ابطيت ما ارسلت لي يا زين مرسال

[قـــــــــــرناس]

يا ناس راعي المحبة لا تعذلونة ** مهوب عن صاحبة دالة ولا سالي

لو يسهر الليل كله لا تلومونة ** الحب بلوى ما نيب اول ولا تالي

لي صاحب ما قطعت الياس من دونة ** لو غاب عني خيالة دوم يبرا لي

الصاحب اللي سحر هاورت بعيونة ** ودي بشوفه ولكن ما تهيا لي

يا هيف الخصر عيني فيك مفتونة ** والبعد يا صاحبي ما يرخص الغالي

الروح يا صاحبي بحماك مرهونة ** عزي لحالي عقب فرقى هوى بالي

يا كود وصلك على مثلي ويا هونه ** ان كان حالك طواها اللي طوى حالي

عن غيرك القلب غسلتة بصابونة ** والعين ما تلتفت في كل الازوال

ما يجرح القلب كود فراق مضنونة ** ابطيت ما ارسلت لي يا زين مرسال

أجر صوت جميع الناس يوحونة ** غديت مثل المصيح باخلا الخالي