|
|
|
|
19-10-2005, 10:27 PM
|
#521 |
|
][§¤حلا ذهبي ¤§][
 
|
مشاركة: عمق القلوب....قصة واقعية
سراج وهوا يسلم على امجد:وش اخبارك يارجال؟
امجد:الحمدلله بخير انتا كيفك؟؟ سراج:انا تمام ولله الحمد وينك ماتنشاف ولا كأننا جيران ولا شي امجد:هههههه والله مشاااغل تدري دوبي جديد هنا ولسه ما استقريت مظبوط سراج:ايه الله يعينك يارب امجد:امين الجميع سراج:وش فيك نازل بالدرج ليه ماتنزل بالمصعد؟ امجد:ههههههههه قلت اسوي شوية رياضه عاد تعرف انا انسان رياضي واحب احافظ على رشاقتي سراج:ههههههههههههههههههه ماشاء الله عليك اذا على الرشاقه فانتا رشيق وجسمك تمام ماعليه كلام امجد:هههههههههههه عاد تدري لززوم المحافظه برضوو سراج:الله يسعدك ياشيخ اقوول طلبتك قل تـم امجد بإستغراب:نعم؟؟ سراج:هههههههههههههههه وش فيك يارجال طلبتك طلب قل فيها تم امجد بحيره:تـم بس ليـه؟؟ سراج:بغيتك تجي تتعشا عندنا اليوم امجد:لا خليها مره تانيه سراج:لا مافي انا لزمت عليك وانت قلت تم والتم عن الف يمين امجد:خلاص اوكي ولايهمك سراج:يالله عن اذنك الاهل ينتظروني امجد:اذنك معك سراج:مع السلامه امجد:في امان الله |
|
|
|
|
19-10-2005, 10:28 PM
|
#522 |
|
][§¤حلا ذهبي ¤§][
|
مشاركة: عمق القلوب....قصة واقعية
وراح سراج لجهة بنت كانت واقفه بعيد عنهم بس كانت سامعـه كـل شـي..وهالبنت ماكانت الا نـوره صديقة شوق...واللي كانت بتحترق مكانها..اول مره تدري انه اخوها يصير صاحب امجـد ولا كمـان عزمـه على العشا في بيتهـم..راحت نوره مع اخوها وهيا تفكر بإمجد وبللي غيره فيها..كانت مبسوطه لعلاقة امجد بأخوها بس في شي منغص عليها..واللي هيا الدبله اللي اول مره تلاحظها في يد امجــد..فقالت في قلبها معقوول يكوون خاطب او متزوج..لالالا ان شاء الله لاء..
.................................................. .. انتـي البــــدر اللذي انـــار حياتـــي.. لكن هذا البـــدر لايظهر الا مـرة كل عــام.. اعلم ان البــدر في الحقيقه يظهر كل شهرٍ مــره.. لكن في حيــاتي انــا كــل عــام مــرة... افتقد وجودك دوماً..واتمنى لو تنيري حياتي الى الابـد.. اشتاق الى همســــــــك و عينَيــــكِ.. اشتاق الى ان اللمس الحــــب في قلبــــكِ.. لكن اين انا وايـــــن حُبــــكِ هـــذا.. انتي دوماً تضعين بيننـا مســـافات ومســافات.. تلك المســافات التي عجـــزت ان اقطعهـــا.. وانا الربــان الذي لم تعجـزني اي بحـار على قطعها.. لكن بِحـــارُكِ انتي بحــارٌ لم ارى لهـــا مثيـل.. اصبحــت ربـــانً من كثــر شوقــي لـكِ.. احاول ان اقطـع البحـار تلو البحـار ولكن لم استـطع.. احـاول ان اجدكِ لكي اروي ظمأ شوقـي..لكن لاجدوى.. وبرغم من كل هذا سأظل انا الربـان الذي لـن ييأس في يوم.. والذي سيظل يتعلم فنون الابحـاار والملاحه لكي يصل اليكي عزيزتي.. اي لكي اصل لذالك البدر الذي اراه فوق ذالك البحـر في كل سنة مره... الربــان المخلص/مــازن قفلت منى الدفتر وعلى وجهها احلى ابتسامه..هالدفتر صار غالي عندها مررره..كل يوم لازم تفتحه وتقرى من تحف وابداع مازن..كانت كل ماتشتاق له وماتقدر تكلمه تجي لدا الدفتر وتقرى فيـه..لانه يحسسها بحب مازن الكبير لها..بالحب اللي هيا مستغربه كيف استمر كل ديك السنوات..حب غريب اتمسك فيه مازن برغم كل اللي سوته فيه منـى..حب في البدايه كان من طرف واحد وظل في بال مازن انه من طرف واحد..صحيح انه منـى حبت مازن لكن ماحبته ولو ربع الحب اللي حبها هوا في البدايه..يعني منى اتعودت بس على انه انسان حبها ويتمناها من بد كل الناس..فصار عندها شعوور بسيط ناحيته يمكن يكون اعجاب بشخصيته وصموده لانه ظل صامد بحبها برغم كل الصدود اللي حطتها في وجهه..ويمكن يكون حب خفي ماقدرت تعرف عنه الا لمن كبرت ونضج تفكيرها..بس دحـين هادا الحب..صار حب حقيقي..لأنه منـى دحيـن عرفت مازن وعرفت طباعه واكتشفت فيه اشياء ماكانت تعرفها..دحين عاشت معاه وعاش معاها..وصارو حبايب عن قرب ..وصاروا لبعض ومستحيل يفرق بينهم اي شي..يعني دحين حبت مازن لشخصه ولانه حبيبها وزوجها وهيا مقتنعه فيه..وهوا حبها لانها مناااه اللي اتمناه طـول حياته وزاد هالحب حب اكبر منه من يوم ماصار قريب منها واكتشف شخصيتها الحلوه المحببه لنفسه ولنفس اي انسان.. |
|
|
|
|
19-10-2005, 10:29 PM
|
#523 |
|
][§¤حلا ذهبي ¤§][
|
مشاركة: عمق القلوب....قصة واقعية
الرابــــع والاربعــون*&*
وبعـد مارجـع الكـل بيتـه ونــام من بعد هالليلــه اللي كانت في نظر الكل اكثر من رائــعه... كان لسه في كذا بطل من ابطال قصتنا صاحيين ومجافي عينهم النوم ومنهم....لمـى وامجـد اللي قضوا ليلتهم وهما يتكلموا بالتيلفون... ومنـال اللي كانت بايته في غـرفتـها المخصصه اللي مسويتلها هيا عمتها ام خالد في بيتها...كانت جالسه سرحانه تفكـر بشكـل خالد لمن كان قاعـد يرقص..وكيف كانت البسمه ماتفارق شفااااته وهيا اللي ناادراً تلمح ابتسامته الحلوه هادي...فجئـه.. مااااااما منـال...التفت منال بدهشه لمكان الصوت وشافت محمد وهوا واقف يبكي..وشكله مبهدل قميص بجامته من جهه طالع من البنطلون..ومن الجهه التاني مجعك وكم مرفوع لوسط يده والتاني نازل لوسط كفـه وشعره مخربش وحاااالته تبين انه دوبه صاحي من النوم..بس ايش دا النوم اللي كان نايمه حرررب ولا معررركه... قامت منال بسرعه وراحت لجهته.. منال:حبيبي وش فيك؟؟ محمد وهوا يبكي ويرمي نفسه في حضنها:ماما منال انا شفت ماما نهااااال زاتني((جاتني))في النووم تقول انا اهبك يامحمد ماما منااااال انا ابا ماماااااا انا اهبهاا هئ هئ..وقعد يبكي بشكل يقطع القلب... منال عورها قلبها لمن سمعت اسم نهال وحست بسكينه تطعن في قلبها..كيف تناست صديقة عمرها وقعدت تفكر بزوجها قبل شويه..بس نفضت هالافكار من راسها لمن شافت شكل محمد اللي يقطع القلب وقاعد يرتجف من الخوف والبكااا.. منال بخوف عليه وهيا تضمه لصدرها بقوه:طيب حبيبي لاتبكي اششش اشششششش بسم الله عليك بسم الله ومع محاولتها المتكرره لتهدئتـه نام محمـد في حجرهااا وهوا يحس بالعطف والحنان وانه لو احتاج احد مابيلقى احد يهتم فيه قد منـال... قعدت منال تشوفه وجهه البريء وتبكي على حاله..مسكين محمد يفتقد امـه كثيرر وخصوصاً بعد ما اكتشف قبل فتره الصور اللي في غرفة ابوه وعرف انها صور لأمـه..الله يعينــه..حرااام طفل في عمره يتعذب على فقدان امــه..آآآه يانهااال الله يرحمك الله يرحمك يالغاليــه رحتي وتركتينا كلنا في عذاب من بعـدك... انتبهت منال انه الوقت متأخر وانه اذآن الفجر بيكون عد شويـه..فقررت تصلي لها ركعتين احسن من هالتفكير...وقامت وهيا مقرره انها تودي محمد غرفتـه..قبل ما ابوه يصحا ولا اي احد ينتبه لغيااابه... راحت منال وهيا شايله محمد لقسم خالـد..دخلته بكل هدوء عشان لا احد يحس بوجودها...ودخلت غرفـة محمد اللي كانت مفتـوحه..وحطت محمد على سريره وغطته مظبووط..وقرأت عليه المعوذات وآية الكرسي عشان لايخاف لو صحي مره تانيه...خرجت من الغرفه بكـل هدوء زي مادخلتها.. وانصدمت بخـالد اللي كان خارج من غرفــته ورايح يصلـي الفجر في المسجد..وكان لابس ثوب وشكله خارج وبيقفل ازرار كمه ومو منتبه لوجودها...انصدمت منـال من وجوده واتصنمت وماعرفت ايش تسوي.. وخالد وهوا بيمشي شم ريحة عطرر نسائي اتغلغل في شعبه الهوائيه بكل انسيابيه..فرفع راسه بدهشه من مصدر هالريحه وشافها واقفه في الركـن جمب بابا غرفة محمـد..واقفه بطريقه مصدومه وخصلات شعرها البني كانت محايطه وجهها الجميـل..ارتجف قلب خالد من هالمنظر وماعرف ايش يسوي...لكن ماحس على نفسه الا وهوا يخرج من البيت بسررررعه...ويوصل للسيارته..وهوا متنرفز ومعصـب على الاخر.. |
|
|
|
|
19-10-2005, 10:31 PM
|
#524 |
|
][§¤حلا ذهبي ¤§][
|
مشاركة: عمق القلوب....قصة واقعية
خالد بعصبيه:هادي ايش جابها في دا الليل في قسمي مجنوووووووووونه هادي البنت شكلها ماتخاف على نفسها وسمعت اهلها لااااااااااا انا لازم الاقي حل لـ هالمهزله واحط لها حد
ومنال المسكينـه اللي كانت مصدومه من الموقف اكثر منــه..راحت لغرفتهااا بسرعه ورمت نفسها على السرير وقعدت تبكي..وتقول في نفسها انا ايش اللي وداني هناااااك كااان لازم يعني ارجع محمد لغرفتـه والله اني هبله هبلللللله...دحين ايش بيقول عني الرجااال..دايماًاً تصير دي المواقف البايخه معاه... وعلى السـاعه9.00 الصبح في بيت ابوخالد...جات منى مع مازن عشان تسلم على اهلها قبل ماتسافر مع مازن ويقضوا شهر العسل.... منى وهيا تسلم على امها:بتووحشيني ياماما ام خالد:وانتي اكتر ياقلبي مازن وهوا يسلم على عمته:نشوف وجهج بخير يا امي ام خالد والدمعه في عيونها:تروحو وترجعوا بالسلامه يارب انتبوا على نفسكم مازن وهوا يطالع في منى بحب: لاتوصي حريص وبعد ماتسلم منـى..على خالد وابوها.. امجد:يالله قومو مشينا انا بوصلكم منى وهيا تحاول توقف دموعها:دقيقه ماسلمت على رندا فينها؟؟؟ ام خالد:والله مدري اظنها في غرفتها مع منال روحي لها وسلمي على خالتك بسمه مره وحده |
|
|
|
|
19-10-2005, 10:32 PM
|
#525 |
|
][§¤حلا ذهبي ¤§][
|
مشاركة: عمق القلوب....قصة واقعية
منى وهيا تطلع من الغرفه بسرعه:طيب عن اذنكم
امجد:خلاص احنا نستناكي في السياره يالله يامازن وطلعت منى في الدرج للدور التاني وهيا تفكر..غابت عن بيتها يوم واحد بس و تحس انها اشتاقت له كل هالشوق..وتقول في نفسها..يا الللللله شو هالشعورر اللي فيني...والله احب بيتا كيف بعيش بعيده عنـه...راحت لغرفة رندا..وجات تبغا تدق الباب بعدين قالت في نفسها ليه ما اسويها لها مفاجئـه...وفتحت البااااااااااب بقووووووووووووووه... منى:مرحباااااااااااااااااا انا هناااااااااااااااااااااااا رندا صرخت من الفرررحه...وقامت نطت تجري وحضنت منى من الفرحه... رندا:منوووووووووووي قلبي شو اللي جابك؟؟ منى وهيا تضربها على ضهرها بخفه:ماتستحي احد يقول لاخته كدا ولا خلاص لاني اتزوجت بتطرديني من بيتـي رندا ودموع الفرح تتجمع في عينها وتبعد نفسها عنها:لاااا والله ماعاش من يطردك حبيبتي منى:هههههههههههه تسلميلي ياقلبي احم احمممم نحن ُ هناااا منى وهيا تلتفت لمكان الصوت:مناااال حبيبتي انتي كيفك؟؟؟ منال وهيا تسلم على منى:الحمدلله مبررررروك ياعروسه منى بخجل بسيط:يبارك في عمرك منال وهيا تغمز لها:اشوووووفك محلوووووووه ماشاء الله يوم واحد من اتزوجتي وصار فيكي كذا اجل لو نشوف بعد سنه وش بيصير فيكي وقتها رندا وهيا تلاحظ فعلاً تورد خدود منى والجمال اللي حل عليها من امس لليوم:ايييييي والله صح شو سوى فيكي ماااازن طالعه تجننننننننني منى وهيا تدفهم هما الاتنين بحجل فظيع:دببببببببب ماتستحو على وجيهكــم بعدوو عنـي رندا ومنال:ههههههههههههههههههههههههههههههههههههههههههه منى واللي ماتقدر على الاحراجات:المهم انا جيت اسلم عليكم لاني مسافره بعد شويه رندا بدهشه:بالله وفين بتروحو؟؟ |
|
|
|
|
19-10-2005, 10:34 PM
|
#526 |
|
][§¤حلا ذهبي ¤§][
|
مشاركة: عمق القلوب....قصة واقعية
منال:وانتي وش دخلك لاتتلقفين
منى:مدري والله مازن ماقلي قال ايش مفاجئه رندا:اهااااا مفااااجئه طيب يلا مصيرنا نعرف منال:ههههههههههه والله انك ملقوفه درجه اولى رندا بإستغراب:وي ايش فيها لازم اعرف اختي فين رايحه ولا هادي فيها شي كمان؟؟ منال:لا بس مو من اول يوم بزواجها تتلقفين خليهم براحتهم منى:ههههههههههههههههه لاعااادي منوله مافيها شي رندا وهيا تبتسم بخبث:اقووول منوووي اول ماتوصلي هناك كلميني وياريت مايكون مازن جمبك منى بإستغراب:وي وليش يعني؟؟ رندا وهيا تقرب منها وتهمس في اذنها بصوت واطي:عشاااان اعرف اخبااار امسسس منى انحرجت مررررررررره ودفت رندا بعيد عنها:والله انك ماتستحي بعدي عني اشوف بعدي يلاااااا رندا:ههههههههههههههههههههههههااي ايش فيها انا بتزوج عن قريب ولازم اعرف كل شي منى وهيا تبتسم لها بخبث:خلي ناصرررر يعلمك منال وهيا تضحك على شكل رندا اللي قلب اصفر من يوم ماقالت ناصر:ههههههههههههههه يلا تروحين وترجعين بالسلامه يارب منى :الله يسلمك يلا اشوفكم على خير وقربت من منال وسلمت عليها..وقربت من رندا وحضنتها... رندا:اتصلي عليا يادبه دايماً مدري كيف بعيش في دا البيت من دونك دحين يستفردو فيا خالد وامجد منى:ههههههههههههههههه لالا تخافي قريب بتلحقيني نسيتي انه فرحك بعد شهررر ونص رندا وهيا تسايرها:هههههههههههههه صح بس الله يعينني في دا الشهر والنص عليهم منى:امييين ولاتنسي خدي ماما وجهزي نفسك من دحين ترى شهر ونص فتره قليله وانتي مامداكي اشتريتي شي رندا وهي تضيع الموضوع وتقلبه على منى عشان تحرجها:ان شاء الله المهم انزلي لاتتأخري على مازن تلاقيه قاعد يستناااكي تحت على نااااااار |
|
|
|
|
19-10-2005, 10:36 PM
|
#527 |
|
][§¤حلا ذهبي ¤§][
|
مشاركة: عمق القلوب....قصة واقعية
منى وخدودها شابه ضووو من حركات رندا:والله انك دبه مالك دخل في مازن على نار ولا على تلج
رندا:هاااا اشوفك بدت الغيره من دحيييين منى بعصبيه:رندااااا رندا:هههههههههههههه خلاص خلاص منى:يلا مع السلاااامه منال:الله معك منى قبل ماتخرج:الا منال صح فين خالتي بسمه ابغا اسلم عليها منال:والله نااايمه تبين اصحي لك هيا منى:لالا خلاص مو لازم بس سلمي عليها باااي رندا وهيا تشوف منى تخرج من الباب:منــى استني منى التفت لها:ها نعم؟؟ رندا وهيا ترجع تبتسم بخبث:لاتنسي اتصلـي علياااااا عشان نتفاااااهم...وغمزت لهااا... منى وهيا تقفل الباب بقوه:مااااااني متصلــه منال ورندا:ههههههههههههههههههههههههههه وبعد ماراحت منى...نزلوا رندا ومنال للصاله تحت عشان يقعدوا مع ام خالد..وهما نازلين قاعدين يتكلموا عن منى وكيف كانت امس طالعه في الفرح... منال:ماشاء الله والله امس كانت مرررره تجنن الكل مدحهااا رندا:اي والله الله يحفظها يارب من عيون الحساااد ام خالد:اقووول بنااااات وحده فيكم تروح تجيب محمد مو بالعاده مايصحا لدا الوقت منال ارتبكت لمن قالت ام خالد كدا ماتبا تروح لقسم خالد من بعد موقف امس...لكن.. رندا وهيا تمشي عنهم:انا مالي دخل جيعااااانه بروح اكل لي اي شي ما اكلت حاجه من امس ام خالد:طيب اذا هيك حضري الفطور معاكي للكل محد فطر لسه رندا:لالالالالا خلاص بطلت بطلع اجيب محمد ام خالد بحزم:رندااااااااا رندا بكسل:اهئ اهئ خلاص طيب اما منال فانحرجت مابقي الا هيا ومستحيل ترد خالتها فما عرفت ايش تسوي.. ام خالد:منال يابنتي معليه روحي جيبي محمد الله لا يهينك منال:افا عليكي ياعمتي تامرين امررر وطلعت منال بشويش وهيا تدعي في قلبها انه خالد مايكون موجود... راحت للقسم..وحطت الطرحه على راسها احتياط لو كان موجود ولمن وصلت دقت الباب...ومحد رد عليها..فقالت في نفسها الحمدلله شكله ماهو في... دخلت وراحت لغرفة محمد لقتـه لساته نايـم... منال:محمد حبيبي قوووووم يلااااا خلاص بسك نووووم محمد وهوا يفتح عيونه بشويش:نأأأم((نعم)) منال وهيا تبوسه على خده:يالبووووووووووو على النأأم قوم حبيبي يلااا ماتبا تنزل تلعب معايا تحت بالمرجيحه قبل ما اروح انا حروح في العصررر يلا قوووم محمد وهوا يقوم ويرمي نفسه على منال:انتي ثليني منال وهيا تشيله:ههههههههههههههه طيب يلا تعال اوديك الحمام ونغير لك ملابسك |
|
|
|
|
19-10-2005, 10:37 PM
|
#528 |
|
][§¤حلا ذهبي ¤§][
|
مشاركة: عمق القلوب....قصة واقعية
وقعدت منال مع محمد تروشه وتغير له ملابسه وتضحك وتلعب معاه شويه...وبعد نص ساعه خلصت له لبس..
فقااام محمد يجري... محمد:يلا ماما نزلي واللي يوصل اول هوا الفايزز منال وهيا تلحقه:ههههههههههه يلا ونزل محمد طبعا قبلها يجري..وهيا خرجت وراه وقفلت باب غرفته وانصدمت بخالد قدامها جالسه على كنبه في الصاله ويطالع فيها بنظره غريبه مافهمتها... منال ارتبكت لمن شافته وعدلت الطرحه اللي كانت على راسها ومشيت من قدامه تبغا تروح... بسس لحظــه لو سمحتــي وقف قلب منال لمن سمعت صوته ياويلييييييييي..وش يبا مني؟؟!!.. منال وهيا تلتفت له:نعم خالد وهوا يوقف:ممكن اتكلم معاكي شويه؟؟ منال بإستغراب:خير؟؟ خالد وهوا يدور بعينه في كل مكان الا جهتها قال بإرتباك:معليه لو ماعليكي امرر اتفضلي اجلسي شويه منال بحيره اتحركت وجلست على كرسي بعيد عنه شويه:طيب خالد جلس وقال بتردد:انا ما ابغاكي تزعلي مني لكن في موضوع مهم مرره لازم نتكلم فيه منال عقدت حاجبينها بإستغراب لكن ماعلقت...وكمل خالد... خالد:احم انتي يامنال انسانه رائـعه...وعملتي معايا ومع ولدي اللي محد قدر يسويه...وكفيتي ووفيتي في كل |
|
|
|
|
19-10-2005, 10:39 PM
|
#529 |
|
][§¤حلا ذهبي ¤§][
|
مشاركة: عمق القلوب....قصة واقعية
وقعدت منال مع محمد تروشه وتغير له ملابسه وتضحك وتلعب معاه شويه...وبعد نص ساعه خلصت له لبس..
فقااام محمد يجري... محمد:يلا ماما نزلي واللي يوصل اول هوا الفايزز منال وهيا تلحقه:ههههههههههه يلا ونزل محمد طبعا قبلها يجري..وهيا خرجت وراه وقفلت باب غرفته وانصدمت بخالد قدامها جالسه على كنبه في الصاله ويطالع فيها بنظره غريبه مافهمتها... منال ارتبكت لمن شافته وعدلت الطرحه اللي كانت على راسها ومشيت من قدامه تبغا تروح... بسس لحظــه لو سمحتــي وقف قلب منال لمن سمعت صوته ياويلييييييييي..وش يبا مني؟؟!!.. منال وهيا تلتفت له:نعم خالد وهوا يوقف:ممكن اتكلم معاكي شويه؟؟ منال بإستغراب:خير؟؟ خالد وهوا يدور بعينه في كل مكان الا جهتها قال بإرتباك:معليه لو ماعليكي امرر اتفضلي اجلسي شويه منال بحيره اتحركت وجلست على كرسي بعيد عنه شويه:طيب خالد جلس وقال بتردد:انا ما ابغاكي تزعلي مني لكن في موضوع مهم مرره لازم نتكلم فيه منال عقدت حاجبينها بإستغراب لكن ماعلقت...وكمل خالد... خالد:احم انتي يامنال انسانه رائـعه...وعملتي معايا ومع ولدي اللي محد قدر يسويه...وكفيتي ووفيتي في كل شي عملتيه معانا...وانا مقدر لك وشاكر كل اللي عملتيه...وفضلك وجميلك شايله على راسي من فوووق..بسسس انا يامنال انسان وفي لزوجتي واخلص لها بكل ذره في كياني حتى بعد ما اتوفت...وصراحه وبدون زعل بتواجدك في حياتي وحياة ولدي احس اني اخون ذكراها وحبها في قلبي...فلو سمحتي..وهوا يرفع عينه لوجهها...ابعدي عن حياتي وحياة ولـدي...لانه تواجدك يشكل خطر على ذكرى نهال في قلبي وفي حياتي منــال..بهتت في هاللحظه مو مصدقـه اللي بتسمعه اذنهااا..خالـد يقولـي كدا ليــه انا شسويت؟؟... منال بإرتباك والدموع تتجمع في عينها من الحزن:ليه ياخالد انا شسويت عشان تقولي كذا؟؟ خالد وهوا يحاول يتأكد من كل حرف قبل ماينطق به:ماسويتي شي يامنال انا اللي سويت منال....؟؟؟! خالد وهوا يرفع عينه لعينها مره تانيه ويتكلم بإرتباك:يامنال انا انسان والانسان بطبعه ضعيف...انا ما اقدر على تواجدك القوي في حياتي..وانتي بنت ماشاء الله حلوه وكـل من يتمنـاكي وفيكي كل المواصفات اللي يتمناها اي انسااان...فما بالك بانسان زيي وحيــد ومحتاااااج للحناااان والاهتماام من بعد فقد زوجته...انا انحرمت من نهال وحنانها وانتي جيتي فجئه وحليتي مكانها واعطيتي كل هالحنان لمحمد...اللي صار مايكف عن ذكر اسمك في كل لحظـه..ماما منال سوت..وماما منال فعلت..هادا غير تواجدك في اي مكان اروح له...انا مااااا اقدر على كدا يابنت الناس..لاتعذبيني الله يخليكي ولا اعذبـك..خليكي بعيده عن حياتي وانا بكون مرتااح لاني وقتها مابخون ذكرى زوجتي وحبيبة عمري نهاااال منال....................ايش بقول عن منال..منال اتفتت..اتبخرت انعدمت من الحيـاه...كلام خالد كااان له وقع قااااسي عليهاا مرررررره..يبعدها عن حياته نقول معليــه من حقـه لكن عن محمــد لا مستحيـــل....!!!!!!! خالد وهوا يشوف الدموع تنزل من عينها بهدوء:سامحيني يامنال مو قصدي اجرحك بس انا حبيت اتكلم معاكي بصراحه منال وهيا توقف والدموع تنزل من عيونها لاشعورياً:تبعدني عن حياتك انا راضيه ومقدره لكن عن محمــد ليــه ياخالد ليـه؟؟ خالد وهوا يوقف وخايف على حالها:يابنت الحلال محمد ولـدي...وتواجدك في حياته يعني حيـاتي..لاتخليني افسر ولا اقول اكتر انتي قريب بتتزوجي وبيكون عندك اولاد وبتفهمي شعوري..محمد قطعه مني..فاذا استحليتي كل مشاعره كأنك احتليتيني اناااا..واناا ما ابغااا هالشي...لان نهال موجود في كل ذرة بكياني وارفض انه اي وحده غيرها تحتل اي شيء مني حتى لو كان جزء بسيط من تفكيري ومشاعري منال.....ماعرفت ايش تقول الدموع صارت نهر جاري على خدودها...وصلت للحظه اللي كانت من زمااااااان حاسـه انها بتوصل لهاااا...عرفت دحين وفهمت انها شغلت تفكير خالد زي ماشغل تفكيررهااا ولو لمده معينه ودا الشي هيا كانت ماتبغاه لكن في نفس الوقت كانت تبغا تعرف عنه واذا كان مهتم لامرها ولالا..لكن هالشي مايسوى قدام نهــال الذكرى الاولى والاخيره في قلب هالاتنين واللي هما مخلصين لها بكل ما للكلمة من معنى... منال بصوت يقطع القلب وبشهقه بين كل جمله والتانيه:صح كلامك صح خلاص انا اوعدك بخرج من حياتك نهائياً اما بالنسبة لمحمد فما اقدر احبس شعوري تجاه هالولد لانه احسه ولدي قبل مايكون ولدك لكن ححاول قد ما اقدر ابعد عنه..وسكتت وطالعت في خالد بكل حزن...وكملت..لكن خلي في بالك ياخالد اني احرص على |
|
|
|
|
19-10-2005, 10:40 PM
|
#530 |
|
][§¤حلا ذهبي ¤§][
|
مشاركة: عمق القلوب....قصة واقعية
ذكرى نهال في قلبي زيك ويمكن اكثرررر وتأكد اني مستحيل احل محلـها وانه مستحيل احد في الدنيا دي كلها يحل محلها..نهال..وتأشر على قلبها..ونهال حيه في قلبي قبل ماتكون ماتت من هالحياه...وانا...انا اسفـه لو سببت لك اي ازعاج او احراج...بس انا ابد ماكان ماكان قصدي...وطلعت من الغرفه تجرررري وهيا تبكــي....
بعــد كـــم يــــوم.... امجد:ياربيييييييييييي حرام عليكي يالمى والله حرام لسه حستنا سنـه كمـان لمى:حبيبي مو ماينفع انتا سفرك بعد اسبوع وانا طبعاً مستحيل اجهز في هادي المـده الصغيره خلاص زي ماصبرت كل السنين اللي راحت اصبر سنـه كمـان امجد بقهر:افففففففف تقولي سنه كأنه سنه قليله ايااا القهرررر انا بموووت من قهري وانتي ولا عليكي لمى بهدوء:حبيبي خلينا نتفاهم بهدوء ايش بك معصب كدا؟ امجد بصوت عالي:عشاااااااااان ااناااا احببببببك وبموت عشان تكوني معايا وانتي ماااااااااايهمك الا نفسك لمى بدلع:مجووودي يعني دحين بالله انا ماهمني الا نفسي بالعكس لو فكرت فيها بالعقل بتفهم اني ابغا مصلحتنا احنا الاتنين..يعني بالله ايت فرح دا اللي بنسويه في اسبوع ولا ايت جهاز اللي بتجهزه في اسبووع مررررررره مايمدي امجد بعصبيه:اقولك الفرح يا يكون بعد اسبوع ولا خلاص مو لازم يصير فرح ولاغيره وكل واحد مننا في طريق..وقفل الخط في وجهها..وهوا يزفر من القهر.. امجد:اففففففففففف والله دولا البنات اللي يمشي وراهم يضيع ماهمهم الا المظاااهر خليني اشوف دحين كيف بتتصرف ست الحسن والجمال لمى في الجهه التانيه.. لمى بصدمه:معقووووله بدي السهوله يتخلى عنــي لالالا ما اصدق..وقالت في نفسها..ليش لا امجد دا واحد مجنون وممكن اي شي في الدنيا يسوييييه...ومسكت جوالها واتصلت علـى مـي.. لمى:الوووو مي:اهليييييييييييين هلا وغلا لمى:كيفك ميويه؟ مي:الحمدلله بخير انتي كيفك؟ لمى:زفــت ولله الحمد مي:خير عسى ماشر؟؟فيكي شي؟؟ لمى بقهرر:اخوووووكي مي بإستغراب:اخوياااا؟؟؟ لمى:ايوه امجد مي:ايش به ايش سوى لك؟؟ لمى والدموع تتجمع في عيونها:يقولي يايصير الفرح بعد اسبوع ولا مافي فرح مي بصدمه:بالله قلك كدا لمى وهيا تبكي:ايوووه تخيلي يعني بالله انا ايش اسوي في عمري انتي عارفه اني مستحيل اجهز في وقت زي دااا والللله ماااااا يمدي حراااام علييييه مي:هههههههههههههههههه والله انكم مجانين لمى بدهشه:تضحكي؟؟! انا ابكي وانتي تضحكي مي:هههههههههههه ايوه طبعاً عشان موضوع زي دا ممكن ينحل بينكم بسهوله ماله داعي كل هالزعل لمى:باللهِ يعني انتي ماتعرفي اخوكي دا ماعنده تفاااهم مررره لازم يمشي اللي في راسـه مي:هههههههههههههههه خلاص طيب انا بشوف الموضوع معاه وارد لك خبر لمى وهيا تمسح دموعها:معليه بتعبك معايا مي:افااا يالموووي تعبك راحه ياقلبي لمى:مشكوره مي:ماله داعي الشكر يالله قفلي خليني الحق اكلمه قبل مايقدم سفره ويسويه بكره مجنون هادا انا اعرفه لمى بخوف:اففف يسويها والله مي:يلا باااي لمى:باي واتصلت مـي على طول على امجد.. امجد وهوا يشوف اسم مي على الجوال:ههههههههه مسرع ماوصلها الخبر والله ماني راد عليها وخلي لمى تمووت قهررر اجل انا تسوي فيا كدا تقولي تعال كلم ابويا بعدين تقول لاما ابغا الفرح دحين خليهااا والله لجننها واعرفها مين امجـد منصور مي في الجهه التانيه:ايش به دا مايرد لايكون شايف رقمي وخاصرني!؟ امجد كان قاعد في غرفته ومسدوح على سريره وشايف جواله يدق باسم مـي بس مايرد عليه..وفجئه سمع التلفون يرن.. امجد وهوا يرفع السماعه بسكل:الوو .......:يالدببببب اوريك شايف رقمي وماترد عليا امجد بدهشه:هههههههههههههههههههههههههه مي هادا انتي مي:ايوه ياقليل الحيا ليه ماترد على اتصالاتي؟؟ امجد بجديه:لاني عارف الموضوع اللي حتتكلمي فيه وانا مو مستعد اناقش اي احد فيه مي وبخبث:وايش الموضوع اللي متأكد منه قد كدا وواثق اني حكلمك فيه؟؟ |
|
|
|
 |
| مواقع النشر (المفضلة) |
| الذين يشاهدون محتوى الموضوع الآن : 2 ( الأعضاء 0 والزوار 2) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| قصة واقعية | حزينه^وحيده | مجلس حلا للقصص والروايات | 4 | 15-11-2005 10:42 PM |
| قصة واقعية | smaaelhaq | مجلس حلا للقصص والروايات | 3 | 24-08-2005 11:03 AM |
| قصة واقعية | SARAH539 | مجلس حلا للقصص والروايات | 7 | 09-07-2005 10:08 AM |
| قصه واقعية | الريـــــــــــــــــــم | مجلس حلا للقصص والروايات | 2 | 19-04-2005 11:18 AM |
| معاناه واقعية | هاجر العدواني | مجلس حلا للشعر وهمس القوافي | 3 | 30-03-2005 03:29 PM |
العرض العادي
