|
|
|
|
23-07-2006, 02:54 PM
|
#1 |
|
(حلا فعّال)
 
|
خش وشوف تتجوزينى ؟؟؟؟؟؟؟
بسم الله الرحمن الرحيم
السلام عليكم ورحمة الله وبركاته تتجوزيني ؟؟؟؟؟ تتجوزيني ؟ ـ أفندم ؟ ـ بقولك تتجوزيني ؟ ـ !!!!! ------------------ ـ تتجوزيني ؟ ـ لا ! ـ ليه ؟ ـ بصراحة كدة شكلك مش عاجبني .. ـ إزاي يعني ؟ ـ يعني .. أصل أنا ليا مواصفات معينة لفارس أحلامي . ـ مواصفات معينة ؟ .. هو انتي هتتجوزي عربية ؟ ـ لا ! .. بصراحة كدة .. إنت مش فارس أحلامي اللي باتمناه ! ------------------ ـ تتجوزيني ؟ ـ إيه ده ؟ شكلك اتغير ! ـ إيه رأيك ؟ ـ واو .. شعرك بقة ناعم ! .. دي باروكة ؟ ـ أيوة ! ـ ودي عدسات خضراء ؟ ـ أيوة ! ـ واو ! .. بس بجد .. بقيت وسيم ! .. واو ! ده انت بقيت شبه نيكولاس كيج ! ـ مين عباس كيج ده ؟ ـ عباس ؟!! ياي ! .. إيه عباس دي ؟ اسمه نيكولاس .. ـ مين نيكولاس ده ؟ ـ بقة مالكشي في السيما وجاي تكلمني ؟ .. ياي ! ------------------ ـ تتجوزيني ؟ ـ انت لسة ليك عين تكلمني ؟ ـ أيوة .. أنا عرفت مين بنكرياس كيج ده ! ـ أولاً : اسمه نيكولاس كيج .. ـ أيوة أيوة .. كنت هاقول اسمه صح .. بس اختصرته .. ده ممثل ! ـ ممثل إيه ؟ ـ ممثل أمريكاوي ! ـ أمريكاوي ؟! .. إخّييي ! .. اسمه أميريكان يا بابا ! .. ما تبقاش دونكي ! ـ دونكي دي تبقى شتيمة ؟ ـ أف كورس ! ------------------ ـ تتجوزيني ؟ ـ عندك عربية موديل كام ؟ ـ موديل دي تبقى شتيمة ؟ ------------------ ـ تتجوزيني ؟ ـ قوللي الأول .. حاطط أنهي نغمة في الموبايل بتاعك ؟ ـ نغمة دي تبقى شتيمة ؟ ------------------ ـ تتجوزيني ؟ ـ ما قلتليش .. إنت بتشتغل إيه ؟ ـ أنا -بلا فخر- عاطل ! ـ عاطل ؟ .. ياي ! .. ـ مش أحسن من اللي ما بيشتغلش ؟ ـ لا ! ـ يعني مش هتتجوزيني ؟ ـ لا ! ـ كدة أنا أزعل ! ـ ما تزعلش يا بابا ! .. خليك فريش ! ـ ماشي .. ماشي .. بس قوليلي .. ـ إيه ؟ ـ فريش دي تبقى شتيمة ؟ ------------------ ـ تتجوزيني ؟ ـ لقيت شغل ؟ ـ أيوة طبعًا .. سنتين وأنا بادور .. أخيرًا لقيت .. ـ وإيه هو ؟ ـ سواق تاكسي . ـ ياي ! .. مش مكسوف وانت بتقولها ؟ ـ فيها إيه ؟ العمل شرف .. وكلها كام سنة وأجمع مبلغ كويس .. ـ شرف ؟ جتك القرف ! ------------------ ـ تتجوزيني ؟ ـ جمعت مبلغ كويس ؟ ـ طبعًا .. مبلغ كبير جدًا .. ـ قد إيه يعني ؟ ـ ألف جنيه ! ـ نعم ؟!!! .. ألف جنيه دول تروح تسرح بيهم ببطاطا .. ـ يعني موافقة ؟! ـ روح اتنيل . ------------------ ـ تتجوزيني ؟ ـ عندك شقة ؟ ـ طبعًا ! .. أوضة على السطوح .. ـ نعم ؟!! .. ـ إيه المشكلة ؟! .. أحسن ما ننام في الشارع ! ـ في الشارع ؟! .. إيه الألفاظ السوقية دي ؟! ياي ! .. لازم يا بابا تجيب شقة . ـ طيب .. كلها كام سنة وأجيبلك أحسن شقة في الدنيا . ـ وهتجيبها في جاردن سيتي ولا في الزمالك ؟ ـ لا .. في الأهلي .. هيهع هيهع هيهع ! ------------------ ( بعد سنوات) : ـ تتجوزيني ؟ ـ جبت الشقة ؟ ـ أيوة ! .. الحكومة بتبني شقق للشباب وأنا خدت شقة .. صحيح إنها اتأخرت لسبع سنوات .. لكن المهم إنها جات .. ! ـ ـ فانتاستيك ! ـ بس الشقة ناقصة حاجة . ـ إيه هي ؟ ـ مفيهاش حمام ! ـ امشي من قدامي ! .. مش طايقاك ! ------------------ ـ تتجوزيني ؟ ـ إنت تاني ؟ ـ جبتلك حمّام إنما إيه ! ـ خليه ينفعك ! ـ ليه بس ؟ .. ده ينفع لينا احنا الاتنين ! ـ وأنا مالي ؟ ـ مش عاجبك .. مش مشكلة .. أكتبه باسمك ! ------------------ (بعد سنين) .. ـ هتتجوزيني ولا أولع فيكي ؟ ـ ومالك محروق كدة ؟ ـ حكايتنا طولت قوي .. طولت أكتر من اللازم ! ـ أوكي .. بس ممكن أعرف حاجة ؟ ـ إيه ؟ ـ إنت ليه متمسك بيا أوي كدة ؟ ـ أصل .. أصل .. ـ أصل إيه ؟ ـ أصل أنا بحُبك (بضم الحاء) ! ـ بحُبك ؟!! .. إيه بحُبك دي ؟! .. إسمها بحِبك (بكسر الحاء) ! .. بعدين خليك روش وقول I love you ! ـ ماشي .. بس قوليلي .. ـ نعم ؟ ـ روش دي تبقى شتيمة ؟ ------------------ ـ تتجوزيني ؟ ـ بصراحة .. في حاجة كنت عاوزة أقولهالك من زمااااااان . ـ إيه ؟ ـ أنا بصراحة .. مش شايفة إن في حد في العالم يستاهلني ! ـ يا سلام ! .. ليه ؟ ـ عشان أنا جميلة .. خفيفة الدم .. رشيقة .. رقيقة .. ـ رقيقة ؟! .. ده انت بدأتي تقشفي ! ـ فشر ! ـ فوقي لنفسك .. العمر بيجري .. ـ أنا مصرة على رأيي ! ـ يعني إيه ؟ ـ يعني اقطع معايا ! ـ بعد كل السنين دي ؟! .. بعد كل الحب ده ؟!! ـ بلاش تراجيديا من فضلك ! ـ ماشي .. بس قبل ما أمشي عاوز أسألك سؤال واحد بس .. ـ إيه هو ؟ ـ تراجيديا دي تبقى شتيمة ؟ ------------------ ( بعد سنين) .. ـ تتجوشيني ؟ ـ إيه ؟ ـ تتجوشييينييييييي ؟ ـ إنت مين ؟ ـ أنا حبيبك يا هبلة .. البشي النضارة عشان تشوفيني ! ـ طيب شاعدني عشان ألاقي النضارة ! ـ آهي على الترابيزة قدامك ! ـ فين ؟!! ـ لا دي نظارتي أنا ! ـ أيوة لقيتها .. ـ البشيها بقة ! ـ ططييبب ! ـ عينيكي فوق شوية .. ده بقك .. ـ طيب لبشهالي إنت ! ـ عقبال ما البشك الدبلة ! ـ ما تكشفنيش ! .. كنت بتقول إيه بقى ؟ ـ كنت بقول تتجوشششيييينيييييي ؟ ـ أكوشك ؟ .. إزاي ؟ ـ يا ولية مش تكوشيني .. تـ .. تـ .. جـ .. و.. شـ .. يـ .. نـ .. ي ؟ ـ دي شتيمة ؟ ـ لاااااء .. بقولك تتجوشيني ؟!! ـ آه !! .. أجوشك ! ـ بالضااااابط ! .. هاه ؟ ـ شيبني أفكر ! ـ أشيبك تفكري ؟! .. ده انت هتموتي خلاش ! ـ لا .. شيبني أفكر بش ! ـ ربنا يوفقك ! ـ إيه ؟ ـ ربنا يوفقك ! ـ بتقول إيه ؟ ـ ربنا ياخدك ! ------------------ (على فراش الموت) : ـ تـ … كوح .. كوح .. تتـ .. كوح كاح كيح .. تتكو .. كوح .. كوح .. تتكوشـ .. كوح كوح .. يني ؟!! ـ مش شامعة ! ـ بـ .. قوللـ .. كوح .. كوح .. بقولك .. تـ .. تـ .. كوح .. كوح .. تتجوشيـ .. ؟ كوح .. كوح ……. ـ أجوش مين ؟!!! ـ هـ .. و.. ه .. كووح كوح كاح .. هوه إنتي .. كوح كوح .. معرفتيـ .. ش .. كوح كوح كيح .. ميـ .. كوح .. مين ؟!! ـ إيه ؟ .. ـ لا .. كوح .. أبدًا .. كوح .. كنت … كح كح .. بأكح !! ـ كنت بتكح ؟!!!! .. شلامتك !! .. ما قلتليش ليه ؟! ـ هو .. كوح .. إنتي .. لشة .. عارفـ .. ـة .. كوح كوح ! ـ بتقول إيه ؟!! ـ يا .. ولية .. كوح كوح .. ردي .. كوح كوح .. عليا .. !! .. تـ .. تـ .. جو.. شيـ .. كوح كوح كوح كوح .. نـي ؟!! ـ أجوشك ؟!! .. طب بش خد الدوا الأول ! ـ يا وليـ .. ـة .. كوح .. كوح .. أنا .. كوح .. كوح .. هتتجوشيـ .. كوح كوح كوح .. ـني ؟!! ـ أيوة يا حاج .. موافقة !! .. موافقة إنك تتكوشني .. ـ أخيـ….كوح كوح ..راااااً !! .. كوح كوح !! .. كدة أموت .. كوح .. كوح .. وأنا .. كوح .. مطمئن ومرتاح !! .. الودااا .. كوح ..ع ع ع ع ! ـ يا حاج .. يا حاج .. لااااااااااااااااااااااااااااا |
|
|
|
|
24-07-2006, 06:11 PM
|
#2 |
|
مراقبة قسم بنات حلا
 
|
مشاركة: خش وشوف تتجوزينى ؟؟؟؟؟؟؟
هههههههههههههههههههههههههه
وفى الاخر يعنى نويين يتجوزو ولااااااااااااا مشكووووووووور تامر على الموضوع وننتظر منك كل جديد تقبل مرورى |
|
|
|
|
24-07-2006, 08:20 PM
|
#3 |
|
نائبة الإدارة 
|
مشاركة: خش وشوف تتجوزينى ؟؟؟؟؟؟؟
[movek=right] تامر [/movek]  ههههههههههههههههههههههه رووووووووووعة الله لايحرمنا من جديدك دمت بود وحب   
|
|
|
|
|
27-07-2006, 08:57 PM
|
#4 |
|
(حلا متميز)
|
مشاركة: خش وشوف تتجوزينى ؟؟؟؟؟؟؟
ههههههههههههههههههههههههههه
موضوع رائع تامر ولذيذ جدا تسلم على الطرح الرائع تقبل مرورى وتحياتى |
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| بص وشوف احلى نكت | عاشقه جمال العيون | مجلس حلا للضحك والفرفشة | 6 | 17-03-2006 04:25 PM |
| حد شاف ادخل وشوف | جراح الصمت | مجلس حلا للترحيب والإهداءات | 8 | 15-03-2006 12:07 AM |
| أدخل وشوف من أي شجرة أنت ..!! | اسيره في قلب دامع | مجلس حلا العام | 14 | 13-03-2005 08:19 PM |
| دش عالرابط وشوف صورتك | ღاوراق الوردღ | مجلس حلا للضحك والفرفشة | 4 | 11-03-2005 11:25 PM |
| فوت وشوف | اسيره في قلب دامع | مجلس حلا للضحك والفرفشة | 7 | 03-12-2004 02:14 AM |
العرض العادي
