|
|
|
|
16-09-2005, 05:41 AM
|
#11 |
|
(حلا متميز)
 
|
مشاركة: ((مشااااااااااااااااااعر لا تنتهي))
الجزء الراابع
بدر: مشااااااعل وشفيييييك قوليلي ليش تبكيين حبيبتي وشفيك مشاعل: ليش ماقلتلي ان ريما تكلمك بدر: حبيبتي هدي نفسك هي كلمتني مره تقولي انها تركت زوجها عشاني وانا كرشتها ودقت ثاني تقولي انها عرفت ايميلك وانك بنت مو كويسه وبرضو هاوشتها وكرشتها وانا توقعت انها هي لان محد بيدق علي حبيبتي مابيني وبينها شي وانا توني قلت اني مرتبط ولابينا منتهي من زممان حبيبتي لو تبين اغير رقمي ولاتزعليين مشاعل: لالالا عادي لاتغيره انا واثقه منك بدر: حبيبتي وشفيك تبكييين قوليلي يابعد دنيتي قولي مشاعل: بدر انا بالمستشفى بدر: وشتقوووووووووووولين وينك مشاعل: انا اقولك كلشي انا قلتلك اني بروح المستشفى وسويت فحوصات وقالي الدكتور تعاليلي بكره الي هو اليوم وانا جيته اليوم (قعدت تبكي) بدر: حبيبتي هدي نفسسك قوليلي وشفيك لاتبكين يابعد دنيتي قوليلي وشفيك مشاعل : وبعدين قالي خلي ابوك يجي وانا كلمت محمد يجي وقال ان عضلة القلب ضعييفه عندي وقعدت تبكي بدر:........................ ساكت والدموع بعيونه مشاعل: بدر اذا ماتبي تكمل معي انا ماجبرك تقعد عندي ولا ابي تقعد عشان تخاف علي انا عادي اقدر اكمل حياتي بدرماقدر وبكى من كلام مشااعل : كيف تقولين كذا يامشاعل كييف انتي عارفه اني احبك لييش تقولين كذا تعرفين اني ماقدر استغنى عنك ليش منتي واثقه من حبي لك مشاعل: انا اسفه حبيبي بس مابي اربطك معي وانا مريضه بدر: انتي مو مريضه احمدري ربك انتي بس عندك ضعف بعضلة القلب وكلها ادويه وتهتمين بصحتك وخلاص مشاعل: تبكي بدر: مابي اشوف دموعك فاهمه وابيك ترجعين مشاعل الاولى حقتي الي اعرفه وكلامك الي تو مابي اسمعه ولاتقولين انا مريضه وانا تبعانه انتي مافيك شي بعدين ياغبيه لازم تحبيني اكثر لان الحب يقوي القلب يعني مافي فكه مني انا جزء من علاجك مشاعل: ضحكت على خبالت حبيبيها بدر: ايه كذا ابيك حبيبتي القويه الي مياهزيها شي وتحبني طبعا مشاعل: ....... مستحيه بدر: تصدقين اني على قدماني فرحان عشانك كلمتيني على قد اني زعلان لان ماودي تكلميني بسبب هالضرف كنت ابي تكلميني لانك تحبيني مشاعل استوعبت الموقف: بدر انت عارف اني رافضه الشي هذا ومدري ومدري كيف سويته بدر: اسمعي ياشاطره مو تقولين ماراح اكلمك ثاني ومدري وشو لا حبيبتي خلاص انتي كلمتيني ورقمك عندي مافيها كلام بتكلميني فاهمه مشاعل: بس يابدر انت بدر قاطعها وصوته كله حب وحنان: حبيبتي انا ماصدقت سمعت صوتك وعذوبته ونعومته وحلاوته ماصدقت تكونين قريبه مني لاتمنعيني من هالشي ارجووووووووووك شعوولتي لاتسوين فيني كذا ارجووك مشاعل: مادري بدر: الا تدرين انك بتكلميني حبيبتي واقولك شي بس جربي اسبوع واذا ماعجبك نرجع للنت حبيبتي او مو كل يوم اكلمك من وقت لوقت بس لاتحرميني من هالشي يا بعد دنيتي مشاعل: طيب نشوووف بدر: يابعد عمري احبك احبك والله احببببك ماتتصورين وش قد فرحان اني سمعت صوتك احبك يابعد دنيتي مشاعل::::::::::::::::: مستحيه مشاعل: خلاص بدر انا لازم اقفل اللحين بدر:لالالا حبيبتي انا ماصدقت تكلميني مشاعل: معليش بدر انا بالمستشفى ومفروض ماشغل جوالي بس شغلته لاني كنت متضايقه والحمد الله ارتحت يوم كلمتك بدر: ياحبيتبي ماتتصورين قد ايش انا فرحان حبيبتي متى ادق عليك مره ثانيه مشاعل: ليش تدق خلاص مافي بدر: اقول اسكتي وش الي مافي خلاص ياجبيبتي رقمك عندي مافي مفر وانا ماصدقت تقوليلي مافي تسمعين فيها مافي مشاعل: اوف اوف زين زين انا متى ماقدرت كلمتك بدر: انشالله حبيبتي وانا استناك على احر من الجمر لاتطوليين مشاعل : انشالله تبي شي بدر : سلامتك قلبي مشاعل: الله يسلمك تصبح على خير باي بدر: وانتي من اهله احبك باي سكرت مشاعل التلفون وقعدت تفكر بالخطوه الي سوتها اذا هي صح او غلط بس هي من داخلها حاسه براحه على الرغم من انها عارفه ان تصرفها غلط وقعدت تفكر وتفكر لين مانامت ابو محمد: يا ام محمد يلا ترا البنت بلحالها روحيلها ام محمد: زين خلص بس اكمل اغراض بنتك نوره: خالتي خالتي ام محمد: هلا يابنيتي نوره: ترا هيفا كلمت وقالت انهم بيجون بكره ام محمد: الله يبشرك بالخيير بس عسى ماقلتيلها على مشاعل نوره: افا يااخالتي لالا ماقلتلها شي وبعدين كلها كم يوم ومشاعل طالعه وانشالله مافيها الا العافيه ام محمد: الله يسمع منك ااه يابنيتي توها صغييره على القلب مره وحده محمد: ها يمه ماخلصتي ابوي شاب تحت ام محمد: يلا قضيت قضيت .................................................. .......................................... طلعت مشاعل من المستشفى اليوم توصل هيفا بالسلامه من شهر العسل وطلع محمد وعبد الله يستقبلون اختهم بالمطار هيفا: فهد فهد شف هذاك عبد الله ومحمد فهد: اشوف البسمه رجعت وتو ماده بوزك شبرين كنك مليتي طال عمرك هيفا بدلع: فهههد لاتقول كذا انت عيوني الثنيتين لاتنسى هذولي اهلي وحشوني فهد وهو مبسوط انه رافع ضغط زوجته: ايه وحشوك الله لنا لو قعدت اسبوع ولا اسبوعين حتى لو شهرين ماراح تجيبين خبري اعرفك هيفا وبدت تعصب منه: ايه ماشالله عليك شلون عرفت ذكي فهد: من جد هيفووه هيفا : ايييه هلا باخواني بنور دنيتي فهده: ايه طلع الكلام الحلو هيفا : فهد اعقل محمد وعبد الله وهم يضحكوون: هلابك يانور الكون كله محمد: هلا فهد وشلونك فهد: بخيير ياوجه الخيير عبد الله : هلا فهد محمد: كيف سفرتكم انشالله ماتعبتوا بسفرتكم فهد: لا الحمد الله ماتعبنا والحمد الله انبسطنا ولا يهووف هيفا : ايه الحمد الله وراح فهد ومحمد يبجون الشناط وعبد وهيفا يسولفوون وركبو السياره وراحوا للبيت هيفا : يمه يبه وينكم ابو محمدد: هلا هلا هلا يابنيتي تعالي حنا هنا هيفا وهي تحب فوق راس ابوها ويده: وشلونك يبه مشتااااااقتلك ابو محمد: بخير يابنيتي انتي وشلونك وانشالله مرتاحه يابووك ومبسوطه هيفا : الحمد الله وين مشاعل وين امي ابو محمد: هلا يافهد وشلونك فهد : هلا عمي شلونك انت بشرنا عن صحتك والاهل انشالله كلهم بخيير هيفا: وييينهم يبه عبد الله: يمكن فوق ارقي شوفيهم تسمع اصواتهم بغرفة مشاعل وتدخل عليهم هيفا: السلام عليكم ام محمد مشاعل نوره : هلا هلا وعليكم السلام هيفا وهي تركض لحضن امها مشتاقه لحنانها ودلع امها لها: هلا يمه وشلونك مشتاقتلك يمه مشتاقتلك مابغيت ارجع عشاان اشوفك ام محمد: تشتاقلك العافيه يابنيتي وشلونك انشالله مبسوطه ومرتاحه وانشالله فهد مو مقصر علليك بشي يايمه هيفا : لا الحمد الله يمه مرتاحه ومبسوطه لاتحاتين نوره : احم احم حنا مالنا رب يعيني ولا ماشتقتيلنا هيفا: وشدعوه يانوره وه ياربي يازين هالكرييشه ها ولد ولا بنت نوره: تزوجتي ولا عقلتي اركدي وسلملي علي وعلى اختك هيفا : شعولتي وشلونك وشخباارك انشالله بخيير مشاعل: هلا حبيبتي الحمد الله ببخير ام محمد: هيفا وينه زوجك هيفا : تحت يمه ام محمد: انا بنزلهم تحت وانتي اذا قضيتي انزلي تحت عيب تتركين زوجك هيفا: يووووه يمه لاحقه على مقابلته نوره: يامسكييين يافهد من اولها هذي تقول عنك كذا ام محمد: ايه والله انك صادقه يانوره هيفا : يمااااااه لاتقولين كذا ماعليك من ذي الدبه ام كرش بكره يجي ولدها والله تنساك انتي وولدك ام محمد: زين ان صرتي مثلها هيفا : اقول مشاعل وشلونك وشخبارك وشفيك مصفره وقاعده بفراشك وسرحانه مشاعل: لا ياهيفا مافيني شي بس ارهاق شوي هيفا: كل هذا عشاني رحت عنك ياحبيبتي ياختي مشاعل شفتي وشلون .................................................. .............................................. نوقف الماضي شوي ونرجع للمستشفى ونشوف وش صار عليهم ولدت هيفا وجابت ولد وعشان ولد عمها وزوج اختها قررو يسمونه ناصر ومشاعل لسا ماصحت ولا عدت مرحلت الخطر لان القلب زي منتوا عارفين ضعيف وغير الكسسوور الي فيها الدكتور: ابو مشاعل وين ابو محمد: هذا انا بشر يادكتوور قول مشاعل وشلونها الدكتور : للحين ماعدت مرحلة الخطربس مشاعل بعد ماتشفى لازم تبقى عندنا ونبدى علاج طبيعي لها لان تعرضت لاصابه برجلها ويمكن تحتاج وقت لين ماتقدر تمشي عليها وانشالله خير بس في احتمال تلاقي صعوبه بالمشي ويمكن تصير تعرج بمشيتها ابومحمد: ايش تقول يادكتور مستححييل بنتي لالا مستحييل وكيف وليش مانتبهتوا الدطتور: هدي نفسك السبب ان الحادث كانت الخبطه على رجلينها وحنا سوينا المطلوب وانشالله ترجع سليمه وزي ماقلتلك احتمالات فقط بس حنا لازم نحط جميع الاحتمالات وعشان تكون بالصوره ياحي الكريم وادعو البنتكم خرج ابو محمد ودموعه تنزل من الي سمعه محمد: يبه وشفيه ابو محمد.......... محمد: يبه قولي مشاعل فيها شي يبه قولي تكلم ابو محمد: لا مافي شي محمد: يبه شف دموعك شوف شكلك يبه قولي مشاعل فيها شي يبه ارجوك ابو محمد: مشاعل يقول الدكتور ان مصابه برجلها محمد: كيف يبه ابومحمد: يعني يمكن ماتمشي ويمكن لو مشت تصير عرجاا محمد: لا مستحييل لا يبه لا مايصير يكفي زوجها مات وولدها نزلوه يصير فيها كذا بعد لا مستحييل ابومحمد: اذكر ربك يوليدي الدكتور يقول ان بيسون علاج طبيعي ويمكن ترجع طبيعيه مثل اول هذي احتمالات محمد: يبكي على اخته زي المجنون ويحضن ابوه ابو محمد: مابي امك تدري لايجيها شي هي الثانيه تعال نشوف اختك الثانيه ونشوف ولدها ولا تقولهم شي محمد: لا يبه انا ماقدر الحيين ماقدر روح انت ابوحمد: زين يابووك بس اذكر ربك وتذكر ان هذا قضاء وقدر __________________ |
|
|
|
|
18-09-2005, 03:14 AM
|
#12 |
|
(حلا متميز)
|
مشاركة: ((مشااااااااااااااااااعر لا تنتهي))
الجزء الخامس
راح ابو محمد لهيفا وقلبه يتقطع على بنته مشااعل ولكن محمد ماقدر يتحرك ولاخطوه قاعد على الكرسي وهو يبكي الم وحسره على اخته منصور: محمد وشفيك ياخوي محمد رافع راسه : هلا منصور هلا منصور : هلابك وشبلاك عسى ماشر الاهل فيهم شي محمد: اختي وزوجها صارلهم حادث .............. وقف وبدى يبكي منصور : هدي حالك واذكر ربك لاتسوي كذا بنفسك الدموع ماراح ترجع الوقت وتوقف الحادث الي صار قضاء وقدر بس انت هدي حالك وروح صلي ركعتين وادعلهم ربي يشفيهم محمد: ولد عمي مات واختي للحين ماصحت وهي بحالة خطيره وغير كذا يمكن ماتمشي يمكن تصير عرجه ومادري وش الي قاعد يصيرلها منصور: محمد استغفر ربك وعظم الله اجرك بزوج اختك وقوم يلا قوم معي صللك ركعتين واقرالك ايتين وبعدين الي صار قضاء وقدر وعسى ان تكرهوا شيئا وهو خيرا لكم وخل املك بالله كبيير وادعي ربك وبعدين انشالله ربي يشفي اختك وتعدي مرحلة الخطر وترجع مثل اول تمشي ولاتنسى حنا بعصر التطور العلم والطب مو مثل اول تطور كثثير ييلا قووم وانا ااخوك وتوضا وصلللك ركعتين ابومحمد: السلام عليكم ام محمد: هلا ها يابو محمد بشر وشقالك الدكتور على مشاعل بشر ابو محمد وهو يحاول يبعد وجهه عن عيون ام محمد لانها تعرفه وتقدر تقرى ملامحه: ابد يقول للحين هي على حااتلها وبس ويسألني على اشياء ثانيه وينه نصوور الصغير تدرون اني ماشفته وينه هيفا : بغرفة الاطفال ابو محمد: حفيدي قاعد بذيك الغرفه وليش مو هنا عندنا اكيد انه حلو على امه هيفا وهي تبتسم لأبوها : ياحبيلك يايبه وين فهد يسمعك ام محمد: ابو محمد متاكد مشاعل مافيها شي ابو محمد: ايه وشفيك يعني بكذب عليك الله يهديك ام محمد: طيب محمد وينه هو لحقك وينه ابومحمد: ايه راح يجيبلهه مو يه ام محمد: والله مدري حاسه ان فيه شي هيفا : يمه انشالله مافي الا الخيير ابومحمد: وينه فهد فهد: هذاني ياعمي هيفا: الطيب عند ذكره فهد: تسلمين يام ناصر هيفا : وش ام ناصر تبي تكبرني من الحين ابو محمد: هلا ياولدي قم ودني لناصر خلني بشوفه اكيد انه مزيون زي امه فهد: اكيد مايبيلها كلام نرجع للمااااااااااااااااااااضي ونشوف وشصار ................ ومررررررررررت شهريين مشاعل بدت تتاقلم على حالها وتاخذ ادويتها بانتظاام وتكلم ببدر كل يوم وتعلقووا ببعض بشكل خياالي بدر: شعولتي بكلمك بموضوع مشاعل: خخير في شي يابدر بدر:مشاعل اسمعي لاتتكلمين ولاتقاطعين ولاتقولين شي لين اخلص فاهمه مشاعل: فاهمه بدر: مشاعل انا احبك واموت فيك وخليني اكون صرييح انا ماقد حبييت بحياتي الا ريما وكلمت بناات كثثير بس ماقدرت احب او الاقي بوحده الصفات الي ابيها وحتى يوم بديت اتعرف عليك بالنت كنت باقي اكلم بنت كانت اخلاقها مره حلوه وكلشي فيها زين وتوقعت ان خلاص هذي ضالتي بس كنت احكي بالنت معك كل يوم وكل يوم كنتي تجذبني وتاخذين حيز من تفكيري لين مااستعمرتي قلبي عشان كذا يامشاعل باكون صريح ترا مافي ولد يقبل يقعد مع بنت ماتكلمه ولاتطلع معه ولا يقعد معها بأي مكان مهمها كان يحبها وطبعا مو نهاية كل حب لازم تكون الزواج كثثير يحبون بعض بس وقت الززواج مايكونون البعض مشاعل انتي معي مشاعل وهي منفجعه ماتدري وش السالفه: ايه معك بدر : زين المهم انا مقتنع فيك وصفاتك واخلاقك عاجبتني وابيها تكون بزوجة المستقبل مشاعل انا بالعربي ابيك زوجتي ولي لحالي انا مقتنع تماما فيك واحبك وكل شي ابيه بزوجتي وام عيالي لقيته فيك عشان كذا يامشاعل ابي اعرف انتي بنت مين وابي ردك اذا تبيني او لا مشاعل مصدومه من الكلام الي سمعته ماتدري وشتقول بدر: مشاعل مشاعل وينك مشاعل: معك معك بدر: مابي رد الحين فكري وبعدين ردييلي حبيبتي مشاعل: بدر انا مابي اتزوج مو منك انا خير شر مابي اتزوج انا مريضه وصعبه اتزوج وانا بهذي الحاله صعب بدر بعصبيه : انتي وشقاعده تقولين وش مريضته والكلام الفاضي الظاهر اني اعرف وشفيك وانا ماانجبرت ولا شي على قراري ولاتقولينلي عشانك تحبني لا الحب مو كل شي الزواج هذا قرار مصير وانا مقتنع فيك انتي مقتنع بعقلي قبل قلبي فهمتي الحين ولا تبين افهمك مشاعل: بس بدر صعب حياتي بتصير صعبه لاماقدر بدر: وش الي حياتي صعبه وماقدر ياحبيبتي ياعمري ياقلبي هذا الكلام كله الي تقولينه ماله معنى ولا شي حبيتبي انتي فكري بعدين رديلي ولا تقولين مريضه وكلام فاضي ابي سبب مقنع زين مشاعل: زين بدر: يلا حبيبتي انا بروح اودي ريم اختي لصديقتها وانتي ابيك تفكريين بعقلك يعني بمخخ مشاعل الي اعرفه مو تفكرين بدلع وكلام فاضي مشاعل: زين زين لاتعصب بدر: كيفي حبيبتي وبعصب عليها مشاعل: طيب بكيفك روح ود ريم قبل لاجي اكفخك بدر: تعالي اكفخيني واذبحيني يكفي ان يدك هي الي تكفخني احد يحصل مشاعل تكفخه ويقول لا مشاعل مستحيه................ بدر: وين رحتي كل هذا حيا مشااعل بدلع: بددددر خلااص بدر: اموت انا فيها ياناس احبها احبها مشاعل::::::::::::: بدر: طيب يالمستحيه اخليك الحين تامريني شي حبيبتي مشاعل: سلامتك بدر: باي مشاعل: باي مشاعل قعدت تفكر بكلام بدر انا صح احبه واتمناه يكون زوجي بس كيف اتزوجه كيف بتكون حياتي معه وانا كلمته واذا كلمته وشفيها كم سنه وانا اعرفه ويتمني اكلمه بس ولو اخاف تصير حياتي كلها شك وخرابيط فاضيه لالا بدر تفكيره مو كذا متحرر تفكيره وهو يحبني ولو لفيت الدنيا كلها ماراح القى رجال يحبني كثره ماراح القى رجال يتحملني ويدلعني ويحبني زيه يارربيييييييه وش اسوي مافي الا استخير وافكر بعقلي قبل قلبي نوره: محمد اه محمد قووم بسرعه يامحمد الحقني بطني بطني مو قادره يامحمد محمد يقوم مفجوع: وشفيك نوره وشصااير نوره : مدري بطني الحقني بمموت يامحمد محمد: طيب طيب يال قومي اوديك الدكتوره نوره: ااااااااااه بموت خلاص بسقط اه محمد: قومي البسي عابايتك ياخبله وش تسقطين وانتي بالسابع قومي محمد : الو دكتوره نهاد د. نهاد: ايوه من معي محمد: انا محمد عبد العزيز زوج نوره خالد د. نهاد : ايوه ايوه اهلا بااخ محمد محمد: يادكتوره نوره تتالم من بطنها مره يالمها والحين حنا جاين على المستشفى د. نهاد: ايش تقول خلاص تعال على الطوارئ وانا بعطيهم خبر هناك واول ماتصول عطني دقه عشان اجيكم هناك وصل محمد الطوارئ ودق على الدكتوره وصلتلهم وكشفت الدكتوره على نوره وكلمت الممرضه عشان ينقلون نوره لقسم الولاده حالا د. نهاد: معليش ياخ محمد لازم ننقل المدام قسم الاولاده الرحم مفتوح 10 سم محمد: يعني وشلون د.نهاد : يعني لازم تولد لان الطفل متجه للاسفل وزوجتك في حالة مخااض يعني طلق يعني ولاده محمد وقف مثل المسبوه مايدري وش يسوي وماتحرك ولا استوعب الا يوم شاف نوره بسرير |
|
|
|
|
18-09-2005, 03:15 AM
|
#13 |
|
(حلا متميز)
|
مشاركة: ((مشااااااااااااااااااعر لا تنتهي))
وينقولنها لقسم الولاد وراح وراهم
محمد: دكتوره بدخل معها زوجتي ابي اكون معها د. نهادد: انت بتقدر تتحمل نشوف الولاده وتتحمل صراخ زوجتك و منظر الطفل والدم زوجتك وولدك حالتهم صعبه يعني اذا مو قادر تتحمل خلك برا محمد خاف مايدري وش يسوي ودخلو نروه غرفة الولاد واخيرا فكر انه يكلم امه ويقولها الي صار محمد: اول يمه يمه الححقيني ام محمد: هو وشفيك ياوليدي عسى ماشر وشفيك ابومحمد سحب السماعه من يد ام محمد : اول وشفيه يامحمد محمد: يبه الحقني نوره بيولدونها ابو محمد: وشتقول كيف وليش وهي باي شهر مو السابع وشولن يولدونها محمد : مدري يبه مدري ابو محمد : طيب هدي نفسك الحين انا وامك نجي ونكلم ام نوره ونقولها ام محد: وشفيه وشصار قولي ابو محمد : نوره نوره تولد روحي جيبي عباتك وويلا امشي نروحلهم ام محمد: وشتقول تولد وشلون ابو محمد: مو وقت شلون انا بكلم امها وانتي جيبي عباتك ونادي عبد الله بسرعه ابو محمد: الو السلام عليكم خالد: وعليكم السلام ابومحمد: هلا خالد وشلونك خالد هلا بخيير ابومحمد: انا ابومحمد طال عمرك خالد: ياهلا والله وشلونك وشلون الاهل ابومحمد: كلهم بخخير ياخالد انا حبيت اقولك ان نوره تعبت وودها محمد للمستشفى والحين يولدونها خالد: بنتي وشتقول وش يولدونها توها وش تقول انت بنتي وشصاير فهمني ابو محمد: هد نفسك وانا اخوك انا ماعرف الا الي قلتلك هذاني رايحلهم للمستشفى وعبد الله جايكم بالطريق عشان ياخذكم خالد : لاحولا ولا قوة الا بالله زين زين ابو محمد: فمان الله خالد: فمان الكريم وصل ابو محمد وام محمد للمستشفى وراحو ا لمحمد الي حالته كانت لاتسر لاعدو ولاصديق ابو محمد: ها يولدي بشر وشش صار محمد: مادري مادري د. نهاد: مبرروك جاكم ولد محمد: بكيفه المهم نوره نوره وشلونها يادكتوره د. نهاد: الحمد الله بس شويه وانشالله ننقلها لغرفتها ابومحد: الولد وينه د. نهاد: الولد نقلناه للعنايه المكرزه عشان يقعد بالحضانه لاتنسى ياعم ان الولد صغيير وماجا بوقته فلازم يكمل باقي الايام بالحضانه لانها مجهزه مثل رحم الام تقريبا وادعوله انشالله اذا مرهالاسبوعين على خير باذن الله كل ششي يعدي ام محمد: وش اسبوعينه وشتقولين انتي د.نهاد: ياخاله ولادة السابع كثثير تصير ودايم يسمونهم الاطفال الخدج وانشالله بيعيش بس هي فتره معينه وانشالله تعدي عن اذنكم اطمن على الاخت نوره خالد وهو يرككض باتجاه ابو محمد : وشصار نوره وينهي ونهي ابومحمد: هد نفسك وانا اخوك الحمد الله نوره ولدت وجابت ولد وهي بخيير تو الدكتوره مطمنتنا عليها خالد: لازم اشوفها الحين طلعو نوره لغرفتها والكل شافها واطمن عليها وعلى صحتها والولد نسوه لكن لحظظه تدرون مين راح يشوفه ويطمان عليه عبد الله الدكتور: زي مافهمتك ياخ عبد الله شوف الاطفال الي بالاسره العاديه هذا الولد 6شهور كمان مو 7 وهذي البنت 7 وبرضو الي جنبها كمان 7 والحمد الله هي فتره وتعدي صح اننا بيبقى على جهاز التنفس مدة اسبوع تقريا بعدين بنحطله اكسجيين وانشالله الفتره تعدي عبد الله : طيب ليش جهاز تنفس واكسجين وليش كل هذا الدكتور: لان في ماده تتكون حوليين الرئه هذي الماده هي الي تحافظ على الرئه وتحميها وتساعد على التنفس وهذي الماده غالبا ماتتكون بالاشهر الاخيره واحيان يوولدون بالتاسع وتكون الماده مااكتملت طبعا حنا عطينا الطفل ابرة تنشط الرئه وانشالله بيتحسن وياليتك تطمن ابوه وامه وان كثثير اطفال يجونا اصغر واسوااء بكثثير عبد الله : اوكي شكرا يادكتوور راح عبد الله يتحمد لزوجة اخوه على سلامتها وفهمها كل شي مر شهر على ولادة نوره طبعا هي راحت بيت اهلها وصارت كل يوم تروح هي ومحمد لولدهم عبدالعزيزعلى اسم ابو محمد وهيفا فبيت زوجها وعبد الله ومشاعل لاهين بدراستهم لكن اليوم مشاعل متنرفزه ومتضايقه من الجامعه لانها ماحلت زين بالاختباروفوق هذا تهاوشت مع بدر وخلاص مالها خلق شي طبعا ابو محمد حس ان مشاعل فيها شي حاول يسالها يفهم منها بس ماوصل لشي راحت تنام ويدق بدر مره ثانيه بدر: الو مشاعل مشاعل: نعم في شي بدر بعصبيه انتي كيف تكلمني كذا بهذي الطريقه مشاعل: انا مارفعت صوتي ولاتعديت حدودي ولاقللت ادبي عليك ممكن تتفضل تقول الي عندك لاني جد تعبانه وابي انام بدر: يعني ماتبن تكلميني مشاعل: بدر انت وشفيك تبي تقولني اشياء انا ماقلتها قلتلك قول الي تبي وخلاص بس هذا الي قلته بدر تراني تعبت منك على كل شي تحاسبني وترفع صوتك علي تغلط علي وتتصرف باسلوب مو زين تراك تكلم بنت ومفروض هي حبيبتك مو واحد من اصحابك بدر: وش سويتلك انا الحين كلهذا عشان قلتلك تكلمي معي زين كلهذا عشان قلتلك انا برا البيت ولا اهتميت انك متضايقه وتبين تتكلمين مع اي احد وش شايفتني مصلح اجتماعي لك مشاعل: ............... بدر: اتكلمي انا مو بزر عندك تسكتيني ولاتسوين الي ابي مشاعل: انا ماسوي الي تبي كل شي طلبته نفذته لك انت ليش ماتقول كلمة شكرا لي علي اي شي سويته دايم تقولي انتي ماعمرك سويتي ماعمرك تنازلتي انتي ماتحبيني ودايم تطلع فيني عيوب الدنيا واسكت عشاني ادور رضاك وتجي تقولي كذا انت الي ماتحس بلي اسويه انا تعبت اذا بتقدر وتشوف وتحس وبلي اسوي عشانك تعال كلمني الحين انا تعبانه وبنام بدر: مع السلامه روحي نامي خلي النوم ينفعك قفلت مشاعل وهي تبكي من تصرفات بدر الغريبه والمشكله اني ماسويت شي صاير بس يعصب على كل شي برجع ادق عليه وانهي المشكله وخلاص بدر: وشتبين اخلصي مو فاضيلك ولافاضي لدلعك مشاعل: ايش؟ بدر: الي سمعتيه يلا وشتبين مشاعل: خلاص بدر مو لازم المشاكل بس انا يوم قلت حبيت ابينلك تصرفاتك متغيره وبس وخلاص انسى الي صار ترا الاسبوع هذا كله وحنا بس متهاوشين بدر: علمي نفسك انتي الي مايهمك شي الا الي تبين وبس ولاتجين تتهميني بكل شي مشاعل: خلاص قلنا بدر: لا لما تتادبين وتعرفين تحترمين كلمة الرجال الي قدامك كلميني مشاعل: اييييييييش؟ بدر: الي سمعتيه مشاعل: اوكي شكرا بدر تبي شي بدر: سلامتك باي......... وقفل اللتلفون بوجه مشاعل مشاعل قفلت وقعدت تبكي لمدة ساعه ويدق تلفونها وهي على بالها بدر ويطلع رقم غريب وترد مشاعل: الو المتصل وكان صوت انثوي: مشاعل مشاعل: ايه من معي المتصله: انتي تحبين تخربين علاقة حب بين اثنين وتخليهم يبعدون عن بعض بسببك مشاعل: انا مو فاهمه شي ممكن افهم المتصله بانفعال: انتي اخذتي بدر مني بدر يحبني وانا احبه وانتي الي خربتي الي بين وبينه انتي الي سرقتيه مني وانتي الي خلتيه يلتزم معك بكلام ولايقدر يتراجع فيه لانه مايحب يجرح احد وعشان كذا هو متحملك ومتحمل تصرفاتك وكل شي منك ابعدي عنه وخليه يعيش حياته خليه يرجع للبنت الي يحبها واتركيه وقفلت المتصله ومشاعل كانت منصدمه من الي سمعته كيف يكون هذاالشي صدفه ويجي بنفس الوقت الي يكون بدر فيه متغير معقول بدر مايحبني معقول كان يكذب لالا بس هو تغير وبدت تبكي بانهيار لين مابدت تحس بضيق بنفسها ووالم بصدرها وبيدها اليسار وبدا يثقل جسمها كانت تبي تصرخ بس ماقدرت كلمت بالتلفون على عبد الله وماقدرت تنطق غير الحقني عبد الله: اللو اللو مشاعل عبد الله طلع منن الديوانيه الي برا يركض على البيت وينادي باعلى صوته: يبه يبه يمه محمد محمد: وشفيك ياعبد الله عبد الله: مشاعل وينهي كلمتني تقولي الحقني وقفل التلفون محمد يركض لغرفتها ويدخل يلقاها طايحه جنب سريرها : مشاعل مشاعل قومي ابومحمد: وشفيكم مشاعل وشفيها بنتي عبد الله يبعد اخوه وابوه ويشيل اخته ويوديها لسياره ويلحقه ابو محمد ومحمد بسيارة محمد انشالله عجبكم الجزء وبانتظار ردودكم الحلوه.. تقبلوا ارق واعذب تحيه.. |
|
|
|
|
18-09-2005, 05:15 AM
|
#14 |
|
][§¤حلا ذهبي ¤§][
 
|
مشاركة: ((مشااااااااااااااااااعر لا تنتهي))
قسة في غاااااااااااااااااية الروعه
بنوتة ابوهااا ننتظر التكملة تحياتي لك : البريئة :cool: |
|
|
|
|
18-09-2005, 06:46 AM
|
#15 |
|
(حلا فعّال)
 
|
مشاركة: ((مشااااااااااااااااااعر لا تنتهي))
:p تهبل القصة
كمليها وربي مررره تاثر كاني قاعده اتفرج في مسلسل كويتي :p :p :p |
|
19-09-2005, 02:09 AM
|
#16 |
|
(حلا متميز)
|
مشاركة: ((مشااااااااااااااااااعر لا تنتهي))
يسلموووووو البريئه على المتابعه:)
هلا فيج سحر ومشكووووووره على مشاركتج وان شاء الله بكملها |
|
|
|
|
19-09-2005, 03:51 AM
|
#17 |
|
(حلا متميز)
|
مشاركة: ((مشااااااااااااااااااعر لا تنتهي))
دخلو ا الطوارئ ودخلو مشاعل عشان يفحصوون عليها بعد ساعه تقريبا خرج الدكتورر
ابومحمد: بشر يادكتور البنت وشفيها الدكتور : انت والدها ابو محمد: ايه الدكتور: البنت زي منت عارف عندها ضعف بالقلب وهي لازم ماتجهد نفسها كثير هي تلقت ضغوطات اليوم من احد او شي ابومحمد: لا بس كاانت متضايقه لانها محلت بالاختبار بس الدكتور: هي المفروض لما تحس بضيق والم بالصدر واليد لازم تخفف عن نفسها لو كانت تعمل مجهود وتاخذ الحبه الي وصفتها لها حتى تساعدها لان لوماجبتوها كان ممكن تموت ابومحمد: موت لالا وشتقول انشالله بنبعدها عن اي ضغووط واي مجهود وننتبهلها زين نقدر نشوفها الحين الدكتور: ايه تفضل ممكن تاخذونها معكم البيت بكره بس لين مانتاكد انها سليمه ابومحمد: سلمات سلمات ماتشوفين شر طيحتي قلبي يابنتي مشاعل: الله يسلمك الشر مايجيك يبه اسفه محمد +عبد الله:- سلمات ماتشوفين شر يامشاعل مشاعل: الله يسلمكم الشر مايجيكم ابومحمد: وش مضايقك ياحبيبتي وش الي وصلك كذا معقول كل هذا من اختبار مشاعل: مدري يبه بس خلاص الدكتور فهمني وش لازم اسوي وانشالله انتبه ولااخوفكم مره ثانيه ابومحمد: انا مابي اضغطط عليك بس متى ماحبيتي تقولين الي فيك امك اخك واخوانك وانا موجودين احكي تكلمي انت عارفه صحتك ماتسمح انك تكتميين بنفسك وتتحملين ضغوطات مشاعل: انشالله يبه بس ارجووك لاتزعل مني ولاتشيل هم تاكد اني ماراح اكتم بنفسي وتاكد اني بنتبه لنفسي اكثر ام محمد كانت مصدعه واخذت حبوب ونامت ماتدري كم نامت ولاتدري عن شي فلما صحت مالقت احد بالبيت: حكمت حكمت حكمت: نعم عمتي ام محمد: وين راحوا العيال حكمت ماتدري وشتقول هي عارفه ان ام محمد فيها الضغط: ماعرف ماشفت احد ام محمد: هو وين راحو خلاص روحي حكمت راحت تشوف مشااعل مالقت احد بالغرفه جوالها بالارض بدت تشك ان صاير شي وتروح لغرفة عبد الله ومحمد ابو محمد ولاحد فيه اكييييد فيه شي يدق الجرس وتصير هيفا جايه تتغدى عند اهلها اليوم هيفا : هلا حكمت وين امي حكمت : ستي تعالي تعالي هيفا وشفيك حكمت حكمت: مشاعل تعبت واغمى عليها وودها عمي ومحمد وعبد الله للمستشفى وامك تدور عليهم بس قلت اني ماشفتهم هيفا : وش تقوولين مشاعل وشفيها حكمت: ماعرف هيفا : طيب طيب انا اتصرف هيفا : اللو عبد الله: هلا هيفا هيفا : وينكم مشاعل وشفيها عبد الله : مافيها شي بس تعب وارهاق وابوي جايكم هو ومحمد بالطرييق وهو يقولكم كل شي هيفا : كم يبيلهم ويجون اممي منهبله ولاقلنالها شي عبد الله : زين هم شوي ويوصلوون هيفا: زين مشاعل وينهي بكلمها اطمن عليها عبد الله: الحين هي نايمه اول ماتصحى اخليها تكلمكم هيفا : طيب انا بروح اشوف امي هيفا: يمه يمه ام محمد: هنا انا تعالي بسرعه هيفا وهي تحب فوق راس امها : هلا يمه وشلونك ام محمد: بخيير يمه اخوانك وابوك مو موجودين ياربي مدري وينهم قلبي ماكلني عليهم هيفا : لا يمه لاتقلقين انا قبل شوي مكلمه ابو ي وعبد الله وقايلتلهم بجي اتغدى عندكم لاتقلقين يمه ام محمد: مشاعل مفروض انها جايه من الجامعه اغراضها موجوده وهي لا هيفا: يمكن بالحمام ولا فوق بغرفتها الثانيه قاعده ترسم ام محمد: اي والله نسيت اشووف هيفا : خليك يمه وشوله تروحين الحين هي اكيد بتنزل حكمت : عمتي عمي ابوممحمد جا هيفا : ها مافيهم الا العافيه ام محمد: الحمد الله انا بروحلهم وانتي نادي اختك هيفا انشالله يمه ام محمد: هلا والله بنور البيت خوفتوني عليكم صحيت ومالقيت احد ابومحمد: انتي الله يهديك لو واحد ماشفتي تبدين تاكلين بعمرك هدي حالك ام محمد: ابو محمد وشفيك محمد: هلا يمه شفتي ابوي حبيب قلبك ونسيتني الله لنا بس خلني اروح لنوره تجبر بخاطري ام محمد: لا ياوليدي وششدعوه بس ابوك راس المال ابومحمد: بعدين خلاص امكم دلعتكم لين ماشبعتوا خلاص الباقي لي هيفا : هلا يبه ابو محمد: هلا فبنيتي وشلونك هيفا: بخيير يبه انت شلونك هيفا: وشلونك محمد محمد: بخيير انتي وشلونك وشلون فهد هيفا/ الحمد الله انا ويه بخير ام محمد: وين اختك الكل سكوت:............. ام محمد: وين اختك ابو محمد: ياام محمد هدي انا اقولك وين مشااعل ام محمد: بنتي وشفيها وينهي ابومحمد: وشفيك الحين اقولك بس اقعدي ام محمد هذاني قعدت وينهي بنتي ابو محمد: مشاعل تعبت شوي ووديتها المستشفى وطمني عليها الدكتور وقال بس ضغووط وارهااق وانشالله بتطلع اليوم ام محمد: خذوني لها الحين الحين ابو محمد: وشفيك انتي خلينا نتغدى وبعدين نروح ام محمد: وانا منوين بتنزل لقمه فيني ابي اروح لبنتي ابومحمد: اهدي الحين هي نايمه والله كل الي قلتلك هو الصدق ومحنا مخبين عنك شي طبعا ام محمد استسلمت وراحت تقول لشغاله تحط الغدا وبهالوقت بدر انبه ضميره على مشاعل ويدق عليها وجوالها مقفل طبعا استغرب اول مره جوالها مقفل مو منعادتها اذا زعلت تسوي كذا بس من حقها الحين البنت تحبني ولو اطلب عيونها سوتلي وانا ناشبلها وغاثها ياربي متى تفتح جوالها وقعد مع افكاره وهمومه يبي يرضي حبيبته ويبي يغر نفسه عشان هي ماتستاهل الي يسويه فيها وبنفس الوقت ريما قاعده تحس بلذة تصرفها وخصوصا انها كلمت مره ثانيه ولقت جوال مشاعل مقفل فبدت تحس ان كلامها اثر بمشااعل مر اليوم والحين مشاعل بتطلع من المستشفى بدر قاعد بضيقة صدره وهمه وحزنه بسبب الي صار وريما بسعاده لاتوصف ريما: الو بدر بدر: نعم وشتبين ريما: حرام عليك تعاملني كذا انا كنت بسلم عليك وبس خلاص انا تاكدت انك ماراح تكون لي بس حبيت اطمن عليك بدر: شكرا ريما:العفوا كيفك وكيف حبيبتك بدر: الحمد الله كلنا بخير ريما: بدر وششفيك متضايق بدر: مافيني شي ريما: انا اعرفك يابدر لاتنسى ان كان بينا شي يعني نعرف بعض بدر: مافيني شي يلا تبين شي ريما: سلامتك بس اذا حبيت تحكي لاحد انت تعرف تدق علي بدر: باي ريما : باي نوره: هلا مشاعل نور البييت كذا تخوفينا عليك ولاتبين تشوفين غلاتك مشاعل: منور باهله تسلمين نوره محمد: ايه الظاهر تبي تشوف غلاتها ابومحمد: كلكم غالين علي محمد تعال ابيك بالمكتب محمدباستغراب: انشالله يبه ابومحمد: سامع ياولدي هذي صوره عن ملف مشااعل ابيك العصر ترسله لمستشفى همرسميث بلندن وموبس هذي ارسل لك المستشفايات بلندن وامريكا والمانيا انا ماقدر اشوف بنتي كل مره تذبل اكثر من المره الي فاتت ارسلها وشوف وشيقولون محمد: يبه ليش ارسل الحمد الله الطب تطور عندنا ليش نرسلها برا ابومحمد: ادري بس بنتي ماراح تعيش كذا على ادويه حتى لو اطريت لو نسيولها زراعة قلب المهم بنتي تشفى محمد: يبه مو لهدرجه ابومحمد: الا لهدرجه بتشوف وبتحس بمشاعري كل مره يكبر فيها ولدك صالح وترتبط فيه اكثر محمد: انشالله يبه لاتحاتي بسوي الي قلتلي وانشالله خير ام محمد: يابنتي ليش ماتاكلين مايصير كذا ناصر: يبه عمي صالح يوم جاك وشكان يبي منك وشكله كان متضاايق ابوناصر: مافي شي لاتقعد تفكر ناصر: يبه الا فيه وشصاير ابو ناصر: مشاعل ناصر : يبه لاتقولي انخطبت ابوناصر: لالا ياولدي تعبانه ناصر: تعبانه وشفيها يبه وشفيها ابوناصصر: عندها ضعف بالقلب ناصر: يبه وش تقووووووووووول مستحييل ابوناصر: هذا الي صاار و عمك فكر يرسل اوراقها لبرا عشان معد يتحمل يشوف بنته كذا ناصر: يبه اانا ابي مشاعل يبه ارجع كلم عمي ابو ناصر: الحين مانقدر مشاعل رافضه الزواج بعد ماعرفت الي فيها وابوها مايقدر يضغط عليها ناصر: يبه مايصير ابو ناصر: وش الي مايصير البنت هذي حياتها وهي حره ناصر: ادري انها حره بس انا ابيها بصونها وبحطها بعيوني ابو ناصر: لاشك فيك ياوليدي بس مانقدر نغصب البنت هذي حياتها وارجوك ياولدي مابي احد يدري عشان عمك وعشان مشاعل ناصر بحزن: انشالله دخلت مشاعل غرفتها وراحت عشان ترتاح وشافت جوالها مقفل فكرت تفتحه بس ليش عشان تنصدم بحبها الي سوت كل شي له الي خانت ثقة الهلها عشانه وبالنهايه يطلع باقي عايش بحبه الماضي وقاعد معي عشان كلمه قالها بس كيف انا اصدق البنت الي كلمت وليش اصدق لو كان كلمه قالها ليش يعرض علي الزواج خليني افتح التلفون فتحت التلفون وهلت المسجاات على مشاعل (مشاعل حبيبتي اول ماتفتحين جوالك لوسمحتي كلميني ارجوووووك) (مشااعل والله اسسسف سامحيني والله اتغير عشاامك) مشاعل انا احبك وامووت فيك سامحيني اول ماتفتحين جوالك كلميني) يدق التلفون بالهوقت ومشاعل متردده ترد او لا وقررت ترد بدر: الوو مشااعل مشاعل: هلا بدر:مشااعل وينك ليش رحتي وخليتيني مشاعل انا طول عمري اغلطت وانتي قلبك كبير ويسامح ليش خليتني انا كلمت بعد ساعه او ساعتين للقيت جوالك مقفل مشاعل سامحيني انا مابي ازعلك ولا اغلط اوعدك اني اتغير واصير احسن وبحاول ارضيك بكل ماقدر بس سامحيني عطيني فرصه ارجووك مشااعل مشاعل:.................. بدر: مشاعل وشفيك وينك مشاعل ردي ارجوك مشاعل: حصل خير بدر: مشاعل ابيك تسامحيني من كل قلبك مابي كلام بس مشاعل: انت باقي تكلم ريما بدرمصدووم من كلام مشاعل: وشدخل ريما مشاعل بعصبيه: رد علي باقي ولالا بدر: انا ماكلمها بس هي تكلمني من وقت لوقت بس اني ماخذ واعطي واقفل على ططول مشاعل: بدرو يكفي كذب خلك صريح معي انا عرفت كل شي بدر: مشاعل انتي وشتقولين لاتفكرين ان بيني وبين ريما شي لو بين وبينها شي ليش اجي اقولك ابي اتزوج ليش يهمني رضاك كان اقول بالطقاق الي جابها جاب غيرها وقضينا مشاعل: حضرتك بعد ماقفلت مني بشوي كلمتني ريما بدر: ريما انتي متاكده ومن وين بتجيب رقمك مشاعل: مدري عنك بدر: مشاعل وشتقولين انتي يعني انا عطيتها مثلا توني دريت اني بهالغبااء يعني مشاعل: من وين يعني بتجيبه بدر: لو اعرف مسالتك ياعبقريه المهم وشقالت لك مشاعل: يهمك تعرف بدر: لامايهمني بس يهمني ادافع عن نفسي لو قالت شي عني غلط ولا انتي شايفه غير كذا مشاعل: قالت اني انا افرق بين الي يحبون بعض وانك انت تحبها وهي تحبك بس انا الي واقفه بينكم لانك عطيني كلمه وانت ماتحب تجرح احساس احد بدر فاطس ضحك: انا ماحب اجرح والله ياحليله توني ادري اني طيب ورومانسي لهدرجه مشاعل بانفعال بسبب ضحك بدر: بدر لاتطنز يلا دافع قول الصدق انا من امس لليوم بالمستشفى بسبتك انت وريما وشتبي انت مني اذا كان كلامها صح روح وخلني اناانسانه مريضه مرضيه بدرمنصدم: مشاعل انتي وشتقولين مشاعل بتأنيب ضمير على الكلام الي قالته: مدري مدري انت مو قلت تبي تدافع ممكن تدافع بدر: مشاعل انتي معقوله مصدقتها حبيبتي انا احبك انتي لو زي ماقلتي عشاني ارتبط معك بكلمة احبك ليش اعرض عليك الزواج لو انا مابي اجرحك صح اولا لو انا ماحب اجرح ومهتم لاحساسك ليش اضايقك وازعلك مني حبيبتي انا احبك واذا مو مصدقه |
|
|
|
|
19-09-2005, 03:53 AM
|
#18 |
|
(حلا متميز)
|
مشاركة: ((مشااااااااااااااااااعر لا تنتهي))
مستعد اغير رقم جوالي مستعد الحين اجي واخطبك واذا مو مصدقه مستعد اعطيك جوالي وشوفي اعطيك فاتورتي وشوفي اذا انا باقي اكلمها او لا
مشاعل: ساكته بدر: مشااعل حبيبتي قولي صدقتك وريحيني مشاعل ترا ريما تبي تفرقنا لانها كلمتني امس تقولي حبيت اطمن وانا عارفه انك مو لي ومن هالكلام تبيني اثق فيها عشان لما تجين تقولينلي ريما قالت كذا ماصدقك بس انا اعرف ريما من ااول هي انانيه وتحب كل شي لنفسها وبعدين كيف تتوقعيني بحب وحده ثانيه وانا عارف ان لو الف الدنيا ماراح القى وحدده تحبني كثرك ماراح القى وحده فيها كل شي انا احيانا اخاف احسد نفسي من كثر مانا محظوظ بعد ريما وبعد ماراحت مني فشلت بدراستي ورسبت وحسيت ان احلامي طموحي حتى الاحساس فيني مات ماتوقعت اني برجع احب او افكر اعيش الحب مشاعل انا كلمت بنات كثير بس ماتوقعت اني بحب لكن حبيتك وحبيتك بجنون حبيتك بكل المشاعر الي عندي كل نقطه بدمي تقول احبك مشاعل انا ابيك لي ابيك العمر كله مستحيل اني اتخيل حياتي بدونك مستحيل اني اتخبل اني احب بعدك مشاعل ماعليك من كلام ريما عليك من كلامي انا مشاعل:........... بدر: مشاعل انا اسف سامحيني ارجووك مشاعل: خلاص سامحتك بدر: احبك يامشااعل احبك والله احبك والي خلقني احبك ومابي غيرك بالدنيا هذي كلها بدر: الا تعالي تو تقولين بالمستشفى وشتقولين اكيد تمزحين مشاعل: لا مامزح بدر: انا السبب مشاعل: لا بس الضغوط كلها تجمعت مع بعض بدر: كيف تجمعت قوليلي وش صار بالضبط مشاعل: متهاوشه معك وانت متغير من اسبوع وماحليت زين بالاختبار وانت كلمتني وزدت الطين بله وجت ريما كملت الناقص بدر :........... مشاعل : بدر وينك خلاص انا الحين كويسه بدر: مشاعل ليش ماتنتبهين ليش كل شي تفكرين فيه وتخلينا ياثر عليك ليش ابيك تنتبهمي لنفس مشاعل: انشالله بس الاحساس مو بيدي بدر وصوت يرتجف من البكي: مشاعل انتي عارفه لو جاك شي اني بموت ليش تسوين كذا مشااعل ارجووك تنبتهين وماتخلين شي ياثر عليك واسمعيني اي رقم غريب ياوليك تدرين فاهمه ريما تبي تفرق بينا وانا بوقفها عند حدها فاهمه مشاعل: فاهمه بدر:تغديتي طبعا لا ماتشتهين مشاعل: انا قلت برتاح وانام واذا صحيت اتغدى بدر: مشاعل ترا هذا الدلع ماعاد ابيه فاهمه ابيك تنتبهين لحالك الحين بخليك تنامين ولما تصحين تتغدين وتكلمني زين مشاعل: زين بدر: يالله حبيبتي تامرن شي مشاعل: سلامتك بدر: نوم العوافي حبيتي وعمري باي مشاعل: الله يعافيك باي هيفا: فهد حبيبي لوسمحت عادي اروح لاهلي اليوم فهد: حبيبتي اليوم خميس اقدي معي هيفا: طيب بس اروح شوي اطمن على مشاعل فهد: رحتيلها بالمستشفى امس وتطمنتي هيفا: فهد انت عارف ان مشاعل مريضه عندها ضعف بعضلة القلب وودي احسسها اني جنبها واني مانسيتها فهد: وشتقوووووولين عيدي عيدي ماسمعت زين هيفا: وشفيك فهد: انتي عارفه ان عمتي تبي مشاعل لولدها هيفا: اي وحده من عمات فهد : عمتي ساره هيفا : طيب واذا فهد: ولدها لو عرف بيعي هيفا بعصبيه: وليش وشفيها اختي ولدعمتك لو يلف الدنيا مايلقى ربع اختي فهد : وشفيك عصبتي انا اقول بس يعني مدري بعدين اصلا يمكن مشاعل تعي منه لانه عصبي شوي هيفا: اصلا مشاعل معيه ماتبي تتزوج فهد: خير انشالله وليش لاتقولين عشان الي فيها هيفا: ايه فهد: مو صاحيه اختك في ناس عندهم امراض اشد واشد وعاهات بعد واعاقات وتزوجو هيفا : ادري بس هي عنيده بعدين لوجا نصيبها بتاخذه المهم لاتضيع الموضوع بروح لاهلي فهد: يمه منك ماتنسين زين روحي بعد صلاة العصر وخمس بجي اخاذك زين هيفا : بس فهد : احمدي ربك اني وافقت هيفا : لاوالله فهد: خير انشالله هيفا : اشوفك مستقوي فهد: يهفوه اعقلي لاالحين كف اطيرك لبيت اهلك هيفا: ياليت بالمره يلبسني بعد عشان يريحني فهد: ههه تستخفين دمك هيفا : لا خفة الدم منكم طال عمرك فهد: ادري طال عمري هيفا: اقول خلني اقوم احط الغدا قبل يرتفع ضغطي فهد وهو مبسوط على حرمته اذا ارتفع ضغطها: ايه تراني جوعان مر شهريين ومشاعل تحسنت علاقتها مع بدر على الرغم من ريما ماقصرت بس ماقدرت تغير قلوبهم على بعض واليوم ولد نوره ومحمد يطلع من المستشفى والكل فرحان بطلعته محمدوشايل ولده صالح بحضنه والدنيا مو سايعته من الفرحه: السلام عليكم الكل : وعليكم السلام ام محمدوهي تصيح: عطني حفيدي عطني خلني اشوووفه هاته بعد عمري ابومحمد: وشفيك لاتصيحين هذا االولد طلع والحمد الله على سلامته ام محمد: لاتلومني يابو محمد هذي دموع الفرح مشاعل: يمه عطيني اياه شوي ام محمد: خذيه عساني اشوف عيالك انشالله مشاعل بحزن لانها عارفه مستحيل تتزوج خلاص: انشالله واخذت صالح شوي وعطته هيفا واستاذنت بتطلع تذاككر نوره: خالتي ترا اهلي بيجون يباركونلك بطلعت صالح بعد الكغرب انشالله ام محمد الله يحيهم يابنيتي محمد: يبه من بعد اذنك ابيك شوي بالمكتب لوسمحت ابومحمد: الحين محمد: ايه يبه ياليت ابومحمد: يلا تعال محمد: يبه انا ابيك بخصوص موضوع مشاعل الي طلبته مني ابومحمد: ايه كنت هاليومين افكر ابلموضوع بقولك عليه على بالي نسيت محمد: لا مانسيت طال عمرك وهذا الرد ردت علينا هذي المستشفى بلندن وقالوا في علاج وممكن جراحه بس لازم يعني تكون مشاعل عندهم عشان لازم فحوصات اول وهذي المستشفى رئيس وزراء بريطانيا سوا فيها عمليه بقلبه يعني المستشفى باذن الله كويسه وهذي بالمانيا برضوا كويسه ونفسي الشي عموما انا بودي التقارير لدكتورها واوشف وش يننصحنا ابومحمد: زين يابوك قولي وش يقولك وباذن الله لما يرد عليك الله لايعقونا بشر بعد رمضان نمشي لان تعرف مابقى شي على رمضان ومانبي نصوم متفرقين محمد: الي تشوفه وبنفس الوقت تكون مشاعل خلصت دراسه وتقدر تعتذر الترم الي تكون فيه برا ابومحمد: انشالله خير بس ياولدي ابي هذا الشي بيني وبينك ولابي مشاعل تدري عن شي تعرف هي حساسه ومابي تتاثر بشي محمد: انشالله يبه خالد: السلام عليكم بدر+ فيصل+مشعل: وعليكم السلام فيصل : وينك وشفيك ماتدر على جوالك خالد: هذاني المهم ماوديكم بالويك اند نروح لشرقه والبحرين مشعل: اوووه ياشيخ كنك تقرى افكاري خالد: وانت يابدر وفيصل وشرايكم فيصل: انا مع الخيل ياشقرا بدر: الي تبون خالد : خلص الاربعاء ماعندنا الا محاضره وحده وشرايكم نطنشها ونروح الثلاثاء بعد الجامعه بدر: والله فكره انا ماعندي مانع فيصل وانا علي اعزمكم على الي سهره في الرتزكارلتون مشعل: يعني مسوي ولد نعمه فيصل : احمد ربك اني بعزمكم بدر: ايه خله لايهون خالد: خلص انا بكلم حسنين ينظف الشقه عشان نروح فيها بدر يدق تلفونه بدر: الو مشاعل: هلا بدر بدر: دقيقه دقيقه بدر: شباب عن اذنكم بدر: هلا حبيبتي مشاعل: هلا فيك بدر: وشلونك وشفيك العصر ماتردين مشاعل: اليوم طلع صالح ولد اخوي وولهينه معه وكنت تاركه تلفوني فوق بدر: مو مشكله حبيبتي ترا يمكن اطلع مع العيال لشرقيه ولابحرينن مشاعل: وشيوديك بدر: نروح ننبسط ومنها نغير شوي عن جو الدراسه ومنزمتن ماش................ وسكت مشاعل: كمل ليش سكت بدر: وشاقول مشاعل: ماتوقعتك كذا وهذا انا قاييلالتك اني اكره الي يشربون وانت مسوي فاهم وتقولي كلامك صح وانت تشرب بدر: حبيبتي اسمعي انا ماشرب مو مدمن انا من وين لوين اشرب مشاعل: انشالله تشرب بالسنه مره المهم انك تشرب بدر: حبيبتي يختلف لما اشرب ولما اكون مدمن مشاعل وهي تذكر سالفة عبد الله اخوها وكيف ابوها زعل: اسمع يابدر لاتظن اني ممكن اوافق على واحد يعسل ولا يشرب حط هالشي براسك زين بدر: مشاعل وتشقولين ماكان هذا كلامك على المعسل مشاعل: والحين صار اختار بيني وبينهم بدر: اوكي شراب ماشرب بس و وشدخل المعسل مشاعل: هذا الي عندي بدر: انتي وشفيك مشاعل: انا ولا انت وين الصدق قولي وينه؟؟ بدر: وش صدقه كلها عشاني قلت ماشرب وانا ماشرب ولاعمري رحت ادووره اذا صار موجود اخذت اذا لا عمري مادورت عليه ولا فكرت ادوره مشاعل: انا ماعلي انا قد قلتلك وقد انتقدت الي يشربون وللاسف صرت تطلع انت تشرب بدر: انتي غبيه ولاماتفهميين اقولك انا ماعتبر اشرب مشاعل: النتيجه انه دخل دمك وانتهى الموضوع بدر: مشاعل لاتربطين مصير علاقتنا باشياء تافهه مشاعل: الشرب مو شي تافه واذا تافه بالنسبه لك انا لا وستين لا ولاراح اقبل اتزوج رجال يشرب هذا لو وافقت اتزوج اصلا بدر: كذا يعني ماتفكرين تتزوجين اجل مالك شغغل فييني واشرب براحتي مشاعل: بكيفك بس لاشوفك فاتح معي موضوع الزواج لاني الجواب لا بدر: مشاعل خلي عندك عقل يفكر وشفيك كذا صايره مشاعل: مو صايره ولا شي الحق ينقال لو انك صارحتني من اول كان الموقف اختلف لكن انت طحت بلسانك بدر: يعني كذا مشاعل/ عن اذنك ابي اذاكر عندي اختبارات بدر: باي مشاعل: باي مريومين بدون لابدر ولامشاعل يكلمون بعض هي منقهره منه وهو منقهر منها وراح بدر لشرقيه وراح وشرب لانه منقهر منها لكن لما شرب ايش تتوقعون سوا؟؟ وهل مشاعل وبدر بينفصلوون؟؟ |
|
|
|
|
20-09-2005, 12:47 AM
|
#19 |
|
(حلا فعّال)
|
مشاركة: ((مشااااااااااااااااااعر لا تنتهي))
وايش صار فيه شديتيني عشان اعرف :mad: :mad: :mad:
بسرعه ردي القصة عن جد مره مثيره |
|
20-09-2005, 03:03 AM
|
#20 |
|
(حلا متميز)
|
مشاركة: ((مشااااااااااااااااااعر لا تنتهي))
لساعه 2ونص الليل يدق تلفون مشاعل
مشاعل ونصها نوم: الو بدر: وهو مفوقت ومضيع الدور الي فوق: مشاعل مشاعل وهي منصدمه من الصوت الي تسمعه: هلا بدر وشفيه صوتك بدر: مافيه شي انتي عيتي تتزوجيني وقلتي ماني متزوجه خير شر خلاص ليش ماشرب واوسع صدري خليني انبسط فيصل فيصل تعال تعال كلم خيوتي فيصل : هلا بخوية خويي مشاعل منصدمه من بدر وقفلت الخط ويرجع بدر يدق وقفلت تلفونها وقعدت تبكي من القهر ليش يسوي كذا قامت مشاعل تصلي ركعتين عشان تهدي حالها لانها وعدت ابوها وتخاف تتعب ولاشي ومر اسبووع ومشاعل مقفله جوالها ومن الجهه الثانيه بدر منهبل يدور عليها ومين الي قاعد يستغل الوضع ريما الي كل يوم تكلم بدر وتعرف اخباره هو ومشاعل من سسلطان صديق بدر بدر: الوو ريما: هلا بدر بدر: هلا ريما كيفك بدر واحشني.... عفوا مو القصد بدر: بخير انتي وشلونك ريما الحمد الله بدر: وشتبين ريما: بس حبيت اطمن عليك واشوف وشخبارك بدر: انا بخير ريما متاكد انك بخير ولا زعلان مع مشاعل بدر: وانتي وشدراك ريما: هي تعرف بنت خالتي وكل شي تقوله للبنات بس الي فهمته من بنت خالتي انها تكلم واحد انت تعرفه بدر: اسمعيني انا اعرف البنت اكثر منك ومستحيل تسوي شي زي كذا ويلا باي ريما: وشفيه ذا المتخلف قفل بوجهي اموت واعرف هذي وش مسويتله سفانه/ خلاص ياريما احفظي كرامتك واتركيه لاتنسين انه كان يحبك وكان بايع الدنيا لاجلك وكان متحدي اهله عشانك وانتي رحتي ركضتي ورى ولد عمك عشان غني وملياردير وعشانه شايب ماراح يهتم وانتي الي بعتيه بعد ماشبعتي من ولد عمك وماعاد يروقلك او بالاصح بعد مامرض تخليتي عنه ورجعتي توردين حبك القديم الي انيت بعتيه ريما: سفانه انتي وشتبين وشالكلام الي تقولينه انتي عارفه اني احب بدر منزمان وانتي عارفه اني كنت مغصبوه على ولد عمي سفانه: سبحان الله تكذبين الكذبه وتصدقينها ريما: ليكون حظرتك معجبه فبدر وتبينه سفانه: انتي ليش تفكيرك كذا لا ني معجبه ولاشي وانتي تعرفيني مالي بهالسوالف بس اقصد اني خايفه عليك وبعدين ليش تحرقين قلب برد وقلب مشاعل وانتي عارفه انهم يبحون بعض خلاص روحي لراكان الي انتي معلقته وهو بعد بايع الدنيا لاجلك مو اذا راح لوحده ثانيه تجين تقولين انا على بالي كنت احب بدر وطلعت احب راكان ريما بعصبيه : سفانه ليش ماتروحين بيتكم احسن سففانه : انا رايحه بس لاتلعبين بالنار وتحرقين نفسك بالنهايه باي .................................................. .................................................. ................... محمد: السلام عليكم ابومحمد: هلاوعليكم السلام محمد: وشلونك يبه ابومحمد: بخير محمد: انا كلمت الدكتور ونصحنا بلندن يقول انهم عالجواستقبلوا حالات كثيره تخص القلب ابومحمد:خلاص انا برتب كل شي وانشالله تخلص مشاعل اختباراتها وباذن الله نسافر محمد: طيب يبه وامي وشلون ابومحمد: انا اسافر مع مشاعل وانت خلك هنا عند امك وزوجتك وولدك محمد: الي تشوفه يبه عن اذنك يبه مشاعل: السلام عليكم ام محمد: هلا بنيتي وعليكم السلام مشاعل : يمه معليش اليوم لاتناودوني على الغدى اكلت بالجامعه وعندي اختبار وبحث لازم اسويه لبكره ام محمد: لالا كل شي ولا الاكل مشاعل: يمه والله ماكله وان جعت والله لاقول لحكمت ترقيلي شي اكله بس الحين ماشتهي ام محمد: الي تشوفينه مشاعل: هلا نوره كيفك وكيف صويلح الصغير نوره: بخير ماعليه ذا الصياح ماخلاني انوم امس مشاعل: الله يعينك اليوم سكتيه مابي ازعاج عندي اختبار نوره: لا ياشيخه الي بخليه يلعب ويصيح ويصارخ باعلى صوته كلشي ولا صلوحي نظر عيني مشاعل: اقول منزينه ولد كبر يدي وطافتن فيه المهم مابي ازعاج ولا بينكفخ فاهمه نوره : اقول انثبري قال تكفخه جربي تلمسينه بس انتي يلا روحي عن وجهي خلني اروح لقمر البيت مشاعل: هههههههههه روحي لقمر البيت لا يطير ولاينخطف دخلت مشاعل غرفتها وغيرت ملابسها ودخلت النت عشان تسوي بحثها وقالت بنفسها ادخل ماسنجري اشوف من فيه ومن الجه الثانيه كان بدر ينتظر مشاعل على احر من الجمر بدر: مشااااااااااااااعل حرام عليك وينك مشاعل: انا الي ويني روح خل الشرب ينفعك مو انت قلت يافيصل خذ كل خويتي يلا يمكني الحين صرت خوية فيصل بدر: وشتقولين انتي مشاعل: اكيد من وين بتذكر وانت شارب وسكران بدر: مشاعل انا اسف وربي اسف بس انتي قهرتيني يوم قلتي لو فكرت اتزوج ماراح اتزوج واحد يشرب ولا يعسل وانا قاعده افهمك وجهة نظري من الشرب وانتي متمسكه براييك مشاعل الله يعافيك والله اني الاسبوع الي فات كله ماداومت بس قاع افكر فيك ومسنتر عند جامعتكم ابي بس اشوفك واطمن انك بخير وانتي قفلتي تلفونك مره وحده ارجوك سامحيني مشاعل: بدر لمتى بسامح وانت ماتقدر الشي هذا قولي لمتى ؟؟؟ لمتى توعدني بتغير وبصير زي ماتبين واسعدك ولازعلك ولا اضايقك وماشفنا شي قولي لمتى انا مطلوب مني اصدق واصبر؟؟ تتوقع الصبر ماينذ تتوقع الحب ماينقص ؟؟ بدر: لا ماتوقع ان حبك بنقص مشاعل ارجووك صدقيني لو ماهتم لكك ولا احبك ولو اني مابيك كان ماهتميت وقلت بالطقاق بكيفها الي جابها يجيب غيرها مشاعل: ولو انك تحب وتهتم كان ماشربت ولا ضايقت ول اني وحده ماني متربيه كان وريتك شلون تقول لفيصل كلم خويتي لو انها وحده ثانيه كان عناد فيك اخذت رقمه وكلمته لان ماتقدر حضرتك تعاتبها لانك بيدك سيوت الشي هذا بدر: مشااعل ارجووك خلاص سامحيني اخر مره بس مشاعل: حنا مو اطفال اخر مره هذي حياتك وانت حره تبي تشرب او اي شي سوي الي تبي انا مالي شغل فيك بدر: يعني كيف ماتبيني مشاعل: انا ماقلت مابيك انا قلت حياتك خاصه فيك وحياتي خاصه فيني وكل واحد حر بلي يسويه بدر: مشاعل لا انتي لي وملكي واسمعيني انتي قلتي ماراح تتزوجين اوكي بس حطي فبالك ماراح تاخذين غيري لاني انا احبك وابيك وانتي لي مشاعل: لا ياشيخ تصدق اني خفت بدر: انا ماخوفك ولاشي بس مشاعل ارجوك سامحيني وخلاص انا اسف مشاعل: ولمتى بتكون اسف ؟؟؟ بدر: مشاعل انا اسفه ولا راح تتكرر والله العظيم واقسم بالله انك لو وافقتي تتزوجيني من اليوم مايدخل الشراب فمي واني احاول اقطع المعسل عشانك بس سامحيني ووافقي مشاعل: الزواج لا شيله من راسك اسامح اوكي ممكن اسامح بدر: اوكي انتي سامحيني وبتشوفين كيف اتغير وبتغير فكرتك عن الزواج وانشالله بتتزوجيني مشاعل: نشوف.. المهم انا بطلع الحين لاني داخله اسوي بحث وبطلع وعني اختبار بدر: حبيبتي يعني بتفتحين جوالك واقدر اسمع صوتك مشاعل : لا بنرجع لنت وبس يدر: مشاعل لا الله يعافيك والله ماتحمل مشاعل انتي ماتعرفين الاسبوع هذا وشولن وربي ماطلعت للجامعه واني مااقابل احد ولا شي كله قاعد على النت على امل القاك مشاعل ارجوك لاتحرميني منك مشاعل الله يعافيك مشاعل: زين بس انا الحين بسوي بحثي ولما اخلص بعدين افتحه بدر: لا الحين ابي اتاكد انك فتحتيه عشان اطمن بليييييييز الله يعافيك مشاعل: زين زين بدر: شكرا حبيبتي ياراوع بنت بالدنيا احبك والله احبك مشاعل: هذاني فتحته الحين من بعد اذنك بسوي بحثي بدر: ممكن ادق عليك ودي اسمع صوتك مشاعل: لاحووول شكلي بقفل الجوال بدر: لالا خلاص اكلمك بلليل زين كذا مشاعل: ايه زين بدر: اوكي مشاعل انا اسف والله اسف بس هالمره ماراح اخذلك وبكون قد وعدي وانشالله بتغيرين فكرة الزواج احبك احبك يلا ماعطلك حبيبتي مشاعل: اوكي تامر شي بدر: سلامتك ياغلى شي بحياتي مشاعل: باي بدر: باي نوقف الماضي ونرجع للمستشفى والطوارئ طبعا دفنوا نااصر وصلوا عليه اخروا الدفن منتظرين مشاعل تصحى وتشوف زوجها لكن ماصحت وطلعت هياف من المستشفى هي وولدها بالسلامه ومرة 3اسابيعه ومشاعل بالعنايه لكن اليوم بدت مشاعل تظهر عليها حركات واصوات ودقت الاجهزه عند الممرضات وراحوا يشوفون مشاعل مشاعل: اه اه ناصر وينك انا وين ااه من الالم رججعت غمضت عيونها الدكتور: اهدي ياخت مشاعل الحين انادي الوالد مشاعل: انا وين ناصر وين الدكتور: اطماني انتي بالمستشفى حصل عليكم حادث انتي وزوجك والحين انتم هنا وانشالله تقومين بالسلامه بس ارجووك لاتنفعلين لان موو زين عليك الحين خليك هاديه وانا بنادي الوالد الدكتور: ابومحمد ابومحمد ابومحمد: خير مشاعل فيها شي الدكتور: ابشرك مشاعل صحت والحين تعال معي عشان تشوفها ابومحمد دمعت عينه من الفرحه وسجد يشكر ربه الدكتور / ارجوك لاتقولها شي عن زوجها ولاتبينلها اي شي مانبيها تنفعل عشان نقدر نصيرط على حالتها ابومحمد: انشالله طيب واذا سالتني عن زوجها الدكتور: قول بخير وبس ابومحمد: الي تشوفه يادكتور ابومحمد: مشاااااااااااعل حبيتبي حمد الله على سلامتك يابنتي وضمها وقعد يبكي مشاعل: يبه لاتبكي انا بخير انشالله بس ناصر وينه ابومحمد وزاد ضمه لبنته: بخير بخير مشاعل: وينه ابي اشوفه الدكتور: لا يامشاعل لازم تخفين الاول وانشالهل تشوفينه مشاعل: ابي مويه المررض تصبلها مويه وتعطيها الدكتور : معليش يابومحمد لازم نفحص مشاعل ونشوف الكسور ابومحمد: خلاص انا بستنى ياحبيبتي برا واول مايخلص الدكتور اجيلك مشاعل: يبه روح شوف ناصر دمعت عيون ابومحمد وطلع يبشر ام محمد والعيال ان اختهم الحمد الله صحت |
|
|
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| المرأة والرجل قصة لا تنتهي | انا انا انا | مجلس حلا العام | 6 | 17-03-2006 03:49 AM |
| هل تنتهي الحياة عندما نخطئ ...!!! | أبو المجد | مجلس حلا العام | 8 | 12-03-2006 08:58 PM |
| الحرمان المميت(دمهوعا لا تنتهى) | الحرمان المميت | مجلس حلا لعذب الكلام | 3 | 04-01-2006 10:20 PM |
| الاختبارات تنتهي قبل المونديال | *عابر سبيل* | مجلس حــلا الــريــاضـي | 4 | 18-11-2005 12:49 PM |
| هل تنتهي الحياة عندما نخطئ.. | لو على قلبى | مجلس حلا العام | 6 | 01-09-2005 01:00 AM |
العرض العادي
