|
|
|
|
23-02-2008, 02:40 PM
|
#1 |
|
(حلا فعّال)
 
|
هروب الحضرى وتعاقده مع النادى السويسرى
في خطوة غير متوقعه من حارس مرمى النادي الأهلي عصام الحضري وردت أنباء مؤكده من داخل القلعة الحمراء عن هروب حارس مرمى الفريق الى سويسرا صباح اليوم من أجل التفاوض وتوقيع عقدا مع نادي سيون السويسري وذلك بدون علم اي مسئول في الجهاز الفني او في النادي الأهلي ليقدم اللاعب على عمل غير معروف النتائج والذي قد يؤدي الى عواقب وخيمة في مستقبل الحارس مع النادي الأهلي
 وقد علم من مصادر خاصة ان النادي الأهلي قد تلقى صدمة بعد ان ارسل النادي السويسري فاكسا رسميا يطلب فيه بطاقة اللاعب الدولية بحجة ان حارس المرمى قد قام بتوقيع عقودا رسميا مع الفريق لمدة 3 سنوات وهو امر مستبعد لأن اللاعب ملتزم بعقد مع النادي الأهلي ولا يحق له الاحتراف الا بموافقة النادي ومسئوليه في مصر. وقدر رفض مسئولي القلعة الحمراء التعليق على الانباء الوارده في انتظار تدريب الفريق الذي سيقام مساء اليوم حيث يأمل الجميع ان تكون الاشاعة المنتشرة في انحاء النادي غير حقيقية على الاطلاق في حالة ظهور اللاعب مساء اليوم .. وفي حالة تخلف اللاعب عن المران سوف تقوم ادارة النادي باتخاذ الاجراءات الرسمية من اجل حفظ حق النادي وعودة اللاعب الى صفوف الفريق فورا |
|
|
|
|
23-02-2008, 02:45 PM
|
#2 |
|
(حلا فعّال)
|
رد: هروب الحضرى وتعاقده مع النادى السويسرى
 أكد - كريستيان قوسطنطين - رئيس نادي سيون السويسري في تصريحات أبرتها كل الصحف السويسريه الصادره اليوم وأمس - الأثنين - أن ناديه قد أنهي كل الأجراءات الحاصه بضم عصام الحضري حاس مرمي الأهلي من بعد نهاية الموسم الجاري , حسبما أتفق وأمضي العقود رسميا مع مسئولي الأهلي بحسب قوله ! كريستيان أضاف أن العقد مع الحضري سيكون لمدة ثلاثة سنوات أي حتي يونيو 2011 ! الصحف السويسريه الصادره بالأمس باللغتين الفرنسيه والألمانيه أبرزت تصريحات رئيس سيون , كما أبرزت تصريحات مدرب الفريق الذي أفاض في الأشاده بقدرات الحضري وكونه أضافه بارزه للفرق الموسم المقبل وأفاضت الصحف السويسريه في الأشاده بالحضري وأبراز أنجازاته المختلفه ووضع بعض لقطات الفيديو الخاصه به ! وأطلقت عليه الصحف السويسريه بعض الألقاب كان أبرزها " بوفون أفريقيا " ! تأتي تصريحات رئيس سيون في الوقت الذي أعلن فيه النادي الأهلي نهاية الأسبوع الماضي رفضه عرضا من سيون لضم الحضري مقابل 400 ألف دولار ! نقل الأخبار المتدوله في الوقت الحالي الي ك / حسام البدري المدرب العام للفريق الذي نفي الأخبار جملة وتفصيلا , مؤكدا كذب أدعاءات رئيس سيون وعدم معرفته بالهدف مما صرح به ونقتله الصحف عنه ! .. وقال البدري أن النادي لو أتخذ قرار بهذا الشأن لكان قد أعلنه , فلا داعي لأخفاءه ولو مؤقتا ! مؤكدا في الوقت ذاته أن الأهلي والحضري أغلقا هذا الملف بشكل نهائي وأن الحضري عاد لتركيزه أستعدادا لمنافسات الفريق المقبله في الدوري المحلي ودوري أبطال أفريقيا    
|
|
|
|
|
23-02-2008, 03:01 PM
|
#3 |
|
(حلا فعّال)
|
رد: هروب الحضرى وتعاقده مع النادى السويسرى
 في مؤتمره الصحفي الأول عقب وصوله إلى سويسرا، قام نادي سيون السويسري بتقديم عصام الحضري للإعلام في مؤتمر صحفي، إستهله الحضري بالتعريف عن نفسه و بطولاته مع المنتخب المصري و هي خمسة بطولات، و مع النادي الأهلي و التي تخطت حسب قوله 24 بطولة..و أنه لعب ما يزيد عن خمسمائة مباراة مع الأهلي و منتخب مصر، و نال لقب أفضل حارس في أفريقيا مرتين 2006 و 2008. الحضري الذي كان مرتديآ قميص عليها شعار النادي، أشاد بفضل النادي الأهلي عليه " انه فضل منتخب بلاده حيث لعب داخل صفوف القلعة الحمراء إثنى عشر عامآ، و أنه يحب النادي الأهلي و يحترم إدارته، و أنه قضي داخل أروقة النادي أكثر ما قضى في بيته و أنه لا يستطيع الإستغناء عن نادي الأهلي و جماهيره التي تتخطى الستين مليون مشجع. و أن ما حدث هو سنة الحياة و أنه كان يتمنى أن يوافق الأهلي على العرض و يساعده عليه حتى لا يضطر لإتخاذ هذا الأسلوب في التعاقد مع سيون.  أضاف أنه أعطى كل شيء للأهلي و لجماهيره و أنه يتمنى ألا يكون أحدآ غاضب من أسلوبه و "هروبه" بهذا الشكل، و يطلب من جماهير الأهلي أن تتمنى له النجاح لقاء ما قدمه من تفاني للنادي خلال السنوات. و أنه يتمنى أن يكمل الأهلي طريقه بنجاح و النجاح لإدارة الأهلي و زملائه في الملعب، حيث أنه يمثل مصر و الأهلي في أوروبا الآن "للتذكير في نادي هو ثامن الدوري السويسري الضعيف". و أعاد الحضري كلمة "مش عايز يبقى حد زعلان مني خالص" أكثر من خمسة مرات. و تحدث الحضري أنه إختار التعاقد مع سيون عوضآ عن العروض الكثيرة في تركيا و اليونان لأن سيون نادي كبير ! و له تاريخه و شعبيته على مستوى سويسرا و أنه حاصل على العديد من البطولات. و أنه سيكون خطوة للإنتقال لأندية أكبر أوروبيآ، و أن يحقق بطولات مع سيون كما فعل مع الأهلي و هو طموحه الآن. و أن لاعبي سيون معروفين لدى الدول العربية !! و أن جمهوره معروف عنه الحماس و تشجيع فريقه بغض النظر عن الظروف. و أنه مشتاق لأول مباراة مع سيون لأنه يعلم أن الجماهير مشتاقة إلى رؤيته.و أنه سيحاول تحقيق أ] بطولة مع سيون . . . . م/ن مع بعض التعديلات لا تعليق عن هروب الحضرى اترك التعليق لكم 
|
|
|
|
|
23-02-2008, 04:19 PM
|
#4 |
|
عضو مميز
 
|
رد: هروب الحضرى وتعاقده مع النادى السويسرى
تاريخ الحضرى انتهى .. وقت رحيلة
حقيقى .. تفكير غبى جدا .. وصدمة لكل المصريين sad angle ========= تسلم ايدكــ على التغطية الجيدة للاحداث بانتظار جديدك بكل الشوق فلا تطيلى علينا خالص تحياتى \\ \\ \\ احمد |
|
|
|
|
23-02-2008, 05:21 PM
|
#5 |
|
(حلا فعّال)
|
رد: هروب الحضرى وتعاقده مع النادى السويسرى
عندك حق ده الحضرى رايح لنادى الحضرى واخد بطولات اكتر من النادى نفسه
ومفيش حتى هناك حد محترف معروف انا كنت اتمنى نه يحترف بس بالتوفيق مع النادى الاهلى مش بالهروب منه فى وفت النادى محتاجله اوى وكان ممكن تجيله فرص احسن فى الدورى الانجليزى ولا الاسبانى ولا حتى الايطالى لكن معرفش ايه المبرر اللى يخليه يروح نادى زى ده حتىوان كان المبرر مادى فالحضرى تاريخه فى النادى الاهلى ونجوميته واحتياج النادى ليه لا يوجد امامه مقابل عموما ربنا يوفقه هناك ميرسى يا احمد على مرورك نورت التوبيك لا تحرمنى من تواجدك المستمر فى صفحاتى |
|
|
|
|
23-02-2008, 10:27 PM
|
#6 |
|
نائبة الإدارة 
|
رد: هروب الحضرى وتعاقده مع النادى السويسرى
sad angel
شكرا على الموضوع والطرح الرائع نقل رائع للاحداث يعطيج العافيه ننتظر جديدج القادم دمتي بخير |
|
|
|
|
23-02-2008, 10:53 PM
|
#7 |
|
موقوف
|
رد: هروب الحضرى وتعاقده مع النادى السويسرى
الملاك الحزين
انا اولا عايزة كل الناس و اولهم كل الاهلاوية يبصوا للموضوع بنظرة موضوعية و بلاش عواطف و نفكر كويس اولا لازم تسئلوا نفسكم الدوري المصري دوري للمحترفين ولا دوري للهواه و لما تقدروا تحددوا حتقدروا تحكموا على عصام الحضري هل خان النادي ولا اللي عمله هو مجرد حقه في الانتقال الى نادي اخر بعد انتهاء عقده مع النادي الاهلي و تحوله إلى ما يسمى فى عرف الاتحاد الدولي الفيفا الى (Free Agent) و ترجمتها باللغة العربية هي (( شخص حر او عميل حر)) و هنا من حق اللاعب قانونا ان يختار بين ان يقوم بتجديد العقد مع نفس النادي وان يقوم بالانتقال إلى اي نادي اخر في العالم كله و ده مش رأيي الشخصي ده قوانين الاتحاد الدولي لكرة القدم كل لاعب تجاوز سنه السابعة و العشرين و تم انتهاء فترة التعاقد الخاصة به و لم يقوم ناديه بالتجديد له او بيعه لنادي اخر قبل انتهاء فترة التعاقد فانه يتحول الى شخص حر او عميل حر و من حقه الانتقال الى اي نادي اخر في اي مكان في العالم بعد ان يبلغ ناديه قبلها بنيته في الرحيل كما ان مبلغ الصفقة يذهب كله إلى اللاعب فقط . و هذا فقط لتبليغ النادي بنيته في الانتقال و ليس ضرورة حقيقيه و اعتقادي الشخصي ان الحضري قام بابلاغ النادي الاهلي بنيته للسفر و الانتقال إلى نادي اخر بدليل حصوله على جواز السفر و الدليل الاخر هو قيام النادي الذي انتقل اليه الحضري في سويسرا بالتصريح على موقعه الرسمي بأن النادي سوف يحصل على البطاقة الدولية لعصام الحضري قريبا و غالبا قبل يوم الخميس المقبل و هو موعد اول مبارة سيلعبها الحضري مع ناديه الجديد و هذا يعني ان انتقال الحضري قانوني والا كان الاتحاد الدولي عاقبه و امتنع عن اعطاء ناديه الجديد البطاقة الدولية الخاصة بالحضري بعد ان يحصل عليها من ادارة النادي الاهلي و طبعا في ناس دلوقتي حتسأل اومال النادي الاهلي طالب ليه توقيع عقوبه على عصام الحضري و القصة و ما فيها ان ادارة النادي الاهلي بتدعي ان عصام ما بلغهمش انه مسافر ازاي و هو راح اخد جواز سفره من النادي زي ما هو واضح ان التفسير الوحيد للموضوع ان النادي الاهلي مش مصدق انه حيطلع من المولد بلا حمص من صفقة كبيرة زي ديه و كان معتقد ان عصام هيديهم قطعة من التورته لكن نأبهم طلع على شونة لان الاتحاد الدولي قوانينه واضحة و مفيهاش خيار و فقوس و لانه بمجرد ان اللاعب انتهي تعاقده مع النادي و كان سنه تعدى 27 سنه فانه يتحول إلى شخص حر او عميل حر من حقه الانتقال الى اي نادي في العالم و ان مبلغ الصفقه يذهب كله للاعب فقط و هي دي النقطة اللي طيرت عقل اعضاء مجلس ادارة النادي الاهلي و قرروا انهم ينتقموا من عصام الحضري ازاي بئا و انا اقولكم اولا استغلوا زيادة حب كل المصريين لعصام الحضري بعد ادائه المتميز و المشرف في البطولة الافريقية و خصوصا زيادة حب جماهير النادي الاهلي و كمان طيبة و هبل و جهل كثير من المصريين بقوانين الاتحاد الدولي و ان هذا هو عالم الاحتراف و كان واجبا على النادي الاهلي ان يفكر في بيع اللاعب قبل انتهاء عقده لكي يستفيد من الموضوع لكن طبعا بعد ما رجع عصام من غانا و هو بطل امام الجماهير المصرية و العالم كله طمعوا و قلك اكيد دلوقتي عصام حيتباع بملايين الدولارات يبقى ازاي نطلع من المولد بلا حمص لازم نعمل حاجة و ضربوا البومبة الكبيرة و اول حاجة خطرت على بالهم انهم يظهروه امام الناس كأنه خاين للعيش و الملح و للاهلي و كمان للوطن مفيش مانع عادي و قال لك لو عصام ما اتهزش من الضربة الجامدة دي في شعبيته و جالنا علشان يدينا حته من التورته اللي حياكلها لوحده حنطلب من الاتحاد المصري لكرة القدم توقيع عقوبة عليه و طبعا اعضاء الاتحاد ثلاثة اربعهم اهلاويه و ما يخلصهمش اللي حصل ده و حينضموا مع النادي الاهلي و الجماهير الثائرة و التي تلعن عصام الحضري بسبب جهلهم بالقوانين و طيبة قلبهم اللي مودياهم في داهيه دايما و جايبه البلد كلها ورا علشان تعرفوا ليه احنا دولة متخلفة لاننا لا نحترم القانون و لا نفكر في كثير من الامور و نتعامل مع كل شيء بالعواطف فقط و علشان كده عمرنا ما حنتقدم أنا متاكدة ان الاتحاد المصري لكرة القدم لو ما وصلوش تحذير او رفض لتوقيع عقوبة على عصام الحضري من الاتحاد الدولي الفيفا فانه سيقوم بتوقيع عقوبة كبيرة على عصام ليس لانه خالف القوانين و لكن ارضاءا للنادي الاهلي و جماهير النادي الاهلي التي نجح النادي الاهلي بجدارة في اثارتها ضد عصام و ايضا ارضاءا لكل من لهم نفوذا في هذا البلد اللي معظمهم اهلاوية و هذه هي اكبر كوسه شفتها في حياتي دي مش بس كوسه دي كل انواع الخضروات و الفاكهة كمان و حاجة هم و قال ايه بيقولوا ان مصر دخلت عالم الاحتراف في كرة القدم من اوسع ابوابه بالعكس ده دليل ان الدوري المصري لسه دوري هواه و كل ما يحدث فيه يحدث حسب اهواء المشتركين فيه و انا عاوزة اوضح حاجة مهمة جدا اولا انا من محبي عصام الحضري ومن مشجعيه مع اني زمالكوية لكن مانقدرش ننسي هوا عمل ايه لمصر ثانيا انا اللي خلاني اقول و اشرح كل الكلام ده اني بتخنق و بحس باهانة لما بعض الناس ما يحترموش عقولنا و يفتكروا ان احنا اغبياء و انهم يقدروا يضحكوا علينا بسهولة زي ما عملت ادارة النادي الاهلي علشان كده انا حبيت اني اوضح لكم الموضوع خاصة لما لقيت معظم الناس مصدقه كل اللي قالته الادارة على عصام الحضري من غير ما يسمعوا تعليقه على الموضوع و من غير ما يتأكدوا هل اللي عمله الحضري ده قانوني ولا لاء بغض النظر هو حياخد كام الموضوع الحقيقي هو هل من حقه انه يترك النادي الاهلي و يروح نادي اخر ولا لاء مش زي ما حبت ادارة النادي الاهلي انها تفهمنا انه خاين للعيش و الملح لا بالعكس لازم نعرف انه لو كان ده حقه فاحنا مبسوطين له و بندعيله بالتوفيق و انه يشرف مصر في الخارج و يثبت لهم ان مصر مليئة بالمواهب الجبارة وهو ده كان رأيي في الموضوع في حاجة تانية نسيت اقولها ليه لما طلعت اشاعة انه هيلعب للارسنال كل الناس كانت فرحانة ليه مع اني في هذا الوقت شكيت في الموضوع ده لان ازاي الارسنال يشتري لاعب عنده 35 سنة مهما كانت شهرته او مهما كان اداؤه و أنا عرفت موضوع قانون الفيفا من نشرات الاخبار العالمية كلها و اللي قولته على ادارة النادي الاهلي هو مجرد استنتاجات من تصرفهم الغريب الذي لا اجد له تفسير اخر و شكرا لاختي الملاك الحزين واسفة جدا للاطالة بس الموضوع كبير اووي ويجب علي اي حد يوضح الصور للناس عشان الشعب بتاعنا شعب طيب وبيصدق اي حاجة شكراااااااااااااااااااا وتقبلي مروري التقيل |
|
التعديل الأخير تم بواسطة لحظات تفكير ; 23-02-2008 الساعة 11:00 PM. |
|
|
24-02-2008, 01:05 PM
|
#8 |
|
مراقب القسم الرياضي
 
|
مشاركة: هروب الحضرى وتعاقده مع النادى السويسرى
sad angel الف شكر على فتح باب للنقاش فى الموضوع دا بس عايز اقول ان فى تحامل كبير اوى على الحضري وكلمة هروب وفرار وفى بعض المواقع وصلت لحد وصفه بالخيانة وتلاقى بقا واحد من العواطليه بعد الفوز امبارح كاتب ولو يا حضرى الاهلي بطل الدورى دا كله كلام بيحسسنى انى بتفرج على فيلم عربي قدييييييييييييييييييييييييم وكانهم نسيوا تاريخه ونسيوا ازاى يتكلموا عن حارس مش هاقول مهاجم او مدافع او خط وسط دا حارس وصلت شهرته للدرجة دي . على الاقل يبقى فى نوع من الاحترام للشخص وللعقليه اللى بتقرا الكلام . هاتكلم بقا من وجهة نظرى انا كـ مشجع اهلاوي بس قبل ما اقول رايي عايز اقول نقطة مهمة جدا . ان اى نادى يكون عنده حارس مرمي زي الحضري ( سد عالي ) يبقى من الجنون انه يفرط فيه ودا الطبيعي لاى نادى بيحاول يحقق بطولات وانجازات واعتقد ان دي كانت نظرة الادارة فى الاهلى ان الحضرى وبقولها بكل ثقة قدمنا بعد اعتزاله مش اقل من عشر سنين على ما يجي واحد زيه يعنى بالنسبة للادارة التفريط فى الحضري كان شي صعب بس الراجل جاله عقود احتراف وهما مش عايزين يستغنوا عنه ارجع بقا لرايي فى اللي حصل من حيث المبداء انا اتفق ان من حقه انه يحترف وانا كنت مؤيد لفكرة الاحتراف حتى بعد 2006 سواء بقا يأمن مستقبله او مايأمنش والعقد بكام او مش بكام دا مش موضوعنا الاختلاف كله فى موضوع الحضري فى الوسيلة . يعنى اعتقد انه مش من مقام حارس منتخب مصر ولا من مقام حارس نادى القرن ولا من مقام محبي الحضري انه يسافر بالطريقة دي اظن دلوقتى وضحت الامور بالنسبة لموقفى من الحضري خلاصة الموضوع عصام الحضري ادى كتير اوى واسعد كتير اوى وكون ان خطاه كبير دا ما يخليناش ننسي ونتجاهل تاريخه العظيم واللي ان شاء الله مستمر . كام بطولة وكام مرة كانت قلوبنا متعلقه والكورة رايحة على الجون صاروخ ونلاقى الحضري ظهر فى الكدر مرة واحدة زي الفهد وطلع الكورة وكام مرة اتقاله بعد كل مباراة( ارقص يا حضري ) . شعار رفعته زمان لجوزية ( عفواً انا لست كالقطط ااكل وانسي ) وشعار هارفعه للحضري ( عفواً يا جدعان الحضري اسطووووووووووورة اياً كان ) فانت يا حضري سد مصر العالى فى النهاية انا مش داخل الموضوع ادور على مبررات للحضري لانى زيي زي اى مشجع اهلاوي رافض تماما اسلوب الحضري فى الموقف دا وزي ما قولت خطأه كبير وكبير جدا لكن كان واجب عليا انى اعترف بكل اللى قدمه الراجل دا للنادي الاهلى ولمنتخب مصر وانه مهما حصل هايفضل احد صروح النادى الاهلى واحد ابطال منتخب مصر وهاتمناله الخير على راي الست انغام . ( وارقص يا حضري ) تقبلى مرورى اخوكى
 زووز |
|
|
|
|
24-02-2008, 06:02 PM
|
#9 |
|
(حلا فعّال)
|
رد: هروب الحضرى وتعاقده مع النادى السويسرى
شمس ميرسى على مرورك الكريم
نورتى التوبيك ولا تحرمينى من تواجدك المستمر فى صفحاتى |
|
|
|
|
24-02-2008, 06:10 PM
|
#10 |
|
(حلا فعّال)
|
رد: هروب الحضرى وتعاقده مع النادى السويسرى
لحظات تفكير
ردك مش تقيل ولا حاجه بالعكس انا نفسى استفدت منه وعشان كده انا قلت ربنا يوفقك الحضرى بس المشكله اللى سببت للناس الصدمه ان الموضوع مكانش ليه اى مقدمات ولا مناقشات ولا توفيق مع النادى وطالما مده العقد انتهت مفتكرش ان من حق النادى الاهلى انه يمنعه عن السفر يعنى كل جماهيره كانو يحبوا انه يحترف لكن مش بالاسلوب ده ومفتكرش انه فقد جماهيريته ولا حاجه لان تاريخه ميتنسيش لكن زى ما انتى قولتى احنا شعب بتحركنا عواطفنا وعشان كده الناس قارنت ما بين موقفه وموقف محمدعبد الوهاب مع النادى الاهلى وكنا نتمنى انه يحترف فى نادى اكبر من ده وبطريقه احسن من كده وهو برضه بيمثل مصر هناك وان شاء الله ربنا يوفقه ميرسى يا قمر على مرورك الجميل لا تحرمينى من تواجدك المستمر فى صفحاتى |
|
|
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
العرض العادي
