|
|
|
|
27-07-2007, 11:08 AM
|
#11 |
|
مراقب الضحك والفرفشة
 
|
رد: ☼°الف ليله وليله بطوله أعـضاء المنتدي☼°
اليله الثالثه
المشهد الاول تصوير خارجي منظر ليليٍ قهوة دوللي الثقافيه حيثٌ تجمع الحرافيش بنوته: هاي ياحرافيش شكلكم ميش في المود النهارده اسيرة الحب: اهلأ ياختي اٍنت شرفتي ماحدش شاف وشك من يومين.. بنوته: او سو سورى ياجماعه حفلات وكده خارج البلاد لحظات في تعجب!!: حفلات اه طـــيب اسيرة الحب: عرفتي اللي حصل يابت يا بنوته بنوته في لهفه: ايه حصل ايه ؟؟ اسيرة الحب: ميش لطفي يار هيتجوز بنت الوزير بنوته بضحكه عاليه: يامصيبتي ديه ساقطه اٍعداديه يابنتي يلأة ارزاق ... لحظات: وهوا طالبك تغني في الحفله يا بنوته بنوته : ايه بتقولي ايه انا انا المشهد الثاني ؛؛قصر الوزير.. موكا زاد جالسه امام الكمبيوتر... شموسه: بت ياموكا انتي يابت موكا زاد بتنفوخ: اوف نعم ياماما نعم شموسه: يابنتي بتعملي ايه علي المخروب ده والله شكلي هكسرة علي دماغك موكا: ياماما بعمل شات مع اصحابي شموسه: بتشيتي ايه يا موكوسه اللهي يشيط شعرك والنبي ديه عروسه فرحها بكرة.. موكا زاد: ياماما خلاص بئه انا بتكسف.. شموسه: اسمع ياسبع البرمبه بنتك بتكسف فالنتينو: ياربي ارحمني هلأقيها من السلطان ولأ من لسان العقربه ديه شموسه: بتقول ايه ياراجل فالنتينو: ياستي ولأ حاجه بقولك عزمتي الجيران وقريبنا علي الفرح شموسه: اه يا سي السيد ماهو كل حاجه علي دماغي.. والحرافيش كمااان .. فالنتينو: الحرافيش يا ستي منتي عارفه السلطان بيكرهم.. ربنا يستر.. المشهد الثالث ،،قصر السلطان تصويرليلي حديقه كبيرة_____ لحظات: ها يا حرافيش جاهزين.. الحرافيش في صوات واحد: كله تماااااام يا كبيرة اسيرة الحب: ايه بنوته حفظت الاغنيه ... بنوته: طبعا عيب عليكيٍ ده انا بنوته والاجر علي الله اهم حاجه الفرقه تكون جاهزة الفرقه الموسيقيه: جاهزين يا فنانه. لطفي يار بينادي علي كبير الحرس: انت ياض ايه ياعم الزحمه ديه وايه اللي جاب الحرافيش هنا شوف لي الوزير. كبير الحراس: حاضر ياجناب سعاده الباشا السلطان فالنتينو يأتي مسرعا: اامر سعادتك . لطفي يار: فين الفرقه الموسيقيه.. فالنتينو: موجوده اهيه سعادتك.. لطفي يار: وفين هيفاء يابني فالنتينو: للأسف مسافرة خارج البلاد وانا جيبت لسعادتك بنوته مصريه لطفي يار: مين ياخويا.. وديه ايه ديه كماااان فالنتينو: لأحاسب سعادتك ديه اوعـــه وشك.. تبداء الموسيقه وتقترب بنوته من الميك. بنوته((بتحيه المعزومين وتعطي اٍشارة ببداء الأغنــيه ..... القعده علي الكرسي حلوه بس الشعب بيقرص .. شعب تاكله وشعب ياكلك شعب تشله شعب يشلك شعب تقرف منه شعب يكفيك شره ينفع فى شتا او صيف هو ايه... السلطان السلطان السلطان السلطان هو ايه السلطان السلطان السلطان السلطان قلبه ابيض وضميره سليم لا بيغش ولا هو غشيم كان فى الرعيه امير كان علي البلد بيغير كان عيشته حرير فى حرير ده سجنه بهدله ظبطه شرده تعالي تعالي تعالي ينفع فى شتا او صيف هو ايه السلطان السلطان السلطانهو اللى مجوعنا .. هو هو اللى مشردنا..هو هو اللى معرينا ..هو هو اللى. مروقنا..هو هو هو هو هو يلا يلا يلا يلا يلا يلا يلا نجددله يلا يلا يلا يلا فالنتينو: الله الله يابنوته ايه الجمال ده لطفي يار: يانهارك اسود هوا اللي موجوعنا هوا اللي معرينا ومشردنا وصفق الجميع وانتهت الحفله.. المشهد الرابع داخل القصر (وتم الزفاف سريعا وفى اوضة النوم الملكيه....) لطفي يار:- انتى مالك فرحانه كده ليه؟ ده انتى هتموتى الصبح موكا زاد:- منا عارفه لطفي يار: - عارفه ومبسوطه كمان؟ موكا زاد- اه لطفي يار:- هو الوزير مخلف عيله هابله ولا ايه بس !! موكا زاد:- يا عم ما كلنا هنموت لطفي يار:- اه بس انتى بكره موكا زاد:- وانت امتى يعنى يا فتك؟ لطفي يار:- الله اعلم موكا زاد- مانت ممكن تموت قبلى لطفي يار:- بقولك ايه انا مصهلل النهارده ومش طالبه معايا نكد .....حد يقول لسلطان فى فرحه انت هتموت قبلى؟ موكا زاد:- يعنى حد يقول لعروسه فى ليلة فرحها هتموتى بكره انت كمان؟ لطفي يار:- عندك حق انا هنام بأه موكا زاد:- نعم يخويا؟ انت متجوزنى عشان تنام وتموتنى؟ لطفي يار:- خلاص خدى الريموت عندك فيه فيلم اجنبى حلو فى الـ MBC2 والاوربت فيها فيلم عربى جميل برده موكا زاد:- لا يا عم مش عاوزه تليفزيون لطفي يار:- امال عاوزه ايه بأه......احكيلك حدوته؟ موكا زاد:- لا احكيلك انا يا يالطوفتي. لطفي يار:- طب احكى يا ستى وصدعينى موكا زاد:- ولو عجبتك تسيبنى متموتنيش بكره؟ لطفي يار:- لو معجبتنيش هموتك دلوقتى ولو عجبتنى هسيبك للصبح موكا زاد:- طب اسمع الاول وبعدين ابقى بق لطفي يار:- قولى يختى موكا زاد:- بص يا عم بيقولك مره واحد ....... لطفي يار:- انتى هتحكى حدوته ولا نكته؟ موكا زاد:- اهمد باه انت مش ليك حدوته؟ اسمع للاخر بأه لطفي يار:- ماشى قول يا عم على بابا...........اوعى تكون بتاعة على بابا؟ موكا زاد:- لا دى قصة واحد فقرى لطفي يار:- اه كده لايقه عليكى قولى ما هى ليله باينه فقريه من اولها موكا زاد:- بص يا سيدى وما ستك الا انا لطفي يار:- خدى راحتك مانتى كده كده ميته بكره موكا زاد:- يا عم متفولش اياكش انت تسبق ......بص يا عم بيقولك مره واحد فقرى اوى كان ماشى الصبح ورايح يجيب فطار لاولاده حلو الكلام؟ لطفي يار:- (بملل ) كملى كملى موكا زاد:- فهو بيعدى جسر كده وبيبقى معاه سلطانيه بيجيب فيها الفول بتاع الفطار المهم وقع من على الجسر ده فى قلب الميه....وقع فين؟ لطفي يار:- اخلصى يا حجه بأه هو انتى بتحكى لعيل صغير؟ موكا زاد:- ماشى يا عم العجوز.....المهم نزل تحت الميه ناس اخدوه تحت اوى كمان لقى بلد كامله ... لطفي يار:- (باهتمام بس مش عاوز يبين) كل ده تحت الميه؟ موكا زاد:- اه واخدوه على الملك بتاعهم كمان اواااااااااااااااااااااااه (بتتاوب) لطفي يار:- كملى بسرعه بأه موكا زاد:- لا يا عم انا عاوزه انام لطفي يار:- يا بت كملى باه متزهقينيش موكا زاد:- ازهق لطفي يار:- هتخلينى اتعفرت موكا زاد:- على نفسك لطفي يار- يا مسرور مسرور:- امرك يا باشا السلطان لطفي يار:- طير رقبتها !!!!!! ياتري حصل ايه... ابقومعانا..... |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
العرض الشجري