«®°·.¸.•°°·.¸¸.•°°·.¸.•°®»فضفـضه«®°·.¸.•°°·.¸¸.•°° ·.¸.•°®»

[قال شات قال]

«®°·.¸.•°°·.¸¸.•°°·.¸.•°®»فضفضه«®°·.¸.•°°·.¸¸.•°°· .¸.•°®»

والفكرة ان كل واحد مننا يدخل ويحكى عن اى موضوع له ممكن يكون مضايقو
..أو مخنوق منو أو سر محدش يعرفو فى حياتو.... وبعد ما يخلص حكايتو
يختار اى عضو فى المنتدى تانى يدخل بعدو ويفضفض ...واللى يحتاج يحكى مشكلة وطالب التعليق عليها ... يكتب كده فى نهاية موضوعو
وفى الوقت ده .... محدش هيكتب موضوع جديد الا لما العضو اللى كان طالب التعليق على مشكلتو مننا يقول كفاية تعليقات
والهدف هنا
نفضفض لبعض ........ ساعات الواحد بيبقا مخنوق اوى ... ونفسو يتكلم مع حد ...
بس الموضوع اللى بيبقا عاوز يتكلم فيه ممكن يكون محرج شويه أو يتكسف يحكيه
عشان كده عملت الموضوع ده فى المنتدى ....
وطبعا مش كلنا نعرف بعض فى الواقع يعنى اطمنو خااالص
سركووو فى بيـــــــــــــــــر
المهم نطلع اللى فى قلبنا وكاتب على نفسنا
على فكره
الفضفضه شامله كل المواضيع .... سياسه .. واسره ... وحب .... وثقافه ... اى حاجة يعنى
المهم .............. نفضفض
وصدقونى ..... اذا كنا مش هنستفاد من بعض ..... على الاقل مفيش حد هيضر التانى
وياريت ما اشوفش عدد الزيارات اكتر من عدد الردود كالعاده
او الاقى رد شكر ... من غير اشتراك فى الموضوع
ارجو من جميع الاعضاء المشاركه .....
وعل فكره انا حطيت الموضوع هنا عشان بصراحة معرفتش اصنفو تبع اى قسم بالظبط
المهم الموضوع اهو اتفضلو بقا .,........ اتكلمو للصبح وفضفضو زى ما انتو عاوزين ...
يا رب الفكرة تعجبكو

[rock]

قال شات قال

فكرة رائعه وجميله جداااا مشكور عليها جدااا ولاكن لى سؤال لماذا لم تبداء بنفسك

وتحكى عما يخنق ثم تطلب العضوالذى يليك انا بصراحه مخنوق من كده وعايز انتى بالذات

ترد عليه وتكتب انت مخنوق من ايه هههههههههههههه اعتقد انا كده زنقتك يا حلو مش كده

يلا ورينا ردك

دمت قى رعايه الله

الروك

[قال شات قال]

صحيح يا ولاد
من حفر حفرة لاخيه


رجلو تتلوى فيها

كده بردو يا سى روك تزنقنى

دى اول طالعه ليا

بس على العموم هيحصل وربنا

وههريكو فضفضه

بس اشوف راى الاعضاء ايه

ومتخفش انا جاى جاى

هروح فين يا حسره

ومتشكر جدا جدا يا روك على اهتمامك ومرورك الجميل ده بجد

دمت بود

[black]

قال شات قال


موضوع جميل اوى اوى


وطرح رائع لفكره اروع

المهم انت عايزنا نفضف ....اوك .... انا بجد اللى تاعبنى واللى عاملى خنقه واللى مخلينى حاليا تعبان نفسيا


























انى كل يوم اصحى مالاقيش الفطار جاهز بس هو ده






وياريت انت بقا تبدأ فى فضفتك الاول



مشكوووووووووووووووووور اخى



اخاك بلاك

[شموع هادئه]

والله عفارم عليك يا قال شات قال


باين عليك ولد تمام وخبير فى المنتديات


وصدقنى هيكون لك مستقبل حلو

مع انك جديد هنا الا انك موش جديد فى المنتديات يا باشا


ده انت مخك كبير وبتفهم


اما عن موضوعك ال كاتبه


الموضوع روعه

وهننتظرك اول واحد يفضفض


عفارم عليك يا استاذ وفى انتظار موضوعاتك الروعه ياباشا

[قال شات قال]

متشكر اوى يا بلاك يا خويا على اهتمامك

وهفضفض ما تقلقش

اما بقا بالنسبه لموضوع فطارك اللى بتصحى بتلاقيه متعملش

تعال انت على نفسك يا سيدى واصحا متاخر حبتين

ومتشكر مره تانيه على مرورك الكريم

[قال شات قال]

اخى او اختى شموع ...

معلش بقا لسه جديد ومعرفش الناس


متشكر اوى على كلامك الرقيق ده بجد

اللى هيشجعنى اكتر واكتر

وظنك فى محلو يا باشا

وانشاء الله نبقا سوا عل الخير


وشكرا على حضورك الطيب معايا

[نزيف الفكر]

في الحقيقة موضوع رائع

ستحق التحية عليه

بس انا ما عندي شيء مضايقني

وهذا ممكن تعمل منو موضوع


يعني الانسان العادي اللي ما عنده مشاكل


ههههههههههههههههههه


تحياتي


تقبل مروري

[قال شات قال]

وبما ان كلو مصر انى ابدأ الاول فى الفضفضه

انا بجد فى حاجات كتير اوى خانقانى ... منها الشخصى .. ومنها العام

بس هبدأ بموضوع كده بجد قارفنى ومخلينى هتجنن بجد

موضوع نوال السعداوى اللى عاوزة تشيل اسم الاب من البطاقه وتحط اسم الام

نفسى اقولها كلام كتير اوى اوى

بس وشى فى وشها
عشان فيه كلام ماينفعش تسمعو لازم تحس بيه

طبعا كده عرفتو ليه وش فى الوش

طب بذمتكو ينفع الكلام ده

طب تعالو بصو الحياة بقا بعد ما يحصل الموضوع ده هيبقا شكلها ايه

مصر بعد نظام نوال

الواد زيزو كان قاعد مع أصحابه في المدرسة بيتناقشوا عن أخر اخبار البورصة

وأسباب ارتفاع سعر المصاصات المفاجيء

وفجأة الواد توتو محاسن راح قايل لزيزو نظيره

توتو محاسن : الا قول لي يا زيزو هو اسم ابوك ايه ؟

زيزو نظيره :وانت مالك

توتو : قول يا عم بس احنا مش هنقول لحد

زيزو : لأ عيب ان الواحد يقول اسم ابوه ادام الغرب

وهنا هتف الواد كريم نحمده انا عارف اسمو

أبوه اسمه عبد الله هههههههههههههههههههههههه

وتعالت ضحكات الأطفال

زيزو عبد الله ههههههههههههههههههههههه

جري زيزو من أمامهم وهو يصرخ

بابا لااااااااا

لااااااااا

لااااااااااااااااااااااااااااااا


جرى الاب عبد الله مسرعا على صوت زيزو ليجده مستيقظا لتوه وصوت انفاسه يتعالى

وبيصرخ ويقول ...... انا هقتلكووووووووووووو كلكوووووو

كلو الا اسم ابويا ... ابوياااااا لاااااااااااااااا

لاااااااااااااااااااااا


الاب : مالك يا زيزو يا ابنى ( اسم الله عليك يا ابنى )

زيزو : كابوس يابابا كابوس فظيع( ايهىء ايهىء ايهىء )

الاب : حصل ايه يا بني بس

زيزو : حلمت ان العيال في المدرسة بينادوني باسم ابويا

الاب : طب بس اهدا كده واشرب شويه الميه دوول

ده كابوس يا ابنى ... وبعدين ما تستعرش اوى كده من اسمى

ده بردو كان فى يوم من الايام مكتوب فى شهادة ميلادك



لا حول ولا قوة الا بالله

صحيح المجانين فى نعيم

امضاء ......

محمد ابن .........


والحدق يفهم

[البراءة]

السلام عليكم ورحمة الله وبركاته

شكرا يا اخي .. قال شات قال
تحيه ومصافحه قويه على موضوعك
فعلا أثار انتباهي وغيظي بشده وفكرت فعلا ان اطرحه وان كنت مازلت احضر كتابته ... سبقتني انت .... المهم انه تم عرضه للنقاش ،، وهذا هو الاهم .

القضيه المطروحه لها عده محاور
وبلغه اوضح وأكثر صراحه فانها تنقسم لعده [ كوارث] ....مثلا

ان الناس الذين يطرحونها مشكوك في فكرهم الخارج دائما عن المألوف - لا اريد أن اصف أحدهم بالالحاد - ولكن النساء الاتي عرضن الموضوع ومعهم الرجال النشطين في التنظيمات النسائيه - الوصف الوحيد ليهم انهم شبه الرجاله \ والله أعلم - هؤلاء يعرضوا وجهات نظر كل البعد عن المجتمع الفعلي الذي نعيش فيه فعلا

لم تنزل احداهن الى الشارع المصري الحقيقي لتعرف ما هي مشاكل المرأة الحقيقه ... المسكن النظيف ، الحياة الكريمه ، العمل المناسب ، لقمه العيش بلا اذلال ، توظيف شباب الاسرة ، الامراض والاوبئه المستعصيه ، ضحاله الفكر الديني ، الاميه ، ،،،، القائمه طويله
ولكن بالمختصر ... فان ما يعرض لا يهم المرأة المصريه العامله \ ربه البيت الكادحه المهتمه بأسرتها والمهمومه بامور حياتها اليوميه

صدقوني لاتوجد أمرأة طبيعيه ترضى بمثل هذه المهانه
فتلك النسوة من المتشدقات بجهل وتأخر الاسلام ووجوب التطوير منفصلات عن عالمنا ويعشن عوالم مرفهه ، رفاهيه لا حدود لها ، وانفصال أسري وتفكك عائلي ... اي انهن لا يمثلن حاله المجتمع المصري المسلم الشرقي أبدا



النقطه الاخرى
وباختصار

من منا لم يشاهد مرة في الشارع معركة \ خناقه .. بين مجموعه من الشباب ، ومن منا لم يسترق السمع ليعرف ما يدور في داخل الخناقه ؟؟؟
الم تلاحظوا ان مناداه الشاب للاخر باسم امه قد يشعل النار بين الحاضرين وتبدأ سلسه من الشتائم والضرب والمطاوي والجنازير
!!!! أوليس هذا يحدث ؟؟؟
انننا مجتمع شرقي محافظ لا يرضى ابدا بهذا الوضع ونعتبره اهانه لكل منا ........ كيف يناديني شخص باسم امي ؟؟؟

أين الحياء ؟
اين المنزله التي وضع الدين الاسلامي الام فيها ؟
اين احترام المرأة ؟
أوليس هذا انتهاك لحرمتها ؟؟؟

النقطه الاخيره ( تقريبا)؟؟
هذا كله في لغه الاعلام - تخصصي - يسمى بالتعتيم الاعلامي
أي قضيه تم تفجيرها لتخبي على قضايا أهم وأكثر حيويه
اين نحن من مناقشه قضيه الاساءة لسيدنا محمد ، ضحايا العباره ، ضحايا القطارين ، ضحايا بني سويف ، مشاكل الغذاء ، المشاكل السياسيه

أعتقد الامر واضح
التعتيم واضح جدا

لنا الله

عذرا على الاطاله