|
|
|
|
30-01-2007, 01:32 AM
|
#1 |
|
مراقبةالضحك والفرفشة
 
|
&&&عريــــــــــــــسي طلع حرأأأأأأأأأمـــــــــــــــــي &&&
قصة حقيقية حدثت لصديقة كاتبة الموضوع ..وجدتها ونقلتها .. عل البنات تتعظ وتأخذ حظرها ...
والشباب يتعلم طريقة جديدة لاكل العيش بصوا بأه ..أولا الحكاية دي برضه من فصيلة هم يبكي و هم يضحك ..بس الصراحه يعني الصراحه ..انتوا هتضحكوا عليها اوي..هتشوفوا ..بس بقولكوا ايه بما انها فتاه ركيكة ..قصدي رقيقة رقيقة..و مهيضة الجناح..ههه حلوة مهيضه دي..فبليز بليز ..بلاش تريقة .....وبدأت تحكي الحكاية دي مايعرفهاش أي حد غير انا و ماما ..ماحكيتهاش لأي حد من أصحابي ..يعني ابقوا اتفشخروا قدام كل أصحابكم بالأمتياز ده ...حصريا على بلوجر ..حكاية العريس التاني ل عايزة أتجوز ..إقرا الحادثة ..اقرا الحادثة احمم..مقدمة...عارفين ايه احساس واحده و هي ماشية في الشارع و تحس ان حد معجب بيها..مش معاكسه يعني و كده ..لأ بيبقى فيه كده كيميا زي مابيقولوا الأجانب ..و على فكرة فيه جوازات كتير بتبدأ كده ...واحد يشوف واحده في الشارع..يمشي وراها ..يعرف ساكنة فين و يسأل عليها و يخطبها ..ابن عمي عمل كده و البت لسعته حتت قلم على وشة ..علم على صداغه 3 أيام ..قام هو اتكيف قوي و قال البت دي واضح انها مؤدبة و متربيةوراح خطبها ..آه و النعمة..هي صحيح بعد كده اتضح ان ايديها بتطول عليه في كل المواقف مش في الموقف ده بس ..بس و الله الراجل مبسوط و بيحلف باليوم اللي شافها فيه..و بيلعن أبو ...والا بلاش دي في مقام عمتي برضه المهم أنا يوم نازله من البيت رايحه الشغل..حسيت بكيميا م اللي كنت بقولكم عليها دي ..حسيت ان فيه عين هتخرم قفايا ..اتديرت بسرعه كده في الخباثة لقيتلكم راجل انما ايه ..طول بعرض بارتفاع.ماسك ف ايده شنطة سودا و لابس بدله و كرافته و نضارة شمس....عامل كده زي العيال اللي كانوا بيطلعوا في إعلانات جمعية شباب المستقبل بتاع جمال مبارك "شباب الجيل ..قوام جينا ..هو ..هو" فاكرينهم ؟..المهم الواد كان حليوة و انا قلبي هفهفله أول مالمحته ..استنيت شوية ع المحطه و بعدين جه الميكروباص..ركبت راح راكب ورايا..قلت الشياكه دي كلها هتركب مكروباص ليه يعني..أكيد في الأمر إنا ..و جه كمان قعد جنبي ....يا حلولي يا حلولي..بس كنت خايفه ليعاكس و ساعتها أنا ماعرفش أبويا ..باللي ف رجلي و لايهمني لا شباب المستقبل و لا جمال مبارك ولا حاجه أبدا..بس لاقيته في نص المسافه كده ..بيميل عليا و بيقول باسلوب رزين كده ...لو سمحتي ممكن أسأل حضرتك على حاجه ..وانتوا ماتعرفونيش... باتسطل لما حد يقولي حضرتك ..بس برضه مش سهله يعني..صدرت الوش الخشب و قلتله ..خير بمناسبة ايه ؟...يعني كنت عايز أسأل بس ..هو حضرتك مرتبطه ..واضح انك مش مخطوبة ولا متجوزة مافيش دبل في ايديكي ..بس الإرتباط بأه لازم أتأكد منه من حضرتك ..(حضرتك تاني يا حلولي)..والله الكلام ده مايتقالش في مواصلات و بعدين انا ماعرفكش و مش متعوده أكلم حد ماعرفوش ..طب يعني أنا لو معجب بحضرتك و عندي نيه أتقدم رسمي ..أعمل ايه ..أصلي بصراحه متابعك من مده بس دي أول مرة أتشجع و أحاول أكلمك ..ياحلاوة ياحلاوة متابعني من زمان ..ده واقع بأه..بس برضه على مين ..لازم أثبت ..و الله لو حضرتك متابعني زي مابتقول تبقى عارف بيتي و عارف بابايا ...هو الوحيد اللي ينفع يتكلم في المواضيع دي ..لو سمحت ماتحرجنيش اكتر من كده ..جامده جامده يعني ...الحقيقة انت كده أثبتيلي اني أحسنت الإختيار....ياسلام ياسلام..الله الله ..هو ده الكلام ..لحد كده الأمور كلها صح و مية مية ..صديته آه بس كمان قلتله كلم بابا..سيبتله سكه مفتوحه يعني . الواد بأه التباع راح شاخط فيا في اللحظه دي ..الأجرة يا أبله والا هتركبواببلاش...يابن اللذينا ..دانا عماله أترسم من ساعتها تبعتر كرامتي كده ؟...جيت أمد ايدي جوه الشنطه لقيتلكوا الأخ بأه راح بسرعه مطلع فلوس و محاسبلي ..لأ مايصحش ..لأ بأه اسمحيلي ..أنا لا يمكن أقبل واحده هاتقدملها تدفع و انا موجود ...وجون وجون وجون ..هيتقدملي خلاص أيوة كده هو انا صحيح ماعرفش هو بيشتغل ايه و الا عايش فين والا بيقلد فنانين والا ايه نظامه بس الجواب بيبان من عنوانه. أول ما المكروباص وقف لقيته نزل معايا في نفس المحطه و بصلي و قاللي ..أنا حبيت أنقذك يعني في المكروباص ..واضح قوي انك ماعاكيش فلوس...الدم ضرب في نافوخي..وله انت هتتمنظر عليا والا ايه ؟..واضح ان شنطتك فاضية آخر الشهر بأه يالا وفرتلك أجرة المكروباص تنفعك ..بصتله بذهول كده و قلت له ..مين اللي قالك الكلام الفارغ ده ..انا عمري مامشي بشنطتي فيها أقل من 300 جنيه..قالي باستهزاء كده ..لاااااماصدقش..الدم كان خلاص قرب يطلع من نافوخي زي النافورة..رحت مطلعه كل اللي في المحفظه مورياهولي ..أهه حتى شوف 50-100-200-220 لقيته مد ايده اخد الفلوس..و بصلها كده و عدها و قاللي آه صحيح انتي معاكي فلوس أهه و في لحظه راح مطبقهم و حاطتهم في جيبه ..و قاللي انا هاخليهم معايا بأه سوفينير لحد لما آجيلكم البيت ..ماستوعبتش و قبل ما آخد فرصة أقول كلمه واحده كان راكب ورا واحد على موتوسيكل شكله كده كان ماشي ورا المكروباص و هوا ..فص ملح و داب أختكم بأه واقفه في وسط الشارع هابلااااااااااه ..زي اللي اتدلق عليه جردل مايه مش نضيف..مش عارفه أصوت والا أطلع أجري وراه والا ألطم على وشي ...فضلت واقفه يجي خمس دقايق في الشارع مش عارفه اروح فين والعربيات تقعد تزمرلي و لما تلاقيني مسهمة تقريبا اللي سايقين يقولوا في نفسهم دي يا اما طارشه يا اما مجنونة يا اما م اللي بيبيعوا مناديل ..و الناس تعدي تبصلي... و العيال الصغيرة يشدوا في هدوم أهاليهم ..بابا بابا هي الست دي عامله كده ليه؟ بعد شوية كده لفيت و دخلت المستشفى اللي باشتغل فيها ..و على وشي تعبير كده زي تعبير العمده الآلي بتاع زمان ..دخلت الصيدلية..قعدت ع المكتب ..و فجأه .....انفجرت في العياط ..و العيال زمايلي اتلموا حواليا..مالك ..فيه ايه؟...حد زعلك ..حد كلمك؟ من بين العياط و الشحتفه ما اقدرتش أقولهم غير كلمه واحده ................................................. اتسرقت ههههههههههههههههههههههههههه اتمنى تنال اعجباكم |
|
|
|
|
30-01-2007, 02:04 AM
|
#2 |
|
مراقب الضحك والفرفشة
|
رد: &&&عريــــــــــــــسي طلع حرأأأأأأأأأمـــــــــــــــــي &&&
&& مصـــــــريه&&
ههههههههههههههههههههههههههههههههههه ههههههههههههههههههههههههههههههههه ههههههههههههههههههههههههههههههه وربى حــــــــــــكايه مضحكه جدا....  مجهود قـــوى منك تسلم اديكى... يارب يالى فى بالى يحصل معاكى كده  (((( هى عرفه نفسها)))) بس انا عندى ســــؤال,,, انتى عايزة تقنعينى انه فيه بنات طيبين كـــده..  لا اظن انا.... تقبلى مرورى المتواضع.. . . . . . . . . . كنـــــــــــافه |
|
30-01-2007, 02:12 AM
|
#3 |
|
(حلا متميز)
|
رد: &&&عريــــــــــــــسي طلع حرأأأأأأأأأمـــــــــــــــــي &&&
ههههههههههههههههههههههه
احسن يعنى هيا لازم تتفشخر وتترسم هما كدة السخالى يبقا الوحدة فيهم الخمسة بقرش منهم وتلقيها اخر فشخرة لما الواحد يكلمها كلمه وحدة عقبالك انتى كمان هههههههههههههه \بس حلوة يا مصريه قصه جميلة وتعيش وتاخد غيرها |
|
|
|
|
30-01-2007, 02:39 AM
|
#4 |
|
مراقبةالضحك والفرفشة
|
مشاركة: &&&عريــــــــــــــسي طلع حرأأأأأأأأأمـــــــــــــــــي &&&
ههههههههههههههههههههه
لا مفيش كلهم عياااااااااااااال جامده وبيبهدلو الشباااب وراهم والعينه بينه ههههههههههههههههههههههههههههههههههههههههه يسلمو لمروووركم الغالي عليا اوي |
|
|
|
|
30-01-2007, 03:31 AM
|
#5 |
|
(حلا متميز)
 
|
رد: &&&عريــــــــــــــسي طلع حرأأأأأأأأأمـــــــــــــــــي &&&
هههههههههههه
ههههههههههههههه هههههههههه يسلمو حلوة تجنن تحياتي دمعة احزان |
|
|
|
|
31-01-2007, 08:20 PM
|
#6 |
|
مراقبةالضحك والفرفشة
|
مشاركة: &&&عريــــــــــــــسي طلع حرأأأأأأأأأمـــــــــــــــــي &&&
هههههههههههههه
يسلمو للمرووور الجميل اوي |
|
|
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
العرض العادي
