|
|
|
|
21-03-2008, 12:12 AM
|
#1 |
|
مراقبةالضحك والفرفشة
 
|
يا كده الحرامية يا إما بلاش
حتى السرقة في أمريكا لها فن وأصول وقواعد ولكن الأهم أن يكون الشخص سواء أكان لصاً أو لا ممتلكاً لسرعة البديهة والدهاء وهذا ما حدث في أحد المدن الأمريكية وهي قصة حقيقية وبما أننا في منتدى الفكاهة فدعوني أدير الحوار بالعامية المصرية
دخل اللص ومساعده أحد البيوت وكان اللص خبير فتح خزن صوابعه تتلف في حرير وبعد ما فتح الخزنة ولم اللي فيها ونضفها تمام وقفل الخزنة كمان وقبل ما يمشي هو وصاحبه فوجئ بصاحب البيت بيفتح النور وفي إيده مسدس صاحب البيت : مكانك انت وهو يا ولاد الـ...... واتصل بالشرطة عشان يقبضوا عليهم فما كان من اللص إلا أن خلع قفازاته و صب لنفسه ولمساعده ولصاحب المنزل أيضاً ويسكي وجلس على ترابيزة ( طاولة ) وطلع كوتشينة من جيبه ووزع الورق على تلات أفراد اللص لمساعده : اعمل زي ما أنا بعمل يا حيوان يا عرة الحرامية يا غبي المساعد : حاضر يا معلمي بس متقولش يا حيوان اللص لصاحب المنزل : اتفضل يا بيه إلعب معانا دورين أنا وزعتلك صاحب البيت : يا بجاحتك بتشرب من الويسكي بتاعي وقاعد تلعب كوتشينة وعايزني ألاعبك كمان ؟ صحيح اللي اختشوا ماتوا المساعد : طب متقولش ماتوا اللص : براحتك أنا قولت نتسلى كلنا لغاية ما البوليس ييجي بدأ التوتر والشك والفار اللي بيلعب في العب يخش لصاحب البيت من الهدووء القاتل للص وقال : انت مش همك البوليس مش كده انت فاكرني بهزر لما اتصلت بيهم ... أهم جم ( ويوا ويوا ويوا ... دا صوت البوليس طبعاً ) دخلت الشرطة إلى المنزل فقال صاحب البيت : أهم يا باشا الحرامية أنا قفشتهم متلبسين ومعاهم الفلوس اللي سرقوها مني اللص : دا كداب يا باشا إحنا كنا بنلعب قمار إحنا التلاتة وأنا كسبت قام اتنرفز وزعل وهددنا بالمسدس عشان أرجعله الفلوس اللي كسبتها ولما رفضت قال : طب وديني لوديكم في داهية استمع صاحب البيت إلى القصة بارتياع وقال : والنعمة الشريفة يا باشا دول كدابين اللص : بعد إذنك يا فندم أنا بطلب حماية البوليس من الراجل ده وأطلع من هنا تحت حمايتكم نظر الشرطي إلى الغرفة لقى ترابيزة عليها تلات كؤوس ويسكي وتلات مجموعات ورق كوتشينة متوزعة بطريقة بتقول انهم فعلاً كانوا بيلعبوا هما التلاتة فقال : لما تحب تلعب قمار تاني متبقاش تعيط لما تخسر وترفع المسدس على الناس المحترمة... احرسوا البهوات وهما طالعين من هنا المساعد : طب متقولش محترمة قال اللص وهو ماسك شنطة الفلوس ويهم بالخروج : ألف شكر يا باشا بس أنا عندي طلب ، أنا بتهم الراجل ده بالشروع في قتلي وتهديدي بمسدسه مما سبب لي أضرار نفسية وصاحبي الغلبان ده عملها على روحه المساعد : طب متقولش غلبان الشرطي : وهو كذلك وأنا هتهمه بإزعاج السلطات كمان دخل صاحب البيت في بكاء هستيري وهو يقول : يعني مش كفاية سرقوني وطلعوا تحت حماية البوليس بفلوسي لا وهتسجن كمان انتوا اتحدفتوا عليا من أنهي داهية خرج اللص فخوراً بذكاءه في أصعب المواقف فهمس مساعده في إذنه وقال : قشطة هنقسم الفلوس فين يا زعيم؟ اللص : طب متقولش هنقسم |
|
|
|
|
21-03-2008, 01:06 AM
|
#2 |
|
نائبة الإدارة 
|
رد: يا كده الحرامية يا إما بلاش
هههههههههههههههههههههههههههههههههههه
شكرا مصريه على الطرح الحلو سلمت الايادي ننتظر جديدج فلاتطيلي دمتي بخير |
|
|
|
|
21-03-2008, 03:21 AM
|
#3 |
|
مراقبةالضحك والفرفشة
|
مشاركة: يا كده الحرامية يا إما بلاش
هههههههههههههههههه
الف شكر على مرووورك الرائع ده منوره الموضوع |
|
|
|
|
25-03-2008, 02:47 AM
|
#4 |
|
(مراقبة مجلس حلا للصور)
|
رد: يا كده الحرامية يا إما بلاش
ههههههههههههههههههههههههههههه
هذة الحراميه اللي تستحق نقول عليهم حراميه يسرق الكحل من العين هههههههههههههه مصريه 
|
|
|
|
|
02-04-2008, 05:39 PM
|
#5 |
|
موقوف
|
رد: يا كده الحرامية يا إما بلاش
ههههههههههههههههههههههههههه
مشكوره مصريتي |
|
02-04-2008, 07:40 PM
|
#6 |
|
موقوف
|
رد: يا كده الحرامية يا إما بلاش
ههههههههههههههههههههههه
والله حلوة قصة خيالية انا بسمع الكلام ده من الافلام بس شكرا على الطرح |
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
العرض العادي
