اخرة الهزار

[محمود مارو]

مرة زمااااان وانا فى اعدادى كنت مزوغ من الحصة وقاعد انا وصحابى فى الملعب بتاع المدرسة وكنت حاطط
تليفونى فى جيب الجاكيت وكنت شغال تريقة بقى على كل الناس الى اعرفهم وعمال اقلدهم بمنتهى قلة الادب وصحابى ميتين على روحهم من الضحك ومن غير ما احس التليفون طلب رقم بنت عمتى والبنت فتح عليا وفضلت تسمع الحوار كـــــــــــلو وانا مش جاى فى دماغى خالص وعمال اذيد فى الهزار وبصوت عالى اوى المهم اول ما رجعت البيت لقيت ماما بتقولى بنت عمتك سالت عليك قولتلها سالت عليا انا ؟؟؟؟ لية يعنى .. قالتلى معرفش اتصل شوفها اتصلت اول ما سمعت صوتى لقيتها ميتة على روحها من الضحك بقولها فى اية يا بنتى عاوزانى لية ؟؟ قالتلى انت كلمتنى النهردة ؟؟ قولتلها وانا هكلمك لية على اساس انك شخصية عدلة يعنى المفروض اتكلم معاها قالتلى لا كنت بسال بس تلاقيها ميسدكول ولا حاجة قولتلها طب ماشى وخلاص هقفل قالتلى بقولك اية هى ميس نهى عامله اية انا استغربت اووووووى قولتلها وانتى تعرفى ميس نهى منين وبعدها لقيتها بتدينى تقرير عن كل الى حصل بينى وبين صحابى وانا متنح مش متخيل انها سمعت منى حاجة زى كدة المهم قالتلى خلاص بقى عديها بس متب!
انت بتعمل قدامنا الملاك البرىء وبتاع وهزرت معايا وقفلت بس بعدها بجد حمدت ربنا ان التليفون معملهاش مع بابا مثلا ولا اخويا الكبير كان زمانى متعلق دلوقتى على باب المشرحة من رجل وحده ومن يومها حـــــــــــرمت احط التليفون فى جيبى من غير ما اقفلو ابدااا