|
|
|
|
28-08-2005, 04:57 AM
|
#111 |
|
][§¤حلا ذهبي ¤§][
 
|
مشاركة: عمق القلوب....قصة واقعية
خالد عشان يهدي عليها ويبين لها انه مافي اي اشكال و يقلل من احراجها قال:لو سمحتي ممكن تعطيني كاسه عشان ابغا اشرب مويه
منال زااااد احراجها بدل مايقل لانها لها ساعه تدور وماهي عارفه فين محل الكاسات...وخالد من ذكائه فهم وقام وراح قريب منها وفتح وحده من الدواليب واخد له كاس واعطاها كاسه لانه حس من نظاراته انها كانت بتدور على محل الكاسات..وراح لبرادة المويه شرب وقالها:سوووري لو ازعجتك...وراح.. منال ماتت من الكسووف ومن الموقف..واخدت كاسة المويه واخدت كاسه لمي وملتها وراحت للغرفه الي كانو فيها البنات..ولقت خالد لساته موجود وابتسم لمن شافها وشاف الكاسه الي في يدها وهيا وجهها حمر وراحت وقعدت جمب مي واعطتها الكاسه... مي:شكرا..ايوه خالد شو كنت بتقول خالد وهوا مبتسم:بناااات بعطيكم فرصه لاتعوض رندا اول ملقوفه:ايش هيا؟؟ منى:ماصدقت الملقووفه هههههههههههههه رندا و هيا تطالع في منى بأحتقار:مالك دخل انتي والبنات اتفاجئو تصرف رندا ايش بها على اختها من الصبح.. خالد:المهم اسمعوو لوو سكتوو وماطلعتوو صوت راح نعمل لعبه لمى:لعبه لعبة ايش؟؟؟ خالد:راح افتح الباب الي بيننا وبينكم واسمعو اللعبه لمن اقولها للشباب البنات:طيب وراح خالد وفتح الباب الكبير السحاااب وصاارت الغرفتين مفتووحه على بعض كأنها غرفه وحده بس كبيره شوي.. واتفاجئو الشباب برصة البنات الي قدامهم...وحمرة وجوه البنات من حركة الشباب المتفاجئه... خالد:ههههههههههههههه ايش بكم شباب رامي بصوت واطي عشان مايسمعوه البنات:وي ايش دا ياخالد كدا تجيب البنات معانا ماعندك مذهب من جد خالد:مافيها شي كلهم زي اخواتنا ورائد مي زوجته والقيه بنات عمه وجابر زي اخوهم واعرفه محترم والبقيه ايزي متعوودين رامي كان مو راضي لانه يحس جابر غريب على "بنات عمه" ومايبغاه يشوفهم بس سكت احترام لخالد...<<<مدري ايش دخله دا اذا اخوهم رضي هوا ايش له... خالد:المهم راح اقترح عليكم لعبه الشباب:قووول خالد:راح نسوي لعبة اهدائات...والكل اعتفست ملامحه ومافهمو الي قاله..فوضح وقال:يعني كل واحد من الشباب يهدي اغنيه للبنات...والكل هنا انصدم من الي قاله خالد ايش فيه دا اتجنن... البنات:لالالالالا والشباب كمان:لالالالالا ماينفع خالد والي شويه وبموت من الضحك على اشكالهم:هههههههههههه ايش بكم مافيها شي اغاني محترمه وهبله يعني والي يتعدى الحدود بررره اللعبه البنات سكتووو محرجين من الموقف.. والشباب ماعرفو ايش يقولو بأستنثاء جابر الي قال... جابر:لالا معليه اسمح لي ما اقدر اشارك في هاللعبه خالد:ليييييييه؟ جابر:ايش الي ليه ماينفع خالد:عندك اختك اهدي فيها الين الصبح وانا عندي اخواتي جابر:لالا ما اقدر خالد:جااااااابر جابر:خااااااااالد<<<دايما كانو خالد وجابر لمن يتضاربو وهما صغار و يعصب واحد فيهم يقعدو يقلدو بعض خالد بصدمه:جااااابر جابر وهوا مستمع:خاااااالد وانفجرو الاتنين ضحك والبقيه مو فاهمين شي... خالد + جابر:هههههههههههههههههههههههههههههههههه رائد والي كان ساكت اتكلم:خلاص مشيها جابر انتا اهدي اختك وخالد يهدي اخواته ورامي يهدي اخته لمى وانا اهدي زوجتي امجد:وانا ماقولتي اسمي رائد:امممم انتا حررر عندك اتنين اختك وخطيبتك اختار الي تبغاه وابتسم امجد لمن قال رائد خطيبتك وطالع في لمى لقاها راخيه راسها بحزن...واتقطع قلبه عليها..وقال في نفسه الين دحين زعلااانه يوووه ياربي... خالد:خلاص مالي دخل انا قررت الكل حيلعب غضباً عنه يالله انا اختار امجد هوا الي يبدأ...واتفاجئ امجد بقرار خالد وكان يبغا يعارض بس لمن شاف الابتسامه الي على وجه لمى سكت و قال بوريهاااا كيف صوتي عشان تعرف هيا متزوجه ميين... امجد:احم اوكي موافق امجد وهوا يتسعد انه يغني... خالد:لا لحظه في شروط لي اللعبه اول شي تقول تهديها لمين تاني شي تذكر اسم الاغنيه والمغنى الي يغيها امجد:اوكي امممممممممم اهديها...وهنا رفعت لمى راسها وطالعت فيه تبغا تعرف حيهدي لمين..وقال:اهديها للانسانه غاليه عليا مره اهديها.......لأمي....واتفاجئو البنات والشباب لانهم ما اتوقعو يهديها لامه.. خالد:لالالالا مايصير لازم احد من الموجودين حتى لو الشباب... امجد والي كان يدري بس حب يستعبط:ههههههههههههه ادري بس كنت بمزح امممم اختار............................لمى ولمى هنا اتفاجئت وانصدمت ما اتوقعت مرررررررررررره انه امجد يهديها هيا من بين الكل...بس سكتت ورفعت عينها تشوف امجد ولقته يطالع فيها ويبتسم بس هيا احتقرته بنظره لمن افتكرت الي سواه في السياره...وهوا ماهمه عارف انها زعلانه وحب يراضيها.... امجد:والاغنيه هيا غير الناس لراشد الماجد((http://www.rashid-almajed.com/music/....ram))...والكل هنا صفق له لذوقه الراقي ولانه عرف يختار الاغنيه للانسانه الي المفروض تهدا لها...منى استغربت تصرفه بس انبسطت... واعطوو العود لأمجد..وبدأ يعزف..وكان في ديك الغرفه في جميع ادوات الموسيقى وكان في بيانوو مررره كبيرر وخالد بدأ يعزف عليه لانه فنااان في العزف على الباينوو...وانسحر الكل مع الجو الساحر امجد بصوته الرهيب مرررره:امممم انتا غيرر الناس عندي انتا عندي شي كبير... كيف بصبر وانا شايف ناس من حولك كثير... انتا غير الناس عندي انتا عندي شي كبير... كيف بصبر و انا شايق ناس من حولك كثير... وانا احبك واقولها لك كلمه خليها في بالك.. وانا احبك واقولها لك كلمه خليها في بالك.. انا ماني اي عاشق انا لمن اعشق اغيررر والله لمن اعشق اغيررر.. من عيون الناس والله اغار ياعمري عليك... ما اتطمن وانسى خوفي الا ويديني في ايديك... بس تحمل كل جنوني لانك اغلى من عيوني بس تحمل كل جنوني لانك اغلى من عيوني... لو تدور ما تلاقي منهو غيري يمووت فيك منهوووو غيري يمووووت فيك... انتا غير الناس عندي انتا عندي شي كبيررر... كيف بصبر وانا شايف ناس من حولك كثير... وانا احبببببك واقولها لك كلمه خليها في بالك.... انا ماني اي عاشق انا لما اعشق اغيرررر انا لما اعشق اغيررر... قلبي في ايدينك ياغالي بس خل بالك عليه... ياحبيبي هذا قلبي وانتا ادرى الناس فيه... قلبي في ايدينك ياغالي بس خل بالك عليه... ياحبيبي هذا قلبي وانتا ادرى الناس فيه... لو اعيش العمر كله ما انسا حبك او امله... ما ابي شي في حياتي انتا بس الي ابيك والله بس الي ابيك... نتا غير الناس عندي انتا عندي شي كبيررر... كيف بصبر وانا شايف ناس من حولك ... وانا احببك واقولها لك كلمه خليها في بالك... انا ماني اي عاشق انا لما اعشق اغير والله لما اعشق اغيرر.. والكل هنا صفق له على هالاداء الروعه وكان الكل مبسوط مرره من الاغنيه ويردد معاه... لمن اخلص امجد طالع في لمى ولقاها تطالع فيه بحيررره وعدم تصديق تلاقت عيونهم ودار بينهم كلام وكلام بس محد فهمه...بس بعدين امجد رخا راسه لانه مايدري شو هالشعور الي في نفسه يحس نفسه مستغرب من الي سواه ليه اهداها هالاغنيه وليه ياترى عيون لمى كدا وليه كان حاسس انه يغني الاغنيه من قلبه والف ليه وليه في بال امجد مو عارف يجاوب عليها..في نفس الوقت لمى كانت محتااره اكثر منه بألف مررره حست امجد يغني بأحساس وكلمات الاغنيه غريبه صارت تقول في نفسها يحبني انا يحبني لالالا مستحييييييل ما اعتقد يحبني ويكلم بنااات يحبني ويعاملني بي هالطريقه يحبني ويستهزء فيه ويقهرني لالا ادري فيه امجد مااااااااايحبني يكرهني يكرهني...واعتصر قلبها من الحزن وكانت حتقوم عشان لاتفضحها عيونها وتنزل الدموع...بس منى كانت حاس فيها ومسكة يدها و ماخلتها تروح.. منى:هدي حبيبتي واجلسي لمى............... وهنا فاجئهم رامي انه دوره وقال:اممم احم اهدي الاغنيه التاليه الى جميع الحاضرين هنا خالد:لالالا رمووي ماينفع لازم احد معين رامي:اقول اسكت انتا بس اسمع الاغنيه بعدين احكم ماينفع تنهدي لشخص خالد:اوووف طيب غني وورينا رامي:اغنية شموخ لراشد الفارس..((http://www.*****.com/songs/rashed-al...moo5.ram))وهنا الكل انبسط لانه الاغنيه رجه ورهيبه.. واخدو امجد ورائد طبال صغار وبدأو يطبلوو فيها..وخالد على البيانو...ورامي على العود..والبنات يصفقوو وبدأ يغني رامي بصوته الساحر والحلو والي كان احلى من امجد وخالد بألف مره:توونا تووونا توونا ما اروعك والليل بأول شبابه يوم طاب السهر واستعدت لقبال الرحيل... جيت كلك شموخ وكبرياء ومهابه.. جيت شوق ومشاعر في زمانً بخيل تووونا تووونا.......الخ ولمن انتهى صفقوو له الكل وهما مبسوووطين موت من الاغنيه الروعه... وبعد كدا خالد قال:يالله دوري دحين انا حغني اغنية مروان خوري كل القصايد((http://1.*****.com/marwan-5oori..kel-al-gesayed.ram)) واهديها لأحلى اختين بالكون منى ورندا وصفر له امجد على الاختيار الرهيب:ياهووووووووووووو امووت انا في الذوق ولمى استغربت لانه بدأت تحس انه ذوق امجد نفس ذوقها كل شي يعجبه للحين يعجبها بس سكتت..ومنال استغربت من اختيار خالد وقالت في نفسها شكله مرره رومنسي يعزف على البيانو وكمان اغانيه رايقه وراقيه..بس مسكين يحزن تلاقيه يفتقد زوجته نهال...آآآآآآآآآآآآآآآه يانهال والله وحشتيــــــــــــني مووووووووت ياحبيبتي آآآه بس آآآه...منال كاانت مررررررررره تعزز نهال وكانت من افضل صديقاتها..بس الموت فرقهم زي ما فرق خالد ونهال...ودمعت عيووون منال..وخالد مو بالعنيه جات عينه على منال وشافها تطالع فيه بحزن والدموع في عينها فا استغرب لكن اتكلم وقال:يالله سكووووت ابغا اغني...وبدأ يعزف ويغني والكل سكت مع العزف الرهيب لخالد... |
|
28-08-2005, 04:58 AM
|
#112 |
|
][§¤حلا ذهبي ¤§][
|
مشاركة: عمق القلوب....قصة واقعية
خالد بصوت هادي ودافي وهوا يتخيل نهال قدامه:آآآه على قلب هوا....الخ
وبعد ماخلص صفق له الكل بحراره....ودمعت عيووون خالد لمن شاف الشموع الي فوق البيانو لانه افتكر لمن كان يقعد يعزف على هالبيانوو ونهال تقعد تسمعه على نور الشموع الي كانت دووم تحطها فوق البيانو وتقعد تدلل عليه وتختار الاغنيه الي تبغاها يغنيها ومعظم اغانيها كانت هاديه ورايقه زي هالاغنيه وكانت دوم اجوائهم رومانسيه وهاديه ورهيبه..ايااااااااام مرت على خالد مستحيل ينساها.. وبعد كدا قال امجد:يالله دووورك جابر جابر وجهه حمر:لالالاا ما ابغا صووتي مو حلووو امجد والشباب:مافي حتغني يعني حتغني جابر:لااااا حرام عليكم صوتي مو حلوو والله رامي:مالك دخل انتا غني احنا الي طلبنا واحنا الي حنسمع مو انتا جابر:معليه محا اغني ما اقدر رائد:وهوا يقووم عشان يسوي نفسه يبغا يضرب جابر:قلتلك حتغني ولا بي هالعقال انتا فاهم وفي هاللحظه دخل اببو جابر عليهم..ورائد شافه فجلس واستحا..واستغرب ابو جابر قعدتهم بس سكت وابتسم وقال:شووو مجلسكم هنا بنات خالد:انا الي قلتلهم كنا بنغني وهما طفشانين فجو جلسو معانا ابو جابر:والله تغنو طيب كويس اجل اسمحولي ابغا اجلس معاكم الكل:حياااااك في هاللحظه ابتسم جابر بخبث وقال:انا عن اذنكم تعبان وابغا انام الكل.....سكت لانهم مايقدرو يقولو شي في وجود ابو جابر..بس ابو جابر قال.. ابو جابر:خلييك جابر جابر:معليه يابويا تعبان وابغا اروح ارتاح شويه ابو جابر:براحتك ياولدي وراح جابر..وامجد طالع في لمى بنظره عشان تقوم وترووح هيا كمان لانه مايرضا انها تقعد في وجود خاله حتى لو كان في مقام ابوها اول سكت عشان خالد لكن دحين مايحتاج تقعد...لمى فهمت عليه وكانت هيا كمان نفسها تروح لانها محرجه من ابوجابر وماعمرها قعدت معاه فقامت بدون محد يحس فيها وراحت.. وبعد كدا كملووو الكل غنا وحركااات..وانبسطوووو ولمن ادن العصر راحو الشباب يصلو في المسجد الي قريب من المزرعه والبنات صلو جماعه بعدين خرجو يتمشو في المزرعه.... |
|
28-08-2005, 06:22 AM
|
#113 |
|
(حلا متميز)
 
|
مشاركة: عمق القلوب....قصة واقعية
واااااااااااااااااااااااااااااااااااااااااو البريئه القصه روعه واااااااااااااايد حلوه وحداثها اتيين بلييييييييز كمليها بسرعه
اختج بنوتة ابوها |
|
|
|
|
28-08-2005, 07:23 AM
|
#114 |
|
(حلا متميز)
 
|
مشاركة: عمق القلوب....قصة واقعية
مشكوووورة أختي
لأنك كملتيها بسرعة مشكورة أخوك الجني |
|
29-08-2005, 03:12 AM
|
#115 |
|
][§¤حلا ذهبي ¤§][
|
مشاركة: عمق القلوب....قصة واقعية
بنووووووووتة ابوهاااااا
الــــــــــــــــــــجني الحلووووووووووووووه فداااااااااااااااااااااء تسلموووووووووووووووو على المتابعة واتمنى تقيمون الموضوع لكم احلى التحيات : البريئة :cool: |
|
29-08-2005, 03:14 AM
|
#116 |
|
][§¤حلا ذهبي ¤§][
|
مشاركة: عمق القلوب....قصة واقعية
*&*الجزء التاسع والعشرون*&*
بعد المغرب رجعو البنات من المزرعه ودخلوو الفيلا عشان يصلو المغرب وفي نفس الوقت رجعو الشباب من بره لانهم راحو يتمشو على البحر شوويه...الشباب راحوو لمجلس الرجال لانه في رجال جيين لأبو خالد وامجد دخل للصاله عشان يكلم امه الي نسيها من الصبح وهيا تبغاه...ولمن ماجاته امه قعد يتفرج على التلفزيون الين ما ادن العشا و دخلوو عليه لمى ومنى...ولمى لمن شافت امجد رمقته بنظرة احتقاار قويه وكانت حتخرج من الغرفه...بس منى مسكتها من يدها وجرتها وقعدتها قدام امجد..ولمى تتحقرص تبغا تخرج ومنى ماسكتها بالقوه وماهي راضيه تفكها.. لمى:منى سيبيني ابغا اروح ايش بك؟ منى:مافي شي بس انطقي منتي خارجه ايش هوا دا زودتيها لمووي لمى....سكتت لمن شافت خالتها ام خالد دخلت وقامت عشان تسلم عليها... لمى وهيا تسلم على راس ام خالد:هلا خالتي ام خالد:هلا حبيبتي ام خالد وهيا تطالع على يمينها وتشوف امجد قاعد يطالع فيهم ويبتسم:يوووه شو هايدا مين دخل هالولد طلعووه بره مابدي شوفه طلعووه بره لمى ضحكة على شكل امجد المتفاجئ:ههههههههههههههههههه امجد وهوا مصدوم:شو فيكي يا امي ام خالد وهيا تجلس:مابدي شوفك روح من قدام وجهي امجد وهوا يقوم ويقعد جمبها ويبوسها على راسها:افااااا دحين مابدك تشوفي وجهي افا بس افا ام خالد:ايييه لما بتعرف شو سويت تعال كملني لمى ومنى......مستغربين ومو فاهمين شي بس مستمتعين بشكل امجد الي يضحك.. امجد:شووو سوووويت؟؟؟ ام خالد:ماسويت شي بس هلأ افتكرت انه عندك ام امجد والي ابتسم لانه فهم الموضوع:ندووووي...ناديه...قلبي...حياتي<<<يدلع امه..تزعلي من ولدك حبيبك كدا ماهقيتها منك ام خالد:ندووي في عينك كلمتك في الصبح وكل كلمه والتانيه تامرين امر ومن عنوني وتسمعني احلى الكلام وبعد كدا ما بشوف وجهك طول النهار ولمن انده لك ماتجيني وتخصرني هايدا مقداري عندك مجوود اوكي مشكوور حبيبي..وصح هلأ ليه جي تعبت نفسك حبيب البي كان ماجيت احسن لمى ومنى...................!!!!!؟؟؟؟؟؟ امجد وهيا يطالع في لمى ويبتسم:امي حبيبتي حياتي بليييييييز لاتزعلي والله انشغلت واتربشت مع الشباب ام خالد وهيا تطالع في الجهه التانيه:مالي خص امجد وهوا يسوي نفسه شويه ويبكي:ماااااااااامي بلييييييييييييز ام خالد وهيا مصدومه وتطالع فيه:مجود شو حركات البزران هاي لمى + منى:هههههههههههههههههههههههههههههههههههه امجد وهوا متجاهل وجودهم وبأستسلام لأمه:اوكي شووو تبيني اعمل عشان تسامحيني ام خالد:امممممممم امجد:هااااااااا ام خالد بخبث:بدك تعمل اي شي امجد:اي شيييييي لمى الي المبسوطه من حركات ام خالد في امجد وتقول في نفسها اخيراً لقيت من يبرد حرتي فيك يا امجد... ام خالد وهيا تبتسم للمى:خد لمى وروح مشيها على البحر امجد ولمى !!!!!!!!!!!!!!!!!!!!!!!!!!!؟؟؟؟؟؟؟؟؟؟؟؟؟؟؟؟؟؟؟؟؟؟ منى :ههههههههههههههههههههههههههههههه والله انك مصيبه ياماما ام خالد بتحذير:بنت استحي منى:ههههههههههههه سوري سوري والله مو قصدي امجد والي مو عارف ايش يقول صدمته امه:من جدك تتكلمي؟؟ ام خالد والي تظهر جانبها النجدي في كلامها:اقلك قوم الحين وبلا كلام فاضي شين وقوي عين بعد مو توك تقلي اي شي امجد + منى:هههههههههههههههههههههههههههههههههه طلعت النجديه ام خالد ووجهها محمر لانها دوم تحاول ماتبين لهجتها النجديه ودوم تحاول تخلي لهجتها يا لبنانيه ياحجازيه((يعني تدمج بين الاتنين)):صج ماتستحوو امجد وهوا مبسووط:تااااااااااااامرين امر ولا يهمك بس مو دحين دحين انا تعبان وابغا ارتاح ام خالد وهيا تطالع فيه بعدم تصديق:ويعني متى بتوديها؟؟ لمى والي تدخل في نص الحوار:مايحتاج ياخاله امجد والي يقاطعها:يحتاج ونص انا راضي وانا حر...ويطالع في امه...بكره ان شاء الله في شي تاني؟؟ ام خالد وهيا مبتسمه:هااااادا ولدي الي انا اعرفه امجد:يعني رضيتي خلاص ام خالد:اكيييييد وبعدين انا ما ازعل من ولدي حبيب البي انا بس كنت اتغلى عليك ههههههههه امجد:ياهووووووووووووووووو امووت انا على الي تعرف تتغلى خلاص حبيبتي ولا يهمك مايصير خاطرك الا طيب ام خالد وهيا تبوس امجد بين عيونه:يعلني ما اخلى من هالشووف يارب امجد وهوا مبتسم:الا بسألك امي؟؟ ام خالد:شو؟ امجد:انتي ليه ماتتكلمي نجدي كتير وحتى لمن تتكلمي على طوول تخفيها بكم كلمه لبنانيه ام خالد:امممممم مدري بس احس اني لمن حتكلمها حصير بايخه إكتيرر تلات لهجات حجازيه..لبنانيه..نجديه...ماصخه الحكايه وربي وبعدين كل وحده تختلف ع التاني اختلاف بين السما والارض بس لاتحسبني ما احب اللهجه النجديه الا انا امووت فيها وامووت على اهلها انا اتربيت في نجد واصلي واهلي هناك بس اتأثرت بلهجت امي وخلاص ما اقدر اغيرها لكن احياناً لمن اعصب يطلع الكلام بدون ما انتبه له منى:ههههههههههههههههه ياحليلك ياماما ام خالد:المهم بلا كترة حكي واقلبو وجيهكم دحين حيجووني ضيووف ومابدي شوف حدا بالصاله منى:عسا بتخليهم يقعدو في الصاله؟؟!! ام خالد:ايوه شو فيها؟ منى:وييي يامصيبه |
|
29-08-2005, 03:15 AM
|
#117 |
|
][§¤حلا ذهبي ¤§][
|
مشاركة: عمق القلوب....قصة واقعية
امجد وهوا يدخل بالنص:ليه ماتخليهم يطلعو فوق عندك احسن وافخم الصوالين في الدور التالت
ام خالد:انا حره وبعدين انا بخاف من هاالاصنصير بيعملي قلق لما بركبه والدرج مابتقوى رجلي عليها امجد:ياربووو على القلق خلاص براحتك يالغاليه..انا رايح ارتاح تامريني بشي ام خالد:سلامتك ياولدي....ويروح امجد بدون مايعبر لمى بنظره ولمى مستغربه دحين امجد من جد حياخدها ويمشيها وتروح هيا وياه لحالها لالالا مستحييييييييل محا ارضى...وامجد طلع مبسوط لانه عارف افكار لمى وعارف.. منى وهيا حاسه بأفكار لمى:بنت بلا بياخه امجد مو غريب عنك اوكي وتراكي مزوده الحكايه عن حدها واعتقد انك فهمتي من كلامه مع امي انه هيا الي كلمته في السياره وبعدين كيف نسيتي انه امي اسمها ناديه والله امجد ذكي عرف كيف يقهرهك وانتي هبله على طول انقهرتي غبيه لمى وهيا تفكر في كلام منى وتأكده في بالها:والله اخوكي دا مصيبه وداهيه مايعلم بها الا ربنا منى:ههههههههههههههههههه ادري طالع عليا لمى:بلاهي احلفي انتي بس منى:من جد لمى:والله ماعندك ماعند جدتي قوليلي مصيبه وحده سوتيها وانا اصدقك منى:اقولك ماتلاحظي تصرفات رندا تجاهي لمى:الا..وتقاطعها ام خالد... ام خالد:بنات شو قلت بيجوووني ضيوووف هلأ يعني ياتقومو تساعدوني وتسوو القهوه وترتبو الصاله ولا يا تروحو لكم اي مكان تااني بدي شوف شغلي منى وهيا تجر لمى:لالالا نروح مكان تاني....وتطلع لمى مع منى ويروحو عند الخيول...وتحكي منى لمى المقلب الي سوته في رندا... لمى انفجرت ضحك:هههههههههههههههههههههههههههههههههههههههههههههه ههههه والله انك مو بس مصيبه الا داهيه وستين داهيه كماان منى وهيا تسند نفسها على السور الي يطل على اسطبل الخيول:هههههههههههههههههه شفتي كيف بس ايش رايك في المقلب رووعه موو؟؟ لمى:والله انا لو مكان رندا كان وريتك العجب بس يحليلها رندا اكيد مابتسكت لك اعرفها هالبنت منى وهيا تتصنع الخوف:تصدقي بمووووت رعب منها تخوفني يمممممه بموووت ساعديني بلييزز اهيء لمى:ههههههههههههههههههههههههههه الله يرجك منى:هههههههههههههههههههههههه ويرجك انتي كمان لمى:بعدين اطش منى:شوووو؟ لمى:اطش عليكي يعني ياهبله زي البيبسي لمن ترجيه يطش هههههههههههههههههههههههااااي منى:والله انك انتي الهبله لمى:طالعه عليكي منى:بس انا احسن منك بشويه لمى:هاهاها مره تضحكي اسكتي بس اسكتي منى:كمان تسكتيني هادا جزاتي اني معطيتك وجه وسايبه البنوتات الحلوات لحالهم لمى:اللللله مين البنوتات الحلوات هادولا منى:كل البنوتات الي في البيت حلوااات طبعا الا.......وبصوت واطي...الا انتي<<<تتريق عشان تبغا تثير اعصااب لمى لمى:نعممممممممممممممم ماسمعت شوو قلتي اقين بليز اقين منى:ها ولالا شي اقولك ابغا اروح اشرب موويه باااااي هههههههههههااي<<<وتروح تجري ولمى تلحق وراها عشان تضربها... امجد وهوا يراقب من البلكوونه الي في الدور التالت ويكلم نفسه:ههههههههه الله يرجكم من بنات هبل فضحتونا احد يجري كدا وفي جهه تانيه من المزرعه...مي ورندا جالسين على الحشيش وتحت وحده من الاشجار ويتفرجوو على محمد واحمد وفهد وهما يلعبوو كوره ويجرو.. رندا وهيا تتأمل شكل مي الي باين عليه التعب:ليه تخبي علينا يالدبه؟؟ مي بصدمه:اخبي ايش؟؟ رندا وهيا تطالع فيها بنص عين:يعني ماتعرفي هااا؟؟ مي وهيا كاتمه ضحكتها لانها تدري انه رندا اكيد عارفه:مدري عنك قاعده تخرفي رندا وهيا تقرب من مي وتحط ادنها على بطن مي:ماعرفتو اذا بنت ولا ولد مي والي ماصار عندها شك انه رندا عارفه ومتأكده كمان:هههههههههههههههههههه والله من جد انك ساحره رندا وهيا تسوي نفسها ضعيفه وبريئه:يؤ شووووو سوويت؟ مي وهيا تبتسم:ولا شي رندا:ماقولتيلي ليه تخبي علينا؟؟ مي وهيا تطالع في القمر:امممم رائد طلب مني رندا بحيره:وليه يعني؟؟؟ مي:يقول يبغا يسويها مفاجئه رندا:بس ياذكيه شكلك باااين مرره! مي وهيا تطالع في بطنها:اممممم والله مدري انا بحاول وبعدين الين دحين محد عرف غيرك يالسوسه رندا بخوف على اختها:بس شكلك تعبانه انتي في الشهر الكم؟ مي والابتسامه شاقه حلقها:التامن رندا:وااااااااو يعني بقي شهر كووول والله..يعني حصير خاله مي وهيا متفاجئه:وي واحمد وفهد مو مالين عينك ولا شو؟ رندا:لاء مو على كدا بس بصير خاله للمره التالته ههههههههههههههههههه مي:هههههههههههههههههههه والله انك رندا:ايششش كمليها لو فيكي خير مي:هااا لاولاشي رندا:ههههههههههههههه تخافي مني هاهاهاها مي:تخسي الا انتي الي اخاف منك اختك الكبيره انا احترميني رندا:احم احم سووري اعتذر اقدم فائق الاعتذار عما بدر مني واذا اردتي ان انحني لك فلدي مانع هع هع هع مي:هههههههههههههههههههههههههه الله يخبلك اكثر من ما انتي مخبوله رندا......تسرح في القمر... مي:الا اسألك رندوووي شوو فيكي على منى؟؟ رندا ووجهها يحمر والشر يندر من عيونها وتطالع في مي:اسكتي بس لاتفكريني كل ما افتكر احس نفسي اغبى انسانه في الكون مي:ههههههههههههههههههههههههههههههههههه روووعه رندا وهيا مصدومه:شوو الي روووعه؟؟؟؟!!! مي:انك تحسي انك اغبى انسانه في الكوون هاهاهاهاها رندا:وجع في شكل الشيطان مي:لا من جد شو سوت؟؟ رندا:مالي دخل ماني قايلتلك لمن تحترميني انا اختك الصغيره<<<تقلد هههههه ... مي:ههههههههههههههههههههه خلاص ماتبي براحتك انا اسأل منى وهيا حتقولي بالتفصيل المملللل رندا:لالالا الله يخليكي لاتسأليها خلاص انا اقولك شوفي....وحكتها على الي صار... منال كانت قاعده لوحدها تتمشى في المزرعه..والافكار توديها وتجيبها تبحر في عالمها الخاص وعالمها يبحر فيها... تفكر في كتير اشياء..والاغلب حياتها بلي فيها..منال كانت شاعره ومحد يدري عنها...كانت شاعره لنفسها.. كانت تقول كلام وكلام لكن كله في نفسها...محد يسمعه...محد يعرفه ..محد ممكن يفكر فيه.. كتير من الناس لمن يشوفو منال يحسبوها انسانه تافهه وهبله ومرجوجه وهيا بالاساس بحررر وعالم من عوالم الفكر والذكاء وحكمة العقل...لكن هيا ماتبين ولا احد اصلاً حاول يكتشف..منال عاشت للناس وحاولت تسعدهم..بس محد فكر فيها ولا احد حاول يعيش عشانها ويسعدها...صحيح انها محبوبه من الكل وقريبه منهم لكن الي قريب من القلب غير الي جوة القلب...ويمكن هيا جوة قلب الكتير بس هيا تتمنى انه احد يكون جوة قلبها ويملكه... كانت منال رومنسيه وحالمه...وافكارها كبيره وفي نفس الوقت هادئه وعميقه..ماتدري هيا تفكر بأيش..ولا الافكار تدري هيا لفين حتوصل معاها...تعبت منال من المشي ووقفت عند قفص كبير للارانب وكانت منال تموت على الارانب..ففتحت الباب واخدت واحد وقعدت تلعب معاه بكل بساطه وفرح وهدوء...كانت افكار منال وهيا بتلعب في الارنب بعيييده كانت افكارها توديها لبعيييد لمحل مايكون معاها فيه احد...كانت تفكر لمن حتكون ام ايش حتسوي وكيف حيكونو اطفالها دوووم كانت تفكر بالاطفال الي حيملو حياتها ومع الانسان الي حيكون معاها عشان يربي اطفالها...ابتسمت وهيا تشوف الارنب وقالت وهيا تتنهد:ااااه ايت مستقبل هادا الي حيستناني اخاف اغرق في افكاري واحلامي وفي الاخر ما القا شي اااه بس ااه...منال كان عندها حزن دفييين كانت تتمنى شخص كاانت تتمنى احد يسكن قلبها احد يتملكها ويتملك كل احاسيسها بس هيا تحس انه دا الشي مستحيل يصير..عادات مجتمعها وتقاليده ماتسمح بأي علاقات من هالنووع وكل العلاقات الي تكون في الحب لازم يكون بدايتها غلط عشان تدخل فيها...ومنال ما تقتنع في شي زي كدا وماتحب تسوي الغلط...واذا كان في علاقات ممكن تنبني على الاحترام والحب الصادق فهيا قليله لكنها ماهي معدومه هيا موجوده ويمكن بكثررره..بس مو حوول منال ولا معاها ولا في مجتمعها...لانها تحس انه مافي احد للان يستحق حبها ولا قلبها..وغاصت وغاصت في احلامها وافكارها...وكانت في عيووون بتراقبها من اول وحاسه بأفكارها وحزنها...كانت هالعيون هيا عيوون خالد الي كان قاعد في اسطبل الخيل ويرعا فرسه الإلكساندرا<<<ياعيني على الاسماء...وكان خارج من الاسطبل ورايح للشباب لولا انه لمح منال وشدته تعابير وجهها الحزينه فقعد يشوفها ايش بتسوي..ولمح حركاتها الطفوليه والبريئه مع الارانب وحس انه نفسه يرووح ويجلس معاها..مدري ليه يحس منال قرييييبه منه يحسها نسخه من نهال..يحسها انسانه كيوووت وحبووبه..و حزنها وحالها خلاه يفكر انها بنت غير عن كل البنات حتى في حزنها حس انه حزنها مدموج بأمل حس انه حزنها مدموج بفرح وحس في نظرتها تعابير ماعمره شافها في عيون احد..ابتسم واخد فرسه وبطل يروح للشباب وراح لناحية منال... منال اتفاجئت من الصوت الي جي من وراها..وطالعت لقت احد راكب على الفرس وجي لجهتها...وكان المكان مضلم شويه فما لاحظت الشخص مين وخافت وكانت حتروح...بس صوته شدها وحست انها تعرفه.. خالد:منال فين رايحه؟؟ منال....... خالد:ههههههههه ماعرفتيني انا خالد منال:اهااا خالد سووري ماعرفتك حسبتك واحد من السواقين خالد:ليه شكلي زيهم؟ منال بخجل:لا لا مو قصدي خالد:هههههههههههه ادري فاهم عليكي بس بمزح منال......... خالد........ خالد:ايش بتسوي لحالك هنا؟؟ |
|
29-08-2005, 03:16 AM
|
#118 |
|
][§¤حلا ذهبي ¤§][
|
مشاركة: عمق القلوب....قصة واقعية
منال وهيا تمسد على الارنب الي في يدها:كنت طفشانه وماني عارفه ايش اسوي فقعدت اتسلى مع الارانب
خالد وهوا يطالع في الارنب الي في يدها:تحبي الارانب؟ منال:مررررررره خالد:ماشاء الله وايش تدرسي ؟ منال:شريعه خالد:ماشاء الله وقد ايش باقيلك؟ منال:امم والله حسب التساهيل يا سنه يا اكثر خالد وهوا مبتسم:الله يوفقك منال حست انه عاجبته الحكايه وشكله حيطول فقالت:امم اوكي انا استاذن تامر بشي خالد والي فهم عليها:ههههههههه لالا سلامتك والسموحه على اللقافه بس شفتك لحالك قلت اجي اسليكي منال:مايحتاج تتعب نفسك انا رايحه للبنات دحين خالد:اوكي الله معاكي منال:مع السلامه خالد من قلبه:الله يحفظك وراحت منال وهيا محتاره من هالخالد مررات تحسه مرره مؤدب واحياناً تحسه وقح وقليل ادب..لانه كيف يجي الين عندها وهوا شايفها لحالها المفروض مايجي ويحترم انها بنت وقاعده لحالها..بس في الاخر قالت مايصير اتكلم على ولد خالتي كدا اكيد ماكان يقصد شي..يالله الله يهديه في كل الاحوال... خالد وهوا مستغرب من نفسه انا ايش الي خلاني اجي اكلمها دحين ايش تقول عني البنت اكيد حتاخد فكره غلط عني..والله ماكنت اقصد شي بس شفتها لوحدها وحبيت اسلم وامشي..وبعدين افتكر نهال وقال لو نهال كانت موجوده حترضا اني اكلم منال بدي الطريقه الي كلمتها بيها قبل شوويه...طبعا لاءءء...نهولتي كانت تغار عليا من نسمة الهوى كيف اجل بنت حلوه وكيوت زي منال...لازم اتجنبها من اليوم وما اكلمها ابداً والله يستر وما اغلط مره تانيه...وراحوو الاتنين كل واحد في عكس طريق التاني..وما ندري اذا الاقدار حتجمعنا بمواقف تانيه مع هالاتنين ولا خلاص دا كان نهاية موضوعهم وعلاقتهم.. في مكان تاني من جده وفي بيت رهف بالتحديد... كانت رهف قاعده على اعصابها من مكالمة الممرضه الصبح مقهوره قهر وخاايفه على ماجد مووت خايفه يكون صار فيه شي...وكانت كل افكارها في ماجد وايش صار له في نفس الوقت مازن كان بالغرفه الي جمبها يفكر في نفس الشي...وقعد مازن يفتكر يوم ما اخد رهف من المستشفى ويوووم ماكانت كل نظراتها موجهه لغرفة ماجد والشووق الي باين في عيونها والاهتمام الي مرره كان واضح.. مازن كان حيجن مايستحمل فكرة انه ممكن تكون في علاقه بين ماجد ورهف وحس انه ممكن يقوم ويقتل ماجد بس لمجرد هالفكره..بس بعدين استهدى بالله وقال انا لازم اكلم رهف ونتفاهم مايصير هالوضع الشكوك حتقتلني...وراح لغرفة رهف ودق الباب... طق طق... رهف:مييين مازن:انا رهف وهيا مبتسمه:مسكين اخويا حبيبي ماشفته اليوم مره مدري ايش به حابس نفسه في الغرفه رهف وهيا تفتح له الباب:هلا مزون حبيبي مازن وهوا يدخل وشكله تعبان:كيفك رهوفه رهف وهيا خايفه على اخوها:مازن شو فيك تعبان من شي؟ مازن:لاء...........بس في واحد شي تاعبني رهف:شنو؟ مازن:انتي و..............................ماجد رهف؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!! رهف بصدمه:شنو شنو وشو دخلني ودخل ماجد فيا؟ مازن:رهف ترى انا عندي عيون قبل مايكون عندي عقل افكر فيه وصراحه وايد خايف عليج مازن:انا ييت اتكلم معاج لاني اعرف انج ماتكذبي عليا وقطعت شكي بأني صارحتج رهف:شوو شكك هادا؟ مازن:رهف تفتكري قبل سنتين لمن تعبتي وكنت ترددي اسم ماجد في المستشفى طول الليل...وبعدين لمن شفتيه معايا تعبتي ومدري شو الي صار لج وماجد لمن شافج تعبان انجن وعمل المستحيل وضحا بصحته عشان ينقذج وبعد كدا لمن خرجتي من المستشفى نظراتج لغرفة ماجد والاهتمام الي بعيووونج...كل دا وماتبيني اشك رهف انا صريح معاج خليج صريحه معايا بليز ما ابغا اخسرج رهف والسبه افكاري صحيلي افكاري وشكوكي وقوليلي الصج رهف بحزن:اسفه لاني خيبت ظنك مازن؟؟؟؟؟؟؟؟؟؟ رهف:انا حقولك على كل الي صار من البدايه للنهايه بس توعدني انك تتفهم الموضوع وما تعصب مازن:................اوعدج بس انتي ارمسي وحكته رهف على كل شي من يوووم ما شافت ماجد في بيت منى الين اليوم الي كلمته فيه بالمستشفى...وكانت صريحه معاه وماخبت ولاشي ولا كذبت ولا بكلمه... مازن +رهف................................. رهف بتردد:مازن لاتحسب اني استهنت بمبادئي واخلاقي انتا تعرفني وتعرف اني مستحيل اتنازل عن شي من مبادئي بس قلبي حكمني ماقدرت اسوي شي اعتقد انتا لاحظت عذابي في السنتين الي راحت مازن انا قلبي هوى وانا ماقدرت امنعه وانا ضعيفه ضعيفه واااااايد وما اقوى اني اسيطر على قلبي ولا اقدر ادعس عليه في سبيل اي شي تاني..((وهنا تبكي رهف وتنزل دموعها))بلييييز مازن افهمني وصدقني والله اني ماكذبت عليك في حرف.. قلتلك كل الي صار لاني واثقه فيك وعارفه اني لو قلتلك الصج راح تتفهمني بليزز مازن ادري اني غلطت وغلطي يمكن مايغرفه اي احد في مكانك بس انتا تعرف يعني شنو لمن القلب يهوى محد يوقف في طريقه وانتا قد ايش قاسيت مع منى وتدري بظروفي ويمكن حاس بشعووري انا حبيت ماجد بكل صدق بس مافكرت في يوم اني اغلط وانا ماغلطت في شي غير اني كلمته واصلاً كلها تلاته مرات اول مره كلمته فيها والمره التانيه لمن كلمني لانه حيسافر ووالله اني ماكلمته قبل كدا وماصار شي بيننا غير اخر مره في المستشفى مازن........... رهف:ادري انه اي احد مكانك بيقوم ويضربني ويجلدني جلد وانا راضيه بتضربني اضربني بتقتلني اقتلني بس حبي لماجد محا يموت لو شو سويت وانا اقلك الصراحه مازن:وليه مارمستيني في هالموضوع قبل كدا؟ رهف:ماجات فرصه وبعدين شو تبيني اقولك اقلك انا احب واحد مستحيل مزون مستحيل مازن والشر في عيونه:يعني تبي تقوليلي انتي للحين تحبيه؟ رهف بكل قوه:ايوه احبه محا اكذب عليك مازن وهيا يبتسم:هادي اختي الي اعرفها رهف؟؟؟؟؟؟؟؟؟؟؟؟؟؟؟؟؟؟؟؟؟؟؟؟ رهف:شوووووووووووووووووووووووووووووو مازن:هههههههههههههه اقصد ايوه كدا اتأكدت انج صادقه معايا لاني اعرف اختي ماتتنازل عن شي لو شنو ماصار وانتي اثبتيلي انج صج تحبي ماجد وانا اقدر حبج لان الحب شي الانسان مايقدر يسيطر عليه ولا يقدر يتحكم فيه وانا مقدر كل الي صار ولحظات الضعف دوم تواجه الانسان وانتي ماقدرتي تمنعي نفسج من حب ماجد الي فرض نفسه في حياتج بدون مقدمات..يمكن تنصدمي من كلامي ويمكن ما اتوقعتيه بس لاني حبيت بصدق واعرف شعورج قلت شذي وحتى ماجد انا مقدر وضعه وشعوره واقدر انه صارحج قبل لايسافر ومؤيد كلامه عيل كنتي تبغيه يعلقج معاه ويخدعج لالا رهوف ماجد كانت صادق معاج والمفروض انج ماتزعلي منه رهف:مازن من جدك انت ترمس هالكلام؟؟ مازن:ايه من جدي عيل من عمي رهف........ مازن:رهوف حبيبتي خليني اقولج شي ماتفتكري شو قلت لج قبل سنتين وانتي في المستشفى رهف:شو؟ مازن:قلتلج مهما يكون سبب المج ومرضج يارهف لازم امحيه من مذكرتج ووالله لا مااخليج تبكي دمعه وحده مدام انا على وجه هالارض ومحا يصير الا الي انتي تبيه اوعدج رهف وهيا تبتسم:ايه اذكر مازن:وانا عند كلامي رهف بحيره :مافهمت شو تقصد مازن:يعني انتي الحين مو تحبي ماجد رهف بشوية خجل بس مستخبي:هيه مازن:وماجد يحبك رهف:هيه مازن:خلاص عيل يعني لازم اخليكم تنجمعو مع بعض واذا انا ماقدرت اتوج حبي بخليكم تتوجو حبكم وتنسعدوو رهف تطالع في اخوها بفخر ونفسها تقول للعالم كله هادا اخويه اخويه انااا... مازن:بس في شي رهف؟؟؟؟ مازن:اول شي ابغا اختبر حب ماجد واذا كان صادق اوعدج انج مابتكوني لأحد غيره رهف:وكيف حتختبره؟؟؟ مازن:انتي مو شغلج هادا شغلي وبعدين دوبي عرفت ليه اختفا من يوم المستشفى للحين ومايكلمني تلاقيه قرر يبتعد الاهبل محا اخليه الين ما اتأكد اول شي رهف وهيا تتذكر مكالمة الممرضه:ايييه صح نسيت اقولج اليوم كلمت المستشفى وسألت عنه وردت عليا الممرضه الي ودتني عنده ولمن سألتها عنه ماردت عليا وفي الاخر قفلت السماعه في وجهي انا شاكه انه يكون صار له شي مازن:لا ما صار له انا متأكد رهف:وانتا شو دراك؟ |
|
29-08-2005, 03:18 AM
|
#119 |
|
][§¤حلا ذهبي ¤§][
|
مشاركة: عمق القلوب....قصة واقعية
مازن:مدري بس كدا حاسس وبعدين ولا يهمك بكره حكلمه واتصل عليه ونتفاهم
رهف:محا تقولي شو حتسوي؟؟؟ مازن وهوا يخرج من الغرفه:قلتلج مالج خص وبعدين انتي اثقلي وما ابغا اشوف معاه حركااات فاهمه ودحين نامي وارتاحي وسيبي عليا الباقي *&* الجزء الثلاثون*&* امجد مانام للساعه سته الصبح كان جالس تحت وحده من الاشجار الي في المزرعه ويفكر بحياته وبللي يصير فيها فكر من يوم ماقرر يشوف مستقبله ومن يوم مابنا احلامه لليوم الي هدم ابوه فيه كل قرارته..وفكر في وضعه مع لمى وفي شعوره اتجاهها حاول يحدد اي شي مااهوو قادر. خاف يقول في نفسه انه يكرهها ويكون ظلم نفسه وظلمها وخاف يكون حبها ويكون ضحك على نفسه وعليها...احتااار امجد في حاله وغااص في افكاره وذكرياته..وكان حال لمى زي حاله مانامت وقعدت سهرانه تطالع من البلكونه الي في الدور التالت على المزرعه كانت تقريباً تفكر في نفس الاشياء الي يفكر فيها امجد.. الاتنين يفكرو في نفس الشي يفكرو ويتذكرو اليوم الي كان فيه عمر امجد 13سنه ولمى عمرها11 سنه اليوم الي راحوو فيه البحر مع العيله كلها..وكانو الشباب الكبار خالد ورائد يبغو يركبو جت ((دباب البحر)) ولمى تتحايل عليهم يركبوها معاهم وهما مو راضيين يخلوها تركب..**ملاحظه**(الجمل الي بين الاقواس هيا ردود فعل كل من امجد ولمى لمن يتذكرو ويستعيدو المواقف الي صارت بينهم))... رائد:لمى انتي دلووعه وخوووافه وحتبهدلينا خليكي هنا والله ماينفع لك لمى:الله يخليكم ابغا اركب والله ما اخااف بليييز رائد رائد:قلتلك لاء يعني لاء لمى وهيا تتطالع في خالد بنظرات توسل:وانتا خاالد؟ خالد بإحراج:اسف انا حركب منى معايا وماينفع اخدكم الاتنين وبعدين اخوكي مو راضي ما اقدر اركبك لمى......سكتت ونزلت دموعها من الحزن..وراحو خالد ورائد وخصروها وقعدت هيا تبكي على الشاطئ وهما راحوو وانبسطووـــ((لمى حست بقهر من اخوها لانه وقف ضدها وماخلاها تركب معاه في ديك الايام صحيح قهرها ماله داعي دحين بس شعور انها انظلمت في يوم من الايام خلاها تنقهر مره تانيه...وامجد لمن افتكر ضحك على حركاات لمى الدلوعه الي تزعل من اقل شي))ـــ وكان امجد قاعد قريب منها يراقبها ويشوف دموعها دموع طفله اتمنت شي الكل حرموها منه...امجد مايحب يركب هالاشياء وكان شويه خواااف بس لمن شاف حال لمى اتقطع قلبه عليها وقرر يضغط على نفسه وعلى خوفه ويركبها..وقاام لعندها ومسك يدها عشان توقف... لمى بخوف:امجد ايش حتسوي؟ امجد:مالك دخل قومي انتي بس وقامت لمى مع امجد بدون ماتدري هوا ايش حيسوي..وراح امجد واخد له دباب بما انه ولد ومحد يقدر يقوله لاء ولا حد يخاف عليه لانهم يعتبروه رجال من صغره ومعتمدين عليه في كل شي من بعد خالد..اخد امجد لمى وركبها وهيا في قمة الاستغرااب لانه امجد ماعمره عبرها ولا لبى لها طلب وكان دايما يتضارب معاها فهيا مستغربه من تصرفه معاها...المهم ركبها وكااان يتعمد يسوق بقوووووه عشان يفجع لمى و كانت هيا دلووعه وخوافه اكثر منه فكانت تمسك فيه بقوووه وكانت لافه يدينها عليه وتشد عليها لمن يمشي بقووه وكان امجد مبسووط ولمى كمااان ـــ ((امجد ابتسم في هاللحظه على شيطانته في ديك الايام برغم صغر سنه ولمى ابتسمت كمان لانها دحين استوعبت حركات امجد الي سواها معاها))ـــ ومر الوقت عليهم احلى من مايكوون كله حركاات وانبساااط...وبعد مانزلو وخلصو.. امجد:ها لمى انبسطتي؟ لمى:ايووا مررره شكررا امجد امجد:لا عادي ولووو لمى ببرأة الطفووله قامت وباست امجد على خده وراحت...((لمى اتذكرت هالموقف وهيا تحط وجهها بين يدها وتضحك من كتر الاحرااج تفتكر الموقف ووجهها محمر مدري كيف سوت دا الشي من هبالتها..وامجد افتكر الموقف وهوا مبتسم ابتسااامه عمره ما ابتسمها من كتر السعاده))...فكان داك اليوم في ذاكرة امجد ولمى من احلى الذكريات الي مرت بينهم... لمى حست بالبرد فجئه برغم انه الجو عادي وقامت عشان تروح لغرفتها وتحاول انها تنام..وفجئه لقت جوالها يدق برقم غريب..اترددت ترد وخصوصاً الوقت ماهو وقت المعاكسات فردت بقلق... لمى بصوت ناااعم يسحر اي واحد ممكن يسمعه:الووووو .........:.....صباح الورد لمى حست برجفه في جسمها لمن سمعت الصوت:صباح النور مين معايا؟ .........:ماعرفتيني؟!! لمى:لا والله مين؟؟ ........:انا امجـــد لمى اتخلبطت وحست بالرجفه في قلبها مو في جسمها وقالت في نفسها امجد امجد معقووله من كتر ما افكر فيه اتصل عليا... امجد:عسى بس ماكنتي نايمه؟ لمى:لا عادي صاحيه امجد وهيا يبتسم:وشو الي مصحيكي لمى بغنج ودلال:الي مصحيييك امجد:ههههههههه كيفك لمى والي نسيت مررره انها كانت زعلانه منه اخدت راحتها في الكلام:تمامووو انت كيفك؟؟ امجد وهوا يضحك على طريقة لمى في الكلام:بخير دامك بخير لمى بخجل:يسلمووو امجد وهوا يتشجع انه يتكلم:لمى ممكن اطلب منك طلب؟ لمى لا شعورياً:تدلل؟؟ امجد متبسم:تسلمي ياقلبي لمى...... امجد:امم ايوه شو رايك بسوي لك مفاجئه؟ لمى بفضول:ايش المفاجئه؟؟ امجد:يعني موافقه اني اسويها لمى:ايش هيا؟؟ امجد:المفاجئه لمى:امم اذا مفاجئه عدله وحلوه موافقه اما اذا مفاجئه بايخه فخليها ما ابغاها امجد وهوا مبوز:يعني تتوقعي من مفاجئه بايخه لمى في نفسها اتوقع ونص... لمى........ امجد عرف انها تتوقع منه شي زي كدا فقلها بشوية عصبيه:طيب ممكن تنزلي دحين وتجيني على سيارتي بس بدون محد يشوفك لمى بإستغراب:ليه؟؟؟؟؟ امجد:بس كدا اسمعي الكلام وخلاص باي..وقفل الجوال في وجهها لمى:وه ياربي ايش فيه دا الادمي كدا مره عسل ومره بصل ههههههههههههههه<<<لمى كان مزاجها رايق وماكانت ناويه تعكره ابد عشان كدا استقبلت كلام امجد عادي وقررت تشوف النهايه معاه...لمى قررت تنزل للدور التاني لغرفتها عشان تبدل ملابسها وتاخد عبايتها وتروح لأمجد..ولمن راحت للأصنصير(المصعد)وفتح اتفاجئت بوجود رندا الي كان شكلها دوبها صاحيه من النوم.. لمى بإرتباك لانها ماتبغا احد يشوفها وهيا رايحه لأمجد زي ماقلها:هلا رندوده ايش مصحيكي؟ رندا وهيا تطالع في لمى بإستغراب:عادي صحيت نسيت اصلي الصبح وصليت ورحت لك غرفتك مالقيتك قلت ادور عليكي..الا شو مصحيكي الين دحين؟ لمى بإرتباك:ها...لا ولاشي بس ماجاني نوم رندا وهيا تطالع فيها بنص عين:اهااااا طيب مو مشكله حتنامي دحين لمى والي زاد ارتباكها ومو عارفه ايش تقلها ضيعت الموضوع وقالت:يالله عن اذنك انا كمان نسيت اصلي الصبح بااااي...وركبت الاصنصير التاني....لمى وهيا في غرفتها تلبس العبايه وتتلثم قالت في نفسها ايش يبغا مني امجد انزله ولالا احسن ما انزله واقهره وافتك ولالا حراام احسن خليني انزل واشوف يوووه ايش اسوي انزل ولالا... وفي الوقت الي لمى حايره فيه كان امجد قاعد في سيارته حاير هوا كمان معقوله ماتنزل وتقهرني لاني قفلت الخط بوجهها..يووه يا امجد بالله ايش لزوم هالحركه كان لازم تتصل عليها يعني..احسن والله لو ما اتصلت..لالا شو احسن بالعكس خليني اسوي حاجه عدله تجاه لمى ولو لمره وحده..وبعدين رجع افتكر الموقف الي صار بينهم زمااان وابتسم تاني...في هاللحظه شم ريحة عطررر يدووووخ عطر كله نعووومه وشقاااوه وحركااات ابتسم لانه يعرف انه لمى تحط من هالنوع بعدين فجئه قال في باله لمــــى..وطالع في الكرسي الي جمبه لقا لمى جالسه تطالع فيه بإستغراب... امجد:وي متى دخلتي السياره؟؟ لمى بقهر لانه ما انتبه لوجودها:من سنه ايش بك سرحان وتضحك زي الهبل هاا؟ امجد:هبل في عينك انا بس كنت...وسكت لمى استغربت تصرفه وسكتت هيا كمان تستنى المفاجئه الي يقول عليها...وفتحت لثمتها من الحر ولانه مافي احد معاهم ومافيها شي لو شالت لثمتها.. امجد شافها وابتسم وقال في نفسه اليوم زايده حلاها ماشاء الله يوووه منك ياربي بتذبحيني كل يوم تحلي عن اليوم الي قبله.. لمى والي حست انه يطالع فيها بطريقه غريبه حست في عيونه نظره غريبه تختلف عن كل مره.. نظره ما قد شافتها الا وحده مره..الا في داك اليوم الي مره على ذاكرتها اليوم الوحيد الي امجد كان فيه احن انسان عليها يوم من ايام الطفوله يوم فيه شقاوة وحنان الطفووله يوووم من احلى الايام الي مرت على لمى..وافتكرت حركتها الاخيره واحمرت خدودها وامجد يطالعها بإستغراب شو فيها هادي استحت فجئه يؤ لايكون من نظراتي واستحى ونزل عينه... لمى كانت حتنجن من جو الصمت الي طاغي على المكان وكانت حتتكلم بس امجد اشر له بأصباعه انها تسكت..وحرك السياره ومشي.......... وبعد ربع ساعه كانو الاتنين واقفين قدام البحر وفي مكان رهيب وساااحر..لمى طالعت في امجد بإستغراب تنتظر منه تفسير للي صاير...بس امجد مافسر شي ونزل من السياره وراح لجهتها وفك الباب وقال... امجد:يالله لمو اخرجي لمى:فين اخرج؟؟؟؟ امجد:قلتلك اخرجي وبعدين تفهمي لمى خرجت بإستسلام وماهي فاهمه شي.. واخدها امجد ومسكها من يدها وراح للشاطئ فرش فرشه على الرمل وجلس عليها..ولمى قعدت واقفه.. امجد وهوا يطالع فيها وكاتم ضحكته لانه عارف انها مستغربه:اقعدي لمى ايش بك؟ لمى بعصبيه لانها ماتحب احد يمشيها على كيفه بدون ماتدري:ولا شي بس صراحه ما احب احد يجرني وراه كأني غنمه امجد انفجر من الضحك بسبب تشبيه لمى.. امجد:هههههههههههههههههههههه والله حلوووو اتخيلت شكلك وانتي غنمه ههههههههههههههههههههههههههههه لمى:لا والله تترييق حضرتك امجد:ههههههههههههههههه آه يابطني ماني قادر اوقف ضحك والله لمى بعصبيه:امجد امجد وهوا يكتم ضحكته:هههه طيب طيب اجلسي انتي بس لمى وهيا تجلس:اووووف جلسنا ها ايش في؟ امجد:مافي شي لمى وهيا مصدومه:لا والله امجد:ايوه من جد لمى:بلا بياخه امجد ايش تبغا ليه جايبني هنا امجد وهوا يطالع في البحر بنظره ساحره:امممم بس حبيت نقعد مع بعض شويه من زمان ماقعدت معاكي لمى............... امجد وهوا يكمل:ادري اني زعلتك في الفتره الاخيره كتير وانا حبيت اراضيكي وافهمك الي صاير لو انتي مافهمتي لمى.............. امجد يطالع فيها:شوفي لمى يوم العزيمه الي صارت ببيتنا ماكان قصدي اتجاهلك بس انشغلت مره مع الشباب ولمن شفتك وجيت اكلمك انتي خصرتيني يعني انا مالي دخل لمى تقاطعه وتبغا تتكلم بس امجد يسكتها ويقول:خليني اكمل كلامي..وبعدين يوم ماكنا في السياره والله ثم والله هيا شوفي حلفت لك والله انها كانت امي وكلمتها بديك الطريقه عشان اقهرك لانك انتي قهرتيني في البدايه وماعبرتيني لمن دخلتي السياره ولا حتى سلمتي عليا ولا شي لمى رخت راسها لانها حست انها الغلطانه وكمل امجد:وبعد كدا والله ندمت وقررت اراضيكي وغنيت لك اغنية قلت يمكن ترضي..بس من رغم كل دا ماحسيتي فيني ولا حتى شكرتيني..وكل الي لقيته منك نظرات الاحتقار والتجاهل الفظيع.. لمى وتقاطعه وتقول بعصبيه:انتا السبب محد غيرك شووف كيف معاملتك معايا بعدين اتكلم امجد والي انصدم من ردها بس سكت......... لمى بندم:........اسفه مو قصدي ازعلك..واسفه والله على حركاتي بس انتا تستفزني بأسلوبك امجد وهوا مبتسم:خلاص حصل خير انسي الي فات وخلينا في الي جي سكتو الاتنين وقعدو يتأملو البحر ويشوفو طائر النورس وهوا ياخد الاسماك من البحر..وكان منظر مرره روعه.... امجد:لمى لمى لاشعورياً:عيونها امجد وهوا يبتسم:تفتكري داك اليوم من زمان لمن كنتي صغيره وكنتي تبي تركبي الجت وماخلاكي رائد لمى بصدمه لانها ما اتوقعت انه امجد يفتكر هاليوم:...ايـوه افتـكرر امجد:طيب تجي نعيد داك اليوم؟؟ لمى بإستغراب:كيف يعني؟ |
|
29-08-2005, 03:20 AM
|
#120 |
|
][§¤حلا ذهبي ¤§][
|
مشاركة: عمق القلوب....قصة واقعية
امجد وهوا يوقف ويجرها من يدها عشان توقف:امممم تعالي معايا انتي بس
لمى وهيا توقف معاها:هااااا بتجرني وراك تاني امجد:ههههههههههههههههههههههههههه لا جر ولا غيره تعالي انتي وبس اووف منك عنيييييده لمى وهيا تمشي معاه وهيا مبتسمه:اوكي واخدها امجد لمحل فيه جت كبير وفخم مكتوب عليـــه بخط كبير **مجـــد جده**... لمى بذهول:هادا حقك؟ امجد وهوا مبتسم بفخر:ايوه حلوو؟؟ لمى:مرررررررره خطيرررر حركات ماشاء الله ماقولتلي قبل كدا انه عندك جت امجد وهوا يغمز لها:خليته مفاجئه لمى وهيا تتأمله:من متى اشتريته؟ امجد:اممم شهر تقريباً لمى:اهااا امجد وهوا يطالع فيها بخبث:هااا تركبي؟؟ لمى وهيا تطالع فيه بنص عين:لوحدي طيب امجد:لا لا مو لوحدك اخاف ماتعرف تسوقي وتغرقي علينا لمى وهيا عارفه قصده:لالا مالي دخل ماني راكبه معاك امجد وهوا يطالع فيها بنص عين لانه عرف انها عرفت قصده:اممممم طيب ليه؟؟؟؟ لمى وهيا تقول في نفسها ياربي على البرأأأه مايعرف ليه... لمى:انتا تدري ليه امجد وهوا يضحك:هههههههههههههههههههههه لالا اوعدك ما اسوق بسرعه لمى:مافي ما اصدقك امجد:قلتلك اوعدك لمى بخبث:امممم طيب لو سقت بسرعه ايش اسوي لك امجد وهوا يطالع في البحر ويبتسم بخبث:ارميني في البحر لمى وهيا مبسوطه:خلاص اتفقنا امجد:يالله تعالي اركبي لمى:بس لحظه اخاف تتبلبل العبايه امجد:اممم فسخيها زي منتي شايفه مافي احد مررره بحححح ههههههههه لمى وهيا تفسخ عبايتها:اووكي امجد:بس خلي طرحتك احتياط لمى:طيب وركبت لمى ورا امجد وحطت يدها على كتفه وخلت مسافه بينها وبينه.. وامجد وهوا يستعد يمشي:امسكي فيا مظبووط لمى:ماسكه امجد:متأكده لمى:ايوه متأكده مالك دخل انتا بس امجد وهوا يبتسم بخبث:ياااااللللللللللللللله.....وينطلق زي الصاروخ ولمى تزعق... لمى وهيا تصرخ بأعلى صوتها وتلف يدها على امجد بكل قوووتها :امجد لالالالالااااااااااااا..الله يخليك حطيح..امجد لالالا وقف الله يخليك..رجعني امجد وقــــــــف امجدددددد امجد وهوا يضحك:ههههههههههههههه فضحتينا الله يفضحك اسكتي لمى بصراخ:امجددددددد انتا قولتلي محا تسوق بسرعه وووقف الله يخليــــــــــــــــــك امجد وهوا يوقف فجئه وبسبب السرعه الي كان ماشي بيها طشت كل موية البحر عليهم واتبهدلوو بالموويه.. لمى بقهر:واااااع امجد ايش دا شوف كيف بلبلتني الله يكافيك ياربي الله يكافيك ايش اسوي دحين بهدلتني بهدله اهيء اهيء امجد:هههههههههههههههههههههههههههههه يادلووووووووعه صدق رائد يوم ماخلاكي تركبي لمى وهيا تضربه على كتفه:كل الي سويته فيا دا وماتباني اصرخ ولا ازعل والله من جد ماتستحي امجد:قلتلك امسكي فيني مظبوط لمى:وانتا قلتلي محا تسرع امجد:هههههههه سرعت ايش اسوي نسيت لمى:طيب وديني المزرعه بسرررعه لو سمحت امجد:مافي لسه ماخلصت ابغا اكمل سواقه شويه بعدين اوديكي لمى:امجددددد امجد:لمى امسكي بقوووه والله حنطلق لمى وهيا تمسك فيه بإستسلام وهيا داريه انه امجد محا يوديها:وااااااااااااااااااء ابغا اروحي عند ماما امجد:ههههههههههههههههههههههههههههههههههههههههههههه ههههههههه لمى بصراخ:لاااااااااااااااااااااا خفف السرعه شووويه بليييييييييز امجد وهوا يخفف السرعه شويه:هههههههههههه اسكتي الله يخليكي والله بموت من الضحك لمى:لا والله يعني انا النكته حقتك امجد:ايووه هههههههههههههههههههههههههههاااي لمى:اهيء مجود بلييز رجعنا امجد:مافي ماني مرجعك الا لمن تسكتي لمى وهيا تحط يدها على فمها:هه والله محا اتكلم بس انتـ...وماكملت كلمتها لانه امجد انطلق بسرررعه رهيبه خلت لمى تخاف اكتر وترجع تمسك فيه تاني بكل قوتها...وبعد نص ساعه من اللف والدوران في البحر وقف امجد على الشاطئ ونزل هوا ولمى وصحيح لمى انقهرت من امجد بس مرررره انبسطت..وامجد انبسط اكتر منها ..وكان الوقت بينهم من احلى الاوقااات..وامجد وهوا واقف على الرمل ويطالع في البحر بتأمل:ها لمى انبسطتي؟ لمى واقفه جمبه من بعد مالبست عبايتها وظبطت نفسها من بعد البهدله الي اتبهدلتها قالت وهيا تبغا تقهره:اممم يعني مو مرره امجد:وي دا جزاتي المفروض اصلاُ اطلب منك مكافئه لمى وهيا تطالع فيه بنص عين:لا والله مكافئه هااا امجد وهوا يطالع فيها بخبث:ايوه طبعااا من زمان لمن ركبتك الجت اعطتيني مكافئه ودحين ما اعطتيني ولا شي اهيء مسكين انا والله لمى وخدودها محمره لانها تدري ايش يقصد قالت:تـــدري امجد وهوا مبسوط لانها احرجها:ايييش؟؟ لمى بدلع:سـك عينــك امجد وهوا مو مصدق نفسه لانه يحسب انه لمى وافقت:ها سكيتها..وسك امجد عينه...ولمى مسكته ودفته في البحرر.. امجد:واااااااااااااااااااااااااااااااااااااااااااا اااااااااااااااااااه لمى وهيا بتنفجر من الضحك:هههههههههههههههههههههههههههههههههههههههاااي تستاهل مين قلك تسرع وبعدين هادي مكافئتك مو انتا طلبت مكافئه هههههههههههه امجد وهوا يوقف في البحر لأنه واطي وماهو غريق ويرجع شعره الطويل شوي على ورا لانه جا على وجهه:تبيني ارميكي تعالي ولمى وهيا تهرب:لالالالا والله خلاص توبه امجد وهوا يجري وراها:مااااااافي تعااالي لمى وهيا تروح وتركب السياره:تحلمممممممم امجد وهوا يقعد على الرمل ويضحك من قلبه:ههههههههههههه الله يرجك من بنت تعاااالي لمى تطالع فيه وهوا جالس على الرمل وشكله مررره رهيب وهوا مبلبل تقول في نفسها..آآه احبك والله احبـــك... وبعدين مر الوقت بينهم ورجعو البيت الساعه تمنه قبل مايصحو اهل البيت...وراحت لمى لغرفتها وهيا مبسوطه وراح امجد لغرفته...وقررو مايقولو لأحد على هاليوم ويخلووه سر بينهم.. وعلى الساعه 12 الظهر البيت كله كان صاحي ماعدا لمى وامجد... ام خالد:رندوي حبيبي قوومي صحي امجد شو فيه طول هيك في النووومه رندا:والله صحيته الف مره مو راضي يصحا مدري شو فيه منال:تصدقو حتى لمى حاولت اصحيها مو راضيه رندا وهيا تفكر في نفسها وتقوول شي مو عادي انه الاتنين مايصحو الين دحين اكيييد في وراهم حاجه... منى:خلاص خليهم براحتهم رندا لمن سمعت صوت منى دخل في الحوار طالعت فيها بنظره خلت منى تموووت من الضحك لانه رندا الين دحين مانسيت المقلب وشكلها مو ناويه تنساه..منى في نفسها اشتاقت لأختها ولكلامها..ورندا كمان بس كل وحده تكابر..منى مو راضيه تعتذر..ورندا مو راضيه تنسى وفي بالها انها حتنتقم وقالت في نفسها ان شاء الله محا يعدي هاليوم الا واكون راده لك المقلب يامنى... وفي العصر صحيوو امجد ولمى واجتمعوو الكل عند مساحه فاضيه قدام اسطبل الخيول لانه الشباب مقررين يعملو سباق وحركات... كانو ابو خالد وابو محمد وابو رامي وابو جابر مقررين من قبلها بيوم انهم هما كمان يعملو سباق فبما ان الشباب قررو هما كمان..قررو يكون سباق جماعي بين الشباب والشياب... ام محمد:ابو محمد ابو محمد وهوا يجيها من بعيد:هلا ام محمد:لاتتسابق يا ابو محمد مو طيب عشان صحتك ابو محمد بثقه:لاء انا مافيا شي ام محمد:اسمع كلامي ابو محمد وهوا رايح:انتي الي اسمعي كلامي قلتلك مافيا شي ام محمد وهيا خايفه على زوجها:والله يا ام خالد خايفه عليه ام خالد:ههههههههههه ياقلبي على الحب ام محمد وهيا تضرب ام خالد بشويش على يدها:ويعني انتي الي ماعندك حب ام خالد:هههههههههههههههههههههه الا عندي ونص ام محمد + ام خالد:هههههههههههههههههههههههه كانو رندا ومنى ولمى يطالعو في امهاتهم مستغربين اول مره يشوفوهم مبسوطين كدا..وكانو البنات جالسين في جهه...والامهات في جهه...والرجال عند الخيوول... لمى لمن لمحت امجد ابتسمت وهوا لمن شافها ابتسم..ورندا تطالع فيهم بإستغراب وسعاده في نفس الوقت..لانه رندا كان عندها شك انه لمى مغصوبه على امجد وكانت متضايقه من هالموضوع بس دحين ارتاحت لانها حست انه امورهم تمام... ابو خالد:يالله يافهد وجمال وهادي خلووونا نوريهم السباق العدل ابو محمد + ابو رامي + ابو جابر:يالله والشباب كانو مستغربين من حماس الكبار بس انبسطوو لانهم حسو انه راح تكون في منافسه... وبدأو السباق بحماس والبنات يصفقوو ويشجعو ويصفروو.. لمى كانت تقوول مره امجد ومره بابا..ومنى ورندا كانو يقولو خالد..ومنال جابر..ومي طبعا رائد... المهم بدأ السباق وكان خالد اول واحد وبعده امجد وبعده ابو محمد وبعده ابو خالد وابو جابر وبعده رامي وبعده جابر وبعده رائد..رائد كان اخر واحد لانه اول مره يركب فرس ومايعرف كيف يمشيها..المهم لمن ازداد الحماس عند البنات وانحصر التجشيع بس لي خالد وامجد وابو محمد...اتقدمو امجد وابو محمد على خالد وصاروو ابو محمد وامجد يتنافسوو على المركز الاول والبنات والامهات يصرخووو..نصهم يقولو فهد (ابومحمد)..ونصهم امجد ولمى كانت محتاره تشجع مين فيهم بس نظرات امجد بينت لها انه هوا الي حيفوز فصارت تشجع ابوها عشان ترفع من معنوياته... لمى:بابااااااا باباااااااااااااااا منال:بنت حرام عليكي عبري امجد وشجعيه لمى:والله شجعته بس انا حاسه انه امجد حيفوز فعشان كدا برفع من معنويات بابا عشان يسبقه هههههههههه منال:ههههههههه اوكي اجل انا بشجع امجد وانتي ابوكي لمى انقهرت في نفسها بس قالت مافيها شي الكل بيشجع...وكملوو تشجيع في اخر لحظه امجد بطئ فرسه فسبقه ابو محمد وفاااز...وانقلب االمكااان بالتصفيق والصراااخ... امجد..بطئ عشان كان يبغا يفرخ عمه الي من زمان ماركب فرس لأنه تعبان ومريض وماحب يكسر بخاطر لمى ولا مرة عمه فعشان كدا خلاه يفوز ولا هوا كان يقدر يفوز عليه من اول السباق..لمى فهمت حركة امجد وانبسطت وحست انه انسان نبيل...المهم ابو محمد كانت فرحته فررحه ماتنوصف كأنه سوا شي عظيم وابو خالد وابو جابر وابو رامي يهنوه... خالد:احم احم اشوف نسيتونا تراني التالت مو الاخيررر<<<ويقول هالجمله وهوا يطالع في رائد بنص عين.. رائد:هييي انتا والله انا احسن منك بس لولا انها اول مره ولاكان وريتك الشغل كيف امجد:الا قووول الكرشه هيا الي أخرتك يابوويا انحف عشان تتعود على السباقات وهالاشياء ولا شوف الفرس مسكينه انهد حيلها وهيا شايلتك هههههههههههااي مي:امجد خالد خلو زوجي في حاله لو سمحتوو رائد:شوفي حبيبتي يتريقو عليا يقولو عني دب<<<رائد ماكان دب كان جسمه متوسط ومناسب بس امجد وخالد يحبو يتريقوو عليه امجد:هههههههههه والله محد قالها انتا الي قلتها بنفسك رائد:لابس انتا قصدك كدا ابو خالد:خلاص ياشباب المهم انبسطنا الكل:ايه والله........... |
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| قصة واقعية | حزينه^وحيده | مجلس حلا للقصص والروايات | 4 | 15-11-2005 10:42 PM |
| قصة واقعية | smaaelhaq | مجلس حلا للقصص والروايات | 3 | 24-08-2005 11:03 AM |
| قصة واقعية | SARAH539 | مجلس حلا للقصص والروايات | 7 | 09-07-2005 10:08 AM |
| قصه واقعية | الريـــــــــــــــــــم | مجلس حلا للقصص والروايات | 2 | 19-04-2005 11:18 AM |
| معاناه واقعية | هاجر العدواني | مجلس حلا للشعر وهمس القوافي | 3 | 30-03-2005 03:29 PM |
العرض العادي
