|
|
|
|
28-10-2005, 04:09 AM
|
#591 |
|
][§¤حلا ذهبي ¤§][
 
|
مشاركة: عمق القلوب....قصة واقعية
رندا اخذتها و هيا مبتسمه:شكراً
رامي:العفوو رنداوهيا تجلس:طيب ايش اخبار مشروعك؟؟ رامي وهوا يجلس:والله ماشي فيـه الحمدلله رندا:اها الله يوفقك...ووقفت...اوه نسيت ايش تحب تشـرب؟؟ رامي وهوا يبتسم بخبث:اممممم عصير جوافه رندا طالعت فيه بإستغراب ولمن شافته يبتسم ضحكت:ههههههههههههه لا من جد؟ رامي:والله من جد عصير جوافه عجبني ديك المره لمن ذقته من يـدك رندا:ههههههههههه خلاص طيب ولايهمك دحين اسوي لك هوا رامي وهوا يوقف:وانا بجي معاكي رندا بإستغراب:وي فين تجي؟ رامي:المطبخ رندا:وي وايش تسوي في المطبخ اقعـد هنا وانا اجيب لك هوا رامي:لالا ابغا اجي معاكي رندا:هههههههههههههههههههههه ايش تجي تسوي الله يهديك اقعـد هنا دحين يجي بابا ايش يقول عننا قاعديـن في المطبـخ رامي وهوا يمشي قدامها ويروح للباب:والله عاد انا ولد عمـك وخطيبك عادي مافيها شي واظن داك اليـوم ماكنت خطيبك وكنت قاعـد معاكي ولاقلتـي شـي رندا......سكتت ماعرفت ايش ترد عليـه بس استسلمت لطلبه وعرفت انها مهما سوت مابتغير رأيه لانه عنـيد.. وفي المطبخ قعـدت هيا تسوي العصيـر وقعـد هوا في نفس المكـان بس هادي المره وهوا مبسوط ويغني اغاني هنديـه واجنبيـه ويتريق..ورندا تضحك عليه وعلى حركااتـه.. رندا:هههههههههههههههههههه فين سامعها دي الاغنيه والله انهاااا تضحك رامي:هههههههههههههه هادي واحد اهبـل كان يشتغل في المزرعـه زمـان يقعـد يغنيها واخدتها منـه رندا:هههههههههههههههههه طيب فاهم كلماتها رامي:ههههههههههههههههههههه لا بس عجبتني فحفظتها رندا:هههههههههههههه ماشاء الله عليك ماكفاك العربي رحت للهندي رامي وهوا يعدل في صوته:احم احم طيب اسمعي هادي الاغنيه اهدااء ليكي من يقوول اني لغيـرك انا لك ماني لغيرك انا متعلق مصيري ياحبيبي في مصـيرك... خلهم يحكون فيا مهما هم قالوا عليا انتا منهم وايش عليك وانا منهم وايش عليااا.. ودهم بس يتعبونك وعن عيوني يبعدونك حاولوا ادري كثيـرر بس صعبـه يوصلوا لك.. انتا اكبر منهم وما اصدق حكيهم زيدني حب وغرام يلا اضحك غيظهـم.. رندا....سكتت وماعلقـت..وكانت معطيـه ظهرها لرامي..وهيا بتصب العصير في الكاسـه.. كانت فرحااااانه فرحااانه مرره...بس ماهي قادره تعبر عن شعورها ومستحيه شويه من رامي.. رامي:هههههههههههههههههه ايش بك سكتي قولي شكراً قولي شي رندا وهيا تجي لعنده وتحط العصير قدامه:ههههههههههههههههههه انا حره ما ابغا اقول شكراً رامي:هههههههههههههههههههه طيب يادووبه وقعدت رندا على الكرسي اللي قدامه:طيب انا ابغاك تغنيلي اغنيـه في بالي؟ رامي:امرري ايش هيا؟ رندا:امممم اغنية عيضه المنهالي تدري اني موت احبـك رامي:اوووكي احم احم اسمعي.. رامي:بكـــل احســاس تدري اني موت احبـك وان مالي غير حبـك..واللي ينبض في ضلووعي ماهوو قلبي هذااا قلبـك..ماهو قلبي هذاا قلبـك.. تدري يافرحي وهمي من كثر منت بدمي كل ماتنظرك عيني..عيني من عيني تسمي..آآه يافرحي وهمـي من كثر منت بدمي كل ماتنظرك عيني..عيني من عيني تسمي.. تدري من عشقي لشوفك ماتفااارقني طيووفك صرت انااظر في المرايااا ما ارى نفسي واشوووفك...ما اررىىى واشووفك تدري اني مووووووووت موووت احبـك وان مالي غير حبـك..والله واللي ينبض في ضلووعي ماهوو قلبي هذااا قلبـك..ماهو قلبي هذاا قلبـك.. رندا وهيا تبتسم:يسلم هالصوت وربي رامي:الله يسلمك ياقلبي رندا وهوا تبتسم وتقول بشوية تردد:ترى الاغنيـه اهداء لك رامي بفرحه:والله رندا وهيا محرجه:ايوه رامي وهوا يبتسم:واانا كمان رندا:ايش انتا؟ رامي وهوا يبتسم ويطالع في عيونها بكل حب:اهديها لكي اببتسمت رندا وماقالت شـي.. رامي:مين مطربك المفضـل؟؟ رندا:اممم مافي احد محدد احب كل الاغاني بشكل عام وبشكل خاص الخليجيه رامي:طيب مين من الخليجين اللي يعجبك اكثر يعني مافي احد محدد؟؟ رندا:امممم راشد الماجد رامي:والله حركاات زيي رندا:طيب وانتا ايش في اغنيـه تحب تسمعها دايماً؟؟ رامي:والله كتيــر اغااني بس من ضمنها واللي كنت دوبي بسمعها في السياره الشوق حقت جواد العلي ولمن قال رامي كدا..فجئـه اتغيرت ملامح رنـدا 180 درجه وبان على شكلها الحزن والزعـل.. رامي بإستغراب:ايش بك؟؟ رندا بحزن تحاول تخفيـه:لا ولاشـي رامي:لا والله فيكي شي ايش بك؟ رندا:بس افتكرت شي مو كويس رامي:ايش هوا دا الشـي؟؟ رندا:شي وخلاص رامي:طيب وايش اللي خلاكي تفتكريـه؟؟قلت شي خطأ اانا يعني رندا:لاا بسسس رامي بتشكك:رندا لو سمحتي قولي اللي في نفسك انا حاس انك تبي تقولي بس متردده رندا:طيب بقولك بس اوعدني تكون صريح معايا رامي:اوعدك رندا:اممممم تفتكر داك اليـوم لمن زهمتنـي وقلت تبغا تكلمني وكنت قاعـد في الحديقه وانا جيتـك رامي وكأنه فهـم اللي في بالها:ايووه كملي رندا:انتا وقتها كنت بتكلم تلفون صح؟؟ رامي:ايوه رندا:مين اللي كنت تكلمها؟؟ رامي واللي ارتخت ملامحه بعد ماكانت مشدوده:ههههههههههههههههههههاااااااااي دحييين فهمــت رندا بإستغراب:ايش بك؟؟ رامي:سمعتي اخر كلامي وفهمتي الموضوع خطأ اسمعي ياشيخه هادي وحده الله يهديها بـس كانت تدرس معايا في امريـكا وحبتني وكانت دايماً تحاول تجذبني لها بس انا ماكنت اعطيها وجه ولمن جيت السعوديه اتصلت عليا تقولي ولد عمي يبغا يتزوجني ومدري ايش وانها تحبني انا قلت لها انا مااحبك يابنت الناس وكل واحد مننا في طريق وشوفي حياتك رندا:بس انا سمعتك تقول لها انك حاتشتاق لها رامي:هههههههههههههه والله مجامله لانها قالت لي حاشتاق لك حتى لو تفتكري قلت لها وانا كمان حاشتقلك بس خلاص انتي لازم تشوفي حياتك وانا لازم اشوف حياتي رندا وهيا تتفكير:ايوه صح رامي:هههههههههههههه لايروح بالك لبعيد انا ماعمري حبيت ولا حااحب احد غيـرك رندا.......... رامي وقف:اوكي انا استاذن ولو جا عمي قوليلي اني جبت له اوراق حطيتها في مكتبـه رندا وهيا توقف:على فيـن بدري خليـك؟؟ رامي:هههههههههه لا ياقلبو ما اقدر اطول عندي كم مشوار لاازم اخلصهم ان شاء الله اجيكم مره تانيه يلا تامريني بشي رندا بخجل:لا سلامتك واتحرك رامي يبغا يخرج برضوا من الباب الخلفي للمطبخ.. رندا:ههههههههه رامي دقيقه رامي وهوا يلتفت لها ويضحك وكأنه عارف انها بتوقفه:هههههههههههههه هلااا رندا وهيا تقرب منه وهيا مبتسمه:هالمره انا محا اقولك احبك رامي بإستغراب عقد حاجبينه:نعـم؟؟ رندا:هالمره بقولك امووووت فيك رامي..وقف مبهت من هالكلمتين اللي قالتهم رنـدا..يالله ما اتوقع رندا جريئـه كدا..كيف هالبنت تكون جريئـه في لحظات مايتوقعها وتكون خجووله في اللحظات التانيـه اللي مايحس انه ممكن احد يخجل فيها.. رندا وهيا تبغا تضحك على شكله بس كاتمه ضحكتها: ايش بك؟؟ رامي وهوا يغمض عينه كأنه يحاول يستوعب اللي بيصيـر قدامه:ولاشي رندا:ههههههههههههههههههه طيب براحتك...وراحت عنـه تبا تطلع من المطبخ..وهيا مبسوطه تحب ملامح الدهشه والصدمه على وجه وتحب اكثـر تأثيرها السحري عليه لمن تقول له كلمـه حلوه... رامي وهوا يمسكها من يدها:دقيقــه رندا وهيا تلتفت له:نعـم؟؟ رامي:انتي ليه تسوي فيني كدا رندا بتصنع:ايش سويت؟ رامي:ولاشي بس ملكتي قلبي وجننتي عقلي وقلبتي حياتي وكياني رندا:اف اف اف كل دا انا سويته حرااام عليــك انا بريئـه :cool: |
|
|
|
|
28-10-2005, 04:11 AM
|
#592 |
|
][§¤حلا ذهبي ¤§][
|
مشاركة: عمق القلوب....قصة واقعية
رامي:مين قاااال بريئـه :cool: انتي مدانه بحبي لك ومحكوم عليكي بالسجن المؤبـد
رندا:اهئ اهئ لا حرااام وفين السجن دا لايكون ورى الشمس رامي:لاااا في قلبـي رندا...ابتسمت..واحمرت خدودها من نظراتـه...وبعـدت عنـه.. رندا:يلا روح فاارق انتاا مررره كلامك كتيرر رامي:افااا تطرديني رندا:ايوه ايش اسوي فيك لصقة جنسون منت راضي تفاااارق رامي:يؤ يؤ دحين انا اللي ماني راضي افارق ولا كل ماجيت اروح وحده تزهمني وماتقدر على بعدي وتقعد تتغزل فيني وتقولي انا ما اقوى على بعاادك حبيبي رندا بشهقه:يامفتررري اقولك روح بس رووح رامي وهوا يخرج من باب المطبخ الخلفي:طيييييب يارندا كان ماخليتك تندمـي رندا:هههههههههههههههههههههه ..وراحت وقفت عند الطاقه تشوفه وهوا يركب سيارته ويروح.. رندا في قلبها..الله يحفظـك حبيبي الله يحفظـك... اليـوم اللي بعـده.. مازن:رهـف رهـف رهف وهيا تجيـه:هلا مازن:تعالي ابغاكي في موضوع منى وهيا توقف:طيب انا اخليكم تاخدوا راحتكم مازن:لا خليج اعتقد انه عندك فكره عن الموضوع منى وهيا تجلس:طيب رهف وهيا تجلس:خير ان شاء الله ايش هالموضوع؟ مازن:الموضوع يخصج انتي يارهف؟؟ رهف بإستغراب:كييف يعني؟ مازن:يعني يخص حياتج ومستقبلج رهف:طيب قول اللي عندك مازن:تفتكروا قبل يومين مو خرجت مع واحد من اصحابي منى:ايوه رهف...... مازن:الرجال اللي خرجت معاه كان ماجد رهف......... منى بصدمه:ماجد؟؟ مازن:ايوه اعتقد انكم عارفين مين ماجد؟؟ منى:...قعدت ساكته وتطالع في رهـف... رهف بهدوء:طيب وبعدين؟ مازن:اسمعيني يارهف ابغاج تكوني متفهمه لكل اللي حاقوله هادا الله يسلمج ماجد اتقدم لج وطالب القرب مننا رهف............................................... ............ منى بفرحه:والله اخيرررراً مازن:بس في شي؟؟ رهف.......... مازن:ماجد طلع خاطب بنت خالتـه رهف............................................... ............................... منى بصدمه:ايش؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ مازن:خطبها بعد ما اجبرته امـه لانه البنت اتوفى ابوها قبل كم شهرر وهيا مالها اخ غير واحد صغير عمره خمسه سنين وتحتاج احد يرعاها ويكون معاها هيا وامهااا فأمه غصبته يخطبها ويتزوجها ولابتغضب عليـه وأطر يوافق ويخطب بنت خالتـه لكن المسكيـن ماقدر يتقبل الموضوع وباح لبنت خالتـه باللي في قلبـه وقالها انه انه يحب وحده غيرها رهف............................ منى.......................... مازن:وبنت خالته اتفهمت الوضع وقررت انها تساعده وتفسخ الخطوبه بأي شكـل رهف ومنى........................... مازن:والرجال دحين عزم انه يخطب رهف مهما صار وبيواجه امه والدنيا كلها عشانها وجي دحين يقولنا ويعرف رأينا في الموضوع اذا موافقين عليـه يسعـى في الموضوع ويفسخ خطوبته من بنت خالتـه ويظبط أموره عشان يتقدم لرهف بشكل رسمي رهف.............................................. منى.......... مازن وهوا يطالع في رهف:فا ايش رايك يارهف؟؟ رهف وقفت.......... منى:ايش بك يارهف؟ رهف...........راحت غرفتها بدون ماترد عليهم... منى بخوف:ايش بها؟ مازن:والله مدري عنها سيبيها خليها تفكر شويه في الموضوع منى بقهر:تفكر في ايش دحين بعد ماشبع من بنت خالته جي يخطبهااا وهيا مسكيينه متعذبه في حبه من سنين مازن:لالاتقولي كدا يامنى الله يهديج الرجال فعلاً شاريها ويحبها ويموت فيهااا بس امـه خيرته بين سخطها ورضاها وماقدر الا انه يرضيها بالخطوبه ويهدأها ولمن دحين جاته الفرصه قرر يحارب الكل ويخطب رهف منى:برضو ولوووو كان يقدر على قولتك يحارب الكل من البدايه مو من دحيين لانه مافرقت اللي يقدر يسويه دحين كان يقدر يسويه في الاول مازن:لالالا الله يخليج لاتقولي كدا وتروح تسمعج رهف وترفض الرجال الرجال شاريها وربي وشرح لي كل ظروفه اللي انتي محا تقدري تتفهميها لانج ماعشتيهااا منى:............... مازن:انتي دحين بالله لو فكرتي بعقلج لو مايبغاها كان صارح بنت خالتـه وقالها انه يحب وحده غيرها ولا كان اصلاً جاني وطلبها منـي الرجال يابنت الناس ماهو لعااب ويبغاها على سنة الله ورسوله حتى انه قلـي انه قعد يبني نفسـه ويشغل شركات ابوه ويدرس ويجتهد عشان يكون قد المقام لمن يتقدم لرهف منى:والله مدري اصلاً انا مالي دخل القرار بيد رهف مازن:والله يهدي رهف وتقرر القرار اللي فيه مصلحتها واللي مايعرفوه مازن ومنى..انه رهف راحت غرفتها..ورمت نفسها على السرير وقعــدت تبكــي من كـل قلبــها..تبكي على حبها وحظها في هالحيــاه.. رهف...آآآآآآآه ياقلبي آآآآآآآآآآآآآآآآآآآآآآآآآآه ليييييييييييييييييييه كدا ياماجد لييييييييييييييييييه طحت من عينييييييي طحت وربـي.....كنت اعرف انك ممكن تجحد قلبي في يوم من الايام لكن مو لهدرجه تخطب وحده غيري..تكون لوحده غيري ولو لاياااام..آآآآه ياماجد..للاسف دايماً تتخلى عني...من اول مشكله رحت وسبتني..وبعد مارجعت اختفيت من حياتي..وبعد ماحاولت ترجع لي اكتشف بصدمة انك اتخليت عنـي مره تانيه...صدمه ورى صدمه اخذها منك ياماجد وانتا ماتدري عنـي...قااااسي وماهمه الا نفسـه..كان يقدر كااان يقدر يقوول لاااء..كان يقدر يقول في قلب مجرروووح وبعيييد وعايش يستناني ما اقدر اخذ غيره..هذاك القلب اللي مايت من الوله علي ويتمنى بس يلمح عيووني...قلب يستحق لو بس لمره وحده اخلاص وحب وحنان صادق منــه...آآآآآآه بس اييششش هوا نسيني ونسي وجودي وماهمه الا حياته وووضعه...آآآه ياماجد جرحتنــي مرات ومراااات ووماعاااد ينفع ماعااااااااااد...خلااااااااااص كفاايه انتظار وكفايه حب وجروح والالاااااام.. في الريــاض... ام جابر:ها ايش قلتي يابنتي؟ منال وهيا تبتسم:موافقه يا امي ام جابر وهيا تزغرط وتقوم تحضن بنتها:الف مبرووك حبيبتي الف مبرووك جابر واللي جا بعد ماسمع صوت الزغاريط:خيررر وش عندكم فرحووناااا؟؟ ام جابر:فرح اختك بعد شهرين ان شاء الله جابر بفرحه:والله اخيراً بنفتك منها منال:جااااابر جابر:ههههههههههههههههههه امزح وربي الف مبروك الغاليه الف مبروك منال بحيا بسيط:الله يبارك فيك وعقباااالك جابر عقد حواجبـه ومارد...وطلع من الغرفـه.. منال بإستغراب:وش فيه؟ ام جابر بحزن:الله يهديه الله يهديه منال واللي كانت ماتعرف شي عن موضوع جابر وحبه لمي:الله يهديه؟؟؟ ام جابر:ايييه الله يهديه كااره سيرة الزواااج وكل ما افاتحه بالموضوع اشوف اللي شفتيـه قبل شوي منال بإستغراب:وليه طيـب؟؟ ام جابر:ساااالفه قديمـه وراحت في حال سبيلها منال بإهتمام لانها طول عمرها تحس في اخوها شي ونفسها تعرفه:لالا ابي اعرف وش هالسالفه؟ ام جابر:لا مب لازم انسي الموضوع ................... |
|
|
|
|
28-10-2005, 04:12 AM
|
#593 |
|
][§¤حلا ذهبي ¤§][
|
مشاركة: عمق القلوب....قصة واقعية
منال وهيا تمسك يد امها عشان لاتروح:لا الله يخليكي قوليلي ابي اعرف انا من زمااان وودي اعرف وش هالشي اللي مكره اخوي بالزوااج
ام جابر وهيا تجلس:طيب بقولك بس اوعديني مايطلع هالكلام من بيننا منال:اوكي اوعدك ام جابر:طيب.....وقعدت تحكيها عن حب اخوها الكبير لمـي..وكلام عمتها ام خالد عن الموضوع...والفرحه اللي عمت جابر لمن عرف الموضوع..والامل والنشاط اللي حل فيه عشان يبني مستقبله ويكون يستاهل مي..وصدمته وووو...الخ.. قامت من سريرها..وراحت لجهة جوالها...وقعدت تدور على رقمه بيد مرتجفـه.. هادا هواااا...سيد جروحي هادا هوا الرقم... دقيت عليه ومن ثالث دقه رد.. الوووووووو رهف بصوتها الباكي:ماجد ماجد:ايوه مين معايا؟ رهف:ماعرفتني؟ ماجد بصدمه:رهف؟؟هادا انتي رهففففف رهف:اييوووه ياماجد رهفف رهففف اللي حبتك بكل اخلاص حبتك رغم كل الجروح اللي سببتها لهااا ورغم كل صدك وجفاااك وانانيتك ماجد بصدمه:ايش دا الكلام يارهف ايش اللي بتقوليه انا احبك صدقينـي رهف: انتا ماعمرك حبيت الا نفسك ياماجد انتا طحت من عيني...صدمتني..انا طول كل هادي المده احسبك صادق حنون وفي ومافي احد مثلك في الخلايق..انسان صحيح انه بعيـد عنـي لكن مشتااق لي وبيجيني في يوم ومعه في يده لي ورده يعبر لي فيها عن حبـه وعن حياتنا اللي بنعيشها مع بعض...لكن انت جيتني ومعك سكينه مو ورده يا ماجد سكينـه..اكتشفت انك انسان اناني وماهمك الا نفسـك وضعــيف للاسف وماتقدر تواجه اي مشاكل او عقبات تجي في طريقك وانا ندماااانه لاني حبيتك وعرفتك في يوم من الايااااام ..مدام انت في البدايه ماعرفت تدافع عن حبك ليا ولاقدرت تحارب عشان تكون ليا..أنا كمان محا احارب ولا حاسوي شي ..وتأكد انا في هاللحظه محا اكون انسانه رومانسيه ولاحارضا ببقايا حب ماعرفت تدافع عنه..انا بكون انسانه حقااانيه مو انانيـه.. انا ما اقدر اكون لك ياماجد ما اقدر اسبب لك مشاكل ولا اسبب لنفسي مشاكل خليك اكسب رضا امك وكون لبنت خالتك المسكينـه ماتستاهل هيا انك تكون جاحد معاها هيا كمان... كون مع اللي تكون ياماجد مدام قلبي معـي روح في سبيلك وامضـي..حياتي بعرف اكملها بدووونك.. واقولك وبكل صدق ماعمري اتخيلت انه نهايتي بتكون معاك كداااا ولا اني اقولك اللي حقوله..بس والله ومن وسط قلبي انا ارفضـــك ياماااجد ...وقفلت الخط في وجهه...ومسكت الجوال ورمتـه على الجداااااار زي مارمتـه اول مره لمن اكتشفت مرضـه وحادثه واتكرر المنظـر اتكسر الجوال قدامـها..بس هالمره اتكسـر معاه حبها وحزنها وشوقها لها الانساااان...رمت نفسها على السرير...وغاصت في بحررر حزنها وآلامهــا منى وهيا تدق الباب على رهف:رهف رهف فكيي الباب رهففف رهف قعدت تبكي من قلبها وماترد عليها.. فتحت منى الباب..وشافت رهف راميه نفسها على السرير وبتبكي:رهف قلبي ايش بك؟؟ رهف و هيا تصرخ من كل قلبها:اكرررررررررررهه يامنى اكررررررررررررهه هالاناني اكررررهه خلااااااااص ماعاااد لماجد اي معنى مااا ابيييييييييه ما ابييييييييييه منى وهيا تحضنها:بس حبيبتي بسسس صلي على النبي هدي حبيبتي هديييي اششش اشششش من بعـد هالموقف...بعــد ثمانيــه شهورر... اتزوجت منال في هالفتـره..من ولد خالتها عبدالله وسافرت معاه بريطانيا عشان ظروف عملـه.. ورندا قويت علاقتها برامي اكثـر...وصاروا الاثنين من اقوى العشاق في العيله من بعـد لمى وامجد.. ومنى حملـت...وهيا دحين في الشهر الرابــع.. ولمــــ امجــــــد ـــــى.... ....*&*&*اليــــــــــــــوم فرحهــــــــــــــم*&*&*.... ...اليـــوم موعـد التحام ارواحهم وقلوووبهم للابــد... كان عنوان هالفـرح هوا الفخــامه..كل شي كان مرتب على احسن وجـه..وكل شي في الفرح يدل على الذوق والفن الراقـي..كانت قاعــة الفـرح..فخمـه ومرتبـه بطريقه حلوه..اختارتها لمـى مع رندا ومنى..كانت القـاعه عبااره عن بحــر..كل شي فيها ازرق وسمااوي بدرجاااته..والابيض طبعاً متداخل في كل شي..وكان على كل طاوله انـاء دائري الشكـل فيه مويه زرقااا وجوته سمكتين..والمفارش اللي على الطاولـه سماويه وتحتهاا بيضـه محطوطه بطرييقه مررره حلوووه..والقــاعه كلها مزينه بالورد الازرق والابيـض..والممر اللي يؤدي للكوشـه..على اطرافهااا رمل وصـدف..والفرشـه لونها ازرق غامق..والكوشــه كلها ازرق بدرجاااته وابيـض..وفيها ديكوراات جناااااااااان ..وكان شكل الكرسي اللي المفروض يقعدوا عليه العرسان عبااره عن مرجيحه خشبيـه واسعـه شويه وعليها منثـر ورود زرقـه وبيضه..ومن وراها منظـر شاطئ بحـر ..وحولينهااا باقااات كبيررره..ومن بعدها معلق على الجدران شيلاااان زرقه محطوطه بطريقـه رووعه ومنثـر عليها نجوم البحـر واكليـل واصداااف..واشياء روووعــه... كان الكل وهوا قاعـد يتأمل في كل ركن في القـاعه وينبهر بهالترتيب الخطيرررر... وكانوا رندا ومي ومنى وام خالد مايقعدوا في مكانهم دقيقه..بس رايحين جايين..يرتبوا ويستقبلوا الناس... والكوشـه مليااان بنااات بيرقصواا..وكل ماتطلع اغنيـه حلوه يقوموا بنات غيـرهم.. وكان الفرح بإختصــار...يجنــــن.... ولمن جاا وقت الزفـــا...انطفـت كل الانوار واتولعت الشمووع على كل طااولـه..والحريم كلهم قاموا ولبسوا عبايتهم تحسباً لو دخل احد من الرجال... وشويه وانحط صوت امواااج بحـرر...ونزلــة شاشـة عرض بروجيكتـر..في البدايه كانت بتنعرض صور لمـى وهيا صغيـره..وفي جميع مراحل عمرها الين ماكبرت ومع كل صوره كانت تنحط اغنيه وتتغيـر..ولمن وصلوا للمى وهيا كبيره وكانت لها صووور روووعه...جات صور امجد وهوا صغيـر الين ماكبـر..وبعد كدا جابوا صور للمى وامجد مع بعـض وايام كانوا صغاار وايام الملـكـه....والكل يصفررر ويصرررخ لمن تطلع صوره حلووه...كل البنااات الموجودين في القاعه اتجننوا من جمال امجـد..وكل الحريم انعجبووووا بجمال لمـى واستغربوا انه محد كان يعرفها ولا يشوفهاا قبل كدا... وبعد ماخلص العرض انحطت موسيقى((http))..والكل انشد مع هالموسيقى وصار يطالع في البلَكوونه ويتنظر متى حتطلع العروسه اللي شافوها في العرض وكانت قمــر وقالوا انها اكيد في الواقع احلـى.. بس على عكس توقعاتهم ماطلعت لمى طلعوا احمد وفهـد وفي يدهـم سيوف وهما لابسين ثياب وغتـر وعليهم مشااالح((بشت))..وخرجوا من وراهم جوانا ومحمد..جوانا الصغنونه اللي بس من كم شهر بدأت تمشـي..وكانت لابسـه فسـتان ابيض..وعليها طرحه بيضه كأنها عروسه صغيره...وجمبـها محمـد اللي كان لاعب دور العريس في هاللحظه ..وكان شكلهم كلهم على بعضهم خطيررررر..والكل يسمي عليهم.. وكانوا مي ومنى ورندا ومنـال اللي جات عشان تحضر الفـرح قاعدين تحت ويطالعوا فيهم ويأشروا للاولاد عشان لايتحركوا ويعملوا حركات لجوانا اللي بدأت تبكي وخافت من شكل الناس الكثيرين.. مي:ياربوووو بسم الله على بنتي اخاف يحسدوهاا رندا:وي وي شووفي محمد بيشيل الغتـره اففف الله يستر بيبهدلوا الدنيا هادولا المفعايص منـى:لا ان شاء الله فاولوا خيـر انتوا بس أشرو لهم خلوهم يبتسمو عشان المصوره قاعده تصورهم وشويـه اتحركوا محمد وجوانا وبدأو ينزلـوا من الدرج اللي قدامهم.. مي:لالالا استنوا مو دحين يوووه ولد محمد اصبرررر رندا:ههههههههههههههه والله لو تصرخي لبكره محد حيسمعك ونزلوا بكدا محمد وجوانا من الدرج وخربطوا الترتيب اللي كانوا مرتبينه رندا ومي..لانهم كانوا يبغوهم ينزلوا مع لمـى..لمن تطلـع... رندا وهيا تقرب من محمد وجوانا:امشوو بشويش بشووووويش محمد:عمه رندا انا تعبت ابغا اقعـد رندا:افففففف حمودي حبيبي اصبر شويه شووف..وتأشر له على الكوشـه..لمن توصل هناك حاتقعد بس امشي بشويش ولابعدين محا نخليك تجلس محمد:تيييب ولمن وصلوا محمد وجوانا على الكوشـه..وكانوا مي ورندا بيمشوا معاهم بس على الطرف عشان يقولولهم ايش يسوو...قالوا لمحمد يشيل الطرحه اللي على جوانا ويبوسها على راسها...وفعلاً محمد شال الطرحه وباس جوانا على راسها...والمصوره تصور كل لقطه بتصير قدامها..والقاااعه كلها تصفررر وتصررخ..والكل معجـب بالثنااائي الكيووت...وبعد شووويـه..نزلوا احمد وفهـد ولحقوا محمد وجوانا وقعـدوا كلهم على اطراف الكوشـه... وفجئـه انحطت موسيقى رائـعه((http=23)) حمااسيـه تبين انه فيه شي بيصـير...والكل رجع يطالع على الباب يستنى اللي بيصير.. وفجئـه ينفتـح الباب الكبير باب البلَكونـه وتطلع منه لمــــى..مع اغنية راشد الماجد...بدر(( والكل يطالع فيهــا ومشدود لجمالهااا..طلعت بطله احلى من البدر..طلعت كأنها فلقـة صبـح نورت الكون من بعـد الظلاااام... حد منـكم شــاف في الدنيــا بــدر مقبل يمشـي ومن حوولـه بشــر...الخ وفجئـه وقفت الاغنيـة...واشتغلت موسيقى تانيه (())تبين انه في احد تاني بيطلع وصار الكل يطالع في الباب ينتظروا مين كمان بيطلع.. بس فجئـه...اتحرك الكشاف اللي كان على لمى واتوجه للكوشـه..وطلـع أمجــد من ورا الكوشـه...وصار عليـه النور واتوجه على لمى كشاف ابيض تانـي...والاتنين يطالعوا في بعـض ويبتســمواا..والكل حاير يطالع هنا ولاهنـا..وشويـه..اتحررك امجـد واتحركت لمى من مكـانها...واشتغلت الاغنيـه التقليـديـه حقت محمد عبدو... |
|
|
|
|
28-10-2005, 04:14 AM
|
#594 |
|
][§¤حلا ذهبي ¤§][
|
مشاركة: عمق القلوب....قصة واقعية
نزلت لمى من الدرج بشوويش..وهيا بفستانها الابيــض الخطيـر اللي مطلعهااا ملااااااااك ماشي على الارض...وبمكايجها الروعه وتسريحتها الارووع...كانت الباااقـه اللي في يـدها خطيرررررره...المسكـه نفسـها كانت عباره عن قزاز جوته مويه زرقا وفيه سمكتين..ومن فوق المسكه نازل الورد من الباقـه وخارج على بره ومتوجه للارض وكان طبعاً كله ازرق وفيه شوية ورد ابيـض...فكااان تقيــل..ولمى شايلته بخوف وحرص..وكانت وهيا نازله تطالع في امجد بكل حـب..وتقول في نفسها...احبك حبيبي والله احبك...ولمن وصلت لأخر عتبـه كان امجد وصل لها ووقف مبتسم وهوا يشوفها ومو مصـدق نفسـه انه اخيـراً لمى قدامه وصارت لـه..قعـد يطالع فيها بكل حب يقول في نفسه..يالله يالمى كيف صار وجودك في حياتي هوا المهم واني بدونك ما اسوى..كنت اهبل يوم فكرت اسيبك وابعد عنـك..الحمدلله اني عرفت قيمتك قبل ما افقدك...آآه يا احلى حب في حياتي اخيراً انا وانتي مع بعض وللأبد..
مد يده لها عشان تنزل اخر عتبـه..وهيا ماصدقت على الله مسكت في يده بقوه لانها كانت تحس نفسها بتطيـح...ولمن نزلت على الارض لف امجد يده بيد لمـى ومشيواا مع بعض باتجااه الكوشـه.. امجد وهوا يقرب راسه منها:اخيراً يالمى اخيراً لمى ابتسمت:اسس طالع قدامك المصوره بتصورنا امجد:طززز في كل الدنيا انا حررر اقول اللي ابغا سكتت لمى عنـه عارفته ممكن يخربط كل شي في الفرح بعناده.. وامجد ابتسـم..عرف انهااا مرتبكـه وخايفـه مو زيـه ماهمه في الدنيـا احد.. كان الكل بيطالع في لمى وامجد وهما بيتزفوا ويعلقوا عليهم ويسموا..ماشااء الله الاتنين كانوا كأنهم مخلوقين لبعض.. لمى بشويش:امجااااد الحق احس المويـه خرجت من البـاقه اهئ اهئ اخاف الفستااان ينعدم امجد:هههههههههههه ومين قلك تشيلي شي زي كدا انا مالي دخل لمى واللي شويه بتبكي:امجد ساعدنـي والله احس في شي على الفستـان رندا وهيا تأشر للمى:لمى ابتسمـي ابتســمـــي لمى وهيا تبتسم:افففففففف ياربي امجد طيب انتا شوف انا ماني قادره ارخي راسي امجد وهوا يطالع في الفستان:والله مافي شي انتي تتوهمي لمى:طيب طيب وصلوا امجد ولمى للكوشـه..ووقفوا في النـص..وسوا امجد نفس الحركه اللي سواها محمد وفتح الطرحه الخفيفه اللي كانت على وجه لمـى..وباسها على راسهااا.. امجد وهوا يبتسم من كل قلبه:مبروك حبيبتي لمى بصوت واطي وهيا محرجه:الله يبارك فيك امجد وهوا مبهور بجمالها:يا الله ماني مصدق كل هالجمال ملكـي لمى بخجل:امجااااد مو وقته امجد وهوا يضحك عليها ويلفها عشان تطالع على الناس:هههههههههههههههه لفي لفي قبل ماتجي رندا وتاكلنا حشااا مسويتنا لعبه في يدها كل حركه مرتبتهااا لمى:هههههههههههههههههههههه اي والله امجد وهوا يقرب راسه منها ويتكلم بصوت واطي:تخيلي رندا جابتني هنا من العصر وقعدت تدربني كيف اسوي وايش اعمل لمى:هههههههههههههههههههه والله انها تحفـه هالبنت امجد:ههههههههههههههه خلاص اسكتي شوفيها جات دحين بتاكلنااا لمى:ههههههههههههه حرام عليك رندا وهيا تقرب منهم:لمى امجـد بتقعدوا ساعتين كدا يلا روحو اقعـدوا في مكانكم امجد وهوا يعانـدها:واذا ماقعـدناا ايش بتسوي رندا بصدمه:امجــد مو وقت المزح دحين امجد وهوا مبسوط:والله فرحي وانا حر اسوي اللي اسويه فيـه رندا:امجد ايش بك؟ امجد:ولاشي بس عاجبني المنظر وابغا قعد واقف شويـه رندا:امجد بلا هبـل روح اقعـد لمى:ههههههههههههه امجد قلبي خلاص خلينا نقعد والله انا تعبانه وماني قادره اوقف امجد وهوا يطالع في لمى بحنيه:عشان خاطر عيونك وربي رندا بتضجر:افففف منك يا امجد يلا انا بروح امجد بسرعه:رندا اقولك هاتيلي مايك رندا بإستغراب:ايش تبا تسـوي؟؟ امجد:جيبيلي وخلاص رندا:طيـــــب لمى بإستغراب:ايش بتسوي؟؟ امجد:اصبري انتي بس المصـوره:ياعريس لو بتسمحوا بدكم تقعدو من شان التصوير امجد:لا اصبري المصوره؟؟....!!؟؟ رندا وهيا تجيب له المايك:اتفضـل امجد:اووكي ويلا دحين لو سمحتي صوري اللي بسويـه الكل كان يطالع في العروسين وهوا مستغرب..كان امجد يتكلم ويتحرك بشكل غريب وكان باين عليه انه بيسوي شي مو عادي... وقف امجد مقابل لمـى ويفصل بينـه وبين لمـى خطوه... امجد:انا بقـول شـي ووهوا اهـداء للمـى امجد بصووت خطير واحساس اخطرر وهوا يطالع في لمـى: من بين الناس حبيتك من بين الناس.. وبكل احساس اغليتك وبكل احساس.. حبك جرى في دمي نساني كل همـي.. خلى حياتي غيرررر غيررر... من بين كل النـاس... صرت بحياتي الروح واللهفه والاشواق الصمت لك والبوح...((لمى ترخي راسها)) ولشوفتك اشتاااق عمري فداا عيوونك ياساحر بلووونك.. ويااك مهمااا يصيررر من بيييييييين كل الناااس... اسكن في عيني وشوف وش كبرها دنيااااااك.. ما احس انا باي خوف ان صرت انا ويااااك.. ((وهوا يمد يده ويمسك يد لمى))خليي ايدك بإيدي تحلى مواعـيـدي.. من بين كـل النــاس... وسلمتــم وقرب من لمـى وقالهـا في اذنها:احبببببببك لمـى وقفت مبهتــه من كلام امجـد ومن عيونه ونظراتــه... وقلبـها صار يرجف رجـف...وماهي قادره توقف...الموقف اكبر من قدرتها على الاستحمااال... الكل صار يصفق لأمجد ولحركته الجريئـه...وامجد يبتسم لهم بإمتنـان..بعد كدا اخذت الامور مجراها الطبيعي.. وجلسوا العرسان على المرجيحـه..وجابوا لهم العصير وقعـدوا يصوروهم... وزي ماكان كل شي في الفرح غير عادي..حتى العصيـر كان مو عـادي.. كان عبـاره عن كاســه كبيـــره شكلها حلوو وجووتها عصـير ازرق..وكان العصير عباره عن بلو كوكتيـل..بس اللي مخلي الناس مستغربه انه في العصير في سمكتيـن... امجد:وي ايش دا عسى بيشربونا من دا الشي لمى:هههههههههههههههه لا تخاف السمكتين مو في العصير شوف من هنا..وتاشر له على الكاسـه..من هنا تبدأ الكاسه ويبدأ العصير واللي تحت دا منظـر..في شي يفصل بينه وبين العصـير..اللي تحت مجرد مويه زرقه.. امجد:اهاااا وفكرة مين هادي ماشاء الله كمان لمى:ههههههههههههه بصراحه هادي فكرتي انااا امجد:ياسلام انعديتي منهم هههههههههه لمى:هههههههه شفت كيف المهـم..شربوا امجد ولمى العصـير وقعدوا يتصورو..وبعد شويه جوهـم احمد ومحمـد وكان في يد محمد علبه كبيره وفي يـد احمد علبـه تانيه بس صغيـره..واشتغلت اغنيـة كاظم الساهر ياصايغين الذهب(( |
|
|
|
|
28-10-2005, 04:15 AM
|
#595 |
|
][§¤حلا ذهبي ¤§][
|
مشاركة: عمق القلوب....قصة واقعية
وابتسم امجد ومد يده للعلبه اللي عنـد محمـد وفتحها وشاف فيها الطقم اللي اشتراه للمـى..وجاتـه مـي وسعـادته فشالت الطقم اللي لمى لابستـه..وساعدته في تلبيس لمى الطقم التاني..ولمى ساكته ومستحيه من قرب امجد منهاا..وبعـدين امجد لبسـها الخاتم..وباس اصباعها..<<<على حسب تعلميات رندا ههههههه...
ولمى ابتسمت..وفتحت العلبه اللي عند احمد هيا كمان..وطلعت منها سـاعه خطيررره..ولبستها لأمجد اللي مد لها يده وهوا فرحان..وبعدين لبستـه خاتم وعملت نفس حركته وباست اصباعه.... وبعدين الكل يزغرط ويهلل...وبعد شويه اشتغلت اغنية راشد الماجد يامميز((ht))...وقاموا محمد واحمد وفهد وقعدوا يرقصوا عليها بالسيوف زي الكبار...والكل اتربـش معاهم و قعدوا يصفقوا... وبعد نص ساعه تقريباً دخلوا ابو خالد وابو محمد وابو رامي..يسلموا على العروسان.. ابو محمد وهوا يكلم امجد:ما اوصيك ياولدي خلي بالك من لمى امجد:لمى في عيوني ياعمي ابو رامي:ايييوه تراها غاليــه علينا امجد:ههههههههههه ادري وربي بس ايش دا محد فيكم وصاها علياا حرام عليكم انا مو ولدكم كمان ابو خالد:ههههههههههههه لا انتا رجال وماتحتاااج امجد:هههههههههههههه امزح معاكم كانت تقريباً هادي هيا الاجواء على الكوشه اما خارج الكوشه قاموا نص الناس ودخلوا البوفيـه..والباقيين من الاهل قاعدين مبسوطين بيتكلموا ويعلقوا على كل شي في الفـرح.. وكانت رهف قاعده مع منـى.. منى وهيا تطالع في رهف اللي باين الحزن في عيونها:رهف رهف رهف...... منى وهيا تدقها:رهف رهف وهيا تبتسم:هلاااا منى:ايش بك؟ رهف:ماشي منى:بلا هبل شوفي كيف شكلك....ايش بك بتفكري فيـه؟؟ رهف بإستنكار:فمين؟ منى:ماجد؟ رهف:لا مين قال اصلاً هوا مايستاهل اني افكـر فيه ولو لدقيقه منى:علياااااا دا الكلام .. رهف حرام عليكي لو تحبيه لاتسوي في نفسك كدا الرجال الين دحين شاريكي رهف:منى بليز لو تعزيني وتحبيني قفلي هالموضوع منى:بس يارهف مايصير انا متأكده انك تحبيـه وهوا يحبك ليـه تسوي في نفسك وفيه كدا؟؟؟ رهف بحزن:بس يامنى حرام عليكي لاتقلبي المواجع منى:لامافي انا لازم اعرف انا من اول ساكته لك لكن دحين خلاص فاضي بيا والله الرجال امس برضوا اتصل على مازن وقعد يتحايل عليه انه يقنعك عشان توافقي رهف:اففففففف يامنى ايش اقولج محا تفهميني منى:طيب قولي يمكن افهم رهف بجديه:يامنى هادي مو اول مره انصدم في ماجد ماجد كم مره تخلى عنـي انتي تعرفي انه قبل مايسافر اتصل عليا وقلي انا ما انفعـك يارهف ومدري ايش تدري انا وقتها ايش كنت بقوله..كنت بقوله انا احبك ياماجد وهوا يقولي انا ما انفع لج تخيلي شعوري انا اقله احبك وهوا يقولي كدا منى:بس هوا من حبه ليكي سوى كدا ماكان يبغا يعذبك معاه رهف:لا خطأ لو كان كلامك صح كان ممكن يوصلي قصده بطريقه تانيه مو يتخلى عني ويسيبني اعااني.. هوا انصدم بوضعه وماهان عليه يكون بدا الشكل لكن انا هنت عليه وماهمه قلبي اللي حبه بكل اخلاص ضعف قدام وضعه وراح وسابني.. مننى....... رهف:ودحين على موضوع امه اعتقد انه رأيج من رأيي كان يقدر يرفض كلام امه ويحارب عشاني بس هوا ماسوى شي وضعف كالعاده واتخلى عني ..انا سمعتج يوم كنتي بتكلمي مازن بس غيرتي رأيج بعد مازن ماقلج انه لاتقولي كدا عشان لا اسمعج وارفضـه.. منى....... رهف:شوفي انا كنت حاسه انه نهايتنا بتكون كدا لانه احنا بدأنا خطأ وانا اعترف بكذا والشي اللي يبدأ خطأ ينتهي خطأ مهما كااان كبر او صدق هالحب او المشاعر اللي اتواجدت فيه منى:والله مدري ايش اقولك رهف:لاتقولي شي ماجد زي ما اتخلى عني قبل كدا ممكن يتخلى عني الف مره في المستقبل سكي الموضوع انا راضيه باللي صار واحس انه خير لي اني ما ارتبطت فيـه منى:طيب وحبـك له وحبـه ليكي رهف:الحب مو كل شي في الحياه يمكن ربنا يعوضني بعد كدا بللي احسن منه ويخليني انساه وانسى حبه في قلبي منى وهيا تحضن رهف:الله يكملك بعقلك يارهف الله يكملك اما رنـدا كانت قـاعده على الطرف وبتكلم رامي بالجوال.. رامي:حبيبتي بلييييز بس شويـه رندا:حبيبي ما اقدر اطلـع من الفـرح عندي الف شغلـه اسويها رامي وهوا يحاول يحنن قلبها عليـه:واهون عليكي اقعـد ملطوع بره استناكي وانتي خاصرتني رندا:امممممممممممم طيب بس خمسه دقايق رامي بفرح:اووووكي موافق خمسه خمسه بس تعالي ياشيخه رندا:ههههههههههه اوكي دحين اطلع لك وراحت رندا ولبست عبايتها وخرجت برره القـاعه وشافـت سيارة رامي واقفه عند الباب وراحت ركبت فيـها.. رامي بفرح:هلالالا والله هلالالالا نورت السياره رندا وهيا تشيل الطرحه من على وجهها:سلام عليكم رامي وهوا يتأمل وجهها اللي كان احلى من وجه القمر:وعليكم السلام والرحمه وه وه ياقلبيييييييييييي رحت انا فيهاااااااااااااا رندا تضحك بخجل:هههههههههههههه رموي يادب ترى والله برجع رامي:لالا الله يخليكي ماصدقنا نشوفك رندا:ههههههههههههه رامي وهوا يتأمل وجهها بكل حب:ياقلبي عليكي رندوده اخاف يحسدوكي الناس حصنتي نفسك رندا:هههههههههههه ايوه ماما ماقصرت رامي:طب كويس وخلاص حطي في بالك فرحنا من بعد شهررر من اليوم رندا بصدمه:نعم نعم مين قال؟؟ رامي:اانا ايش مين قال منتي سامعتني وانا بقولك بسم الله عليكي خرفتي رندا:رااامي بلا هباله لاتتريق عليا رامي بجديه:وربي ما اتريق انا اليوم كلمت عمي وقلت له ابغا الفرح بعد شهر قالي ابشر ياولد اخوي فالك طيب رندا:لالالالالا حرااااااام عليك شهررر مررررررره مايكفي رامي:والله عاد انا مالي دخل انا قلت لك رندا:بسسس مايمديني اتجهز ولا ارتب ولا اسوي شي رامي:ايش ترتبي وايش تسوي انا ما ابغاا شي انا ابغاااكي انتي وبس حتى لو تجيني بلبسك اللي انتي بيه رندا بإستنكار:لااا والله ايش شايفني مقطوعه من شجرره ولا مالي قميه وجيه من الشارع عشان تقولي كدا...انااا حبيبي ماني اقل من اي احد وشاايف الفررح هادا كله اللي قدامك انا مرتبته من الالف الى الياء اقوم اجي في فرحي وما اسوي شي مستحيييل دا بعـدك رامي:ههههههههههههههههه طيب طيب بشويش وي اكلتينييييييي خلاص بمدد المده لشهرين رندا:لالالا برضو مايكفيني رامي:افففففف والله مالي دخل اكثر من شهرين ماني صابر رندا:ياربييييييييي عليك عنييييييييييد رامي:بس غصبً عنك تحبيني رندا وهيا تبتسم:هههههههههههههههههه اي والله في هادي صدقت رامي:ههههههههههههه والله اموت فيكي ياشيخه رندا وهيا تبتسم:وانا كمان ويلا عن اذنك انا بروح ورايا الف مليون شغله رامي:لااااااااا لسه ماشبعت منك رندا وهيا تفتح الباب وتخرج:معليه حبيبي تعالي البيت بكرره واقعد براحتك تسلمــــــــــــــــــــــــــــــــون على المتابعه تحياتي لكم : البريئة :cool: |
|
|
|
|
28-10-2005, 07:11 AM
|
#596 |
|
(حلا متميز)
 
|
مشاركة: عمق القلوب....قصة واقعية
مشكووووووووووووووووووووووووووووورة
أختي العزيزة البريئة ترى احنا ننتظر التكملة أخوك الجني |
|
28-10-2005, 11:19 AM
|
#597 |
|
(حلا متميز)
|
مشاركة: عمق القلوب....قصة واقعية
Thankl you albreah
GAD |
|
29-10-2005, 03:44 AM
|
#598 |
|
][§¤حلا ذهبي ¤§][
|
مشاركة: عمق القلوب....قصة واقعية
رامي بإستسلام:طيب الله معاكي
رندا:باااااي..وراحت رندا ودخلت جوت القصـر..ورامي يطالع في الباب اللي اختفت منه ويقول في قلبـه..احبهاااااااااااااااااا ياناس احبهااااااااا..وحرك سيارته ووقفها على طـرف...ونزل منها يبغا يرجع لقاعة الرجال بس شاف واحد قـاعد على الطرف وبيدخن...وعرفـه وابتسـم.. اتوجه رامي لعنـده وهوا مبتسـم.. رامي:السلام عليكم ياناصر ناصر وهوا يلتفت لمكان الصوت قال بصدمه:وعليكم السلام رامي وهوا يمد له يده عشان يسلم عليه:كيفك ناصر وهوا يسلم عليه:بخير الله يسلمك انتا كيفك رامي وهوا يبتسم:تمام ولله الحمد ناصر....كان مستغرب غريبه ايش بـه رامي جي لعنـدي..ما اتوقعتها منـه والله.. رامي:عسى بس ماضايقتك بجيتي ناصر:لاعادي والله رامي وهوا يحط يده على كتف ناصر:انا حبيت اعتذر لك ياناصر انا اسـف على كـل اللي سويتـه فيـك والله اني اعتبـرك زي اخويا وما ابغا افقدك ولاتكون بيني وبينك عداااوه ناصر وهوا يبتسم من كلام رامي اللي ما اتوقعه بس فرحه لانه برضوا مايحب يكون بينه وبين اي احد عداوه:لاياشيخ مابيننا اي عداوه ان شاء الله وانا كمان وربي اعتبرك زي اخويا واللي بيننا انساه والله يهنيك ويوفقك مع رندا رامي:صدقنـي ياناصر لو رندا ماوافقت عليـا انا وقتها اكيد كنت بكون متاكد انها محا تكون سعيـده مع احد غيري قدك ناصر:تسلم يارامي اقدر لك كلامك والله وصدقني اني ماني زعلااان انا اتمنى لك ولها كل خيـر رامي وهوا يمد يده:خلاص اجل اصدقاء ناصر وهوا يمد له يـده ويصافحه:اكثر من اصدقاء ان شاء الله..وابتسموا الاثنين لبعـض..ودخلوا الفرح مع بعض وقعـدوا يتكلموا بكل طيبة نفس وتسامح... وبعـد ماخلص الفـرح..اخذ امجـد عروسـته وراح فنـدق الهيلتـون اللي على البحـر..على اساس انهم في اليـوم التانـي بيسافروا لأمريكـا.. وراح الكـل بيتـه من بعـد هاليـوم اللي كـان من اروع الايام ومن اروع الافراح اللي الناس حضروها... بعـد الفـرح بشهـــر.. في امريـكا.. امجد:لموو حبيبتي يلااا لمى من بعيد:طيب دقيقه وبعد ثواني..جاتـه لمـى.. لمى:هه خلصت بس باقيلي اللبس الجاكيـت امجد وهوا مبهور بجمال لمى:اوه اوووووه ايش كل هالشيااكه ما اقدر انا ارحميني ياشيخه لمى:ههههههههههههههه وانتا كمان ايش مسوي في نفسك..وجات لعنـده وقعدت تطالع فيه من فوق لتحت.. لمى:لالالا روح غيـر بسرعه تبغا تجنني انتا امجد وهوا يطالع في نفسه:ايش بي والله مافيا شي؟؟ لمى وهيا تأشر عليه:كل دي الشياكه وتقولي مافيـك شي لاياحبيبي روح غيرر امجد:يؤ وليييييه طيب يعني تبي زوجك يخرج مبهـدل من البيت لمى:لا بس مايخرج متشيك مره عشان يسرقوه البنات منـي امجد:هههههههههههه لاحرام عليكي اصلاً حتى لو حاولوا انا ما اعطيهم وجه انا عندي القمر مالي ومال النجوم لمى:هههههههههههههه ياربووو عليك نصااب بس تحاول تضحك عليا بكلامك الحلللو ماااااافي تغير ملابسك يعني تغيررر امجد وهوا يحاول يستعطفها:لموو قلبي بليييييز مافياا خلاص خلينا نخرررج لمى وهيا تقعد:لا انا ماني رايحه خلاص بطلت امجد وهوا يجرها من يدها:لمووو قلبي لاتسوي فيا كدا يلا امشـي لمى:لو غيرت اروح؟ امجد:افففففففففف طيب بغير بغير بس قومي لمى وهيا تبتسم:اوكي تعال انا انقيلك ايش تلبس وبعد ماخرجوا لمى وامجـد...كانوا قاعـدين يمشوا ويدينهم ملتفه حول بعضها.. لمى وهيا تحط راسها على كتف امجد:حبيبي امجد:همممم لمى:بتقعد طول عمـرك تحبني؟؟ امجد بإستغراب:طبعاً ايش دا الكلام؟!! لمى وهيا توقف وتطالع فيه:يعني محا يجي يوم وتمـل منـي وتنسـى حبك لياا امجد بإستنكار:لا طبعاً لمى ابتسمت:طيب اوعـدني اني انا وانتا بنكون مع بعـض للأبد ومافي شي يفرقنا امجد وهوا يمسك يدينها بكل حب:لمى قلبوا ايش دا الكلام..الكلام دا مو احنا اللي نقوله يقولوه غيرنا واللي ماعندهم ثقه ببعض لمى وهيا ترخي راسها:بس انا كل مره اخاف تبعـد عنـي زي مابعـدت عنـي أول اخاف في يوم تقولي انه اللي بيننا مجرد غلطـه امجد:لالالالا حرااام عليكي لاتقولي كدا انسـي اللي فات يالمى الله يخليكي لمى......... امجد:لمى انا مو بس احبـك انا وصلت معاكي لشعور اكبرر من هالكلمـه..انتي يالمى ساكنه في "اعمــاق قلبــي" ومافي شي ممكن يمحيكي من داخلي حتى لو مـت انتي تمشي في عروقي زي مجرى الـدم ومستحيل في يوم اتخلى عنـك لمى:بسم الله عليك الله يخليك ليا ولايحرمني منـك امجد:اميين ولامنـك بس ارجوكي لاتعيدي الكلام اللي قلتيـه انتي بكدا تحسسيني بفشلي واني ماقدرت انسيكي ايام الحزن اللي كانت بيننا لمى:لالا حبيبي والله مو قصـدي بس كلامي كان من مجرد خوف بسيط وراح امجد وهوا يبتسم:خلاص انسـيه وفكري في المستقبل والمستقبل وبـس لمى وهيا تبتسم:ان شاء الله في هالشهـر اتوطدت علاقـة رامي بناصـر وصاروا من اعز اثنين..واتقرر موعد فرح رامي زي ما يبغاه اللي هوا بعد شهرين من فرح امجد ولمى يعني بعد شهر من هاليـوم... رندا:الووو رامي:هلا قلبي رندا:اهلين حبيبي رامي:كيفك؟ رندا:تمامووو انتا كيفك رامي:انا والله تعبااااان وحالتي حاله رندا:لييييه سلامتك من التعب ايش بك؟ رامي:والله دوبي خارج من المركز وتعبااان وحالتي رندا:ايش كنت بتسوي مو خلاص سلمتهم التصاميم رامي:لا لازم اشرف عليهـم وكنت بوري المهنـدس المشرف كم شي كنت خايف انه مايلاحظه رندا:اهاا الله يعيـنك رامي:ان شاء الله بيخلصوا الشغل قريب وافتـك رندا:ان شاء الله طيب انتا فينك دحين؟؟ رامي:انا حالياً قاعد في سيارتي قدام موقع البنااا رندا:طيب حبيبي ارجع البيت وريح ولمن تصحا كلمنـي رامي:لا ابغا اجيكي وحشتينـي رندا:ههههههههه وانتا كمان واحشني والله بس روح البيت ارتاح بعدين تعالي في العصر رامي:لالا ابغا اجيكي دحيـن رندا:امممم اوكي قلبـي اللي يريحك رامي:........رندا رندا:هلااا رامي: احبــــك مووووووووووووووت رندا وهيا تحس بإحساس غريب:وانا كمان احبك موت موت موت رامي:رندا انا اسف لو كان ضايقتك في شـي ولازعلتك في يـوم رندا بإستغراب:لالالا حبيبي ايش دا الكلام انا ماعمري اتضايقت ولازعلت منك رامي:رندااا اخاف انك في يوم ندمتـي لانك وافقتي عليا وسبتي ناصـر رندا بإستنكار:رامي ايش دا الكلام الفاضي انا مستحيل اسوي كدا وبعدين لاناصر ولامليون واحد ممكن يحلو مكانك انتا حبيبي وانتا اللي طول عمري اتمنيت اقضي عمري معاه رامي وعيونه تدمع:قد كدا تحبيني يارندا؟؟ |
|
|
|
|
29-10-2005, 03:45 AM
|
#599 |
|
][§¤حلا ذهبي ¤§][
|
مشاركة: عمق القلوب....قصة واقعية
رندا:واكثـر انا اصلاً ما اقدر اعيش بدونك انتا سبب وجودي في هالحيااااه
رامي ودمعه من عينه تنزل على خده:احبك حبيبتي رندا وقلبها يعورها:وانا احبـك اكثر حبيبي بس ليـه بتقولي كل دااا؟؟حرام عليك عورت قلبـي رامي وهوا يمسح دمعته اللي نزلت ومايدري ليه بيقول كدا:والله مدري حسيت اني ابغا اقولك هالكلام من زمااان ودحين جاتني الفرصه وقلتـه رندا وهيا تبتسم:خلاص حبيبي يلا تعال انا بستنااك رامي:دحين طيااره هوى وبكون عندك رندا:اوكي بايوو رامي:رندا دقيقه لاتقفلي الخط خليكي معايا الين ما اجيكي رندا:لا حبيبي ما ابغاك تسوق وانتا تكلم الجوال خطر وبعدين كلها كم دقيقه وتكون عندي رامي بكل صدق:حاتوحشيني الين اوصل عندك رندا وعينها تـدمع هيا كمان وماتدري ايش بها:وانتا كمان حاتوحشني رامي بكل احسااااااااااس:احبــــك رندا رندا وهيا تحس نفسها حاتبكي؟؟:وانا كمــان احبك رامي:باي حبيبتي رندا:باي حبيبي قفلت رندا الخط مع رامي..وقعدت في مكانها تبكي ماتدري ليه بس تحس قلبـها يعورهــا من كلام رامي اللي كان غريب عليـها وأثر في نفسهاا..ومدري ليـه كانت خايفـه عليه وتدعي في قلبـها انه ربنـا يحفظـه... كان ناصـر خااارج من وحده من المحـلااات...ودق جوالـه..وطلع واحد من اصحابـه يعزمه على سهره بتكون على البحـر..ورضي ناصر ووفكر انه يعزم رامـي كمـان...وابتسم لمن افتكر رامي اللي كان بيكلمه قبل شويـه وقاله انه بيشرف على المركز اللي صممـه وقاله انه مبهـدل وتعبان وحالته حالـه..وناصر كان قريـب من المكان اللي فيـه رامي..وقال في قلبـه خليني اروح له وافاجئـه بجيتي..بس ان شاء الله مايكون راااح...فمشـي بسرعه بيروح لسيارته يلحقـه.. مشـي رامـي وهوا متوجه لبيت رندا..وهوا يحـس راسـه مصـدع وتعبـان ودايخ.. رامي بخوف:افففففف شكلها الحاله حقتي رجعت لي الله يستـر منها من زمان ماجاتنـي مشـي مسافـه في الطريـق اللي هوا فيـه...بس فجئـه..زغللت عينــه ودااااااااااخ...فحاااول يوقف السياره وبسبب دوخـته ما انتبـه وضغط على البنزيـن بدل الفرامـل فمشيــت السيـاره بســـرعه...وووووووووو.....صــــــــدمــــت في عامــود الانـاره صـــــدمـه قويـــــــــــــــه خلت السياره تتكســـــر تكسيررررررررررر وعـامود الانااره مااال من كثر الصـدمه...واللي يشوف السياره مستحيلللللللل يقول انه اللي فيها حـــي.... رنـدا:رااااااااااااااااااااااااااااااااااااااااااا اااااااااااااااااامـــي وام رامي في بيتها:رامي امجد في امريكا:رامي وناااااااصر اللي كان واقف قريب من الحادث انتبـه للسياره وللحادث لمن شاف لوحتها المميزه:لاااااااااااااااااااا جري ناصر بتجاه السيـاره يجري بكل قوته مع الناس اللي كلهم صاروا يصرخووااا من الحادث البشع اللي قدامهم....حاول ناصر يفتح باب السيـاره اللي مو راضي ينفـتح وصار يصرخ ويخبط على الباب.. ناصر:يانااس تعالوووا سساعدوووني الرجال بيمووووووت..وقدر ناصر يفتح باب السياره ..ويطلع رامي اللي كان كلــه دم ومو باين منـه شي...القزاز حـق السياره كلـه طار عليـه ونص جسمه كان داخل تحت السياره...ناصر خرجه من السياره بقوه وحطه على صدره... ناصر:اطلبوا الاسعاااااااااف بسررررررررعه..رامي رااامي...راااااامي سامعني رامي كان بيأن ويتألم:آآآه رندا رنداا ناصر بفرحه:رامي رامي انتا حي سامعني يارامي انا ناصر رامي فتح عينه بشويش وطالع في ناصر بكل ألم:ناصر ناصر:ايوه ناصر يارامي لاتخاف دحين نوديك المستشفى وان شاء الله تصير بخير رامي وهوا يحاول يحرك يده:ناصر نااصر ناصر وهوا يحرك يده ويسمك يد رامي بكل قوته:انا معاك اناا معاااك رامي:رندا ياناصر رندااا ناصر بإستغراب:ايش بها رندا؟ رامي:خللي بالك منها رندا طيبـه وتستاهل فرصه تانيه ناصر:مو وقته دا الكلام يارامي انتا بتقوم اان شاء الله وتخلي بالك منها انتا نسيت انه فرحك بعد شهر رامي وهوا يبكي:آآآآه ناصر قول لرندا..اني احبهاا قولها اني كنت ااا..اتمنى..اعيش معاها با...قي عمرر..ري..بس ربنا ما اراد لي ارجـ...ـوك ياناصر قولها انيييي...احب..ههااا ناصر وهوا يبكي:لا يارامي لاتقول كدا الله يخليك رامي:وقول لامي وابويا اني ا..اني اااحبهم مرررره و..و...وخليهم يسامحوني...اا..يسامحوني لوو....زعلتهم ناصر:رامي حرام عليك لاتقول كدا يارامي انتا بتروح لهم بنفسك وتقولهم هالكلام رامي وهوا يرفع اصباعه:ناصر سا..سامحني على اللي سويته فيك... ناصر وهوا يحاول يشيل رامي:مسامحك يارامي مسامحك وقووم يلا معايا شوف الاسعااف جي قووم خليني اساعدك رامي:ااا..اشهد ان لا اله الا اللـه........................... ناصر بصرخه:لااااااااااااااااااااااااااااااااااااااااااا ااااااااااااااااااااااااااااااااااااااااااااااا رندا راحت تجري على الجوال وتتصل على رامي...بس انصدمت انه يعطيها انه الجوال مغلـق..وقعدت محلها مصدومه.. رندا:لا رامي صار فيه شي رامي...وراحت تجري لأبوها اللي كان قاعـد يقرا جريده.. رندا وهيا تبكي:بابا رامي راامي ابوخالد بفجعه:ايش به؟؟ رندا:صار فيه شي جواله مغلق مايرد عليا ابوخالد:وي يابنتي ايش فيها طيب يمكن فضي عليه الجوال ولا مشغول ولا حاجه رندا وهيا تبكي من قلبها:لارامي فيه شي انا متأكده ابوخالد خاف من كلام بنته وراح يجري واتصل على جوال رامي..لقاه مقفل...واتصل على اخوه ابورامي..ولقا جواله هوا كمان مقفل... ابوخالد:ياربي يارندا جوالتهم كلها مقفله فاولي خير يابنتي ان شاء الله مافيـه شـي..وفجئـه دق تلفون البيت اللي كان جمب ابو خالد..وطالعت رندا في التلفون..وراحت تجري تبغا ترد عليـه.. ابوخالد وهوا يرد على السماعه:لاء انا اللي برد..الوووو ابورامي:منصوووووووووووووور ابوخالد بخوف:جمال خير ايش صار؟ ابورامي:رامي يامنصور رااااااااااااامي ابوخالد:ايش به؟؟ ابو رامي:ماااااااااااااااااااااااااات ابوخالد بصدمه:مات رندا.........................طاحت واغمى عليـها.... فقـــــــــدتك يا اعزززز النـــــاس..فقدت الحــب والطيـبــــه... وانا من لي في هالدنياااا سواااك ان طاالت الغيبــه.. رحلـــت...ومن بقـى ويااااي..يحس بضحكتي وبكااااي..وحتى الجرح في بعــدك يغزيني واهلللي به.. النهــــــــــــايـــــــــــــــه.. |
|
|
|
|
29-10-2005, 03:48 AM
|
#600 |
|
][§¤حلا ذهبي ¤§][
|
مشاركة: عمق القلوب....قصة واقعية
*&*مابعــــــد النهــايـــــه*&*
آآآآآآآآآآآآآآه..اقولها من صـدق احسـاس..اليـوم مـر على بعـده وغيـابه عنـي ** خمــــس سنيـــــــن **...وعن كـل هالحيـاه..هالحيـاه اللي ماصار لها اي احساس او معنى من دون وجوده.. ملك قلبـي واحساسي وراااااااااااااح..راح وتركني في دنيـا الهموم والاحزان..اصارع وحدي بدون وجوده ولا لقيـاه.. تركني وترك جرح ينزف بقلبـي..مستحيل يبرى واهو بعـيد عنـي.. مدري شقول ومدري شخلي...وحشنـي كلمه لو قلتها ماتوصف احساسي وربي.. حبيـته وحبنـي لكن حكاية حبنا انكتب عليها الشقا والحرمااان.. انا ويني واهو وينـه..بينا دروووب ومسافات..مستحيل في يوم اجتازها واوصل لمكانه والقـاه.. تركنــي..وانا اللي كنت انتظـره..بكل شوق ولهفه وحنـان.. تركني واهو اللي وعـدني مايتركني بيوم لا اعيش لاغـم ولاهـم ولا احزاان .. تركنـي جثـه بدون روح...تركني قلب كله جرووح..تركنـي اعيـش في دنياي بلياااه..وبليااا وجوده.. حرمني القـدر..من شوفت بسمته..وضحكته..ومن سماع صوتـه الرنان.. صوته العذب اللي تخلل كل القلوب قبل الاذان.. صوتـه اللي غمرني في كل لحظه واهو يقول لي احبـك مووووت.. آآآآآآآآآآآآه آآآآآآآآه ويييييينك ويييييييييينك ياللي حياتي من دونك ماتسوى..والعمر من بعـدك ماله معنـى...اشتقـــت لك اشتقت لك يا اغلـى انسـان..... واشتقت لحبك وحضنك وحنانــك.. يامن انا من بعـدك...اسيـرة الشقـا والحرماان... قفلـت دفتـرها ومسحت دمعتـها اللي صارت الصديقه الوفيـه لها في هالحيـاه.. طالعت في السـاعه وشافت انه خلاص حان الوقت وانه الكـل بيجي..وانها لازم تتجهـز... قامت وغيـرت ملابسـها ولبسـت واتشيكت على الاخـر زي ما عودت الكل يشوفهـا... وراحت واتجهت للمرايا وشافت المرأه الجميلـه بكل ماتعنيـه الكلمه واقفه قدامهـا بس ناقصها الابتسامه الحلوه...بعدين ابتسمت وقالت في نفسـها..والله وكبرررتي يارنـدا وماعاد صرتي هديك الطفله اللي تسرح وتمرح في هالبيت... بس ايش فايـدة هالجمـال..بدون قلـب يحياا فيـه..آآه بس لازم انسـى احزاني اليـوم اليـوم مو اي يـوم اليـوم عيـــد..ولازم احاااااول افـرح...نزلت تحت في مجلس الحريم وقعدت تجهز مع امهااا القهوه والحلويات وهالاشيـاء...وهيا قاعده ترتب في مجلس الحريـم سمعت صوت من وراها التفت وشافت منى واقفه تبتسم لها.. رندا:منوووووووونا حيـــاتي منى وهيا تحضن رندا:كل وعام وانتي بخير حبيبتي رندا:وانتي بخير ياقلبي هههههههههههه والله وكبرت كرشتك ماني قادره احضنك زي الناس منى وهيا تمسك بطنها:ههههههههههههههه شفتي كيف يلا بقي شهر ويشرف الاخ رندا:الله يعيـنك يارب الااا فينـها حننووونتي منى:هههههههههههه شوفيها جات كانت بتسلم على ماما حنين وهيا تجري لخالتها:خااااله رندااااا رندا وهيا تنزل لمستوى حنين وتحضنها:عيووووون خاله رندا كيف حالك حبيبتي حنين:الحمدلله طيبه كل عااام وانتي بخيررر رندا:وانتي بخــير ياقلبي اشوف ماشاء الله ايش هادي الحركاات ايش دا الفستاان الحلوو حنين وهيا مبسوطه:هادا فستاان العيـد حلوو؟؟ رندا:ايووه مره يجنن ماشاء الله حنين:حتى انتي خاله رندا اليوم مرره شكلك حلوو رندا:يسلمو ياقلبي منى:هههههههههههههههه اي والله صادقه بنتي اليوم محلووه ماشاء الله رندا وهيا توقف:هههههههههههههههه بس بلا بكش منى:لا والله من جد احسك اليوم ورده ماشاء الله رندا:هههههههههههههه الا فيـن لمى وامجد اتأخرووا؟؟ .......:نحنُ هنــا والتفت رندا لقت امجد ولمى واقفين يطالعوا فيها ومبتسميـن.. رندا:ياهلاااااا والله لمى وهيا تجي لرندا وتسلم عليها:كل سنه وانتي طيبه حبيبتي رندا:وانتي بصحه وسلامه ياقلبوو امجد وهوا يجي لرندا ويسلم عليها:كل سنه وانتي طيبـه يادبـه رندا:هههههههه وانتا بصحه وسلامه يانحيف لمى وهيا تسلم على منى:هلا منوووونا كل سنه وانتي طيبه منى:وانتي طيبـه حبيبتي امجد وهوا يسلم على منى:هلا هلا بـ دبدوبتنـا منى:ههههههههههههههه كل سنه وانتا طيب امجد:وانتي طيبـه والدب اللي في بطنك طيب ماشاء الله اشوفه اخد راحته مررره منى:ههههههههههه ايه والله متعبني طول الليل وهوا يرفز في بطني تقول يلعب كوره امجد:ههههههههههههههه طالع على عمه غاوي كوره من صغره .....:عمــــه رندا:ريووووونه حبيبي ريان:ليه ماتثلمي عليا رندا وهيا تشيله:والله سوري ماشفتك ريان:تيب اعتيني العيديه لمى:وييييي ياريان فضحتنا عيب حبيبي عيب اول قولها كل عام وانتي طيبه بعدين قولها اعطيني العيديه هههههههههههه امجد:هههههههههههههههههههههههه والله الولد طالع طمااع على امه لمى بإستنكار:قصدك على ابوه امجد:هيهيههي ماتضحكي رندا:ههههههههههههههههههه والله من حقه يصير طماااع هادا ريووونه حبيب قلبي مو اي احـد حنين:خاااااله لا انا ازعل انا حبيبة قلبك مو ريااان ريااان:لااا اثكتي انا هبيب قلبهاا رندا:ههههههههههههههه والله كلكم حبايب قلبـي ......:ياسلااااااااام انتو هنا وانا ادور عليكـم امجد:هههههههههههههه هادا انتي تعالي ياختي مي:هههههههههههههه كل عام وانتو بخيـر جميعاً الكل:وانتي بخيـر مي وهيا تسلم على امجد:كيفك يادب يللي ماتسأل ولاتتصل |
|
|
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| قصة واقعية | حزينه^وحيده | مجلس حلا للقصص والروايات | 4 | 15-11-2005 10:42 PM |
| قصة واقعية | smaaelhaq | مجلس حلا للقصص والروايات | 3 | 24-08-2005 11:03 AM |
| قصة واقعية | SARAH539 | مجلس حلا للقصص والروايات | 7 | 09-07-2005 10:08 AM |
| قصه واقعية | الريـــــــــــــــــــم | مجلس حلا للقصص والروايات | 2 | 19-04-2005 11:18 AM |
| معاناه واقعية | هاجر العدواني | مجلس حلا للشعر وهمس القوافي | 3 | 30-03-2005 03:29 PM |
العرض العادي
