اخر انواع النصب

[أحبيني]

السلام عليكم

حبيت اشارك بموضوعي هذا وأتمنى ان ينال على رضاكم وإعجابكم
انا شفت نصب بس مثل اللي شفته من كم يوم ماشفت مثله
وهو حدث صار باحد الاسواق بمدينة الرياض
انا اشتغل بمعرض راقي وله اسمه بين الماركات العالمية
الا ورجال وإمرأتين حبيت اني اسوي لهم خدمة الزبون
اول شي حييتهم وطلبت من عندي المرأه الاولى اني اجيب لها بلوزة اي لون اي شكل بس تكون مقاس 12 انجليزي وبشرط انها تكون غاليه هذا الكلام دار بيني وبينها عندما كانت المرأه الاولى تتكلم مع الرجل وتبعده عن صديقتها
لبيت لها وعطيتها اجود ماعندي
الا المرأه الثانية نادتني وقالت لي أبي من هالبلوزة هذي بعد مقاس 14 انجليزي ولبيت لها والرجل تدل على ملامحه الربكه ويحاول انه يتلفت حتى يتملص منهما ولاكن ماباليد حيله يتملص من الاولى الا الثانيه متزهبه له
على العموم وصلوا الى مرحلة الدفع وحطيت اغراضهم على طاولة الكاشير(المحاسب)
الا وحط ايده على جيبه وقال نسيت بطاقة البنك في السيارة وهزئته احداهما وقالت له احد ينسى بطاقة البنك في السيارة يالله بس طلع وادفع الا الثانية تهمس في اذنه ماسمعت شنو قالت له بالضبط بس الرجل طلع مبلغ وقدرة دفع
واحد الموظفين حط المشتريات في حقيبة تسوق واعطاها لإحداهما إلا ظلة بطاقة البنك حتى يتمكن الموظف من استخدامها على جهاز المحاسبه الا والطيور طارت بارزاقها والرجل ضل يفتر يفتر يدور عليهن لان بنفس المعرض يوجد قسم نسائي للنساء فقط لايسمح للرجال دخوله
وجاء لي هذا الرجل يسأل عليهن
واهو يدل على وجهة انه انصب عليه !!؟؟
ياجماعة الخير هل هذا يعقل في مجتمعنا العربي المسلم ؟؟
يعني هذي اخر صيحات النصب ؟؟
ولا ازيدكم فيه اخر صيحات التسول ان المراة تركب مع سيارة تاكسي وتدور احد يدفع عنها اجرة التاكسي ولازم تكون المنطقه بعيده عشان بس تحصل على اجرة التاكسي ولو تشوف مشوارها مايعادل ربع الثمن اللي تطلبه من اهل الخير
ياجماعة ديروا بالكم من هالاشكال والله يستر علينا وعلى اهلنا ويحفظنا من هالاشكال
وانشاءالله هالقصة تنول على رضاكم وتكون نصيحه من اخ الى اخوانه
ويعطيكم العافيه
واسمحوا لي على اللهجة لان حاولت اني اضبطها باللغة الفصحه ماقدرت

:)