|
|
|
|
|
|
21-08-2005, 03:35 AM
|
#1 |
|
][§¤حلا ذهبي ¤§][
 
|
مشاركة: عمق القلوب....قصة واقعية
مستوى الاتنين مررره وحده ولمن علقت الابله ونبهتم بشكل اكبر للموضوع...........
وفي سياره بتمشي على الكرونيش في جده........وبأعلى صوت اغنية دلوعه حقت نبيل شعيل....(( http://music.*****.com/nabeel..dalloo3a.ram )) ((مدام حلوه ياقلبي دلوعه لازم تصير ياقلبي سير عليها تستاهل انك تجيها مدام اهيا ما تسأل روح انتَ واسأل عليها ياقلبي انت الكبير صالحها يعني شصير مدام حلوه ياقلبي دلوعه لازم تصير ياقلبي سير عليها تستاهل انك تجيها مدام اهيا ما تسأل روح انت واسأل عليها صالحها في نظرتين وخذ لها وردتين ياقلبي والله البنات تسحرهم بكلمتين ياقلبي سير عليها تستاهل انك تجيها مدام اهيا ما تسأل روح انت واسأل عليها )) هااااايم مازن في هالاغنيه وهوا يشوف علاقته بأخته وبلي صاير بينهم صار لهم كم يوم ما اتكلمو مع بعض كلمه وحده ودا شي صعب مره على مازن لان رهف اخته الوحيده ودلووعته وحبيبة قلبه وما اتوقع بيوم بتوصل علاقتهم لدى المستوى....فلمن سمع دي الاغنيه حركت شي في نفسه فقعد يغني معاها ويقوول.....ياقلبي انت الكبير صالحها يعني شصير مدام حلوه ياقلبي دلوعه لازم تصير......ولمن جا مقطع ((صالحها في نظرتين وخذ لها وردتين ياقلبي والله البنات تسحرهم بكلمتين))قال فكره ليه ما اصالحها بطريقه حلووه انا والله ما اقدر على زعل اختي...... وراااح طيراااان على مشوااااار لاااازم يسويه ومفاجئه محضرها لأخته بتخليها غصبً عنها وعن الي خلفوها بترضا......... وبعد يومين في المدرسه.... .رهف قررت تصالح منى لأنه مستحيل تخليها على دا الوضع ومنى ما تستاهل كل دا والموضوع ماعاد صار متحمل اكثر من كدا مستقلبهم وصداقتهم اهم من انهم يضيعوها من شان موضوع يمكن في نظر الناس تافه بس عند رهف كبيرررر وكبيرر مرره كماااان بس خلاص ماعاد له قيمه قدام صداقتهم الصادقه والقويه....المهم رهف قررت تصالح منى بأي طريقه وبأي وسيله واتفقت مع لجين لمن ينزلو البنات للفسحه تخلي منى في الفصل وتقلها انها تبغا تكلمها كلمتين بعيد عن البنات وفعلاً كلمت لجين منى واتفقت معاها...... لجين:رهفففف خلاص يالله بسررررعه روحي انا قلتلها دحين اجي روحي لها قبل ماتغير رأيها رهف:طيب مع السلامه وتروح رهف للفصل وتدخل وتسك الباب وراها......وطبعا منى مو منتبها لانها منزله راسها على الطاوله وماهي منتبهه لشي واصلاً في بالها انه لجين هيا الي بتكلمها مو رهف....... تروح رهف الين عندها وتمسح على شعرها بيدها....منى ترفع راسها وتنصـــــــدم بقووووووووه لمن تشوفهاااا رهف...... رهف بصوت حنوون وناااعم:كيفج وشخبارج يامنى<<<منى تموووت على لهجة رهف الامارتيه فحبت تبسطها لمن كلمتها منى استغربت ايش صار فيها هادي اليوم...... رهف:انا اسألج كيفج منى الي دوبها استوعبت:هااا الحمدلله عايشه منى.......... رهف:طيب ما بتسأليني كيفي منى استغربت ايش تبغا هادي اليوم:ما يحتاج شايفه حالك انصدمت رهف منها بس برضو مصره تكمل..... فجابت كرسي وقعدت قدامها... وطااال السكوووت وقعدة رهف تقول في نفسها ياااربي مو لازم اضيع هالفرصه يااربي ايش اقلها......وفجئه قطعت جدار الصمت بكلمه ماكانت تتوقع تسمعها منى.... رهف:وحشتيننننييييييييي ياوحشـــــــه منى؟؟؟؟؟!!!!!!!!!!!!!!!!!!!!!!!!!!!!!!!!!؟؟؟؟؟؟؟؟؟ ؟؟؟؟؟؟؟؟؟؟؟؟ منى حست بالفرح من محاولة رهف لتعديل الوضع بس قالت بتحفظ غرورها وكرامتها الي باقيه لها ماهي ناقصه تنهان منها زي كل يوم.... رهف:يعني انا ما وحشتج صح منى بدون ماتفكر:الا طبعــ....ووقفت ماكملت الكلمه نسيت انها زعلانه وماتبغا تبين انها تبا تتصالح معاها.... رهف:هههههههههههههههههههههههههه ادري اني وحشتك اصلاً غصبً عنك لازم اوحشك منى حست انه رهف تبغا تراضيها من جد بس منى حبت تكابر.... منى:ايش تبغي يارهف؟؟ رهف:ابغا صديقتي منى ممكن اكلمها لو سمحتي منى:وانا ايش شايفتني خيالها رهف:امممم لامو خيالها بس يمكن ظلها ههههههههههههااااااي منى:ياخفة دممممك رهف:انا دحين بـأتكلم من جد ممكن اكلم صحبتي وحبيبتي ورفيقة دربي وحياتي منــــــــى منى:دحين صارت حبيبتك ورفيقة دربك وحياتك هااا.....؟؟؟؟؟؟؟؟ رهف:من زمااااااان بس الي صار كان اقوى مني ومنها وانا دحين ماراح اسمح للي صار بأنه يستمر لانه بصراحه ما اقدر اعيش بدون منى ولاهيا تقدر تعيش بدوني منى:بالله شووو مين قلك اني ما اقدر اعيش بدونك رهف تأشر على قلبها وعيونها وتقول:قلبي وعيوني...الدموع الي اشوفها في وجهك كل يوم والالم الي احس فيه واحاسيسي ومشاعري تجاه اغلى انسانه عندي عمرها ماتخيب منى ماقدرت تستحمل حست نفسها بتبكي اخيـــراً فهمتها رهف....... رهف:والله العظيم والله والله هيا شوفي كم مره احلف واللللللللللله ماااااااااا اقدر ااعيش بدوووووووونك احبــــــــج يابنت اللذينا ايش اسوووي في نفسييي ما اقدر اتحكم في قلبي منى شويه وبتمووووت من الضحك على حركاات رهف والطريقه الي تتكلم فيها....... منى:هههههههههههههههههههههههههههاااااي رهف:اللللللللللللللللللللللللللللللللللللللللللللل للللله زمااااااااااااااااااااااان ما سمعت دي الضحكه الحلوووووووه يااااااااربيييي فدييييييتج وفديتتتتتتت ضحكتج الحلوووووووه وتقوم منى لاشعورياً وتحضن صحبتها....... منى:اشتقتلج بكل مالي الكلمه من معنى ههههههههههههههههه رهف:حلووه اشتقتلج منك زي العسل وبعدين افاااا عليك كم رهف عندك اكيييييييد لازم تشتاقيلي<<<ياحبهم هالبنات للغرور وتضرب منى رهف ضربه بسيطه على كتفها:عندي الففففففففففف بدل الوحده رهف:بس كلهم ما يسووني هههههههههههههههه صح<<<ياشين الثقه بس منى تغمز لها:صحححييييييين ههههههههههههههههههههه منى:الله يخليك لي ولا يحرمني منك يااااااارب رهف:امين ولامنك......ها خلاص راح الزعل مو كدا منى:راح من عندي بس الاهم يكون راح من عندك رهف تتنهد:من جهتك رااح من زماااان بس غرورك هوا الي قاتلنا منى:اي غرور رهف:مدري عنك المهم منى:لحظه قبل المهم حقتك هادي اذا بتسأليني عن....ماعندي جواب وترفع رهف حاجبها وتقول في نفسها رجعناااااااا ياطير للي رهف:منىىىى ما بسألك خلاص اوكي الموضوع دا انا نسيته وانتهى الموضوع منى:من جد......... رهف:اجل من عم ايوه من جدين كمان انا كنت بسألك ايش سويتي في اختباراتك منى:زفــــــــــــــــــــت رهف:ليييييييييييييييييه؟؟؟؟؟؟؟؟؟ منى:بس كدا كانت نفسيتي ايام الاختبارات مرررررره تعباانه....وانتي شو عملتي رهف:برضوووو زفت في الاسبوع الاول اما التاني فالحمدلله منى:رهف ابغا منك وعد رهف:وعد ايش منى:ابغاكي توعديني انه مهما صار ما تتأثر صداقتنا ابداً وماتعلقي وتربطي صداقتنا بأشياء تانيه ونقعد اصدقاء طوووول العمرررر ممـــــــكن رهف تبتسم:ممكنين يالغاليه ويلا امشي جيعااااانه ابغا اروح اشتريلي شي اكله منى وهيا مبسووووووطه:يلاااااااااا وينتهي اليوم في المدرسه على خيـر....... وترجع رهف البيت وتدخل ماتلاقي احد تدور وتدور مافي احد..... رهف:فييييينكم يا اهل البيت غريبه فين اختفو دول بس يلا احسن خليني ارتاح وتروح على غرفتها وتفتح النور...........وتتفاجــــــــــــــــــئ بي........ |
|
21-08-2005, 03:36 AM
|
#2 |
|
][§¤حلا ذهبي ¤§][
|
مشاركة: عمق القلوب....قصة واقعية
*&*الجزء الحادي عشر*&*
دخلت رهف غرفتها وهيا مستغربه من اهل البيت فين اختفو وتوصل لغرفتها وتفتح الانوار وتتفاجئ.........بالدباديب الرهيبه والقلوب الحمره وباقات الورود الحمره المنتشره في كل مكان.... كانت الغرفه رووووووووووعه وشي جناااااان بنسبى لرهف لانها تمووووت على الدباديب والورود الحمره الرهيبه الي زي المحطوطه في الغرفه دخلت اول خطوه للغرفه وهيا بكامل الذهول والاندهاش.......ومن يوم تحط رجلها داخل الغرفه تسمع اغنيه احد شغلها على الاستريو....وكانت هيا اغنية طلال سلامه رضا والله وراضيناك.... ((http://songs.*****.com/salamah..ratheenak.ram)) فدخلت الغرفه على انغام هالاغنيه الي تحبها رهف موووت وقعدت تشوف الاشياء المحطوطه وهيا مسحوورره على الاخر وفي بالها مين الي جاب كل دا معقووله يكون مازن حاب يراضيني فعملي هالحركات بس ما اعتقد هوا ما غلط في شي وانا الغلطانه ليه يراضيني..... رهف بصوت مسموع:غريبه من سوا كل دا......ويقطع عليها كلامها اغنيه تانيه الله لايجيب الزعل بينك وبيني لراشد الماجد((http://songs.*****.com/rashid..alla....ram))......رهف مين دا الي بيتحكم في الاستريوو اكيييد بالرمووت......رهف خصرت الاغنيه وخصرت الدباديب وقررت تعرف مين الي بيسويلها هالحركات وقعدت تدور وتشوف من فين بيتحكم الشخص دا من الاستريو وهيا في نفسها متأكده انه مازن لان اولاد اخوانها مايجو عندهم هالايام وهما صحيح يحبوها ويحبو يفاجئوها ويسوولها حركات بس ماتعتقد انهم هما ومافي غيره مازن....وفي الاخر تاهت ومالقته....... رهف:مااااااازن اطلللع خلاااااص عارفه انه انتا مافي احد غيرك يسوي دي الحركات ..........:ها راح الزعل رهف؟؟؟؟؟؟؟؟؟؟؟؟؟!!!!!!!!!!!!!!!!!!!!! من فين بتتكلم ..........:من الاستريو هههههههههههههههااااااي رهف:وي كيف بتكلمني منه .......:هههههههههه بالمكرفون الا سلكي ياغبيه رهف:لا والله طيب ليه ماتوريني وجهك الحلوو البشوش مازن وهوا يطلع من وسط دولاب الملابس:من جد انا وجهي حلو وبشوش......ويرسم ابتساااامه كبييررره على وجهه<<<بس هالابتسامه تقهر رهف وتسميها الابتسامه الصفرا رهف:مين قال انك بشوش وحلو وبعدين شيل هالابتسامه الصفرا وووووععععععععع شكلك يصير فيها تحفه تقول شويه وينشق فمك هههههههههههههههههااااااي مازن:يؤ يعني طلعت من مخبئي على الفاضي رهف:لا والله وانت اصلا مين سمحلك تدخل دولابي هاااا مازن:اقوول انا من الصبح وانا اظبط لك في الغرفه وارتب واحووس وفي الاخير تقوليلي كدا بدل ماتشكريني وتبوسي يدي على الاشياء الي لو تموتي محد يسوها لج حتى زوجك المستقبلي تلاقيه بيشيلك ويحذفك من الطاقه لو زعلتي رهف ماتدري:هههههههههههههههه لا والله ما اموت انا بس أأشر والكل يلبي هههههههههههههااااي مازن يغير من ملاحمه ويصير جدي:بجد رهف عجبتج الاشياء ولالا رهف تبغا تقهره:لااااااا وععععععع ايش دا ذوقك مو حلووو مررره مازن انقهر:طيييييييب انا الغلطان الي اعبرك اصلا وبعدين دا مو ذوقي دا ذوقج انا جبتلك الاشياء الي تحبيها وتعجبج يعني المفروض تطيري من الفرح مو تبوزيلي كدا وجع تقهرررري رهف:هههههههههههههههههههههههااااي مازن؟؟؟؟؟؟؟؟؟؟؟:وبعد الهههاي هادي ايش رهف:بعدها....ويقطع عليها كلام رنة جوالها...... رهف وهيا ترد على الجوال:بعدها الوووو .........:شو بعدها الووو هادي رهف:هههههههههههاااييي بعد الههههاي .......يؤ ماني فاهمه شي رهف:احسن لاتفهمي شي مازن:بتكلمي مين انتي رهف:انت مالك دخل مازن مررره مقهوور منها سوا لها كل دا وما قلتله شكرا حتى وبعدين تقعد تهزئه كدا قدام الي بتكلمه......... رهف:ههههههههههههههههههه والله انك رهيبه يامنـــــــــــــــــــــــى<<<تقولها بطريقه غريبه عشان توضح بس لمازن مازن نط من مكانه لمن سمع منى وفتح عيونه وفمه على الاخر...... رهف:ههههههههههههههههههههههههاااااايييي دقيقه منى الادمي الي هنا اتخبل خليني اشوفه.....هيييييييي انت ايش صار لك مت ولا لسه مازن:يؤ وليه امووت؟؟؟!! رهف:وانا ادري شوف كيف صار شكلك لمن قلتلك منى مازن:هااا لا انا بس استغربت...مو هوا انتي كنتي متزاعله معاها كيف صرتي تكلميها رهف:زي ما انا بكلمك دحين مازن مافهمها في البدايه بس في الاخر فهم انها خلاص ماهي زعلانه ففرح وراح باس راسها وطلع من الغرفه..... رهف؟؟؟؟؟؟؟؟؟؟؟؟؟؟؟!!!!!!!!!!!!!!!!!!!.......... رهف:اتخبل الولد بسم الله عليه منى:هييييي انتي سايبتني ملطوعه ساعه ولا تردي رهف:معليه بس اخويا اتجنن اليوم منى والفضول اكلها بعد ما سمعت اسم مازن بالموضوع:وليه يعني شو عمل؟؟؟ رهف:هههههههههههههه انا اول كنت متزاعله ومتخاصمه معاه هوا كمان واليوم لمن رجعت من المدرسه دخلت غرفتي وفتحت النور لقيت الغرفه ملياااااااانه دبايب كبيره وصغيره و اشكالها تجنننننننننن وباقات ورود حمرررره خطييرررررره وكم قلب احمررر يعني الغرفه كان شكلها جنااااان منى:واااااااااااااااااااااااو رهف:اصبري بعدين لمن دخلت الغرفه من يوم ماحطيت رجلي جوتها اشتغل الاستريو بأغنيه رضا والله وراضيناك تعرفيها صح منى:ايوه وبعدين رهف:بس قعدت احوس في الغرفه واشوف الاشياء وفجئه تتطلعي اغنيه تانيه حقت الله لايجيب الزعل بينك وبيني امممم مين يغنيها ايوه راشد الماجد وبعدين قعدت اقول مازن اطلع ومدري ايش فصار يتكلم من الاستريو منى:كيف يتكلم من الاستريو رهف:يعني متخبي في الغرفه ويتكلم بمكروفن لا سلكي منى:اهاااا ايوه وبعدين رهف:وبس في الاخر طلعلي من دولاب ملابسي وقعد يتريق ومدري ايش ودوبه باس راسي وراح ههههههههههههه منى:واااااااااااااااااااااااااااااااااو فيري كوووووول رهف:ايوه والله فيري كوول تدري هالولد خطيررر رومنسي وعاطفي بشكل رهييب يالله الله يهني فيه زوجة المستقبل ولو انها يعني بتاخد مني احسن اخو واااااء<<<<تقول هالكلام بطريقه شوي شوي فيها تلميييح منى حست انه رهف بتلمح على حاجه بس ما علقت..... منى:طيب ما قولتيلي على شو مناسبة كل دا رهف:ههههههههههههه يبغا يراضيني بس انا ما عطيته وجه منى:يؤ حراااام عليكي بعد كل دا والله انا لو مكانك اقوم احضنه وابوسه<<<انتبهت رهف للكلمتين الاخيره بس منى تقصد لو اخوها يعني رهف:ههههههههههههههههههههههه منى:شو يلي بيضحكك رهف:ههههههههههههههه ماشي بس افتكرت شي يضحك منى:هههههههه شو يعني ماشي هادي انا اعرف الناس يقولو ولا شي رهف:ههههههههه يعني مافي شي يضحك منى:اهاااا فهمتك يالمزدوجه رهف:ايش مزدوجه هادي منى:ههههههههه يعني 60% سعوديه و40% امارتيه يعني لهجتين في وحده ههههههههااااي رهف:ايه انا اصلاً حركااات منى:ادري واحلى شي فيك لمن تتكلمي اماراتي بس الله يهديك ماتتكلمي كتيـر رهف:عاد ولا يهمج من اليوم ورايح ما اروم اتكلم الا اماراتي هههههههههههههه منى:ههههههههههه شطوره اقلك دقيقه رهف:طيب منى:هااا نعم ايش تبغى امجد:جي اتلقف انا حر منى:لا والله امجد وهوا يجلس على سريرها:ايو والله من جد يلا خلصي مكالمتك وانا اتفرج عليكي منى:شايفني تلفزيون ولا فيلم لا لو سمحت اطلع برى ما اعرف اتكلم واحد معايا في الغرفه امجد:اقول اقلبي وجهك يالله انا اخوكي وحر اسوي الي ابغا منى:وخير ياطير اخويا يعني ملكتني امجد:لا مو ملكتك بس مسؤول عنك وحر اسوي فيك الي ابغا منى:بالله شوووو طيييييب يالمسؤول عني فارق بكلم صحبتي امجد:ايش اسمها؟؟؟؟؟؟ منى:وانت ايش دخلك بأسمها!!!!!! امجد:بس كدا يمكن احبها ولا اتزوجها مستقبلاً ههههههههههه منى:هههههههههههههه لا والله طيب يالحبيب فاااارق امجد:لوتموتي على قلبك |
|
21-08-2005, 03:37 AM
|
#3 |
|
][§¤حلا ذهبي ¤§][
|
مشاركة: عمق القلوب....قصة واقعية
منى:اووووووف........الووو اقوول حبيبتي رهف مطره اقفل اخويا مطفشني تامري بشي
رهف:اوكي لا سلامتك خليك برايك انا اصلا ابغا اناااااام منى:اوكي يلا بايووو رهف:بايات امجد:هههههههههههههههههه بس برضو عرفت اسمها الللللللله رهف حلووه اسمها يجنن على الاقل احسن من منى ووعع شو دا منى هههههههههههههه منى:هيههيهي يافرحتك يعني انت الي اسمك يجنن مووت اسكت بس اسس اصلاً اسم منى احلى من اسمك بألف مررره امجد:والله امجد اممم امجد اسم كله موسيقى ونغم ورووعه وجمال زي صاحبه ههههههههههههههههههههه منى:ههههههههههه والله انك اهبل اقول ماتبغا تذاكر شو الي خرجك من غرفتك غريبه مو بالعاده امجد:والله طفشت ومليت وبعدين ياحبيبتي انا ما بذاكر حبً في دي المذاكره الحلوه والي تخلي الواحد يتجنن عليها انا اذاكر عشان مستقبلي مو زيك مطيحه امسك ويومك منى:يااااااااربي بدا ابو الفلاسف امجد:ههههههههههههههه اوكي انا بطلع منى:يكون احسن امجد:والله مو عشانك بس عشني رايح لـ مي تقول تبغاني في شغلة منى:شغلة شووو؟؟ امجد:شو يعرفني هيا قالتلي تعال وبتعرف يلا عن اذنك ما ابغا اتأخر عليها بايووو منى:اوكي بايات ويطلع امجد ويروح لـ مي ويقضو اشغالهم .................................................. ...................................... .................................................. ..................................... ******وبعد سنتين من كل هالمواقف اتغيرت اشياء كثير من ضمنها******* في بيت ابو خالد: منى وامجد دخلو الجامعه وصارو تاني جامعه امجد جاب في الثنوي مجموع عالي جدا ((98.8))دخل قسم الطب ومنى جابت ((94.2))و دخلت قسم فن ديكور....ورندا دخلت الثنوي طبعا وصارت تالت ثنوي......وخالد الغايب الي محد يدري عنه الا فين وفين مارجع البلد من داك اليوم غير مرتين سلم فيها على اهله ورجع تاني.....ومي ورائد قعدو على حالهم واحمد وفهد على حالهم مضاربات ومخاصمات كل يوم ... احمد صار سنه اولى ابتدائي بس برضو ما تغير حاله ولا لهجته مازال طفل كأنه عمره خمسه سنين مو سبعه وفهد صار سنه تالت ابتدائي وبدا يحسب نفسه كبير وما يقعد الا مع الكبار ودايماً يعمل فيها الاخو الكبير على اخوه ودا حالهم كل يوم....... في بيت ابو محمد: لمى دخلت الجامعه اول سنه قسم حاسب آلي وصارت تقريباً قريبه من منى اكتر لانها دامياً تشوفها بالجامعه...... وابو محمد صحته اتدهورت الفتره الاخيره وصار يتعب كتير في الفتره المؤخره واغلب اوقاته في المستشفى وما صار يروح شركة العيله واعطا مسؤوليته لأخوه ابو رامي وام محمد صارت طول الوقت مع جوزها وخايفه عليه ولمى بعد كل الي حاصل لهم اتعلقت في ابوها وامها اكتر وصارت كل يوم لازم تسلم على راسهم وتقعد معاهم تشوف احوالهم كل يوم قبل ماتروح الجامعه تقعد معاهم وتفرفشهم الين ماصارت بسمة البيت الي لا ابو محمد ولا ام محمد يقدرو يستغنو عنها ودايما تحاول ترفع معنويات ابوها الي صارت جداً واطيه بعد ما قالوله الدكاتره انه صحته جدا تعبانه ولو قعد على هالوضع وهالنفسيه راح يتهدور اكتر....... في بيت ابو رامي: ماصار عندهم جديد رامي ولدهم الي الى الان في غربته يجيهم مره بالسنه ويطمن على احوالهم وابو رامي في البدايه كان زعلان مررره على فراق ولده الوحيد لكن في الاخر اتعود وانشغل بالشغل لانه صار عنده مسؤوليه كبيره في شركة العيله بعد ما اتقاعد ابو محمد وفي بيت رهف: رهف ظل حالها زي ماهيا حب ماجد في قلبها متأصل ومتعمق وماهي مستعده تتنازل عنه برغم انه الكتير حاولو يدقو هالباب كم مره لكنها رافضه رفضاً باتاً احد يدخل قلبها لانه محجووووز.. رهف دخلت الجامعه مع منى طبعا بعد ماجابت نسبة((91.9))بسبب حالتها النفسيه الي كانت متدهوره ولا هيا كانت من الممكن تجيب اعلى من كدا المهم دخلت مع منى فن ديكور وعلاقتها بمنى زي ماهيا قويه....صادقه...عميقه.....مترابطه.... ومازن الي حاله مستقر حالياً اشتغل وصار موظف في بنك لكنه دايماً يفتكر منى لكنه يحاول ينسي نفسه اسم منى ويمحيه من خياله وباله لانه ما يبغا يتعلق في حبال الاوهام والاحلام زي ما قالتله هيا اخر مره....... ونرجع لأحداثانا............... هاني:هييييييييييييي انت يا ابو الشباب .............. هاني:مااااااااااازن فين وصلت مازن الي كان مره مو منتبه له كان في عالم تاني في عالم احلامه وذكرياته قعد يفتكر اخر ذكرى له مع منى ويوم ما كلمها ------------------------------------ مازن:طيب ليه يامنى لييييييييه تحطميني وتهدميني منى:يامازن كم مره قلتلك انا مو مستعده اربط نفسي بحبال الهوى والاوهام والاحلام انا احب اعيش في الواقع وغير الواقع ما ابغا مازن:منى هادي تالت محاوله ليا يامنى لاتحطميني وتنهيني مهما كان الي انتي تبغيه منى:مازن انا قلتلك رأيي في هالموضوع سابقاً وانت مجرد اخ زي ما اختك هيا اختي مازن:طيب يامنى انتي حره وانا ماعمري احب افرض نفسي على اي انسان مهما كان انا اعطيتك هالفرصه بس خلي في بالك انك انتي الي حطمتيهاا ونهيتي كل شي حلو كان من الممكن يكون بيننا منى............ مازن اصلاً ما انتظر منها جواب وقفل السماعه ----------------------------- مازن في نفسه انسانه ماعندها ذرة دم ولا احساس كيف ماتفهم اقلها احبك تقولي مدري ايش الله ......اووففف ايش اقول بس ما اقول غير الله يوفقها وحياتها ويسعدها حتى لو انا بعيد عنها ويقطع تفكيره ضربه على كتفه..... مازن:احححححححححححح ايش في ايش تبغا هاني:ليا ساااااعه اتكلم ولا تعبرني فين وصلت مازن:اوصل محل ما اوصل انت اشلك ياخي هاني:مااااااازن لساتك بتفكر فيها ماتعقل انت بعد كل الي قالتلك هوا كمان بتفكر فيها خلي عندك كرامه ياخي<<<هاني عارف بالموضوع وهوا صاحب مازن من زماااان وعارف عنه كل شي...... مازن:مين قلك اني كنت بفكر فيها بس هموم واشغال الدنيا ماترحم احد وانت اشلك اصلاً هاني:علينااااااااااا مازن:ايوه علييييكمممم يلا اهمد عندي شغل هاني:طيييب طيييييب خد راحتك على الااااااااااخر بس لاتقولي بكره ليه ماقولتلي وليه ما اخدتني معاك ومدري ايش..... مازن:لييييييييه ايش صار وفين رايح هاني:هههههههههههههه اشتغلت اللقافه مازن:هيا انقلع ما ابغا اعرف شي تبغا تذلني ما شاء الله هاني:لا ياحبيب قلبي ما عاش من يذلك بس بمزح معاك مازن:طيب ايش موضوعك قلي بسرعه وفكني هاني:طييييييب امممم كم تديني عشان اقلك مازن:قرش ينفع هاني:لالالا مررره ما ينفع قرشين يكفوو مازن:هاااااني ترى والله طفشتني هاني:خلاص طيب بقولك مازن:ايش تستنى قووووول هاني:رايحين انا والشباب ناخد فله في وحده من الكباين على البحر ونقعد فيها كم يوم وننبسط ايش رايك تجي معانا مازن:والله طب حلوو خلاص اجل احجزولي معاكم مكان هاني:خلاص اوكي ويلا اس اس شوف جا المدير باي مازن يضحك على خبال صاحبه ويكمل شغله بهدووء...... وفي عالم اخر في امريكا وتحديداً عند رامي في شارع فاضي وبسياره تنطلق زي لمح البصر..... تامر:راااااااميييييي هدي السرعه شووويه الله يخليك بتموتنا ياخي رامي وهوا بنطلق بسيارته بأسرع سرعه بالكون:اسكت انت بس طوني:شو هيدا يارامي بتموتنا هيك مو معقووله هالسرعه رامي:قلتلكم اسكتوووووووووووووووو تامر:راااااااااااااااااااااااااااااااااااااامـــــ ـــــــــــــــــي انتبــــــــــــــــــــــــــــــه............. |
|
21-08-2005, 03:38 AM
|
#4 |
|
][§¤حلا ذهبي ¤§][
|
مشاركة: عمق القلوب....قصة واقعية
*&*الجزء الثاني عشر*&*
لمى:يسعد صباح احلـــــــى اب في الدنيااااا كلهااااا ابو محمد وهوا مبسوط:ياهلا والله حبيبتي يسعد صباحك لمى:هلا فيك كيفك يا ابويا اليوم ابو محمد:بطلتك الحلوه هادي صرت تمام التمام لمى:ان شاء الله دوووووووووووم يااارب ابو محمد:الله يخليك يارب...ها منتي رايحه الجامعه اليوم لمى وهيا ماده بوزها:ليه تبغا تفتك مني<<<يعني تمثل دور الزعلانه ابو محمد:ماعاش من يفتك منك حبيبتي وبعدين احد يفتك من عمره وحياته ماتجي ام محمد:احم احم لمى:ههههههههههههههههههاااااي بدت الغيره بدت ام محمد:غيره في عينك انا اغار من وحده زيك لمى:ايوه والله صح ماتنفع احد يغار من القمر ماتجي والله ههههههههههههههههااااي ام محمد:ياااااشين الثقه بسس ابو محمد:هههههههههههههه من متى انتي هنا يا ام محمد ام محمد:من يوووم مابدا الغزل الي عيني عينك حياتي وعمري وانا فين رحت ابو محمد:في قلبي فين يعني هههههههههههههه لمى:لااااااا يابويه ماينفع تلعب على الحبلين انتا ام محمد:هههههههههههههه سيبيكي منه ابوكي دا نصاااب يلعب على الكل بس عليا ما يقدر<<<وتغمز للمى... ابو محمد:هههههههههههههههههههههههههههههههههههه لمى:الللللللللله على دي الضحكه الحلوه صااار لي زمااااااان ماسمعتها بس الحمدلله جت سليمه هههههههههههههه ابو محمد:الله يخليكم لي يااارب والله من جد ماضحكت من زمان زي اليوم ام محمد:ويخليك لنا يارب ايوه ياخويا فك عن نفسك كدا ترى لمن تضحك الدنيا تتضحك لك وانت الي قافل على نفسك محد قافل عليك ابو محمد............ لمى حبت تغير الموضوع:ايوه يا بويا ماتبغا تسفرنا السنه ابو محمد:والله مدري انا تعبان الصراحه وما اعتقد اقدر لمى:لااااااا يا بابا مافي ابغا اسافر يعني ابغا اسافر ام محمد:لاتضغطي على ابوكي يالمى لمى:والله ما اضغط عليه بس هوا يقعد يقول انا تعبان انا تعبان ويوهم نفسه ويحط المرض فيه بالقوه و هوا مافيه الا الصحه والعافيه ماشاء الله بس الدلع حقه قاااااااتله ابو محمد الي مو حاب يكسر بخاطر بنته الوحيده:خلاص يالمى شوفي فين تبغي تروحي وانا اوديكي انتي تامري بس لمى وهيا تبوس راس ابوها:ياااااااااي يسلملي احلىىى اب بالدنيا ام محمد:بس احلى اب لمى:واحلى ام هههههههه ايش تبغي كمان ام محمد:تخفي دلعك شويه لمى:طب ليييييييه ترى والله الدلع حلوو ابو محمد:خليها كدا يا ام محمد انا مبسووط بيها وبي دلعها لمى وهيا تلف يدينها على ابوها وهيا واقفه وراه:شفتي كيف ابويا حبيبي يعاملني ومايقدر يرفضلي طلب....وتبوسه على خده....وتروح تجري لغرفتها وهيا تضحك بعد ماتشوف الشرر الي طاير من عيون امها...... ام محمد:والله محد مخربها الا انت يا ابو محمد ابو محمد:كم بنت عندي قوليلي ام محمد:وحده واحلى وحده بس كل شي بحدود ابو محمد:صحيح وهيا ماطلبت شي غير مقدور عليه او حرام لاسمح الله ام محمد:انت صحتك بالدنيا وماتقدر على السفر ابو محمد:والله بنتي بالدنيا وبعدين مين قلك اني عجزت او خرفت خلاص انا لساني بصحتي واقدر الف بيكم العالم لو تبغوو ام محمد:مدام كدا ليه سبت شغلك وقاعد لي متسمر هنا قدام دي الصوره<<صورة محمد الي يقعد ابو محمد كل يوم يتأملها ويجلس عندها بالساعات ومايفرقها الا عند النوم ابو محمد............. ام محمد:صحيح محمد كان غالي علينا كلنا وانا اكتر منك كمان وتدري انت ايش صار بحالي بس ما اربط نفسي كدا واعلق حياتي بماضي راح وفات عليه اربع سنين ابو محمد:هالاربع سنين عندي كأنهم اربع ثواني انا للحين احس ان الحادث الي صار اليوم مو امس ولا قبل اربع سنين احس بمحمد معايا في البيت احسه بيجي يسلم عليا في الصبح زي كل يوم احسه حيجيني العمل في المكتب ويطلب اجازه وارفض له كالعاده احسه واحسه كتير اشياء يا ام محمد ما اقدر اتجاهلها واولها اسمي واسمك الي مربووط بيه ابو وام محمد يعني محمد جزء مننا لا يمكن ننساه او حتى نتناساه..... ام محمد ماعرفت ايش تقول فعجزت منه وقررت تغير الموضوع...... ام محمد:الا ما قلتلي ردك في موضوع امجد ولمى كلمتني اليوم ام خالد تقولي اسألي البنت عشان بس نسوي خطبه وبعد ما يتخرجو ويشتغل امجد نسوي الزواج ابو محمد:نعمممم ايش لا مافي ايش الكلام الفاضي هادا ام محمد:يؤ ايش صارلك انا قلت حاجه غلط ابو محمد:كل الي قلتيه غلط في غلط وبعدين هاللبنانيه ماتعرف لا الاصول ولا التقاليد ماتعرفي انه لازم ابو خالد هوا الي يكلمني اول لازم وبعدين كيف تستشيري البنت وانا ما استشرتيني ام محمد:وانا ايش بسوي دحين ابو محمد:صح بس هيا ماقالتلك ام محمد:ويعني ابو محمد:قوليلها احنا مالنا دخل الرجال يتفاهمو ولو ابو خالد يبغا لمى لي ولده صحيح ما بنلقا احسن منهم ومستحيل نردهم بس لازم ابو خالد هوا الي يكلمني مو ام خالد ام محمد:خلاص طيب انا بقولها...ويالله عن اذنك ابغا اروح اطبخ الغدا ابو محمد....... قعد ابو محمد يتفرج على الصوره المعلقه في الجدر وهوا في غاية الحزن والالم والمراره وتنزل دمعه من عينه على ولده حبيبه اغلى شي فقده في هالدنيا والي اتمناه يكون جنبه في موقف زي هادا موقف زواج اخته...... وفي الجهه التانيه من العالم وتحديداً بمدينة لندن في بريطانيا....... ماجد:خالد يالله امشي بسرعه خالد:هااااااا طيب جيييي ماجد:يا بطئك خالد:هاااا نعم جيت شوو بدك ماجد:ايش الي شو بدك يابن اللبنانيه نسيت انه اليوم العلاج الطبيعي حقي خالد:ايوه والله صح طيب امشي ماجد وهوا يرتكز على عكازه:يالله انت قدامي **حال ماجد اتحسنت عن اول سوا له عمليه خلت له امل ان يمشي والعمليه نجحت ميه في الميه بس الي بقي شوية علاجات طبيعيه وبعض التمارين ويرجع ماجد زي ماكان صاخ سليم وهوا حالياً مايقدر يمشي الا بعكازين الين مايشفى تماماً...وماجد ما غابت عن باله رهف بالعكس كبر حبه لها وزاد اشتايقه لها وبيمووت من القهر والنار الي بتسري في جوفه مقهور على النهايه الي هوا سواها بيده وعلى التحطيم الي حطم بيه احلى قصة حب في عمره والي قتله دايماً يقول في نفسه ليه ما استنيت ليه مافكرت اني ممكن اتعالج لييييييه لييه ياخساره فقدتك يارهف مرتين والندم بيقتلنيي........ |
|
21-08-2005, 03:40 AM
|
#5 |
|
][§¤حلا ذهبي ¤§][
|
مشاركة: عمق القلوب....قصة واقعية
وخالد الي كان معاه خطوه بخطوه ما سابه دقيقه مبسوط ويحاول يكفر عن ذنبه.. خالد اتغير كتيير عن الي كان عليه في السعوديه حاول يتغير وبالفعل انه قدر بس ببطئ شديد ودايماً الي يدفعه للتقدم والتغيير ماجد ومي ومحمد اهم ثلاث عناصر في حياته حالياً خالد بدء يحس بقيمة ولده محمد الي فوقته مي على حبه وعلى غلاه عنده خالد كان مستعد يرجع السعوديه اليوم قبل بكره عشان ياخد ولده في حضنه ويعطف عليه ويعوضه عن حنان الاب والام الي فقده وهوا في اول سنتين له بي هالدنيا بس مايقدر يرجع ويسيب ماجد صديق عمره الي كان هوا السبب في تحطيم حياته خالد كان ندمان اشد الندم على تفرطيه بولده وعلى افعاله السابقه الي الان هوا بيدفع ثمنها وكان دايماً يقول في نفسه ليه ما اخدت محمد معايا ليه ما قدرت قيمته الا بعد ما فوقتني مي كيف اغفل عن اغلى واثمن شي بعمري الشي الوحيد الي طلعت بيه من نهال كيييييييف وياخساره فقت بعد ما فات الفوت وبعد ماضيعت نفسي وصديقي واهلي آآه يا خساره بس ان شاء الله كل شي بيتصلح من يوم ما ارجع السعوديه ان شاء الله**
وفي المستشفى....***ملاحظه***((الاجزاء القادمه والتي بين اقواس هيا باللغه الانجليزيه لكني هنا اكتبها لكم بالعربيه ليعم الفهم على الجميع)) الدكتور: ((جيد جداً ممتاز اتحسنت حالتك بصوره غير طبيعيه وهادا يفيدنا بشكل كبير)) ماجد: ((حقيقي يادكتور يعني انا شفيت تقريباً)) الدكتور: ((ايوه طبعا اتحسنت حالتك بشكل غريب اول مره اشوفه )) خالد: ((كيف يعني يادكتور)) الدكتور: ((يعني انا دايما اقابل زي حالت ماجد بس ماقد شفت حاله اتحسنت ولو اتحسنت تتحسن ببطئ شديييييد لكن ماجد بوقت قياسي قدر يتحسن)) ماجد: ((اي بوقت قياسي الله يهديك صارلي اكثر من سنتين وانا عندكم)) الدكتور: ((طيب ممتااز جداً في ناس يتحسنو بعشر سنين مو اتنين بس)) ماجد:الحمدلله الدكتور: ((ايش)) ماجد: ((لا ولا شي)) الدكتور: ((طيب انا دحين رايح تبغى شي)) ماجد: ((لا شكرا)) الدكتور: ((طيب و يا اخ خالد خليه يلتزم بالعلاجات الطبيعيه لمدة اسبوعين كمان بعدين خلوني اشوفه)) خالد: ((طيب مو مشكله)) ماجد: الحمد لله الحمدلله والله من جد ما اتوقعت اتعافى ياخالد خالد: الحمدلله ربنا ما ضيع دعائنا على الفاضي ماجد وهوا ينظر لصاحبه باعطف واحن نظره نظره كلها ممنونيه وتقدير:اشكرك ياخالد لولا الله ثم انت ماكان صار دا حالي وما كان اتحسنت خالد:لاتقول كدا ياماجد وبعدين قبل ما اكون انا السبب في الي صار لك انت اكثر من اخ وانت غالي وعزيز ولو تطلب عمري ما بقصر معاك ماجد:الله لايحرمني منك يااارب خالد:امين ولا منك ماجد:طيب يلا قوم بلا هالرسميات ههههههههههه وخلينا نروح البارك نفسي ارفه عن نفسي شويه خالد وهوا مبسوط:هههههههههههه الله يقطع ابليسك ههههههه يالله مشينا وفي مستشفى تانيه وبالتحديد مستشفى في مدينة نيويورك بأمريكا...... يفتح رامي عينه ويشوف نفسه على سرير ابيض وبغرفه غريبه وفوق راسه كذا شخص !!!!!!!!!!!!!!!!!!!!!!!!!!!!وهوا مو مستوعب ايش الي بيصير وايش الي حصل ومين دولا الناس......... ***ملاحظه***((الاجزاء القادمه والتي بين اقواس هيا باللغه الانجليزيه لكني هنا اكتبها لكم بالعربيه ليعم الفهم على الجميع)) الدكتور: ((لاتخاف يا اخ رامي انت بخير)) رامي: ((انا فين ومين انتو)) الدكتور: ((انا الطبيب المعالج وانت في مستشفى---------)) رامي: ((ليه ايش صار )) الدكتور: ((ماصار شي غير انك سويت حادث انت واتنين من اصحابك)) رامي وهوا مفجوع ويحاول يجلس وهوا يتأوه: ((آآآه صار لهم شي)) الدكتور وهوا يرجع رامي لوضعه على السرير: ((لا بخير مافيهم حاجه انت بس الوحيد الي انصبت واصابتك خفيف ماتضر وخليك كدا انت لساتك تعبان)) رامي بعد ماهدء شويه(اوكي شكرا يا دكتور)) الدكتور: ((العفوو بس انت راح تجلس عندنا يومين على بال ماتتعدل صحتك لانه اصابك كسر في يدك ورجلك وشوية رضوض في جسمك فما نقدر نخرجك الا لمن تتحسن)) رامي: ((اوكي مو مشكله بس اهم شي اصحابي عسى ما صار لهم شي كبير بس)) الدكتور: ((لامافيهم شي واحد فيهم اتكسرت يده والتاني مجرد رضوض خفيفه لاتخاف عليهم)) رامي: ((ممكن اشوفهم)) تامر: احم احم نحن هناااا طوني:ياخي شو عملت فينا هيك عجبك كسرت لي إيدي رامي وهوا خجلان من الي سواه:اسف والله ماكنت اقصد بس كنت معصب مرره وانتو تدرو بلي عصبني تامر:ههههههههه ياشيخ مابينا هالكلام انا ماصارلي شي ولا هالاخ الي قدامك بس الي صار انه سيارتك صارت بححححح رامي وهوا يعدل راسه على المخده:عايدي مو مهمه السياره بقدر ما انتو اهم طوني:لك يسلملي الي خايف علينا تامر:اي والله بس لو مو جنونه ماكان وصلنا لهنا وماكان صار له ايلي صار رامي................ طوني:شووف رجله شو عمل فيها الله يستر وبيقدر يمشي لانه بصراحه مافيني شيله تامر:اي والله شوف كيف صار دب ما نروم نشيله رامي:حرام عليكم انا دب انا انحف واحد فيكم ويلا بدون مطرود ابغا ارتاح تامر:شف الريال يطردنا بعد ما سامحناه طوني:يؤيؤ خلاص اجل مافينا غيرنا رأينا مابدنا نسامحك الدكتور(لو سمحتو المستر رامي تعبانه خلوه يرتاح)) طوني(اوكي دكتور بنطلع)) تامر:والله حاااااله اقوول امشي طوني اليوم انهنا وايد مالنا مكان هنا طوني:ايه والله مالنا مكان<<<يقولها وهوا يقلد طريقة ولهجة تامر رامي:ههههههههههههههه ياحبايبي انتو مكانكم بالفعل مو هنا تامر:لا والله فرحان حضرتك رامي:ايوه من جد انتو مكانكم هنااااا<<<ويأشر على قلبه طوني وهوا يبوس رامي:لك يسلمي هالحلووو تامر:ههههههههههههههههه دايماً تخرج منها يارامي هههههههه هين صبرك علي بس تطلع من هني لا اراويك..... طوني وهوا يجر تامر معاها:امشي ياعم قبل ما يطردونا تاني خلنا نطلع بكرامتنا افضل ويطلعو تامر وطوني.....ويقعد رامي يضحك على حركات اصحابه الي من جد مايدري بدونهم ايش كان ممكن يسوي.......وتاخده رامي الافكار لبعييييييييييييد لبعيييييييييد الين بيت ابوه ولي ذكرياته معاهم ولي خاااالد ولي جمعات العيله ولأولاد عمه ولأمه ولا ابوه ولي اعمامه واصحابه ولي رندا........رندا<<<ماتلاحظو شي غريب .....رندا استغرب رامي من مرور هالاسم على باله وقعد يقول لنفسه ايش دخل رندا فيا وليه اسمها مر ببالي........ههههههههه يمكن لاني افتكرت الموقف الي صار معاها.....والله تلاقيها كبرت.....واكيد احلوت لالا هيا كانت اصلاً حلوووه وزي القمر لا بس اكيد احلوت لانها ماشاء الله عليها قمر واحلى من القمر كمان.....اكييييد صارت بالثنوي....و....و<<<<لاحظ رامي تفكيره الي اتجه بقووووه لعند رندا وجلس مستغرب من نفسه........ويقول رامي لنفسه ايش هالغباء انا ايش دخلني فيها هالبنت مالي دخل فيها بس اهلي والله وحشوووني ياربي متى يجي اليوم الي ارجعلهم آآآه ومية آآه كمان ايش هالغربه الي حطيت نفسي فيها والله اني اهبل بقراري دا والي كنت فرحان موت فيه مادريت اني اعز اهلي قد كدا وبعدين الموقف حق اليوم بيخليني اصر على الرجوع للسعوديه بأقرب وقت....وقعد يفتكر الي صار معاه من يوم ما جاته ديك البنت الي زي القمر والي تقول للقمر بكل تواضع قوم وانا اقعد مكانك كانت غايه في الشياكه...النعووومه...الرقه.....الذوق في اختيار الملابس واناقة المظهر ------------------------------------ ......:اخ رامي ممكن شويه رامي:تزهميني انا... ......:ايوه انت لو سمحت رامي:ايوه نعم امري ......:ما يأمر عليك عدو<<<الاخت هادي من السعوديه كمان وجات تدرس زي رامي وليها اكثر من ثلاث سنين بأمريكا وابوها يكون مسؤول كبير في الجامعه الي بيدرسو فيها الاتنين .... ......:انا بس حبيت اقول لو ممكن اعطيك رقم جوالي في موضوع خاص ابغا اكلمك فيه ضرووري رامي:موضوع خااص؟؟؟!!!! ......:ايوه لو تسمح تعطيني رقم جوالك او انا اعطيك رقم جوالي رامي استغرب منها ايش تبغا هادي منه...... ......:هااا موافق ولالا؟؟ رامي:طيب ما ينفع تقولي موضوعك هنا ......:لالالالا ابدا ما ينفع رامي:ولا حتى في الكافتريا ......:لاء ما اقدر رامي بعد ماحاول يتحجج ومدري ايش استسلم واتبادلو الارقام واتفقو انهم يكلمو بعض في نفس اليوم بالليل.... وفي الليل ورامي في بيته......يدق الجوال((بنغمة العيون حقت راشد))........ ......:مساء الورد والكادي<<<بأنعم واسحر صوت ممكن يسحر اي ولد رامي مستغرب من طريقة كلامها:مساء النووور ......:كيفك رامي؟؟ رامي!!!!!!:الحمدلله بس من فين تعرفي اسمي ......:يؤ يؤ شكلك مرره مضيع ترى انا معك في نفس الفصل وبعدين انا اعرف عنك كل شي وانا لو اقول واشر على اي احد اقدر اعرف عنه كل شي رامي:!!!!!عني انا وبعدين ليه يعني مين انتي عشان تقولي دا الكلام..؟؟؟ ......:امممم عنك انت لسبب خاص وانا بنت اكبر مسؤول في الجامعه ويعني الي ابغا اعرفه اعرفه بدون نقاش رامي لمن جات كلمة خاص افتكر انه بيكلمها عشان موضوع خاص قالتله تبغا تكلمه فيه.... رامي:ايوه صح ايش موضوعك الي تبغيني فيه ياحضرة بنت المسؤول<<<يقولها بأستهزااء كبير ......:لازم دحين خليه بعدين رامي:ايش بعدين هادي..انتي مو مكلمتني عشانه شوق:ايوه بس يعني اممم..... |
 |
| مواقع النشر (المفضلة) |
| الذين يشاهدون محتوى الموضوع الآن : 3 ( الأعضاء 0 والزوار 3) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| قصة واقعية | حزينه^وحيده | مجلس حلا للقصص والروايات | 4 | 15-11-2005 10:42 PM |
| قصة واقعية | smaaelhaq | مجلس حلا للقصص والروايات | 3 | 24-08-2005 11:03 AM |
| قصة واقعية | SARAH539 | مجلس حلا للقصص والروايات | 7 | 09-07-2005 10:08 AM |
| قصه واقعية | الريـــــــــــــــــــم | مجلس حلا للقصص والروايات | 2 | 19-04-2005 11:18 AM |
| معاناه واقعية | هاجر العدواني | مجلس حلا للشعر وهمس القوافي | 3 | 30-03-2005 03:29 PM |
العرض المتطور
