هي (خــاربه. خـاربه) من البدايه

[هـــاااايـــم]

بسم الله الر حمن الرحيم
أخواني أخواتي اعضاء هذا القسم الرائع !

مساء الشعر .. مساء اجمل يليق بسمو احساسكم !
هذه هي المشاركه الأولى لي معكم في هذا المنتدى وبالتحديد في هذا القسم اتمنى ان تجد لديكم القبوب !


اعزفيني لحن خارق .. واطربيني ياملاك
.....................خلّي اوتار الشفايف .. تعزف اللحن الخجول

الخجل من وجنتك .. حتى شفاتك لي هلاك
....................والهلاك اللي نعرفه .. يعلم الله مايطول

اذبحيني .. اهلكيني .. فدوة(ن) لك ياغلاك
....................من غلاك .. انتي غلاي .. وكل غالي للبتول

اتركيني في ربيعك .. في خريفك .. في فلاك
.....................انثريني بين نودك {عَلّ يَوْمَاً ليْ يَقولْ }

{ كُنْتُ يَوْمَاً فيْ رِيَاضٍ .. قدْ كَسَاهَا عِشْقُ ذاكْ }
...................{عِشْقُ ذاكَ الوَجْه ِ .. يَوْماًفيْ حَيَاتِي لايَزُولْ }

ترتسم لي صورتك .. وسط الخيال اللي معاك
......................شف خيالك .. ياحياتي .. صورتي والله تجول

لو يباع المستحيل .. وربي اوّل من شراك
.....................لو يباع المستحيل .. ابيع عمري لك عجول

بايع(ن) عمري عشانك .. بايع(ن) كلّش فداك
.......................(خاربه ثم خاربه) .. شوفي حروفي بس هطول

ياقمر نوّر سماي .. واسعد الله لي مساك
.....................يامسا رمشة هدبكْ .. وياصباح(ن) لي شمول

{ كمْ عَشِقْتُ البَدْرَ نُورَاً .. كانَ يَوْمَاً فيْ سَمَاكْ }
...................{واسْتَبَاحَ منْ سُكُوْن ِ الفَجّْر ِ .. إِذْنَاً بالأُفُولْ}

ياحلاك .. ومن حلاك انحلّ حالي .. ياحلاك
.......................من حلاك .. وربي احلومي تراها في فضول

كل حلم(ن) يغتشيني .. صوّره فكري سناك
....................وكل حلم(ن) ودّي انه واقع(ن) لي .. ثم انول

تصدقين .. اني اغيب بشي مذهل .. من هواك
........................واكتب حروفي .. اشوفك .. طفلة(ن) لي وش تهول؟؟

راحت حروفي فصيحه .. من جنوني في عماك
....................بالفصيح وبالنبط .. كله جنون(ن) من ذهول!!

شوفي حروفي .. ترى الأصقه ..رخى سمعه وراك
.....................والعمى شاف الحروف بعينه .. وراح مهبول

دايم اكتب لك بشعري .. شي(ن) اغرب { منْذُ ذاكْ}
....................{ منْ غَرِيِبِ النّْظْمِ حَرْفٌ .. نَصْلَهُ سَيْفٌ سَلْوُلْ}

يكفي انك فاهمه كل المعاني .. وش بلاك؟
..................نعنبو حيّك .. تراني بفصح الخافي واقول

وسلا متكم


منقول للشاعر (سلطان الدوسري)