|
07-02-2007, 03:26 AM | #1 |
(حلا متميز)
|
.......ياحمادة تعالى اشرب اللبن ........
*·~-.¸¸,.-~*بسم الله الرحمن الرحيم*·~-.¸¸,.-~*
ماما قالت لحمادة اشرب اللبن يا حمادة مارضيش حمادة قالت له اشرب اللبن يا حمادة احسن ما انده العصاية مارضيش حمادة فراحت ماما للعصاية قالت لها يا عصاية تعالى اضربى حمادة عشان حمادة مش عايز يشرب اللبن قالت لها : لا راحت للنار قالت لها يا نار تعالى احرقى العصاية عشان العصاية مش عايزة تضرب حمادة عشان حمادة مش عايز يشرب اللبن قال لها : لا راحت للمية قالت لها يا مية تعالى طفى النار عشان النار مش عايزة تحرق العصاية عشان العصاية مش عايزة تضرب حمادة عشان حمادة مش عايزة يشرب اللبن قالت لها : لا راحت للبقرة قالت لها يا بقرة تعالى اشربى المية عشان المية مش عايزة تطفي النار عشان النار مش عايزة تحرق العصاية عشان العصاية مش عايزة تضرب حمادة عشان حمادة مش عايز يشرب اللبن قالت لها : لا راحت للحبل قالت له يا حبل تعالى اربط البقرة عشان البقرة مش عايزة تشرب المية عشان المية مش عايزة تطفى النار عشان النار مش عايزة تحرق العصاية عشان العصاية مش عايزة تضرب حمادة و حمادة مش عايز يشرب اللبن المرة دى بقى ....... الحبل قال لها : لا راحت للفار قالت له يا فار تعالى قرقض الحبل عشان الحبل مش عايز يربط البقرة عشان البقرة مش عايزة تشرب المية و المية مش عايزة تطفى النار عشان النار مش عايزة تحرق العصاية عشان العصاية مش عايزة تضرب حمادة عشان حمادة مش عايز يشرب اللبن قال لها : لا راحت للقطة قالت لها يا قطة تعالى كلي الفار عشان الفار مش عايز يقرقض الحبل و الحبل مش عايز يربط البقرة و البقرة مش عايزة تشرب المية و المية مش عايزة تطفى النار و النار مش عايزة تحرق العصاية و العصاية مش عايزة تضرب حمادة و حمادة مش عايز يشرب اللبن مممممممم.... برضه قالت لها : لا راحت للكلب قالت له يا كلب تعالى كل القطة عشان القطة مش عايزة تاكل الفار و الفار مش عايز يقرقض الحبل و الحبل مش عايز يربط البقرة و البقرة مش عايزة تشرب المية و المية مش عايزة تطفى النار و النار مش عايزة تحرق العصاية و العصاية مش عايزة تضرب حمادة عشان حمادة مش عايز يشرب اللبن الكلب بقى كان جعان فقال لها : حاضر راح الكلب جرى ورا القطة راحت القطة جارية ورا الفار راح الفار جرى ورا الحبل و الحبل جرى ورا البقرة و البقرة جريت ورا المية و المية جريت ورا النار و النار جريت ورا العصاية و العصاية جريت ورا حمادة و حمادة جري وراح شرب اللبن |
|
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
هامبرجر الدجاج والباذنجان مع سلطة اللبن | الحلوة زعلانة | مجلس حلا للطبخ العالمي | 4 | 01-02-2007 02:03 AM |
اللبن قليل الدسم | محمود11 | مجلس حلا للأسرة والطفل | 2 | 13-06-2006 07:08 AM |
عنما انسكب كوب اللبن قصة روعة | بسكوتة | مجلس حلا للقصص والروايات | 3 | 05-05-2006 03:37 PM |
اشرب.. دموعى سؤال..!؟ | ماتريكس | مجلس حلا لعذب الكلام | 3 | 18-12-2005 10:19 PM |