08-02-2007, 03:43 AM
|
#1
|
|
مراقبةالضحك والفرفشة
|
*·~-.¸¸,.-~*بنت وطيـــــــــــاره ورق*·~-.¸¸,.-~*
بنت وطيارة ورق ..على صفحة من كراستها القديمة كتبت احلامها البريئةالبسيطة رسمت صورتها ولونتها بلون الربيع طبقت ورقتها وعملت منها طيارة ورق
جابت خيط طويل وشبكته فى اخر الديل طلعت لاعلى جبل ومع اول نسمه هوا... طيرت طيارتها الورق وطارت الطيارة فوق ..فوق ..فوق.. وكانت بتابعها البنت بعنيها وكل ما تعلى ..تعلى ابتسامة البنت على وشها ..وكل ما تعلى.. بتعلى احلامها معاها ..تعلى دنيتها وياها ..طارت لفوق ..تلمس السما .. توشوشها وتقولها ..انا طيارة ورق بس مش اى ورق ده ورق منسوج باحلام البشر.. لكنه مغزول بغدر الزمن ... وراحت الطيارة تطير وورقتها تلمس العصافير..وخيطها بيداعب الريح ..بس الطيارة الورق استسلمت مع اول موجة غضب .. البنت وشها اتغير.. اتلون بالوان الحزن والالم ..ايه اللى حصل؟؟ ..الطيارة الورق بدات تنزل وتنزل وتنزل لكن البنت تشد الخيط يمكن تطير احلامها من تانى ..وتعود فرحتها من تانى ..لكن للاسف كانت احلامها على طيارة ورق..وقعت الطيارة جنب رجليها ..جلست البنت جنبها تبكى ودموعها سقطت على طيارتها الورق ومسحت احلامها الورق ..وهنا البنت سكتت لانها فهمت لعبة الزمن وراحت اخدت ورقة بس المرة ديه من كراستها الجديدة وعملت طيارة من ورق ..وبدات تكتب احلامها تانى عليها..لكن كتبت فى نهايتها "احلامى لا تدوم للابد ...احلامى مجرد ورق.. ممكن تضيع فى الهوا.. اوممكن تشوف النور والامل ... "
|
|
|
|
|
|
العرض الشجري