|
|
|
|
20-02-2007, 06:41 PM
|
#1 |
|
مراقب الضحك والفرفشة
 
|
°°·.♥.•°° يومـــياتي مع ميدو مشاكل°°·.♥.•°°
 يـــوم مـــن يومياتى مع مــيدو مـــشاكل>>>>>   ____________________ ________________ _________ الشخصيات مــيدو مشاكل : بطل القصة وبيحب البت حسنية كنــافه : صاحب مــيدو مشــاكل وبيحب الهزار وحافظ الامثال كلها عم داوود : والد حسنية وشغلته عجلاتى حسنية : مصارعه محترفه ودى اللى الولا ميـــدو مشاكل بيحبها بسم الله الرحمن الرحيم كنــافه مــاشي مع مـــيدو مشاكل متشيكين وعلى سنجة عشرة عارفين رايحين فين رايحين لعمو داوود العجلاتى عشان يخطبوا حسنية مــيدو مشاكل : ايه رأيك فى الجزمة كنــــافه: الفردة اليمين احلى ...قولتلك هات جزمة لون واحد ...مسمعتش كلامى  وعلى رأى المثل اطبخى ياجاريه ....الأنبوبه فاضيه يا سيدى مــيدو مشاكل : ياجاهل.... اي فهمك انت فى الموضة...جتكوا الارف مليتوا البلد مش احسن من البدلة اللى انت سارقها من جدك...هههههههه كنـــافه: يابنى على رأى المثل اللى بيته من إزازميغيرش هدومه فى الصالون مــيدو مشــاكل : طيب يلا بسرعه عشان عم داوود مستنى على نار وابوس رجلك ابعد عن الامثال بتاعتك اللى تودى فى داهية كنـــافه : يعنى هوه هيطير ...اصبر شوية وعلى رأى المثل اصوم اصوم وافطر على المدفع كنـــافه : بس المفروض كنت تتصل بعمك داوود قبل مانروح وعلى رأى المثل اللى يتلسع من الشوربه يتصل بالمطافى ¦ مــيدو مشــاكل : ابويا شايل كل ارقام التليفون من العدة مفيش الا رقم 1 و 2 و3 كنـــافه : ههههههههه واشمعنى دول يعنى مـــيدو مــشاكل: علشان لو حبيت اطلب الاسعاف كنـــافـــه : دا على اساس انك بتتخنق كتير وعاوز تدردش مع حد على رأى المثل من خرج من داره مينساش يأخد المفتاح معاه مــيدو مشـــاكل : يلا بقى وبطل لماضة عشان نلحق الراجل كنــــافه : عمك داوود ده وشه بيفكرنى بلوحة (انتبه امامك نقطة تفتيش) ياجدع الراجل ده مبعرفش قفاه من وشه ...المفروض يعلق لوحة على وشه ويكتب عليها (وش) ويعلق لوحة على قفاه ويكتب عليها (ممنوع الضرب) وعلى رأى المثل اللى ياكل لوحده يشبع مـــيدو مـــشاكل : طبعا حافظ الورقة اللى انا اديتهالك عشان تقولها لعم داوود وابوس ايدك بلاش الامثال بتاعتك قول اللى فى الورقة بس كنــــافه : خلاص ياسيدى حافظها والله وعلى رأى المثل قالوا للحرامى أحلف قالهم وحياة قلبى وأفراحوا¦ وعاوزك تخلى حسنية تحس انك احسن واحد فى العالم مــيدو مشــاكل : ان شاء الله هثبتلها ان انا احسن من رونالدينيهو كنــــافه : مين رونالدينيو ده مــيدو مــشاكل : ده واحد بيبيع فسيخ ع الناصية بس واد مقطع السمكه وديلها كنــــافه :انا مش عارف البت حسنية بتحبك على ايه....دانتا عمرك ماقولتلها كلمة حب انت لما اتصلت بيها امبارح قولتلها كلام الحب اللى حفظتهولك؟ مـــيدو مشــاكل : والله انا حفظت الكلام صم ولما اتصلت وسمعت صوتها نسيت كل الكلام اللى انا حافظه ورحت قايلها احنا هنيجى نخطبك بكره ....اعمليلى شاى وحطى فيه معلقتين سكر ابيض كنـــافه : وقلتلها ان انا بحبه سكر زياده مـــيدو مــشاكل : اه طبعا كنــــافه :اشق هدومى ولا أولع فى نفسى........وبعدين يعنى ايه سكر ابيض ....هوه فيه سكر اسود؟ مـــيدو مشــاكل : لا اصل حوحو فهمها بطئ شوية كنــــافه : مين حوحو ......الحمار بتاعكم مـــيدو مــشاكل: لا ده اسم الدلع بتاع حسنية كنــــافه : هما سموها حسنية ليه؟ مــــيدو مشـــاكل : ده كان اسم المعزة عند جدها وبيقولوا شبها بالظبط كنــــافه :ههههههههههه.....انا قلت كده برده على رأى المثل : القرش الأبيض بيعوم فى البحر الأحمر كنـــــــافه : هوه ده البيت ؟ مـــيدو مشـــاكل : اه هوه مـــيدو مــشاكل: اضرب الجرس كنـــــافه : لا ياعم ...عمك داوود مضايق منك وشكله مكهرب الجرس مــــيدو مــشـاكل: ماشى ياعم الناصح .... وضرب مــــيدو مـــشاكل الجرس ساعة ساعتين تلاتة ومفيش حد بيرد وبعدين واحد معدى من جنبهم سألوه .....هو مفيش حد هنا ولا ايه قالهم لأ دا النور قاطع هييهي هيهي (مستعبط فيها اوى) مـــيدو مــشاكل : طيب نادى عليه يابيكهام كنـــافه : نادى انت انا بخاف منه مــــيدو مـــشاكل : ليه كنــــافه : انت مش فاكر لما كنت باخد لفه بالعجلة واتأخرت وعمك داوود خد القميص مـــيدو مـــشاكل : ودا يوم يتنسى....ساعتها انت خدت حتة علقة من ابوك كنـــــافه : على رأى المثل اتغدى و اتمدى و اتعشى و اتمشى رد عم داوود وطبعا صوته مسمع آخر الحارة مين الحيوان اللى بينادى كنـــــافه : يلا نمشى ياعم .....انا خايف اوى مــــيدو مــشاكل :انا ياعمو داوود داوود : اه حصلنا الارف وطبعا ولاد عمو داوود بيجروا فى الشقة كنــــــــافه : مين دول ياعم داوود داوود : دول ولادى كنــــــــافه:يااااااااااااااه كلهم؟ داوود : اه كلهم كنـــــــافه : يالهوى يالهوى يالهوى كنــــــافه : على راى المثل اكفى القدرة على فمها ..يندلق الفول منها وفى اللحظة دى تدخل حسنية تقدم الشربات وطبعا شعرها كله جاز وريحة التوم جايبة اخر الحارة كنـــــــافه : تسمحيلى بالرقصة دى  مـــيدو مـــشاكل: نعم نعم نعم داوود : هو مين اللى هيتجوزها فيكوا كنــــافه : ياعم احنا الاتنين واحد مـــيدو مـــشاكل : انت بتقول ايه ياجدع انا جايبك معايا عشان تتجوزها انت كنــــافه : انا اللى هتجوزها ياعم داوود والشقة جاهزة مــــيدو مـــشاكل: ههههههههه ولما تاخد الشقة اللى حيلتكم ...الجاموستين هيباتوا فين؟ كنــــــــافه: طيب يلا نلعب كيلو بامية واللى هيكسب يتجوزها داوود : بس انا مش لابس لبس الكورة ومش بحب البامية كنــــافه :جتك الارف وانت شبه السيد قشطة حسنية : اجى العب معاكوا والنبـى ولما جت حسنية وهيا بتلعب معاهم ..ايديها المأشفة لمست ايد كنـــــافـــه وبعدين مسك ايديها حسنية قلعت الجزمة وعلى دماغــــه لحد ما أغمى عليه  مــــيدو مـــشاكل : تسلم ايديكى يامعلمه حسنية حسنية : وانت يلا بتعرف تطبخ مـــيدو مـــشاكل: دانا اطبخ وامسح واعملك كل اللى انتى عاوزاه حسنية : آبا آبا انا هتجوز الواد ده مــــيدو مـــشاكل: دنا هخليكى اسعد مخلوقة فى الدنيا وياريت نتجوز بسرعه ونركب الهليكوبتر عشان نقضى شهر العسل فى ميت غمر مـــيدو مـــشاكل بص لكنـــــافه وهو على الارض ومش قادر يتكلم وقاله : على رأى المثل اللى يخاف من العفريت يعمل عبيط حسنية : نعم نعم انا عفريت ياض انت وراحت حسنية مطلعه مطوة قرن غزال من جيبها اللى ورا وراحت غزاه فى قفاه وعلقته على النجفه مـــيدو مـــشاكل وهو يلفظ انفاسه الاخيرة : مبروك عليك الرجل الحديدى يا كنـــــافه وعلى رأى المثل ضربوا الأعور على عينه قالهم كسرتوا النضاره بس خــــــلأص |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| ♥♥►مٌــكٍٍٍٍٍّــُياٌجٍ عْــــرٍوٌٍسٍٍٍٍٍـــــه ◄♥♥ | بودى الامور | مجلس بنات حلا | 1 | 06-10-2006 09:05 AM |
| *♥★_.•[♥ دع القاضى يُصدر الحكم ♥]•._★♥* | ღاوراق الوردღ | مجلس حلا العام | 17 | 18-02-2006 06:29 AM |
| ♥♥ مـــــن أنـــــا ...مـــــن أكـــــون!!! ♥♥ | الاسود الجنوبي | مجلس حلا لعذب الكلام | 4 | 10-10-2005 01:33 PM |
العرض الشجري