غرور وكبرياء ( قصة سعودية ) لا تفوتكم روعه تهبل **صدقوني ما راح تندمون**

[الرتاج]

الجزء الثاني والعشورن ..


-22-


الفصل الاول..




بعد العشاء طلعوو ابو راشد وابو فهد برا في الخيمه ومعهم .. الشباب فيصل ومشعل ومحمد وفهد وراشد ومحمد ومشاري ..

ابو فهد : اقوول يا عيال ما مليتوا ..
فيصل : ههه يبه قل ابي نرجع .. لا تلمح ..
ابو فهد : كشفتني هاااااااااه ..
فهد : ايه يبه كلنا كشفناك .. واضحه ترا ..
ابو راشد : ليش يا ابو فهد .. انت مليت ..
ابو فهد : لا ما ليت .. بس خلااص نبي نرجع نمشووف اشغالنااا .. ومصالحنا ..
محمد : هههههه اووه يا عمي لا لا الحاله مستعصيه .. اكيد اشتقت لخالتي ..
ابو فهد : اقوول اها عااد .. ههههههههه ..
راشد : والله يا عمي انا معك ابي ارجع .. خلاااص اشتقت لرياض ..
مشعل : هههههههههههههههه جاك الثاني ..
فيصل : خلاااص اذا تبوون ترجعوون ... انا ما عندي مانع ..
مشعل : ههههههههههههههههه .. البلا مهوووب فيك ..
فيصل : اجل من مين ؟؟ ..
مشعل : من البنات .. ههههههههههههه .. كلنا عادي نرجع .. بس هم ..
فيصل : والله مشكله .. نسيتهم ذوولي ..
ابو فهد : لا لا اللبنات مهوووب قايلين شي ..
مشعل: الا والله يا عمي.. عندك نجيل والعنود .. وريموه .. هذوولي الله يعينا عليهم لين قلنا يله ..
فيصل : هيه هيه هيه .. اشووفك عديت حرمتي معهم .. وحرمتك .. وين ليش ما عنديتهاا معهم ..
مشعل : هههههههههههههههه .. عاد بالله عليك .. تقارن بينهم ... حرمتك ما فيه اطوول من السانهااا ..
فهد : هههههههههههههههههههههه استحوا على وجيهكم .. انت وايااااااااااااااااه ..
فيصل: اندري عنه ذااا .. شف وشلون يحكي..
ابو راشد : عااد علم جاكم وتعادكم .. والله لا نجلاء ولارنا ولاريم ولا العنود .. لو تلفون الرياض والسعوديه كلهااا والله ان ما تلقوون احسن منهم ..
راشد : ايه ههههههههههههه هذا الحكي السنع ..
محمد : هههههههههههههههههههههههههههههههههه ..
فيصل: هيه هيه .. انت وش فيك من ساعه وانت تضحك .. تقل بزر.. استح على وجهك عيالك طولك ..
محمد : هههههههههههههههههه اما عيالي طولي كثر منهااا ذي.. يا عمري عليهم .. الله اكبر واحد فيهم .. نجود .. وما تجي لركبتي.. بعد ..
مشعل وههو يلتفت لمشاري : هيييييييييه يال الحبيب وين وصلت ..
مشاري: هااااااااااااه ..
مشعل: من قال هاااااااااه سمع ..
مشاري: وش تبي اخلص..
مشعل: وين وصلت .. من الصبح وحنا نحكي.. وانت منتاب معنااا ..
مشاري: ايه .. الحين فهمت .. لابد .. بس كذا سرحان شوووي ..
مشعل: والله انك منسم .. ارجع ارجع لسرحانك ..
هنا قام مشاري..
فيصل : على وين ..
مشاري: بروووح اتمشى براااا ..









برا عند البحر... كانوا ريم والعنود .. جالسين يسولفون ..
العنود : اقوووول ريم .. وش فيهاا نجلاء..
ريم : هاااااااه نجلاء وش فيهااا ..
العنود : مدري بس احسهاا اليووم معصبه حتى العصر تهاوشت هي ونوف.. ..
ريم : لا لاه .. هي ونوف.. وشلون وش صار..
العنود : مدري بس نوف خلقه يبين عليهاا انها ما تحب.. نجلاء.. بس وصار اختلاف في الرائي..
ريم : ايه اختلاف في الائي .. هذا من جوا وهم كذا اختلاف في الائي.. اشوا احسب شي اعظم ..
العنود : لا لا.. بس كذا ..
ريم توقف..
العنود : وين بتروحين ..
ريم : بروح اجيب شي نشربه ..
العنود يله .. بس لا تطولين ..
راحت ريم .. والعنود جلست لوحدهاااا .. شووي خمس دقايق يمكن .. وحست بحركه وراهااا ..

العنود .. : امداك ترجعين يا الدوبااا ..
مشاري: مين ..
العنود تزين جلالها وتلتفت .. : انت ..
مشاري: ايه انا ..
العنود : نعم وش تبي..
مشاري: ابي اكلمك ..
العنود : وانا ما ابي اكلمك .. يا اخي خلاص.. مليت . انت في كل مكااان وراي وراي..
مشاري: العنود .. انا جاي اتاسف لك .. يكفي عاااد ..
العنود : واعتذارك ما قبلنااااااه ..
مشاري: ليش عااد يا العنود .. وربي تعبت وانا الاحقك .. تعبت .. حرام عليك .. حسي فيني.. ليش عااد .. والله اللي سويته ما يستاهل هذا كله .. حرام عليك .. بس قولي متى ناويه تقولين لي خلاص ..
العنود : ما راح اقوووول لك خلااص..
مشاري: ليش عاد ..
العنود : انا ابي افهم .. انت ليش مصر.. يعني وش يهمك ... رضيت اوو لا..
مشاري: تبين تعرفين ليش يهمني انك ترضين ..
العنود : ايه .. وبسرعه بعد ..
مشاري: ااااااااااه ....................... العنود .. انا............ ..........
العنود : اوووووووووف... وبعدين يعني..
مشاري: ... انا....
العنود : اللهم طولك يا روح ..
مشاري وهو يناظر العنود .. : انا احبك ..
العنود وهي مو مصدقه : وشوووووو..
مشاري: انا احبك يا العنود ..
العنود موو مصدقه اللي قاعده تسمعه ودهاا احد يجي يعطيهاا كف عشاان تصحى .. تحس انها في حلم والحين بتقووم منه .. معقووله مشاري يحبني.. يحبني انا العنود العنود .. اللي ضليت اصده واعذبه واذله .. وهو يحبني.. ليش طيب .. وربي انا ما استاهل حبك .. انا عذبتك .. انا صديتك ... انا ذليتك ..


مشاري.. اللي كان ينتظر أي ردت فعل للعنود .. يبي أي شي من العنود يبين انهاا تبادله نفس الشعووور .. بس مع كل ثانيه تمر مشاري يتاكد ان العنود ما تحبه .. مو بس ما تحبه الا تكرهه .. ليش عاد يا العنود .. انا وش سويت لك عشان تعامليني كذا .. وربي حرام عليك حرام عليك حرام عليك ...
مشى مشاري.. وهو يمشى العنود كانت تبي تناديه .. تبي تقوله تعال.. بس هي موو قادره
العنود : مشاري....
مشاري فز قلبه لمى نادته العنود ..... ووقف مكانه .. بس ما لتفت
العنود : خلاص مشاري... انسى كل شي صاار.. انا مسامحتك ..
هنا مشاري شاف ريم جايه ...
مشاري: اوكيه العنود ريم جت ... انا رايح ...
ومشى مشاري...
ريم : هيه يالحبيب وين رايح ... يعني اذا حضرت الملائكه...
مشاري :ههههههههههههه لا بس بروح لفواز فوق ... تركناه لحاله ... بروح اشووف وشلونه
ريم : ليش .. وش فيه ..
مشاري: راسه يوجعه .. وهو راقد فوووق..
ريم : ايه صح .. يا اخي شوووفووا راسه وش فيه .. ودوه للمستشى .. والله اخاف فيه شي خطير ..
مشاري: لا ان شاء وش خطير.. بس هوو وجع راس.. وبيروح ان شاء الله ..
ريم : اوكي.. بس بليز طمنا عليه اوكي..
مشاري: اكيد ..
راح مشاري لداخل البيت ورقى فوووق ودخل الغرفه .. بس ما لقى فواز ..
مشاري: فواز ... فواز ..
طلع فواز من الحمااااام وهو ما سك بطنه ..
مشاري راح له مشاري يركض.. : فواز وش فيك ..
فواز : ااااه .. بطني .. بطني..
مشاري: وش فيييك .. طيب من متى وهو يوجعك ..
فواز : من اول ما رقينا فوووق..
مشاري: طيب يله .. يله نرووح للمستشفى.
فواز : لا منيب رايح مستشفى.. اذا رحنا للرياض.. رحت ..
مشاري: يا فواز منتاب صاحي. قووم ..
فواز : خلاص مشااري.. قلت منيب رايح .. يعني منيب رايح ..
مشاري: طيب ليش ما دقيت علينا .. اول ما حسيت بالوجع ..
فواز : جوالي.. تحت .. مهوووب معي..
مشاري: يا ربيه يا فواز .. خلني اوديك المستشفى وارتااح ..
فواز : لااااا.. بس تكفى جب لي.. بندوول .. باكله .. وبنوم ..
مشاري: طيب.. بس ترا بكره اذا ما طبت .. بنرووح للمستشفى ..
فواز : طيب خلاص .. بس انت جب لي البندووول..
مشاري: اووووكي ..








صباح اليوم الثاني.. اول من قااااام فواز ومشاري.. طبعاا بيودعوون .. اخر يوم لهم في الشرقيه .. طلع فواز ومشاري ونزلوا في الصاله .. طبعاا مشاري سال فواز وتاكد ان صحته تمام ما يحتاج مستشفى ..
مشاري. : اقوووول فواز .. نطلع الشريط للبنات اوو لا..
فواز : أي شريط ..
مشاري: شريط سلمان .. هذا مدري مين .
فواز : هههههههههههههههه ايه اللي صورناه من المطار..
مشاري: هههههههههههه .. ايوووووه وصلت خير..
فواز : ايه اكيييييييييد نوريهم الشريط ... بس شوووف لازم نسووي اكشن ..
مشاري: ههههههههههههههههههههه وشلون نسووووي اكشن ..
فواز : يعني ما نقوول لهم .. انه سلمان .. لااا..
مشاري: اجل وش نقووول..
فواز : لا نقووول لهم تعالوا بنشغل لكم .. روحتنا للبحرين..
مشاري: ههههههههههههههههههه .. ايووووووووووه .. كذا احلى ..
فواز : ههههههههههههههههههه .. طيب انا متحمس.. متى بيقومون ..
مشاري: وش رايك اكلم على نجيل..
فواز : يله ...
مشاري: طيب واذا صارت نايمه ..
فواز : واذا نايمه يعني..
مشاري: لا نجيل اذا نايمه ما تنتحارش..
فواز : هههههههههههههههههههه .. تخوف اجل هااااااااااااه ..
مشاري: والله اذا تخووف.. فهي تخوووف..
فواز : يله جرب...
مشاري: طيب..
رفع الجوال.. وكلم على نجلاء..
ردت عليه نجلاء..
مشاري: الوووووووو ..
نجلاء: هلا.. والله ..
مشاري: قايمه غريبه ..
نجلاء: اكيد قايمه .. بكرا بنمشي للرياض.. لازم نظف الشناط ..
مشاري: طيب .. اممممممممممممم ..
نجلاء: وشووو ..
مشاري: كلكم قايمين ..
نجلاء: ايه قايمين ..
مشاري: طيب تعالوا .. ابيكم ..
نجلاء: اوووف مشاري وش تبي..
مشاري: بسرعه تعالوا.. كلكم ..
نجلاء: بس نوف ورغد نايمين ..
مشاري: من نوووووف..
نجلاء: اوووووووووووف اللهم طولك ياروح ..
مشاري: اووكي موو مهم .. اهم شي.. انتي وريم والعنود ..
نجلاء: ورنا ..
مشاري: ايه صح رناا .. عاد ذي وشلون نسيتهاا خطيبت .. مشيعل..
نجلاء: حلووووووووووووووووووه هههههههههههههههههه ..
مشاري: يله تعالوا..
نجلاء: طيب يله جينا ..

مشاري فواز .. ضلوا يشبكوون الكاميرا على الفيديوا ..
وهنا دخلوا البنات ..
نجلاء: نعم وش تبوووووون ..
فواز : ههههههههههه يله اقعدوا ..
نجلاء: خير ان شاء الله مدرسه هي... ايه صح فواز سلامات ..
فواز : الله يسلمك .. يله بسرعه اجلسوا .
نجلاء: خييييييييييير خييييييييير .. انا ما راح اجلس لين تقولون لي وش صار..
مشاري: انا لله .. بنشغل لكم .. شريط الشرقيه ..
هنا دخل عليهم فيصل ..
فيصل : صباح الخير..
الكل: صباح النور..
وراح فيصل وجلس على الكنب..
فيصل : وش عندكم ..
نجلاء: مدري عنهم ذوولي.. منزلينا من فوق وشكل ما عندهم سالفه ..
فيصل : طيب .. وش فيك واقفه .. تعالي اجلسي .. جنبي..
وراحت نجلاء وجلست جنب فيصل ..
مشاري: اوكي نجيل.. انا بقول.. وش السالفه ..
فيصل تحمس: ههههههههههههههههه .. يله قل وخلصنا...
ريم : يا اخي تراك غثيتانا . بتقووول والا اقوووم ..
فواز : لا انا بقووول.. لا تقوومين ..
ريم هناا استحت .. اووف انا وش اللي خلاني اتكلم .. واذوولي... كلهم فيه ..
فواز : السالفه وما فيهااا انا نبي نشغل لكم .. شريط حق البحرين ..
نجلاء شهقت ..
مشاري: بسم الله وش فيك .. روعتيناا ..
نجلاء: حسبي الله على عدوانك .. قل امين ..
فيصل : هههههههههههههههههههههههه ..
مشاري: ليش..
نجلاء: الحين منزلنا من فووق .. عشااان نشوووف شريطكم .. يعني انا ابي افهم .. تبوون تحرووني.. والا تبوون تحرووني..
العنود وهي مستحيه وما ودهاا تتكلم عقب اللي صار بينهاا هي ومشاري .. : لااا نجيل خلينا نشوووف..
نجلاء: وش اشوووف احرق اعصااابي يعني..
فيصل : ههههههههههههههههههههههههه .. لا ما عليك .. وش تنحرق اعصاابك .. من هالثنين الباردين ..
فواز : هههههههههههههههههههههههههههه .. وربي يا نجيل انك فلته ..
فبصل : ههههههههههه .. يله شغل خلنا نشوووف اخرتهااا ..
شغل فواز الشريط ...
اول ما اشتغل .. كانوا مصوورين وهم في السياره .. وبعدهااا حطووا الكاميرا في وجه مشاري..
كان مشااري يقوول: الحين يا بنات شووفووا وش محظرين لكم مفاجئه ..
وبعدهاا طلع سلماان حميد وهو في المطار..
ريم شهقت ووقفت ..
نجلاء.. بعد وقفت .. بس يووم شافت فيصل يناظرهاا جلست وسووت فسهاا انوو ما همهااا .. والعنود صرخة .. ورنا تضحك ..
العنود : واااااااااااااي .. ليش ما علمتونا انكم صورتووووووه..
فواز : مفاجئه ..
العنود : وااي.. عساكم خليتوه يوقع لنا..
مشاري: هذا اللي ناقص.. بعد ..
ريم : حرام عليكم ..
فواز : هههههههههههههههههههه .. ليش حرام عشانا ما خليناه يوقع لكم ..
ريم استحت ..
فيصل .. يهمس لنجلاء: يعني معجبك هااااااه ..
نجلاء معجبهااا بس ما قالت.. : لاا من يقوول.. انا .. يعجبني هذا ..
فيصل : ههههههههههههههههه ..
نجلاء: ليشش تضحك ..
فيصل: لا بس اقووول يعني..
نجلاء: وش تقوول..
فيصل: هههههههههههههههههههههه ... لا بس اقووول اني احلا منه ..
نجلاء : واحد يشكك في الموضوووووع.. اكيد انت احلا بكثيييييييييييييييييييييير..
فيصل : ايه اشوا . هههههههههههههههههههههههه

طبعاا اليووم كان يمر سريع .. والكل لاهي.. يبي يضف اغراضه ..
البنات اول من خلص.. وطلعوا وجلسوا براااا .. في الحديقه ..
وسوالف .. وهباال .. عشاان اخر يووووووم ..

العنود : وااااااااي .. والله بشتاق للجمعه ..
ريم : ايه والله بشتااااااااااق لهاااااااااا..
نجلاء تقوووووووم بسرعه وتوقف على الكرسي وتصرخ ..
ريم : وش فييييييييييك ..
نجلاء.. : فاااااااااااااااااااااااااااااااااااااااااار. .

العنود وهي ترفع رجلهااااا وترصخ : لا عاااااد ..
نجلاء وهي تاشر عليه : والله والله ..
ريم قامت بسرعه ... ورنا مسكتهاا ..
ريم صارت تركض.. ورنا متمسكه فيهااا
ريم : واااااااااي .. رنا اتركيني..
رنا : والله تحلمين .. امشي بس خلينا ننحااش..
ريم : وربي معااد اشووووووف .. ننحاش وين نروووووح ..
رنا : تعالي.. هنا في الملحق..
دخلوا الملحق.. ورتكت رنا ريم .. وراح وجلست على الكنب..
وريم قفلت الباب.. وتسندت عليه ..
ريم : وااااااااااااي .. ما بغينا ننحااااااش..

بس الشي اتللي ما انتبهوو عليه ريم ورناا .. ان في الملحق كان موجود شخصيييييييين .. ومن دخلوو وهم يناظرووون فيهم ..
هنا ريم صرخة ..
رنا : وشوووو بعد ..
ريم : شوو ففيه ..
رنا : منهوو ..
ريم .. وهي تناقز .. اهئ اهئ الفاااااااااااااااااااااااااااااااااااااار..
وفتحت الباااااااب وطلعت ولحقتهاا رنااا .. ورقوا فوووووووق ..

اما اللي في الملحق .. فواز ومشعل..
مشعل: ههههههههههههههههههههههههههههههه ..
فواز : اصبر اصبر..
مشعل: وش بتسوووووووووووووي ..
فواز راح وصار يلاحق الفااار.. لحد ما مسكه من ذيله ..


هنا نرجع للعنود ونجلاء.. نجلاء انحااااشت . ودخلت الخيمه .. لقت فيصل توه بيطلع من الخيمه .. وتوزت وراااااااه ..
فيصل : ههههههههههههههه .. وش فيك ..
نجلاء: فار .. فار..
فيصل : ههههههههههههههههههههههههه .. خايفه من فاااااااااار..
نجلاء : ايه .. فيصل تكفى خلك قدامي ..
فيصل : هههههههههههههههههههههههه .. طيب .. طيب .. بس خلااص خفي على يدي .. وجعتني ..


هناا نرجع للعنود .. اللي مسكينه موو قادره تنحااش.. وضلت تصرخ .. وهي حاطه يداا على وجهها ..
وجوهاا نجلاء فيصل .. مع ان نجلاء بعد الويل وافقت تطلع ..
العنود : واااااااااااااااااااي .. ليش رحتوا وخليتوني لوحدي..
فيصل : هههههههههههه .. خلاص هذانا جينا ..
نجلاء : هههههههههههههه طيب وين عكازاتك ..
العنود : هههههههههههههه .. خذتها ريم ..
فيصل : ههههههههههههههههههههههههه ..
نجلاء : وليش خذتهااا ..
العنود : مدري عنهااااااااااااا .. بتنحاش خذت عكازاتي معهااا..
نجلاء : ههههههههههههههههههههه .. طيب يله قوووووومي خلينا نرقى فووووووق ..
العنود : يله ..

بس وهم بيرقوون العنود راحت عند امهاا لانهاا تبيهاا.. فيصل ونجلاء وهم بيرقون قابلهم فواز .. وهو موزي يده ورا ظهره ..
فيصل : وش عندك ..
فواز : جايب هديه لحرمتك ..
فيصل : لا لاه .. وشي ذا الهديه ..
فواز : تبينها يا نجلاء ..
نجلاء : اذا حلوووووووووه .. اكيد ابيهااا ..
فواز : اوكي ..
ويطلع الفار .. شوي شوي شوي ..
فواز: ترا ترا ترا ...
نجلاء : لااااااااااااااااااااااااااااااا ..
فيصل : مهبوووووووووووووووووووووووول انت ..
نجلاء : واااااااي .. فيصل .. تكفى وخره عني ..
فواز : تبينه .. يله خذيه ..
وقربه منهاا ..
نجلاء وهي تتوزا ورا فيصل .. : واااااااااااااي .. فـيــــــصــــــــــــــــــــــل..
فيصل وهو يبعد فواز .. : فواز .. خل عنك الهبااااااااال ..
فواز : هههههههههههههههههههه
فيصل : فوواز .. بعد هنااااااك يله ..
فواز : طيب خلهاا تمسكه اوووووول ..
فيصل .. فويز عن الهبال وابعد هناك ..
نجلاء : فواز الله خليك ابعد عني ..
فواز : طيب رحمتك .. خلااااااااص ..






في غرفة البنات الساعه 12 .. البنات كانوا جالسين وسوالف.. وهباااااااال..
ريم : اقووول بكره وش السوات .. ..
نجلاء: في ايش..
ريم : وشلون شكلنا مناب راجعين .. في الباص..
العنود : ايه .. وش نسوووووي طيب..
نجلاء: ما فيه حل..
رنا: طيب وحنا يا رنا من بركب معه ..
ريم : اكييييييد مع مشعل..
رنا : لاااا .. مستحيل اركب مع مشعل..
ريم : هههههههههههههههههه .. طيب وش بتسووين ..
رنا : بركب مع راشد وعبير..
نجلاء: هههههههههههههه .. والله ان ما تتركك هدول..
رنا: طيب وش اسووي ..
ريم : مالك الا تركبين معه ..
رنا : وربي فشله ..
نجلاء: ههههههههههههههههه .. والله هوو بيستانس...
رنا : لاااااااا .. منيب راكبه معه .. منيب..
ريم : بكره بيجلهاا الف حلال..
نجلاء: يله خلونا ننوم بس..
قاموا البنات اللي رقدرت .. واللي دخلت للحمام .. ونجلاء وريم راحوا لسريرهم .. بس نجلاء رن جوالهااا ..
ريم : من ذا اللي رايق يدق الحين ..
نجلاء شافت الرقم .. وصارت تشووف ريم ..
ريم : وشوو مين ..
نجلاء بسرعه سحبت ريم .. ونزلت معهاا تحت .. ودخلوو .. الملحق..
ريم : وشوو ..
نجلاء: اللي دقت هي..
ريم : من هي..
نجلاء: ذيك اللي تكلم علي.. عن فيصل..
ريم : طيب ليش ما رديتي..
نجلاء: لابس ما كنت ابي ارد عند البنات .. والحين انقطع ..
ريم : طيب وشلون هي بتدق مره ثانيه اوو لاا..
نجلاء..: مدري بس.. هي حماره . اكيد بترجع تدق مره ثانيه ..
ورن جوال نجلاء..
نجلاء ردت وحطت على السبيكر..
نجلاء: الووو ..
ساره : وينك .. يعني لازم اتعب علشاان تردين ..
نجلاء: والله شين وقاويت عين بعد .. نعم وش تبين ..
ساره : لا بس داقه اقووولك .. تراني ملييييييييت .. خلااااص .. ابعدي عن فصوووول فديت قلبه ..
هناا ريم تكلمت : الحين انتي ما تستحين على وجهك .. يقالك .. يعني بنصدقك .. وربي ماخذه مقلب في نفسك .. انتي انسانه واطيه ... ما تستاهلين ولاذرة احترام ..
ساره : ههههههههههه .. من ذي بعد اللي داخله هاابه .
ريم : مالك دخل.. واذا فيه واحد المفرووض يقوول من هوو .. فهوو انتي.. موو انا..
ساره : انا حبيبت فيصل .. وزوجته قريبا بعد ما يطلق هاللي ما تتسمى ..
ريم : وربي لوو ما تحترمين نفسك يا ويلك ..
ساره : هيه ..ز هيه انتي .. مالك أي حق تتكلمين ..
ريم : ههههههههههههه .. والله حلوه .. اذا فيه احد الفروووض ما يتكلم فهوو انتي.. ومصدقه نفسك يعني انوو حنااا نصدقك .. والله ..لا انا ولا نجلاء نصدقك ..
ساره : هههههههههههههه .. طيب وش رايك لوو قلت لك .. ان اليووم جاكم فاار.. وان نجلاء انحاشت وراحت وتوزت عند فيصل .. وش بتقولين ..
ريم سكتت وصارت تناظر نجلاء اللي الدموع متجمعه في عيوونهاااا ..
ساره : وربي فيصل يقولي.. والله يا قلبي انهاا لزقت فيني .. ابي ابعدهاا .. وهي موو راضيه .. حامت كبدي منهااا ..
نجلاء: لا .. مو معقووول..
ساره : هههههههههههههههههه .. وشوو اللي مو معقوووول.. هههههههههه ان فيصل يقول كذا .. ليش مو معقوول.. اصلافيصل معرووف انه ما يحبك .. وانه بعد مغصووب من الاسااااااااس عليك ..
ريم : اقوول لا يكثر بس..
ساره : يا شيخه رووحي تكفين .. والله انك داخله عرض...
ريم سكرت الخط في وجهها .. وقفلت الجوال.. كانت تبي تقوول لنجلاء أي شي.. بس ما كانت لاقيه كلام تقووله ..
اما نجلاء.. انهارة وظلت تصيييح .. وجلست في الارض..
ريم وهي تجلس جنبهاا : خلاص نجوول..
نجلاء من بين صياحهاااا : وشوو خلاص يا ريم .. وشوو خلاص..
ريم : نجوول.. اهدي موو كذا ..
نجلاء: وشووو اهدا .. ( وتصرخ) وشووو اهدا .. وشوو خلاص.. حرام عليكم .. يا ناااااااااس.. وربي مليييييييييييت .. ليش كذا .. لييييييييش .. ليش..
ريم : طيب اذا صحتي وش بتستفيدين ..
نجلاء: ريم .. ممكن سؤال؟؟
ريم : اكيد يا قلبي..
نجلاء: ليش فيصل يسووي فيني كذا ؟؟ انا وش سويت له .. وربي يا ريم .. اني ما قصرت في حقه .. ليش يسووي فيني كذا ..
ريم : طيب يمكن ذي تلعب عليك ..
نجلاء تصرخ وهي تصيح : وشوو تلعب علي يا ريم .. انتي ما سمعتي وش تقووول.. تقوووول اني لزقت فيييييييييييييه .. يبيني.. ابعد عنه .. لييييييييييييش.. لييييييييييييش.. انا اللي غبيه .. رايحه اتلزق فييييييه .. رايحه احتمي فيه .. وربي انا غبيه .. غبيه ..
ريم : طيب يا نجوول.. حرام عليك .. اهدي.. اهدي..
نجلاء: وربي يا ريم .. ما راح اقعد عنده ولا دقيقه ..
ريم : مجنونه انتي ..
نجلاء: لااا موو مجنونه .. هذا ما يستاهل.. اني اقعد معه ولا دقيقه ..
ريم : نجلاء.. انتي معصبه الحيين .. عشاان كذا .. اهدي.. وبعين فكري..
نجلاء: ما راح افكر.. وقعده عنده .. منيب قاعده .. والله والله والله ما راح اقعد عنده ..
ريم : يعني بتطلعييييين ..
نجلاء: ايه .. بطلع .. بطلع .. بطلع .. والله عنده يسوويه .. .. وخليه يرووح لهاا .. لحبيبت قلبه .. اذا هوو ما يبيني مره .. انا ما ابيه الف الف مره ..
ريم : نجيل خلي عنك ذا الكلام اللي ماله داعي..









يتبع ..

[الرتاج]

الجزء الثالث والعشرون ..

_23_

الفصل الاول

نجلاء: وربي يا ريم .. ما راح اقعد عنده ولا دقيقه ..
ريم : مجنونه انتي ..
نجلاء: لااا موو مجنونه .. هذا ما يستاهل.. اني اقعد معه ولا دقيقه ..
ريم : نجلاء.. انتي معصبه الحيين .. عشاان كذا .. اهدي.. وبعين فكري..
نجلاء: ما راح افكر.. وقعده عنده .. منيب قاعده .. والله والله والله ما راح اقعد عنده ..
ريم : يعني بتطلعييييين ..
نجلاء: ايه .. بطلع .. بطلع .. بطلع .. والله عنده يسوويه .. .. وخليه يرووح لهاا .. لحبيبت قلبه .. اذا هوو ما يبيني مره .. انا ما ابيه الف الف مره ..
ريم : نجيل خلي عنك ذا الكلام اللي ماله داعي..
نجلاء: وشلون ماله داعي.. انا ريم ذليت نفسي.. كرامتي وصلت للارض.. هوو ما يبيني ليش اقعد عنده.. لييش .. عطيني سبب واحد يخليني اجلس عنده ..
ريم : بس يا نجلاء وابوك .. واخوانك .. وعمك .. وامك ..
نجلاء: شفتي هذولي كلهم ..
ريم : ايه ..
نجلاء: هذولي راحتي اهم شي عندهم .. وانا راحتي اني ارجع لبيت اهلي..
ريم : طيب انتي فكري.. اوكي.. وبكره سوي اللي يرحك ..
قامت نجلاء من دون ما تقوول ولا كلمه ..
راحوا لغرفتهم ..كل وحده رقت بس ولا وحده منهم جاها النوم .. كل وحده منهم تفكر وش ممكن يصير بكره .. وش بكره مخبي لناا ..





الصباح .. طبعاا الكل قام بدري..
ام راشد : هاااه يا بنات ظفيتوا شناطكم ..
ريم : ايه .. خلصنا منهااا ..
ام فهد وهي تناظر نجلاء: وش فيك يا بنيتي..
نجلاء: سمي..
ام فهد : اقوول وش فيك .. شكلك تعباانه ..
نجلاء: ايه يا خالتي ما نمت امس زين .. وراسي شووي يوجعني..
ام راشد : تبين اجيب لك باندول ..
نجلاء: لا يمه كلت ..
ام فهد وهي تضحك : اقول يا بنيتي.. يمكن حامل..
نجلاء الله لا يقوله .. الحين انا ابي اطلع منه تقولين حامل.. الله يستر.. : لا ياخالتي وين حامل معه .. توو النااس..
ام فهد : وين بدري.. صار لكم شهرين متزوجين ..
نجلاء:...........
ام راشد : الله يكتب اللي فيه الخيير ..
ريم حست في نجلااء وتبي تغير الموضوع : اقووول نجوول.. تعالي نتمشى برااا ..
نجلاء قامت علطول بدون ما تفكر: يله ..




فوق في غرفة الشباب الكل كان تحت الا فواز .. اللي موو قاادر يسووي أي شي..
الم فضيع في بطنه ..
فواز :ااه .. يا ربي وش ذا ..
ورجع رقد في سريره .. يبي أي احد يدخل عليه . بس لا حيااة لمن تناادي.. يبي ينادي احد .. بس موو قادر..
فواز : اااه يا ربي ارحمني.. اااااااااه .. يا ربيه وش اسووي ..
حاول فواز ينوم ..
بس هوو مووقادر يرتاح في وضعيه معينه .. لان بطنه . مره يعوره ..
وفي الاخير التم على نفسه ... وبعد جهد جهيد نام ..




برا على البحر..
ريم : هاه نجلاء فكرتي..
نجلاء: ايه ..
ريم : قررتي..
نجلاء: ايه ..
ريم : وش قررتي..
نجلاء: بتشووفين ..
ريم وهي تبتسم : اكيد .. منتيب طالعه ..
نجلاء تناظر ريم وتبتسم ..
ريم تصرخ : ايووووووووووووووا..وربي كنت عارفه انك منتيب طالعه .. ايه هذي نجلاء اللي اعرفهااا ..
نجلاء: بس انا خايفه ..
ريم : من ايش..
نجلاء: من اني اكون حامل..
ريم : وليش تخافين بالعكس يا قلبي افرحي..
نجلاء: لا انا ما ابي احمل..
ريم : ليش...
نجلاء: ما ابي أي شي يربطني بفيصل..
ريم : مجنونه انتي.. وش هالتفكير..
نجلاء: لاا مو مجنونه .. لان فيصل يووم من الايام بيقوولي يا نجلاء روحي بيت اهلك .. انا ما ابيك .. وقتهاا وش اسووي .. انا وولدي..
ريم : وش هالتفكير يا نجلاء.. فيصل مستحيل يسووي كذا ..
نجلاء: وليش مستحيل..
ريم : ....
نجلاء: شفتي.. انه موو مستحيل..
ريم : الا مستحيل.. انتي بنت عمه ... وهو مستحيل يسوي كذا فيك كذا..
نجلاء: ههههههههه يعني تووه بيفكر في بنت عمه .. طيب هوو الحين يخووني ليش ما قال بنت عمي .. والا بس عشااني بنت عمه .. مهوب مطلقني .. لا يا حبيبتي انا ابي اجلس مع واحد ما يبيني ..
ريم : بس انتي تبينه ..
نجلاء : كنت ابيه .. بس الحين ظزز فراقه ارحم لي ..
ريم : مجنونه انتي يا نجلاء .. ليش انتي متشائمه .. ليش ما تحولين تكسبين فيصل ..
نجلاء : اكسبه ..
ريم : ايه اكسبيه لا تخسرينه .. يعني بدال ما تفكرين كذا ... فكري كيف تكسبينه ... فكري كيف تخلينه يحبك ... تخلينه ينسى ذيك .. يشيلهاا من باله ...
نجلاء : هههههههههههههههههههههه ..
ريم : ما قلت شي يضحك ..
نجلاء : كل هذا وما قلتي شي يضحك ..
ريم : ايه ما قلت شي يضحك ..
نجلاء : الصراحه انتي يا ريم عندك طموح .. هههههههههههههههههههه..
ريم : الشرهه موو عليك .. الشرهه علي انا اللي جالسه من الصبح احاكيك .. وادور مصلحتك ..
نجلاء : ريم لا تزعلين .. بس انا قررت .. وما راح اغير قراري ..
ريم : اوكي كيفك انا نصحتك .. وانتي حره .. يله قومي خلينا نروح..
نجلاء: يله ...






المغرب .. كل عند السيارات ...
فواز طبعاا اللي نام .. وبعد ما قام من النوووم لقى نفسه على احسن ما يكوون ..


رنا .: اقوول يمه ..
ام عبير : نعم ..
رنا : يمه بركب معكم في سيارة راشد ..
ام عبير : ما تكفي.. زحمه ..
رنا : بس انا ما ابي اركب مع مشعل..
ام عبير: يعني وش السوات ..
رنا : ما ادري.. بس ما ابي اركت معه ..
ام عبير : والله يا بنتي .. مالك الا تركبين معه ..
رنا : يمه استحي .. الرجالل خاطبني من يومين .. واليوم اركب معه سيارته ..
ام عبير: معك اختك ..
رنا : يمه اختي هي اخته .. يعني عادي.. بس انا لااا .
ام عبير: والله يا بيتي.. ما لك الا انك تركبين معه ..
رنا : يا ربيه ..
ام عبير: خلي عنك الدلع ..
ريم اللي جايه باسرع ما يمكن .. : وش عندكم ..
ام عبير: وانتي ما تتركين اللقافه ..
ريم : يمه وش فيك علي.. ابي اعرف وش السالفه ..
ام عبير : مهوب لازم تعرفين ..
ريم : طيب تراهم يقولون يله ..
ومشت ريم ..
رنا : ريم ..
ريم : نعم ..
رنا : تعالي خذيني معك .. ما ابي اركب لحالي..
ريم : ههههههههههههه تعالي يا حرم مشعل..
رنا : اوووووووووووووف .. ريم وبعدين .
ريم : وانا ما كذبت .. مهووب انتي حرم مشعل..
رنا : لاا ما بعد صرت حرم مشعل.. امشي يله قدامي..
ريم : ههههههههههه .. يله ..
وراحوا ريم ورنااا للسياره .. مشعل كاان اركب..
دخلوا ..
ريم : ياااااا هلا والله بالمعرس..
مشعل : الله يسلمك .. يا اخت المعرس والعروس..
ريم : والله حلووووووووووه..
مشعل : اعجبتك ..
ريم : ههههههههههههههه ايه .
مشعل يناظر رنا من المرايه : احم احم .. يسلموو يا ناس عبرونااا ..
رنا .. ودهاا تذبحه ... انا قلت من الاول منيب راكبه معه محد يسمع الكلام ..
مشعل: هلا رنا .. وش اخبارك ..
رنا : الحمد لله ..
مشعل: دوم ان شااء الله ..
ريم : احم احم احم احم نحن هنااا يااعم ..
مشعل : ههههههههههههههههه ادري انك هناا يعني ما اشووف انا ..
ريم : اندري عنك طايح تغزل ..
مشعل: اقوول اسكتي واللي يرحم والديك ..
ريم : الا اقوول مشعل..
مشعل : قوولي خليني اشووف وش وراك ..
ريم : البااص صار لي يومين ما اشووفه..
مشعل: شحناه .. رجعناه للريااض.
ريم : اهااااااا ..
هنا هدول فتحت الباب وركبت ..
ريم : هدوول تعالي معي قدام ..
هدوول : لاا ابي ادلس مع ماما رنا ..
ريم : اوه اووووووووه .. حركات والله ..
مشعل : تتهزين ببنتي .. وش عندك .. وشو اللي حركات ..
ريم : والله منتيب سهله يا هدوول .. وماما بعد.
مشعل : هههههههههههههههههههه .. طيب ما قالت شي غلط .. انا قلت لهاا
ريم : ههههههههههههههههه .. لا وبعد انت قايل لهااا
رنا طبعا اللي وجهها ازرق واحمر واخضر.. ودهااا تذبح ريم .. ومدت يدهاا وقبصت ريم
ريم : أي .. وعمى .. وش تبين ..
مشعل : ههههههههههههههههههه وش فيك ..
ريم : ذي قبصتني .. الخايسه .
مشعل: ههههههههههههههههههه تستاهلين ..
ريم : لا والله ..
مشعل : ايه عشان تعرفين وشلون طوالت اللسا ن وين توديك ..
ريم : اعوذ بالله ما صارت كلمه قلناهاااااا
مشعل : هههههههههههههههههههههههه ..



في سيارة فيصل ..
الجوو كان غير سيارة مشعل .. الجوو هنا هدووءنجلااء ساكته واخر شي تفكر فيه انها تتكلم .. ورغد فيهاا النووم .. ومن ركبت السياره وهي.. نايمه .. والعنود شافت الكل ساكت وسكتت ..

نجلاء اعوذ بالله .. انا وشلون اقووله هذا .. اووووووووف..
فيصل : وش فيكم ساكتين .. جبتوا لي النوووم ...
العنود : انا ادري عنكم .. سولفوا اضحكوا قولوا شي ..
فيصل : نجلاء:...
نجلاء: .........
فيصل : نجلاء ..
نجلاء اوووف وهو لازم ارد يعني : نعم ..
فيصل : وش فيك ...
نجلاء : لا بس راسي يوجعني..
العنود : فيصل ..
فيصل : هلااا..
العنود : تدري ان امي تقوول لنجلاء .. يمكن ناا حامل..
فيصل : وشووو ..
نجلاء انا عارفه انت ما تبي بس تراا انا ما ابي اكثر منك ..
العنود : ههههههههههه .. امي تقوول يمكن نجلاء حامل..
فيصل : لا والله .. بس بدري .
نجلاء : لاا ارتااح .. موو حامل .. بس هوو صداع .. والا الحمل لسى بدري علي ..
فيصل استغرب من رد نجلاء ..بس قال خليني الطف الجوو ..
فيصل : ايه احسن .. انا ما ابي عيال الحين ..
نجلاء : ومن قالك ان عندي نيه انيب احمل الحين
نجلاء وينك ياريم .. انا قلت لك بس انتي ما تسمعين الكلام ..
العنود : وش فيكم اعوذ بالله غيروا الموضوع .. والا اسكتواا ..
نجلاء : لا نسكت احسن ..
فيصل لا بالله منتيب طبيعيه اليوووم ..
ومر ساعتين من دون ولا كلمه ..
نجلاء : فيصل .
فيصل : هلااا ..
نجلاء : حطني في بيت اهلي ...
فيصل : نعم ..
طبعاا العنود ورغد كانوا يسمعون الحوار ..
نجلاء : حطني في بيت اهلي ..
فيصل : ليش ..
نجلاء : لا بس اابي اجلس عندهم اليوم ..
فيصل : مهبوله .. انتي .. شوفي الساعه ..
نجلاء : طيب داريه .. بس انا ابي اروح لبيت اهلي ..
فيصل : ايه بكره روحي .. بس الحين مستحيل ..
نجلاء : وليش مستحيل ..
فيصل : بس كذا قلت اليووم لاا...
نجلااء : وانا اقووول اليووم يعني اليووم ..
فيصل : غصب يعني..
نجلاء: فيصل اليووم ابي ارووح لبيت اهلي..
فيصل : اكلم بزر انااا ... خلااص قلت اليووم لاا يعني اليوووم .. لاا
نجلااء : اووووووووف ..
فيصل نعم ..
نجلاء وهي تصرخ : ولا شي .. بس ترا اذا وصلنا للبيت ركبت مع السواق ورحت لبيت اهلي ..
فيصل يصرخ : وربي لوو تسوينهاا معااد ترجعيين ... تسمعين ...
نجلاء في نفسهاا احسن .. هذا اللي ابيه ....

وصلوا الكل لبيته ... من التعب والارهااق الكل دخل لغرفته ..ونام ..
وفيصل ونجلاء نفس الحاله .. دخلوا بدون ما يكلمون بعض..
جوو وناموا ..


صبح اليوم اللي بعده ..
قام فيصل الساعه 10 .. التفت جنبه ... بس مالقى نجلاء...
قام وراح للحمام واخذ له شاور... وطلع يدور نجلاء.
فيصل : اكيد انهاا تحت .. طيب تستني لين اقووم .. اعووذ بالله من بنات هالزمن ..
وخذا جواله وكلم عليهاا اول مره ما ردت .. بس المره الثانيه ردت ..
فيصل : الوو ..
نجلاء: نعم ..
فيصل : وينك .. ؟؟
نجلاء: انا في بيت اهلي..
فيصل : نعم ..
نجلاء: انا في بيت اهلي..
فيصل : ومن اللي سمح لك تروحين ..
نجلاء : محد ..
فيصل : اجل ليش رايحه ..
نجلاء تصرخ : انا من امس قايله لك بروح عند اهلي.. اغير جوو ..
فيصل : وانا قلت لك .. ترا اذا رحتي ما فيه رجعه ..
نجلاء: وانا اقوول لك احسن ..
فيصل: نجلاء.. انتي قد الكلام .. اللي تقوولينه ..
نجلاء : اكيد قده .. لوو اني منيب قده .. كان ما قلته ..
فيصل : اووكي.. دام هذا كلامك .. خليك في بيت اهلك...
نجلاء: يكوون احسن ..
وسكر فيصل الخط بدوون ما يقول ولا كلمه .. وجلس على السرير وهو معصب ..
فيصل هوو يصرخ : ليش يا نجلاء لييييش لييييييييييش.. كل اللي سويته لك .. هذا ردك علي.. بكل سهووله كل شي ضااع .. ليش .. ليش..


اما نجلاء اللي من سكرت السماعه وهي تصيح ...
نجلاء: فيصل انا والله ما كنت ابي اسووي كذا .. انت اللي جبرتني .. انت السبب .. كبرياائي يمنعني ارجع لك .. والله يمنعي.. انت ذليتني واهنتني.. انا ما اقدر استحمل اكثر من كذا ..
عشت طوول عمري عزيزه من دونك .. وبظل عزيزه .. بك وبدونك ..



في بيت ابو راشد .. العصر ..
ابو راشد : اقول يا نجلااء وين رجلك ..
نجلاء : هااااه ..
مشاري : صقهى انتي .. يقولك .. وين رجلك .. ورا ما جا معك ..
نجلاء : عنده شغل بابا ..
مشاري : استحي على وجهك يا شيخه ..
نجلاء : ليش وش سويت ..
مشاري : وش بابا ..
نجلاء انا حره ..
مشاري : عمن يعمي عدوانك قولي امين .. وش طولك وش عرضك .. ومعرسه .., تقولين بابا ..
نجلاء وهي معصبه وتصرخ .: واذا قلت بابا . كفرت يعني ..
مشاري : بل بل بل بل .. كلتني ..
نجلاء : اوووووووووف ..
مشاري : اعووذ بالله .. خلاص .. ما قلناا شي ..
هنا يرن جوال مشاري .. شاف الرقم وضحك ..
مشاري : هلا والله .. يا بعد قلبي انتي ..
ابو راشد طير عيونه في ولده ..
مشاري: هلا يا قلبي..
ريم : هههههههههه هيه هيه هيه وش فيك ..
مشاري: فرحان يا قلبي اني سمعت صووتك ...
ريم : اكيييد عندك احد تبي ترفع ضغطه ..
مشاري: سبحاان الله يا قلبي.. حاسه فيني .. يا بعد عمري انتي.. وطوايف اهلي كلهم ..
ابو راشد : احم احم ..
مشاري: ايوه يا قلبي ابووي هناا . اذا راح كلمت علييك ..
ريم : هههههههههههههههههههههههههههههه ..
مشاري : بااي حبي..
ريم : هيه هيه هيه هيه لااا تسخر..
مشاري : اقول ريموووه اخلصي وش تبين ترا عطيتك وجه ..
نجلااء : ههههههههههههههههههههههههههههههههه .. ريموو والله طاح قلبي .. احسبك تغازل..
مشاري: وبعدين انتم تشمون ريحت بعض يعني..
ريم : انا ومين ..
مشاري: انتي ونجلاء.
ريم : ليش وش دخل نجلااء..
مشاري: عندي الحين ..
ريم : لاا عااد ..
مشاري : والله ..
ريم : وش جابهااا ..
مشاري: هههههههههههه .. مدري عنهاا من الساعه 8 الصبح وهي هنااا .. حتى قومتني من النوووم عشاان افتح لهاا ..
ريم : طيب عطني اياهااا ..
مشااري : طيب .........نجلاء خذي ريم تبيك ..
خذت نجلاء الجوال .. : الوو
ريم : هلاااا ..
نجلاء: اهليييين ..
ريم : نجلاء قولي لي الصدق ..
نجلاء: في ايش..
ريم : انتي طلعتي صح ..
نجلاء: ايه ..
ريم : طيب لييييش .. وشلون طلعتي.
نجلاء : بعدين اقولك ..
ريم : انا مافيني صبر...
نجلاء: ما اقدر الحين ..
ريم : طيب عطيني مشااري..
نجلاء : مشااري ريم تبيك ..
خذا مشاري التليفوون : نعم وش تبين .. ما يخلص حكيك انتي..
ريم : مشااري .. حبيبي قلبي انت ..
مشاري: وش تبين اخلصي ..
ريم : تعال خذني..
مشاري: نعم ..
ريم : تعال خذني.. ابي اجي انام عندكم ..
مشاري: على أي اساس تجين ..
ريم : لاا انا ونجلاااء متفقين ننام عندكم اليووم ..
مشاري : طيب فيه احد من البنات بيجي غيركم ..
ريم : وليش تسال..
مشاري: لا بس ابي اشووف انا يصلح اسهر معكم اوو لاا..
ريم : لا ارتااح محد جااي انا ونجلااء بس..
مشاري وليش ارتاح انا ما ابيكم .. ابي العنود يا لبى قلبهاا بس..
ريم : هااااااااه وش قلت ..
مشاري: والله اذا نجلااء بتجي معي.. عشاان اجيبك .. جيت .. مهيب جايه ما جيت ..
ريم : لاا نجلااء مهيب قايله شي.. واحسن بعد عشاان نمر التميمي..
مشاري: على كيفك هوو ..
ريم : لاا يا بعد عمري انت .. علىة كيفك انت .. يا بااشاا ..
مشاري: ايه اذا كذا .. نروح للتميمي.. (ويكلم نجلاء) يله رووحي جيبي عبايتك ..
نجلااء: لا منيب رايحه ..
مشاري: اقوول قوومي..بس .. اكيد بعد بتقوولين بدق على فيصل ..
نجلاء: لا منيب داقه ..
مشاري: غريبه ..
نجلاء: لا غريبه ولا شي .. انا حره ارووح وين ما ابي .. واجي متى ما ابي..
مشاري: طيب قومي يا الحره .. وجيبي عباايتك ..
نجلاء: طيب.. .
ويرجع لريم : يله انتي تولمي..
ريم : طيب يله تشااو..
مشاري: تشاوات ..





في بيت ابو فهد ..

ام فهد : اقوول يا فيصل وين نجلاء.
فيصل : راحت بيت اهلهااا ..
العنود : وش عندهااا ..
فيصل : مدري عنهاا .. قالت ابي ارووح .. قلت روحي..
ام فهد : ومتى بتجي..
فيصل : بتنام اليوم هناك ..
ام فهد : ايه ..
هنا دخل فواز : السلاااااااااااااااااااام عليكم ..
الكل : وعليكم السلام ورحمة الله وبركاته ..
فواز : اخباركم .. وشلونك مع الريااااااض .. يا لبى قلبهاا والله
فيصل : وربي انت رايق..
فواز : اكيد رايق.. انت اللي وش فيك .. عاقد الكشره .. وماد بوزك شبرين ..
فيصل : ما فيني شي ..
فواز : الا صح يا العنود .. وين رجلك ..
العنود : نعم .. نعم .. رجلي .. ومنهووو بعد .. رجلي..
فواز : افا يا العنود .. ما تعرفين من رجلك ..
العنود : وزوجتني بعد .. منهوو رجلي..
فواز : افااااااا ياا العنوود ..
العنود : فويز وتبن .. بتتكلم والا وشلون ..
فواز : رجلك ... عدنان فلاته ..
فيصل : ههههههههههههههههههههههههههه...
العنود تشهق : لااااااااا .. خلصووا النااااااس..
فواز : والله عاد مهووب انا اللي اخترت .. انتي ... الحب وعمايله ..
العنود : والله لو انك قايل لي.. نواف التمياط ..
فيصل : يقول لك نواف بتقومين تزغرطييييييين .. هوو قالك عدنا .. لانه يناسبك ..
العنود : لا لا لا ما علي..
فواز : لا ما علي منك .. انا اخوك الكبير .. وبزفك الخميس الجاااي..
العنود : والله فيصل اكبر منك .. يعني القرار له مهووب لك ..
فواز : هااه يا فيصل وش رايك ..
فيصل : والله انا موافق .. والله انه رجال ينشرا بالملاين ..
العنود : مالت عليكم بس.. ابيك لي عوون صرت ل فرعون ..
فواز : ههههههههههههههههههههههههههههههههههه..
ام فهد : وش فيكم عليهاااا ..
فواز : والله يمه جايهاا معرس ما ينتفوت ..
ام فهد : قووموا بس صلوا وخلوو عنكم الكلام الفاضي..
فيصل : ان شااء الله ..







في سيارة مشاري..
ريم : مشااري.. نبي نتمشى..
مشاري: اصبري..
ريم : وشوو ..
مشاري: وين رناا ..
ريم : عيت تجي... تقوول استحي..
مشاري: وش تستحي منه..
ريم : مشعل..
مشاري: ههههههههههههههههه دلع البنات ... اقوول انزلي ناديهاااا
ريم : والله عيت تجي..
مشاري: انزلي قوولي يقولك مشاري.. تعااالي.. بسرعه ..
ريم : اقوولك ما تبي.
مشاري: ما علي منهااا ... قوولي تجي الحييييييين ..
ريم : طيب واذا رفضت ..
نجلاء: قووولي لهااا هدوول تبيك ... تعاالي..
ريم : طيب..
ونزلت ريم .. وجلست تحاول في رناا لحد ما وافقت ... ربع ساعه وطلعوا كلهم رنا وريم ..

رنا : السلام ..
الكل : وعليكم السلام ..
مشاري: هلا والله اخبارك يا حرم مشعل بن عبدالله ..
رنا واااااي بدينا في التعليق..
رنا : مشاري.. ترا بنزل..
مشاري: لا لا خلاااااص ..
رنا : ههههههههههه ايه اشووا ..
مشاري: رفع التليفوون وكلم على مشعل بدون ما يدرون البنات انه كلم عليه ..
وحط على السبيكر..
مشاااري: الووو..
مشعل: مرحباااا ..
هنا ريم ونجلاء: هههههههههههههههههههههههههه
ورنا ودهاا تذبح مشاااري..
مشاري: هلا ومرحباااا .. بالمعرس..
مشعل : هلاا فيك ... والله .. وش تبي.. توك معي في البيت امداك تشتاق لي..
مشاري: لاا بس انا والبنات طالعين .. كلنا بنكلم عليك توسع صدرناا ..
مشعل : لاا ومن البناات ..
مشاري: هههههههههههههههههه ريم ونجلاء وحرم مشعل ..
مشعل : ههههههههههههههههههههههههههههه حلوه حرم مشعل..
رنا طبعاا ودهاا تمووت من الحياااء وبس جالسه تقبص في ريم اللي ميته من الضحك ..
مشاري: اجل.. مهووب هي حرم مشعل..
مشعل: ان شااء الله .. اجل .. حرم مشعل معكم ..
مشااري: ايه ..
مشعل: مشااري انت حااط على السبيكر..
مشااري: هههههههههه اكييييييد ..
مشعل : طيب.. يا حرم .. مشعل..
رنا : .........
مشعل : الووو ..
رنا : ....
ريم تهمس: ردي..
رنا : منيب..
ريم : اقوول ردي..
مشعل : الوو رناا .
رنا : هلاا ..
مشعل : اخبارك ..
رنا : الحمد لله ..
مشاري: اقوووووووول يا المعرس..
مشعل : هلاا ..
مشاري: مع السلامه ..
مشعل: افااااا ..
مشاري: مع السلامه ..
مشعل : اقووووووول الوعد لين شفتك ..
مشاري: لا يكثر ويالله مع السلامه
مشعل: استح على وجهك اكبر منك باربع سنين كذا تكلمني..
مشاري: ههههههههههههههههههههههه ..
مشعل: يالله بس مع السلاامه والوعد في الليل ..
مشااري : مع السلامه .




في مكاان ثااني من الرياااض..
كان فيصل جالس مع صديقه ولييد ..
وليد : يا اخي وش فيك .. تكلم .. جايبني.. عشاان تسكت ..
فيصل : طلعت يا وليد .. طلعت ..
وليد : من حرمتك ..
فيصل : ايه حرمتي..
وليد : ليش..
فيصل : ما عندي أي جواب..
وليد : طيب وشلوون بترووح تجيبهاا صح ..
فيصل : لااا ..
وليد : ليش..
فيصل : اللي وداهاا يجيبهااا
وليد : صاحي انت ..
فيصل : ايه .. انا ما سوويت لهاا أي شي عشااان تطلع .. هي من نفسهاا طلعت ..
وليد : مو معقووله لازم فيه سبب ..
فيصل : والله والله اني ما سويت لهاا شي..
وليد : والله الحاله ..
فيصل : بس جد منيب جايبهاااا
وليد : طيب اهلكم وش بتقولون لهم ..
فيصل : مدري والله ما ادري..
وليد : يا فيصل رووح لهاا لوو عشاان اهلك ..
فيصل : مستحيل منيب رايح ..
وليد : تعوذ من الشيطان ..
فيصل : اعوذ بالله من الشيطان الرجيم ... بس منيب رايح ..
وليد : يا فيصل ذي مهما تكوون بنت عمك ..
فيصل : واذا بنت عمي.. انزل نفسي وارووح اترجاها ترجع لي.. لا والله ما صارت ولا بتصير..
..








يتبع



أنتظر ردودكم .........