|
|
|
|
|
|||||||
 |
|
|
أدوات الموضوع | انواع عرض الموضوع |
10-07-2007, 05:07 AM
|
#1 |
|
(حلا جديد )
|
صدفة حــب......... قصو روعة ويديدة واول مرة تنزل صدقوني حلوة وموطولة ذاك الزود
السلام عليكم ورحمة الله وبركاته......................
........................... قصتي يديده وابي رايكم فيها بليز........... قبل إن ابدأ هنااك سؤال أتمنى الإجابة عليه... البعض منكم حــب أو عشق ...والبعض .......لا ولكن بنهاية المطاف سينتهي بقصة حب إما لها نهاية سعيدة أو نهايتها الفـــــراق ؟؟ ولكن سؤال يتمحور عن .... هل أحسستم بأن الحب يوما خطيئة ؟؟؟ أو العشق ذنب إذا لم يتبادل الطرفان الشعور ذاته؟؟؟ ................................................ .............................................. ................................................. ((نبدأ)) أيام الثانوية والمدرسة لها طعم لذيذ على قلوبنا فهي كالكتاب الذي سينسخ فينا.. هنا كانت...حور تنظر على إن المدرسة وذكرياتها لا تنسى واليوم هيا تدرس في الجامعة في كلية الهندسة المعمارية... كانت حور في آخر سنة لها تقريبا وهي تترقب التخرج بفارق الصبر حتى تتوظف لمساعدة اهلها خصوصا لمستواهم الماادي الضعييييييييييف.. وايضا تتدهورت حالتهم للاسوأ بعد وفاة والداها قبل 5 سنين تقريبا وكانت حوور بأول سنين الدراسة في الجامعه وكيف هي كاانت حزينه لفقدانها اعز شخص بقلبها والدهاااا.... حور كانت قاعدة بالكافتيريا نااظرة وحدة من اعززز واقرررب رفيجاتها وهي عبير من المتوسطا وهي معاها ونفس الطموح بعد هندسة... كانت نااظرة وهيي تااافففف وتقوول::يووووووه هاذي وينها من سنة يدي وانا ناطرتها ليكون طنشت والله لاذبحها والله اووففووفف.. شوي ولا عبير ناظة عليها بلقافتها المعتاد عليها::هلا هلا والله هلا باحلى واعز رفيججة على قلبي يا بعد فريجنا كلة حور: فريجكم هاا انا اسوا جذي ميخالف يالملقوفا شوفي منو بيساعدج ويحلج وويغششج بعد وتروح ((يعني زعلت)) وتلحقها عبير وهي ميتا من الضحك عليها :هههههه وين ان شاء الله اتغشمر اتغشمر ما سمعتي احد يتشغمر يالله عااد حووورهو حبيبتي.. حور وه تمثل الزعل : لا مابي انا خلاص بروح زين وعبيربمكر: ومنو بيوصلج يا شاطرة حوور تذكرت ماكو عندها سيارة لان بصراحة الظروف ما تسااعد انها تشتري: هيييه ادري اني حمل عليج يا عبير بس خلاص انا اخر سنا وانشاءالله احاول اخفف من الفلوس واشتري حتى لوو تقاطعها عبير بحزن: ليش جذي حراام عليج تقولين جذي انتي عندي اكثر من اختي الي انحرمت منها ليش تقولين جذي انا لو بيدي نسكن انا معااج بروحنا بعد بس عاااد حوور ازعل ترا والله ازعل واليووم الاربعاء ما ترضين ازعل انا صح صح؟؟ حوور ابستمت :خلاص السبت ازعلج اوكي عشان يضيق الخلق السبت يووم نحس. عبير : أي والله يالله اليوم انا عازمتج على الغدا شرايج حوور بتفكير : لا والله ما اقدر امي واخواني ينظروني حراان خليها مرا ثانيا تكفين يا قلبي.. عبير : خلاص مرا ثانية يالله امشي قبل لا نتأخر على الغـ ااقصد امج واخوانج.. حوور :يالله اركبت بسيارة عبير ومشو بس الطريج مو طريج بيت حوور كان غير استغربت حور هالشي :ووين رايحا عبير عبير: البيت بعد وين حوور :عبووووور وين رايحا عبير منغير مباله :يوور هااوس حوور وشاكة ان في ان يالسالفة:: البيت البيت عبير وهي تحط اغينة رويشد(انتهينا)) حوور : وعع ما احبها ما عندج فيرووز والجو يساعد بعد.((كان شهر 2)) عبير:أي عندي بس انتي احظي مالت عليج شتبين فيها سمعي رويشد فديتا شحلات اغنيتا تهبل.. حووور وطلع السدي من الدرج وتحط فيرووز وتحطها واول ما حطت ما نتبهت للمكان الي انزلت فيه عبير عبير: يالله حوور حورر منصدنا من المكان معقوله عبير تيبني هني لاااا انا اعلمها الخبلة:: وين انشاء الله بيني انزل هني لا حببتي انا البت وألا ماكو مكان.. عبير تروح صوب بابها وتفتحا وتنزل ايديها بسرعة وتسحبها وتوديها معااها ههههههه خبلة هالبنت.. ودشو المطعم (( جــلز اذا تعرفونا )) يحبونا اهم وخصوصا ان عبير من عايلة غنية شوي.. اقعدو بالطعم ماكان فيه نااس واايد المهم اهم اطلبوو : ها عبير بعد اكو شي ماطلتبيه بسج رحمي بطنج شوي عبير :: ماالج شغل انتي وتكمل للريال شنو تبي وحوور واهي اتصلت بامها عشاان تقولها مع ان امها رااح ترضى لحبها حق حور وثقتها فيها تسح لو عندها ولد بعمر حوور مايسوي الي يسويه::هلا يمه شخبارج الام:بخير حبيتي ..وينج ليش ماتيين تغدين حوور بحزن شوي:يمه انا اسفا عبير اعزمتني واصرت انها تيبني المطعم والله انا قلتها ان ابي أي بس اهي اصرت الام بلعكس فرحت لان حوور ماتحب تتطلع واايد اهي من النوع الهادىء المنغلق على نفسا وبعد اهي ماتقوول مشاعرها كاانت تكتمها بقلبها وتقفل عليها بمفتااح ماكو احد يقدر يحصل عليه .... الام: أي احسن يما طلعي استانسي فرحي شوي كلة دراسة ودراسة وهمنا شايلة انتي بعدج صغيرا فاستانسي.. حوور بفرح:اكيد يمخ مو زعلانة مني الام:ازعل من روحي مايصير يايمه بس انتي استانسي وفرحي وا تحطين بببالج حوور انزلت دمعا منها ساخنا على خدهها المورد :اوكي اخليج انا مع السلامة وبوسي اخوااني عني.. الام:الله يسلمج ويالله ديري بالج على نفسج حوور :انشاءالله وتسكر حوور التلفون وعبير : هاا انتهيت من المسلسل المكسيكي ماالج انتي وخاالتي حوور..هههههه أي خلصنا هههه عبير:اقوول انا بيني وبينج برووح البباث رووم اوكي ثوااني وارد حوور: اوكي ((لاحظت ان بلوزتها كلها كاكاو )) من وين هالكاكو يا حظي عبير وهي تحلطم:من الكاكو بعد عشاان جذي برووح اغسلة لا يشوفني احد ويعجب فيني بعدين يهون يقوول شلي بوحدا وسخا جنها يااهل.. حووور تضحك:هههههههه هذا الي يهمج انتي بس.. عبير :اقوول بروح بس ان ياه الاكل وكليته كلة ارتكب جريمة فيج والله وراحت عبير وظلت حوور تلف بعوينها العسلية يمين ويسار اهي جذي مو قصت تطالع احد بس تحب تغير نظرتها من مكان لاخر واهي قااعدة تشووف طااحت عيونها بعين شااب اهوي مالحظ هالشي بس اهي ماتدري ما ابعدت عينها عنا يمكن تبي يشوفها وبعدين تنحرج وترووح ولكن الشاب معاه وحده بنت قااعدا يما واهو تسولف معاه وتضحك تنهدت حوور وقالت اكييد زوجتا الله يهنيه لفت عينها عنا بس للحين تفكر فيه ليش ماتدري وهي تقوول بينها وبين نفسها ::وين عبيروووه متة اتي يوعانا انا... عبير كان عندها مكالمة من خالها الي برة الديرة وعشاان جذي تاخرت شوي ... المهم رد الفضول عند حوور وردت تشووف الشاب مرا ثانيا اهوي الشاب كان غااية بالوسامة والهيبه تحس انك لما تشوفا تشوف ريال صج وسامة وطولة سمارة الحلو وعيونا البنية الي مايلة على العسلية بس طبعا ماحد ينافس حوور بالجماال كاانت تشابه خالتها حييل بس اهي حييل اخلة عيوون وسااع وتحس لما تشوفها تلمع من البريق كانها غاسلتها بمااي ومانشف عنها او تبجي وما انتهب يعني شي عجييب جسم حلو حلجها كان صغير بس يعني مو حييل نقدرنقوول متوسط شفايفها الي يشوفها يقوول فراولة وخدوها بعد يعني حلوها ما احتااج توصيف بعد..)) نرحع حق حوور وفضولها كانت تبي تشوفا مرا ثانية لكن هالمرا حدث الي حدث انها يوم رفعت بصرها وقطت عينها عليه طللحت عينها بعينا بعينا اهو شافها شافها وبهاللحظة كان الشاب بعد شبه متجمد تحجر منها ومن عيونها يطالعها ونسى ان مع هاذي البنت (((على فكرة البنت الي معاه مو زوجتا على قولتا رفيجتا )) معاه نسى ان قااعد ياكل او يشرب نسى اصلن ان بالمطعم ...اما حوور حست بقلبها يدق يدق بقوووة ليش ماتدري وويها صاار احمر ليما عطاها هذااك السهم الي طيحها طيح مسكينا البنت ابستم الشاب لها اتبسامة ولا اروع ابتسامة بينت غمازاتا الحلوين احرجت حييييييل حوووور ودارت بويها الصوب الثاني واهو ظل نااطر يمكن تلف الحين ترد تدير ويها الحين مااكو شي.. المهم تكلمت ريم واهي البنت الي وياه : شفيك حبيبي وين سرحت ماكو اجابة:___ ريم بغثا::وين رحت عبدالله عبدالله كنا صحا من حلم حلو وسريع..::هااا ريم: وين رحت اقوول شفيك سرحان((بدلال)) بمنو فيني عبدالله لايعا جدبا بس::اكيييد فيج يا قلبي اكوو غيرج مثلن يالله اكلي وريم صدقت وكلت ريم ما يهما شي غير ان رااعي فلووس وغني حيييييييل واهو دارس برة بعد عبدالله ببريطانيا وكل حياتا سفر وطلعات ما عندا شي يهما والاهم من كل هذا ان ما يعرف شي اسما ((حـــــب)) شال من قاموسا وباله.. نرد لعبير وحوور: حوور سرحان وعبير تبلع بالاكل.. عبير:وهي تاكل::ليش ماتاكليت ياحظي ولا مسويا رجييم حوور انتبهت للكلام..: لا ولا شي قااعدا اكل خلصو اكل وقاالت عبير: شرايج ارووح ايب لنا برد حوور:اوكي بس ناكلة وحنا بالطريج زين عبير بنفاذ الصبر :زين يا بلوة حوور:هههههههههه حرا تروح عبير وتدفع الحساب وبعد تشتري برد وتنطر إما حوور كانت واقفا شوي يم عبير بس في مسافا عشان اللي يشترون المهم رد الفضول إن حور تشوف الشاب (عبدا لله) مرا ثانيا تبي تشوفا المهم جمعت قوتها ولفت ويها واهو كان يضحك ابتسمت من داخلها وتقوول أكيد مستانس مع زوجتا ربي يسعدا..وقبل لا تلف دار الولد ويها عليها وشافها للمرا الثانيا وشافها وابتسم وتمنى بقلبا انها تبتسم عشان يفرح قلبا وبالفعل أهي قالت بنفسها ابتسم لاني بعد مااشوفا انا وابتسمت وكاانت ابتسامتها بمثابت شي عجييب بقلب عبدا لله ولا كنووز الدنيا تساويها وفرح لان وصلت امنيتا لقلبها بسرعة ونزل راس لان تلفونا طاح واهو نزل ايبا راحت حوور مع عبير ورجع رفع راسة يشوفها بعد ولكن اختفت بسرعا من عينا ووين رااحت ويين قاام بسرعة وريم:وين وين عبدا لله عبداللله بدون اهتمام رااح لحقها ولكن اختفت اختفت من عيونا بسرعة البرق تنهد :: آآآآه ه ه حسافة رااحت بسرعة بس تعاال انا ليش مهتم جذي ماالت علي يعني معجب خن الحق على الخبلة احسلي هههههههه ((كان هذا شعور من خارج إطار عبدا لله)) ورجع ولكن مادرا إن رجع منغير قلب قلبا رااح معاها واهو مو حااس لان ماجرب الشعور من قبل... إما حوور فاكانت طوول الطريج ساكته ولا تتكلم ولا كلمة استغربت عبير هالسكووت الغريب الي فيها : حوور شفيج ليش ساكتة ليش ماتتلكمين شسالفه شصاير حوور انتبهت انها للحين ساكتة وتفكر وتفكر فيه في الشاب الي شافتا بس تسئل نفسها ليش يووه انا خبلة ياكثر مااشوف صبيان بس هذا يعني صج انا غبيه:لا ولا شي بس ههههه الاكل شبعني وشبع مخي ان يتكلم بعد عبير للحين شاكة:اكييد يعني ماكو فيج شي... حوور درت ان عبير حست بشي:والله ورب الكعبة مافيني شي يالله حطي اغنية شي تونسي عبير انصاعت لامر حوور بس للحين شاكة بشي غير حوور:اوكي وظلت تسولف معاها اما حوور تحاول انها ماتفكر فيه ودها تذبح نفسها وتقوول شكثر انا غبيه ليش ياربي ليش افكر فيه كلها دققه او دقيتين شفتا يووووووووووه .................................................. ....................... .................................................. ..................... وصلت حوور وراحت عبير لبيتهم اما حور دشت سلمت على إخوانها وقعدت شوي ورااحت دارها لانها تعبانة وياريت نامت تفكر تفكر فيه وتلوم نفسها انها ليش تكلمها عنا شتبي بهالولد الي حتى ساعة ماشافت كلها جم دقيقة ياربي يمكن لان حلو وسيم وشكل يجذب النااس..أكيد عشان جذي أكيد هههه عيل انا وين وهالصبي وين..ونامت عشان ترتاح وخصوصا انها مواعدة اخوانها انها تتطلعهم بااجر او اليوم ... .................................................. ....................................... .................................................. ........................................ .................................................. ........................................ كانو قاعدين مع بعض ضحك وسوالف الا وااحد ساكت على غير العوايد .. فهد ((رفيج عبدالله)) : وين وصلت حووووووه يالطيب عبوود عبدالله الي كان سرحان:هاا فهد :لا حالتك مو طبيعيه شفيك يالطيب.. عبدالله ابتسم: لا ولا شي والله مافيني شي فهد وللحين مو مصدق:لا فيك انت الي تضحك ومفرفش تغيرت اليوم شصايرتهاوشت ويا احد عبدالله الي مل منا: شفيك ياخي اقولك مافيني شي ييه فهد تضايق من انا رفيجا اكلمة جذي ويرد علي جذي:انزين انا اسف على اني متضايق عليك ورااح عن عبدالله عبدالله حس ان الي سواه غلط مع فهد وركض حقا ووقف: انا اسف فهوود مو قصدي شي بس شوي تعبان لا تزعل والي يعافيك فهد الي من النوع الي يسامح بسرعة وخصوصا ان عبدالله ابتسم : انا مو زعلان ولا شي بس شفيك قولي ليش متغير اليوم امس شزينك واليوم لا عبدالله قعد بالكرسي وتنهد : اقولك شي بس تحلف ما تضحك علي الله يخليك فهد ابتسم :ليش اضحك انت مسوي شي يضحك يعني.. عبدالله: لا بس صارتلي سالفة واذا قلتها لك اتوقع انك تضحك علي لانها سالفة نوعا ما غريبا.. بدا يستغرب فهد اكثر واكثر : قوول وانا اسمع اقولك اذا تضحك او تبجي زين... عبدالله:شوف اليوم رحت المطعم للغدا زين وكنت رايح مع ريم فهد: ريم أي ريم بعد هاذي.. عبداالله : وحدا من الي اعرفهم..المهم ماعليك السالفه ومافيها ان كان اكو وحدا هناك قاعدة وشفتها بس ما ادري ليش حسيت بشي غريب صار فيني مشاعر احس بتتفجر فيني اول مرا احس جذي شفت بنات وشفت اشكال واجناس بس مثلها ما بشوف والله ولا بعد يوم((يسرح ويمد نظرة للافق البعيد)) ابتسمت ياااي شحلات الابتسامة عليها قمر قمر آه... فهد الي انصدم من عبدالله مو معقولة ان هذا عبدالله الي اعرفا هذا عبدالله ولا شلون يتكلم عنها ههه معقولة تغير بس مني هالبنت اتوقع ما بخليها تروح من.. فــهد: زين ومنو البنت اتوقع ما خليتها تروح منك اعرفك عبدالله وانا اعرفك نص البنات تعرفهم ماشاء الله عليك..((ابتسم)) عبداللله بنظرة حزينة نوعا ما::ههه هالمرة خاب ظنك راحت مني ولا اعرف اهي منو ولا حتى وين راحت اواي شي عنها بس شي وااحد عرفتا عنها واهو ...وسكت فهــــــد: شنو هالشي عبداالله : انها مو من البنات الي اعرفهم او من البنات المستهترات الي لا وراهم واالي ولا احد يخااف عليهم .... فـــــــهــــــد استغرب يحس تغير عبدالله وقرر يسئل عبدالله ويفهم من بالضبط: زين عبدالله انت حاجيتها او شي...؟ عبدالله باسى نوعا ما من غير مايدري ليش.: لا فهــد زادت حيرتا شلون عيل يقول جذي بدون حجي شنو الاثر عيل الي انطبع فيه: زين انت ليش معور راسك ياخي ..؟ عبدالله ::انا والله مادري ليش ماادري قاعد افكر فيها.. فهــد باستنكار وخبث..: يعني حبيتها مثلن .. عبدالله ظلت كلمة حبيتها بقلبا تتردد حبيتها ..: هههههههههه شتقول بس انا جذي شكله غير عن البنات وبس ههههههه انا وين والحب وين انا احب آخر شي ممكن يصير فيني بهالدنيا اني احب ......((راح عبدالله عن فهد)) وفهد لحق وراه................................. ............................................ ............................................. .................................... ومرت ايام تتبعها ايام ايام تلهي الشخص فمن منا يدرس والآخر يعمل وووو وهاذي هي حال الدنيا هكذا يمر الوقت من غير ان نحس بشيء .. .................................................. ................................ .................................................. .................................................. ......... .................................................. ........ حور لا يشغل بالها غير امها واخوانها واهم شي الدراسة التي قربت للنهاية وانطواء صفحة الكلية والدراسة..وبداية حياة عملية جديدة يتخللها الجدية والحماس والاهتمام الكثير من قبلنا نحن..... ولن ننسى شيء منذ ذاك الحين حين رؤية حور لذاك الشاب اصبحت تفكر فيه ولكن تحاول ان تبعده عن ذاكرته الا ان بدأت تنساه لانها عرفت انها من المستحيل رؤيته حتى انها لا تعرف اسمه ولم تره من قبل....... حوور تتدرس مع عبير ..:: يووووووه عبير دري قرب وقت الاختبارت واخر سنة حرام تضيعين وقتج يا هبلة.. عبير.:: عاادي ياختي الدنيا شتسوى استانسي ويعدين درسي قبل بيوم احسلج .. حوور الي يدأت تنبط جبده من عبير وتصرفاتها..: عبير انتي لازم تتدرسين حرام عليج لازم تخلصين ولا تنسين ورانا ماجستير ودكتوراه.. عبير..: هوهوووووووووووو بعد ها التعب ندرس انتي تتملين يام قلبين.. حوور وهي تضحك : خمس وخمسيا علي اعووذ بالله.. عبير.: هييييه اقوول شرايج نطلع ..هاا اقووم يالله وناسة انتي راضيا وقامت.. حوور : هييه أي طلعة أي بطيخ ابي ادرس انا ما بقى الا اسبوع على الامتحانات ..((عبير تملل بيوها وتافف)) شوفي عبيرووه اذا بتقرقيت علي اذبحج ترى ..مللتني والله..يووووووووه عبير..: زين زين خلاص ندرس وامري لله .................................................. ........ ................................................. .................................................. ....... اما عبدالله فحياته عاادية ماتغيرت نسى حوور وماكان يتذكرها الا مرات لين يضيج صدرا بس نقدر نقول ان نساها... وللحين على حراكاتا كل يوم بنت ريم ونورة وسميرا وغيرها وغيرها...الخ..... وفهد مثله بس صار حدث بحياة فهد غيره من فهد الطايش الا فهد الهادىء ولكن شنو سبب هالتغير ... سبب ان بعد فترة رجع عمه اهو عند عم عايش برا طوول حياتة بامريكا وزوجتة اميركيا بعد وللاسف ميتا وما خلف غير بنت وحدا واسمها سارا.. واهي غااية بالجمال ليش ان ماخذا ملامح عربيه خليجيه على وجه امريكي على امها .. شنو الي غير فهد اهي سارا من شافها واهو مايشوف غيرها ترك البنات والي يعرفهم بس في بعض الطيااشة ولكن طياشة عااديا نوعاما.. حب سارا وخصوصا انها قعدت عندهم اسبوع على ما لقا ابوها بيت لهمم واهو حس ان قلبا انزع معاها بس شسوي وصبر وقرر ان يثبت لابوه وعمه ان قد المسئولية وبعدين يتقدم لسارا وخطبها وهاذي فكرة مايبي يلعب فيها وخصوصا انها بنت عمه... .................................................. ........ ............................. آخر امتحان اهو الي يسبب الفرح والسرور والحزن بعد الفرح ان اخر شي والحزن هو الخوف من النتجيا.. حور:خايفا عبور ياربي عبير تضحك : انتي تخافين عيل انا شقوول مالت بس عليج. حوور وعيونها ولعت معاها.: عبيووور وييعا بسج انا الي فيني كافيني خايفا.... صار وقت الامتحان ودشو وسمت حور وبعد عبير وطالعت عبير قبل لا تدش وابلعت ريجها وابتدأت...... .................................................. ...... .................................................. ................... .......................................... .................................. الساعة11 الضحى خلصت حوور وطلعت : الحمدالله كان سهل سهل واايد الحمدالله لك ياربي مارح تعبي هدر ولا دعاء امي بعد الله لايخلني منج يا اعز واغلى ام... الام: مبروووك حبيتي مبرووك اشوفج وانتي بالوظيفه يارب حوور ..: انشاء الله يمه..يمه؟؟ الام ..:خير حور :عادي اتغدا مع عبير عشان اخر يوم لنا مع بعض اذا رضيتي اذا لا عاادي ما ازعل والله والله الام: لا يما روحي عاادي انا بتيني خالتج ام سلمان ((مرت عمها)) روحي حور ارتاحت : اوكي باااي ........................................... .................................................. ......... .................................................. .... عبير: يالله يالمهندسة حور حوور :ياحلوة بلسانج لا طعم غير والله عبير: أي أي بدينا بالجذب من اول الطلعه حوور واهي تضحك وبعدين بجدية تتكلم حق عبير: الا اقوول عبير عبير: نعم حوور:وين تبين تشتغلين صج عبير سكتت لانها ماعمرها فكرت تنسه هالخطوة من حياتها او انها تتناسها مع انها مهمه بالنسبا لها بعد ما تخرجو خلاص.: ماادري والله حوور:ليــــــــش عبير: والله مافكرت بفكر اذا طلعت النتايج وبشوف وماراح اتعب وايد لان تخصصي اتوقع الاقي وظيفه بسرعة حور:لا تتاملين واايد كاهم نص الديرا قاعدين من غير شغل بطايلة وعندهم احلى التخصصت بعد.. عبير:أي والله بس انا بكلم ابوي وابوي ربع واايد ويبلاقي لي شغل بسرعة مو ضروري اتعب ههه اهني حور احترقت مكانها ليش اهي عندها ابو انا لا لحظا شقول انا الله يخلي لها بس بعد انا من يسئل وراي اه الله يكون بالعون وتمت ساكتا ليما ووصلو للسوق.. .................................................. ............................... .................................................. .................................................. .......... .................................................. .................................................. ......................................... هناك سؤال قبل ان اتمم..هل تؤمنون بالصدف ام تعتبرونها لقاء من غير موعد..؟؟؟ الصدفة هي الثغرة التي تعطي بعض من الامل والبعض الحزن ........................................... كانو بالسوق يتمشون وشوفون الملابس وياطلعون ويضحكون وعيون الشباب ملاحقة حور بكل مكان جميلة حور حلوة رائعة حورية .. حور حست ان الناس تتطالعه وخصوصا الصبيان واهي تستحي وحمرو خدودها ونزلت راسها.... عبير حست لها: يعني على الي يستحون والله لو انا مكانج استانس احد يطالعين ولا شحلاتا وانا اسكت هههه مالت عليج ....... حوور تطقها بالجيس الي عندها: بس عاد عيب .. عبير تضحك.. ومشو وقعدو بالكافيه وطلبو لهم المهم قامت عبير ((عبير بلوة والله))) قامت تبي تروح تيبلها سويت فاكتري..وظلت حور ناظرتها ليما ياه وااحد وقعد معاها ؟ ؟ ؟ ؟ ؟ انصدمت حور شسوي هاذا اهني شلون ومن سمحلة قامت حور وقالت:اخوي هالمكان محجوز. _____: عادي يقعد معااج فيها شي.. حور عصبت وراحت عنه ومشت وشافتها عبير وشافت الي وراها وفهمت الموضوع توها تبي تروح تحاجي الولد الا حور تمسكها :خليه يولي ان حاجينا عبالة احنا قاطين روحنا عليه خلي يولي... سمعت عبير كلام حور وقالت: صح امشي نروح ناكل عشان نرتاح شوي. حور ودها طقها: وانتي اكل اكل..ههههههه ______: فديت هالضحكا والله حور عصبت حيل وراحت مع عبير ام الولد لحقهم بس اختفو ممن عيونا الا صوت يناديه..: وينك جراح جراح جراح لف ويها: هلا فهد شتبي فهد: وينك من منساع انا وعبدالله ندروك وين رحت ياخي جراح: شفت لك شوفا بنات ولا اروع ههييييه ووحدا منهم والله لو تلف بنات العالم مافي نفسها زين فهد : جراح بطل هالسخافة وامس نروح جراح ::انت تحرق الجبد وين حبيب قلبي الي يبرد الجبد عبوود اهو الي راح يدورهم معاي. .................................................. ...... .................................................. ........ عبدالله :ههههههههههههه وينهم هذيل الي جنهم حوريات وانا مادري.... جراح:والله يا عبدالله اذا بتشوفهم بتشكرني وبتبوس ايدي وبترضى تعطيني وحدا من سيارتك الي تارسين مصافط بيتكم .. عبدالله.:هههههههههههههههههه حسد حسد اعوذ بالله من الحسد ياله اشم ندروهم قبل لا يرحون.. جراح يقاطع: لا اهم قاعدين بالكافيه بس انا رحت بقعد وقامت البنت عشتو استحت بس اخخ تهبل تهبل... عبدالله: انا لي وحدا وانت بعد. جراح واهو يمشي ويدور :اكيد بس انا الاولى وانت اخذ الاحتياط..زين ههههه عبدالله.::ههههههههههههههههه ....................... .................................................. ..........شافهم جراح وناد ا :عبدالله عبدالله كلهم كلهم تعاال عشان تصدق انهم حلوات.. عبدالله شاف وحدا بس شاف عبير واهو حس ان شايفها بس عاادي ما تعمق..: بس هاذي مو حيل حلوة هاا انصت انصت خلاص ماكو سيارة ولا فلوس. جراح: مو هاذي الي معطيتنا ظهرها اهي اهي اهي الي اقولك عنها شفيك عبدالله ويسحب أي جراح : امش انشوفها ....... .................................................. ....... .................................................. .................... ...................................... .................................................. ........ راح عبدالله مشى عندها ولف ويها وهو كان يضحك مع جراح... ولكن بس شافها سكت راحت البسمة وتذكر هاذي اهي اهي الي ..بالمـ مطعم....صدفا او شنو حس شوي شوي عبدالله ان قلبا قام يطق حيييل بقوا وتتدافع فيه الامل ان شافها ......... حس ان يوم قرر ينساها استخف اهو مو ناسيها بس متجاهلها وكاهي ردت باله بس شافها وظل واقف مكانة يطالعها.. جراح :ها عبدالله شرايك فيها عبدالله:_______ جراح :عبوووووووود كان صوت عالي مما خلة البنات يطالعون وشافت الي ما تتوقع انها تشوفا بعد مستــــــــحيل هذا اهو شلون بس شلون.. قلبا بدا يرجف وما قدرت تشرب القهوة من ايدها وردتها مكانها... عبير: شفيج حور حور واهي تناظرة واهو بعد بس غيرت نظرتها حور الى عبير((مما خلة الغضب يستحل قلب عبدالله ليش ماطالعين يعني وحش ولا شنو)) : عبير خن نطلع عبير:يووووووووووه تونا واصلين وبعد ما تغيدنا يوووعنا انا.. حوور: اقول امشي مطعم ثاني احسن مو البيت اقصد.. عبير اعجبتها الفكرة مع انها تبي المجمع بس: اوكي يالله امشي.. قامت من مكانها بسرعة وعبدالله بس شافها تبي تروح تحرك ما يبها تروح يبي يعرف منو هاذي منو وهو يقول بقلبا((لا تروحين لااا تروحين قوليلي انتي منو وروحي)) حور وعبير تحركوا بسرعة البرق وجراح خذا عبدالله ولحقوهم..: انت شتسوي جراح. جراح: امش نروح لها قبل لا تمشي. عبدالله عرف ان يقصد حوور وعصب وحس بغيرا في قلبا.: وانت شتبي فيها البنت مو من النوع الي جذي شكلها. جراح.: ادري بس حلوة اهي عبدالله واهو يمشي بسرعة اهو يبي بعد يعرفها : اوكي روح ناد فهد وانا الحقها لك شرايك.... جراح : وليش مو انت.. عبدالله خلا جراح وراح يركض واهو ينادي : لو سمحتي لو سمحتي ممكن شوي دقيقا.. عبير : نعم اخوي في شي... عبدالله ويناظر ورا عبير .: ممكن اكلم الثانية.. ارفعت حاجب صج قليل ادب: ليش ششيافنا استح وروح احسلك.. عبدالله ولا هامة: ممكن اعرف اسمج الله يخليج.. حور : عبير يالله امشي قبل لا نتاخر وناظرت عبدالله واركبت السيارة ومشت اما عبدالله مو مصدق صوتها حس مثل الرنين يرن باذنا وركب سيارتا ودااس يلاحقهم بسرعة..وقلبا للحين بطق سئل نفسا: الحين انا عبدالله ال__ الحق هاذي ليش شعندي... بس تذكرها وويها يزيد في السرعة اكثر واكثر .................................................. ........ .................................................. .............................................. .................................................. ............................................ وصــــــــــار الي محد توقعا من الخوف الي يستحل كل من عبير وحور اسرعت عبير الا ما اندعمو الاثنين وطرات السيارة فيهم وراحو فيها مـــــــــــــــــــــــــــــــــــــــــــاتوووو وووووو او شنو؟؟ ؟؟ ؟؟ ؟؟ ؟؟؟ ؟؟ ؟؟ ؟؟؟ ؟؟ اندعمو والناس وقفو واهو بعد ما صدق الي شافه قدداما اندعمو شلون ماتو لااا نزل من السيارة يركض بسرعة لهم ويركض ليما وصل وشاف الويه الي شافا مرتين بس ببالة كان شايفا واايد واايد بس وين ما يدري وبجا انزلت دمعا على النظر الي يقطع القلب ودق على الاسعاف وخذتهم المستشفى وراح معاهم ورااح واهو ميت خووف يحس اهو الذنب بالي صار لو ما لحقهم ما صار الي صار بس بس انا كنت ابي اشوفها مو مـ ــو قصدي شي والله ويصارخ احد بباله..... المهم بالمستشفى حاولو يدرون عن احد يدقون عليه وقالت وحدا من الممرضات:ي واحد هو الي قابهم هنا مع الاسعاف.. Ok where is he now??الدكتور: He is out you want to taik with him??الممرضه:: .................................................. ................. بعد ما وافق الدكتور راحت السستر عند الولد : اخوي انت من اهل وحدا من المرضى عبدالله : لا السستر تحيرت: انزين تعرف احد من اهلها. عبدالله :لا السستتر :عيل منو اهلهم وانت ليش ياي عبدالله :___ الستتر: لا حول الله,, عبدالله تذكر ان في احد عطاه الجناط مالاتهم وراح يابهم وبطل اول جنطا وعرف انها حق حوور لان فيها صورة لها ببطاقة المدنيه وقرا اسمها:حوور الله اسم على مسما سبحان الله.... حاول يدق ماكو رد وقرر يشوف جنطت عبير ورد عليه وااحد :الوو عبدالله:السلام عليكم طلال استغرب من داق من تلفون عبير ((اخوها)):وعليكم السلام منو معااي؟؟ عبدالله:هذا تلفون عبير؟؟؟ طلال رافع حاجب ولا يعرف اسمها بعد:ومن انت اصلن عشان تسئل هاااا عبدالله حس مو وقت هواش:شوف انا الحين بالمستشفى وقالو دقو على احد ممن اهلها لا عبير مسويا حادث واهي الحين بالمستشفى.. طلال حاادث حادث حادث حادث حادث حادث::حـــــــــــــــــــادث عبدالله : أي حادث وتعال بسرعة وعطاه اسم المستشفى وياه ركض طلال .................................................. .................................................. ................................................. .................................................. ................................... اما حور فما لقى جواب من احد وعبدالله واهو يمسح دمعا نزلت من خدا حس بفضول بفتح الجنطا فتح وشاف اغراض مع ان مو من حقا ان يفتح بس فتح شاف اغرا عادية مثل تلفون بوك اغراض اعتيداية وشاف دفتر شكلة واايد حلو روعا.. بطل الدفتر وكان دفتر اشعار لحور.. وبعض الخواطر وبعضها مشاعر تكتبها اذا ماعبرت عنها تكتبها...... اهو عبدالله ماكان يحب هالاشياء يحس انها سخيفة ومالها معنى ولا للحب معنى بحياتا.. ولكن ولكن ولكن الله يغير ولا يتغير اهو يقرا يحس بمشاعر غريبا تنتابا اهو عمرا ماكلم هالبنت بس يحس يعرفها من زمان شلون مايدري ماكو تفسير.. ((حبيبي)) حبيبي اشتاق اليك وانت بقربي وانت بعيد..اقيس حجم حبك في قلبي ولكن لا يقاس اقيسه بماذا باي آله او جهاز.. اعترف اليوم بما هو مكتوم بقلبي احبك كلمة صغيرة لاجلك اعشقك لن توفي بحقك ........الخ واهو يقرا ينهز فيه شي كل مايقرا رسالة بيت شعر قصيدة خواطر ينهز بقلبا يحس كاتبا هالاشياء له حق اهو.. .................................................. .......... .................................................. ........... رن تلفون حوور البسيط وكانت نغمة الرنين احدى مقطوعات بتوهوفن تحبا حييل اهي قرا الرقم وشاف الرقم بس انصدم مكتوب سعد شاله بخفيف واهو منصدم شكلها غير مايحوي انها تعرف وتكلم المهم شال : الووووو سعد: هلا والله ببنت اختي العزيزة شلونج ما تقولين لج خال يحبج يسئل عنج ماالت عليج عبدالله ارتاح تفسيا بعد المكالمة : لو سمحت حور بالمستشفى وانا الي شفت الحادث وكلفوني ادق عليكم وواخبركم... خالها سعد انصدم: ووينها الحين ((يبلع ريجا)) عبدالله:بالنستشفى ال*** وحاطينها بالعناية المركزة مع صديقتها((مسك قلبا سعد ليكون بعد عبير سعد صغير عمرا 24 تقريبا 25 جذي واهو عايش تقريبا حياتا مع اخت الي مالها احد بس هاليومين اهو مسافر)) منو رفيجتها عبدالله: على ما اعتقد ومن كلام الدكاترة غدير اوعبير أي عبير سعد مسك عمرا:انزين انا ياي لا تروح تكفا.. عبدالله استغرب هالطلب ولكن : ان شاء الله .......................................... .................................................. ........... .................................................. ........... ................................................ وصل طلال وابوه ووصل خال حور منغير مايعلم اخت الي اهي ام حوور لان يدري شنو بصير فيها لادرت ببنتها يمكن بعد اهي الثانية تموت.. .................................................. ............. .................................................. ............. سعد راح يسئل الممرضة : لو سمحتي ممكن اعرف شنو صار بالمريضة الي توها يايه بسبب حادث الممرضة: شنو اسمها.؟؟ سعد: حور عبدالرحمن ال*** الممرضة بارتباك:أي هاا أي اهي بالعناية ((وراحت بس سعد اسرع كان وسئلها)) سعد:الله يخليج شفيها حور الممرضة بخوف :ماادري والله اسئل الدكتور عن اذنك.. سعد خااف عليها لان حور بمثابت اخت وصديقة له اهو صغير بعمر حور ومتربي معاها يعزها وان صار فيها شي يموت:انزين وين الشخص الي شاف الحادث الممرضة بتفكير: والله جنا قاعد بالانتظار .............................................. راح سعد وشاف وااحد قاعد ووقف عندا وسئل: لو سمحت انت الي دقيت علي عشان حور منساع عبدالله وقف مكانة : أي نعم .... انت خالها ؟؟ سعد بتنهد:أي انا عبدالله :معااك عبدالله ال**** مع ان مو وقت تعارف.. سعد ابتسم بحسرا: لا يبا هاذي الدنيا ومافيها وعلى العموم مشكور لانك اتقذتها من الحادث قبل ..((سكت)) ونزلت دموعا عبدالله انكسر خاطرة عليه شكلة حزنان حيل: انشاء الله ماكو الا الخير وادعيلها انت بس...الا انت ماسئلت الدكتور؟؟ سعد:لاوالله رحت وقالو عند حالة ماادري شنو وماكو غيره والممرضة ما ترضا تقول.. عبدالله :انا اعرف ناس اهني تبيني اسئلك احد حاضر انا.. ســعد استغرب ليش الولد مهتم حيل ليكون يعرف حور لااا حور ما عندها هالسوالف وانا اقرب لها يعني يوووه: أي اذا تقدر وماكو تكلفة عبدالله ابتسم:أي تكلفه عاادي يبا الحين اسئلك دقيقة عطني بس.. سعد :اخذ راحتك ............................... عبدالله يحس ان اهو سبب هالحادث فلو ما لحقهم ماصارالي صار وما وما.... نزلت دمعا واهو يتذكر ويها وبرائتها وعيونها مع ان شافها مرتين بس عالسريع بس دخلت قلبة بسرعة البرق.... عبدالله من عايلة معروفة بالديرة واهو غني وامه بعد عايلتها ثرية يعني عايش حياتها بكل معانيها بس معاني الفلوس والغنى والترف ما عمرة حس ان بالدنيا اكو حب وتعاون وعشق وان الناس كلها نفس الشي الاحساس الي عندة اهو ان عايلته واهلها واهو نفسة عبدالله احسن من الغير لان ماعندهم فلوس وفقاره هاذي كانت الاحاسيس الي مزروعه بقلبا .......... .......................................... دق عبدالله على صاحب له يعرفا يشتغل اهني بالمستشفى وقاله السالفة ويبي يعرف حالتها بسرعة لان اهلها ينتظرون.. ........................................ ........................................ محمد صديق عبدالله: والله انا عرفت عن الحالتين عبـــــدالله بخوف مع لهفة : أي شنو الحالة محمد :والله وحدا من البنات صحت او بدت تصحى اما الثانية للحين بغيبوبة وبعد 48 ساعة اذا ماعدت الله اعلم بالي يصير عبدالله خــاف: انزين منو ماتعرف منو البنت الي بغيبوبه محمد اهو يتذكر ان قاله الدكتور منو : والله امممم ماذكر يمكن قاطعا عبدالله :منو محمد قوول بسرعة محمد:شفيك انت حيل مهتم ليكون وحدة من رفيجاتك بعد هههه عبدالله تنرفز : لااا بس انا انا سبب الحادث محمد مو فاهم : انت السبب شلون؟ عبدالله: ماادري بس قولي منو البنت بسرعة لاني والله مليت منك محمد وتذكر: أي عبير اهي الي صحت اما حور ال*** اهي بغيبوبة عبدالله غيبوبه غيبوبه حور حور حور :لااااااااااااااااااااااااا محمد وشك ان بالسالفة شي: عبدالله عسى ماشار شفيك ياخي عبدالله سكر التلفون بويه محمد وراح يركض برا بس شافة سعد لحقى ووقفه :اها عبدالله ماسئلت لان الدكتور للحين مو هني واهل عبير يسئلون عبدالله منزل راسة ومايبي يتلكم.. سعد: شفيك قوول الله يخليك عبدالله لازم يقول لان اهلها :عبير صحت واهي بخير بس شوية جروح((سعد ارتاح لان سعد يحب عبير ومحد يدري غير حور المسكينة ههه)) اما اما حور سكت سعد: شفيها حور.؟.؟.؟. عبدالله بتردد: للحين في غيبوبة ويمكن ويـــمـ سعد رفع عينة والدمع ينزل بسرعة منها:لااا شلون حور شلون بقول لامها شسوي انا ووين ارووح حووور لاااا ياربي حتى فرحت التخرج راحت منها ليش ياربي تعضبها جذي كافي انها غير عن الناس آهآهآهآها...وظل يبجي اما عبدالله تحير من كلمات سعد شيقصد غير عن الناس ومتعضبة ليش يعني فيها شي حور حياتها غير عن الناس او شنو.... ................................ ام حور قلبه يرجف خايفة ماتدري ليش تأخرت بنتها وو ومادقت مو من عوايدها.. وظل هالتساؤلات في بالها تدور وتحوس يبيلها احد يجاوب عليها... اما سعد كان عند الدكتور وشرح حالة حور واهو عقلة مو معاه عقل مع بنت اخته المسكينة واخته بعد الي ماديري عنها طلع من غرفة الدكتور وشاف بويها عبدالله وسئل..:: عبدالله انت وقفت معااي ومشكور ويزاكل اللله الف خير غيرك مايسوي الي سويته بس انت الحين روح شكلك تعبان روح ومشكور على الي سويت مرة ثانية.. عبدالله مع ان من النوع الغروري بس مايدري اليوم كلش ماصار فيه غرور او تكبر كانت حالة مزيج من التواضع ابتسم..: لايبا عاادي انا اعتبر نفسي اخوك من 3ساعات تقريبا والحين انا مابي اروح واخلي اخوي بروحه يصير ((يضحك)) سعد ارتاحلة حييل وحس فيه روح الصديق مع ان يدري ومتأكدر ان فيه نسبة غرور من شكلة ولبسة وتصرفاتة بس يحس في قلب ولكن قلب مقفول يبي من يبطلة لان اهو بروحه مايعرف..: كيــفك انت قلت واذا مليت يويلك مني زين.. ......................................... |
|
|
14-07-2007, 07:40 PM
|
#2 |
|
(حلا نشِـط )
 
|
رد: صدفة حــب......... قصو روعة ويديدة واول مرة تنزل صدقوني حلوة وموطولة ذاك الزود
ميرسي سيدة عمري على هالقصة الرائعة بكل معنى الكلمة
ننتظر جديدك دائما وباستمرار تقبلي مروري  مع تحياتي : رحــــــيــــــق الزهــــــــــور |
|
|
|
17-07-2007, 04:13 AM
|
#3 |
|
(حلا فعّال)
 
|
رد: صدفة حــب......... قصو روعة ويديدة واول مرة تنزل صدقوني حلوة وموطولة ذاك الزود
مشكوره أختي
على المجهود الرائع في انتظار الباقي لا تطولين علينا بلييييز أختك مسألة وقت |
|
|
|
19-07-2007, 07:55 AM
|
#4 |
|
نائبة الإدارة  
|
رد: صدفة حــب......... قصو روعة ويديدة واول مرة تنزل صدقوني حلوة وموطولة ذاك الزود
سيدة عمري
تسلمين على القصه الرائعه طرح واسلوب مميز -- يعطيج العافيه في انتظار باقي الحلقات تقبلي مروري |
|
|
|
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
العرض العادي
