|
|
|
|
24-02-2006, 11:38 AM
|
#1 |
|
(حلا جديد )
|
حكايات البنات
اليوم الاول من الجامعه
(في بيت ريم) ايمان:انت دايما متاخره يا ساتر ريم:براحتي اول يوم ولازم اجننهم امنيه :انت هتجننينا احنا مش همه ريم:خلاص يلاه انا جاهزه يتوجه الثلاثه لركوب السياره التي ستوصلهم للجامعه حيث انهم يعيشون في قريه علي بعد نصف ساعه من مكان الجامعه اول من تصل منهم الي كليتها ريم حيث كانت في كليه الاداب اما ايمان وامنيه فكانو في كليه التربيه في الجامعه كليه الاداب قسم اللغه الفرنسيه اخذت ريم تتامل هذه اللوحه وهي تفكر اه يا الله كم حلمت بهذا اليوم يارب لااكون باحلم انا بالفعل طالبه في قسم اللغه الفرنسيه وااااااااااااااااو وابتسمت لنفسها شيماء :السلام عليكم افاقت ريم من افكارها :عليكم السلام شيماء انتي مش فكراني انا كنت معاكي في المدرسه الثانويه في فصل 3\4 ريم:انا فاكره الشكل بس مش عارفه اسمك شيماء :اسمي شيماء اداب قسم لغه فرنسيه ريم:واو يعني احنا في قسم واحد الحمد لله اني لقيت حد من قريتنا معايا في نفس القسم وتكلم الاتنين عن حاجات كتير في حياه كل منها ومر اليوم ما بين التعرف علي الكليه وجدول المحاضرات في بيت ريم ام ريم:يا بنتي سيبي التليفون هو طول اليوم انت مش كنتي معاهم في الكليه هو لسه باقي كلام ما قلتهوش ريم من غرفتها :خلاص يا ماما باقي مكالمه واحده لامنيه اديها التقرير واخلص ام ريم في نفسها وهي تضحك هي دي بنتي وصحابها اللي تتنفس نفس لازم تقول للاتنين ربنا يسعدهم ويفضلو صحاب علي طول في بيت ايمان ايمان:لا خليكي اتكلمي معايا شويه ما تقفليش دلوقتي يا ريم ريم :خلاص ماما هتدبحني ايمان :خلاص روحي وكلميني بعدين ريم:ان شاء الله ايمان كانت تعيش وحدها في منزلهم بعد سفر اسرتها للعمل في احدي دول الخليج ولظروف الجامعه كانت تعود للدراسه وتسافر في الاجازات فهي دائما وحيده ولا يهون عليها وحدتها الا صديقتيها ريم وامنيه فهم بالنسبه لها العالم كله وابنه عمها التي تحضر كل مساء لتنام معها ) في بيت امنيه امنيه:ماما هاعمل شاي تشربي معايا ام امنيه:خليكي يا حبيبتي وانا اعمله لك صوت اسماء زوجه محمد اخو امنيه من المطبخ:خليكو انتو الاتنين انا هاعمل لكم الشاي وهاجيب ليكو ساندوتشات معاه امنيه:يا ماما انا نفسي ادخل المطبخ واتعلم شغل البيت زي كل البنات ام امنيه بحنان:بكره هيكون ليكي بيت اعملي فيه اللي انتي عيزاه بس حاليا انا مش عايزه اتعبك في حاجه كفايه عليكي الكليه والدراسه ادركت امنيه انه لا فائده من الحوار مع امهافذهبت الي غرقتها فقررت الذهاب الي غرفتها فهيتعلم ان امها بعد وفاه ابيها وزواج اخوها وسفر الاخر اصبح لا شاغل لها غير امنيه فهي تدللها كثيرا وترفض ان تقوم باي عمل في المنزل فجاءه تذكرت امنيه كلمه امها بكره هيكون ليكي بيت وهنا اشرقت الابتسامه عي وحه امنيه حينما تذكرت الاستاذ اسامه مدرس اللغه العربيه في الدرسه الثانويه ذلك الشاب الوسيم الذي طالما حاصرها بنظراته والذي كان السبب الاساسي لدخولها كليه التربيه قسم اللغه العربيه ولكن ما لبثت هذه الابتسامه ان اختفت حينما تذكرت انها لم تري اسامه منذ اكثر من شهر واخذت تفكر :كيف اراه كنت اراه في المدرسه كل يوم اما الان ................... ماذا افعل امنيه: ريم انت صاحيه ريم وهي نائمه: لا امنيه:طيب اصحي ريم:عايزه ايه روحي نامي امنيه :عايزه اشوف اسامه ريم:يعني انت مصحياني من النوم علشان كده امنيه:مش انت ام الافكار اصحي شوفي لي حل ريم :افكار ايه انا عايزه انام امنيه :ماليش دعوه ريم بعصبيه:امشي اصل هاجي اضربك وعلي فكره انا هافصل التليفون ما تتصليش تاني انا عايزه انااااااااااااااااااام امنيه :طيب راحه بس الصبح تحل لي المشكله دي ريم وهي تغلق السماعه وهي نائمه طيب........................... في الصباح اثناء الطريق الي الكليه امنيه:مش انتي قلتي الصبح ريم:هوه ايه اللي الصبح امنيه :قلت هتشوفي لي حل عايزه اشوفه ريم وايمان تضحكان وتقوم ايمان بعمل حركات ويضحكو جميعا امنيه:لا بجد هازعل ايه الحل ايمان معلش يا بنتي شوف لها فكره تخليها تشوفه اصل هتجننا ريم بتفكير:عايزه تشوفه؟؟؟؟؟؟؟؟؟ ريم: تتصل بيه في التليفون امنيه وايمان: انتي مجنونه طبعا لا ريم:ايوه صحيح ....عيب ريم: بس لقيتها الفكره امنيه وايمان بسرعه قولي ريم: اتحايلو عليه شويه ايمان وكانت اكبرهم حجما هتقولي ولا.............(ورفعت يدها ) ريم :خلاص هاقول من غير ضرب ريم:بكره هتشوفيه امنيه بلهفه: بجد ايمان:بس من غير لفت الانظار ريم :عيييييييييييب ده انا ريمو ام الافكار وفي اليوم التالي توجه الثلاثه قبل ذهابهم للجامعه الي مدرستهم القديمه بحجه ان ريم تريد قامو س لغه فرنسيه من الاستاذ احمد مدرس اللغه الفرنسيه وبعد السلام علي المدرسين ريم :استنوني انتو في المكتبه وانا هاتصرف امنيه:هو فين انا مش شيفاه ايمان :الحمد لله انك ما شفتيهوش قدام المدرسين كنت فضحتينا ريم: ايه امسكي نفسك شويه امنيه :طيب بس هوه فين ريم: روحي المكتبه بس ومالكيش دعوه ايمان وهي تشد امنيه:يلاه يا تعباني ذهبت ريم تلف في المدرسه وتسلم علي من يقابلها ثم سالت عن الاستاذ اسامه فالجميع يعرف ان هناك صداقه بين اسرتيهما ريم:السلام عليكم استاذ اسامه يلتفت:عليكم السلام ازيك يا ريم ريم الحمد لله اسامه:واخبار الحاجه ايه ريم الحمد لله اسامه:انت جايه المدرسه زياره ولا عايزه حاجه ريم:ابدا جايه اخد حاجه من الاستاذ احمد لمحت ريم السؤال عن امنيه في عينيه الا انها فضلت ان يسال عنها بنفسه اسامه:انت جايه لوحدك ريم:لا وتشاغلت ريم مع بنات المدرسه الذين ما عرفو انها في المدرسه حتي التفو حولهايسالونها عن الجامعه والدراسه اسامه في نفسه هل امنية قلبي معك اه من هذه الريم اشعر انها تعرف ما في نفسي اه يا ربي كيف اسالها وخصوصا والبنات حولها اسامه:كيف حال صديقاتك ايمان و.............ام ن ي ه ريم بسرعه بعد ان حققت غرضها: كويسين حتي ايمان معايا هنا هي و ام ن ي ه (قالتها بنفس الطريقه التي نطق بها الاسم) شعر اسامه بخجل من طريقه رد ريم الا ان هذا لم يكن يهمه فهي هنا ......هنا ريم: في المكتبه التفت اسامه:نعم ريم:هم في المكتبه لحظات وكان اسامه يقف اما امنيه التي كانت تحاول ان تتشاغل عن لهفتها بالنظر الي الارفف لحظات ساد الصمت بينهما حتي قطعته ايمان :اهلا استاذ اسامه اسامه وهو غير واعي مطلقا:اهلا ايمان وهنا اضطربت امنيه امنيه:اهلا استاذ اسامه اسامه اهلا امنيه ازيك امنيه وهي تكاد تزوب خجلا وحبا :الحمد لله.........وانت هنا ادركت ايمان انه ليس لها مكان هنا فابتعدت قليلا وهي تفكر الحب اه يا ربي متي يدق هذا الحب بابي ايمكن ان احب انا ايضا ؟ليس هذا هو المهم ايمكن ان يحبني احد؟لما لا فانا طيبه ومودبه ...........لكني لست بجمال ريم او امنيه .هنا افاقت علي صوت من بعيد ايمان فين الهانم انا عندي محاضره بعد ساعه لم يكن هذا سوي صوت ريم الذي طالما ملاء حياتهم سعاده وبهجه. خرج الثلاثه من المدرسه ولم تتوقف ريم وايمان عن احاديث الذكريات والشقاوه ايام المدرسه اما ايمان فكانت في عالم اخر عالم اسامه وعلي هذا الحال استمرت حياتهم تملاءها ريم بشقاوتها وامنيه برومنسيتها وايمان بعقلها الي ان كان يوم غير حال اثنين منهما ربما لباقي حياتهما........................................... ................................... لو عحبتكو القصه ممكن اكمل بس بسرعه ابعتو وردو عليه |
|
24-02-2006, 12:13 PM
|
#2 |
|
(حلا متميز)
 
|
مشاركة: حكايات البنات
Thank u very much
for the story Gad |
|
26-02-2006, 05:31 PM
|
#3 |
|
(حلا جديد )
 
|
مشاركة: حكايات البنات
القصة بدايتها حلوة
ليه منزلة جزء صغير؟  كمليها بليز |
|
|
|
|
27-02-2006, 03:54 PM
|
#4 |
|
(حلا جديد )
|
مشاركة: حكايات البنات
في الجامعه
يا الله الساعه داخله علي 7 والدكتور لسه بيشرح قالتها ريم في نفسها وهي تنظر للساعه بتوتر ماذا سافعل ان فاتني القطار؟؟؟؟؟؟؟؟؟؟؟؟ افاقت ريم من افكارها علي صوت المحاضر وهو ينهي المحاضره اسرعت ريم الي محطه القطار ولكن بعد فوات الاوان..........رحل القطار منذ دقائق وقفت ريم وهي تكاد تبكي ماذا افعل القطار القادم في العاشره بعد 3 ساعات وتلفت ريم حولها علها تجد من تعرفه ولكن للاسف لم تجد وعادت الي افكارها ثم انتبهت فجاه علي صوت من خلفها الصوت :الانسه ريم رفعت ريم راسها تبحث عن مصدر الصوت:ايوه وليد:انا وليد ريم :وليد؟؟؟؟؟؟؟؟؟؟؟؟؟؟؟ وليد :ايه انت مش عارفاني؟ اندهشت ريم فهذا ليس وقت هذا الكلام ولكن عندما نظرت اليه شعرت انها تعرفه او ربما راته قبل ذلك ريم ايوه افتكر اني شفتك قبل كده وليد:ايه القطار فاتك ريم:ايوه وليد:انا كمان كنت مواعد اخي يقابلني هنا بس واضح انه ركب القطار ومشي ريم:.............. وليد:خلاص اتفضلي اوصلك.انا معايا عربيتي بره ريم:لا شكرا وليد:شكرا ايه عندك حل تاني ريم:........... وليد اما انك تتفضلي اوصلك او تفضلي واقفه هنا 3 ساعات احست ريم بغضب من طريقه كلام وليدالا انها تذكرت ان ما يقوله صحيح وليد:خلاص يلااه تعالي ريم احست انها في موقف لاتحسد عليه خاصه وقد بدات نسمات الجو البارده تتسلل ايها :اوكي سارت ريم وراءه الي الشارع وليد:اتفضلي.واشار الي سياره صغيره بيضاء تقف اما سلم المحطه ريم :شكرا انطلق وليد بالسياره وليد:غريبه اوي انك مش عرفاني ريم:ليه؟ وليد:اصل يعني واحد زي المفروض...................... خصوصا اننا عايشين في قريه صغيره احست ريم بالغرور في كلامه الا انها لم تكن تفكر في شيء سوي ان تصل الي المنزل وتلقي نفسها في احضان امها وتشعر بالامان بعد كل هذا الرعب وليد:وعامله ايه في الكليه قسم اللغه الفرنسيه هايل ريم:الحمد لله وليد:واخبار والدتك ايه؟ ريم الحمد لله وليد:انت مش بتحبي حياه الارياف؟ ريم:ليه؟ وليد:اصلك دايما تروحي عند اهل والدتك في الاسكندريه تعجبت ريم من كلامه كيف يعرف عنها كل هذا |
|
27-02-2006, 11:12 PM
|
#5 |
|
-+[¨¤ نائبة الإدارة ¤¨]+- 
|
مشاركة: حكايات البنات
|
|
|
|
|
28-02-2006, 04:15 PM
|
#6 |
|
(حلا جديد )
|
مشاركة: حكايات البنات
دق جرس موبايل ريم
ريم :اهلا ماما ام ريم.................... ريم لا ماما متخافيش عليه انا في الطريق هاحكيلك كل حاجه اما اوصل مع السلامه وظل الصمت هو سيد الموقف الي ان وصلت السياره الي اما منزل ريم فاسرعت الي امها التي كانت واقفه تبكي اما م المنزل واخذت تهدئ في امها التي احتضنتها بقوه ونسي الاثنان امر وليد تماما الذي وقف يشاهد الموقف للحظات ثم انطلق بسيارته في الصباح اجتمع الاصدقاء الثلاثه واخذت ريم تحكي لهم عما حدث واخذت امنيه تعلق علي الموقف وتضحك اما ايما فكانت علي غير عادتها تماما ريم:ايه يا منون انت مش معانا ولا ايه ايمان:نعم........لا لا معاكو طبعا امنيه:معانا ايه انت ما نطقتيش بولا كلمه من الصبح ريم مالك يا ايمان ايمان:ابدا بس حصل موقف امبارح غريب شويه امنيه :الله انت كمان ايه حكايه المواقف معاكو.ايه اللي حصلك ؟؟؟؟؟؟؟ اخذت ايمان تحكي عن ما حدث في الكليه بالامس ايمان امبارح وانا واقفه في الطابور علشان اجيب الكتب ................................... :انسه ايمان ايمان:نعم والتفتت ايمان الي مصدر الصوت انه امير زميلها امير:لو سمحتي هات الكارت بتاع استلام الكتب بتاعك ايمان باندهاش :ليه امير علشان الزحمه لو سمحتي الكارت واستنيني هناك ايمان :بس مش عايزه اتعبك امير تعبك راحه اعطته ايمان الكارت وخرجت حيث اشار واخذت تفكر ماذا فعلت لماذا اعطيته الكارت ؟؟؟؟؟؟لماذا لم احضر كتابي بنفسي مثل باقي زملائي؟؟؟ ماذا سيظن بي الان؟اكيد هيطن اني بنت مش كويسه وممكن اكلم شباب بينما ايمان تلوم نفسها امير:اتفضلي ايمان وهي محرجه مما فعلت:شكرا ....تعبتك معايا ولامت نفسها علي الجمله الاخيرهفقد كانت تتمني ان تقول له لا اريد منك شياءاو انا لااكلم الشباب وزاد من لومها لنسها رده عليها امير:قلت لك قبل كده تعبك راحه وتركها ومشي سمعت البنات القصه ريم وكانت اكثرهم تحررا:عادي يا ايمان انت مكبره الموضوع اوي ايمان:الموضوع فعلا كبير ليه انا من بين كل البنات اللي جاب لي الكتب امنيه بخبث:اه ليه؟؟؟؟؟؟؟؟؟ ايمان تقصدي ايه امنيه :يعني يكون عينه منك ايمان وقد تصاعدت الدماء الي وجهها :عينه مني ازاي ؟؟؟؟؟ ريم:انت مجنونه يعني علشان جاب ليها الكتاب معناها انه معجب بيها اجابت ايمان بحسره :هيعجب بيه علي ايه؟ احست ريم انها اثارت مشاعر امنيه فهي تعلم باحساسها تجاه نفسها:وهو يطول ده انت كفايه ترمي له رمش وهو هيقع علي طول ايمان وهي تضحك :هيقع ؟اكيد من الخضه وضحكت البنات الثلاثه ومر يومان وفوجئت ريم بتليفون غريب ريم :السلام عليكم الطرف الاخر:عليكم السلام انت ريم ريم بدهشه:ايوه مين حضرتك الطرف الاخر:مش عيب يا انسه اللي انت عملتيه؟ ريموقد زادت دهشتها :عملت ايه الطرف الاخر:مش اهلك علموكي اما حد يقدم لك خدمه تقولي له شكر؟ ريم؟مين انت الاول الطرف الاخر :وكمان نسيتيني ريم:انت هتقول انت مين والا هاقفل الطرف الاخر :وكمان ضعيفه الذاكر عموما مش مشكله انا عملت كده مش علشانك ده علشان انا انسان كله زوق |
|
01-03-2006, 03:16 PM
|
#7 |
|
(حلا جديد )
|
مشاركة: حكايات البنات
واغلق الخط وتعجبت ريم ووضعت السماعه وهي تقول شباب فاضي صحيح
ولكن حدث ما جعلها تتذكر هذه المكالمه فبعد عده ايام تحديدا يوم الاربعاء تلقت مكالمه غريبه ريم:الو السلام عليكم الصوت عليكم السلام .ازيك يا ريم ريم:الحمد لله مين حضرتك الصوت:لسه مش فكراني.بس انا مش ناسيكي ريم وقد بدات تغضب:انت هتقول انت مين ولا هاقفل الصوت :ايه كل العنف ده كنت فاكرك ارق من كده اوكي بعدين هنتحاسب متتاخريش بكره علي القطار انا مش عايز استني كتير .سلام ريم قبل ان تنطق كان الخط اغلق وضعت السماعه وتذكرت المكالمه السابقه وحاولت ان تربط بين المكالمتين الا انها فشلت.فاراحت نفسها بانها اكيد معاكسه من شاب سخيف وفي اليوم التالي وتحديدا علي محطه القطار واثناء انتظارها للقطار مع شيماء التي توطدت صداقتهما كثيراواصبحتا مقربتين جدا فوجئت ريم بصوت من خلفها: مش قلت لك ما تتاخريش استدارت ريم وشيماء وكانت ريم مزهوله انه ...............وليد وليد:السلام عليكم ريم:................. شيماء:عليكم السلام وليد:ياريت الاسبوع الجاي مش تتاخري كده.سلام واستدار ومشي حاولت ريم ان تقول شيء كانت تود ان تقول له اشياء كثير الا ان الكلام ازدحم براسها وهو لم يعطها فرصه فوقفت مندهشه اما شيماء التي كانت اقل منها دهشه ابتسمت بخبث وقالت:هوه فيه ايه ريم:..................... مر الطريق علي ريم وشيماء في صمت وما ان وصلت ريم الي البيت حتي ذهبت الي غرفتها وهي لا تدري ما تشعر به لا تدري ان كانت غاضبه ام معجبه بجراته ام..................معجبه به الا ان الاحتمال الاخير جعلها تنتفض انا اعجب بهذا المغرور؟؟؟؟؟؟؟؟؟رفضت هذا الاحتمال الاخير وقامت بعد ان سمعت نداء امها :ريم يا ريم تعالي يا بنتي كلي ريم:حاضر ماما هاصلي وجايه توضات ريم وصلت وذهبت لامها تداعبها كعادتها:ازيك يا سوسو يا عسل وطبعت قبله علي خد امها وجلست لتاكل:ايه يا سوسو الاكل الحلو ده ام ريم:بس المهم تاكلي. ريم :انا مش هاكل .انا هافترس الاكل ده كله ام ريم :انت نصابه.كل يوم تقولي كده ومش بتاكلي .شا يفه شكلك عامل ازاي.كان مفيش عندكو اكل ريم بدلع:يعني انا وحشه كده ام ريم: وحشه؟؟؟؟؟ الله اكبر ما شاء الله عليكي ده انا كل يوم باقعد قلقانه عليكي واقول يا رب يستر عليك من العين. ربنا يحميكي يا بنتي ويخليكي ليه ريم:ويخليكي ليه.مش هناكل باه.انا واقعه من الجوع ام ريم:بالهنا والشفا ام ريم هي طاهيه ماهره بشهاده الجميع . ريم بعد ان اكلت كميه قليله جدا:الحمد لله تسلم ايدك الاكل يجنن ام ريم بعتاب:يجنن ؟؟؟انت ما اكلتيش حاجه.كلي كمان شويه ريم: الحمد لله يا ماما ذهبت ام ريم الي المطبخ وريم الي غرفتها بعد ان ساعدت امها قليلا في رفع الاطباق وما ان ذهبت الي غرفتها حتي دق جرس التليفون امنيه:هاي ريمو ريم:هاي منمن امنيه اخبارك ايه؟ ريم :الحمد لله. امنيه :مالك؟صوتك مش طبيعي ريم ابدا ولا حاجه بس مرهقه اليوم كان طويل في الكليه امنيه:انت قدها يا قمر؟المهم عايزين نتقابل عند ايمان بعد شويه ريم :ليه امنيه:حصلت حاجه كده وعايزه اخد رايكو فيها ضروري ريم :لازم دلوقتي الوقت اتاخر.وانا تعبانه امنيه:يعني انت هتسافري .ده يدوب هتعدي الشارع.انزلي بسرعه بلاش دلع بنات ريم:امري لله.بس يا رب تطلع حاجه تستاهل.سلام استاذنت ريم امها للذهاب لبيت ايمان فاوصتها الا تتاخر في بيت ايمان ايمان : يا اهلا بالناس اللي المذاكره هتموتهم امنيه:يا بنتي ارحمي نفسك شويه عنيكي مش عارفه بع النضاره هتلبسي ايه ايمان: هيجيبو لها عدسه زي بتاعه الافلام . ريم:من طلب العلا سهر الليالي.وبعدين انتو عارفين اني مش هاتنازل عن امتياز. ايمان :طيب يا ستي يجعلنا من بركاتك.انا راضيه بجيد امنيه:والله وانا راضيه بمقبول بس انجح ريم :فشله مش عارفه انا مصحباكو ليه؟ امنيه :خلينا في الموضوع اللي احنا جايين علشانه ريم وايمان:خير امنيه:اسامه كلمني. من شويه ريم :كان عايز ايه امنيه عايز ............مش عارفه ايمان يعني ايه مش عارفه.متكلمش؟ امنيه:لا اتكلم ريم :قال ايه امنيه:قال..........انه عايز ..........يقابلني ايمان بانفعال:يقابلك.لا طبعا ريم استني بس.يقابلك ليه امنيه بيقول ان فيه حاجه مهمه لازم يقول لي عليها ايمان :ده اكيد اتجنن.ما يقول اللي هوه عايزه في التليفون. امنيه بيقول مش هينفع لازم يقابلني ريم:وانت رديتي بايه امنيه:قلت له هافكر ايمان الموضوع مش محتاج تفكير.كان لازم تقولي له لا امنيه:انا قلت يمكن تكون حاجه مهمه.وقلت اخد رايكو ريم:ايمان معاها حق.كان لازم تقولي له لا امنيه وبعدين. اعمل ايه دلوقتي ايمان :ولا حاجه ولو اتصل اقفلي السكه ريم:لا مش كده .لازم نعرف هو كان عايز ايه ايمان:يعني تروح تقابله؟؟؟؟؟؟؟ ريم لا طبعا.انا هاتصرف امنيه: هتعملي ايه ريم:انا هاتصل في البيت كاني باسل علي مامته واخواته ولو هو اللي رد عليه هاساله امنيه:وافرضي مش هو اللي رد ريم :انا هاتصرف.هاتي التليفون واتصلت ريم برقم اسامه في المنزل ريم :الو السلام عليكم ام اسامه:وعليكم السلام ريم :ازيك يا طنط.عامله ايه ام اسامه :الحمد لله.ازيك انت وازي ماما ريم :بخير.طنط .بس كانت زعلانه منكم علشان بقالكم زمان مش زرتونا ام اسامه:احنا اخر مره كنا احنا اللي عندكو.انتو اللي مش بتردو الزيارات ريم :معلش يا طنط انت عارفه طبع ماما مش بتحب الخروج من البيت كتير ام اسامه:عارف يا بنتي.وان شاء الله هنيجي .بس مشغولين الايام مع اسامه وما ان سمعت ريم كلمه اسامهحتي نظرت الي البنات ورددت:استاذ اسامه؟؟ اجتمعت البنات حول ريم ام اسامه:اصله مسافر بعد كام يوم ريم:مسافر؟؟؟؟؟فين اخذت الدموع تلمع في عين امنيه .اسامه مسافر ام اسامه:رايح بعثه تبع الشغل 6 شهور ريم:بارتياح وهي تنظر لامنيه:6 شهور بس يروح ويرجع بالسلامه ام اسامه :الله يسلمك يا بنتي ويريح بالك ريم:سلمي لي عليهم كلهم واكيد هنشوفه قبل ما يسافر ام اسامه:الله يسلمك يا حبيبتي سلم لي علي ماما.مع السلامه ريم مع السلامه اغلقت السماعه ونظرت الي امنيه التي كانت تبكي بشده:هيسافر .ويسيبني ايمان:الحكايه كلها 6 شهور امنيه:انا لازم اشوفه قبل ما يسافر ايمان:انت مجنونه هتقابليه امنيه:لا بس ..................انا لازم اشوفه واخذت تبكي نظر الاثنان الي ريم التي كانت صامته امنيه:ريم شوفي لي حل ريم:ازاي بس.يعني انت عايزه تشوفيه.في نفس الوقت مش هينفع تقابليه بره.طيب تشوفيه فين وازاي ؟؟؟؟؟؟؟؟؟؟؟ اخذ الثلاثه يفكرون قطعت ريم الصمت:الساعه عشره نروح دلوقتي ونفكر واللي توصل لحل تتصل بالباقي وذهبت كل منهما الي بيتها وفي الصباح ذهبت ريم الي الكليه مبكرا.ولن تقابل صديقاتها اما ايمان وامنيه. فطول الصباح لم يكن لهم حديث سوي عن هذا الموضوع فايمان ترفض فكره المقابله.وامنيه لا تعلم سوي انها تريد ان تري اسامه قبل ان يسافر |
|
01-03-2006, 08:36 PM
|
#8 |
|
(حلا جديد )
|
مشاركة: حكايات البنات
بليز نزلي جزء طويييييييييييل
|
|
|
|
|
03-03-2006, 09:17 PM
|
#9 |
|
(حلا جديد )
|
مشاركة: حكايات البنات
مر اليوم سريع علي ريم في الكليه.وكانت تتذكر موضوع اامنيه علي فترات وتحاول ان تجد حل لامنيه الا انها توصلت في النهايه الي ان اسامه ليس امامه الا التليفون ليخبر امنيه بما يريد
وفي المساء ريم:هاي منمون امنيه:هاي ريمو.كنت هاتصل بيكي حالا ريم:خير. مالك امنيه:مش هينفع في التليفون .تعالي ريم:حاجه بخصوص اسامه امنيه:ايوه ريم:تعالو عندي احسن.علشان نعرف نتكلم براحتنا امنيه:هاكلم ايمان و هنيجي اجتمع الثلاثه في بيت ريم ريم:مفيش حل غير التليفون امنيه:لا.................مهو ..............انا ........زشفت اسامه النهارده ايمان بغضب:قابلتيه؟؟؟؟؟؟؟؟؟ امنيه:لا جاء لي الكليه واتكلمنا ريم:ايه الموضوع؟؟؟؟ امنيه:اسامه مسافر 6 شهور ريم:قديمه امنيه :الجديده ان اسامه عايز يتقدم لي قبل ما يسافر ايمان بسعاده:كويس امنيه والدموع بدات تلمع في عينها:لا مش كويس خالص ايمان ليه ؟؟؟؟؟؟مش انت بتحبيه وهو بيحبك خلاص ريم:دي حته مشكله .. ايمان :لا باه حد يفهمني ريم:يا عبقريه.انت ناسيه سمير ابن خاله امنيه ايمان:ايوه.هو اتقدم لها وهي رفضت ريم:وقالت ان سبب الرفض انها مش هتتخطب الا اما تكمل دراستها ايمان:بس دي كانت حجه.علشان تخلع من رخامه سمير وامه ريم :يبقي ازاي .هي هتوافق علي اسامه دلوقتي ايمان بغباء واضح:اه. امنيه:انا عمري ما هاكون سبب خلاف بين امي وخالتي.وعمري ما هتجوز حد غير اسامه اخذت تبكي. قامت اليها ريم واحتضنتها:ولا يهمك هتتجوزيه ..هتتجوزيه احتضنتهما ايمان:قال تتجوز سمير ده؟؟؟؟؟؟؟ انا كنت اتبرا منك ابتسمت ريم:وانا كمان رفقت امنيه راسها :انا كنت هتبرا من نفسي قبليكو رددت امنيه:ربنا يخليكو ليه في كليه التربيه امير:السلام عليكم ايمان:وعليكم السلام امير:دكتور ماده الشعر قال كل تلاته يشتركو في بحث ايمان:ايوه امير:انا كتبت اسمك انت وامنيه معايا ايمان وهي في قمه الزهول:ايه.مين قال لك تكتب اسامينا معاك انت بكره تروح تغير المجموعه عند الدكتور والا هاروح انا واقول له علي اللي انت عملته امير:انت ليه عصبيه اوي كده ايمان:يا سلام.انا مش باكلم شباب في الكليه اصلااقوم اعمل بحث مع شاب؟ امير:انا مش اي شاب. ايمان:ياه تختلف في ايه عن اي طالب هنا؟كلكم همكم انكم تكلمو البنات وتعملو علاقات امير:هتعرفي بعدين انا اختلف في ايه ايمان وقد بدا صوتها يرتفع:مش عايزه اعرف....انت قاطعها امير:بكره الساعه 8 في المكتبه ما تتاخريش وتركها وذهب وهي ما زالت غير مدركه لما حدث وفي المساء اجتمعت الصديقات واخبرتهم ايمان بما حدث فكان راي ريم الا تخبر ايمان الدكتور حرصا علي مستقبله وانا تخبره بهدوءوحزم ان يبعد عنها اما امنيه فكان رايها ان تقوم بعمل البحث معه فربما وجدته شخص محترم فهي لاتعرفه لتحكم عليه وصادف هذا الراي هوا في نفس ايمان واخذت امنيه تضحك:وتقول لهم وانا مليش راي في الموضوع مش انا برضه مشتركه في البحث ولا انت معتبريني كيس جوافه ضحكت ايمان:انت تطولي حتي الجوفه لذيذه مش زيك وفي اليوم التالي ذهبت ايمان وامنيه للمكتبه حيث كان امير هناك امنيه:السلام عليكم امير :عليكم السلام .انا جمعت اغلب النقط اللي المفروض نعمل فيها البحث اخذت ايمان من يده الورقه وهي تنظر اليه الا انها صدمت عندما وجدته لا ينظر لها بل اخذ يتكلم بجديه اظهرت ذكائه وتفوقه وطوال ايام البحث لم يحاول امير ان يخرج في حديثه عن موضوع الدراسه امنيه:اخيرا خلص البحث امير الحمد لله في وقت قياسي ايمان بس يارب ناخد عليه تقدير كويس امير :ان شاء الله .سلام عليكم ايمان :وعليكم السلام والان وقد ثلاثه شهور بالتمام والكمال وقد انتهت امتحانات الترم الاول وكذلك اجازه نصف العام التي قضتها ريم بالسكندريه عند اهل امهاوبدا الترم الثاني من شهر تقريباوظهرت نتيجه كل من امنيه وايمان ونجحو الاثنين بتقدير جيد.اما نتيجه ريم فكانت بانتظارها اليوم هو يوم هام جدا لريم ام ريم:انت صاحيه من بدري اوي ليه ياريم ريم:انا ما نمتش اصلا يا ماما ام ريم:انت برضه قلقانه بموضوع النتيجه.ان شاء الله ناجحه ريم:مش النجاح هو المشكله يا ماما .المهم التقدير ام ريم:انا عارفه انك شاطره وطول عمرك بتطلعي الاولي ريم:يا رب يا ماما .ادعي لي ام ريم رفعت يديها بالدعاء بينما كانت ريم علي الباب:طيب افطري الاول ريم:مش قادره يا ماما .هاكل في الكليه.سلام ام ريم ربنا يوفقك وييحقق لك كل امالك في الكليه شيماء جننتيني اهدي شويه ريم مش قادره.كل النتايج بانت معادا كليتنا عم محمود ساعي مكتب الدكتور مصطفي رئيس قسم اللغه الفرنسيه:انسه ريم ريم:نعم يا عم محمود عم محمود:كلمي الدكتور مصطفي في مكتبه ريم بدهشه:الدكتور مصطفي عايزني انا عم محمود ايه شيماء يا تري عايزك ليه ريم:ربنا يستر |
|
03-03-2006, 11:24 PM
|
#10 |
|
(حلا جديد )
|
مشاركة: حكايات البنات
وباقي القصة امتى؟
|
|
|
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| تبون تعرفون شيسوون البنات والشباب اذا رن جرس الفسحة (البنات و اولاد) | البريئة | مجلس حلا للضحك والفرفشة | 15 | 16-02-2007 11:56 AM |
| نكت عن البنات بدوووودزعــــــــــــــل........................@ | أحلي جداوي؟ | مجلس حلا للضحك والفرفشة | 5 | 15-11-2005 05:21 AM |
| كذب البنات........... | SARAH539 | مجلس حلا العام | 4 | 12-07-2005 10:31 AM |
| عُد البنات؟ | بحر التولّه | مجلس حلا للشعر وهمس القوافي | 8 | 09-01-2005 11:07 AM |
العرض العادي
