|
|
|
|
|
|
20-01-2012, 01:46 AM
|
#1 |
|
نائبة الإدارة  
|
:::: نصائح مصريه لكل مخطوبه ::::
نصائح مصريه لكل مخطوبه افتراضي نصائح لكل مخطوبه...إلى أن تقع الفاس فى الراس آنستي العزيزة.. لو ربنا سهلك.. واتخطبتي.. فإليك نصائحي حتى تأخذي بخطيبك من مركب الخطوبة إلِّي محدش عارف هاترسى على إيه.. إلى مثوااااه الأخير في قفص النسانيس.. يوووووووووه قصدي قفص الزوجية السعيد.. أجمل ما في الخطوبة العزومات الرومانسية.. على أحلى محلات أكل فى البلد.. واللي عمرك مانتي شايفاها بعد الجواز.. المهم نصائحي لكي عند أي عزومة مع خطيبك.. قلنا رقَّه .... 1- الأول لازم تعرفي إن الشوكة والسكينة بيتمسكوا من إيديهم من الطرف يعني مش م الوسط ولا م البوز زي الخنجر ولا من فوق طبعًااا 2- العيش أوعي تفضحينا وتقطعيه بسنانك.. ولا الرغيف نصين بأيدك وكل نص لقمة وتحشري.. أوعي.. العيش بيتقطع بالسكينة ف الطبق.. وبعدين تاخدي لقمة.. لقمة.. بالعافية.. قال يعني نفسك مسدودة.. اضغطي على أعصابك جدااا وبعدين لما تروَّحي.. إبقي حِفِّي زي مانتِ عايزه.... 3- الشوووربة.. أبوس كعب رجلك.. بند الشوربة ده مهم جدًاااا.. الشوربه تتشرب من غير صوت خالص.. ومن غير ماتقعدي تنفخي فيها.. زي القهوجي اللي بينفخ ف الحجر للزبون.. وطبعًاااااا عايزك تنسى تمامًا.. السلطانية اللي بتقيميها على بقك ف البيت.. وتدلدقي على روحك.. بالمعلقه وبدون صوت.. سخنة ولعة برضه بدون صوت.. وتسيبي تلت الطبق ع الأقل.. مش تميليه.. عشان تلهطيها لآخر نقطة..... 4- الرز طبعاً .. بيتاكل بالشوكة.. أوعي إيدك تتمد ع المعلقة.. وتغرفي من طبق الرز وتعبي.. إوعي.. الرز بالشوكة.. وكأنك بتبوسيه مش بتاكليه.. 5- المكرونة .. الاسباكتي.. برضه بالشوكة.. تتلف على طرف الشوكة.. لحد ما تخلص وبعدين تحطيها ف بؤك من سكات.. مش تشفطي المكرونة عود عود.. 6- السمك.. مشكلة.. شوفي.. بتفصلي اللحم عن الشوك.. إزاي..؟؟ تقطعي اللحم من النص.. بالطول وبعدين تفردي اللحم ع الجانبين ولما تخلصي ناحية.. متقلبيش السمكة.. بلاش فلح.. شيلي السلسلة بالشوكة والسكينة وحطيها ف جنب الطبق وكملي أكل النص التاني.. وبدل الفيلم الهندي ده.. نصيحة.. ماتكليش السمك خالص.. قولي مابحبش السمك وخلصي نفسك.. 7- الجمبري.. -إذا كنتي عارفاه اصلا.. أول ماطبق الجمبري ينزل.. بصيله بقرف واحتقار شديدين.. آل يعني زهقانة من كتر أكل الجمبري الجامبو فى بيت ببااااا.. وأتنهدي جامد وقولي.. برضه..؟؟؟ وتروحي قاطعة راس الجمبريياية.. بالشوكة.. أنا ف عرضك إنسي المصمصة دلوقت.. 8- البطاطس سواء مسلوقة أو محمرة.. أوعي تهرسيها وتدبيها ع الرز وتدي ...لا..لآ...لآ...بالشوكة حتة حتة وإنتى زي ما تكوني هاتعيطي من كتر ما البطاطس صعبانة عليكي.. 9- الفاكهة.. لو الفاكهة فيها بذر.. طلعيه من بؤك بالراحة وحطيه ف إيدك وهي مقفولة.. وبعدين ف طفاية السجاير اللي ع الترابيزه.. أوعي ياحبيبتي من نظام التفتفة للبذر.. إنسي.... 10- ولما تخلصي أكل تحطي إيدك على بطنك.. -اللي عصافيرها بتصوصو من العينات اللي كلتيها-.. وتقولي له مش ممكن.. أنا عمري ما اتفجعت كدة.. أنا قدامي أسبوع.. هابطل أكل فيه..... وبعدين تمسكي الفوطة اللي دايمًا موجودة ع التربيزة من غير لازمة.. وتبوسيها.. آل يعني بتمسحي بؤك.. وبعدين تستأذني منه لدخول التوليت لإصلاح ماكياجك.. وتخشي التواليت وتطلعي من شنطة إيديك.. لفة الفول والطعمية اللي جايباها معاكي.. وبالهنا والشفااااااااااااا وفديييييتهم والله دمهم خفيف وعسسسل يالله ي بنااااات احفظوا النصائح زين ههههههههههههههههههههههه م / ن |
|
|
|
|
|
01-06-2012, 01:33 AM
|
#2 |
|
نائبة الإدارة 
|
رد: :::: نصائح مصريه لكل مخطوبه ::::
هههههههههههههههههههه
حلووووووووة مشمشه تسلم الايادى |
|
|
|
|
|
|
05-07-2012, 02:26 AM
|
#3 |
|
نائبة الإدارة
|
رد: :::: نصائح مصريه لكل مخطوبه ::::
الله يسلمج يالغلا والاحلى مرورج لاهنتي
اعذب التحايا شمس القوايل |
|
|
|
|
|
|
26-10-2014, 05:34 PM
|
#4 |
|
عضو مميز
|
رد: :::: نصائح مصريه لكل مخطوبه ::::
5- المكرونة
.. الاسباكتي.. برضه بالشوكة.. تتلف على طرف الشوكة.. لحد ما تخلص وبعدين تحطيها ف بؤك من سكات.. مش تشفطي المكرونة عود عود.. |
|
|
|
31-10-2014, 04:25 PM
|
#5 | |
|
نائبة الإدارة
|
رد: :::: نصائح مصريه لكل مخطوبه ::::
اقتباس:
مشكوره ع المرور لاهنتي اعذب تحيه شمس القوايل |
|
|
|
||
|
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| مصريه ميه ميه | masria | مجلس حلا للترحيب والإهداءات | 4 | 12-07-2006 06:40 AM |
| $$$ نكت مصريه $$$ | دينا احمد | مجلس حلا للضحك والفرفشة | 12 | 27-02-2006 10:16 PM |
| نصائح أسريه ........ارجو التثبيت | اسيرالحب | مجلس حلا للأسرة والطفل | 9 | 15-02-2006 04:02 AM |
| مسجاات مصريه | ^^مـضيع بلنتي^^ | مجلس حلا للضحك والفرفشة | 2 | 05-03-2005 11:32 PM |
| مصريه اخوالها بدو؟؟ | بحر التولّه | مجلس حلا للضحك والفرفشة | 3 | 30-01-2005 11:19 AM |
العرض المتطور
