارح..وكيف انه قرر يبعدها عن ولده...بجد قاااسي وماعنده قلب كيف يسوي في محمد كدا وهوا شايف محبته لياااا..انااااااني انااااني ومدري كيف نهال حبتـه..سخييييف اكرهه...وانصـدمت منال وقتها بخروج خالد اللي شكله مو شايفها..كانت بتوقف وتروح بس شافته مو منتبه لها..فقعدت في محلها وقالت اكيد بيروح لمكان تاني وقعـدت تطالع فيه بإستغراب..غررييبه وش فيه كذا مسرح..بيطالع في وشو؟؟..طالعت في المكان اللي عيون خالد معلقه |
|
|
|
|
26-10-2005, 03:54 AM
|
#578 |
|
][§¤حلا ذهبي ¤§][
|
مشاركة: عمق القلوب....قصة واقعية
عليـه..وشافت انه نفس المكـان اللي كانت بتطالع فيه قبل شويـه..المكـان اللي كانت قاعـده فيه ومحمد في حضنـها..غريبـه ليه بيطالع في هالمكـان..وقفت عن تفكيرها وهيا تشوفـه يتحرك قدامها كأنها هيا مو موجوده..ويروح للجهه المقابله من مكانها على المسبح ويقعـد على واحد من الكراسي...وقفت وقتها منال عن تفكيرها..ولفت انتباهها شكله الحيـران والغريـب..كان يتحرك بطريقه غريبه...مره يعقد حواجبـه..ومره يرجع نفسه على الكرسي ويغمض عينـه..ومره يمسك راسـه بطريقه تبين انه متضاايق...وش فيه..فيـه شي مو طبيعي..لايكون تعبـان.؟؟؟؟مناااال فوووقي وش فيكي وش دخلك فيـه..هادا الانسان مايحبك يكرهك وبعـدك عن حيـاته خلاص سيبيـه وبعـدي عنــه...بعـدي عنه..عنه..عنه...اتنهـدت منال بحزن..هالانسان وبرغم من كل شي تعترف وبكل صدق انه ملك شي من قلبـها...رفعت عينـها وجات تبا توقف وشافتـه يطالع فيها بنظره غريبـه..
اتكهربت منال من هالنظره وحست قلبها وقف..وقفت بسـرعه تبغا تروح تشرد منه..وش بيقول عنهااا..قاللها بعـدي عن حياتي..وفهمني انه مايبغاا يشوفني قدامه....والحين يشوفني قاعده اطالع فيـه من ساعه ولاهمني شي...ياربي وش بيقول عني اكييد بيحسبني عديمة الاحساس...لالا ياربيييي بمووت انا وش اللي خلاني اجلس واتمنظر فيـه... لحـــظــــه ...وقف قلـب منـال هذا خالـد..يووه ياربي الحين بيهزئني ويقولي من كلام اللي يسم البـدن خليني اروح بكرامتي احسـن كأني ماسمعته...وسرعت في خطواتها ماتبا تكلمه ماتباااا تشوف وجهه بتموووت احساسها بالاهانه اقوى منهـا..وقبل ماتوصل باب البيت بخطوات....سمعت صوت خطوات خالد وراها.. منال..يووووه ياربي وش يبي ذااا... خالد:منااال دقيقه يلاا عاد استني منال وهيا تلتفت له قالت بنبرة استهزاء:خير وش تبي؟ خالد وهوا يأشر لها بيده انها تستنى بعد ماشاف جواله يدق:الوووو...ايوه محمد..لالا ماينفع..طيب اوكي...ووقعد يكلم المتصل عليـه... منال قعدت ساكته..وماعرفت ايش تقول خالد طول عمره كان قريب منها..لكن مو زي هاللحظه مايفصل بينهم متـر...تشوفه وتشوف كل ملامحه..تحس بانفاسه وتسمع صوت اوضح من اي مره...سرحت في وجهه..وافتكرررت كلاامه الجااارح..وقرارها اللي اتخذته بسبه...وغمضت عينها بحززززن.. خالد:منااال منااال منااال ايش بك؟ منال فتحت عينها بإرتباك وخوف:هااا لا ولاشي خييرررر وش تبي بسرعه برووح؟؟ خالد:وي وي كل دا ولا شي بس ايش بك لمن شفتيني رحتي؟ منال بنبرة سخريه:ليه مو هذا اللي تبيه؟ خالد:بس مايصير عااد يعني انا لمن زهمتك اكيد ابغاكي في شي منال............ خالد وهوا يرخي راسه ومو عارف كيف يتكلم:اممم اا انا بسسس اا منال............ خالد وهوا يتشجع:اااا حبيت اتأكد من صحت الخبر اللي سمعته؟؟ منال بإستغراب:أي خبر؟ خالد:عن خطبتك؟ منال....انصدمت ما اتوقعت يهمه شي زي كدا.. منال:ايه صح؟؟ليه تسأل؟؟ خالد:لاانيي امممم.....لأاني حسيت بالذنب وخفت لاتكوني اتخذتي قرارك بسبب كلامي منال انقهــرت منه مرررره..وماردت عليه بس..طالعت فيه بإحتقار...ومشيت... خالد............؟؟؟! خالد:منال استني؟؟ منال..دخلت البيت وخصرته...وسابته واقف مستغرب من تصرفهااا... الموقف مشابه تقريباً للمره اللي فاتت في المزرعه..بس ديك المره افترقوا الاتنين وكل واحد منهم راح في طريـق لكن رجعوا اجتمعوا وجمعتهم الاقدار في اكثر من موقف...لكن هالمره افترقوا بس ياترى بيرجعوا يجتمعوا ولا خلاص كانت هيا هادي حكايتهم وكان دا قدرهم....؟؟*سؤال نتركه لنهاية هالقصـه*... اليـوم اللي بعــده... كانت قـاعده في بيتهـا وبتفكـر..لالالا مستحيــل كيف كداااا..كيف مالاحظت هالعلاقه..معقوووله راامي يحب رندا ورندا تحبـه وانا ما ادررررررررررري..كيييييييييييييييييف كداااا وكيف رندا مخطوووبه لناصر وهيا تحب رامي؟؟!!!!!!!!!..ايش اللي بيصيررررر والله انه راسي بينفجرررررر... اغنيـة راشد المـاجد...سلاااام عليهـم..<<<جوال بيـدق.. لمى:اووه دا امجد ياربييييي ايش اقوله دحين؟؟ لمى:الووو امجد:هلا قلبي ايش بك ماتردي من اول اتصل عليكي لمى بصوت باين فيه الخمول:عادي ما انتبهت للجوال؟؟ امجد:ايش عادي صوتك فيه شي؟؟ زعلانه ولا مضايقه من شي حياتي؟؟ لمى وهيا تمسك راسها من كثر الصداع:مااففياااا شي امجد بلييز مررره مافيا حيل اتكلم معليه اتصل عليك بعدين امجد بقلق:لمى بلا هبل كيف مافيكي شي وكيف مافيكي حيل تتكلمي قولي ايش بك زعلتك بشي؟؟ لمى:لالالا مازعلتني وربي بس انا مصدعه شويه امجد:خلاص اللي يريحك باي لمى:باي وبعـد ربـع ساعـه تقريباً.. ام محمد من ورا باب غرفة لمى:لمى لمـى لمى:نعممممم ام محمد:امجد تحت جا يبغا يشوفك انزلي سلمي عليه لمى بإستغراب:امجد؟؟...طيب اوكي دحين انزل....غريبه ايش اللي جابه دوبه كلمني قامت لمى وغيرت ملابسها ونزلت تشوف ايش به امجد..ليه جاها بدون مايقولها انه جي.. لمى وهيا تبتسم له بكل حب:هلا امجد امجد:اهليـن كيفك؟ لمى وهيا تبتسم بخجل كعادتها لمن تشوف امجد وتكون قريبه منه:تمام الحمدلله كيفك انتا؟ امجدوهوا يجلس:انا تمام انتي دحين احسن عن قبل شويه؟؟ لمى بإستغراب وهيا تجلس جمبه:كيف يعني!!؟؟ امجد:مو قبل شويه كنتي مصدعه وتعبانه لمى:لالا عااادي صداع خفيف وراح امجد وهوا يتنهد:طب الحمدلله لانه صراحه خوفتيني عليكي حسبت انك مريضه ولاشي وماتبي تقوليلي لمى وهيا تبتسم لخوفه الكبير عليها:لا عادي والله امجد وهوا يمد يده ويمسك يدها:بس في شي شاغل بالك صح؟ لمى:يعني في موضوع محيرني شويه وماني قادره افهمه امجد بإستغراب:خيررر ايش هالموضوع؟؟ لمى بتردد:ااممممم والله مدري ايش اقولك امجد بحيره:لمى حرام عليكي لاتلعبي في اعصابي ايش في اتكلمي؟؟ لمى....ياربي ايش اقوله اقوله ولالا اخاف يكون مايعرف بالموضوع وتصير مشكله ولا حاجه..بس لالا امجد واعي ومتفهم لـ هالامور ويمكن يكون يدري ويوضح لي الصوره اللي تهت وانا احاول افهم شي منها...وكمان هوا زوجي وحبيبي ومافيها شي لو قلت له...خلاص بقول له بس كيف...؟؟! امجد:لمــى ايش بك؟ اتكلمي والله اقلقتيني!! لمى:لالا تقلق ولاشي موضوع عادي اسمع..انا امس لمن كنت في بيتكم..وحكته على اللي صار... امجد بصدمه:رامي يحب رندا؟؟؟ورندا تحببــه؟؟لالالالا مستحيل كيف كدا انا اول مره اسمع بـ دا الشي لمى:حتى انا ووالله مررره مستغررربه امجد:......... لمى:تصدق انا من زمان كان عندي شك انه رندا تحب رامي بس نسيت هالشكوك مع الزمن |
|
|
|
|
26-10-2005, 03:56 AM
|
#579 |
|
][§¤حلا ذهبي ¤§][
|
مشاركة: عمق القلوب....قصة واقعية
امجد بإستغراب:كيف يعني ايش اللي خلاكي تشكي؟
لمى:يعني رعشة يدها لمن تشوفه والاضطراب اللي يجيها كل ماتسمع باسمه وزي كدا بس مررره راح الموضوع عن بالي واللي اكد لي انه مابينهم شي خطوبة رندا وانا اللي محيرني لو رندا تحب رامي ورامي يحبها ليه وافقت على ناصر وفي الاساس رامي ليه ماخطبها والله راسي صدع من كثررر ما افكر بدا الموضوع امجد وهوا يوقف:تدررري خلي الموضوع عليا لمى بخوف:ايش بتسوي الله يخليك لاتسوي اي مشاكل امجد:ايش دا الكلام يالمى اي مشاكل الله يهديكي قبل ماتقولي حاجه اعرفي عن مين بتتكلمي عن رندااا ورامي من اغلى الناس في حياتي لمى:طيب قوللي ايش بتسوي؟؟ امجد:بعدين بقولك دحين خلييني اروح لمى بشويه خجل تحاول تخبيه:خلييك شويه لسه ماشبعت منك ابتسم امجد بكل حب وقرب منها..ومد يده لشعرها وصار يمسح عليه ويقول بكل حنيه:اسف حياتي شغلتي بالي بموضوع رامي ورندا دا لمى بصوت واطي:خلاص طيب اقعد شويه امجد وهوا يبتسم:انا لك العمر كله لو تبي لمى....سكتت واكتفت بإبتساامه... في مكـان تاني بجـده... .......:حبيبـــي رائد:هلاا قلبي انا هنـا مي وهيا تجي لجهته:فينك من اول ازهمك؟ رائد وهوا يمد لها يده عشان تقعد جمبه:انا هنـا مارحت مكان مي وهيا تقعد جمبه وتحط راسها على صدره بكل حنيه:حبيبي..... رائد واللي كان يتابع برنامج على التلفزيون:همممم مي:ماسألتني اليـوم فين رحت؟ رائد:وي مو قلتي انك رحتي عند امك؟؟ مي:قلت بس مارحت عندها رائد بإستغراب:كيف يعني؟ مي:رحت عند الدكتوره فوزيه رائد بإستغراب:الدكتوره فوزيـه؟؟؟....وسكت شويه الدكتوره فوزيه هيا صحبت مـي واللي... رائد:الدكتوره اللي تشرف على حالتك في كل مره تكوني فيها حامل صح؟؟ مي هزت راسها بالموافقه وهيا تبتسم.. رائد بفرح:يعنــي؟؟ مي وهيا تبتسم:ايوووه رائد بفرحه كبيرررره:والله ياسلاااااااااااااااااام ماني مصدق ياسلااااام مبرووووووك ياقلبي مي وهيا تمد برطومها شبر لقدام:والله اني مو مرره فرحاانه احس اني حاتعب كدا انا يادوب ممشيه حالـي مع جواناا تقوم تجيني وحده ولا واحد واخاف وقتها اقصر في حق واحد منهم رائد بزعل:لالا حرام عليكي لاتقولي كدااا وبعدين جوانا خلاص كبرت شويه دحين ونقدر نتساعد احنا الاتنين عليها وعلى بال مايجي النونو الجديد تكون كبرت اكثر الا انتي في الشهرر الكم؟؟؟ مي:الثااني رائد وهوا يفكر:اممممم جوانا دحين سبعه وبعد سبعه شهور كمان بيكون عمرها سنه وشووويه لاااا بتكون كبيره ياشيخه لاتشيلي هم مي وهيا تحرك راسها بالاقتناع:صح الله يعيين رائد وهوا يبتسم:بنت مي بإستغراب:ايش بنت؟ رائد:النونو الجي بنت ان شاااااااااء الله يااارب مي بإستغراب:وليه يعني بنت يمكن ولد ماتدررري رائد:صح بس ان شاااء الله تكون بنت يصير عندنا ولدين وبنتين يااااااسلااام حرركااات يصير لمن نلعب الكوره نسوي فريق للاولاد وفريق للبنات انا كابتن فريق الاولاد وانتي كابتن فريق البنات ههههههههههههههههههه مي:هههههههههههههههههههههههههههههااااااااي الله يرجك والله انه تفكيرك يضحك هههههههههههههههه بعــد ساعتيـن تقريباً... امجد:الووو رامي فينك؟؟ رامي:انتا اللي فينك ياخي ليا سااعه ادور عليك رحت لك البيت مالقيتك ومن اول اتصل على جوالك مقفوول فين مختفي؟؟ امجد بإستغراب:وي ليه كل دا انا كنت عند لمى خير ايش صار؟؟ رامي:لا بس ابغا اتكلم معاك في موضوع مرررره مهـم امجد بإستغراب اكبر واكبر:موضوع مهم بالله طيب حتى انا اابغا اتكلم معاك في شي مهم رامي:خلاص اجل فين اشوفك؟ امجد:دحيين؟؟ رامي:ايووه دحيين فين تحب نتقابل؟ امجد فكر يقوله البيت...بس بعدين غير رأيه وحس انه محا ياخد راحته..فقال:اممممم ايش رايك نروح ستار بكس اللي في التحليه بما اني قريب منه؟؟ رامي:خلاااص اوكي يلا سلاام امجد:الله معك وبعـد ماوصلوا امجد ورامي في المكان المحدد واتقابلوا... رامي وهوا يقعد:ايش كنت بتسوي عند لمى مو كنت عندها امس ايش الدلاخه اللي عليك هادي ياخي اتقل شويه مو كل شويه ناط عند البنت طفشتها منـك امجد:هههههههههههههه مالك دخل حبيبتي وزوجتي انا حرررر اروح لها وقت ما ابغااا رامي:اففف منك ومنها كل ماقلنا لكم شي حبيبتي وزوجتي ومدري ايش قلعتكم المهممم ايش الموضوع اللي تبغاني فيه؟؟ امجد:انتا قول اول مو انتا اللي قالب الدنيا عشان تكلمني في موضوعك رامي:اممممممم طيب اول شي ابغاك تسمعني بتفهـم وماتعصـب وتسمعني الين ما اخلص كلامي وبعد كدا لو عندك تعليق ولا اي شي قوله اووكي امجد واللي حس انه بيكلمه في نفس الموضوع اللي هوا يبغاه فيه قال:اووكي رامي بصوت هادئ وهوا راخي راسه:انا يا امجد احب رنـدا......((ورفع راسه عشان يشوف ردة فعل امجد)) امجد........... رامي:وابغا اتزوجهااا...((وكانت عيونه معلقه على وجه امجد اللي مرسوم على وجهه نظرة اللااا شي)) امجد........... رامي:وانا كلمت عمي في دا الموضوع بس هوا ردني وقالي انه مايقدر يرد ولد الناس بعد ماقربه واعطاه الموافقه وحتى كلمت خالد بس للاسف وقف ضدي وماسوى شي وانا ياولد العم طااالبك وابغاااك تساعدني في دا الموضوع ومالي احد غيرك انتا اللي الوحيد اللي فاهمني وممكن تحس فيني امجد:.................((كان مصدوم بس مابين شي على وجهه..رامي طلب رندا وانرفض..ابويه فضل الغريب عليــه..وخالد يعرف بالموضوع وماقللي..معقوله ولا احد قللي شي عن الموضوع...ليه انا اخر من يعلم لييييه...كان امجد يغلي في داخله ومستني رامي يخلص عشان يطلع كل اللي عنـده)) رامي:ايش بك ليه ساكت؟؟ امجد ببرود:مو انتا قلت ما اتكلم الا لمن تخلص..خلاص خلصت؟؟ رامي وهوا يتنهد بحزن:ايوه خلصت اتفضل قول رأيك واتمنـى انك ماتوقف ضدي زي اخوك وعمي امجد وقف... رامي بإستغراب:ايش بك؟ امجد:قوووم ماني مرتااح هنا خلينا نروح مكان تاني؟؟ رامي بإستغراب:لييه ايش فيها اقعد ياشيخ مافيني اروح مكاان خلينا نخلص من دا الموضوع امجد:لا ماني مرتاااح هنا احس ااني مكتووم وقف رامي بإستسلام:طيب يلااا وخرجوا رامي وامجد من المكاان وركبوا في سياره وحده... امجد وهوا يسوق:اسمعني يا رامي رامي.......... امجد:انا ما ابغا اقول لك شي لان الصوره في بالي ماهي واضحه انتا بكلامك كنت شحيح مرره بالمعلومات فلو سمحت فهمني من متى وانتا تحب رندا وكييـف؟؟وليييه انا اخر واحد يعرف بالموضوع رامي بحزن:انا احب رندا من زماااااااان بس ماكنت اعررف تخيل ماكنت اعرف وماحسيت بحببي لها الا لمن سمعت من منى انه رندا انخطبت امجد وهوا يقاطعه:وانتا متى كلمت منى؟؟ رامي:اليوم اللي جيت انتا فيه امريكا وقلتلي اتصل على الاهل طمنهم اني وصلت وكنت تعبان مافيك تتصل امجد:ااهاا طيب كمل رامي:المهم لمن سمعت الخبر منها حسيت بسكاكين تنغرس في قلبي وماعرفت السبب قعدت حايررر وتايه حسيت انه شي فيني بيحترررق قعدت افكر وافكررر الين مافهمت فهمت الشي اللي طول عمري ماحاولت افهمه انا طلعت احب رندا واحبها وربي من كل قلبي حبيتها كيف وليه ما ادري بس كل اللي اكتشفته اني احبهااا..بقولك نفس اللي قلته لخالد..احياناً في اشياء ماتحس بقيمتها الا لمن تفقدها واحياناً يكون في اعماق قلبك في حب دفين ماتعرف عنه الا لمن تحس بضياعه منك وتبدء تدور عليه لانك حاسس بشي ناقص في داخلك...اناحاولت اتصرف اكلمك اقولك اي شي بس ماقدرت خفت واترددت انك ماتفهمني وقررت اني لمن برجع السعوديه بكلم عمي وكنت متاكد في قرار نفسي انه عمي بيتفهمني وكنت حاسس انه رندا مابتوافق على هادا الادمي مدري ليه كنت احسب انه لسه ماصار شي والموضوع لساته في البدايه بس للاسف ماصار اللي كنت متوقعه..لاني لمن رجعت السعوديه وفي اول يوم رحت لبيتكم وكلمت عمي وقلي انه اتقرر كل شي حتى موعد الفرح..ولمن قلت له على اللي في نفسي صرخ عليا واتنرفز وقالي صحيح اني ولد اخوه وعلى العين والراس لكن مايقدر ينفذ لي هالطلب لانه حسب مايقول مايقدر يرجع في كلمته وراح وسابني..بعـدها حاولت اكلم رندااا اللي حسيت انها املي الوحيد وانها ممكن تفهمني بس رندااا كمان صدتني آآآه..وسكت شويه...وامجد قعـد ساكت ومو عارف ايش يقول كل دا يصيرررر وهوا مايدررري كييف كداا كيييييف...؟؟ |
|
|
|
|
26-10-2005, 03:57 AM
|
#580 |
|
][§¤حلا ذهبي ¤§][
|
مشاركة: عمق القلوب....قصة واقعية
رامي وهوا يكمل:بعدين خالد كلمني وقالي مالك نصيب في البنت وما ادري ايش ومدام هيا وافقت على الرجال مايقدروا يغيروا رأيها ولا كلامهم اللي اعطوه للناس.........
امجد............ حس قلبه يعور على ولد عمـه احاسيسه ومشاعره مررره صعبـه..وامجد حاسس فيه لانه تقريباً عاش نفس المشاعر بس بطريقه تانيه وبفرق بسيط..انه لمى كانت ملكه وله وماراحت من يده..اما رامي رندا ماكانت له في كل الاوضاع... رامي وهوا يكمل بعد ماسكت فتره:كلمت رندا اكثر من مرره وصدتني بس...وهوا يبتسم في هاللحظه بكل فرح...امسس لمن كنت عنـدكم اعطتني الامـل اعطتني رندا النور اللي نور حياتي وقلبي..والشي اللي كنت منتظره من زمان..عرفت انها تحبنـي واتأكدت من كدااا بس مدري ايش اللي خلاها توافق على ناصر الزفت هادا امجد:طيب وليه انا اخر من يعلـم؟؟ ليه ماجيتني من البدايه ليه كل دا يصير وانا ما اعرف شي صدقني يا رامي لو جيتني من البدايه ماكنت اضطريت تعاني كل هالوقـت رامي وهوا يرخي راسه:والله ياولد عمي خفت انك تزعل مني وبعدين انا كنت محطم ورندا حطمتني اكثرر بصدهاا..كيف اجي اقولك ابغا اتزوج اختك وهيا فهمتني انها ماتبغااني لكن من يوم ماعرفت انها تحبنـي جيييت قلت لك لاني متاكد انه محد بينفعني غيرررك امجد وهوا يسوي نفسه مايعرف شي عن اللي صار امس:...............طيب وايش اللي مخليك متأكد لدي الدرجه انه رندا تحبـك هيا قالت لك؟؟ رامي ابتسم كأنه يشوف وجه رندا قدامه وعيونها المليانه دموع وهيا تصرح له بالحب الدفيييين الموجود في قلبهاا...بس ماحب يقول لامجد انها قالت له احبك فخاف ياخد موقف من اخته فقال له وهوا مبتسم:عرفت وخلااص امجد وهوا يوقف السياره قدام البحررر:امشي ننزل نزلوا امجد ورامي..وقعدوا على صدام السياره من قدام وكملوا كلامهم.. رامي وهوا يطالع في امجد:ودحين ايش رايك من بعد كل اللي سمعته؟؟ ما اشوفك قلت لي شي يشفي قلبي العليل امجد:شوف يارامي قبل اي شي ابغاك تتأكد من غلاوتك عندي واني مستحيل افضل احد ياخد اختي غيرك وانا عارف انك بتصونها وتراعها وانك اكيد بتسعدها وتهنيها بس الموضوع مرره حساااس والامورر في دا الوقت بالزات؟؟ انتا الله يهديك لو كلمتني قبل كدا كان قدرت اتصرف انا حسب ماسمعت انه موعد الفرح بعد شهر ونص وامي بدأت تشتري لرندا وتجهزها الموضوع مررره صعب ومعقد ايش بنقول للناس وايش بقول لامي وابوياا رامي بصدمه:يعنـي مابتسوي شي اتخليت عني ياامجد؟؟ امجد وقف قدام وصار يطالع فيه وقال بجديه:افاااا انا اتخلى عنك يارامي لا حشى والله ما اسويها لو يقتلوني رامي ابتسم بعد ماريحه كلام امجد:يعنـي بتساعدني عشان تكون رندا ليا؟؟ امجد وهوا يربت على كتف رامي:ابشـر يارامي رندا حتكون لك ودا وعد مني رامي بفرحه:والله؟؟ طيب وعمي وناصررر؟؟؟والناااس ايش بتسوي؟ امجد وهوا يبتسم:خلي كل دا عليااا رامي:بس انتا سفرك بكـره؟؟ امجد:صح بس لاتخاف انا قدهاا وقدود رامي وهوا يطالع في البحر قال بهدوء:ماتحس يارامي انه الاحداث في اخر الايام صارت سريعه احس انه حياتنا تمر زي الثواني ما الحق اعيش حدث الا والاحداث من بعده تتوالى يعني احس اني امس رجعت من امريكا واني دوبي نازل من الطياره وانا فرحان ومو مصدق نفسي برغم انه مر على هالحدث تقريباً اربعه شهور لكن الشعور مازال فيني ولسه ما احس اني انتهيت منه امجد:اييي والله كلامك صحيح حتى انا احس الين دحين انه اليوم اللي جيتك فيه امريكا وايامنا في الشقه والفله والخرجات كأنها كانت امس مو قبل كم شهررر رامي وهوا يبتسم:الله يعينني واتهنى بالفتره اللي باقيتلي بحياتي صراحه ما اتخيل حياتي تمرر بدون ما انسعـد فيها امجد بإستغراب من كلامه:ايش الكلام الفاضي دا السعاده ولا الشقا امر بيد الرحمن ماتقدر تجزم فيه رامي وهوا يبتسم:بس انا احس انه ربنا يعطي لكل انسان نصيب من السعاده في هالحياه مافي شقا على طول ولاسعاده على طول وانا ما انسعدت في حياتي كثير طول عمري وحيـد وحياتي مقتصره على الخرجات والتمشيات والشباب لسه ماجا النور اللي يفجر حياتي ويخليني في كل لحظه ابتسـم امجد بإستغراب اكبر واكبر:مدري ليه احس كلامك غريب وماني قادر افهمه رامي وهوا يبتسم من كل قلبـه:مدري ليه احس النور في حياتي محا ينطفي واني بعيش سعيـد الايام اللي جيه امجد وهوا يبتسم لتفاؤل ولد عمه:الله يسمع منك ياشيخ رامي وهوا يوقف:قووم وديني عند سيارتي لازم ارجع البيت امي مسكينه من الصبح تدق عليا تبغاني ارجع البيت امجد وهوا يوقف:يلا مشينا بعد ما وصل امجد رامي راح للبيت عشان يكلم ابوووه..مدري ليه حس انه لازم يتحرك بشكل اسرع من يوم ماسمع رامي وحس بالتفاؤل اللي ملى كل روحه.. في البيــت وبعد ماوصل امجد وشاف ابوه... ابو خالد:خير ايش عندك؟ايش دا الموضوع المهم اللي مدخلني المكتب عشانه وماتبغا احد يسمعنا امجد وهوا يبتسم:سلامتك يالغالي انا حقولك الموضوع بس اتمنى انك تسمعني للاخر وتحكم وتقرر بعدل وانصاف ابو خالد:قول الي عندك امجد:اسمعني يالغالي....وقعد يقوله عن رامي وعلى كل اللي صار بينهم وانه رامي ورندا يحبوا بعض..وانه متأكد من هالشي ..وكلام رامي وكيف اكتشف حب رندا في قلبه..وانه ماهو حابب يضيعها من يده مهما صاار.. امجد:ودحين ياابويا الموضوع بيدك..بيدك انك تسعد بنتك وولد اخوك وبيدك انك تحكم عليهم بالشقا والعذاب للابد.. ابو خالد..... امجد:الغالي انا مابقول كدا تعاطفاً مع مشاعر رامي او رندا واي احد..انا بتكلم بكلام المنطق اذا الولد يحب البنت والبنت تحبه ليه نحرمهم من بعض ونسبب بعد كدا مشاكل احنا في غنا عنها يعني فلنفرض اتزوجت ناصر تتوقع تعيش سعيده معاه وهيا قلبها ينشد لواحد غيره طبعاً مستحيل اصلاً انتا كيف ترضا على ولد الناس انك تعطيه بنتك وانتا عارف انها تحب غيره صراحه انا اشوف انه حرااام لاننا بكدا حنغش الرجال ونتعبه معانا مو بس نتعب البنت..في كل الاحوال كل الاطراف حتتعب سواء كان رامي والا رندا والا ناصرر واذا انتا خايف على الناس وعلى كلامهم فاتأكد انه لو اي احد من الناس عرف انه ولد عمها يحبها ويبغاها وانتا رفضته زوجته للغريب بيتكلموا اكثر وبينقدو علينا هالشـي فسيب كلام الناس اللي مايودي ويجيب لانهم في كل الاحوال مابيكونوا معانا ولابيسعدونا او يشقونا ابوخالد....... امجد وهوا يوقف:احكم بعقلك يابويااا احكم بفهمك اللي انا متاكد انه مهما فكر واصدر قرار بيكون حكيم لانك طول عمرك عودتنا تكون منصف ومع الحق وعلمتنا انه الزم ماعلينا راحة بعض وانا دحين واقف قدامك وبكلمك طلباً في راحة اختي وخوفاً على مستقبلها والله يعطيك العافيه يارب ابو خالد........... امجد:.....................الغالي انا بسيبك تفكر على راحتك واذا حبيت تكلمني انا في غرفتي...واتحرك من قدامه يبغا يروح.. ابو خالد بصرامه:امجد وقف محلك كيف تمشي قبل ما أأذن لك وقف امجد والتفت لأبوه بدون مايتكلم..كان واثق من نفسه ومابان الخوف او القلق على اي ملمح من ملامح وجهه.. قرب ابو خالد من امجد ووقف قدامه بملامحه اللي باين عليها الغضب والتكشير.. امجد ابتسم له....وماعلق..يعرف ابوه طيب وحنون ومهما كان مظهر وجهه يدل على القووه والجموود..الا |
|
|
|
 |
| مواقع النشر (المفضلة) |
| الذين يشاهدون محتوى الموضوع الآن : 2 ( الأعضاء 0 والزوار 2) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| قصة واقعية | حزينه^وحيده | مجلس حلا للقصص والروايات | 4 | 15-11-2005 10:42 PM |
| قصة واقعية | smaaelhaq | مجلس حلا للقصص والروايات | 3 | 24-08-2005 11:03 AM |
| قصة واقعية | SARAH539 | مجلس حلا للقصص والروايات | 7 | 09-07-2005 10:08 AM |
| قصه واقعية | الريـــــــــــــــــــم | مجلس حلا للقصص والروايات | 2 | 19-04-2005 11:18 AM |
| معاناه واقعية | هاجر العدواني | مجلس حلا للشعر وهمس القوافي | 3 | 30-03-2005 03:29 PM |
العرض العادي
