قصص حدثت فعلا

[محمود مارو]

هذه القصص حدثت فعلا ويرويها ويقسم اصحابها على انها حدثت معهم

-------------1--------------

مرة كنت ماشية فى الشارع رايحه المدرسة الصبح قابلتنى واحده عجوزة اوى وكان شكلها يخوف بصراحة وقالت ادينى نص جنية اروح بيه فبصيت لها كده قلت لها انتى فلوسك ضاعت فبصت لى جامد وزعقت لى وقالت لى ملكيش دعوة هتجيبى ولا .. انا بصيت لها كده وماكانش فى حد فى الشارع خفت واديتها الفلوس بس كان موقف

--------------2--------------

الحكاية من الاول كنت راجع مع اصحابى فواحد منهم زى العسل زى السكر في يوم بيهزر معاية فكان فية كلب اطول منى قاعد و الواد بيزقنى علية انا لحقت نفسى على اخر 3سنتمتر الا ربع المهم انا لسة ببص للواد علشان اهزقة لقيت كل العييال بتجرى كل واحد فى ناحية وانا مش فاهم حاجة وفاكرهم بيجرو منى ولسة هجرى وراهم لقيت راس كلب مسكت فى محفظتى

---------------3------------------

موقف حدث لي شخصياً - كنت عايز أشرب عصير - أي عصير- وكنت باسمع عن حاجة في العصير اسمها شاليمو من غير ما أعرف إيه هو الشاليمو، فقلت أتجرأ وأطلب عصير بالشاليمو ، توجهت لأقرب معصرة قصب وسألني الراجل "تحب تشرب عصير إيه" فأجبت بكل جسارة "عصير قصب بالشاليمو واتوصى لو سمحت بالشاليمو"، وفوجئت بعامل المعصرة يعطيني كوب العصير ومعه حزمة من الشفاطاط ( شاليمو ) قائلاً "أدي العصير وأدي الشاليمو مبسوط يا أستاذ"

-----------------4-------------------

من سنتين فاتوا في ايام المدارس كان في واحد معانا في الفصل كان عمل حاجة و ضايق الميس. فالمهم الميس معرفتش تعمل معاة اية فنادت المرشدة الاجتماعية. فجت المرشدة الاجتماعية و هزاتة ادام الفصل كله, و لما اتنرفزت منه راحت مزعقة: "قوم اقف و انتى بتكلمني" فجاة و بصوت واحد راح الفصل اتقلب مغنى و الكل راح يغني اوم اقف و انتى بتكلمني لبهاء سلطان. و متفتكروش ان حاجة زي كدة هتمر من غير عقاب. تاني يوم وقفنا نص ساعة زيادة تحت الشمس بعد طابور الصباح, و كان شكلنا كاننا جايين من مصييف

------------------5---------------------
الموقف ده حصل بجد كنت مع صحبي المهم صحبي ده من ابن ناس في يوم من أيام الاجازه كان واقف معايا كان لابس قميص كحلي مقلم المهم سألته بكام قلي بكل فشخره ومنخيره لفوق 185 طبعا مين أدك يا عم مفيش ربع ساعه ومر ابن بواب أنا أعرفه المهم وقف جنبي المهم ببص كويس على اللبس ابن البواب لقيته لابس نفس القميص باظبط المهم بسأله بكام يا علي 20 جنيه والقميص الي لبسه صحبك عشان بنص كم 15 جنيه طبعا أنا ميت على نفسي من الضحك وكان صحبي واقف بيقنع في ابن البواب أن الي لبسه هو توكيل ويقنع فيا وأنا ميت على نفسي من الضحك مش قادر أمسك نفسي

------------------6----------------------

حكايه قديمه بس طريفه زمان وانا صغير كنت مره واقف علي باب شارعنا واحد طفل كان اصغر مني ندهلي وقالي ممكن تجيبلي الحبل متعلق علي الشباك. رحت عشان اجيبهوله لاقيته ثعبان طويل، رحت جريت بعيد وكان في ناس كبيره في شارع فضلوا يضحكوا وقعدوا يقولو بتجري مش عارف تجيب حبل، قلتلهم ممكن تجيبوه لاقيتهم بيجروا هما كمان فضلت اضحك وقالتلهم خايفين من الحبل برضه

------------------7---------------------
انتوا عارفين ايام زمان و كدة كان محدش بيعرف البيتزات و الحاجات دى ففمرة كنت مع اصحابى و بنتكلم عن الاكل و الكلام دة يعنى فجت سيرة البيتزا فانا بقول "مين اللى داق البيتزا قبل كدة؟" فواحدة بتحب المنظرة قوى قالت "يا سلاااام ده أنا بشرب شوب البيتزا كله لوحدى" و ساعتها اترييقت عليها و سألتها و "بتقدري تخلصية كله لوحدك؟" و مش قدرت امسك نفسى من الضحك وقتها.


---------------------------------

يارب يعجبوكم

[دينا احمد]

	محمود ههههههههههههههههههههههه والله بتحصل كتير بعض المواقف دى مشكور اخى الكريم على هذا المجهود فى انتظار القادم الممتع دمت بود وحب

[شمس القوايل]

محمود

شكرا ع الطرح والقصص الواقعيه

يعطيك العافيه ع المجهود

ننتظر جديدك القادم

ودمت بخير

شمس القوايل

[قمر مصر]

محمود

ههههههههههههههههههههه


مواقف حلووووه

[الخواجه133]

مشكووووووووووور

[الزمالك نازل]

شكرا من الزمالك نازل