ليه الوحدة ؟

[عبده أتاري]

	ليه يا قلبي دايماً ليه دايماً وحيد كدة ليه ؟ بتروح بعيد بخيالك للي انت بتحلم بيه وتفوق تلاقيك غريب في العالم اللي انت فيه لا حبيب يديلك حافز عشان تكمل حياتك ولا صديق تحكيله عن كل اللي في خيالك ولا حتى أهل يساعدوك ويشاركوك في أحزانك لإمتى هاتفضل بعيد عن الأهل وعن الحبايب ؟ دايماً يا قلبي لوحدك في حيرتك وفي عذابك ياترى هاتفضل يا قلبي على طول بعيد عن الناس ؟ ومش هاتلاقي حد يشاركك ولو بلحظة احساس وهاتفقد حبايبك كالعادة ومن بعدهم بقية الناس ومن تاني هاتبقى وحيد وبعيد عن كل الكون مش معاك غير ربنا وكفى بالله معين اختار طريقك يا قلبي يالوحدة والحرمان أو تدخل في وسط الناس وتكون من تاني إنسان حاول يا قلبي تلاقي كل طموحاتي وأحلامي أنا عارفك كويس يا قلبي عمرك ماكنت انهزامي وهاتحاول لأخر لحظة تكون بني ادم تاني نفس شخصيتك وأحلامك لكن أسلوب جديد أنا شايف الناس يا قلبي أهيه جاية من بعيد جاية مدالك ايديها وبتقول لك عمرك ماهاتبقى وحيد

مع تحيات / عبده أتاري

[تك تك مان]

	موضوع حزين اوي ياعبد الرحمن بس متهيقلي ان علي قد مابنقدر بنديك دور الاصدقاء وبنحاول ناخد مكان الاخوات لكن كلو راجع ليك ثق في نفسك وبدأ من جديد تقبل مروري ومشركتك موضوع اخوك محمود

[شمس القوايل]

عبده أتاري


هلا وغلا فيك ويانا في منتديات حلا


اتمنى لك طيب الاقامه وقضاء اوقات مفيده وسعيده ان شاء الله


شكرا على الكلمات الجميله يعطيك العافيه


ننتظر المزيد


تقبل مروري

[عبده أتاري]

شكراً يا صديقي ... وعامة ده بس كان شعر قديم أنا كنت مألفه وكنت حاسس بيه في وقتها , لكن ماتقلقش ده كان احساس قديم .. أنا دلوقتي بخير

[عبده أتاري]

شكراً شمس القوايل ... وأتمنى بس ماكونش ضيف مزعج ليكم .

وأهلاً وسهلاً بيكم

[دينا احمد]

	عبده مشكور اخى الكريم على هذا المجهود فى انتظار القادم الممتع دمت بود وحب