انواع مشيات الشباب

[الاسيرة]

,,,,,,,,,,,انواع مشيات الشباب,,,,,,,,,

السلام عليكم
انواع مشيات الشباب

الأول::
تلاقي الواحد ماشي وفاتح حلجه ليش ما ادري الظاهر انه يستمد طاقته من استنشاق الهوا أو يمكن له مأرب اخر لا أعرفه .

الثاني ::
مشيه الولد اللي يمشي وهو مكتف يدينه تحس من مشيته انه ما يبي يتدخل في شوؤنالغير وماله شغل بالعالم

الثالث::
الولد اللي يمشي وحاط يده على خصره ماادري شنو يبي ؟يعني كأنه بينط في رقبه أي واحد وبيعطي ذاك االمخمس المحترم نصيحه اذا شفتوا واحد جذي يمشي لاتمشون جدامه ولا جنبه بس امشوا وراه واذا عندك هوشه تراه للفزعه وطولة اللسان

الرابع::
اللي يمشي وناسي ايدينه يتبعون له يعني جسمه في كوكب ويدينه في كوكب ثاني

الخامس::
الولد الرقاص يعني اللي يرقص في مشيته ما ادري سبحان الله ربي عطاه الهز الطبيعي مندون ادنى ضرب على الطاوله يقوم يرقص على باله الحفله بدت

السادس::
الولداللي طول ماهو ماشي محتضن دفاتره وكتبه تقول هذا يحضر ماجستير...(ارفق بعمرك ترى العمر يخلص والدراسه ماتخلص )

السابع::
اللي يمشي ويسولف وايدينه تسولف معاهحتى العالم كله يدرون انه راح المكان الفلاني امس بصراحه عيوني تحول من كثر ما طالع يدينه وهي تروح يمين وشمال

الثامن::
الولد اللي يمشي وكأنه يعد شي في الارض طول ماهو ماشي وراسة في الارض حتى لو شفتيه ماعرفته لان ما شفت ملامحه مادري كل هاذا مستحي يعني؟...


انت اي نوع فيهم !!
وسلامتـــــــــكم

واللي عنده مشيه جديده يقولها...