|
|
|
|
04-01-2007, 11:55 PM
|
#1 |
|
(حلا فعّال)
 
|
الشيطــــــــــــــان
سمعتها فى درس و هلخصها لكم
بيقولك الشيطان " ملحاح .. بطىء اليأس " و هدفه .. انه مش يدخلك النار .. ده عايز يدخلك قعر جهنم و لو انت مش وحش اوى للدرجة دى .. يبقى هيحاول يدخلك جهنم طب لو أعمالك كويسة شوية .. يبقى هيحاول يخليك من أصحاب الأعراف .. تقف بين جنة و نار و افرض أعمالك الصالحة كتير و الشيطان تعبان معاك ع الاخر .. هيسيبك ؟؟ لاااااا ... هيحاول يخليك فى قعر الجنة .. يعنى هيحاول ميدخلكش الفردوس الأعلى الشيطان بيدخل لكل واحد فينا عن طريق 7 محطات .. كل واحد على حسب قوة ايمانه الأولى .. يقولك اكفر .. عايزك تكفر .. طب لقاك موحد بالله .. تشهد ان لا اله إلا الله و أن محمدا عبده و رسوله .. ينقل ع التانية .. الثانية ... يقولك .. اشرك بالله اصل فى فرق بين الكفر و الشرك يعنى يقولك اشرك بالله حاجة تانية معاه يشغلك بأمور الدنيا عن أوامر الله ... ( منفض لصلاة الجماعة عشان بتتفرج ع الماتش .. ) ( لبسها و شياكتها اهم حاجة عندها .. إلا دى معلش " المووووضة " ) ( بص انا طائع و عابد لله .. بس عند حتة البنات مقدرش امسك نفسى .. ماليش حل ) ( ممكن يكسر أوامر ربنا عشان خاطر الفلوس ) و قال رسول الله " تعس عبد الدرهم " .. و قال تعالى " و من الناس من يتخذ من دون الله أندادا يحبونهم كحب الله " ... هو ده الشرك طب لو عديت من دى .. ينقل ع التالتة ... الثالثة .. يشتغلك فى الكبائر .... زنا .. خمر .. الخ و يقولك يا عم ده ربنا غفور رحيم .. جرررررب طب لو لقاك معتصم بالله و مبتقربش م الكبائر .. او وقعت بس لحقت نفسك على طول بتوبة نصوح .. ينقل ع الرابعة الرابعة ... يشتغللك فى الصغائر ... و يتوصى بيها اوى ... صغائر كتيييير .. و يهونها فى عينك و يقولك ده انت زى الفل .. ده انت مبتعملش كبائر يا رااااجل طب لو لقاك دائم الاستغفار و التوبة من الصغائر و حريص على عدم الوقوع فى الخطأ مرتين .. ينقل ع الخامسة الخامسة .. يضيعلك وقتك ... مانت مبتعملش معاصى بقى .. يبقى يضيعلك وقتك فى اللاشىء قهاوى .. Games .. تظبيط بنات .. ماتشات كووورة .. ممكن يشغلك بحاجات مش حرام .. بس حاجات مالهاش لازمة و يخليها هى شغلك الشاغل غافل .. جاهل بالقران .. جاهل بسنة نبيك .. جاهل بتعاليم دينك .. ينيمك و نومك ده متعة بالنسبة له ... اصلك لو صحيت هتغلبه بالطاعات و العمل الصالح طب لو لقاك صاحى لده كله .. و مواظب على ورد قران كل يوم .. و بتتفقه فى دينك و سنة نبيك .. و بتزود طاعاتك و حبك للنبى كل يوم .. ينقل ع السادسة السادسة .. يشغلك بالحاجات الاقل أهمية فى الدين عن الحاجات الاكتر اهمية .. ماهو شايفك متدين .. يبقى يتوهك فى الدين .. يلخبطلك الأولويات .. يجبلك الحاجات الاقل اهمية و يطلعهالك فوق .. و حاجات اكتر أهمية و ينزلهالك تحت .. او يشغلك بحاجات فارغة فى الدين او وسوسة .. ( هى نملة سيدنا سليمان كانت دكر و لا نتاية ) .. ( هى الشجرة اللى أكل منها آدم كانت شجرة تفاح ولا شجرة تين ) طب لو لاقاك ناصح و فاهم حديث الرسول ((الإِيمَانُ بِضْعٌ وَسَبْعُونَ أَوْ بِضْعٌ وَسِتُّونَ شُعْبَةً فَأَفْضَلُهَا قَوْلُ لا إِلَهَ إِلا اللَّهُ وَأَدْنَاهَا إِمَاطَةُ الأَذَى عَنْ الطَّرِيقِ وَالْحَيَاءُ شُعْبَةٌ مِنْ الإِيمَانِ)) . متفق عليه . و الحديث التانى " إن الله يحب معالى الأمور , و لا يحب سفسافها " ... ينقلك ع السابعة السابعة ... يخلى الناس تتريق عليك يسلط عليك الناس بالسخرية و الإيذاء .. أصحابك يلسنوا عليك .. عم الشيخ راح عم الشيخ جه اصحابها يقولولها شكلك قبل الحجاب احلى بكتييييير و دى علاجها .. الثبات و الإصرار على طاعة الله .. و الاقتداء بحبيبك و نبيك محمد و ما لاقاه من ألوان السخرية و الإيذاء السؤال بقى .... حضرتك فى نمرة كام ؟؟؟ يا ترى وصلت لنمرة سبعة .. ولا انت فين مع الشيطان ؟؟ اللهم أرنا الحق حقا و ارزقنا اتباعه .. و أرنا الباطل باطلا و ارزقنا اجتنابه |
|
|
|
|
05-01-2007, 12:48 PM
|
#2 |
|
عضو مميز
 
|
مشاركة: الشيطــــــــــــــان
الرابعة ... يشتغللك فى الصغائر ... و يتوصى بيها اوى ... صغائر كتيييير .. و يهونها فى عينك و يقولك ده انت زى الفل .. ده انت مبتعملش كبائر يا رااااجل دي بصراااااااااااحة اللي الشيطان بيشتغلني بيهاااااااااااااااا ربنا يهديني يارب ويهدي جميع المسلمين والمسلمات لما يحبه ويرضااااااااااااه بجد بجد جزاكي الله كل خير على الموضووووووووع الاكثر من رائع بارك الله فيكي تمنياتي لكي بمزيد من التألق والتقدم |
|
|
|
|
05-01-2007, 01:31 PM
|
#3 |
|
شخصية هامة
|
مشاركة: الشيطــــــــــــــان
أخي الكريم
قلب حنون موضوعك جميل جدا ومهم اللهم ابعد عنا الشياطين يارب تقبل مروري المتواضع دمت اخي ودام تميزك الجميل * * * نزيف الفكر * * * ينقل للقسم الاسلامي مع تقديري |
|
|
|
|
02-03-2007, 11:54 PM
|
#4 |
|
(حلا فعّال)
|
رد: الشيطــــــــــــــان
زلبياااااااااااااااااااااااااااااا والله انا ولد واسمى شادىىىىىىىىىىىىىىىىىىى
|
|
|
|
|
04-03-2007, 02:22 AM
|
#5 |
|
-+[¨¤ نائبة الإدارة ¤¨]+- 
|
رد: الشيطــــــــــــــان
 •.••◙» قلب حنون «◙••.• الله يعطيك الصحه والعافيه جزاك الله خيرا على مجهودك الرائع تقبل مني اصدق المشاعر // اختك //   |
|
|
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
العرض العادي
