|
|
|
|
12-10-2004, 11:27 PM
|
#1 |
|
(حلا جديد )
 
|
مساجله بين عزوبي ومعرس
قــــــال الــعــزوبـــي
قال العزوبي يوم شـاف المعاريـس *** الرابـح اللـي لاقعـد مايقـومـي أول سنـة كـلٍ يبـث الاحاسيـس *** وثاني سنة تجلب عليـك الهمومـي وثالث سنة حط الرمـل والمتاريـس *** لابد مـن حـربٍ تقـوم وتدومـي لامن دخلـت الـدار لاكنهـا بليـس *** متلفلـفٍ فـي غاليـات الهدومـي تأخذ من المخباة وتسحب من الكيس *** وتغيـر الموديـل شـيٍ لـزومـي وان قلت ما أملك يامره لوهو فليس *** قالـت تديّـن لا تكـثـر بلـومـي ولاجيت مرة نـاويٍ لـك ب....... *** قالت تصّبـر خـل قلبـك رحومـي ليتك تساعدنـي تصحـح كراريـس *** زادوا علينا أربع حصص في العلومي أزوارة في العصر والصبح تدريـس *** والليـل تصحيـحٍ وودي أنـومـي تبكي إذا جاها وجع لوهـو ضريـس *** وتقول أبي دكتـور ماهـو حكومـي يروح عمرك بين عرسٍ وتأسيـس *** واربـع سنيـن والبزاريـن كومـي وسط المطابخ بين قـز ومحاميـس *** هـذا صحـن رزٍ وهـذاك ثـومـي والا خلصـت إمنظـفٍ الملالـيـس *** جتك تقول انهـج نبـي زود لومـي ولا جبت قالت اكنس الحوش تكنيس *** خل البلاط يصيـر مثـل النجومـي ومكرسٍ جهدك من الخوف تكريـس *** وان نادتك بالصوت اقبلـت مومـي يجيك تـال الليـل دايـم كوابيـس *** ويشيبنـك مزعـجـات الحلـومـي هذي حياة اللي ركض باغـي...... *** ضيع حيـاة أول وصـار محرومـي تعيش يالمعـرس حيـاة المحابيـس *** وشف العزوبي بكل شارع يحومـي من مفرق جلاجل إلى جوي للخيـس *** وان حار حايرهم بوسطـه يعومـي يفرح إذا شاف الوتـر والمراويـس *** وفي كـل يـومٍ كاشـتٍ ومعزومـي شف العزوبي مايعـرف الهواجيـس *** ولا يـودي حرمتـه كـل يـومـي يا عنك ماحاش الفخـر والنواميـس *** الا عزوبـيٍ يـعـرف السلـومـي اذا اعرس المعرس غدا عندنا هيس *** ونزيل اسمه مـن سجـل القرومـي والى بغيـت البهذلـة والدحاويـس *** فأعرس وخلك من عـداد الرخومـي وش صابكم من عرسكم يا المفاليس *** وش استفدتوا غيـر دق الخشومـي اللي تزوج أشهد انـه غـدا تعيـس *** والرابح اللـي ماخـذٍ لـه.......... ترى عناق العام نطت على التيـس *** والحرعقب العـرس يصيـر بومـي قصيدة العريس استمع للقصيده بصوتي انا :D <<<<<<<لا تصدقونه !!! http://roshn.com/khazbaz/al3res.rm أوهذاhttp://roshn.com/khazbaz/al3res.rm اذامافتح شي حاول هنا قال العريس أنا الذي في سـعاده ××× ماني عــزوبــي ضايق الصدر مهموم مبسوط من مثلي قعـد عنــد غاده ××× مهوب مثـل اللي لحاله تقل بـــوم في كل لــيله حاضنٍ لـه وسـاده ××× وانا مـع المـزيون في غـرفة النوم أنا اشهد انه عايـشٍ في قــراده ××× يروح عــمــره مـا تهنى ولايوم الى دخــل للبيت يبلش بــزاده ××× يقعد يقــطّـع له طمــاطٍ معه ثوم ولا قضى عقب العصـر من عداده ××× والـحوض من كثر المواعين مزحوم والى غسلهن ثم فـك الســـداده ××× دلى يغســل له سـراويل وهــدوم وان ماطــبخ روّح لمطعـم حمـاده ××× والا قـعد في منزله واعـلن الصوم وان جاه ضيفٍ باغيٍ لـه رفـاده ××× يـروح يشــري رز وايـدام ولحوم ما يعرف الشمبو وراسـه عــراده ××× وشــمغه من الكواي ملـيانه رقوم ما يكنس الفرشــه ويلقط بــداده ××× اما بقـايا رز او خــبز معــروم عنده صراصيرٍ بحـاجه ابــاده ××× تسـرح وتمرح في الغرف دايم الدوم يجمع قروشه ويتســـلف زيـاده ××× حتى يسافر مصـر او ديرة الروم او راح يم التاي وتـــرك بـلاده ××× ناظر جـوازه ممـتلي كله ختوم دايم يسافر ما يعـرف العــباده ××× يسكر وينكر و........ بالكـوم وإلى رجع يـروح يـم العــياده ××× حيث ان فـيده مـن فعايله مزكوم وإلى قعد مارس مع .......عاده ××× حيثه مسيكينٍ مـن العرس محـروم له موتر خرده كثير فســـاده ××× في كل يـومٍ في الاشارات مصـدوم غمارته تقول ورشــة حـــداده ××× ومريقـده في شـنطته دوم محزوم دوم يتنقل تقــل كنه جــراده ××× في كـل يومٍ نازل له على قــــوم يسهر والى قام الظهر من رقـاده ××× روّح على شغله والى اليوم مخصـوم يذي بنات الناس يبغي مـراده ××× في كل يومٍ زاهمٍ له على ( هـــوم ) اراه مايعـرس ويقـدح زنـاده ××× يترك بـنات الناس ويصير معصوم يلقى هنوفٍ تخـدمه مثـل داده ××× ويصــير رجّالٍ ويسلم من اللوم يفرح الى من قرب وقت الولاده ××× ويصير معنى العرس بالحيل مفهوم يشوف أولاده ومعهم شهـــاده ××× قبل الـوفاة وقولة الناس مرحــوم Golden Boy |
|
13-10-2004, 01:25 AM
|
#2 |
|
موقوف
|
هههههههههه
ياذهبي انت مع من العزوبي ولا العريس لا تقول انت مع معازيم العرس |
|
13-10-2004, 02:12 AM
|
#3 |
|
(حلا فعّال)
|
الولد الذهبي
الذهب لايأتي منه إلا الذهب لك تحياتي وتقديري الفيصل |
|
|
|
|
13-10-2004, 06:58 AM
|
#4 |
|
(حلا جديد )
|
لا انا مع المعرررس :p
ابشررك خطبت بنت هنا معنا بالمنتدى :D عقبال عندك ! Golden Boy |
|
13-10-2004, 07:00 AM
|
#5 |
|
(حلا جديد )
|
يسلموووو الفيصل ياقلبي
هذا والله من طيبك وطيب اصلك ياالغالي وتقديرك شرف لي Golden Boy |
|
13-10-2004, 08:51 AM
|
#6 |
|
عضو VIP
 
|
السلام عليكم
مشكور الولد الذهبي على هذه المشاركة الجميلة يعطيك الف عافية مع التحيــــــــــــــــــــــــــــــــــــة |
|
|
|
|
13-10-2004, 12:37 PM
|
#7 |
|
][§¤حلا لامِـــع¤§][
|
الولد الذهبي
يسلموا كتيير على هالمشاركة الحلوة بدون مجاملة.. ان شاء الله تتحفنا اكثر بمشاركاتك الجاي تقبل مني اجمل تحية |
|
13-10-2004, 04:41 PM
|
#8 |
|
(حلا متميز)
|
مشكوووور اخي الولد الذهبي
على المشاركة الجميلة لك التحية |
|
|
|
|
16-10-2004, 04:03 AM
|
#9 |
|
عضو شرف
|
أخي الغالي
((( Golden Boy ))) كلمات جميلة تنهمر من بين يديك كحبات المطر.. تنساب بعفويه لتذهلنا كالعادة بروعة وجمال حرفك .. بانتظار إبداعك فلا تتركنا فنحن أحوج ما نكون لحبات المطر لك أعذب التحايا وصافي الود وكل عام وانت بالف خير |
|
10-07-2007, 02:16 AM
|
#10 |
|
( ضيف حلا )
|
رد: مساجله بين عزوبي ومعرس
السلام عليكم
انا ضيفه جديده على المنتدى وموضوعك اخوي شدني جدا وخلاني اشارك فيه اولا انا مع المعرس واقول انه ما قال الا نقطه في بحر من مميزات الزواج واعتقد ان الي دائما تكون مظلومه ومتضرره هي الزوجه الله ياجرها وتمنى اني شاعره واقول بعض ما يسويه الرجل بالمرأه عموما ماكان ودي ان تكون هذي اول مشاركه لي لكن اقبلوني ضيفه معكم وانشاء الله اكون خفيفة ظل والى اللقاء في مشاركه جديده 
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| كلمة يكررها كل عزوبي | ahmadalaqeedi | مجلس حلا للضحك والفرفشة | 3 | 27-02-2006 12:09 AM |
| والله اضمن لك الاستمتاع كلام عزوبي! | سلطان المحبه | مجلس حلا العام | 10 | 10-02-2006 09:37 PM |
| محاورة فكاهيه بين عزوبى ومتزوج | دموع فلسطين | مجلس حلا للشعر وهمس القوافي | 6 | 16-03-2005 03:03 AM |
العرض العادي
