|
|
|
|
13-09-2006, 07:49 PM
|
#1 |
|
مراقبةالضحك والفرفشة
 
|
عجـــــبي!!!! ( من رباعيات صلاح جاهيــــن) روائــــع...,,,,
بسم الله الرحمن الرحيم
----------------------------- خرج ابن آدم من العدم قلت : ياه رجع ابن آدم للعدم قلت : ياه تراب بيحيا ... وحي بيصير تراب الأصل هو الموت و الا الحياه ؟ عجبي !!! ضريح رخام فيه السعيد اندفن و حفره فيها الشريد من غير كفن مريت عليهم .. قلت يا للعجب لاتنين ريحتهم لها نفس العفن عجبي !!! ياما صادفت صحاب و ما صاحبتهمش و كاسات خمور و شراب و ما شربتهمش أندم علي الفرص اللي انا سبتهم و الا علي الفرص اللي ما سبتهمش عجبي !! و الكون ده كيف موجود من غير حدود و فيه عقارب ليه و تعابين ودود عالم مجرب فات و قال سلامات ده ياما فيه سؤالات من غير ردود عجبي !!! أنا شاب لكن عمري ألف عام وحيد لكن بين ضلوعي زحام خايف و لكن خوفي مني أنا أخرس و لكن قلبي مليان كلام عجبي !!!! يا باب يا مقفول ... إمتي الدخول صبرت ياما و اللي يصبر ينول دقيت سنين ... و الرد يرجع لي : مين ؟ لو كنت عارف مين أنا كنت أقول عجبي !!! أحب أعيش ولو في الغابات أصحي كما ولدتني أمي و ابات طائر .. حوان.. حشرة .. بشر ..بس أعيش محلا الحياة.. حتي في هيئة نبات عجبي !! سهير ليالي و ياما لفيت و طفت و ف ليه راجع في الضلام قمت شفت الخوف ... كأنه كلب سد الطريق و كنت عاوز أقتله .. بس خفت عجبي !! كان فيه زمان سحليه طول فرسخين كهفين عيونها و خشمها بربخين ماتت لكين الرعب لم عمره مات مع إنه فات بدل التاريخ تاريخين عجبي !! عجبتني كلمة من كلام الورق النور شرق من بين حروفها و برق حبيت أشيلها ف قلبي .. قالت حرام ده أنا كل قلب دخلت فيه اتحرق عجبي !!! رقبه قزازة و قلبي فيها انحشر شربت كاس و اتنين و خامس عشر صاحبت ناس م الخمرة ترجع وحوش و صاحبت ناس م الخمرة ترجع بشر عجبي !!!! ليه يا حبيبتي ما بيننا دايما سفر ده البعد ذنب كبير لا يغتفر ليه يا حبيبتي ما بيننا دايما بحور أعدي بحر ألاقي غيره اتحفر عجبي !!! ورا كل شباك ألف عين مفتوحين و انا وانتي ماشيين يا غرامي الحزين لو التصقنا نموت بضربة حجر و لو افترقنا نموت متحسرين عجبي !!! نوح راح لحاله و الطوفان استمر مركبنا تايهه لسه مش لاقيه بر آه م الطوفان وآهين يا بر الأمان إزاي تبان و الدنيا غرقانه شر عجبي !! علي رجلي دم .. نظرت له ما احتملت علي إيدي دم.. سألت ليه ؟ لم وصلت علي كتفي دم.. و حتي علي رأسي دم أنا كلي دم .. قتلت ؟ ..... والا اتقتلت عجبي !! انا كل يوم أسمع ........ فلان عذبوه أسرح في بغداد و الجزاير واتوه ما أعجبش م اللي يطيق بجسمه العذاب و اعجب من اللي يطيق يعذب أخوه عجبي !!! ينبوع و في الحواديت أنا سمعت عنه إنه عجيب .. و ف وسط لهاليب لكنه شقيت كما الفرسان طريقي .. لقيت حتي الخنازير و الكلاب شربوا منه عجبي !!!! يا قرص شمس ما لهش قبة سما يا ورد من غير أرض شب و نما يا أي معني جميل سمعنا عليه الخلق ليه عايشين حياه مؤلمة عجبي !!! شاف الطبيب جرحي وصف له الأمل وعطاني منه مقام يا دوب ما اندمل مجروح جديد يا طبيب و جرحي لهيب ودواك فرغ مني .... و إيه العمل عجبي !!! أعرف عيون هي الجمال و الحسن و اعرف عيون تاخد القلوب بالحضن و عيون مخيفة و قاسية وعيون كتير وباحس فيهم كلهم بالحزن عجبي !! ترقبوا الجزء التاني من رباعيات صــــلاح جاهين القمــــــه |
|
|
|
|
14-09-2006, 05:44 AM
|
#2 |
|
موقوف
|
مشاركة: عجـــــبي!!!! ( من رباعيات صلاح جاهيــــن) روائــــع...,,,,
عجبــــي يا بنت بلدي علي اختياركـ مواضيعكـ
يسلم قلمكـ ونبض قلبكـ في انتظار المزيد وياريت صلاح جاهين ... |
|
14-09-2006, 09:31 PM
|
#3 | |
|
مراقبةالضحك والفرفشة
|
مشاركة: عجـــــبي!!!! ( من رباعيات صلاح جاهيــــن) روائــــع...,,,,
اقتباس:
اكيد اوعدك ان في المزيد من روائع صلاح جاهين وبشكرلك مرووورك الطيب في صفحتي المتواضـــــعــــه |
|
|
|
||
|
20-09-2006, 10:10 PM
|
#4 |
|
(حلا فعّال)
 
|
رد: عجـــــبي!!!! ( من رباعيات صلاح جاهيــــن) روائــــع...,,,,
اختي مصريه
سلمت يداكـ اشكرك على النقل الرائع سلمت يدى كاتبها |
|
|
|
|
22-09-2006, 07:59 AM
|
#5 |
|
موقوف
|
مشاركة: عجـــــبي!!!! ( من رباعيات صلاح جاهيــــن) روائــــع...,,,,
فعــلا عجبــي ... !
يسلمووو يا مثرورتـي .... علـي كلامـــكـ الجميــل |
|
22-09-2006, 08:43 PM
|
#6 |
|
مراقبةالضحك والفرفشة
|
مشاركة: عجـــــبي!!!! ( من رباعيات صلاح جاهيــــن) روائــــع...,,,,
مارلـــــــو بشكرك وبشكر اللي مروررر بصفحتـــــــي المتواضعــــــــــه
وانا بموت في الرباعيات دي اوي اوي اوي وبعععععععععششششششق صلاح جاهيييييييييين |
|
|
|
|
22-09-2006, 09:49 PM
|
#7 |
|
(حلا متميز)
|
مشاركة: عجـــــبي!!!! ( من رباعيات صلاح جاهيــــن) روائــــع...,,,,
|
|
28-09-2006, 10:51 PM
|
#8 |
|
مراقبةالضحك والفرفشة
|
مشاركة: عجـــــبي!!!! ( من رباعيات صلاح جاهيــــن) روائــــع...,,,,
الف الف شـــــكر على مرووورك الطيب
|
|
|
|
|
02-10-2006, 01:46 PM
|
#9 |
|
(حلا فعّال)
|
رد: عجـــــبي!!!! ( من رباعيات صلاح جاهيــــن) روائــــع...,,,,
عند قرائتى للموضوع
حسست ان كاتبه من الكتاب المحترفين اقراء لهم موضوع احسنتى اخت مصريه الحبيب الاول |
|
03-10-2006, 03:50 AM
|
#10 |
|
مراقبةالضحك والفرفشة
|
مشاركة: عجـــــبي!!!! ( من رباعيات صلاح جاهيــــن) روائــــع...,,,,
الف الف شكر
بجد كلامك جميل جدا جدا |
|
|
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
العرض العادي
