|
|
|
|
31-08-2005, 02:49 AM
|
#141 |
|
][§¤حلا ذهبي ¤§][
 
|
مشاركة: عمق القلوب....قصة واقعية
رامي:هيهيهي مره تضحك ياخي
ابو خالد:يالله يارامي حنتأخر رامي كان يدور بعيونه على رندا فينها ماجات تسلم عليا معقوله ماتجي تسلم عليا قبل ما اسافر يلا شكلها نايمه ولا مشغوله ولاحاجه... ابوخالد:راااامي رامي والي فاق على صوت عمه:ها..هلا ابوخالد:الي اخد عقلك يتهنابه امشي ياولدي ابوك مو في السياره رامي:ايوه صح نسيت يالله عن اذنكم جميعا واشوفكم ياخالد وامجد في المطار بااي الكل:الله معاك رامي وهوا خارج من الباب كانت منى واقفه قريب منه قرب منها وقلها بهمس:سلمي على رندا باي منى استغربت من كلامه بس سكتت.... طلعت منى لغرفة رندا..ودقت الباب... طق طق... رندا........... منى:رنداااا فكي االباب رندا وهيا تحاول تخلي صوتها عادي:نعم شو تبغي ابغاا انام منى:فكي الباب وانا اقلك رندا:ما ابا منى:رندا بلا دلع فكي الباب في عندي لك مفاجئه حلووه رندا:مفاجئة ايش؟ منى:فكي عشان اقلك رندا وهيا تمسح دموعها وتوقف عشان تفك لمنى الباب:اهوه قايمه...وفتحت لها الباب... منى شافت شكل رندا والي باين انها كانت بتبكي... منى:رندا شوفيه وجهك هيك؟ رندا:مافيه شي بس كنت نايمه على وجهي ها شو المفاجئه؟ منى وهيا تدخل الغرفه وتقعد على السرير:مافي مفاجئه الا لمن تقوليلي ليه كنتي بتبكي؟؟ رندا:ماااكنت ببكي ماتفهمي منى:ماتقدري تكدبي عليا انا اختك واعرفك اكتر من اي احد في الدنيا رندا وهيا تجلس على السرير:اوووف ايش تبغي مني؟ منى وهيا تقرب من اختها وتمسك يدها:ممكن تقوليلي ايش الي مضايقك؟ رندا طالعت في اختها بإستغراب وقالت في نفسها معقوله مشاعري قد كدا باينه على وجهي وانا الي ما احب حد يعرف عني شي كيف عرفت اني متضايقهمنى لاحظت شرود اختها فضغطت على يدها بقوه اكبر عشان تحسسها بوجودها وقالت لها:انا ادري اصلاً بلي مضايقك رندا انصعقت بلي قالته منى ايش تدري معقوله تعرف اني احب رامي لالالا مستحيييل انا ماعمري بينت لها ولا بينت لغيرها.. منى كانت تطالع في كل ملامح رندا وتشوف تأثير كلامها عليها..ورندا كانت ساكته ماتتكلم... منى:رندا رندا...... منى:طيب ليه ماتصارحيني مو انا اختك؟ رندا:اصارحك بأيش؟ منى:صحيح اننا نضارب ونتريق دايماً بس كل دا طبعا مزح ولعب لكن مستحييل تقدري تخبي عني شي لاني اعرفك اكتر من نفسي والمفروض انك تعرفيني اكتر من نفسك رندا.......هيا واثقه بأختها وعلاقتهم قويه ببعض برغم كل الي يصير بينهم بس ماتقدر تقولها هالشي بالذات ماااتقدر.. منى فجئه:تحبيه؟؟؟ رندا بصدمه:مين هوا؟ منى:بلا بياخه انتي فاهمتني رندا:مين تقصدي؟ منى:رندا مو عليا يلا بسرعه قوليلي رندا:ما ادري ماني فاهمتك منى سكتت وقعدت تطالع في عيوون رندا بأصرار وتبغاها تتكلم... رندا مستغربه اصرار منى انها تعرف ورخت راسها لانه نظرات منى حتكشفها حتى لو ما اتكلمت... منى وهيا تسحب يدها من يد رندا وتبغا توقف:طيب براحتك...واتفاجئت بيد رندا ماسكه على يدها بقوه وماخلتها تروح.. منى ابتسمت ورجعت جلست:ها بتقوليلي يعني؟ رندا بتردد:اي..ايوه منى وهيا مبسوطه:طيب يلا رندا وهيا ترفع راسها وتطالع في اختها:ايش تبغيني اقلك يعني؟ منى:كل شي تبغي تقوليه رندا وهيا ترجع ترخي راسها:اممم ايوه احبه واموت فيه كمان بس منى وهيا مبتسمه:بس ايش؟ |
|
31-08-2005, 02:51 AM
|
#142 |
|
][§¤حلا ذهبي ¤§][
|
مشاركة: عمق القلوب....قصة واقعية
رندا والي شويه وتنزل دموعها رجعت ضهرها على السرير وانسدحت:هوا مايحبني
منى بإستغراب:وشو عرفك؟ رندا:باااين مرره منى:كيف يعني؟ رندا:يعني لو يحبني يبان من عيونه يبان من كلامه من تصرفاته لكن احس من تصرفاته وكلامه انه يعتبرني مجرد اخت او بنت عم لا اكثر منى وهيا تبتسم:طيب ايش رايك لو اقلك انه وصلك سلام مني لمن ماشافك جيتي سلمتي عليه رندا وهيا ترفع عيونها بدهشه وترجع ترخيهم تاني بخيبه كأنها اتذكرت شي:مايهمني لاني ادري انه يهتم فيا بس مجرد اهتمام بسيط وبايخ مايجي شي قدام حبي واهتمامي ليه منى...............سكتت وحست بعذاب اختها وقالت في نفسها مسكينه يا اختي مستحمله وساكته وتاكلي في نفسك... رندا وهيا ترفع عيونها تاني لمنى:بس خلاص منى بإستغراب:خلاص خلاص شو؟ رندا بأصرار:انا قررت شي ينهي كل هالعذاب منى بخوف على اختها:شو هالقرار؟ رندا وهيا تطالع في سقف الغرفه:قررت اني انسى شي اسمه رامي وانسى حبه وانسى وجوده في حياتي اصلاً منى:لاتتسرعي يارندا حرام عليكي تهدمي وتعذبي قلبك بي هالقرار يمكن هوا يحبك بس ماحب يبين لك رندا:لو كان يحبني كان حبني من زمان لكن لا يامنى انا قدامه دايماً ولا مره فكر فيني او فكر في مشاعره تجاهي كل الي يهمه نفسه وبس انا قررت خلاص مدام حبي ماله معنى عنده ليه انا اتعب نفسي على الفاضي راح ادعس على قلبي وامشي وما راح اسمح لأي احد انه يذلني او يزعلني منى:بس يارندا رندا وهيا تقاطعها:لا بس ولا غيره انا قررت منى:طيب اسمعيني انتي ولا مره بينتي له كيف تبيه يعرف؟ رندا:المفروض يحس ولو ماحس يعني مايستاهل هالحب لانه ماعنده قلب منى:طيب اعطيه فرصه اخيره الادمي مسافر وماهو اربعه وعشرين ساعه معاكي عشان يعرف او يحس على قولتك رندا:مدري والله منى:لاتستعجلي ودحين سيبي هالموضوع واهتمي بدراستك وترى محا ينفعك شي غيرها رندا وهيا تتنهد:ادري منى وهيا تبوس رندا على خدها:ياربووو على الي تعرف تتنهد خلاص لاتزعلي ولاتشيلي في بالك وزي ماقلتي مو اي احد يستاهل انك تزعلي نفسك عشانه خليكي رندوده الحلوه الي اعرفها رندا وهيا تبتسم لاختها:ان شاء الله منى:يلا عن اذنك انا بروح اكلم رهف قالت تبغاني في موضوع رندا وهيا تتوسع ابتسامتها اكتر:طيب لحظه انتي كمان ماقولتيلي؟ منى بإستغراب:اقلك ايِش؟ رندا وهيا تسوي نفسها تفكر:اممممم مين الشخص الي مسجل في جوالك بأسم عذابي؟؟؟ منى استغربت كلام رندا وقالت معقوله رندا شافت الرسايل اللي بيرسلها مازن... رندا:ههههههههههههه وحده بوحده كشفتيني لازم اكشفك منى:هههههههههههههههه لا ياحبيبتي لاتفهمي خطأ مافي شي من الي في بالك رندا بإستغراب:كيف يعني؟ منى:يعني اممممممم كيف اقولك رندا:مالي دخل زي ماقولتلك لازم تقوليلي منى:اممم تعرفي رهف طبعاً رندا:ايوه اكيد منى:قد سمعتي بأخوها مازن؟؟ رندا:ايوه سمعتها كم مره تتكلم عنه منى:طيب هادا الادمي يحبني من زمااااان من يوم عمري 15 سنه ودايماً مسكين يتذللي ويتوسلي عشان اعطيه وجه وانا مررررره ولا كأنه موجود في الحياه اصلاً رندا:اووه وبعدين منى:مره لمن كان عمري 16 سنه قلي بشكل غير مباشر انه يحبني وانا صرخت عليه وبهدلته وماخليت كلمه ماقولتله عليها |
|
31-08-2005, 02:53 AM
|
#143 |
|
][§¤حلا ذهبي ¤§][
|
مشاركة: عمق القلوب....قصة واقعية
وبعد كدا لمن كبرنا مدري من فين جاب رقم جوال واتصل عليا ووقتها كان يوم ما ماتت نهال وانا حطيت كل حرتي فيه وقتها
رندا:ياحراااااااام وبعدين منى:المهم اتوالت الاحداث بيننا وهوا للحين يحبني بس انا امممم رندا وهيا ترفع حواجبها بشكل مستغرب:وانتي؟؟؟؟؟؟؟؟؟؟؟؟؟؟؟؟ منى:ما ادري صراحه رندا بمكر: امممممم والله شكلك تحبيه منى بشوية حيا تحاول تخبيه:مو على احبه بس هوا فرض وجوده في حياتي بالقوه يعني غصبً عني لازم افكر فيه رندا:اهاااااا قولتيلي منى انحرجت من اختها مره وقامت عشان تروح لغرفتها:طيب انا بروح غرفتي افتح النت تبي بشي رندا:تتهربي يالدوبه اوريكي روحي روووووحي بس خلاص اصلاً عرفت منى:ههههههههههههههههههههه ...وراحت منى لغرفتها لقت اربعه ميس كول من رهف...وقررتتتصل عليها وتكلمها...... منى بدلع:الووووووووووووو رهف وهيا تسوي صوتها رجالي:احم احم منى انفجعت وخافت لايكون مازن وكانت حتسك السماعه بس رهف قالت... رهف:هههههههههههه يالدوبه خليج انا رهف منى:اوووووف الله يقطع ابليسك خوفتيني وربي رهف:ههههههههه شحالج؟ منى:بخير انتي كيفك؟ رهف:تمامووو منى:ههههههههههه رهف:وليه ماييتي اليوم المحاضره ماشفتج منى:والله كنت مرررره نعسانه وقلت في عندي صحبتي حبيبة قلبي رهوووف بتعطيني دفترها وانا اخد الملخص منه رهف:اهاااااااااا طيب طيب يالكسوله اوريج منى:ههههههههههه حرام عليكي والله اني مو كسوله بس كنت تعبانه من حكاية المزرعه ولخبطة النوم الي كانت فيها رهف:طيب مو مشكله بعطيج الدفتر لمن اشوفج بكره منى:تسلميلي يا احلى رهوووووووووف بالدنيا رهف:هههههههه الله يسلمج منى:طيب وشو اخر التطورات انا من اول نفسي اعرف؟ رهف:اممممم التطورات تتعلق بماجد منى:واللــــه وفين شفتيه وكيف عرفتي انه رجع وكيف وكيف؟ رهف:منــــــــــــــــــــــــــــــــى شوي شوي علي بليييز منى:هههههههههه طيب سوري يلا احكي رهف:شــوفي............وحكتها رهف على الي صارلها من يوم ماطلعت من الملكه الين اعترافها لأخوها... منى:وااااااااي ياربي من جد مصيبه كيف قدرتي تقولي لمازن كل هالكلام بركه منه انه ماذبحك ولا سوا فيكي حاجه رهف بفخر:والله اخويا حبيبي غيرر عن ريايل الكره الارضيه دي كلهاااا ومافي حد شراته وهوا كان متفهم معايا لابعد حد ووكمان وعدني انه راح يعدل الامور لاحسن من شذي منى بتفكير:اها رهف والي حبت تفتح حكاية مازن بما انه الوقت مناسب:منى منى والي حست انه رهف حتتكلم عن مازن:ها رهووف يلا عن اذنك بروح انااام رهف والي عرفت انه منى عرفت انها حتتكلم عن مازن قالت:مافي محا تنامي اول ابا ارمسج عن سالفة مازن منى.......... رهف:حرام عليج منى حني على الريال والله انه واايد متعذب انتي ماشفتيه لمن قلي يمكن تنصدمي من رمستيه ويمكن ما اتوقعتي بس لاني حبيت بصدق واعرف شعورج قلت شذي..ولمن قلي لازم اخليكم تنجمعو مع بعض واذا انا ماقدرت اتوج حبي بخليكم تتوجو حبكم وتنسعدوو منى........... رهف:والله يامنى وانتي تدرين اني اتجنبت هالموضوع اكثر من مره وحاولت ما افاتحج فيه بس خلاص والله حرام اخويه وااايد يحبج وانتي ماتقدري حبه قوليلي اذا انتي تفكري بانسان تاني او اذا انتي ماتشوفيه انسان مناسب لج انا بقوله يبتعد عن طريقج وانا بنفسي اروح وادور له على بنت الحلال الي ممكن تقبله من بعدج منى انصدمت من كلام رهف معقوله تزوج مازن...مازن يكون لوحده..غيري لالالا مستحيل ايش بتقول هادي..ايش اقولها دحين يوووه ياربي..... رهف والي عارفه انه منى انصدمت من كلامها:منى |
|
31-08-2005, 02:54 AM
|
#144 |
|
][§¤حلا ذهبي ¤§][
|
مشاركة: عمق القلوب....قصة واقعية
منى بصوت واطي:شو
رهف:لو اتقدم لج اخويا بتوافقي؟ منى انصدمت ابد ما اتوقعت هالكلام من رهف:ايش؟ رهف:ارمسج صج انا لو خطبج مازن بترضي ولالا؟؟ منى:تدري انه هالسؤال مستحيل اجاوب عليه بي هالسهوله رهف:ادري بس كمان ادري انج تحبيه منى:شووووووووو؟؟؟ رهف:ماتقدري تخبي عليا يامنى والله اعرف منى بأستسلام لانه ماتبا مازن يكون لوحده غيرها:اها رهف بخبث:يعني رمستيه صح؟ منى:امممممممم ايه صح بس رهف بفرح:وااااااااو بروح اقول لمازن بروح افرح قلب اخويه يااااااااااي منى:بنت اعقلي واسمعيني رهف والي تحاول تمسك نفسها من الفرحه:هاااا منى:لازم تعرفي الوضع بنسبالي كيف رهف:طيب ارمسي انا اسمعج منى:انا ليه كنت اصد مازن دايماً لانه ماجاني بالطريقه الصح انا بنسبالي لو كان يحبني يجي ويخطبني من اهلي..بس انه يتصل عليا ويكلمني ويطلب مني اني اتكلم معاه دا شي مستحيل اقبل فيه وانتي تعرفيني اني ما احب الخطأ ولا يمكن اسويه رهف:طيب لو قلتلك انه مازن دايماً يقولي نفسي اروح اخطبها واتزوجها بس كيف اتزوج وحده تكرررهني!! منى تشهق:ايش مين قال؟؟ رهف:والله هوا يقول ليه كان يتصل عليج بس عسب يعرف اذا انتي ممكن تقبلي فيه لو اتقدم لج او اذا في حد في حياتج عسب يعرف وانتي ولا مره عطتيه الفرصه ومع صدج الدايم له حس انج تكرهيه فتنازل على فكرة انه يتقدم لج منى سكتت من هول الصدمه ابداً مافكرت بالموضوع بي هالجهه دايما كانت تشوف مازن الانسان اللعاب الي يبغا يكلمها وبس ماعمرها فكرت انه يبغا يكلمها عن حاجه او انه يبغا يقلها شي مهم زي هادا وحست لأول مره بظلمها لمازن..... المهم في الليل الساعه 1.00 في المطار... امجد وهوا يحضن رامي:نشوفك على خير رموي رامي:على خير ان شاء الله امجد وهوا يهمس في اذن رامي:خلاص زي ما اتفقنا رامي وهوا يبتسم:اكيد ان شاء الله ابورامي:تروح وترجع بالسلامه ياولدي رامي وهوا يحضن ابوه:اشوفك على خير يابويا ابورامي:الله يوفقك يارب رامي:اميين خالد وهوا يسلم على رامي:يالله تروح وترجع بالسلامه يابو الشباب رامي:تسلم ياخالد يالله ادعولي خالد + امجد:الله يوفقك رامي:باااااي الكل:الله يحفظك.......وسافر رامي لأمريكا...... |
|
31-08-2005, 04:52 AM
|
#145 |
|
(حلا متميز)
 
|
مشاركة: عمق القلوب....قصة واقعية
يسلمووووووووو اختي البريئه على التكمله وننتظر المزيد
اختج بنوتة ابوها |
|
|
|
|
31-08-2005, 05:21 AM
|
#146 |
|
(حلا متميز)
 
|
مشاركة: عمق القلوب....قصة واقعية
مشكورة
أختي باقي شوية وأشبع كملي عشان أشبع أخوك (( الصغير )) الجني |
|
01-09-2005, 05:50 AM
|
#147 |
|
(حلا متميز)
|
مشاركة: عمق القلوب....قصة واقعية
بليييييييييييييييييز البريئه وينج اليوم نطرتج وانتي ماشبكتي بليييييييييييييييز كملي القصه عسى المانع خير
اختج بنوتة ابوها |
|
|
|
|
01-09-2005, 10:25 PM
|
#148 |
|
(حلا متميز)
|
مشاركة: عمق القلوب....قصة واقعية
البريئة والله الجميع قلقانين عليك
عسا المانع خير ونتمنى ان تكوني في أحسن حال أخوك الجني |
|
02-09-2005, 03:13 AM
|
#149 |
|
][§¤حلا ذهبي ¤§][
|
مشاركة: عمق القلوب....قصة واقعية
ياهلاااااااااااااااااا والله
اعتذر على التاخير بس عشانها حاشتني نوبة تعب وهذاني طبت ;) صح انتو قلقانين علي ولا ااااا على القسه ؟ :D مشكوريييييييييييييييين على السؤال يااحلى اعضاء بالمنتدى تحياااااااااااااااتي لك بنوتة ابوهاااا وتحياااااااااتي لك الجني البريئة : :cool: |
|
02-09-2005, 03:16 AM
|
#150 |
|
][§¤حلا ذهبي ¤§][
|
مشاركة: عمق القلوب....قصة واقعية
*&*الرابع والثلاثون*&*
اليوم الي بعده الساعه 12.00الظهر.. ناصر:مازن مازن:هاااه ناصر:ممكن تسيب هالكمبيوتر وتطالع فيا شويه مازن وهيا يسيب الكمبيوتر ويطالع في ناصر:ها خير سبته ايش تبا؟ ناصر:امممم ابغا اكلمك بموضوع مازن:وماحبك هالموضوع الا في العمل كان صبرت الين ما ارجع البيت وقولتلي هوا هناك ناصر:ما اقدر في البيت في رهف ومحا تخلينا لوحدنا وانا ابغا اقلك الموضوع بدون ماتعرف رهف مازن:طيب يالذكي في اختراع اسمه تلفون جوال اي شي العمل ماينفع نصور ناصر:عمييييييي بليز كلها كلمتين مازن:طيب قول بسرعه واختصر ناصر:امممم ابي اخطب مازن وكأنه ماسمع:ايش؟ ناصر:اخطبببب ارفع صوتي اكثر عشان يسمعونا الناس مازن:بس ياناصر انتا لساتك صغير ومين الي بتقبل فيك وانتا طالب ناصر:مازن نسيـــت اني اشتغل في شركة الوالد مازن:حتى ولو برضو تعتبر صغيررر ناصر:عمييييييييي لاتقولي صغير ماني صغير عمري 20 سنه وتقولي صغير مازن:اوووووف طيب مدام رأيي مو عايبك ليه ياي ترمسني ناصر وهوا يرخي راسه:لاني صراحه ما اقدر استغني عن رأيك ورأيك يهمني مره وحتى كمان انتا اول واحد اقوله على ا لموضوع مازن حس انه ناصر يهمه الموضوع مره:طيب انتا منشن على احد ولا بس تبا تخطب والسلام؟ ناصر:الا مازن:الا ايش؟ ناصر:امممم منشن مازن:ههههههههههههه يا واد والله وطلعت خطير منشن وحركاات ناصر:ماااازن لاتتريق مازن:طيب بنت مين؟ ناصر:اخت امجد وخالد؟ مازن:مييين؟ ناصر:اخت امجد وخالد...صحبت رهف يعني.. مازن انصدم انصعق مافي اي كلمه في العالم ممكن توصف شعوره...مازن في نفسه..منـــــــــــى..منى حب |
 |
| مواقع النشر (المفضلة) |
| الذين يشاهدون محتوى الموضوع الآن : 4 ( الأعضاء 0 والزوار 4) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| قصة واقعية | حزينه^وحيده | مجلس حلا للقصص والروايات | 4 | 15-11-2005 10:42 PM |
| قصة واقعية | smaaelhaq | مجلس حلا للقصص والروايات | 3 | 24-08-2005 11:03 AM |
| قصة واقعية | SARAH539 | مجلس حلا للقصص والروايات | 7 | 09-07-2005 10:08 AM |
| قصه واقعية | الريـــــــــــــــــــم | مجلس حلا للقصص والروايات | 2 | 19-04-2005 11:18 AM |
| معاناه واقعية | هاجر العدواني | مجلس حلا للشعر وهمس القوافي | 3 | 30-03-2005 03:29 PM |
العرض العادي
