|
03-09-2006, 05:04 PM | #1 |
][§¤حلا ذهبي ¤§][
|
يا وجودي
يا وجودي كل ما هبّ صوتك من شمـال=وجد من حدّه زمانه على اللي ما يبيه ويا وجودي كلما اضحيت ثم مال الظـلال=لا غفت عيني ولا ذقت شي ٍ مشتهيه وجد من قفّى وهْو في رجا كلمة تعـال=وإلتفت من عقب ماْ اقفى ولا أحد ٍ لدّ فيه ويا عذابي لا دنا الليل من روس الجبـال=وانتهى يوم ٍ من العمر ما عاد أرتجيه وانتي أبعد من سما الحلم ووصالك محال=يا بعد من هلّ دمعي ضحى الفرقا عليـه يا غناتي لا تحسبين دمعي يوم سال=ضعف ولاّ خوف ولاّ كذا ولاّ كذيـه والله إني من رجال ٍ يضدّون الرجـال=لكن الحظ ّ الردي ساق دمعي كل أبيه و والله إني كلما دار حوليك الجـدال=قمت كنّ الموت يشّر على قبرى بديه و والله ان قد لي وانا اصّد لا جالك مجال=صدّة اللي لا تضايق تذكّر قبر أخيه ومن سألني قلت مدريوإذا عاد السؤال=قلت له تكفى سؤالك ترى ماهو وجيه وش تبيني اقول عن من ترى ذبحي حـلال=والخطا منها عليّصرت أحبه وأهتويـه عذرها لو ماْ تْعذّر مثل واضرب مثـال=واحد ٍ ما يعرف الحرّ الاشقر يشتويه وان رجعنا للتواصيف لله الكمال=لانتهى ليل المزايين جاتـك تبتديـه كنّها طفل ٍ مع البدو طاويها الحيال= ما يميّز وصفها إلا نبيه ٍ من نبيه وآهني اللي وصلها وذاق من الزلال= شربة مع غفلة الناس من فيها لفيه ياْ اول أحلام الطفوله على حد ّ الخيـال=الرجى باللي حمى البيت من حملة بريه حال دونك سيف عنتر وتاسع حول حـال=باْثر حول ٍ حال دونك وانا ادعى هيه هيـه هيه ياللي غرّك الحسن واطغاك الجمـال=والله أني اموت ما شفت لأوصافك شبيه لو يسام الحسن والتيه بجنيه وريال=ما بقى في سوق غيرك ريال ولا جنيه كيف أهدّك للمقادير وانتي راس مـال=راس مال ومالوالمال ماْ يغطي السفيه حافظك حفظي لعيني ورمشي لك جـلال=وانتي تْشحّين بالماوانا شفّي مويه شايف ٍ ظلمك وساكت وطال الليل طـال=لا نويتي طعن قلبي وانا ما قلت ليـه لو بقى للهيل صبر ٍ على فوح الـدلال=ما بقى للهيل صبرٍ على شي ٍ يجيه وانتي تْسوقين عقلي على حدّ الهبال=تحسبين ان من بغى شي يقدر يشتريه ولاّ انا يا وجد حالي وجود ٍ ما يقال=وجد من ضحّى بغاليه لْرضا والديـه ويا وجودي بأول العمر قبل ألبس عقال=وجد من باع آخر العمر في رغبة ذويه ويا وجودي كل ما هبّ صوتك من شمـال=وجد من حدّه زمانه على اللي ما يبيه كلمات الشاعر / ضيدان بن قضعان
|
التعديل الأخير تم بواسطة حـ الذكريات ـلو ; 21-10-2006 الساعة 10:19 AM. |
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|