أنتبه !! باقي على شفتك روج

[دفااااا]

عيـن مـن حطيـت عينـي بعينـه وابطيت واقف في بحر عينه أمـوج

ابحـرت فـي عينـه بليـا سفينـه سجيت فيها ليـن ضيعنـي المـوج

حاولت .. الد الشـوف عمـا يهينـه ولا انتبهـت الا وانـا فيـه ملبـوج

شفت الفتـن فـي ملتقـى حاجبينـه والسحر في عينه مع الزين مدمـوج

زاويـه طـرف حاجـز دمعتيـنـه لولاه كان الخـد بالكحـل ممـزوج

كاسيـه رمـش زاد ملحـه وزينـه من متكحـل ومـن تحـت مدعـوج

بين الرموش السود شفـت الغبينـه واللي رماه الرمش ماعاد لـه بـوج

مـرت ثوانـي مـن حياتـي ثمينـه وانا اتهـادى بيـن الاشـواق وأدوج

مرت وانا قابـض علـى راحتينـه واقف مقابل لـه وساهـي ومدلـوج

مدري وش اللي صار بينـي وبينـه والقلب ماردنـه ضلوعـي العـوج

ولا انتبهـت الا بسحـبـت يديـنـه قال انت تبغى الناس تلحقني هـروج

قلت اعذر اللـي شافـك الله يعينـه يبطي ودمعه بعد فرقـاك مزعـوج

عينك بنظـرات الغـلا مستهينـه ؟؟قال الغلا في داخل القلـب منسـوج

قلت الوعد قال ايه .. كلـش بحينـه الله يفتح لـك مـن الضيقـه فجـوج

قلت آآه .. طيب شف لي الدرب وينه قال انتبه باقي علـى شفتـك روج

[نابض القلوب]

أحسنتي عزيزتي دفاا

شعر رائع

تقبلي مروري

نابض القلوب

[فـارس الرومانسية]

اختي الكريمة

جميلة هذه القصيدة العامية
حقا روعة تمتلكينها
في التعبير والاشادة بما يكنه صدرك

سيدتي بعد اذنك هناك مكان
للشعر العامي والخواطر العامية
اهلا بك بينا ومعنا

كل الود لعينيكِ

[دفااااا]

منوريييييييييييييييييييييييييييييين

[اسيره في قلب دامع]

دفااااا

شعر عامي راااااااااااااائع جداااا ومميز

اهنئك على اسلوبك الراقي والجميل

يسلم يمينك

دمت بخير وود