أنا أقول أنه أحسن وصف وانتم وشرايكم تعالو وشوفو منقول

[قـــــــــــرناس]

حب المزاج اللي له أوقات مابيـه
يقطع مزاجٍ مـا يصـون المحبـه
إن كان ما للحـب عقـلٍ يرويـه "
حب الجهالـة كـل واحـد لعبّـه
إليـا بديـت الحـب لازم توديـه
بر الأمـان اللـي فـؤادك يحبـه
الحـب مثـل الـورد لازم تنميـه
وإن كان صار إهمال نفسك تكبّـه
الحب هو كل المشاعـر تسويـه
وحبٍ بليا شعـور خلـه وسبّـه
إن كان حبك مثـل الأيـام خليـه
ياكثـر دورات الزمـان ومطبّـه
الحب وسط القلب بالـدم يسقيـه "
حتـى العـروق تضـخ دم يربّـه
الحب مثل البحر ما أحلى شواطيه
لا جاء العليل اللي تمنـى مهبّـه
يالله ذبحت الحب وشلون تحييـه
نهر المحبـة قـلّ نبعـه وصبّـه
نهر المحبـة يابسـاتٍ سواقيـه
ما عاد أشوف النبع ضيعت دربـه
ياللي قتلت الحب لا عـاد تطريـه
أخذت مـن قشـره وخليـت لبّـه
خليتنـي مثـل المضيـع مباديـه
وشربت كاس المر وأقـول عذبـه
لا عاد تطري لي محبتك يـا هيـه "
تقول أحبك وأنـت نـارك تشبّـه
كسرتني كسـرٍ وصعـبٍ تداويـه
وكسر المحبة كسر ما فـاد طبّـه
أصبحت مثل الذيب والكل يرميـه
ممشاه ليـل وكـل جـرفٍ يذبّـه
خلاص أبشوي الصقر والله لأشويه "
وأرمي الحنان اللي بقلبـي مدبّـه
لو كنت أعرف الصقر ماني بغاويه
خل الحبـارى بالأمـن مستتبّـه