|
|
|
|
27-08-2005, 04:10 AM
|
#101 |
|
(حلا متميز)
 
|
مشاركة: عمق القلوب....قصة واقعية
مشكووووووووووووووووووووووووورة
مشكووووووووووووووووووورة مشكوووووووووووووووورة مشكوووووووووووووورة مشكوووووووووووورة مشكووووووووورة مشكوووووورة مشكوووورة مشكووورة مشكوورة مشكورة أختي البريئة مع تحياتي أخوك الجني |
|
27-08-2005, 04:23 AM
|
#102 |
|
][§¤حلا ذهبي ¤§][
 
|
مشاركة: عمق القلوب....قصة واقعية
ولووووووووووووووووووووووووووووووووو
الجني :D ماسويت شي واله تسلم على المتابعه تحياتي لك : البريئة :cool: |
|
27-08-2005, 05:05 AM
|
#103 |
|
(حلا متميز)
 
|
مشاركة: عمق القلوب....قصة واقعية
مشكوووووووووووووووووووووووووووووووووووووووووره على التكمله بس هم كملي الباجي
انا طماعه لوووووووووووووووووووووووووووووووووول اختج بنوتة ابوها |
|
|
|
|
28-08-2005, 04:24 AM
|
#104 |
|
][§¤حلا ذهبي ¤§][
|
مشاركة: عمق القلوب....قصة واقعية
ياهلاااااااااااااااااااااا فيك بنوتة ابوها من جديد :D
لاا طمااااااعه ولا شي من حقك تكملين قراتها دام بديتيهااااااا اشكرك كثيييييييييييييييييييييير على المتابعه انشاله انزل لكم الحين تحياتي لكم : البريئة :cool: |
|
28-08-2005, 04:45 AM
|
#105 |
|
][§¤حلا ذهبي ¤§][
|
مشاركة: عمق القلوب....قصة واقعية
*&*الجزء السادس والعشرون*&*
في نفس اليوم الي دخلو فيه ماجد ورهف المستشفى صارت الاحادث التاليه:... رهف تفك عيونها وتشوف اخوها قدامها.. رهف:مازن مازن:عيونه رهف وهيا تستكشف كل شي حوالينها:انا فين؟ مازن:......في المستشفى رهف بخوف:ليه شو الي يابني هني؟ مازن وهوا يطالع فيها بخبث:انا ادري عنج رهف اتخلطت عليها الامور وصارت تقول في نفسها..شو الي صار معقوله يعني انه ماجد مارجع والي صار كان حلم لالا ما اعتقد طيب كيف اتأكد..اسأل مازن..لالا شو اقوله اقوله مين الي كان معاك..اصلأ بأي حق اسأل لالا يااربي طيب كيف اتأكد.. في الوقت الي بتفكر فيه مازن قلها بحزن بالغ على حالها:انا رايحه يارهف تامري بشي رهف:ليه فين رايح؟ مازن:ماني رايح محل بس برجع البيت اغير ملابسي واييب لج امي وبكره الصبح بنكون عندج رهف:اها اوكي برايك مازن:رهف رهف:خير مازن:ها...لا ولاشي يالله باي وراح مازن ونفسه مليانه بالشكوك والحسره والالم على اخته.. رهف قعدت محتاره تبغا تتأكد انه الي شافته مو حلم وانها ماكانت تتوهم..وقطع عليها تفكيرها دخول ممرضه متنقبه وشكلها سعوديه.. الممرضه:اهلييين رهف فقتي..سلامتك ماتشوفي شر رهف:هلا فيج الله يسلمج والشر مايجيج ان شاء الله الممرضه وهيا مبتسمه للهجة رهف الامارتيه:خير تشكي من شي الحين؟ رهف:لا بس احس بشوية دوخه وصداع في راسي الممرضه وهيا تقرا الورق المحطوط على سرير رهف:اهاا ايه اكيد من انخفاض السكر والضغط..الحمدلله لحقنااكي كان ضغطك مره منخفض وحالتك حاله رهف وهيا منصدمه:ضغطي انا..ليش؟؟!!! الممرضه:والسكر كمان والله انا ما اعرف الجواب انتي اسألي نفسك ايش الي وصل نفسيتك الي هالدرجه من التعب ونزلة الضغط والسكر مره وحده رهف وهيا تقول بصوت واطي:مااجد الممرضه:ايش؟ رهف:ها لا ماشي الممرضه:اوكي لو تبي شي دقي على الجرس الي جمبك وانا بجيكي على طول رهف:الا بسألج اختي انا لمن ييت هني حد يا معايا الممرضه وهيا مبتسمه:ايوه اخوكي وواحد معاه ما ادري مين؟ رهف:وهالشخص فينه دحين؟ الممرضه:بالغرفه الي جمبك رهف:شوووو؟؟ الممرضه:ايوه حالته مرره كانت صعبه لمن جا داخ علينا في وحده من الاسياب رهف:شووووووووووووووووووو؟؟؟ الممرضه:ايه والله دا الي صار بس ايش يقرب لك اهو؟ رهف وهيا لساته مو مستوعبه الي صار قالت بدون ماتحس على نفسها بصوت واطي بس سمعته الممرضه:حبيبي الممرضه انصدمت في البدايه بعدين فهمت وابتسمت وقالت:اهااا يعني خطيبك وانا اقوول ايش الي سوا فيه كدا اكيد تعب لمن شافك تعبانه ايه الله يخليكم لبعض بس مررره حالته صعبه الله يعينكم رهف انصدمت من الي قالته الممرضه بس قالت فرصه حلوه هيا الي قالت مو انا..وجات فكره مجنونه في راس رهف وقالت بدون ماتفكر في الي قالته.. رهف:لو سمحتي اختي ممكن اشوفه؟ الممرضه:امممممم رهف....تنتظر ردها وتطالع فيها بنظرات توسل...! الممرضه:ههههههه اكيد ممكن من حقك طبعا برغم انه حالته صعبه وممنوع احد يدخل عنده بس عشان خاطرك بدخلك؟ رهف تتنهد:الحمدلله اوكي مشكوره اختي الممرضه:ياعيني على الحب اوكي انتظريني دقيقه بجيب لك كرسي متحرك لانك ماراح تقدري تتحركي رهف....ساكته تفكر في شكله لمن حتشوفه وماتدري اذا كان صاحي ولانايم.. جاتها الممرضه وحطتها على الكرسي ولبسة عبايتها عشان لو كان صاحي ولا شي مايصير يشوفها.. وراحت رهف لغرفته وهيا متلثمه وقلبها يدق زي الطبل وتحس انه شويه ويطلع من صدرها..دخلت الغرفه وكانت مره هادئه الا من صوت جهاز دقات قلب ماجد.. وصوت تنفسه باين من كثر الهدوء الي في الغرفه..واقل حركه حتبان في الغرفه على انها صوت عالي.. رهف قربت منه وهيا خايفه وعيونها كلها دمووع.. الممرضه قربتها منه وراحت وهيا مبتسمه وتقول في نفسها معقوله في هالدنيا لسه في حب بدا الشكل.. رهف قربت كرسيها منه واتأملت وجهه وملامحه وفي لحظة ضعف اتجرأت ومسكة يده..في ديك الساعه زاادت دقات قلب ماجد وبان الصوت ورهف ابتسمت في نفسها..وقالت لساااااته يحبنــــي حس فينـــي ياااااااربي محلاااااه ومحلاا وجهه الوسيم هادا..فديييته يارب فدييت رووحه وقلبه.. وفجائه وهيا بتتأمله فتح ماجد عيونه بطريقه غربيه خلت رهف تخاف وتشيل يدها على طول.. ماجد فتح عيونه ومو مصدق من هالانسانه الي قدامه معقوله رهف..هوا حاسه انها رهف..رهف.. ماجد:رهف رهف بصوت مرتجف:عيونها ماجد:انتي رهف؟؟؟ رهف:.........ايه ولفت رهف كرسيها تبغا تطلع من الغرفه.. وقام ماجد ومسك كرسيها وقلها:خليكي دقيقه بس دقيقه يارهف رهف ماقدرت تقاوم صوته وترجيه فلفت كرسيها عليه ورجعت جمب سريره وعيونها على الارض... ماجد وهوا يرجع راسه على المخده ويبتسم ابتساامه تذووب الصخر ويقول:وحشتيني مووووووووووت رهف زادت دقات قلبها وحست انه بجد راح يطلع.. ماجد:يعني ماوحشتك؟ رهف....... ماجد:اها عرفت رهف:شو عرفت؟ ماجد:اني ماوحشتك رهف:لا مين قالك؟ ماجد:يعني وحشتك رهف...... ماجد:ردي عليااااا قبل ما اتجنن رهف:سلامتك من الجنان ماجد:محا اتجنن الا لمن تقولي لي وحشتك ولالاااااا؟ رهف:الا ماجد:ايش الا هادي؟ رهف:وحشتنــــــــــــــــي ماجد والفرحه مو سايعته:من جد؟ رهف وهيا مستحيه مررره ونفسها تشرد من قدامه حولت الحوار للمزح وقالت:ايه من جد عيل من عم؟ ماجد ضحك ضحكه من قلبه خلت رهف تذووب فيه اكثر وتقول في نفسه يااربي محلااا ضحكته كله على بعضه حلووو... ماجد وهوا يسك عيووونه عشان يحاول يهدء نبضات قلبه الي صارت مسموعه بنسبا للرهف قال بصوت مرتجف وخايف:رهف رهف:هلا ماجد:تحبيني؟ رهف:؟؟؟؟؟ ماجد:رهف انا والله مانسيتك انا ظليت احبك لي يومي هادا ولاتظني اني نسيتك بس انا كنت اتعالج خارج البلاد ومالي فتره قصيره رجعت رهف والدموع تخونها وتنزل على خدها:وليه ماكلمتني ليه تركتني بدونك اعيش سنتين بدون ما اعرف عنك شي؟ ماجد:ماكان عندي رقمك ورقمك كنت حافظه قبل بس مع السنين حاولت انسيه نفسي وماكنت مفتكره مظبوط لمن رجعت وبعدين ماكلمتك كل هالمده لاني كنت خايفه ما ارجع اتعافا وخفت اعلقك معايا اعلقك في واحد عاجز ماكان له مستقبل رهف:ودحين؟؟ ماجد:ايش الي ودحين هادي؟ رهف:دحين منت عايز يعني؟ ماجد وهوا مستغرب مررره من طريقة كلامها وتفكيرها:لا طبعا منتي شايفتني قدامك صحيح متعافي ولله الحمد بس تعبت شويه وعشان كدا شايفتني في دا المكان وبي هالشكل رهف والدموع على خدها وهيا تشهق بين جمله والتانيه:ماجد ابغا افهمك كم كلمه وحطها في بالك مدى العمر..العيز والضعف مو في اليسد((الجسد))..العيز والضعف في القلب والدين واذا كنت في يوم عايز عن حمل حبي في قلبك فدا شي مستحيل اسامحك عليه..انتا تركتني اعيش سنتين في عذااااب مايعلم بيه الا ربنا حاولت انساااك حاااولت والله سويت الي مستحيل احد يسويه عشان انساك بس..مارمت((ماقدرت)) وحبك طغى في قلبي((في هاللحظه ابتسم ماجد ونزلت دموع رهف بكثرره))...كنت حاسه انك تحبني بس كان عقلي دايما يقولي انك خاااين..ضعيف..اول مشكلة قابلتك في حياتك اتخليت عني فيها واتخليت عن حبي...قطعت قلبي عذبتني ييت اقلك انا احبـــك..قلتلي انا ما انفعج بالله ايت قلب ممكن يستحمل هالكلام الا القلب المصنوع من الصخر..عشت سنتين واكثررر في شوق ودمووع وحنين وعذاااب..وكتير اشياء ما اروم اوصف لك هيا ماجد:بس يارهف.. رهف تقاطعه ودموعها تنهمر بشكل اكثر:خليني اكمل كلامي لو سمحت ابغا اطلع كل الي في قلبي..انت همتك نفسك وماكنت مستحمل فكرة انك تكون عايز او ضعيف وقررت تروح تعيش حياتك وتتعالج او تسوي اي شي..ماهمتك هالانسانه الضعيفه الي حبتك بكل اخلاص رحت وتركتها بكل بسااااطه..((وهنا رهف تحط راسها بين يدينها وتقول بصوت عالي))رحت رحت رحــــــت وتركتني وتركتنييي ياخاااين...ويتجهش صوتها بالبكا.. ماجد.............................................. .............. |
|
28-08-2005, 04:49 AM
|
#106 |
|
][§¤حلا ذهبي ¤§][
|
مشاركة: عمق القلوب....قصة واقعية
ماااجد لأول مره في حياته يعترف لنفسه انه نذل... حقير... تافه... ماعنده ضمير.. ماعنده قلب...اول مره يعترف انه انسان مجرد من الاحساس ومن المشاعر كل كلمه قالتها رهف وعته صححت تفكيره حسسته بغلطته حسسته انه قد ايش كان ظااالم رهف بتفكيره الاناني داك..ماجد ماعرف ايش يقول لها حس انه كل كلمات العالم مو ممكن توفي هالانسانه العظيمه حقها..
رهف.....كانت ساكته تنتظر تعليقه ورده بعد كل الي قالته بس هوا قعد ساكت وما اتكلم ولا نطق ولا بحرف... وقعدو ماجد ورهف على هالحال فتره ولا احد فيهم يتكلم الا الدمووع ونظرات العيوون ماجد كان حاس انه قلبه بيتقطــــع حس انه رجع عاجز مره تانيه بس هالمره عجزه في كل شي في جسمه ماهو قادر يحرك ولا شي في جسمه حتى لسانه مو قادر ينطق ولا بكلمه وفجئـــه.. قال وحده كلمه قدر ينطق بيها والي هيا:احبــــك...ويروح لعالم تاااني ويغمى عليه.. رهف انصدمت ايش من رده ورفعت راسها تشوفه لقته ساك عينه ونور احمر ينور جمبه ويطلع صوت عالي منه وصارت تبكي وماهي عارفه ايش تسوي..وفجئه جات الممرضه الي كانت معاها قبل شويه وقعدت تشوفه وتشوف الاجهزه وتعطيه ادويه وابر وما ادري ايش المهم اتصرفت بسرعه وبطريقه غريبه خوفت رهف اكثر.. رهف بصوت مرتجف وكله خوف:شو فيه؟ الممرضه:ها لا ولاشي بس اغمي عليه واطربت ضرباته قلبه شويه هدي اعصابك وروحي غرفتك انتي تعبانه اكتر منه رهف:طيب هوا ايش فيه اصلاً؟ الممرضه:والله هوا مره عمل مجهود كبير عشان يوصلك عندنا هنا والمفروض انه مايعمل كدا لانه قريب خارج من عمليات وعلاجات خطيره ماتستحمل الي سواه والحمدلله هوا دحين احسن بس.. رهف:بس ايش؟؟؟؟؟؟؟؟؟؟؟؟ الممرضه بحزن:حالته خطره ومعرض انه يرجع ينشل تاااني وفي اربعه وعشرين ساعه اذا عداها معانته عدى مرحلة الخطر وماراح يصير له شي اما اذا ماعداها رهف بخوووف كبيررر:ايش ممكن يصير له؟؟ الممرضه:قلتلك...ممكن ينشل تاني رهف والدموع تطفر من عينها لاشعورياًَ وبدون ماترمش عينها:يعني ينشل بسببي لا مستحييييييل الممرضه:لاتقولي كدا دا قضاء الله وقدره وان شاء الله ربي يعينه ويعافيه رهف وهيا تمسك يده وتضغط عليها:امييين الممرضه:يالله لازم ترجعي غرفتك رهف وعيونها عليه والحسره والالم في قلبها:طيب وتروح رهف مع الممرضه لغرفتها وتكمل ليلتها في حزن والم.. *&*الجزء السابع والعشرون*&* منى:رندااااااااااااا رندووووي قوووومي يادبه رندا:....هاااا سيبينـــــي بدي ناااااام مانمت الا بعد الفجر منى:ياغبيه نسيتي اليوم حنروح المزرعه ولا ماتبي تروحي معانا رندا وهيا تقوم مفجوعه:ايوه صح نسييييت منى وهيا تضحك على شكلها المفجوع وشعرهااا المنكووش:هههههههههههههه طيب قومي غسلي وجهك وصلحي هالكشه وانزليلنا كلنا تحت بنستناكي حضرة جنابك مؤخره العيله كلها رندا:ليه الساعه كم؟؟!! منى:امممم تجي تسعه الا ربع رندا:والله منى:اجل بكذب رندا وهيا تنط من على السرير وتروح للحمام:طييب بس انقلعي انتي وسكي الباب وراكي وخرجت منى وماردت عليها وهيا كاتمه الضحكه في نفسها لانها كذبت عليها لانها اصلاً ما أخرت العيله ولاشي والساعه دوبها سته ومنى قامت من بعد صلاة الفجر ومو جيها نوم ومخلصه اشيائها حقت المزرعه وماعندها شي تسويه لانه ابوهم عودهم اي يوم يبغو يخرجو من البيت يكونو مرتبين اشيائهم قبلها بيوم ومنى تبغا احد يسليها فما لقت غير انها تلعب على رندا وتصحيها تقعد معاها بس الله يعينها لمن حتكتشف رندا الموضوع حتلعن ابو خيرها لانها فكرت تلعب على رندوووي اقوى وحده في العيله والي محد يقدر يقولها تلت التلاته كممم... وبعد اقل من ربع ساعه نزلت رندا وهيا مربوشه وشكلها خايفه من امها او ابوها لايصرخو عليها لانها اخرتهم... رندا وهيا مصدومه ومتفاجئه:فينهم مو تقولي ملطوعين يستنوني ماني شايفه احد...!!!!؟؟؟ منى وهيا ناويه تكمل اللعبه:ها..الا مااتدري ؟ رندا واعصابها بدت تفور:لا والله مدري شو صار يا ام العلوم انتي منى وهيا تحاول تمثل انها زعلانه ومعصبه:كله منك راحووو وسابونا عاجبك كدا رندا والقهر والندم ماليها:من جد يوووووووه والله راحت عليا نومه على بالي الساعه سته ولا سبعه دحين شو يدريني انا محد صحاااني منى...... رندا:شو فيكي سكتي؟؟ منى وهيا تحاول تحول لهجتها للعصبيه:وليكي وجه تتكلمي دحين بالله كيف حنروح اكيد حالفين ماياخدونا معاهم بعد ما اخرتينا الله يكافيكي يالدووووبه رندا وخلاص حتنزل دمعتها:اهئ والله مدري شوو اسووي يعنيييييي منى اللعبه عاجبتها وتبغا تحرق اعصاب اختها الي دايما تقهرها وتلعب في اعصابها وماتقدر ترد عليها او تسوي لها شي لانها ام المصايب رندوووي ومحد يقدر لها.. رندا:منوووي حبيبي الله يخليكي اتصلي على خلوود خليه يرجع لنا منى:اووه خبرك عتيييق خالد اول واحد راح وقلي اذا تبي تجي تعالي معايا محا ارجع لكم مره تانيه وقلتله لا مايحتاج حنروح مع ابويه ولا امجد رندا:يووووووه والعمل دحينا شو نسوي يعني منى:امممم اقولك خليني اجرب واكلم خالد يمكن يرضا يجينا رندا:والله فكررره دقيقه اجيب لك التلفوون...راحت رندا ومنى قالت في نفسها معجزه من معجزات الدنيا السبعه سيادة البرنسيسه رنداااا تقوووووم عشان تجيب التلفون ليا لاااااه قد كداااا ينضحك عليكي يارندووي ما اتوقعت نزلتي من عيني بعد ما نصبتك منصب ام المصايب والي ماينضحك عليها ههههههههههههههه بس قدرت عليكي انا يااااااااي رووووعه<<<اتجننت البنت عشان قدرت تضحك على اختها صار فيها كل دا اجل لمن تتزوج ايش حيصير فيها يمكن تطيح تدوخ ولاتموت ههههههه.... وبعد اقل من دقيقه رجعت رندا ومعاها التلفون واعطته منى وهيا كلها خوف انه اخوها مايرضا او انه يصرخ عليهم لانهم اتأخرو او اي شي تاني.. منى وهيا تحاول تخفي ابتسامتها تدق على رقم رهف...ولحسن الحظ يطلع الجوال حقها مقفول.. منى:الووو.....صباح الخير....كيفك خلودي وشو اخبارك؟ رندا وهيا تضربها على كتفها وتقولها بصوت واطي:وقته دحين خشي في الموضوع على طووول وفكينا منى وهيا تحط يدها على سماعة التلفون يعني يعني عشان تبين لها انها ماتبا خالد يسمع:اااااااي طيب طيب بس اسكتي لا يسمعك ومايرضا رندا وهيا تحط يدها على فمها:اهوه سكتنا اخلصي انتي بس منى ترجع سماعة التلفون لأذنها:ايوه خالد...سوري بس طاح التلفون المهم شو كان بدي قولك تقدر تمر عليا انا ورندا....ها.....لابس عشان رندا كانت بطنها تعورها وماقدرنا نروح مع ابويه وقلنا تعالو مع خالد.......اها طيب.......خلاص مو مشكله ندبر نفسنا....لالا مسمووح خلودي...طيب طيب ولايهمك...الله معاك ..بايات رندا بلهفه:هاااا شوووو قااال؟ منى تسوي نفسها زعلانه وبرطومتها واصله الارض:ماااااارضي رندا وتسند ضهرها بقوه على الكنبه:يوووووووووووووه وبعدين يعني ذلووونا ذل عشان اتأخرنا ساعه بس منى:شفتي كله منك ساعه وتقولي بس رندا:اوووووف والحل يعني والله مررره نفسي اروح المزرعه بليييييييز منوووي بدي رررووح مابفوت هالطلعه وربي منى:طيب خلاص اهجدي حكلم امجد يمكن يرضا رندا:طيب يالله بسرررعه دقي عليه لا يكون وصل هوا التاني ومايرضا يرجع لنا منى:طيب وسوت منى نفس اللعبه وسوت نفسها تكلم امجد.. رندا:ها ايش قال؟؟ منى:مــا رضــي يقول انطقو في البيت تستاهلووو..شفتي كيف كلللللللله منك رندا دمعتها خلاص نزلت من القهر وصارت تبكي بس بهدوء..وفي هاللحظه دخل امجد عليهم الغرفه... رندا؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!! رندا:امجدددددددد امجد كان دوبه صاحي من النوم وكان لابس ثوب البيت وكان شكله باين انه دوبه صاحي فيعني انه منى رااااااااحت فيهاااااا... رندا وهيا تطالع في منى وتأشر على امجد:منىىىىىىىىىىىىىى يالدوووبه شو دا فهميني بسررررررررعه؟؟؟؟؟؟ امجد:صباح الخير قيرلز ايش مقومكم من صباح الله خيرر وفي هاللحظه منى حست انها خلاص انكشفت فشالت نفسها وهررربت على غرفتها وقفلت الباب.. رندا وحاسه نفسها تغلي غلي والدم كله اتجمع في وجهها:امممجد الساعه كم دحين؟؟ امجد وهوا يفرك عينه ويطالع في ساعته:اممم الساعه سته ونص لييه تسألي؟ رندا شويه وتنفجررررر راااحت تجررري على غرفة منى وهيا نفسها تكسرها تكسير وتدق عليها الباب بقوه وتقول.. رندا:فكي الباب يازفته انا تضحكي عليا وتلعبي في اعصاابي كدااا طيب اولله لا اوريكي فكي الباب يازفته فكيييييييييي والله لأخليكي تندمي على اللحظه الي فكرتي تلعبي فيها على رنداااااا فاهمه ولالا فكييييي الباب منووووووي... وفي دا الوقت رندا قومت كل اهل البيت بصوتها العالي.. ابو خالد:رنداا ليش تزعقي من صباح الله خير كدا هااا؟ رندا وجهها احمر من الموقف صحت اهل البيت كلهم عشان لعبه تافهه من اختها:هااا لا ولاشي اسفه... وترووح تجري على غرفتها وهيا تدعي على اختها في نفسها الله يكافيكي يامنى يادبه حطيتيني في هالموقف المحرج ايش ذنبهم امي وابويا اصحيهم في هالوقت... منى كانت قاعده في غرفتها وفااااااااااااطسه من الضحك عجبها الموقف مووووت وفي نفس الوقت خاايفه من رندوووي مايندري ايش ممكن تسوي لها لو شافتها.. وجات في بالها رهف مختفيه لها يومين من بعد ملكة امجد لا اتصلت ولا شي مو بالعاده والله وحشتني يااربي ما اقدر اصبر عنها يومين وتوحشني شو تقول عني البنت ماايته فيهاا..ايوه طبعا مو صحبتي ومن حقي انها توحشني واصلاً هيا اذا ما اتصلت عليا اكثر من عشره مرات في اليوم ماترتاح يعني هيا الي مايته فيني مو انا هههههههههههههههه الله يرجني انا وهالافكار بس بجد غريبه ايش الي خلاها تقطع كدا..وقالت خليني ارسل لها مسج يمكن تكون صاحيه ولاشي.. وارسلت لها... رسالة منك تكفى تطمني على حالك ومن جرح الجفا تشفي وأعرف أني على بالك ! ............................ |
|
28-08-2005, 04:51 AM
|
#107 |
|
][§¤حلا ذهبي ¤§][
|
مشاركة: عمق القلوب....قصة واقعية
بعد اقل من دقيقه و صلها من رهف هالمسج
تأكد ماأحب إلا أنت وقلبي أن عاهدك ماخان على وصلك وقف عمري ولو وقتي تحداني .................................... منى:ياقلبي يارهوووف وينك عني..بس شو الي مصحيها هادي في هالوقت..اوكي اكيد حتتصل دحين..بس مرت اكثر من خمسه دقايق وما اتصلت رهف فقالت منى:تستنيني اتصل ماني متصله بخليكي انتي الي تتصلي يا رهووف وارسلت لها أتصلي عليا ضروري أبي أعلمك من اللي مات؟ فيــــــــكِ ! .................................... وفي هاللحظه شافت رهف المسج وضحكة ياعيني عليكي منووونتي تبيني اتصل لاماني متصله ههههه بستمر بالمسجات واشوف شو تسوي وارسلت لها يا طارشي ود السلام ورده للي عيونه والهدب مسوده غالي ويتزايد بقلبي وده ! وبالله روح وقله رهف موووو متصله ههههههه((زودت رهف من عندها اخر سطرين)) ............................ منى شافت المسج وضحكة وارسلت لها هههههههههههه دووبه رهووف اوكي براحتك حبيبتي ماتبي تكلميني انتي الخسراااااانه .................................... ومنى عشان تقهرها مسكة الجوال وقفلته عشان حتى لو اتصلت تلاقيه مقفوول...وشافت الساعه صارت سبعه وقررتت تنزل اكيد رندا دحين راحت تكمل نومها... في الجهه التانيه اتصلت رهف على جوال منى وهيا تضحك لانها اكيد قهرتها بس انصدمت لمن لقت الجوال مقفول يعني انقلب الوضع ومنى هيا الي قهرتها.. رهف:هههههههههههههههههههههههه الله يلعن ابليسج منووي برضج على حركااتج واخدتها الافكار رهف تفتكر بعد داك اليوم الي في المستشفى لمن جاها اخوها وقلها انهم رخصوها تطلع ومافيها شي ولمن طلعت كان نفسهااا مررره تشوف ماجد او تسلم عليه بس...طبعا ماااتقدر..المهم من داك اليوم ماوصلها لاحس ولاخبر عن ماجد وقلبها يتقطع تقطيع نفسها تعرف ايش حالته وايش وضعه وايش صار فيه..فقررت تتصل على المستشفى لانه مافي حل غير كدا عشان تعرف ايش صار له...ودقت على المستشفى ورد عليها واحد رجال.. الرجال:الو مرحباا رهف:احم السلام عليكم الرجال:اهلين وعليكم السلام خير اختي امري رهف:هادي مستشفى***** الرجال:ايوه نعم هادي مستشفى****** امرري رهف:مايامر عليك ظالم احم بغيت غرفه رقم 320 اذا سمحت ممكن تحولني عليها الرجال:دقيقه اشوف...وبعد ثواني..ايه اختي مافي احد في هالغرفه رهف وقلبها طاااح:لييييييييه فين راح المريض الي كان فيها؟؟؟؟؟؟؟ الرجال:والله مدري تحبي احولك على قسم التمريض تسأليهم رهف:اذا سمحت الرجال:طيب اختي...وحولها على القسم وردت عليها وحده.. الممرضه:الوووو رهف:السلام عليكم الممرضه:وعليكم السلام هلا رهف:اختي بغيت اسأل بس على المريض الي بغرفه 320 شو صار في حالته الممرضه بفرح:انتي رهف عبد الرحمن؟ رهف؟؟؟؟؟؟؟ رهف:ايوه انا مين معايا؟؟؟ الممرضه:هلا والله ههههه مااظن حتعرفيني انا الممرضه الي كنت مشرفه على حالتك تفتكريني رهف:اهلييين هلا فيكي ايه افتكرتج شو اخبارج؟ الممرضه:بخير الله يسلمك وها بشريني كيف صحتك دحين ان شاء الله احسن؟؟ رهف وهيا تقول في نفسها وقتج دحييين ابغا اعرف شو في ماجد:بخير عساج بخير طلبتج اختي الممرضه:دوم مو يوووم خير امري رهف:ما يأمر عليج ظالم بس بغيت اسأل عن خطيبي ماجد كيف حالته دحين وفينه ليه مو بغرفته؟؟ الممرضه.......... رهف طاح قلبها اكثر وخافت لان الممرضه اتأخرت في الرد... رهف:الووووو الممرضه:والله مدري شو اقولك.. رهف:ليه شووو صار فيه؟؟؟؟؟؟؟؟؟؟؟؟ الممرضه.......... رهف:الوووووووووووووووووو محد يرد عليها وانصدمت بعد دقيقه انه الخط فصل يعني انها قفلت السماعه في وجهها رهف زعلت وعصبت ليه تقفل السماعه في وجهي بأي حق اصلاً و...و...وبعد ثانيه رجعت افكارها لماجد يووه ياويل حالي منه لايكون صار فيه شي والاخت هادي خافت تقولي يوووه مااجد ماصدقت الاقيك تررروح مني تاااني لالالاياربي مايكون صار فيه شي... وبعد مانزلت منى لقت ابوها وامها وخالد وامجد ورنــداااا قاعدين على طاولة الطعام وبيفطرو.. منى اترددت تدخل لمن شافت رندا تطالع فيها بنظرات توعد وانتقام...بس ابوها قطع عليها ترددها وقال.. ابو خالد:منووونااا حبيبتي ايش بك واقفه تعالي افطري معانا يالله ماعندنا وقت مانبغا نتأخر منى بصوت واطي:ان شاء الله ودخلت منى بكل عزه واصرار وماهي خايفه لانه ابوها موجود ورندا ماراح تقدر تسوي شي...وعناد وقهراً في رندا راحت وقعدت جمبهــا في كرسيها المعتاد لانه رندا ومنى دايما يجلسو جمب بعض فما حبت تغير مكانها عشان لاتبين لها انها خايفه منها... رندا في نفسها وليكي عين يالدووبه جيا تقعدي جمبي آآآه منك اتاري هدوئك مو جي على طيبة نيه اوريكي منووي انا وراكي والزمن طووويل كان ما اردلك هيا ما اكوون رندا... منى حست بأفكارها وضحكت... خالد والي يطالع فيهم من اول بريبه وحاس انه في شي بينهم:ايش بك تضحكي يامنى؟ منى وهيا تطالع في رندا من طرف عينها:ههههه لا ولاشي افتكرت شي يضحك رندا من زود القهرر قالت:هيهيهي مرره صح افتكرتي شي ولا الخبل والتخلف قاتلك ومخليكي تضحكي على ولاشي منى بغرور:والله انا حره اضحك وقت ما ابغا واسكت وقت ما ابغا ماااالك دخل فااااهمه ولالاء<<<وتضرب خد رندا بأصباعها بشويش وتقوم من الطاوله وتروح... رندا كانت شووويه وتنفجرررر خصوصاً انه امجد وخالد ومحمد قاعدين يضحكوو عليهاا ومو مصدقين انه رندا ساكته لها... ابو خالد الي كان كاتم ضحكته على شكل رندا قال في محاوله منه انه يهدئها لانه داري انها بتنفجر عليهم كلهم اذا ماهدئت:خلاص رندووده حبيبتي انتي دقيتي الباب لقيتي الرد ايش دخلك فيها تضحك ولاماتضحك بس هدي اعصابك ياروح وحياة منصور انتي خالد وامجد في وقت واحد:نعمممممم واحنا فين رحنااا ابو خالد ببرود:ولا محل بس في العين ههههههههه امجد:ايه اشوى على بالي كمان مالنا مكان احنا خالد:هههههههه اصلاً هوا اعترف مايقدر يعيش بدوننا لانه يشوف الدنيا بينا لأننا عيووونه<<<ويغمز لأمجد.... ام خالد:شوو هايدا اشوف الكل له مكانه عندك وانا مالي شي ابو خالد والي اتوهق الكل عليه ومو عارف ايش يسوي:لاااا انتي غير انتي القلب كللللله قوليلي بالله مين اقرب الي في القلب ولا العين ام خالد:ماتنهزم يامنصور طول عمرك نصاب تضحك على الكل لاكن انا مابتقدرليي لو شوووووو ماصاااار خالد وامجد ورندا يرددو ورى امهم :ههههههههههههههه لو شووووو ماصااار وضحكوو الكل على المواقف الحلوه بينهم..واتحركوو من بيتهم الساعه تمنيه لانه يبغالهم ساعه عشان يوصولو وهما يبغو يكونو هناك تسعه ومايبغو يتأخرو عن هالموعد..المهم كان ترتيب السيارات كالاتي.... السياره الاولى: سيارة ابو خالد والي كان معاه بس ام خالد لانهم يبغو يسترجعو ذكريات الماضي ويحطو اغاني عبدالحليم وام كلثووم وهالاغااني حقت الكبار في السن وكمان عشان ابو خالد يبغا يراضي ام خالد الي زعلت منه على كلامه في الفطور فيبغا يراضيها على طريقته فما اخد احد معاهم<<<عجايز ما ينلامو يبغو ياخدو راحتهم ههههههههه.... السياره التانيه:سيارة خالد ومعاه ولده محمد وكان مايبغا ياخد احد معاه الا انه منى اصررت عليه ياخد رندا معاه لانها ماتبغا تقعد مع رندا في سياره وحده وخايفه منها<<<رندا عامله الرعب لمنى الله يعينها عليها..فبالتالي صار في سيارة خالد..خالد ومحمد ورندا... والسياره التالته:سيارة امجد فيها امجد ومنى واخدين راحتهم تؤم ويتفقوو مع بعض ومو هامهم في الدنيا شي اغاني ورجه وحركاااات... والسياره الرابعه:سيارة السواق راجو وفيها كاكي وتيتا والعبش المهم في سيارة امجد... منى:امجد بليييز الله يخليك شو بتخسر لو تمر عليها امجد:منوووي ماتفهمي شو اقولك هيا زعلانه مني بالله كيف اروح لها وبعدين خليني افتك منها شويه ومو كفايه حقابلها اربعه وعشرين ساعه في المزرعه منى وهيا تطالع فيه بنظرة تشكك:مجووود مو عليا هاااا الكلام دا مو من قلبك انتا تبغا تمر عليها بس خايف من موقفها تجاهك اعترررف شو الي يغيرك بعد ماكنت رافض نهائياً وجودها في حياتك امجد والي مايخبي شي على اخته منى تؤمه قلها على افكاره:والله يامنى اني مو غيرت رأيي بس شفت اني لو قعدت على حالي وافكاري كان كرهت البنت عمرها وحرااام لمى ماتستاهل الا الحب والاحترام وصراحه من مواقفي معاها ماشفت الا الخير برغم انها غلسه شويه وماتسمع الكلام بس شو نقول بنت عمي ولازم نستحملها منى:ويعني امجد:شو ويعني منى:اتقبلتها خلااااص رضيت بالامر الواقع امجد:تقريباً منى:كيف تقريباً هادي امجد:يعني مستحيل اسمح لهم يخططو في مستقبلي على كيفهم انا راح احضر الدكتوراه والماجستير واسوي كل الي كان في بالي سواء بوجود لمى هادي او عدم وجودها منى:يعني تسافر وتسيبها امجد:ليش لاء؟؟ منى:مجوود بلا بياخه دوبك تقول ماتستاهل الا الحب والاحترام كيف تروح وتسيبها سبع عشره سنين امجد:والله مدري منى:طيب والخطه حقتنا شو صار فيها؟؟ امجد وهوا يبتسم:مو هوا دا الي خلاني اتقبلها اكثر |
|
28-08-2005, 04:53 AM
|
#108 |
|
][§¤حلا ذهبي ¤§][
|
مشاركة: عمق القلوب....قصة واقعية
منى بإستغراب:كيف يعني مافهمت؟؟
امجد:اممم يعني انا كنت ناوي اكمل الخطه وقلت حتى لو انخطبنا او انملكنا راح نقدر نفسخها لو اتعلقت في شخصية خالد هادا او حبته منى:طيب وبعدين؟؟؟ امجد:وبعدين هيا حبتني اااا قصدي حبت خالد انا متأكد بس ما اعترفت له واظن انها كانت تكااابر بس بعدين كنت متصور اني ممكن اكمل اللعبه معاها بعد الملكه بشكل اكبر لكن فاجئتني..وهنا وقف امجد عند محطه وكلم الهندي حقها وقله يعبي بنزين... منى:مجووووووود كمللل امجد:ها دقيقه اصبري..ايوه ولو سمحت هات اتنين بيبسي واتنين تويكس منى:مجوود دوووب كمللل ما احب احد يقطع القصه ويغير الموضوع امجد وهوا يقفل طاقته ويكلمها:ياهبله سوتيها قصه دحين منى:ايوه مالك دخل المهم كمللللللل امجد:طيب فين وصلنا؟؟ منى:يوووووه انا الغلطانه اصلاً الي جالسه اسمعك ومعطيتك وجه امجد:يوه منك مو مني ايش فيها نسيت فين وصلت مافيها شي يعني منى:طيب وصلت لمن فاجئتك امجد:ايوه صح وبعدين فاجئتني انها...في هاللحظه دق الهندي الطاقه وفتح له امجد واخد الاشياء منه ومنى حتتجنن من حركااته البارده..... منى:اوووووووووف امجد وهوا كاتم ضحكته:ايش بك؟؟ منى:ولااااا شي بس فارق عني امجد:طيب ماتبيني اكمل منى:لاااااء ما ابغاك تكمل ولو سمحت بعد كدا لاتحكيني شي عنك وما ابغا اتكلم معاك امجد:لاااا الله يخليكي لاتزعلي مانقدر على زعلك يعني منتي شايفه مو بيدي الهندي هوا السبب مو انا منى بقلة صبر:طيب اخلص اتكلم بسرعه مو تقول الكلام بالقطاره نقطه نقطه امجد:طيب ولاتزعلي فاجئتني انها قالتلي على اساس اني خالد قالتلي ما اقدر اكلمك انا انخطبت وصرت على ذمة رجال وما اقدر اخونه واعتبر كلامي معاك خيانه له فا اسمحلي لازم ننهي الي بيننا..انا صراحه كبر راسي فيها انسانه محترمه علاقتنا ببعض وماتبغا تخونني لمجرد مكالمه في ماسنجر وانا مستهين فيها وناوي افسخ خطبتي منها بأي طريقه فقررت اني اغير تعاملي معاها وااحاول اتقبلها وارضخ بالامر الواقع منى:وايش قلتلها انتا؟؟ امجد:قلتلها على اساس اني خالد روحي الله يوفقك ومدري ايش من كلام المحبين الي يضحو ههههههه عاد انا خبره في هالاشياء وبسسس خلصت السالفه على خير منى:ياعيني على الي عندهم خبره طيب يعني انتا دحين حذفتها من ايميلك ولاكيف امجد:صراحه لاء خليتها قلت يمكن في يوم تضعف وتكلمني ديك الساعه اعرف انها خاينه من جد وافسخ خطبتي منها وتصير جات منها مو مني منى:لااا حرام عليك لاتظلمها ادريبها لمووي طيبه واخلاق وماتسوي كدا ولو كانت تبغا تضعف كان ضعفة من البدايه مع كل المحاولات الي حاولتها انها تحب خالد وتسيبك انتا امجد عشانه امجد بتفكير:اممم ادري منى:طيب دحين ممكن تمر عليها امجد:امممم لاء منى بقهر:طيييييب...واخدت جوالها واتصلت على لمى.. منى:الووو لمى:اهليييين وسهليييين بمنونتنا منى:هلا فيكي حبيبتي كيفك لمى:بخير يامال الخير انتي كيفك وايش اخبارك منى:بخير دامك بخير اقولك لمى:خير امري تدللي منى:متى حتروحو المزرعه لمى:اممم يمكن بعد ساعه او اكثر او اقل مدري والله بس ليه؟؟؟ منى:طيب عندك استعداد تجي معانا دحين؟؟ وفي هاللحظه انتبه امجد انها بتكلم لمى ومسك يدها وجر الجوال وحط يده عليه عشان ماتسمع:مجنونه انتي ماتفهمي ايش اقولك انا؟!!! منى بتحدي:مو على كيفك انا ابغاها تجي معايا ما ابغا اقعد هناك لحالي وانتو موديننا بدري ومحد راح يجي بدري يعني ايش اسوي لحالي على الاقل هيا تسليني امجد:عندك رندووي اتسلي معاها منى:متزاعله معاها وبعدين مايخصك انا ابغا لمى انتا مر عليها ومالك دخل ومو لازم تكلمها ولاشي امجد:يوووه منك منى:البنت على الخط حرام عليك امجد وهوا يعطيها الجوال بسرعه:ايوه صح نسيت خلاص قوليلها ربع ساعه واحنا عندها منى بإبتسامة نصر:ان شاااء الله واخدت منى الجوال وكلمتها:الوووو لمى:فينك فين رحتي؟ منى:هههههه سوري بس طاح الجوال في السياره ومالقيته بسرعه ها المهم شو قلتي بتجي معانا ولالا؟ لمى بتردد:مين انتو؟ منى حست انه لمى لو عرفت انه امجد مابتجي فضحكة عليها وقالت لها:انا و خالد امجد طالع فيها بإستغراب...!!!؟؟؟ وكملت منى كلامها:هاا بتجي ولالا خلاص قربنا من بيتك قولي قرارك دحين لمى بأسف لانه خالد مو امجد واتمنت لو امجد عشان ترفض وتحرق قلبه وتبين له انها زعلااانه قالت:طيب خلاص مرو عليا منى وهيا مبسووطه:عشره دقايق واحنا عندك لمى:اوكي باي منى:باي...يالله اسرع امجد رضيت<<<واتقصدت تقول امجد عشان تشكك لمى..وقفلت منى الجوال بسرعه وحطته في شنطتها وهيا عارفه انه لمى سمعت اخر جمله ومتأكده انها دحين حيرانه مين الي معايا امجد ولا خالد.. لمى:الووو يوووه قفلت السماعه قليلة الادب.. لمى عقلها طار:دوبها قالت لي انه مامعاها احد غير خالد من فين جا امجد يوووه منها هادي منى خلت عقلي يطير كيف بالله اعرف دحين وبعدين حتى لو امجد ايش فيها مالي دخل فيه هوا الغلطان والمفروض هوا الي يستحي على وجهه ومايكلمني او يواجهني بس يالله خالد ولا امجد المهم انهم جيين ولازم اتجهز..... وبعد اقل من ربع ساعه وصل امجد ومنى لبيت عمهم ابو محمد ونزلت لمى من بيتها عشان تركب معاهم السياره.... |
|
28-08-2005, 04:54 AM
|
#109 |
|
][§¤حلا ذهبي ¤§][
|
مشاركة: عمق القلوب....قصة واقعية
*&*الجزء الثامن والعشرون*&*
لما نزلت لمى وشافت امجد في السياره اترددت تدخل ولالا ... لكن بعد ثانيه قالت في نفسها بلا هبل ايش يعني امجد حدخل السياره يعني حدخل مابقي الا هوا عشان اخاف ولا استحي منه.. ومشيت من قداام السياره بكل ثقه وغرور واتعمدت تمر من قدام السياره عشان تثبت له انها ماتخاف منه ولاشي.. وقعدت ورا امجد عشان تقهره.... لمى وهيا تشيل الطرحه عن وجهها:مرحبا منى والابتسامه شاقه وجهها:هلاااا لمووووي منورره السياره لمى:احم..ادري لاداعي منى:هههههههههه حلووه هادي الله على الثقه انا اعرف الناس تقول منوره بوجودك او ميرسي او شي زي كدا بس اول مره اشوف احد يقول احم ادري لا داعي<<<وتلقد طريقة كلامها بتريقه.. لمى:ههههههههه لاياحبيبتي لسه ماعرفتيني...انا اشوف انه الواثق مايحتاج احد يقوله اذا نور ولالا لانه عارف اصلاً انه نوور ونوور بقوه كمان<<<وتمد لسانها لي منى.. منى:هههههههههاي تكفييييييي الله يخليكي بمووت انا وهالواثق هاهاها وقعدو لمى ومنى على هالحال فتره سوالف وضحك ورجه..ومطنشييين امجد على الااخرررررررر ولاكنه موجود معاهم في السياره من اساسه.... امجد في نفسه انقهر لكن مابين على وجهه..ولمى كانت بين فتره وفتره تلقي عليه نظره وشافته عاااادي ومافيه شي وانقهرت لانه ماعبرها ولا سأل عنها وعن حالها ولاشي...وحتى ماهمه ولا انقهر لانها كمان ماعبرته ولا كلمته... امجد في نفسه احسن خليها تولي مين هيا الي حقهر نفسي عشانها او عشان انها ماعبرتني اصلاً طول عمري ابغا الفكه منها ودحين لمن سابتني انقهر.....لالالا يابوووويه خليهاا توووولي مو انا امجد الي تقهرني وحده زي كدا..<<<الغرور قاتلهم هالاتنين... وفجئه دق جوال امجد.. نور حياتي يتصل بك ابتسم امجد وشق حلقه من الفرح ورد وقال... امجد: هلاااا والله هلا بالغلا كله هلا بعمري وحياتي انا<<<امجد في باله انه مابيوفت فرصه يقهر فيها لمى وبما انه نور حياته اتصلت فراح يتسغل الموقف ويقهرها... ........:هلا حبيبي كيفك؟ امجد:بخير يامااال الخير..انتي كيفك؟ وفي هاللحظه انتبهت منى لأحمرار وجه لمى والعصبيه والزعل الي على وجهها واستنجت على طول انه سبب كل دا امجد...فطالعت فيه لقته يكلم في الجوال... امجد:عمري وحياتي انتي تدللي بس منى احمر وجهها من الكسووووف كيف امجد يكلم بنت وقدام مين قدااام لمى خطيبته ولا شو مو كلام عادي كلام كله غزل ودلال... ........:حبيبي لمن توصل كلمني طمني عليك اوكي امجد:تأمرين امرر من عيوووني ولو كم ناااديه عندنااا وهنا منى ولمى بققو عيونهم..كمان يقول اسمها قدامهم لازودها هادا...!! منى وهيا تقرص امجد فيده عشان يستحي وينهي هالمكالمه النحسه:مجداف<<<دا الاسم منى تزهم بيه امجد من ايام الطفوله لمن تكون معصبه منه او مقهوره... امجد:اااي دقيقه قلبي...وجع ايش تبغي وليه تقرصيني؟؟؟ منى تكذب عليه عشان يخلص مكالمته:ولاشي سلامتك بس عطشانه وقف عند البقاله وجيب لي بيبسي<<<عندهم ادمان بيبسي... امجد بعصبيه مصتنعه:مو دوبك قبل شويه شربتي منى:وي ابغا تاااااااني حرام يعني امجد:لا مو حرام بس اصبري اخلص مكالمتي وبعدين ادور لك على بقاله اوقف عندها لمى في نفسها ياوقاحتك ياخي طيب احترم وجودي على الاقل...ياربي منك يا امجد ماصدقت اقرر عنك شي عدل..تخليني اغير رأيي وارجع لنظريتي الاوليه...ليه يااااربي كدا ليه كل ما احاول احط امل لحياتي الاقي امجد يهدمه ويقتله... امجد في هاللحظه رفع عينه للمرايه وشاف دمعه نزلت من عين لمى..فحز في خاطره مره هوا كان بس يبغا يقهرها لكن مو يحرق قلبها ويخليها تبكي..فندم مره وقرر ينهي مكالمته هادي.. امجد:اكلمك بعدين باي منى..................ساكته مالها وجه تتكلم بعد عمايل امجد وصارت تلوم نفسها لانها هيا الي خلت لمى تجي معاهم... وقف امجد عند اقرب بقاله..وقال.. امجد:منى تبي شي تاني غير البيبسي؟؟ منى: لا ما ابغا امجد وهوا يطالع في المرايه ويشوف لمى:وانتي لمى تبي شي؟؟ لمى بعصبيه:......لاءءء امجد ببروود:برااااحتك ونزل وجاب كم علبة بيبسي وحلويات ومن هالاشياء.. وفي هاللحظه لمى مسحت دمعتها وخافت لايكون احد لاحظها وماتدري انه منى وامجد لاحظوها من بدري...وطالعت لمى في منى وحست انها محرجه وقالت حنتقم منها لانها كذبت عليا وقالت لي خالد الي في السياره... لمى:منى منى بتردد:هلا لمى:ليه كذبتي عليا؟؟ منى وهيا تبتسم:انا متى كذبت عليكي لمى وهيا تطالع فيها بنص عين:ويعني مين الي قلي انه خالد االي في السياره مو امجد هاااا؟؟ منى:اممممم مدري ليه انتي كلمتي احد غيري في الصبح لمى:لا والله منى:هههههههه ايه والله لمى:طيب حسابك معايا بعدين منى وهيا تصتنع الخوف:بريئه والله بريئه لمى:هههههههههههههههههه ولاحظت لمى امجد وهوا جي فسكتت وصارت تراقبه بعصبيه وقهر بس لمن شافته مظبوط حست انها شويه وتتخبل من حلاته كان امجد على الصباح مرره كوول كان لابس بلوزه بيضه كت مااسكه في جسمه لانه جاته فتره كان يروح نادي وحركات فصار جمسه مره كووول المهم كان لابس بلوزه بيضه كت وبنطلون جنز ونظارات شمسيه زرقه رهيبه وخصل من شعره الشوي طويل على وجهه..لمى كانت متخبله فيه وما انتبهت للحركه الي سواها..امجد لمن شافها تطالع فيه ابتسم وفرح وراح لعند بابها وحط الكيس في عبها ورجع لمحله... منى استغربت تصرفه بس سكتت...اما امجد فقال.. امجد وهوا يشيل النظاره من عينه:لمى هاتيلي واحد بيبسي ولبانه لمى في هاللحظه استوعبت الحركه وانه جا الين عندها وحط الكيس في عبها فعصبت مررره وقالت شو شاايفني خدامة ابوه يجيب الكيس عندي ولا يتأمر ويتشرط...الناس تقول من فضلك لو سمحتي..وهادا هاتيلي وجع... امجد استنى دقيقه بس لمى ما اتحركت ولاحركه وكان القهر والشر يندر من عينها..فحاول يقهرها زياده فلف نفسه و مد يده واخد الكيس وكانت لمى حاطه يدها على الكيس فهوا مسك يدها وبعدها عن الكيس واخده...ولمى كانت شويه وتنفجررر لاا عااااد هادا مره زودها مين يحسب نفسه.. ومنى ساكته طول الوقت وتراقب حركات امجد البااااااايخه وتقول في نفسها...الله يعدي هاليوم على خير.... امجد كان شكله ايزي ومافيه شي بس هوا من جواته كان حاسس بالندم ويقول انا ليه اعاملها كدا حراااام والله اني غبي بس شووو اسوي ياناس تصرفاتي لا اراديه ما اقدر اتحكم في نفسي خصوصاً مع لمى ما اقدر لازم اتجاهلها واقهرها احس دا الشي مو بيدي والله مدري لييييه احب كدا...الله يهديني واحاول اعدل نفسي دحين بالله ايش حيراضيها هادي بعد كل هالحركات الله يستر بس الله يستر... امجد عادتاً لمن يزعل او يحزن لازم يحط موسيقى هادئه ورومنسيه...فلا شعورياً مد يده لمكان اشرطته وحط افضل شريط عنده عشان يريح اعصابه المتوتره... لمى لمن سمعت الموسيقى اتفاجئت معقوله امجد يحب هالنوع من الموسيقى زيي معقووله شي بي هالرقه والرومنسيه والجمال يجي في يد هالانسان المتوحش مااتجي ابدا...وانتبه امجد لنظرة الحيره في عينها بس ماعرف سببها...وكمل طريقه وهوا يفكر كيف حيراضيها.. اما لمى كملت طريقها وهيا تحاول تفهم شخصيه هالانسان المعقد والغريب... ومنى احترمت صمتهم الاتنين وما اتكلمت..وافتكرت مازن...صاار لها فتره طووويله ماعرفت عنه شي ولاشافته من اخر مره اتجرأت فيها وقالت له وانتا اكثرررر كل ماتفتكر شكله وهوا يقولها وحشتيني تحس نفسها بتمووووووت...منى صارت تفكر جدياً في مازن تحس تجاهه بانواع الاحاسيس والمشاعر الي ماهي قادره توصفها ولاتعرف ايش هيا...دوم تفكر فيه وفي حركاته معاها وصارت تقول مدام هوا يحبني ليه ما اتقدم لي.. ليه ماجا وكلم اهلي وخطبني و"ريحني" وريح نفسه...اكيد انه لعاااااب زي ما اتوقعت..لالالا مازن مو من هالنوع حتى انه حاول كتيرررر يبغا يقولي شي ولا مره خليته ولا اعطيته فرصه ودوم اهزئه ياما هنته كتيررر ونزلت بكرامته الارض وهوا متحملني ولا غلط عليا بكلمه واي واحد محله كان يئس مني وسابني من زماااان...يعني بلاهي هوا دحين معايا والله ماهو داري ايش موقعي في الكره الارضيه وما يدري اذا انا حيه ولاميته...وبعدين غيرت مسار افكارها..وصارت تفتكر في الاشياء الحلوه الي معاااه..من يوم ماعمرها 15 سنه وهوا كان يبين لها انه يحبها ويبغاها..الين صارت 16 وواجهها واعترف لها بحبه بس بطريقه غير مباشره في بيت رهف بس هيا زعقت عليه وقالت له:لاتفكر حتى تجيب طاري اسمي على لسانك واذا الحب في قلبك وفؤادك فخلييييييييييه ينفعك لاني عاايفه الحب دامه من عندك ومعاك وانا انسانه متربيه وما اسمح لنفسي اكون علاقه معاك حتى لو كانت هالعلاقه هيا اجمل علاقه على وجه الارض تفهمني ولالا...وكانت ردت فعله انه قدم لها ورده حمرا كانت في يده وابتسم وقلها...برضووو احبـــك..ورااح..افتكرت هالشي وابتسمت من قلبها ياااا الله قد ايش مر على ديك الاياااااااام...وكملت افكارها والابتسامه في قلبها قبل وجهها..وكان امجد يطالع فيها وهوا مستغرب بس ماحب يسألها وقال في نفسه بعدين نشوف حكايتك انتي كمان... ولمن وصلو امجد ومنى ولمى للمزرعه كان خالد طالع بسيارته من البوابه... امجد:هلا وغلا |
|
28-08-2005, 04:56 AM
|
#110 |
|
][§¤حلا ذهبي ¤§][
|
مشاركة: عمق القلوب....قصة واقعية
خالد:اهليييين بدررررري كان اتأخرتو شويه
امجد:هههههههههههههه والله معليه كانت عندي شوية مشواير وكمان اخدنا لمى معانا..المهم متى وصلتوو؟؟؟ خالد:من زماااااااان المهم ادخل كلم امي من اول تسأل عنك امجد:طيب بس انتا فين رايح؟؟ خالد:انا رايح اجيب الدباب حقي نسيته في الورشه المفروض اجيبه من امس بس يالله ابغا اروح الحق اجيبه قبل مايجي رائد عشان افاجئه امجد:ههههههههههههههه انتا ورائد حقك دا المهم انا ابغا اجي معاك خالد:وامي مو قالت تبغاك؟؟ امجد:عادي اكلمها بالجوال بعدين خالد:ااووووف منك لصقة جنسون اوكي ادخل بسرعه وتعالي خمس دقايق لو ماجيت والله اروح امجد:اوكي برررب خالد:مو تيت ههههههههه امجد:ههههههههه..ووصل امجد منى ولمى لفيلتهم وطار راح لخالد... المزرعه هادي مررررررررره كبيرره ومقسمه بشكل حلووو فيها فيلااااا مررره كبيره لكل العيله وكأنها قصر من كثر فخامتها وجمالها وفيلا صغيره اذا احد حب يروح يبات فيها بعيد عن الضجه الي دوم تكون في في المزرعه لمن تجتمع العوائل....وفي المزرعه قسم مزروع وقسم كبيرر للخيووول وقسم تالت للحيوانات الي يربوها... والمزرعه قريبه من البحر فاحياناً الشباب يروحو البحر على الصبح وينبسطو.... وفي جهه تانيه من جده كانت في سياره بتمشي بهدووء وبسعاده...سيارة رائد ومي.. مي قررت تروح المزرعه بدري عشان تساعد اهلها لو احتاجو شي..فأطرت تقوم اولادها بدري وكااانو مره نعسانين فكملووو نومهم في السياره وكل واحد شكله يفطس من الضحك.. رائد:حبيبتي اعطيني مويه مي و هيا تعطيه:اتفضل.. رائد:يعطيك العافيه..ها كيفك دحين تحسي بتعب ولا خف الالم؟ مي بصوت باين عليه التعب:لا الحمدلله احسن رائد:الحمدلله مي:.............حبيبي رائد:عيونه مي وهيا مبتسمه:شو رايك اقلهم اليوم ولالا؟ رائد:لالالا ايش قلنا محد لازم يعرف خليها مفاجئه مي:كدا رأيك رائد وهوا يمسك يدها:ايووه كدا مدام صبرتي كل هالشهور اصبري كمان شهر... اسمعي الكلام ولا تشتغلي هناك كتير مي:بس شكلي حيفضحني مرره صار بااين رائد:لا مو باين انتي تقدري تغطي على هالشي فين شطارتك وذكائك مي وهيا تبتسم:احاول ان شاء الله ويكملو طريقهم للمزرعه.......وبعد مايوصلو الكل..حتى عيلة ابو جابر الي كانو بايتين عند اخت ام جابر جو المزرعه تلبيه لطلب ابو خالد الي حلف عليهم مايروحو الرياض قبل مايجيو معاهم ولو ليومين بس... المهم كانت اجواء المزرعه ولا احلى ضجه ورجه وضحك و انبسااااااااط على الاخر....الدور التالت في الفيلاً كانو مستحلينه البنااات...مي....منال...منى...رندا....لمى...وكان كله ضحك واغاااني ورجه على الاخر وكانت رندا تتحاشى تفتح حوار مع منى او تكلمها وكانت مقرره ترد لها الصاع صاعين ومنى تشوف حركاتها وتضحك...وكان ماهو مره كبير((بنسبى للقصر كله))بس حلوو كان فيه تلات صوالين للضيوف...وغرفة نوم للي يحب يرتاح فيها..ومطبخ..وغرفتين جلسه عاديه...وبلكووووونه كبيررره فيها كراسي وجلسه حلوه تطل على المزرعه... والدور التاني المخصص لغرف النوم....كان فيه غرف نوم بلا عدد وكان مرتب وحلو وهادئ...وكان فيه ابو محمد يبغا يرتاح لانه تعبان شويه... والدور الاول والي كااان انواااع الازعااج الشباب...خالد...رامي...امجد...رائد...جابر... قاعدين في غرفه من الغرف ويعزفوو عوود وماهم فااضين وحركااات...والامهااات في المطبخ يطبخوو الاكل للغدا...والصغار..محمد...واحمد...وفهد قاعدين يلعبوو عند الحيوانات مع كاكي... وابو خالد...وابو رامي...وابو جابر...قاعدين عند الخيول ومبسوطين على الاخر لانهم يتذكروو ايام الشباب ايام ماكانو يتسابقو بالخيوول وهالاشياء وقعدو يستعيدو ذكريات الماضي.... وبأختصار برغم ان الوقت كان في الصبح بدري الا انه كان الكل مصحصح ومبسووط وسعييد... وبعد الغدا....قررو الشياب كلهم انهم يرتاحو وياخدو لهم قيلوله للعصر فطلعو الكل لأجنحتهم المعتاده في الدور التاني...واعطو ام جابر جناح لها ولي ابو جابر حلو وكبير ومرتب فيه غرفتين وصاله صغيره مع حمام...اما ابو جابر لانه يعشق الخيول فرجع لها بعد الغدا ومارضي يروح يرتاح.... والبنات قعدو في الدور الاول في غرفه والشباب زي ماهما بالغرفه التانيه.. رندا:بنات اس اس سامعيييين لمى:ايش في ماني سامعه شي مي:الا الا صح في صوت شكلهم الشباب بيغنووو منال:والله...يعني يعرفو يغنو مي:اييووه طبعا شو على بالك عيلتنا كلها مشهوره في الغنا وبالذات المميزين امجد ورامي وخالد هههههههههه رائد ماله كتير في الغنا بس يعرف يرقص هههههههههههههههههههه البنات:هههههههههههههههههههه رندا:بالله خلونا نروح نقرب عشان نسمعهم مظبووط مي:يافرحتك وفرضاً احد طلع من الغرفه وكشفونا رندا:عادي لو طلع احد ناخد بعضنا ونمشي مافيه شي احنا مابنقعد عند الباب نتصنت انا اقول نقعد بالصاله الي قدام غرفتهم وحيكون الصوت واضح اكيد..يصير لو احد طلع ولاشي نقوم احنا عادي كأننا كنا جالسين نتكلم وبس منال:والله منتي هينه يارندا رندا:احم احم ادري شو على بالك انا منال:كل الهنا هههههههههههههههههههههههه البنات:هههههههههههههههههههههههههههه وبالفعل قامو البنات وراحوو بعد ماحطو الطرح على راسهم احتياط لو احد طلع... وقعدو البنات يسمعو امجد ورامي وهما بيغنووو والكل كان مبسوط.. منال:فين المطبخ رندا:دوري وبتلاقي منال بحيا:لا ما اعرف ماشاء الله البيت كبير واخاف اضيع مي وهيا تضحك على منال الخجوله:حبيبتي اطلعي من هالباب وامشي على طووول الين اخر السيب تلاقي المطبخ على يمينك منال:اوكي خلاص عرفت مي:وجيبيلي معاكي كاسه لو سمحتي منال:طيب...وراحت منال.. وفجئه طلع لهم خالد..كان يبغا يروح يشرب مويه..واتفاجئو البنات فيه وخافوو وكانو يبغو يروحو بس هوا فهم الي بيسووه وقلهم... خالد:هههههههههههههه الله يرجكم اجلسو اجلسو مافيها شي مي:سووري خلوود مو قصدنا نتصنت عليكم بس والله طفشانين وقلنا نبغا نطرب معاكم خالد:لاعادي ميويه مو مشكله خدو راحتكم وسوري اني فجعتكم انا بس كنت ابغا اروح اشرب مويه رندا:ميرررررسي يا احلووو خلوود بالدنيا خالد:خلوود في عينك اسمي خالد رندا:والنعم بأحلى خالد خالد وهوا يبتسم:يالله عن اذنكم...وراح خالد للمطبخ عشان يجيب لنفسه مويه.. منى وهيا تتنهد:الحمدلله ماصرخ علينا مي:لا خلوودي طيب مايسويها وفي المطبخ دخل خالد وهوا مو منتبه للمنال الي كانت بتدور لها على كاسه عشان تشرب مويه ويحسبها وحده من الشغلات...فقال.. خالد:تيتا اعطيني كاسه لو سمحتي منال انصدمت من الصوت...الصوت رجالي وماقد سمعته قبل كدا...فلفت نفسها ولقت خالد معطيها ضهره ومدري ايش بيسوي..فانكسفت موت وكانت تبغا تخرج من المطبخ بس ماعرفت كيف تخرج وهوا واقف قريب من الباب... خالد كان بيشوف مسج له ولمن خلص استغرب سكوت تيتا ورفع راسه لقا وحده بنت..انصدم في البدايه بعدين عرف انها نفس البنت الي شافها مع ولده وحمد ربه انها متحجبه وحاطه الطرحه على راسها...بس منال محرررجه مرره اول مره تشوف خالد وتحسب كمان انه خالد اول مره يشوفها..بس هوا شافها قبل كدا لمن كانت تكلم ولده.. |
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| قصة واقعية | حزينه^وحيده | مجلس حلا للقصص والروايات | 4 | 15-11-2005 10:42 PM |
| قصة واقعية | smaaelhaq | مجلس حلا للقصص والروايات | 3 | 24-08-2005 11:03 AM |
| قصة واقعية | SARAH539 | مجلس حلا للقصص والروايات | 7 | 09-07-2005 10:08 AM |
| قصه واقعية | الريـــــــــــــــــــم | مجلس حلا للقصص والروايات | 2 | 19-04-2005 11:18 AM |
| معاناه واقعية | هاجر العدواني | مجلس حلا للشعر وهمس القوافي | 3 | 30-03-2005 03:29 PM |
العرض العادي
